Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013D0760

    Deċiżjoni tal-Kunsill 2013/760/PESK tat- 13 ta' Diċembru 2013 li temenda d-Deċiżjoni 2013/255/PESK dwar miżuri restrittivi kontra s-Sirja

    ĠU L 335, 14.12.2013, p. 50–51 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force: This act has been changed. Current consolidated version: 14/12/2013

    ELI: http://data.europa.eu/eli/dec/2013/760/oj

    Date of document:
    13/12/2013
    Date of effect:
    14/12/2013; Dħul fis-seħħ Data tal-pubblikazzjoni Ara Art. 2
    Date of end of validity:
    01/06/2025; Marbuta ma’ 32013D0255
    Author:
    Il-Kunsill tal-Unjoni Ewropea
    Form:
    Deċiżjoni
    Treaty:
    Trattat dwar l−Unjoni Ewropea
    Legal basis:
    Link
    Select all documents based on this document
    Link
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32013D0255 Żieda artikolu 13 BI 14/12/2013
    Modifies 32013D0255 Żieda artikolu 28 12 14/12/2013
    Modifies 32013D0255 Żieda artikolu 28 3.G 14/12/2013
    Modifies 32013D0255 Żieda artikolu 3 3 14/12/2013
    Modifies 32013D0255 Sostituzzjoni artikolu 1 3 14/12/2013
    Modifies 32013D0255 Sostituzzjoni artikolu 28 3.E 14/12/2013
    Modified by:
    Relation Act Comment Subdivision concerned From To
    Corrected by 32013D0760R(01) (HU, MT)
    Link

    14.12.2013   

    MT

    Il-Ġurnal Uffiċjali tal-Unjoni Ewropea

    L 335/50

    DEĊIŻJONI TAL-KUNSILL 2013/760/PESK

    tat-13 ta' Diċembru 2013

    li temenda d-Deċiżjoni 2013/255/PESK dwar miżuri restrittivi kontra s-Sirja

    IL-KUNSILL TAL-UNJONI EWROPEA,

    Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

    Wara li kkunsidra d-Deċiżjoni tal-Kunsill 2013/255/PESK tal-31 ta' Mejju 2013 dwar miżuri restrittivi kontra s-Sirja (1),

    Billi:

    (1)

    Fil-31 ta' Mejju 2013, il-Kunsill adotta d-Deċiżjoni 2013/255/PESK.

    (2)

    Jeħtieġ li fid-Deċiżjoni 2013/255/PESK tiġi introdotta eżenzjoni li tippermetti lill-Istati Membri jipprovdu appoġġ għall-attivitajiet imwettqin mill-Organizzazzjoni għall-Projbizzjoni ta' Armi Kimiċi (OPCW) għall-qerda tal-armi kimiċi tas-Sirja skont il-paragrafu 10 tar-Riżoluzzjoni tal-Kunsill tas-Sigurtà tan-Nazzjonijiet Uniti 2118 (2013).

    (3)

    Sabiex jiġi ffaċilitat ir-ritorn f'sikurezza ta' oġġetti li jappartjenu lill-patrimonju kulturali tas-Sirja li kienu tneħħew illegalment mis-Sirja, jeħtieġ ukoll li jiġu applikati restrizzjonijiet għall-kummerċ f'dawk l-oġġetti.

    (4)

    L-eżenzjoni, taħt id-Deċiżjoni 2013/255/PESK, mill-iffriżar tal-assi għal finijiet umanitarji għandha tiġu emendata sabiex jiġi ffaċilitat l-għoti ta' għajnuna umanitarja lis-Sirja filwaqt li jiġi evitat ir-riskju ta' użu ħażin ta' fondi jew riżorsi ekonomiċi rilaxxati. F'dan il-kuntest, il-fondi għandhom jiġu rilaxxati u l-għajnuna mogħtija fis-Sirja skont il-Pjan ta' Rispons għall-Għajnuna Umanitarja NU-Sirja.

    (5)

    Hija meħtieġa azzjoni ulterjuri mill-Unjoni sabiex jiġu implimentati ċerti miżuri.

    (6)

    Id-Deċiżjoni 2013/255/PESK għandha tiġi emendata skont dan,

    ADOTTA DIN ID-DEĊIŻJONI:

    Artikolu 1

    Id-Deċiżjoni 2013/255/PESK hija b'dan emendata kif ġej:

    (1)

    Fl-Artikolu 3, jiżdied il-paragrafu li ġej:

    "3.   Il-paragrafi 1 u 2 ma għandhomx japplikaw għat-trasferiment mis-Sirja ta' armi kimiċi identifikati mid-Direttur Ġenerali tal-Organizzazzjoni għall-Projbizzjoni ta' Armi Kimiċi (OPCW), konsistenti mal-objettiv tal-Konvenzjoni dwar il-Projbizzjoni tal-Iżvilupp, il-Produzzjoni, l-Akkumulament u l-Użu ta' Armi kimiċi u dwar il-Qerda tagħhom (Konvenzjoni dwar Armi Kimiċi), imwettqa skont il-paragrafu 10 tar-Riżoluzzjoni tal-Kunsill tas-Sigurtà tan-Nazzjonijiet Uniti 2118(2013).";

    (2)

    jiddaħħal l-Artikolu li ġej:

    "Artikolu 13a

    Għandhom ikunu pprojbiti l-importazzjoni, l-esportazzjoni, it-trasferiment jew in-negozjar fil-proprjetà kulturali u oġġetti oħrajn ta' importanza arkeoloġika, storika, kulturali, ta' rarità xjentifika, u reliġjuża li jkunu tneħħew illegalment mis-Sirja, jew fejn jeżisti suspett raġonevoli li dawn tneħħew illegalment mis-Sirja, wara l-11 ta' Mejju 2011.

    Il-projbizzjoni m'għandhiex tapplika jekk jintwera li l-oġġetti kulturali jkunu qed jintbagħtu lura lil istituzzjonijiet Sirjani biex jiġi ssodisfat l-objettiv tar-ritorn f'sikurezza.";

    (3)

    fl-Artikolu 28(3), il-punt (e) huwa sostitwit b'dan li ġej:

    "(e)

    meħtieġa għal finijiet umanitarji, bħall-għoti jew l-iffaċilitar tal-għoti ta' assistenza, inklużi provvisti mediċi, ikel, ħaddiema umanitarji u assistenza relatata, jew evalwazzjonijiet mis-Sirja, u sakemm il-fondi jew ir-riżorsi ekonomiċi jkunu rilaxxati u l-għajnuna mogħtija fis-Sirja skont il-Pjan ta' Rispons għall-Assistenza Umanitarja NU-Sirja.".

    Artikolu 2

    Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.

    Magħmul fi Brussell, it-13 ta’ Diċembru 2013.

    Għall-Kunsill

    Il-President

    V. MAZURONIS

    (1)  ĠU L 147, 1.6.2013, p.14.

    Top