Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011O0003

    2011/206/UE: Linja ta’ Gwida tal-Bank Ċentrali Ewropew tat- 18 ta' Marzu 2011 li temenda l-Linja ta' Gwida BĊE/2004/18 dwar l-akkwist tal-karti tal-flus euro (BĊE/2011/3)

    ĠU L 86, 1.4.2011, p. 77–77 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 31/12/2014; Imħassar b' 32014O0044

    ELI: http://data.europa.eu/eli/guideline/2011/206/oj

    Date of document:
    18/03/2011
    Date of effect:
    20/03/2011; Dħul fis-seħħ Data tad-dokument +2 Ara Art. 2
    Date of end of validity:
    31/12/2014; Imħassar b' 32014O0044
    Author:
    Il-Bank Ċentrali Ewropew
    Form:
    Linja gwida
    Addressee:
    il-banek ċentrali nazzjonali ta' l-Istati Membri li qed jieħdu sehem
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32004O0018 Sostituzzjoni artikolu 1.12 20/03/2011
    Modifies 32004O0018 Sostituzzjoni artikolu 2.1 20/03/2011
    Modified by:
    Relation Act Comment Subdivision concerned From To
    Corrected by 32011O0003R(01) (PT)
    Corrected by 32011O0003R(02) (EL)
    Repealed by 32014O0044
    Link

    1.4.2011   

    MT

    Il-Ġurnal Uffiċjali tal-Unjoni Ewropea

    L 86/77

    LINJA TA’ GWIDA TAL-BANK ĊENTRALI EWROPEW

    tat-18 ta' Marzu 2011

    li temenda l-Linja ta' Gwida BĊE/2004/18 dwar l-akkwist tal-karti tal-flus euro

    (BĊE/2011/3)

    (2011/206/UE)

    IL-KUNSILL GOVERNATTIV TAL-BANK ĊENTRALI EWROPEW,

    Wara li kkunsidra t-Trattat dwar il-Funzjonament tal-Unjoni Ewropea, u partikolarment l-Artikolu 128(1) tiegħu,

    Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u partikolarment l-Artiklu 16 tiegħu,

    Billi:

    (1)

    Skont l-Artikolu 21 tal-Linja ta' Gwida BĊE/2004/18 tas-16 ta' Settembru 2004 dwar l-akkwist tal-karti tal-flus euro (1), il-Kunsill Governattiv għandu jirrevedi l-Linja ta' Gwida BĊE/2004/18 fil-bidu tal-2008 u ta' kull sentejn minn hemm ’il quddiem.

    (2)

    Artikolu 2(10) tal-Linja ta' Gwida BĊE/2004/18 jistipula illi l-proċedura waħdanija għas-sejħa għall-offerti tal-Eurosistema (SETP) għandha tibda sa mhux aktar tard mill-1 ta' Jannar 2012. L-assunzjonijiet li fuqhom hija bbażata d-data tal-bidu tas-SETP inbidlu; għalhekk huwa neċessarju li l-Artikolu 2 tal-Linja ta' Gwida BĊE/2004/18 jiġi emendat sabiex jirrifletti d-data tal-bidu l-ġdida tas-SETP.

    (3)

    Id-data tal-bidu tas-SETP mistennija tista’ tinbidel minn deċiżjoni tal-Kunsill Governattiv, fil-kuntest tar-reviżjoni tal-Linja ta' Gwida BĊE/2004/18, b’mod partikolari fejn aktar minn nofs il-banek ċentrali nazzjonali (BĊNi) li jirrappreżentaw aktar minn nofs it-talba totali għall-istampar ta' karti tal-flus tal-Eurosistema għażlu li ma jipparteċipawx fis-SETP.

    (4)

    Minħabba l-emenda għad-data tal-bidu tal-SETP mistennija, hija ukoll neċessarja emenda għad-definizzjoni tal-perijodu transizzjonali,

    ADOTTA DIN IL-LINJA TA’ GWIDA:

    Artikolu 1

    Emenda għal Linja ta' Gwida BĊE/2004/18

    Il-Linja ta' Gwida BĊE/2004/18 hija emendata kif ġej:

    (a)

    L-Artikolu 1(12) huwa sostitwit b’li ġej:

    “12.

    ‘perijodu transizzjonali’ tfisser il-perijodu li jibda mhux aktar kmieni mill-1 ta' Jannar 2008 jew f’data wara dik deċiża mill-Kunsill Governattiv wara li jkun żgura, waqt li jaġixxi fuq proposta mill-Bord Ezekuttiv, illi l-produzzjoni ta' mill-anqas nofs ir-rekwiżit totali annwali tal-produzzjoni ta' karti tal-flus euro tal-Eurosistema ssir b’sejħa għall-offerti u li mill-anqas nofs il-BĊNi kollha ser jagħmlu sejħa għall-offerti għall-produzzjoni tal-karti tal-flus euro allokati lilhom. Il-perijodu transizzjonali għandu jintemm sa mhux aktar tard mill-jum qabel id-data tal-bidu tal-proċedura waħdanija għas-sejħa għall-offerti tal-Eurosistema stabbilita fl-Artikolu 2(1).”.

    (b)

    L-Artikolu 2(1) huwa sostitwit b’li ġej:

    “1.   Il-proċedura waħdanija ta' sejħa għall-offerti tal-Eurosistema għandha tibda sa mhux aktar tard mill-1 ta' Jannar 2014, sakemm il-Kunsill Governattiv ma jiddeċidix fuq data tal-bidu differenti.”.

    Artikolu 2

    Dħul fis-seħħ

    Din il-Linja ta' Gwida għandha tidħol fis-seħħ jumejn wara l-adozzjoni tagħha.

    Artikolu 3

    Indirizzati

    Din il-Linja ta' Gwida hija indirizzata lill-banek ċentrali kollha tal-Eurosistema.

    Magħmul fi Frankfurt am Main, it-18 ta’ Marzu 2011.

    Għall-Kunsill Governattiv tal-BĊE

    Il-President tal-BĊE

    Jean-Claude TRICHET

    (1)  ĠU L 320, 21.10.2004, p. 21.

    Top