EUR-Lex Access to European Union law
This document is an excerpt from the EUR-Lex website
Document 32009H0060
Commission Recommendation of 23 January 2009 on guidelines for best enforcement practice concerning checks of recording equipment to be carried out at roadside checks and by authorised workshops (notified under document number C(2009) 108) (Text with EEA relevance)
Rakkomandazzjoni tal-Kummissjoni tat- 23 ta’ Jannar 2009 dwar il-linji gwidi għall-aħjar prattika tal-infurzar rigward kontrolli ta' tagħmir ta' reġistrazzjoni li se jsiru permezz ta' kontrolli fit-triq u ta' garaxxijiet awtorizzati (notifikata taħt id-dokument numru C(2009) 108) (Test b’relevanza għaż-ŻEE)
Rakkomandazzjoni tal-Kummissjoni tat- 23 ta’ Jannar 2009 dwar il-linji gwidi għall-aħjar prattika tal-infurzar rigward kontrolli ta' tagħmir ta' reġistrazzjoni li se jsiru permezz ta' kontrolli fit-triq u ta' garaxxijiet awtorizzati (notifikata taħt id-dokument numru C(2009) 108) (Test b’relevanza għaż-ŻEE)
ĠU L 21, 24.1.2009, p. 87–99
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
24.1.2009 |
MT |
Il-Ġurnal Uffiċjali ta’ l-Unjoni Ewropea |
L 21/87 |
RAKKOMANDAZZJONI TAL-KUMMISSJONI
tat-23 ta’ Jannar 2009
dwar il-linji gwidi għall-aħjar prattika tal-infurzar rigward kontrolli ta' tagħmir ta' reġistrazzjoni li se jsiru permezz ta' kontrolli fit-triq u ta' garaxxijiet awtorizzati
(notifikata taħt id-dokument numru C(2009) 108)
(Test b’relevanza għaż-ŻEE)
(2009/60/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat id-Direttiva 2006/22/KE tal-Parlament Ewropew u tal-Kunsill tal-15 ta' Marzu 2006 dwar il-kondizzjonijiet minimi għall-implimentazzjoni tar-Regolamenti tal-Kunsill (KEE) Nri 3820/85 u 3821/85 dwar il-leġiżlazzjoni soċjali li għandha x'taqsam ma' attivitajiet tat-trasport bit-triq u li tħassar id-Direttiva tal-Kunsill 88/599/KEE (1), u b'mod partikolari l-Artikolu 11(1) tagħha,
Billi:
(1) |
Skont l-Artikolu 11 (1) tad-Direttiva 2006/22/KE, il-Kummissjoni se tistabbilixxi linji gwidi dwar l-aħjar prattika tal-infurzar rigward kontrolli ta' vetturi li se jsiru minn uffiċjali tal-kontroll jew fit-triq, jew fil-post tal-impriża, jew minn garaxxijiet awtorizzati u nies tas-sengħa. |
(2) |
It-tagħmir tar-reġistrazzjoni fit-trasport bit-triq huwa meħtieġ biex jindika l-perjodi ta' ħin li s-sewwieqa jagħmlu jsuqu u jistrieħu, u kif wkoll biex jiżgura li jkunu jistgħu jsiru l-kontrolli effettivi tal-leġiżlazzjoni soċjali fit-trasport bit-triq minn korpi kompetenti ta' kontroll nazzjonali. |
(3) |
Biex jiġi żgurat li tali tagħmir ta' reġistrazzjoni jiffunzjona b'mod korrett u affidabbli, u li r-reġistrazzjoni u l-ħażna tad-dejta jkunu jistgħu jiġu ggarantiti, huma meħtieġa kontrolli u spezzjonijiet perjodiċi wara li jkun ġie installat it-tagħmir ta' reġistrazzjoni. |
(4) |
Madankollu, il-kontrolli u l-ispezzjonijiet perjodiċi ma jidhrux li huma frekwenti biżżejjed biex ikunu ta' deterrent effikaċi għal dawk is-sewwieqa u l-operaturi li jfittxu li jabbużaw mis-sistema billi jużaw strumenti ta' manipulazzjoni jew mezzi oħrajn simili. |
(5) |
Ir-riċerka u l-informazzjoni minn esperti stabbilixxew li saru ħafna attentati ta' frodi tas-sistema tat-takografu fuq vetturi mgħammra b'takografi analogi; issa qed isiru attakki u theddid simili lis-sistema tat-takografu diġitali. |
(6) |
L-istess riċerka wriet li għadd ta' manipulazzjonijiet huma possibli u magħrufa li jeżistu fis-settur tat-trasport bit-triq għall-attentat ta' frodi fuq it-takografu, partikolarment fuq is-sistema tat-takografu diġitali. |
(7) |
Tali attentati u theddid joħolqu riskju serju għas-sikurezza fuq it-triq u għandhom ukoll impatti negattivi mhux aċċettabbli fuq il-kompetizzjoni ġusta u fuq il-kondizzjonijiet soċjali tas-sewwieqa tat-trasport bit-triq. |
(8) |
Bħala riżultat tas-sikurezza mtejba tat-takografu diġitali għall-kuntrarju tat-takografu analogu, it-theddid u l-attentati ta' attakki lis-sistema jistgħu jinstabu b'aktar faċilità, u b'hekk ir-riskju li sewwieqa u operaturi bla skrupli jinqabdu b'tali strumenti b'dan il-mod jiżdied u għandu jservi bħala deterrent sinifikanti. |
(9) |
Din ir-Rakkomandazzjoni b'dan il-mod għandha l-għan li tinkoraġġixxi u tappoġġa lill-Istati Membri biex jadottaw il-proċeduri u l-metodi li, abbażi tar-riċerka u tal-esperjenza teknika mill-industrija, ittejjeb konsiderevolment il-possibilitajiet li jiġu evitati u li jinstabu tali attentati ta' frodi. |
(10) |
Partikolarment, din ir-Rakkomandazzjoni tistabilixxi l-aħjar prattika tal-infurzar, kif identifikata fir-riċerka mwettqa miċ-Ċentru Konġunt tar-Riċerka. |
(11) |
Din ir-Rakkomandazzjoni tifforma, flimkien ma' Direttiva proposta dwar kontrolli addizzjonali li jsiru fit-triq, pakkett ta' miżuri tal-infurzar bil-għan li jitjiebu konsiderevolment ir-rilevament u l-prevenzjoni ta' strumenti użati biex isir frodi tas-sistema tat-takografu diġitali. |
(12) |
Il-miżuri pprovduti f'din ir-Rakkomandazzjoni huma skont l-opinjoni tal-Kumitat stabbilit skont l-Artikolu 18 (1) tar-Regolament tal-Kunsill (KEE) Nru 3821/85 (2), |
B'DAN TIRRAKKOMANDA LI:
1. |
Jiġu adottati u applikati l-linji gwidi tal-aħjar prattika stabbiliti fl-Anness għal din ir-Rakkomandazzjoni li jikkonċernaw il-kontrolli fuq il-vetturi li jsiru minn uffiċjali tal-kontroll fit-triq, jew fil-post tal-impriżi, jew minn nies tas-sengħa u tekniċi f’garaxxijiet approvati mill-awtorità kompetenti tal-Istat Membru, għar-rilevament u l-prevenzjoni tal-użu ta' strumenti manipulattivi fit-tagħmir ta' reġistrazzjoni użat fit-trasport bit-triq. |
2. |
Jiġu applikati dawn il-linji gwida, fejn ikun xieraq, fil-kuntest tal-istrateġiji nazzjonali tal-infurzar imsemmija fl-Artikolu 2 tad-Direttiva 2006/22/KE. |
Magħmula fi Brussell, 23 ta’ Jannar 2009.
Għall-Kummissjoni
Antonio TAJANI
Viċi President
(1) ĠU L 102, 11.4.2006, p. 35.
(2) ĠU L 370, 31.12.1985, p. 8.
ANNESS
IR-RAKKOMANDAZZJONIJIET DWAR IL-KONTRAMIŻURI LI SE JIĠU ADOTTATI MILL-ISTATI MEMBRI GĦAR-RILEVAMENT U L-PREVENZJONI TAL-UŻU TA' STRUMENTI TA' MANIPULAZZJONI
WERREJ
KAPITOLU 1: |
INTRODUZZJONI |
KAPITOLU 2: |
IL-KONTROLLI EFFETTIVI FIT-TRIQ |
A |
L-organizzazzjoni u t-tagħmir |
B |
Il-metodi tal-punti ta' kontroll doppji bl-analiżi tal veloċità reali u tad-distanza tal- vetturi |
C |
Il-metodi tal-punti ta' kontroll waħdieni bbażati fuq l-analiżi dettaljata tad-dejta mniżżla |
D |
Il-punt ta' kontroll wieħed ibbażat fuq il-kontroll tekniku tas-siġilli |
E |
Meta vettura tintbagħat għand garaxx |
F |
Il-kontroll tal-vetturi jew tad-dejta fil-post tal-impriża |
KAPITOLU 3: |
TAĦRIĠ U L-AQWA PRATTIKA |
KAPITOLU 4: |
L-ISPEZZJONIJIET TAL-GARAXXIJIET |
A |
Il-bażi ġuridika |
B |
Is-siġilli miksura jew in-nuqqas tagħhom |
C |
L-analiżi tar-reġistri tad-dejta |
D |
Il-kontroll tat-tqabbil f'par bejn is-sonda tal-moviment u l-unità tal-vetturi |
E |
Il-proċeduri speċjali b'riżultat ta' kontroll fit triq |
KAPITOLU 5: |
IR-RAPPORT U L-VERIFIKA TAL-GARAXXIJIET |
KAPITOLU 6: |
ID-DISPOŻIZZJONIJIET FINALI |
Kapitolu 1: Introduzzjoni
1.1 Din ir-Rakkomandazzjoni tal-Kummissjoni tispjega x'jistgħu l-Istati Membri jiġu mħeġġa biex jagħmlu sabiex jilħqu t-theddid maħluq bl-użu ta' strumenti ta' manipulazzjoni tat-takografi u fl-istess ħin jitħeġġu u jiġu appoġġati kontramiżuri fost l-Istati Membri biex jiġu indirizzati dawn it-theddid.
1.2 Il-preżenza ta' strumenti ta' manipulazzjoni f'vetturi bl-intenzjoni li jinterferixxu mal-operazzjoni u mat-tħaddim korrett tas-sistema tat-takografu diġitali tirrapreżenta waħda mill-aktar theddid serju għas-sigurtà tas-sistema. L-użu, jew l-intenzjoni li jiġi użat, strumenti tali jxekkel il-kompetizzjoni ġusta, billi jagħti vantaġġ kummerċjali inġust lill-operaturi u lis-sewwieqa; u joħloq impatti soċjali negattivi mhux aċċettabbli għas-sewwieqa billi jippermettilhom, jew iġiegħlhom, isuqu għal perjodi ħafna itwal milli hemm permess bil-liġi. Il-konsegwenza potenzjali ta' dawn il-fatturi hi li tiddgħajjef is-sikurezza fit-triq, għal kull min juża t-triq, u li l-Kummissjoni hija impenjata biex ittejjeb matul is-snin li ġejjin.
1.3 Barra minn hekk, l-operaturi u s-sewwieqa li jħarsu l-liġi għandhom ikunu kapaċi jafdaw it-takografu diġitali, u l-korpi nazzjonali ta' kontroll fil-Komunità kollha għandhom ikunu kapaċi jafdaw fuq l-awtentiċità u l-integrità tad-dejta rreġistrata u maħżuna mit-tagħmir, irrispettivament jekk ġietx imniżżla u analizzata mill-unità tal-vettura inkella mill-kard tas-sewwieq. Sabiex l-affidabilità tad-dejta tiġi ggarantita, iridu jsiru kontrolli u spezzjonijiet regolari tat-tagħmir biex jiġi żgurata l-korrettezza fit-tħaddim u fl-operazzjoni tagħha.
1.4 Fil-medda t-twila, is-sigurtà totali tas-sistema u l-komponenti tagħha hija essenzjali biex jiġu żgurati l-integrità u l-awtentiċità tad-dejta rreġistrata. Sabiex jitwaqqfu kompletament dawk l-abbużi u l-attentati ta' frodi fuq is-sistema l-aktar komuni, il-Kummissjoni se teżamina kif jixraq il-possibilità li tindroduċi aktar miżuri leġiżlattivi iżjed dettaljati fir-reviżjoni tar-Regolament (KE) 3821/85 u l-annessi tiegħu.
1.5 Madankollu, fit-terminu qasir, il-miżuri xierqa u effettivi jistgħu jiġu żviluppati mill-awtoritajiet kompetenti tal-Istati Membri sabiex ir-rilevament tat-tagħmir ta' manipulazzjoni issir ħafna aktar possibbli, b'hekk jitnaqqsu r-riskji li strumenti tali jintużaw mill-operaturi u mis-sewwieqa.
1.6 Filwaqt li l-Istati Membri għandhom responsabbiltà legali li jeħtieġu li l-kontrolli u l-ispezzjonijiet jitwettqu b'mod tali li jiżguraw l-implimentazzjoni effettiva tal-leġiżlazzjoni soċjali Komunitarja fit-trasport bit-triq, tali kontrolli perjodiċi ma jistgħux jiggarantixxu li l-istrumenti ma jiġux installati u użati aktar tard, wara li jkunu tlestew il-kontrolli. L-esperjenza uriet li tali strumenti għandhom ħafna aktar ċans li jinstabu matul kontrolli fit-triq meta l-vettura tkun tista' tiġi spezzjonata aktar mill-qrib. Il-frekwenza u n-natura ta' dawn il-kontrolli mill-Istati Membri għandhom jiġu mħeġġa sabiex jiżdied b'mod sinifikanti l-fattur ta' deterrent billi jiżdied ir-riskju li jinstabu strumenti tali..
1.7 L-Appendiċi 10 (Miri ta' Sigurtà Ġenerika) tal-Anness 1B tar-Regolament (KEE) 3821/85 jistabbilixxi l-għan tal-funzjonijiet tal-infurzar tas-sigurtà meħtieġa biex tiġi żgurata l-integrità tas-sistema tat-takografu diġitali. L-objettivi ta' sigurtà ta', u t-theddid lis-sistema sħiħa għandhom jiġu indirizzati b'taħlita ta' soluzzjonijiet tekniċi, bl-approvazzjoni tal-ITSEC, kif ukoll permezz ta' mezzi fiżiċi, tal-personal u dawk proċedurali, u l-implimentazzjoni tagħhom taqa' taħt ir-responsabbiltà tal-Istati Membri u tal-manufatturi tat-takografu. Hija għalhekk l-intenzjoni ta' din ir-Rakkomandazzjoni tal-Kummissjoni, li tissuġġerixxi lill-Istati Membri l-aktar proċeduri effettivi, abbażi kemm tar-riċerka kif ukoll tal-aħjar prattiċi magħrufa, biex jappoġġaw dawk il-mezzi proċedurali u dawk tal-personal.
1.8 Madankollu, din ir-Rakkomandazzjoni tal-Kummissjoni ma għandix titqies li qed tieħu post dawk is-soluzzjonijiet tekniċi provduti mill-ITSEC (1), u filfatt, idealment, tista' tintuża faċilment flimkien magħhom u bħala appoġġ għalihom.
1.9 Ir-rapport provdut miċ-Ċentru Konġunt tar-Riċerka (2) stabbilixxa t-tipi ta' attakki magħrufa u dawk potenzjali lis-sigurtà tat-takografu diġitali Għalhekk, dan ir-rapport jista' jintuża mill-Istati Membri bħala l-bażi biex jitqiegħdu f'posthom il-passi u l-azzjonijiet meħtieġa li jiżguraw li l-informazzjoni u l-gwida xierqa tista tiġi provduta lill-uffiċjali tal-kontroll nazzjonali sabiex meta jsiru l-kontrolli u l-ispezzjonijiet tal-vetturi fit-triq, dawn ikunu jistgħu jwettquhom. Barra minn hekk, informazzjoni u gwida simili tista' tiġi provduta lin-nies tas-sengħa u lill-garaxxijiet li jagħmlu l-installazzjonijiet, l-ispezzjonijiet, il-kontrolli u t-tiswijiet statutorji tat-tagħmir ta' reġistrazzjoni fit-trasport bit-triq. Il-gwida tista' tkun ta' ambitu biżżejjed li tiżgura li tali persuni jistgħu jwettqu bis-sħiħ u b'mod kompetenti l-kontrolli spjegati f'dan l-anness u li l-Istati Membri jkunu kapaċi jaġixxu billi jħarrku lil dawk identifikati li qed jabbużaw, jew għamlu attentat ta' abbuż, mis-sistema.
1.10 Il-linji gwida u r-rakkomandazzjonijiet li ġejjin mhumiex eżawrjenti u jista' jkun hemm ċirkostanzi fejn l-applikazzjoni ta' tali rakkomandazzjonijiet ma tkunx tista' tikseb ir-riżultat mixtieq (pereżempju, f'każijiet fejn il-cable ta' referenza ma jkunx jista' jiġi konness mas-sonda tal-moviment). F'tali ċirkostanzi, l-Istati Membri jistgħu jiġu mħeġġa biex jiżviluppaw metodi alternattivi li jkunu jistgħu jiġu verifikati bħala effettivi. Tali miżuri alternattivi jistgħu jitqassmu b'mod aktar wiesa' fost il-komunità tal-infurzar.
1.11 Barra minn hekk, għalkemm din ir-Rakkomandazzjoni tal-Kummissjoni hija intenzjonata li tindirizza ż-żewġ tipi ta' takografi kif definiti mir-Regolament (KE) 3821/85 u l-annessi tiegħu, l-Istati Membri jistgħu jkollhom metodi, proċeduri u linji gwidi diġà stabbiliti li jikkonċernaw il-kontrolli ta' takografi analogi u r-rilevament tal-istrumenti ta' manipulazzjoni. Għalhekk, din ir-Rakkomandazzjoni tal-Kummissjoni ma għandiex tidher li qed tieħu post jew tnaqqas minn dawk il-miżuri diġà stabbiliti, iżda li qed tkun ta' appoġġ ulterjuri għalihom, b'mod partikolari b'referenza għat-takografu diġitali, meta l-metodoloġija tista' tkun differenti, iżda l-objettiv jibqa' l-istess. Huwa rakkomandat li meta miżuri huma diġà f'posthom biex jikkontrollaw takografi analogi, jistgħu, fejn hu xieraq, jiġu estiżi li jinkludu dawk diġitali wkoll (pereżempju, is-sitwazzjonijiet li jikkonċernaw il-ħlas lill-garaxxijiet talli wettqu l-kompiti speċifiċi magħżula għalihom mingħand uffiċjali tal-kontroll wara li jkunu bagħtu vettura għand garaxx awtorizzat, kif spjegat fis-Sezzjoni F).
1.12 L-Istati Membri għandhom ikunu kunfidenti u appoġġati fit-tfassil tal-istrateġiji tal-infurzar nazzjonali tagħhom, il-metodi u l-proċessi tagħhom fl-indirizzar tal-theddid li qed jiżviluppaw lis-sistema takografika. L-aħjar prattika bħal din għandha titqassam bejn l-Istati Membri.
Kapitolu 2: Il-kontrolli effettivi fit-triq
A L-organizzazzjoni u t-tagħmir
2.1 Sabiex isiru kontrolli b'mod sħiħ u effettiv, l-uffiċjali tal-kontroll għandhom ikunu mgħammra b'mod sħiħ u mħarrġa kif suppost. Huma mill-inqas għandhom ikollhom fil-pussess tagħhom kards tal-kontroll u jkollhom l-għodda relevanti biex iniżżlu fajls tad-dejta tal-unità ta' vettura u l-kard tas-sewwieq u li jkunu kapaċi janalizzaw tali fajls tad-dejta u folji stampati mit-tagħmir ta' reġistrazzjoni tat-tip tal-Anness IB flimkien ma' folji jew karti tat-tip tal-Anness 1. L-uffiċjali tal-kontroll għandhom ikunu mgħammra wkoll b'software bil-kapaċità li janalizza tali dejta b'mod mgħaġġel u bl-inqas inkonvenjenza, peress li hu rikonoxxut li, għall-għan li jinstabu l-istrumenti ta' manipulazzjoni, il-folji stampati ma jistgħux jiġu analizzati fit-triq minħabba t-tul u l-kontenut ta' xi wħud mill-fajls li jridu jiġu stampati.
2.2 Sa fejn hu possibbli, meta l-uffiċjali tal-kontroll iwettqu l-kontrolli, kemm jekk fit-triq jew fil-post tal-impriża, u kemm jekk humiex qed jikkontrollaw l-konformità tas-sigħat tas-sewwieq, jew it-testijiet dwar jekk il-vetturi hijiex tajba għat-triq jew xi tipi oħra ta' kontrolli, huma jistgħu jieħdu l-opportunità ppreżentata mill-ħin biex jittestjaw it-tħaddim u l-użu korrett tat-takografu, u jkunu kapaċi jsibu l-użu ta' strumenti ta' manipulazzjoni minn tali kontrolli.
2.3. Għal dan l-iskop, huwa rakkomandat li l-Istati Membri jippruvaw jorganizzaw il-kontrolli ta' vetturi għal strumenti ta' manipulazzjoni, flimkien ma' kontrolli oħra (bħat-testijiet dwar jekk il-vetturi hijiex tajba għat-triq, il-konformità tar-Regoli tas-Sigħat tas-Sewwieq, etc.) u li, b'mod indikattiv, mill-inqas 10 % tan-numru totali tal-vetturi kkontrollati jiġu kkontrollati għall-preżenza ta' strumenti ta' manipulazzjoni. Tibqa' r-responsabbiltà tal-Istati Membri biex jiddeterminaw il-metodoloġija u ċ-ċirkostanzi xierqa għal meta jitwettqu tali kontrolli addizzjonali, iżda il-kontenut jista' jiġi rifless fl-istrateġija nazzjonali ġenerali tal-infurzar.
2.4 Kontroll effettiv jista' jitwettaq billi jsir użu, pereżempju, mill-metodi li ġejjin:
|
punti ta' kontroll doppji bl-analiżi tal-veloċità jew tad-distanza (ara B); |
|
punt ta' kontroll wieħed bl-analiżi dettaljata tad-dejta (ara C); |
|
punt ta' kontroll wieħed ibbażat fuq il-kontroll tekniku (ara D). |
2.5 Jekk uffiċjal tal-kontroll jidhirlu li ġabar biżżejjed evidenza, hu jista' jibgħat lill-vettura għand garaxx biex isiru testijiet ulterjuri (ara E).
2.6 Ovvjament, l-Istati Membri dejjem jistgħu jistabbilixxu metodi addizzjonali, jew alternattivi, ta' kif isiru l-kontrolli tal-vetturi.
B Il-metodi tal-punti ta' kontroll doppji bl-analiżi tal veloċità reali u tad-distanza tal-vetturi
2.7 Il-kontroll tal-veloċità f'ħin speċifiku: biex jiġi applikat dan il-metodu, l-uffiċjali tal-kontroll, bl-użu ta' kameras fissi jew mobbli, jew speed-guns, jistgħu jkejlu l-veloċità reali tal-vettura qabel iwaqqfuha fil-kontrolli fit-triq f'ħin speċifiku. Huma imbagħad jistgħu jniżżlu l-Fajl Dettaljat tal-Veloċità ta' 24-Siegħa mill-Unità tal-Vettura u jqabblu l-veloċità reġistrata f'dan il-ħin speċifiku ma' dak imkejjel ftit kilometri qabel. Fil-punt tal-kontroll, dan il-metodu jeħtieġ biss li jiġu mqabbla żewġ ċifri wara li jkun tniżżel il-Fajl Dettaljat tal-Veloċità ta' 24-Siegħa;
2.8. Il-kontroll tad-distanza fissa f'ħin speċifiku: biex jiġi applikat dan il-metodu, il-punt tal-kontroll jista' jintgħażel f'distanza magħrufa minn post speċifiku fejn l-uffiċjali tal-kontroll ikollhom il-faċilitajiet jew il-mezzi biex jieħdu nota tal-ħin meta vettura identifikata waqfet jew qasmet dan il-punt speċifiku (biljetti tat-taxxi tat-toroq, reġistrazzjonijiet tal-kamera, rapporti ta' kontrolli bejn il-fruntieri, etc). Imbagħad fil-punt tal-kontroll, dawk li qed jinfurzaw jistgħu jniżżlu l-Fajl Dettaljat tal-Veloċità ta' 24-Siegħa mill-Unità tal-Vettura u jqabblu malajr il-veloċità medja reġistrata bejn il-punt tal-kontroll u l-post speċifiku ma' dak ikkalkulat mid-distanza magħrufa u mill-ħin meħtieġ biex jintlaħaq il-punt tal-kontroll.
2.9 Fiż-żewġ metodi, dawk li qed jinfurzaw fil-punti tal-kontroll jeħtieġu li jqablu biss żewġ ċifri wara li jkunu niżżlu l-Fajl Dettaljat tal-Veloċità ta' 24-Siegħa u kejlu jew ikkalkulaw il-veloċità medja reali. Kwalunkwe differenza sinifikanti tista' twassal lill-uffiċjal tal-kontroll biex jissuspetta li jkun intuża strument. L-uffiċjal tal-kontroll imbagħad jista' jibgħat lis-sewwieq u lill-vettura għand garaxx mingħajr il-bżonn li jwettaq kontrolli ulterjuri fil-post.
2.10 Rigward id-dejta mit-tip ta' takografi tal-Anness IB., il-fajls kollha li jitniżżlu mit-tagħmir ta' reġistrazzjoni jew permezz tiegħu, għandhom jiġu akkumpanjati bil-firma diġitali xierqa li tkun ġiet iġġenerata oriġinarjament mill-unità tal-vettura jew mill-kard tas-sewwieq sabiex tiġi vverifikata l-awtentiċità u l-integrità tad-dejta u l-uffiċjali tal-kontroll jistgħu jikkontrollaw ukoll li din l-informazzjoni tniżżlet ukoll.
C Il-metodi tal-punti ta' kontroll waħdieni bbażati fuq l-analiżi dettaljata tad-dejta mniżżla
2.11 Jekk ikun qed jiġi użat strument ta' manipulazzjoni waqt li jkun qed isir kontroll fit-triq, jew kien qed jiġi użat sa ftit ħin qabel il-kontroll, l-indikazzjonijiet ta' manipulazzjoni jistgħu jinstabu permezz ta' għadd ta' proċeduri sempliċi.
2.12 Sabiex jiġi stabbilit is-suspett tal-preżenza ta' strument ta' manipulazzjoni, li jkun jiġġustifika kwalunkwe azzjoni min-naħa tal-uffiċjali tal-kontroll li jaraw xierqa biex dan jinstab, l-uffiċjali tal-kontroll jistgħu:
— |
Iqabblu l-attivitajiet tas-sewwieq imniżżla mill-kard u mill-unità tal-vettura ma' kwalunkwe dokumenti fil-vettura u dokumenti tas-sewwieqa. L-inkonsistenza bejn dawn id-dejta tista' tikkonstitwixxi l-bidu ta' suspett. F'dak il-każ, dak li qed jinfurza jista' jagħmel investigazjonijiet ulterjuri. |
— |
Jeżaminaw il- Il-Fajl tal-Każijiet u tad-Difetti maħżun fuq l-unità tal-vettura, u speċjalment għal dawn l-aħħar għaxart ijiem:
Jekk is-sewwieq ma jkunx kapaċi jispjega u jiġġustifika ir-raġunijiet ta' kull avveniment jew difett, dak li-qed jinforza jista' jagħmel investigazzjonijiet ulterjuri. |
— |
Jeżaminaw il-Fajls tad-Dejta Teknika maħżuna fuq l-unità tal-vettura, u speċjalment:
|
— |
Id-dejta tal-aħħar hija utli biex jinstabu wisq azzjonijiet ta' kalibrazzjoni li jimplikaw li dawn ikunu twettqu b'kard ta' garaxx użata (jew b'kard ta' garaxx irrapurtata bħala mitlufa). Huwa rakkomandat li l-uffiċjali tal-kontroll jivverifikaw mal-Awtorità tal-Ħruġ ta' Kards (3) l-istatus ta' tali kards tal-garaxxijiet li jkunu ġew identifikati, u jekk kienux validi fil-ħin li ntużaw biex tiġi kkalibrata l-unità tal-vettura. |
2.13 Jekk, wara li tkun ġiet eżaminata d-dejta kollha msemmija minn 2.14 – 2.19, l-uffiċjal tal-kontroll xorta jikkonsidra li hemm xi ħaġa ħażina, jista' jniżżel il-Fajl Dettaljat tal-Veloċità ta' 24-Siegħa u jivverifika, xorta waħda bl-għajnuna tas-software tiegħu, jekk hemmx żidiet jew tnaqqis mhux realistiċi fl-aċċelerazzjoni tal-vettura u, fejn jixraq, jekk il-profil tal-vjaġġ huwa konsistenti mad-dokumenti l-oħra fil-vettura u mad-dokumenti tas-sewwieq (l-għadd ta' waqfien, il-veloċità fir-reġjun tal-muntanja jew f'dak urban...). Din l-evidenza miġbura ma' dik ta' qabel jistgħu jiġġustifikaw bażi ta' suspett li hemm preżenti strument ta' manipulazzjoni.
2.14 Fil-punt ta' kontroll, dan il-metodu jeħtieġ software xieraq, kapaċi li jiġġenera wirja ċara tal-profil ta' ħin tal-veloċità biex jiġu mmarkati varjazzjonijiet mhux tas-soltu fl-aċċelerazzjoni jew fit-tnaqqis tal-veloċità, u b'mod aktar ġenerali biex awtomatikament jimmarka:
— |
iż-żidiet jew it-tnaqqis mhux realistiċi fl-aċċelerazzjoni tal-vetturi; |
— |
kwalunkwe kalibrazzjonijiet suspettużi tal-unità tal-vettura; |
— |
l-interruzzjoni fil-provvista tal-elettriku. |
D Il-punt ta' kontroll wieħed ibbażat fuq il-kontroll tekniku tas-siġilli
2.15 Meta possibli, u meta ma hemmx periklu biex dan isir, l-uffiċjal tal-kontroll jista' jikkontrolla s-siġilli. Jekk is-siġilli mhumiex hemm, ikissrin jew b'xi ħsara, is-sewwieq għandu jiġi mistoqsi biex jiġġustifika din is-sitwazzjoni.
2.16 Jekk is-sewwieq ikun kapaċi jipprovdi stqarrija bil-miktub li fiha jkun hemm ir-raġuni għal azzjoni tali kif previst f'Kapitolu V sezzjoni 4 tal-Anness 1, jew rekwiżit 253 tal-Anness IB għar-Regolament (KEE) 3821/85, imbagħad l-uffiċjal tal-kontroll jista' jitlob lis-sewwieq biex imur għand garaxx biex tiġi ssiġillata mill-ġdid is-sistema u ssir kalibrazzjoni mill-ġdid tat-tagħmir.
2.17 Jekk le, dan jista' jfisser ksur u huwa rakkomandat li s-sewwieq, bil-vettura tiegħu, jintbagħtu minnufih għand garaxx awtorizzat akkumpanjati mill-uffiċjal tal-kontroll għal kontroll tat-tagħmir kif previst fil-Kapitolu 3 li ġej.
E Meta vettura tintbagħat għand garaxx
2.18 Jekk wara kontroll fit-triq fejn intużaw il-metodi msemmija aktar qabel, għad hemm is-suspett ragonevoli li ġie mwaħħal strument ta' manipulazzjoni, l-uffiċjal tal-kontroll jista' jibgħat il-vettura għand garaxx awtorizzat. L-uffiċjali tal-kontroll, jew l-awtorità nazzjonali xierqa, tista' tingħata s-setgħa biex tordna lill-garaxxijiet awtorizzati biex iwettqu testijiet speċifiċi mfasslin biex jeżaminaw għall-preżenza ta' strumenti ta' manipulazzjoni.
2.19 Fil-biċċa l-kbira tal-każijiet dawn it-testijiet speċifiċi jippermettu, li jinstab tqabbil f'pari ħażin ta' sensorji ta' moviment ma' unitajiet tal-vettura, u li jistgħu jindikaw il-preżenza ta' strumenti ta' manipulazzjoni. Tali testijiet jistgħu jinkludu (ara l-ispjegazzjoni f' Kapitolu 3):
— |
spezzjoni tas-siġilli u tal-plakka ta' installazjoni; |
— |
test tal-cable ta' referenza; |
— |
analiżi tal-fajls tad-dejta mniżżla. |
2.20 Jekk jinstabu strumenti ta' manipulazzjoni, kemm jekk ġew użati mis-sewwieq kif ukoll jekk le, it-tagħmir (u dan jinkludi l-istrument innifsu, l-unità tal-vettura jew il-komponenti tagħha, u l-kard tas-sewwieq) jistgħu jitneħħew mill-vettura u jintużaw bħala evidenza.
2.21 Barra minn hekk, il-garaxxijiet awtorizzati jistgħu jiġu rikjesti biex jikkontrollaw li t-tagħmir ta' reġistrazzjoni: (a) jaħdem kif suppost: (b) jirreġistra u jaħżen id-dejta b'mod korrett u; (c) li l-parametri ta' kalibrazzjoni huma korretti.
2.22 Huwa rakkomandat li, għal vetturi mgħammra bit-tip ta' tagħmir ta' reġistrazzjoni tal-Anness IB, li qabel ma t-tagħmir ta' reġistrazzjoni jiġi kkalibrat mill-ġdid b'mod sħiħ u tittwaħħallu l-plakka ġdida ta' installazzjoni, ikunu tniżżlu l-fajls tad-dejta kollha u ġew analizzati (bil-firem diġitali tagħhom intatti), u jkun ġie ċċekkjat li ma hemm l-ebda strument ta' manipulazzjoni. Barra minn hekk, huwa rakkomandat li l-garaxx rakkomandat jissiġilla mill-ġdid is-sistema dejjem taħt id-direzzjoni tal-korp ta' kontroll.
2.23 Rigward it-tagħmir ta' reġistrazzjoni li jikkonforma mal-Anness 1, it-tagħmir jista', wara li jitneħħa kwalunkwe strument ta' manipulazzjoni, jiġi kkontrollat għall-funzjoni proprja u għat-tħaddim korrett tiegħu, u jiġi kkalibrat mill-ġdid b'mod sħiħ u titwaħħallu plakka tal-installazzjoni ġdida. Huwa rakkomandat li l-garaxx awtorizzat jista' jissiġilla mill-ġdid is-sistema dejjem taħt id-direzzjoni tal-korp ta' kontroll.
F Il-kontroll tal-vetturi jew tad-dejta fil-post tal-impriża.
2.24 Huwa rakkomandat li l-Awtoritajiet Kompetenti tal-Istati Membri jieħdu vantaġġ mill-possibiltà li jikkontrollaw il-vetturi (u l-unitajiet tal-vetturi) u s-sewwieqa (u l-kards tas-sewwieqa) li jistgħu jkunu fuq il-post matul il-kontroll fil-post tal-impriża.
2.25 Id-dejta ġestita mill-impriża hija meħtieġa li tinżamm għall-sena mill-inqas u li tkun disponibbli għal kontroll kull meta jitlobha l-uffiċjal tal-kontroll. Għalhekk, bħala parti mill-proċedura il-proċeduri standard ta' kontroll, l-uffiċjali tal-kontroll jistgħu jikkontrollaw kwalunkwe vettura li jsibu fil-post tal-impriża, u li jagħmlu l-kontrolli kollha li jidrulhom xierqa, waqt li, fl-istess ħin, d-dewmien għas-sewwieqa u l-vetturi jkun mill-inqas.
2.26 Tali kontrolli fil-post tal-impriża jistgħu jqisu l-possibiltà li jista' jkun hemm taħlita ta' vetturi u reġistrazzjonijiet li jirrelataw għat-tagħmir ta' reġistrazzjoni kemm tat-tip ta' Anness I kif ukoll għat-tip ta' Anness 1B, u jkun xieraq li l-uffiċjali tal-kontroll ikunu ppreparati u mgħammra kif suppost għal din l-eventwalità.
— |
il-punti ta' kontroll doppji bl-analiżi tal veloċità reali u tad-distanza;
|
— |
il-punt ta' kontroll wieħed bl-analiżi dettaljata tad-dejta mniżżla;
|
— |
il-punt ta' kontroll wieħed ibbażat fuq il-kontroll tekniku tas-siġilli
|
Kapitolu 3: it-taħriġ, it-tagħmir u l-aħjar prattika
3.1 Filwaqt li l-Istati Membri għandhom jiżguraw li l-uffiċjali tal-kontroll huma mħarrġa kif suppost biex iwettqu xogħolhom, jista' jkun hemm taħriġ xieraq għall-partijiet l-oħra kollha relevanti; ikun ta' vantaġġ u ferm mixtieq jekk jiġu organizzati żjarat u koordinazzjoni konġunti għall-uffiċjali tal-kontroll bejn l-Istati Membri biex jiġu armonizzati l-aħjar prattiċi u jinxtered it-tagħlim miksub mill-esperjenza fost il-prattikanti.
3.2 L-uffiċjali tal-kontroll għandhom ikollhom it-tagħmir li jeħtieġu biex ikunu jistgħu iwettqu l-medda ta' kontrolli relatati mat-takografu diġitali. Dan ifisser li huma għandhom ikollhom l-għodda xierqa disponibbli biex ikunu jistgħu jaqraw, jistampaw u iniżżlu d-dejta minn tali tagħmir ta' reġistrazzjoni. L-Istati Membri jistgħu jagħmlu l-isforzi biex jiżguraw li għadd biżżejjed mill-uffiċjali tal-kontroll ikunu mgħammra b'dan il-mod.
3.3 L-aħjar prattiċi għas-sejba u l-prevenzjoni, kemm matul il-kontrolli fit-triq kif ukoll dawk fil-post tal-impriża (bħall-użu tal-cable ta' referenza, it-teknika tad-distanza fissa, ir-rilevament ta' traċċi ta' veloċità jew profili ta' distanza mhux normali, qtugħ fil-provvista tal-elettriku, siġilli imkissrin) jistgħu jitqassmu u jiġu promossi fil-komunità tal-infurzar.
Kapitolu 4: L-ispezzjonijiet tal-garaxxijiet
Il-garaxxijiet u nies tas-sengħa jipprovdu konnessjoni kruċjali fis-sigurtà tas-sistema tat-takografu, irrispettivament jekk it-tagħmir huwiex takografu analogu jew wieħed diġitali. L-approvazzjoni u l-awtorizzazzjoni tagħhom għandha tkun ibbażata fuq sett ċar ta' kriterji nazzjonali li jistabbilixxi l-affidabilità u l-kredibilità tagħhom. Għal dan l-għan qed jiġi rakkomandat li l-Istati Membri jiżguraw li l-garaxxijiet awtorizzati biex jinstallaw, jattivaw, jikkalibraw, jispezzjonaw u jsewwu t-tagħmir huma approvati, ikkontrollati regolarment, iċċertifikati u provvduti bl-aġġornamenti u bl-informazzjoni rilevanti fil-ħin. Huwa rakkomandat ukoll li l-Awtoritajiet Kompetenti jipprovdu n-nies tas-sengħa u garaxxijiet b'istruzzjonijiet u gwida ċara dwar id-doveri u r-responsabbiltajiet tagħhom, partikolarment il-ftehim tagħhom tar-rwol tagħhom fil-kuntest tas-sigurtà ġenerali tas-sistema. Huwa rakkomandat ukoll li dawk l-awtoritajiet li japprovaw lill-garaxxijiet u lill-ħaddiema tas-sengħa jipprovdu, permezz tal-Kummissjoni, lill-Istati Membri kollha, l-informazzjoni aġġornata regolarment dwar il-marki fuq is-siġilli u d-dettalji u l-istatus ta' kull garaxx fuq it-territorju tagħhom.
A Il-bażi ġuridika
4.1 Il-vetturi normalment ikunu rikjesti li jmorru għand garaxx għal spezzjoni kull meta:
(a) |
it-takografu jeħtieġ li ssirlu spezzjoni b'konformità mal-annessi għar-Regolament (KE) 3821/85; |
(b) |
il-vettura ssirilha l-ispezzjoni annwali dwar jekk hijiex tajba għat-triq skont id-dispożizzjonijiet tal-Anness II għad-Direttiva 96/96/KE; |
(c) |
l-uffiċjali tal-kontroll jibagħtu l-vettura għand garaxx biex issirilha spezzjoni aktar dettaljata tat-tagħmir ta' reġistrazzjoni; |
(d) |
it-tagħmir ta' reġistrazzjoni jeħtieġ li jissewwa jew jinbidel. |
4.2 F'dawn l-okkażjonijiet kollha, il-garaxxijiet jew il-ħaddiema tas-sengħa jistgħu jiġu ordnati biex jikkontrollaw viżwalment jew fiżikament li t-tagħmir ta' reġistrazzjoni huwa ssiġillat u li t-tagħmir ta' reġistrazzjoni għandu kemm il-plakka spjegattiva tal-manufattur kif ukoll il-plakka tal-installazzjoni.
4.3 Il-garaxxijiet jistgħu jiġu mfakkra regolarment mill-Awtorità Kompetenti tal-Istat Membru tagħha li kull meta jispezzjonaw u jissiġillaw mill-ġdid sistema tat-takografu, u titwaħħal plakka ta' installazzjoni, b'dan il-mod il-garaxx ikun, effettivament, jikkonferma li s-sistema hija sigura, li taħdem b'mod korrett, li tirreġistra kif suppost u li ma hemmx strumenti ta' manipulazzjoni mwaħħla mat-tagħmir.
4.4 Il-garaxxijiet jistgħu jiġu mfakkra li jistgħu jkunu qed jikkommettu ksur serju jekk konxjament jissiġillaw mill-ġdid is-sistema takografika mingħajr ma jneħħu l-istrumenti ta' manipulazzjoni l-ewwel li jkunu sabu huma stess jew jekk jitolbu li l-istrument ta' manipulazzjoni jitneħħa qabel ma jsir is-siġill mill-ġdid. Jekk iktar tard jiġi stabbilit li hemm preżenti strument ta' manipulazzjoni, irrispettivament jekk dan kienx użat jew le, u li l-garaxx issiġilla s-sistema, u waħħal plakka ta' installazzjoni, imbagħad il-garaxx u l-ħaddiema tas-sengħa individwali jistgħu jinżammu responsabbli għal ksur serju.
4.5 Huwa rakkomandat li, fid-dawl tar-rwol importanti li għandhom il-garaxxijiet u l-ħaddiema tas-sengħa rigward is-sigurtà tas-sistema, l-Awtoritajiet Kompetenti tal-Istat Membru jikkunsidraw sanzjonijiet xierqa li jafu jwasslu saħansitra għat-telf ta' approvazzjoni jew tal-awtorità biex tagħmel ix-xogħol fuq it-takografu, ladarba l-garaxx mhux ta' min jafda fuqu aktar.
4.6 Bil-maqlub, l-Istati Membri jistgħu jfakkru lill-garaxxijiet li huma għandhom id-dritt li jtemmu kwalunkwe spezzjoni jew kalibrazzjoni fuq kwalunkwe vettura jekk huma jissuspettaw, jew jafu, li hemm strument ta' manipulazzjoni preżenti fuq dik il-vettura. Il-garaxxijiet jistgħu jingħataw appoġġ mill-Awtorità Kompeteti jekk il-garaxx jinsisti li qabel ma titkompla l-ispezzjoni, l-ewwel jitneħħa l-istrument ta' manipulazzjoni. Il-garaxx dejjem jista' jirrifjuta li jissiġilla mill-ġdid il-konnessjonijiet tal-interface, jew iwaħħal kwalunkwe plakka sakemm l-istrument jinqala'.
4.7 Dawk l-Istati Membri li jikkunsidrawha bħala xierqa jistgħu jitolbu li garaxx awtorizzat jirraporta tali fatti kif spjegat minn 4.4 sa' 4.6.
4.8 Alternattivament, l-Istati Membri li ma jikkunsidrawx tali azzjoni minn garaxx bħala xierqa jistgħu minflok jordnaw lill-ħantu tax-xogħol li tali rapporti jinżammu għall-perjodu speċifiku u jkunu disponibbli għall-Awtorità Kompetenti meta jintalbu. Dan il-perjodu ta' żmien jista' jkun minimu ta' 24 xahar li jkun f'konformità mal-perjodu minimu bejn l-ispezzjonijiet tat-tagħmir.
4.9 Il-garaxxijiet jistgħu jiġu mfakkra wkoll li sempliċi tneħħija ta' strument ta' manipulazzjoni minn vettura mhux neċessarjament jeżonera lill-operatur jew lis-sewwieq minn kwalunkwe ksur, peress li x'aktarx id-dejta li ġiet reġistrata u maħżuna qabel fuq il-vettura tal-unità u fuq il-kards tas-sewwieq individwali tista' tkun diġà ġiet manipulata. Jekk ma jirrapurtawx il-każ, il-garaxxijiet infushom jistgħu jkunu qed jagħtu l-kontribut tagħhom għal kull kwalunkwe offiża mwettqa minn dawk l-operaturi jew is-sewwieqa u jistgħu jistennew li jeħlu l-istess kastigi jekk jinqabdu.
4.10 Madankollu, il-garaxxijiet u l-ħaddiema tas-sengħa jistgħu jirraportaw l-użu jew il-preżenza ta' strumenti ta' manipulazzjoni lill-Awtorità Kompetenta tagħhom li, min-naħa tagħha, tista', pereżempju, tikkunsidra kumpens jew skemi ta' inċentiv biex tħeġġeġ lill-garaxxijiet biex jipprovdu informazzjoni li tikkontribwixxi għar-rilevament u l-prevenzjoni ta' strumenti ta' manipulazzjoni jew kwalunkwe tip ieħor ta' attakki fuq is-sistema.
4.11 Il-linji gwida u r-rakkomandazzjonijiet li ġejjin mhumiex eżawrjenti u jista' jkun hemm ċirkostanzi fejn l-applikazzjoni ta' tali rakkomandazzjonijiet ma tkunx tista' tikseb ir-riżultat mixtieq (pereżempju, f'każijiet fejn il-cable ta' referenza (sezzjoni 1.23) ma jkunx jista' jiġi konness mas-sonda tal-moviment). F'tali ċirkustanzi, l-Istati Membri jistgħu jiżviluppaw metodi alternattivi li huma effettivi daqshom. Tali miżuri alternattivi jistgħu jitqassmu b'mod aktar wiesa' fost il-komunità tal-infurzar.
4.12 Barra minn hekk, peress li dawn il-linjigwida jkopru ż-żewġ tipi ta' takografi kif definiti bir-Regolament (KE) 3821/85 u l-annessi tiegħu, l-Istati Membri jistgħu jkollhom metodi, proċeduri u linji gwidi diġà stabbiliti li jikkonċernaw il-kontrolli ta' takografi analogi u r-rilevament ta' strumenti ta' manipulazzjoni. Il-linjigwida f'din ir-Rakkomandazzjoni tal-Kummissjoni ma għandhiex, għalhekk, tidher li qed tieħu post jew tnaqqas minn dawk il-miżuri diġà stabbiliti, iżda tkun ta' appoġġ ulterjuri għalihom, b'mod partikolari b'referenza għat-takografu diġitali, meta l-metodoloġija tista' tkun differenti, iżda l-objettiv jibqa' l-istess. Huwa rakkomandat li fejn il-miżuri għall-kontroll tat-takografi analogi diġà jinsabu fis-seħħ, jistgħu, fejn jixraq, jiġu estiżi biex jinkludu dawk diġitali wkoll. Pereżempju, is-sitwazzjonijiet li jikkonċernaw il-ħlas lill-garaxxijiet għat-twettiq ta' xogħol speċifiku mogħti lilhom mill-uffiċjali tal-kontroll li jkunu bagħtu vetturi għand garaxx awtorizzat.
B Is-siġilli miksura jew in-nuqqas tagħhom
4.13 Il-garaxxijiet jistgħu jikkontrollaw jekk hemmx siġilli nieqsa, miksura jew bil-ħsara.
4.14 Il-vettura ma għandix, taħt l-ebda ċirkustanza, tiġi ssiġillata mill-ġdid jew tinħarġilha plakka ta' installazzjoni sakemm din is-sistema ma tkun ġiet irrestawrata biex tilħaq il-ħtiġiet tar-Regolament.
4.15 Il-garaxxijiet jistgħu jirreġistraw il-fatt li s-siġilli huma nieqsa fuq ir-rapport ta' spezzjoni jew ir-reġistru u jwettqu kontrolli ulterjuri (bħall kontroll tal-cable ta' referenza) u spezzjonijiet biex jassiguraw li ma hemmx strumenti ta' manipulazzjoni preżenti fuq il-vettura.
4.16 Jekk, kif previst minn Kapitolu V (4) tal-Anness I, u r-Rekwiżit 252 tal-Anness IB għar-Regolament (KEE) 3821/85, is-siġilli jkunu tneħħew f'każ ta' emerġenza jew biex jiġi installat jew jissewwa strument li jillimita l-veloċità, għal kull okkażjoni li jkun tkisser siġill, trid tiġi ppreparata stqarrija bil-miktub li tagħti r-raġuni għal azzjoni tali u trid tkun disponibbli lill-awtoritajiet kompetenti.
4.17 Jekk dan ma jsirx, il-garaxx jista' jwettaq kontroll komplut, b'dawn il-metodi rakkomandati u jirraporta lill-Awtorità Kompetenti xi jkun sar eżattament u xi jkun instab.
C L-analiżi tar-reġistri tad-dejta
4.18 Speċifikament għat-takografu diġitali, id-dejta li tkun tniżżlet, bil-firma diġitali fejn possibli, fil-garaxx u inkorporata fir-rapport ta' verifika għanda taqbel mar-rekwiżiti li jinsabu fis-sezzjoni 4.4 (Il-Miri ta' Sigurtà tas-Sonda ta' Moviment) u s-sezzjoni 4.4 (Il-Miri ta' Sigurtà tal-Unità tal-Vettura) tal-l-Appendiċi 10 tal-Anness IB għar-Regolament (KEE) 3821/85. L-Appendiċi 1 jipprovdi l-lista sħiħa tal-informazzjoni fir-rapport ta' verifika.
4.19 Il-garaxx jista' jniżżel ukoll u janalizza il-Fajl ta’ Dejta tal-Avvenimenti u l-Ħsarat, li hemm dwar l-unità tal-vettura. Dawn l-avvenimenti u d-difetti jinkludu pereżempju (ara wkoll il-lista sħiħa fl-Appendiċi 2):
— |
l-attentati ta' ksur tas-sigurtà; |
— |
difett fl-awtentikazzjoni tas-sonda tal-moviment; |
— |
tibdil mhux awtorizzat tas-sonda tal-moviment; |
— |
ftuħ mhux awtorizzat tal-kaxxa; |
— |
interruzzjonijiet tal-provvista tal-elettriku |
— |
jew difett tas-sonda. |
4.20 Is-sejba tal-użu ta' strument ta' manipulazzjoni wara li jkun tneħħa hija wkoll diffiċli biex tistabbilixxi. Madankollu, kontroll tal-Il-Fajl tal-Avvenimenti u d-difetti jista' juri okkażjonijiet fejn kien hemm interruzzjonijiet tal-provvista tal-elettriku, li ma jistgħux jiġu spjegati. Barra minn hekk, studju tat-traċċa ta' veloċità dettaljata jista' jindika anormalitajiet tas-sinjal tal-veloċità. Tnaqqis tal-veloċità u aċċelerazzjonijiet mhux realistiċi jistgħu jkunu sintomi li ġejjin meta wieħed jitfi u jixgħel strument ta' manipulazzjoni
4.21 Fiċ-ċirkustanzi kollha l-garaxxijiet jistgħu jistampaw u jwaħħlu l-karta stampata mar-rapport ta' spezzjoni jew mar-reġistru (ara Kapitolu 4) u, fejn xieraq, jirreferu għal kwalunkwe dejta li tniżżlet permezz tal-kard tal-garaxx.
4.22 Jekk id-dejta mill-unità tal-vettura ma tistax titniżżel permezz tal-kard tal-garaxx, l-unità tal-vettura tista' tiġi kkunsidrata li għandha l-ħsara jew imkissra. F'każijiet tali il-garaxxijiet jistgħu jippruvaw jirranġaw it-tagħmir. Jekk tali attentati ta' tiswija xorta ma jwasslux għall-possibbiltà li tniżżel id-dejta, għandu jinħareġ ċertifikat ta' nuqqas ta' kapaċità li tniżżel.
4.23 Huwa rakkomandat ukoll li s-sewwieqa jżommu magħhom kwalunkwe ċertifikat ta' nuqqas ta' kapaċità li tniżżel maħruġ lilhom mill-garaxx, f'każ li jiġu kkontrollati aktar tard meta jkunu qed jużaw vettura b'takografu diġitali bil-ħsara. Barra minn hekk huwa rakkomandat li, jekk is-sewwieq ibiddel l-vetturi, tali ċertifikati jibqgħu mal-vetturi sakemm l-impriża tat-trasport tkun tista' tieħu l-irċevuta taċ-ċertifikat bħala parti mill-obbligi ġenerali taż-żamma tar-reġistri u jkun jista' jsewwi t-tagħmir.
D Il-kontroll tat-tqabbil f'par bejn is-sonda tal-moviment u l-unità tal-vetturi
4.24 Jekk mill-aħħar spezzjoni li tkun saret tinstab xi dejta spjegata fis-sezzjoni ta' qabel, il-garaxx jkun jista' jqabbel bejn id-dejta ta' identifikazzjoni tas-sonda ta' moviment mis-sonda ta' moviment li hemm mqabbda mal-gearbox ma' dik tas-sonda ta' moviment ma’ dik imqabbda f’par rreġistrat fl-unità tal-vettura.
4.25 L-użu ta' cable ta' referenza huwa mezz effettiv ta' kif jista' jiġi eżaminat jekk kinux ġew installati ċerti tipi ta' strumenti ta' manipulazzjoni fil-karozza. Il-cable ta' referenza huwa mqabbad fuq wara tal-unità tal-vettura, u t-tarf l-ieħor konness mas-sonda ta' moviment. Jekk is-sonda ta' moviment fil-gearbox ma tkunx tqabbdet f'par mal-unità tal-vettura, dan iwassal għal “każ ta' żball fid-dejta tal-moviment” jew għal difett fis-sonda. Dan il-messaġġ se jindika il-preżenza ta' strument ta' manipulazzjoni. F'każ bħal dan, il-vettura tista' tiġi kkontrollata għal strumenti moħbija.
4.26 Alternattivament, matul il-kontroll, is-sonda ta' moviment tista’ tinqala' jew titneħħa. Jekk is-sistema tat-takografu diġitali ma tkunx imbagħbsa, jidher messaġġ ta' żball (sonda ta' moviment mhux preżenti). Jekk, madankollu, ma jkunx hemm tali messaġġ ta' żball, dan ikun jindika l-preżenza ta' sonda ta' moviment ieħor moħbi jew xi strument ta' manipulazzjoni elettroniku ieħor.
4.27 Ta' min jinnota li qabel ma titnuża t-teknika tal-cable ta' referenza, tekniċi tal-garaxx (jew uffiċjali tal-kontroll) għandhom idaħħlu il-kard tal-garaxx tagħhom (jew il-kard tal-kontroll) sabiex tkun provduta spjegazzjoni ta' għala ġie stimulat “każ ta' interruzzjoni tal-provvista tal-elettriku” u għala ġie rreġistrat fuq il-Fajl tal-Każijiet u tal-Ħsarat tal-unità tal-vettura. Jekk dan ma jsirx tista' tingħata indikazzjoni żbaljata matul spezzjoni fil-ġejjieni li jew is-sewwieq jew l-operatur setgħu għamlu attentat ta' attakk fuq is-sigurtà tas-sonda ta' moviment.
4.28 Alternattivament, għalkemm mhux dejjem possibli, il-marki fuq is-sonda tal-moviment fuq il-gearbox jistgħu jitqabblu mad-dejta ta' identifikazzjoni tas-sonda ta' moviment, tas-sonda tal-moviment mqabbda f'par irreġistrata fl-unità tal-vettura. Għalhekk il-garaxxijiet jistgħu jieħdu waħda minn dawn l-azzjonijiet:
— |
Iqabblu l-informazzjoni rreġistrata fuq il-plakka ta' installazzjoni mal-informazzjoni li hemm fir-reġistru tal unità tal-vettura. Jekk jinstab xi nuqqas ta' qbil f'dik l-informazzjoni, jistgħu jiġu infurmati l-Awtoritajiet tal-Infurzar tal-Istat Membru u l-inċident jiġi reġistrat fuq ir-rapport ta' spezzjoni u r-reġistru ta' spezzjoni. |
— |
Jitqabbel in-numru ta' identifikazzjoni tas-sonda tal-moviment stampat fuq il-qafas tas-sonda ta' moviment bl-informazzjoni li hemm fir-reġistru tal-unità tal-vettura. Jekk hemm bżonn tista' tintuża għodda għal eżami elettroniku biex tivverifika l-identifikazzjoni elettronika tas-sonda tal-moviment. Fejn jinstab xi nuqqas ta' qbil tan-numri ta' identifikazzjoni wieħed jista' jassumi li hemm imqabbad strument ta' manipulazzjoni. L-Awtoritajiet tal-Infurzar tal-Istat Membru jistgħu jiġu infurmati u l-inċident jiġi reġistrat fuq ir-rapport ta' spezzjoni u r-reġistru ta' spezzjoni. |
E Il-proċeduri speċjali b'riżultat ta' kontroll fit triq
4.29 l-Uffiċjali tal-Kontroll setgħu jkunu bagħtu vettura suspettuża għand garaxx. Fit-tali ċirkustanzi, l-uffiċjali tal-kontroll jistgħu l-ewwel jordnaw lill-garaxxijiet u lin-nies tas-sengħa biex iniżżlu kull fajl ta' dejta mill-unità tal-vettura. Dawn il-fajls jinkludu l-Fajl Ġenerali, il-Fajl Dettaljat tal-Veloċità, il-Fajl Tekniku, u il-Fajl tal-Avvenimenti u d-Difetti. Il-firma diġitali xierqa trid takkumpanja fajls tali.
4.30 Tista' ssir verifika sħiħa tad-dejta reġistrata kif ukoll tal-mezzi tekniċi (cable tar-referenza, verifika tas-siġilli...).
4.31 Jekk jinstabu inkonsistenzi serji iżda mingħajr ma jinstabu l-istrumenti ta' manipulazzjoni, jista' jiġi konkluż li ġie użat u mneħħi strument ta' manipulazzjoni. F'każ tali, l-uffiċjal ta' kontroll għandu jinforma lill-korp għall-koordinazzjoni tal-azzjonijiet tal-infurzar, skont l-Artikolu 2 tad-Direttiva 2006/22/KE u/jew il-korp għar-relazzjonijiet intra-komunitarji, skont l-Art 7 tal-istess Direttiva, jekk il-vettura hi reġistrata fi Stat Membru ieħor. Dan jista' jwassal għal investigazzjoni ulterjuri safejn tikkonċerna l-vettura tal-impriża.
Kapitolu 5: Ir-rapport u l-verifika tal-garaxxijiet
5.1 Il-garaxxijiet jistgħu ifasslu rapport ta' spezzjoni għal kull spezzjoni ta' vettura waħda meta jeħtieġ li jiġi spezzjonat tagħmir ta' reġistrazzjoni, kemm jekk l-ispezzjoni hija parti minn spezzjoni perjodika, kif ukoll jekk hi talba speċifika tal-awtorità nazzjonali kompetenti. Huma jistgħu jirreġistraw ukoll il-lista tar-rapporti ta' spezzjonijiet f'reġistru.
5.2 Ir-rapport ta' spezzjoni jista' jinżamm mill-garaxx għall-perjodu minimu ta' sentejn minn meta jkun sar ir-rapport u, kull meta jkun mitlub li jsir hekk mill-awtorità nazzjonali kompetenti, iqiegħed għad-dispożizzjoni ir-reġistrazzjonijiet kollha tal-ispezzjonijiet u tal-kalibrazzjonijiet għal dak il-perjodu.
5.3 Sejbiet tali magħmula mill-garaxxijiet awtorizzati, (reġistrazzjonijiet ta' siġilli miksura, bil-ħsara jew dawk neqsin; plakek neqsin; informazzjoni mhux kompluta jew dik li ma taqbilx ma' dak li ġie rreġistrat fuq l-unità tal-vettura u dak li kien hemm fuq is-sonda tal-moviment u; kwalunkwe skoperta ta' strumenti ta' manipulazzjoni; kopji tal-karti stampati relatati mal-Fajl tal-Każijiet u tad-Difetti u kwalunkwe karta stampata rilevanti oħra, pereżempju, jiffurmaw parti mill-format ta' rappurtaġġ regolari u l-Awtoritajiet Kompetenti tal-Istat Membru huma mħeġġa biex jiżguraw li fil-fatt dan hu l-każ.
5.4 In-nuqqas li l-garaxxijiet ma jipprovdux rapporti ta' spezzjoni kompluti kif suppost jista' jiġi kkunsidrat mill-Istati Membri bħala ksur tar-regoli li jista' jwassal għat-tneħħija tal-awtorizzazzjoni tal-garaxx.
5.5 L-Istati Membri jistgħu jwettqu verifiki tar-rapporti tal-ispezzjonijiet u r-reġistri tal-garaxxijiet mill-inqas darba kull sentejn. Tali verifiki jistgħu jinkludu kontrolli każwali tar-rapporti ta' spezzjoni relatati mal-ispezzjoni u l-kalibrazzjoni tat-takografi diġitali. Il-kards tal-garaxxijiet jistgħu jiġu vverifikati, u mniżżla regolarment biex jiġi evitat li d-dejta tintilef jew titħassar peress ssir reġistrazzjoni ġdida fuqha.
— |
kontrolli fiżiċi tas-siġilli, il-plakek tal-installazzjoni u tal-manufattur
|
— |
analiżi tal-fajls tad-dejta mniżżla, speċjalment il-Fajl tal-Każijiet u tad-Difetti
|
— |
jew fejn jixraq eżami bit-teknika tal-cable ta' referenza
|
Kapitolu 6: Id-dispożizzjonijiet finali
6.1 Ir-rilevament u l-prevenzjoni tal-użu ta' strumenti biex isiru atti ta' frodi fuq is-sitema tat-takografu huwa proċess kontinwu u wieħed li jeħtieġ viġilanza kostanti fl-indirizzar. Hekk kif it-teknoloġija qed tavvanza, l-istess jagħmlu l-metodi u theddid maħluqa biex jegħlbu s-sistema Għal dan il-għan dawk kollha involuti fis-sigurtà tas-sistema tat-takografu, kemm jekk huma uffiċjali tal-kontroll, garaxxijiet u nies tas-sengħa approvati, u anki jekk huma operaturi u sewwieqa leġittimi u jirrispettaw il-liġi, kollha għandhom rwol.
6.2 F'livell nazzjonali l-Istati Membri għandhom jitħeġġu biex jakkwistaw kemm jistgħu informazzjoni, sabiex jiżviluppaw l-istrateġiji tagħhom fl-indirizzar ta' theddid tali, u għandhom jiġu appoġġati bis-saħħa fit-tqassim ta' informazzjoni tali. Theddidiet ġodda jew differenti jew attentati ta' frodi fuq is-sistema għandhom jinġiebu għall-attenzjoni tal-Kummissjoni.
6.3 F'livell Komunitarju, il-Kummissjoni se tkompli teżamina mill-ġdid is-sitwazzjoni, u l-applikazzjoni tar-regoli, u tfittex l-appoġġ u l-kooperazzjoni tal-Istati Membri kollha u tal-partijiet interessati tal-industrija.
(1) ITSEC - Kriterji ta' Evalwazzjoni tas-Sigurtà tat-Teknoloġija tal-Informatika, 1991.Verżjoni 1.2
(2) Noti Tekniċi taċ-ĊKR. “Ir-rapport dwar l-attakki fuq is-sigurtà tat-takografu diġitali u dwar ir-riskju assoċjat mal-introduzzjoni ta' adapters li jitwaħħlu f'vetturi żgħar”. Ċirkolazzjoni limitata għall–amministraturi tar-riskju nazzjonali (29 ta' Novembru 2007)
(3) Għandu jintuża t-TACHONET biex jintbagħtu talbiet lil awtoritajiet oħra li joħorġu l-kards