EUR-Lex Access to European Union law
This document is an excerpt from the EUR-Lex website
Document 32013R0088
Commission Implementing Regulation (EU) No 88/2013 of 31 January 2013 amending Decision 2007/777/EC and Regulation (EC) No 798/2008 as regards the entries for Ukraine in the lists of third countries from which certain meat, meat products, eggs and egg products may be introduced into the Union Text with EEA relevance
Regolament ta’ Implimentazzjoni tal-Kummissjoni (UE) Nru 88/2013 tal- 31 ta’ Jannar 2013 li jemenda d-Deċiżjoni 2007/777/KE u r-Regolament (KE) Nru 798/2008 fir-rigward tal-annotazzjonijiet tal-Ukraina fil-listi tal-pajjiżi terzi li minnhom ċerti laħam, prodotti tal-laħam, bajd u prodotti tal-bajd jistgħu jiġu introdotti fl-Unjoni Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 88/2013 tal- 31 ta’ Jannar 2013 li jemenda d-Deċiżjoni 2007/777/KE u r-Regolament (KE) Nru 798/2008 fir-rigward tal-annotazzjonijiet tal-Ukraina fil-listi tal-pajjiżi terzi li minnhom ċerti laħam, prodotti tal-laħam, bajd u prodotti tal-bajd jistgħu jiġu introdotti fl-Unjoni Test b’relevanza għaż-ŻEE
ĠU L 32, 1.2.2013, p. 8–10
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 20/04/2021; Impliċitament imħassar minn 32020R0692
Relation | Act | Comment | Subdivision concerned | From | To |
---|---|---|---|---|---|
Modifies | 32007D0777 | Emenda | anness II P. 2 | 21/02/2013 | |
Modifies | 32008R0798 | Emenda | anness I P. 1 | 21/02/2013 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32020R0692 | 21/04/2021 |
1.2.2013 |
MT |
Il-Ġurnal Uffiċjali tal-Unjoni Ewropea |
L 32/8 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 88/2013
tal-31 ta’ Jannar 2013
li jemenda d-Deċiżjoni 2007/777/KE u r-Regolament (KE) Nru 798/2008 fir-rigward tal-annotazzjonijiet tal-Ukraina fil-listi tal-pajjiżi terzi li minnhom ċerti laħam, prodotti tal-laħam, bajd u prodotti tal-bajd jistgħu jiġu introdotti fl-Unjoni
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b’mod partikolari l-frażi introduttorja tal-Artikolu 8, l-ewwel subparagrafu tal-punt 1 tal-Artikolu 8 u l-punt 4 tal-Artikolu 8 tagħha,
Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jistipula regoli speċifiċi għall-organizzazzjoni ta’ kontrolli uffiċjali fuq prodotti li joriġinaw mill-annimali maħsuba għall-konsum uman (2), u b’mod partikolari l-Artikolu 11(1) tiegħu,
Billi:
(1) |
Id-Deċiżjoni tal-Kummissjoni 2007/777/KE tad-29 ta’ Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta’ ċerti prodotti tal-laħam u tal-stonku, il-bżieżaq tal-awrina u l-imsaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (3), tistabbilixxi regoli għall-importazzjonijiet lejn l-Unjoni u t-tranżitu u l-ħażna fl-Unjoni ta’ kunsinni ta’ prodotti tal-laħam u ta’ kunsinni ta’ stonkijiet, bżieżaq tal-awrina u msaren trattati, kif definit fir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (4). |
(2) |
Il-Parti 2 tal-Anness II tad-Deċiżjoni 2007/777/KE tistabbilixxi l-lista tal-pajjiżi terzi jew partijiet minnhom, minn fejn hija awtorizzata fl-Unjoni l-introduzzjoni ta’ prodotti tal-laħam u stonkijiet, bżieżaq tal-awrina u msaren trattati, sakemm dawn il-komoditajiet ikunu f’konformità mat-trattament msemmi f’dik il-lista. Fejn il-pajjiżi terzi jiġu reġjonalizzati biex jiġu inklużi f’dik il-lista, it-territorji reġjonalizzati tagħhom jiġu inklużi fil-Parti 1 ta’ dak l-Anness. |
(3) |
Il-Parti 4 tal-Anness II tad-Deċiżjoni 2007/777/KE tistabbilixxi t-trattamenti msemmija fil-Parti 2 ta’ dak l-Anness, filwaqt li tassenja kodiċi lil kull wieħed minn dawk it-trattamenti. Dik il-Parti tistabbilixxi trattament mhux speċifiku “A” u trattamenti speċifiċi minn “B” sa “F”, imniżżlin mill-aktar wieħed sever għall-inqas wieħed. |
(4) |
Ir-Regolament tal-Kummissjoni (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (5), jistipula li ċerti prodotti għandhom jiġu importati biss lejn u jgħaddu mill-Unjoni meta ġejjin minn pajjiżi terzi, territorji, żoni jew kompartimenti elenkati fit-tabella tal-Parti 1 tal-Anness I tiegħu. Dan jistipula wkoll ir-rekwiżiti ta’ ċertfikazzjoni veterinarja għal dawn il-kommoditajiet. |
(5) |
L-Ukraina attwalment mhix elenkata fil-Parti 2 tal-Anness II tad-Deċiżjoni 2007/777/KE kif inhu awtorizzat għall-introduzzjoni fl-Unjoni ta’ prodotti tal-laħam u tal-istonkijiet, il-bżieżaq tal-awrina u l-imsaren ittrattati minn tjur, tjur tal-kaċċa mrobbija fl-irziezet, għasafar li ma jtirux mrobbija fl-irziezet u għasafar tal-kaċċa selvaġġi. Barra minn hekk, l-Ukraina mhix elenkata fil-Parti 1 tal-Anness I tar-Regolament (KE) Nru 798/2008. |
(6) |
L-Ukraina talbet lill-Kummissjoni biex tkun awtorizzata tagħmel importazzjonijiet lejn l-Unjoni ta’ prodotti tal-laħam u tal-istonkijiet, il-bżieżaq tal-awrina u l-imsaren ittrattati ta’ tjur, tjur tal-kaċċa mrobbija, għasafar li ma jtirux imrobbija fl-irziezet u għasafar tal-kaċċa selvaġġi li jkunu ġew soġġetti għal trattament mhux speċifiku “A”, skont il-Parti 4 tal-Anness II tad-Deċiżjoni 2007/777/KE. Barra minn hekk, l-Ukraina talbet lill-Kummissjoni biex tkun awtorizzata tagħmel importazzjonijiet lejn l-Unjoni ta’ laħam tat-tjur, għasafar li ma jtirux imrobbija fl-irziezet għall-konsum mill-bniedem u għasafar tal-kaċċa selvaġġi, bajd u prodotti tal-bajd. |
(7) |
Esperti tal-Kummissjoni wettqu diversi verifiki fl-Ukraina. Dawk il-verifiki urew li l-awtorità veterinarja kompetenti ta’ dan il-pajjiż terz tipprovdi garanziji xierqa rigward il-konformità mar-regoli tal-Unjoni għall-importazzjoni lejn l-Unjoni ta’ prodotti tal-laħam u tal-istonkijiet, il-bżieżaq tal-awrina u l-imsaren ittrattati tat-tjur, tjur tal-kaċċa, għasafar li ma jtirux u għasafar tal-kaċċa selvaġġi mrobbija fl-irziezet, tal-laħam tat-tjur, għasafar li ma jtirux imrobbija fl-irziezet għall-konsum mill-bniedem u għasafar tal-kaċċa selvaġġi u tal-bajd u tal-prodotti tal-bajd. Huwa għalhekk xieraq li tiġi emendata l-Parti 2 tal-Anness II tad-Deċiżjoni 2007/777/KE u l-Parti 1 tal-Anness I tar-Regolament (KE) Nru 798/2008 sabiex jiġu awtorizzati l-importazzjonijiet fl-Unjoni ta’ dawn il-prodotti. |
(8) |
Barra minn hekk, l-Ukraina pprovdiet garanziji xierqa tas-saħħa tal-annimali rigward il-konformità mar-regoli tal-Unjoni dwar l-importazzjoni tal-bajd u ppreżentat programm ta’ kontroll nazzjonali għas-Salmonella kif previst fir-Regolament (KE) Nru 2160/2003 tal-Parlament Ewropew u tal-Kunsill tas-17 ta’ Novembru 2003 dwar il-kontroll tas-salmonella u aġenti żoonotiċi oħra speċifikati li jkun hemm fl-ikel (6). Madankollu, l-approvazzjoni ta’ dak il-programm ma ġietx iffinalizzata. Għalhekk, importazzjonijiet tal-bajd tal-Gallus gallus mill-Ukraina biss huma permessi kif indikat skont “S4” fil-Parti 2 tal-Anness I għar-Regolament (KE) Nru 798/2008. |
(9) |
Id-Deċiżjoni 2007/777/KE u r-Regolament (KE) Nru 798/2008 għandhom għalhekk jiġu emendati kif xieraq. |
(10) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness II tad-Deċiżjoni 2007/777/KE huwa emendat skont l-Anness I ta’ dan ir-Regolament.
Artikolu 2
L-Anness I tar-Regolament (KE) Nru 798/2008 huwa emendat skont l-Anness II ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-31 ta’ Jannar 2013.
Għall-Kummissjoni
Il-President
José Manuel BARROSO
(1) ĠU L 18, 23.1.2003, p. 11.
(2) ĠU L 139, 30.4.2004, p. 206.
(3) ĠU L 312, 30.11.2007, p. 49.
(4) ĠU L 139, 30.4.2004, p. 55.
(5) ĠU L 226, 23.8.2008, p. 1.
(6) ĠU L 325, 12.12.2003, p. 1.
ANNESS I
Fil-Parti 2 tal-Anness II tad-Deċiżjoni 2007/777/KE, l-annotazzjoni għall-Ukraina tinbidel b’dan li ġej:
“UA |
L-Ukraina |
XXX |
XXX |
XXX |
XXX |
A |
A |
A |
XXX |
XXX |
XXX |
A |
A |
XXX” |
ANNESS II
Fil-Parti 1 tal-Anness I tar-Regolament (KE) Nru 798/2008, l-annotazzjoni li ġejja għall-Ukraina tiddaħħal bejn l-annotazzjoni għat-Turkija u l-annotazzjoni għall-Istati Uniti:
“UA — L-Ukraina |
UA-0 |
Il-pajjiż kollu |
E, EP, POU, RAT, WGM |
|
|
|
|
|
|
S4” |