This document is an excerpt from the EUR-Lex website
Document 32012D0727
2012/727/EU: Commission Implementing Decision of 22 November 2012 authorising the placing on the market of bovine lactoferrin as a novel food ingredient under Regulation (EC) No 258/97 of the European Parliament and of the Council (FrieslandCampina) (notified under document C(2012) 8404)
2012/727/UE: Deċiżjoni ta’ Implimentazzjoni tal-Kummissjoni tat- 22 ta’ Novembru 2012 li tawtorizza t-tqegħid fis-suq tal-lattoferrina bovina bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (FrieslandCampina) (notifikata bid-dokument numru C(2012) 8404)
2012/727/UE: Deċiżjoni ta’ Implimentazzjoni tal-Kummissjoni tat- 22 ta’ Novembru 2012 li tawtorizza t-tqegħid fis-suq tal-lattoferrina bovina bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (FrieslandCampina) (notifikata bid-dokument numru C(2012) 8404)
ĠU L 327, 27.11.2012, p. 52–54
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
27.11.2012 |
MT |
Il-Ġurnal Uffiċjali tal-Unjoni Ewropea |
L 327/52 |
DEĊIŻJONI TA’ IMPLIMENTAZZJONI TAL-KUMMISSJONI
tat-22 ta’ Novembru 2012
li tawtorizza t-tqegħid fis-suq tal-lattoferrina bovina bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (FrieslandCampina)
(notifikata bid-dokument numru C(2012) 8404)
(It-test Olandiż biss huwa awtentiku)
(2012/727/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (1), u partikolarment l-Artikolu 7 tiegħu,
Billi:
(1) |
Fit-2 ta’ Marzu 2009 l-kumpanija FrieslandCampina (qabel DMV International) għamlet talba lill-awtoritajiet kompetenti tal-Pajjiżi Baxxi biex tqiegħed il-lattoferrina bovina fis-suq bħala ingredjent ġdid tal-ikel. Il-Lattoferrina bovina hija proteina ġejja mill-ħalib, li magħha żżomm il-ħadid u li tista’ tiġi miżjuda mal-ikel. |
(2) |
Fil-31 ta’ Marzu 2010 l-korp kompetenti tal-valutazzjoni tal-ikel tal-Pajjiżi l-Baxxi ħareġ ir-rapport ta’ valutazzjoni inizjali tiegħu. F’dan ir-rapport wasal għall-konklużjoni li ma kien hemm l-ebda raġuni għal tħassib għalhekk il-lattoferrina tista’ titqiegħed fis-suq bħala ingredjent ġdid tal-ikel. |
(3) |
Il-Kummissjoni bagħtet ir-rapport preliminari ta’ evalwazzjoni lill-Istati Membri kollha fit-13 ta’ April 2010. |
(4) |
Fi żmien il-perjodu ta’ 60 jum stipulat fl-Artikolu 6(4) tar-Regolament (KE) Nru 258/97 tqajmu oġġezzjonijiet motivati f’konformità ma’ dik id-dispożizzjoni. |
(5) |
Għalhekk, fid-9 ta’ Novembru 2010, ġiet ikkonsultata l-Awtorità Ewropea dwar is-Sigurtà fl-Ikel (l-EFSA). |
(6) |
Fis-27 ta’ April 2012 fl-“Opinjoni xjentifika dwar il-lattoferrina bovina” (2) l-EFSA waslet għall-konklużjoni li l-Lattoferrina bovina hija sikura fir-rigward tal-użijiet u l-livelli tal-użu proposti. |
(7) |
Fit-28 ta’ Ġunju 2012 f’“Opinjoni xjentifika dwar il-lattoferrina bovina” (3) oħra, l-EFSA waslet għall-konklużjoni li l-lattoferrina bovina hija sikura fir-rigward tal-użijiet proposti u l-livelli tal-użu. Għalhekk jidher xieraq li jiġu awtorizzati l-istess użijiet għaż-żewġ applikazzjonijiet. |
(8) |
Il-lattoferrina tikkonforma mal-kriterji stabbiliti fl-Artikolu 3(1) tar-Regolament (KE) Nru 258/97. |
(9) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-lattoferrina bovina kif speċifikat fl-Anness I tista’ titqiegħed fis-suq bħala ingredjent tal-ikel ġdid għall-użijiet iddefiniti u fil-livelli massimi stabbiliti fl-Anness II, u mingħajr preġudizzju għad-dispożizzjonijiet tar-Regolament (KE) Nru 1925/2006 tal-Parlament Ewropew u tal-Kunsill (4) u d-Direttiva 2009/39/KE tal-Parlament Ewropew u tal-Kunsill (5).
Artikolu 2
Id-deżinjazzjoni tal-lattoferrina bovina awtorizzata minn din id-Deċiżjoni dwar l-ittikkettjar tal-oġġetti tal-ikel li fihom dan l-ingredjent għandha tkun “lattoferrina mill-ħalib tal-baqar”
Artikolu 3
Din id-Deċiżjoni hija indirizzata lil FrieslandCampina, Nieuwe Kanaal 7R, 6709 Pa Wageningen, The Netherlands.
Magħmul fi Brussell, it-22 ta’ Novembru 2012.
Għall-Kummissjoni
Maroš ŠEFČOVIČ
Viċi President
(2) EFSA Journal 2012; 10(5): 2701.
(3) EFSA Journal 2012; 10(7): 2811.
(4) ĠU L 404, 30.12.2006, p. 26.
(5) ĠU L 124, 20.5.2009, p. 21.
ANNESS I
SPEĊIFIKAZZJONIJIET TAL-LATTOFERRINA BOVINA
Definizzjoni
Il-lattoferrina bovina (bLF) hija proteina li tokkorri b’mod naturali fil-ħalib tal-baqar. Din hija glikoproteina li magħha żżomm il-ħadid ta’ madwar 77 kDa u tikkonsisti f’katina unika tal-polipeptidi ta’ 689 aċidi amminiċi.
Il-bLF hija iżolata mill-ħalib xkumat permezz ta’ skambju joniku u stadji sussegwenti ta’ ultrafiltrazzjoni. Fl-aħħar nett tiġi mnixxfa bl-isprejjar u jintgħarblu l-partikoli kbar.
Id-deskrizzjoni: Trab fir-roża ċar prattikament bla riħa
Proprjetajiet fiżiko-kimiċi tal-lattoferrina bovina
Umdità |
inqas minn 4,5 % |
Irmied |
inqas minn 1,5 % |
Arseniku |
inqas minn 2 mg/kg |
Ħadid |
inqas minn 350 mg/kg |
Proteini |
aktar minn 93 % |
li minnhom il-lattoferrina bovina |
aktar minn 95 % |
li minnhom proteini oħrajn |
inqas minn 5 % |
pH (2 % ta ‘soluzzjoni, 20 °C) |
5,2 sa 7,2 |
Is-solubbiltà (2 % ta’ soluzzjoni, 20 °C) |
kompluta |
ANNESS II
L-UŻIJIET TAL-LATTOFERRINA BOVINA (bLF)
Kategorija tal-ikel |
L-livelli massimi tal-użu tal-bLF |
Formuli tal-ħalib tat-trabi u formuli tal-ħalib tat-trabi ta’ prosegwiment (lesti biex jiġu kkunsmati) |
100 mg/100 ml |
Ikel fuq bażi tal-ħalib maħsub għal tfal żgħar (lest biex jiġi kkunsmat) |
200 mg/100 g |
Ikel taċ-ċereali pproċessati (solidu) |
670 mg/100 g |
Ikel għal skopijiet mediċi speċjali |
Skont il-bżonnijiet tal-individwu sa 3 g/kuljum |
Xarbiet ibbażati fuq il-ħalib |
200 mg/100 g |
Taħlitiet ta’ xorb f’forma ta’ trab ibbażati fuq il-ħalib (lesti għax-xorb) |
330 mg/100 g |
Xarbiet ibbażati fuq il-ħalib iffermentat (inklużi xarbiet tal-jogurt) |
50 mg/100 g |
Xorb mhux alkoħoliku |
120 mg/100 g |
Prodotti bbażati fuq il-jogurt |
80 mg/100 g |
Prodotti bbażati fuq il-ġobon |
2 000 mg/100 g |
Ġelat |
130 mg/100 g |
Kejkijiet u ikel tal-għaġina |
1 000 mg/100 g |
Konfettura |
750 mg/100 g |
Ċuwingamm |
3 000 mg/100 g |