This document is an excerpt from the EUR-Lex website
Document 32011D0203
Council Decision 2011/203/CFSP of 31 March 2011 amending Decision 2010/445/CFSP extending the mandate of the European Union Special Representative for the crisis in Georgia
Deċiżjoni tal-Kunsill 2011/203/PESK tal- 31 ta’ Marzu 2011 li temenda d-Deċiżjoni 2010/445/PESK li testendi l-mandat tar-Rappreżentant Speċjali tal-Unjoni Ewropea għall-kriżi fil-Ġeorġja
Deċiżjoni tal-Kunsill 2011/203/PESK tal- 31 ta’ Marzu 2011 li temenda d-Deċiżjoni 2010/445/PESK li testendi l-mandat tar-Rappreżentant Speċjali tal-Unjoni Ewropea għall-kriżi fil-Ġeorġja
ĠU L 86, 1.4.2011, p. 72–72
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32010D0445 | Sostituzzjoni | artikolu 5.1 | 01/03/2011 |
1.4.2011 |
MT |
Il-Ġurnal Uffiċjali tal-Unjoni Ewropea |
L 86/72 |
DEĊIŻJONI TAL-KUNSILL 2011/203/PESK
tal-31 ta’ Marzu 2011
li temenda d-Deċiżjoni 2010/445/PESK li testendi l-mandat tar-Rappreżentant Speċjali tal-Unjoni Ewropea għall-kriżi fil-Ġeorġja
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 28, l-Artikolu 31(2) u l-Artikolu 33 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fil-25 ta’ Settembru 2008, il-Kunsill adotta l-Azzjoni Konġunta 2008/760/PESK (1) biex jaħtar lis-Sur Pierre MOREL bħala r-Rappreżentant Speċjali tal-Unjoni Ewropea (RSUE) għall-kriżi fil-Ġeorġja sat-28 ta’ Frar 2009. |
(2) |
Fil-11 ta’ Awwissu 2010, il-Kunsill adotta d-Deċiżjoni 2010/445/PESK (2) li testendi l-mandat tar-RSUE sal-31 ta’ Awwissu 2011. L-ammont ta’ referenza finanzjarja previst biex tkun koperta n-nefqa relatata mal-mandat tar-RSUE sa dik id-data ġie stabbilit għal EUR 700 000. L-ammont ta’ referenza finanzjarja għandu jiżdied għal EUR 1 004 000 sabiex ikopri ħtiġijiet operattivi addizzjonali. |
(3) |
Id-Deċiżjoni 2010/445/PESK għandha tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
Fl-Artikolu 5 tad-Deċiżjoni Nru 2010/445/PESK l-ewwel paragrafu huwa sostitwit b’dan li ġej:
“1. L-ammont ta’ referenza finanzjarja maħsub biex ikopri n-nefqa relatata mal-mandat tar-RSUE matul il-perijodu mill-1 ta’ Settembru 2010 sal-31 ta’ Awwissu 2011 għandu jkun ta’ EUR 1 004 000.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta’ Marzu 2011.
Magħmul fi Brussell, il-31 ta’ Marzu 2011.
Għall-Kunsill
Il-President
VÖLNER P.
(1) ĠU L 259, 27.9.2008, p. 16.
(2) ĠU L 211, 12.8.2010, p. 33.