EUR-Lex Access to European Union law
This document is an excerpt from the EUR-Lex website
Document 32015L2087
Commission Directive (EU) 2015/2087 of 18 November 2015 amending Annex II to Directive 2000/59/EC of the European Parliament and the Council on port reception facilities for ship-generated waste and cargo residues (Text with EEA relevance)
Direttiva tal-Kummissjoni (UE) 2015/2087 tat-18 ta' Novembru 2015 li temenda l-Anness II tad-Direttiva 2000/59/KE tal-Parlament Ewropew u tal-Kunsill dwar il-faċilitajiet tal-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija (Test b'rilevanza għaż-ŻEE)
Direttiva tal-Kummissjoni (UE) 2015/2087 tat-18 ta' Novembru 2015 li temenda l-Anness II tad-Direttiva 2000/59/KE tal-Parlament Ewropew u tal-Kunsill dwar il-faċilitajiet tal-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija (Test b'rilevanza għaż-ŻEE)
ĠU L 302, 19.11.2015, p. 99–102
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/06/2019; Impliċitament imħassar minn 32019L0883
- Date of document:
- 18/11/2015; Data ta' adozzjoni
- Date of effect:
- 09/12/2015; Dħul fis-seħħ Data tal-pubblikazzjoni +20 Ara Art. 2
- Date of transposition:
- 09/12/2016; L-aktar tard Ara Art. 2.1
- Date of end of validity:
- 26/06/2019; Impliċitament imħassar minn 32019L0883
- Author:
- Il-Kummissjoni Ewropea
- Responsible body:
- Directorate-General for Mobility and Transport
- Form:
- Direttiva
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32000L0059 - A15
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32000L0059 Sostituzzjoni anness II 09/12/2015
No data available in the table
- Modified by:
-
Relation Act Comment Subdivision concerned From To Corrected by 32015L2087R(01) (DA) Implicitly repealed by 32019L0883 27/06/2019 - Instruments cited:
- Link
- EUROVOC descriptor:
- Subject matter:
- Directory code:
|
19.11.2015 |
MT |
Il-Ġurnal Uffiċjali tal-Unjoni Ewropea |
L 302/99 |
DIRETTIVA TAL-KUMMISSJONI (UE) 2015/2087
tat-18 ta' Novembru 2015
li temenda l-Anness II tad-Direttiva 2000/59/KE tal-Parlament Ewropew u tal-Kunsill dwar il-faċilitajiet tal-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2000/59/KE tal-Parlament Ewropew u tal-Kunsill tas-27 ta' Novembru 2000 dwar il-faċilitajiet tal-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija (1), u partikolarment l-Artikolu 15 tagħha,
Billi:
|
(1) |
Fil-15 ta' Lulju 2011 l-Organizzazzjoni Marittima Internazzjonali (OMI) adottat ir-Riżoluzzjoni MEPC.201(62) li temenda l-Anness V tal-Konvenzjoni MARPOL dwar il-prevenzjoni tat-tniġġis mill-iskart mill-bastimenti, billi introduċiet kategorizzazzjoni ġdida u aktar dettaljata tal-iskart (2). L-Anness V emendat tal-Konvenzjoni tal-MARPOL daħal fis-seħħ fl-1 ta' Jannar 2013. |
|
(2) |
Din il-kategorizzazzjoni ġdida tal-iskart hija riflessa fiċ-Ċirkulari MEPC.1/Circ.644/Rev.1 tal-OMI, li tipprovdi format standard ta' formula għan-notifika avvanzata għat-twassil ta' skart fil-faċilitajiet ta' akkoljenza fil-portijiet (3), kif ukoll fiċ-Ċirkulari MEPC.1/Circ.645/Rev.1 tal-OMI, li tipprovdi format standard ta' formula tal-irċevuta tat-twassil ta' skart wara l-użu minn bastiment tal-faċilitajiet ta' akkoljenza fil-portijiet (4). |
|
(3) |
Fl-interess tal-konsistenza mal-miżuri tal-OMI u sabiex tiġi evitata l-inċertezza fost l-utenti u l-awtoritajiet tal-portijiet, it-tabella inkluża fl-Anness II tad-Direttiva 2000/59/KE, li tinkludi t-tipi u l-ammonti differenti ta' skart u l-fdalijiet mill-merkanzija li jridu jiġu kkonsenjati jew miżmuma abbord, għandha tiġi adattata għall-kategorizzazzjoni l-ġdida tal-iskart tal-Anness V emendat tal-Konvenzjoni MARPOL. |
|
(4) |
Barra minn hekk, sabiex tittejjeb is-sistema stabbilita bid-Direttiva 2000/59/KE, li għandha l-għan li tnaqqas ir-rilaxxi ta' skart iġġenerat mill-bastimenti u fdalijiet tal-merkanzija fil-baħar, fit-tabella tal-Anness II għandha tiġi inkluża informazzjoni dwar it-tipi u l-kwantitajiet ta' skart iġġenerat mill-bastimenti li realment jitwassal fil-faċilitajiet ta' akkoljenza fl-aħħar port ta' konsenja. |
|
(5) |
Id-dejta preċiża dwar it-tipi u l-ammonti ta' skart iġġenerat mill-bastimenti u l-fdalijiet mill-merkanzija kkonsenjati minn bastiment fl-aħħar port hija essenzjali għall-kalkolu eżatt tal-kapaċità suffiċjenti ta' ħażna ddedikata abbord dak il-bastiment. Il-kalkolu ta' kapaċità suffiċjenti ta' ħażna huwa prerekwiżit biex il-bastiment jitħalla jipproċedi lejn il-port sussegwenti mingħajr ma jkun ikkonsenja l-iskart tiegħu ġġenerat mill-bastiment, kif ukoll għall-għażla tajba tal-bastimenti li se jkunu jiġu spezzjonati. Spezzjonijiet immirati aħjar se jikkontribwixxu għall-operazzjoni effettiva tat-traffiku marittimu, billi jitnaqqas il-ħin li bastiment jagħmel fil-port. |
|
(6) |
Din l-informazzjoni tista' tkun disponibbli mill-irċevuti tal-iskart maħruġa abbażi taċ-Ċirkulari MEPC.1/Circ.645/Rev.1 tal-OMI, li tirrakkomanda il-format standard tal-irċevuta tat-twassil tal-iskart, jew tipi oħra ta' irċevuti maħruġa lill-kaptan tal-bastiment hekk kif jitwassal l-iskart. L-ammonti u t-tipi ta' skart indikati fl-irċevuta tal-iskart jew kif iddikkjarati mill-kaptan tal-bastiment mal-wasla f'każ li li ma tkunx tista' tinkiseb irċevuta tal-iskart ġeneralment huma aktar preċiżi minn dawk disponibbli mill-formula tan-notifika tal-iskart, peress li għandhom jirriflettu s-sitwazzjoni reali wara t-twassil u għaldaqstant jagħtu aktar affidabbiltà fil-proċess tat-teħid tad-deċiżjonijiet. Il-kaptan tal-bastiment jirreġistra tali informazzjoni dwar it-twassil fir-Reġistru tal-Iskart kif rikjest mill-Konvenzjoni MARPOL. |
|
(7) |
Il-ġbir sistematiku ta' dejta preċiża dwar it-twassil tal-iskart jippermetti wkoll analiżi statistika aħjar tax-xejriet tal-flussi tal-iskart fil-portijiet u jħaffef l-istabbiliment tas-sistema ta' informazzjoni u ta' monitoraġġ prevista fl-Artikolu 12(3) tad-Direttiva 2000/59/KE. Il-monitoraġġ u l-iskambju ta' tali informazzjoni, inkluż in-notifika dwar l-iskart elettroniku żviluppata skont id-Direttiva 2010/65/UE tal-Parlament Ewropew u tal-Kunsill (5), bħalissa huma appoġġati mis-sistema ta' skambju ta' informazzjoni marittima tal-Unjoni (SafeSeaNet), stabbilita bid-Direttiva 2002/59/KE tal-Parlament Ewropew u tal-Kunsill (6), li għandha tintrabat ma' modulu ta' rappurtar fil-bażi tad-dejta tal-Kontroll mill-Istat tal-Port (7) stabbilita skont id-Direttiva 2009/16/KE tal-Parlament Ewropew u tal-Kunsill (8). |
|
(8) |
L-Anness II tad-Direttiva 2000/59/KE għandu jiġi emendat biex jinkludi l-informazzjoni dwar il-konsenja tal-iskart fil-port preċedenti u biex jinkorpora l-kategorizzazzjoni l-ġdida tal-iskart introdotta bl-Anness V emendat tal-MARPOL. |
|
(9) |
Il-miżuri stipulati f'din id-Direttiva huma konformi mal-opinjoni tal-Kumitat dwar l-Ibħra Protetti u l-Prevenzjoni ta' Tniġġis minn Bastimenti, |
ADOTTAT DIN ID-DIRETTIVA:
Artikolu 1
L-Anness ta' din id-Direttiva jieħu post l-Anness II tad-Direttiva 2000/59/KE.
Artikolu 2
1. L-Istati Membri għandhom jadottaw u jippubblikaw, sa mhux iktar tard mid-9 ta' Diċembru 2016, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Għandhom jikkomunikaw it-test ta' dawk id-dispożizzjonijiet lill-Kummissjoni minnufih.
Meta l-Istati Membri jadottaw dawk id-dispożizzjonijiet, dawn għandu jkollhom referenza għal din id-Direttiva jew ikunu akkumpanjati minn tali referenza mill-waqt tal-pubblikazzjoni uffiċjali tagħhom. L-Istati Membri jiddeterminaw kif issir referenza bħal din.
2. L-Istati Membri jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-18 ta' Novembru 2015.
Għall-Kummissjoni
Il-President
Jean-Claude JUNCKER
(1) ĠU L 332, 28.12.2000, p. 81.
(2) Ir-riżoluzzjoni MEPC.201(62) adottata fil-15 ta' Lulju 2011, l-Emendi tal-Anness tal-Protokoll tal-1978 b'rabta mal-Konvenzjoni Internazzjonali għall-Prevenzjoni tat-Tniġġis mill-Bastimenti tal-1973
(3) MEPC.1/Circ.644/Rev.1, l-1 ta' Lulju 2013
(4) MEPC.1/Circ.645/Rev.1, l-1 ta' Lulju 2013
(5) Id-Direttiva 2010/65/UE tal-Parlament Ewropew u tal-Kunsill tal-20 ta' Ottubru 2010 dwar il-formalitajiet ta' rappurtar għal bastimenti li jaslu fi u/jew jitilqu minn portijiet tal-Istati Membri (ĠU L 283, 29.10.2010, p. 1).
(6) Id-Direttiva 2002/59/KE tal-Parlament Ewropew u tal-Kunsill tas-27 ta' Ġunju 2002 li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità u li tħassar id-Direttiva tal-Kunsill 93/75/KEE (ĠU L 208, 5.8.2002, p. 10).
(7) Il-bażi tad-dejta żviluppata u mħaddma mill-Aġenzija Ewropea għas-Sikurezza Marittima.
(8) Id-Direttiva 2009/16/KE tal-Parlament Ewropew u tal-Kunsill tat-23 ta' April 2009 dwar il-kontroll tal-Istat tal-Port (ĠU L 131, 28.5.2009, p. 57).
ANNESS
“ANNESS II
INFORMAZZJONI LI GĦANDHA TIĠI NNOTIFIKATA QABEL ID-DĦUL FIL-PORT TA' …
(Port tad-destinazzjoni kif imsemmi fl-Artikolu 6 tad-Direttiva 2000/59/KE)
|
1. |
L-isem, is-sinjal tas-sejħa u, meta meħtieġ, in-numru ta' identifikazzjoni OMI tal-bastiment: |
|
2. |
L-Istat tal-Bandiera: |
|
3. |
Il-ħin stmat tal-wasla (ETA): |
|
4. |
Il-ħin stmat tat-tluq (ETD): |
|
5. |
Il-port ta' żjara preċedenti: |
|
6. |
Il-port ta' żjara sussegwenti: |
|
7. |
L-aħħar port u d-data meta twassal skart iġġenerat mill-bastiment, inklużi l-kwantitajiet (f'm3) u t-tipi ta' skart li twasslu: |
|
8. |
Int qiegħed twassal: (immarka l-kaxxa t-tajba):
f'faċilitajiet tal-akkoljenza fil-port? |
|
9. |
Tip u ammont ta' skart u fdalijiet li se jitwasslu u/jew li se jibqgħu abbord, u l-perċentwali tal-kapaċità massima ta' ħażna: |
Jekk se twassal l-iskart kollu, imla t-tieni u l-aħħar kolonna. Jekk se twassal parti mill-iskart jew l-ebda parti mill-iskart, imla l-kolonni kollha.
|
Tip |
Skart għat-twassil (m3) |
Kapaċità ta' ħażna massima dedikata (m3) |
Ammont ta' skart li nżamm abbord (m3) |
Port fejn se jitwassal l-iskart li fadal |
Ammont stmat ta' skart iġġenerat bejn in-notifika u l-port ta' żjara sussegwenti (m3) |
Skart li jkun wasal fl-aħħar port tat-twassil identifikat taħt il-punt 7 hawn fuq (m3) |
|
Żjut għar-rimi |
||||||
|
Ilma żejtni tas-sentina |
|
|
|
|
|
|
|
Fdalijiet żejtnin (ħama) |
|
|
|
|
|
|
|
Oħrajn (speċifika) |
|
|
|
|
|
|
|
Drenaġġ (1) |
|
|
|
|
|
|
|
Skart |
||||||
|
Plastiks |
|
|
|
|
|
|
|
Skart tal-ikel |
|
|
|
|
|
|
|
Skart domestiku (pereżempju prodotti tal-karta, ċraret, ħġieġ, metall, fliexken, kina u ċaqquf, eċċ.) |
|
|
|
|
|
|
|
Żejt tat-tisjir |
|
|
|
|
|
|
|
Irmied tal-inċinerazzjoni |
|
|
|
|
|
|
|
Skart operattiv |
|
|
|
|
|
|
|
Karkass(a/i) tal-annimali |
|
|
|
|
|
|
|
|
|
|
|
|
|
|
Noti
|
1. |
Din l-informazzjoni tista' tintuża għall-kontroll mill-Istat tal-portijiet u għal skopijiet oħrajn ta' spezzjoni. |
|
2. |
L-Istati Membri se jiddeterminaw liema korpi se jirċievu kopji ta' din in-notifika. |
|
3. |
Din il-formola għandha timtela sakemm il-bastiment ma jkunx kopert b'eżenzjoni skont l-Artikolu 9 tad-Direttiva 2000/59/KE. |
Nikkonferma li:
|
— |
id-dettalji ta' hawn fuq huma preċiżi u tajbin u |
|
— |
li abbord hemm biżżejjed kapaċità ddedikata biex jinħażen l-iskart kollu ġġenerat minn meta ssir in-notifika sal-wasla fil-port sussegwenti li fih se jitwassal l-iskart. |
Data …
Ħin …
Firma”
(1) Id-drenaġġ jista' jintrema fil-baħar f'konformità mal-Anness IV tar-Regolament 11 tal-Marpol. Ma hemmx il-ħtieġa li l-kaxxi korrispondenti jimtlew jekk il-ħsieb huwa li jsir rimi awtorizzat fil-baħar.
(2) Jistgħu jkunu stimi.
(3) Fdalijiet mill-merkanzija għandhom jiġu speċifikati u kkategorizzati skont l-Annessi rilevanti tal-Marpol, b'mod partikolari l-Annessi I, II u V tal-Marpol.
