This document is an excerpt from the EUR-Lex website
Document 32015R1298
Commission Regulation (EU) 2015/1298 of 28 July 2015 amending Annexes II and VI to Regulation (EC) No 1223/2009 of the European Parliament and of the Council on cosmetic products (Text with EEA relevance)
Regolament tal-Kummissjoni (UE) 2015/1298 tat-28 ta' Lulju 2015 li jemenda l-Annessi II u VI tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
Regolament tal-Kummissjoni (UE) 2015/1298 tat-28 ta' Lulju 2015 li jemenda l-Annessi II u VI tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
ĠU L 199, 29.7.2015, p. 22–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 28/07/2015; Data ta' adozzjoni
- Date of effect:
- 18/08/2015; Dħul fis-seħħ Data tal-pubblikazzjoni +20 Ara Art. 3
- Date of effect:
- 18/02/2016; Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32009R1223 - A31P1
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32009R1223 Tlestija anness II Test 18/08/2015 Modifies 32009R1223 Tħassir anness VI Test 18/08/2015 - Instruments cited:
- Link
- EUROVOC descriptor:
- Subject matter:
- Directory code:
|
29.7.2015 |
MT |
Il-Ġurnal Uffiċjali tal-Unjoni Ewropea |
L 199/22 |
REGOLAMENT TAL-KUMMISSJONI (UE) 2015/1298
tat-28 ta' Lulju 2015
li jemenda l-Annessi II u VI tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tal-30 ta' Novembru 2009 dwar il-prodotti kożmetiċi (1), b'mod partikolari l-Artikolu 31(1) tiegħu,
Wara li kkonsultat mal-Kumitat Xjentifiku dwar is-Sikurezza tal-Konsumatur,
Billi:
|
(1) |
Bħalissa t-3 benżilidenganfra huwa awtorizzat għall-użu fi prodotti kożmetiċi bħala filtru tal-UV f'konċentrazzjoni sa massimu ta' 2,0 %. Dan hu mniżżel taħt in-numru ta' referenza 19 tal-Anness VI tar-Regolament (KE) Nru 1223/2009. |
|
(2) |
Fl-opinjoni tiegħu tat-18 ta' Ġunju 2013, il-Kumitat Xjentifiku dwar is-Sikurezza tal-Konsumatur (SCCS) (2) ikkonkluda li, minħabba marġinu ta' sikurezza taħt il-100, l-użu tal-3-benżilidenganfra bħala filtru tal-UV fi prodotti kożmetiċi f'konċentrazzjoni sa 2,0 % huwa meqjus perikoluż. |
|
(3) |
Sabiex tiġi żgurata s-sikurezza tal-prodotti għall-ħarsien mix-xemx għas-saħħa umana huwa neċessarju li jitneħħa it-3-benżilidenganfra mil-lista ta' filtri tal-UV permessi fi prodotti kożmetiċi kif stabbilit fl-Anness VI tar-Regolament (KE) Nru 1223/2009. |
|
(4) |
Peress li t-3-benżilidenganfra huwa magħruf mhux biss bħala filtru tal-UV imma anke bħala assorbent tal-UV, l-użu tiegħu għandu jiġi pprojbit mill-użu fi prodotti kożmetiċi. |
|
(5) |
Għalhekk l-Annessi II u VI għar-Regolament (KE) Nru 1223/2009 għandhom jiġu emendati skont dan. |
|
(6) |
L-applikazzjoni ta' dik ir-restrizzjoni għandha tiġi ddifferita biex l-industrija tkun tista' tagħmel l-aġġustamenti meħtieġa fil-formulazzjonijiet tal-prodott. B'mod partikolari, l-impriżi għandhom jingħataw sitt xhur biex iqiegħdu fis-suq prodotti li jkunu konformi, sabiex jirtiraw prodotti mhux konformi mis-suq wara d-dħul fis-seħħ ta' dan ir-Regolament. |
|
(7) |
Il-miżuri stipulati f'dan ir-Regolament huma skont l-opinjoni tal- Kumitat Permanenti dwar il-Prodotti Kożmetiċi, |
ADOTTA DAN IR-REGOLAMENT:
Artikolu 1
L-Annessi II u VI tar-Regolament (KE) Nru 1223/2009 huma emendati skont l-Anness ta' dan ir-Regolament.
Artikolu 2
Mit-18 ta' Frar 2016 għandhom jitqiegħdu fis-suq tal-Unjoni u jsiru disponibbli fih biss dawk il-prodotti kożmetiċi li jikkonformaw ma' dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Lulju 2015.
Għall-Kummissjoni
Il-President
Jean-Claude JUNCKER
(1) ĠU L 342, 22.12.2009, p. 59.
(2) Id-Deċiżjoni tal-Kummissjoni 2008/721/KE tal-5 ta' Awwissu 2008 li twaqqaf Struttura Konsultattiva ta' Kumitati Xjentifiċi u esperti fil-qasam tas-sigurtà tal-konsumatur, is-saħħa pubblika u l-ambjent u li tirrevoka d-Deċiżjoni 2004/210/KE (ĠU L 241, 10.9.2008, p. 21).
ANNESS
Ir-Regolament (UE) Nru 1223/2009 huwa emendat kif ġej:
|
(1) |
Fl-Anness II għandha tiżdied din l-annotazzjoni:
|
|
(2) |
Fl-Anness VI, l-annotazzjoni bin-numru ta' referenza 19 hija mħassra. |
