19.12.2009   

MT

Il-Ġurnal Uffiċjali tal-Unjoni Ewropea

L 338/101

(1)

Ir-Regolament (KE) Nru 1085/2006 li jistabbilixxi Strument għall-Assistenza ta’ Qabel l-Adeżjoni (IPA) jistabbilixxi l-għanijiet u l-prinċipji ewlenin għall-assistenza ta’ qabel l-adeżjoni tal-pajjiżi kandidati u l-pajjiżi kandidati potenzjali għall-perjodu mill-2007 sal-2013 u jagħti r-responsabbiltà għall-implimentazzjoni tiegħu lill-Kummissjoni.

(2)

L-Artikoli 11, 12, 13, 14, 18 u 186 tar-Regolament (KE) Nru 718/2007 li jimplimenta r-Regolament (KE) Nru 1085/2006 jagħtu lill-Kummissjoni l-possibbiltà li tagħti s-setgħat ta’ ġestjoni lill-pajjiż benefiċjarju u jiddefinixxu r-rekwiżiti għat-tali għoti relatat mal-Komponent V - l-Agrikoltura u l-Iżvilupp Rurali tal-Istrument għall-Assistenza ta’ Qabel l-Adeżjoni.

(3)

Skont l-Artikolu 7 tar-Regolament (KE) Nru 718/2007, il-Kummissjoni u l-pajjiż benefiċjarju għandhom jikkonkludu ftehim ta’ qafas, sabiex jistabbilixxu u jaqblu dwar ir-regoli għall-kooperazzjoni fir-rigward tal-assistenza finanzjarja tal-UE lill-pajjiż benefiċjarju. Fejn meħtieġ, il-ftehim ta’ qafas jista’ jiġi kkumplimentat bi ftehim settorjali, jew ftehimiet settorjali, li jkopri/u dispożizzjonijiet speċifiċi għall-komponenti.

(4)

Biex jingħataw is-setgħat ta’ ġestjoni lill-pajjiż benefiċjarju, iridu jiġu ssodisfati l-kundizzjonijiet stabbiliti fl-Artikolu 53c u fl-Artikolu 56(2) tar-Regolament Finanzjarju u fl-Artikolu 35 tar-Regolamenti Implimentattivi.

(5)

Il-Ftehim ta’ Qafas dwar ir-regoli għall-kooperazzjoni rigward l-assistenza finanzjarja tal-KE lill-ex Repubblika Jugoslava tal-Maċedonja fil-qafas tal-implimentazzjoni tal-assistenza skont l-Istrument għall-Assistenza ta’ Qabel l-Adeżjoni (IPA) bejn il-Gvern tal-ex Repubblika Jugoslava tal-Maċedonja u l-Kummissjoni tal-Komunitajiet Ewropej, ġie konkluż fl-4 ta’ Marzu 2008.

(6)

Il-Programm għall-Agrikoltura u l-Iżvilupp Rurali tal-ex Repubblika Jugoslava tal-Maċedonja skont l-IPA (minn issa ‘l quddiem imsejjaħ “il-Programm IPARD”), approvat bid-Deċiżjoni tal-Kummissjoni C(2008) 677 tal-25 ta’ Frar 2008, skont l-Artikolu 7(3) tar-Regolament (KE) Nru 1085/2006, u l-Artikolu 184 tar-Regolament (KE) Nru 718/2007, inkluda pjan għall-kontribuzzjonijiet Komunitarji annwali kif ukoll il-ftehim ta’ finanzjament.

(7)

Il-Ftehim Settorjali konkluż fid-29 ta’ Jannar 2009 bejn il-Kummissjoni tal-Komunità Ewropea, li taġixxi għal u f’isem il-Komunità Ewropea, u l-Gvern tal-ex Repubblika Jugoslava tal-Maċedonja, li jaġixxi f’isem il-Gvern tal-ex Repubblika Jugoslava tal-Maċedonja, jikkumplimenta d-dispożizzjonijiet tal-Ftehim ta’ Qafas, li jistabbilixxi d-dispożizzjonijiet speċifiċi applikabbli għall-implimentazzjoni u l-eżekuzzjoni tal-Programm IPARD għall-Agrikoltura u l-Iżvilupp Rurali tal-ex Repubblika Jugoslava tal-Maċedonja skont l-Istrument għall-Assistenza ta’ Qabel l-Adeżjoni (IPA).

(8)

Il-Programm IPARD ġie emendat l-aħħar fit-23 ta’ Settembru 2009 bid-Deċiżjoni tal-Kummissjoni C(2009)7041.

(9)

Skont l-Artikolu 21 tar-Regolament (KE) Nru 718/2007, il-pajjiż benefiċjarju għandu jaħtar entitajiet u awtoritajiet responsabbli mill-implimentazzjoni tal-Programm IPARD: l-Uffiċjal Kompetenti tal-Akkreditazzjoni, l-Uffiċjal Nazzjonali Awtorizzanti, il-Fond Nazzjonali, l-Awtorità ta’ Ġestjoni, l-Aġenzija IPARD u l-Awtorità ta’ Verifika.

(10)

Il-Gvern tal-ex Repubblika Jugoslava tal-Maċedonja ħatar il-Fond Nazzjonali, entità ċentrali tat-teżor fi ħdan il-Ministeru tal-Finanzi, biex jaġixxi bħala l-Fond Nazzjonali, li se jwettaq il-funzjonijiet u r-responsabbiltajiet kif definiti fl-Anness I għall-Ftehim Settorjali.

(11)

Il-Gvern tal-ex Repubblika Jugoslava tal-Maċedonja ħatar l-Aġenzija għall-Appoġġ Finanzjarju fl-Agrikoltura u l-Iżvilupp Rurali biex taġixxi bħala l-Aġenzija IPARD, li se twettaq il-funzjonijiet u r-responsabbiltajiet kif definiti fl-Anness I għall-Ftehim Settorjali.

(12)

Il-Gvern tal-ex Repubblika Jugoslava tal-Maċedonja ħatar l-Awtorità ta’ Ġestjoni, fi ħdan il-Ministeru tal-Agrikoltura, il-Foresterija u l-Ekonomija tal-Ilma, biex taġixxi bħala l-Awtorità ta’ Ġestjoni, li se twettaq il-funzjonijiet u r-responsabbiltajiet kif definiti fl-Anness I għall-Ftehim Settorjali.

(13)

Fit-18 ta’ Marzu 2009, l-Uffiċjal Kompetenti tal-Akkreditazzjoni nnotifika lill-Kummissjoni Ewropea dwar l-akkreditazzjoni tal-Uffiċjal Nazzjonali Awtorizzanti u l-Fond Nazzjonali skont l-Artikolu 12(3) tar-Regolament (KE) Nru 718/2007.

(14)

Fit-18 ta’ Marzu 2009, l-Uffiċjal Nazzjonali Awtorizzanti nnotifika lill-Kummissjoni Ewropea dwar l-akkreditazzjoni tal-istruttura operattiva responsabbli mill-ġestjoni u l-implimentazzjoni tal-Komponent V IPA - l-Iżvilupp Rurali, skont l-Artikolu 13(3) tar-Regolament (KE) Nru 718/2007.

(15)

L-Aġenzija għall-Appoġġ Finanzjarju fl-Agrikoltura u l-Iżvilupp Rurali, li taġixxi bħala l-Aġenzija IPARD, u l-Awtorità ta’ Ġestjoni, li taġixxi bħala l-Awtorità ta’ Ġestjoni, se jkunu responsabbli mill-implimentazzjoni tat-tliet miżuri akkreditati mill-Uffiċjal Nazzjonali Awtorizzanti minn erbgħa mill-Programm IPARD: 101 “Investimenti f’intrapriżi agrikoli biex jirristrutturaw u jaġġornaw għall-istandards Komunitarji”, 103 “Investimenti fl-ipproċessar u l-kummerċjalizzazzjoni ta’ prodotti agrikoli u tas-sajd biex jirristrutturaw dawn l-attivitajiet u jaġġornawhom għall-istandards Komunitarji” u 302 “Diversifikazzjoni u żvilupp ta’ attivitajiet ekonomiċi rurali” kif definit fil-Programm.

(16)

Fit-22 ta’ Ottubru 2008 u fl-24 ta’ Frar 2009, l-Awtoritajiet Nazzjonali ressqu lill-Kummissjoni l-lista ta’ nefqa eliġibbli f’konformità mal-Artikolu 32(3) tal-Ftehim Settorjali. Il-Kummissjoni approvat din il-lista fis-17 ta’ April 2009.

(17)

Sabiex jiġu kkunsidrati r-rekwiżiti tal-Artikolu 19(1) tal-Ftehim ta’ Qafas, in-nefqa skont din id-Deċiżjoni għandha tkun eliġibbli biss għall-kofinanzjament Komunitarju jekk ma titħallasx qabel id-data tad-deċiżjoni ta’ konferiment, bl-eċċezzjoni tal-ispejjeż ġenerali msemmija fl-Artikolu 172(3)(c) tar-Regolament (KE) Nru 718/2007. In-nefqa għandha tkun eliġibbli jekk tkun skont il-prinċipji ta’ ġestjoni finanzjarja tajba, u b’mod partikolari, skont il-prinċipji ekonomiċi u dawk effettivi f’termini ta’ nfiq.

(18)

Ir-Regolament (KE) Nru 718/2007 jipprovdi li r-rekwiżit ta’ approvazzjoni ex-ante msemmi fl-Artikolu 18(2) tar-Regolament (KE) Nru 718/2007 jista’ jiġi rinunzjat abbażi ta’ analiżi ta’ każ b’każ ta’ tħaddim effettiv tas-sistema ta’ ġestjoni u ta’ kontroll konċernata u jipprovdi għar-regoli dettaljati sabiex issir l-analiżi msemmija.

(19)

Skont l-Artikoli 14 u 18 tar-Regolament (KE) Nru 718/2007, l-akkreditazzjonijiet imsemmija fl-Artikoli 11, 12 u 13 tar-Regolament (KE) Nru 718/2007 ġew riveduti; u l-proċeduri u l-istrutturi tal-entitajiet u l-awtoritajiet konċernati, kif stabbiliti fl-applikazzjoni mressqa mill-Uffiċjal Nazzjonali Awtorizzanti, ġew eżaminati, anke permezz ta’ verifiki fuq il-post.

(20)

Madankollu, il-verifiki li saru mill-Kummissjoni għall-miżura 101 “Investimenti f’intrapriżi agrikoli biex jirristrutturaw u jaġġornaw għall-istandards Komunitarji”, il-miżura 103 “Investimenti fl-ipproċessar u l-kummerċjalizzazzjoni ta’ prodotti agrikoli u tas-sajd biex jirristrutturaw dawn l-attivitajiet u jaġġornawhom għall-istandards Komunitarji” u l-miżura 302 “Diversifikazzjoni u żvilupp ta’ attivitajiet ekonomiċi rurali” huma bbażati fuq sistema li hija operattiva, iżda li għadha mhux qed topera, fir-rigward tal-elementi rilevanti kollha.

(21)

Għalkemm l-Awtorità ta’ Verifika ma tagħmilx parti minn din id-Deċiżjoni, il-livell ta’ tlestija tagħha biex topera bħala entità ta’ verifika li taħdem indipendentament sa żmien it-tressiq tal-pakkett dwar l-akkreditazzjoni għall-għoti tal-ġestjoni lill-Kummissjoni, ġie evalwat permezz ta’ verifiki fuq il-post.

(22)

Il-konformità tal-ex Repubblika Jugoslava tal-Maċedonja mar-rekwiżiti tal-Artikolu 56(2) tar-Regolament Finanzjarju u l-Artikoli 11, 12 u 13 tar-Regolament (KE) Nru 718/2007 ġiet ivvalutata permezz ta’ verifiki fuq il-post.

(23)

Il-valutazzjoni wriet li l-ex Repubblika Jugoslava tal-Maċedonja tikkonforma mar-rekwiżiti għall-miżuri 101, 103 u 302.

(24)

Għalhekk, huwa xieraq li jiġu rinunzjati r-rekwiżiti ta’ approvazzjoni ex ante msemmija fl-Artikolu 18(1) tar-Regolament (KE) Nru 718/2007 u l-Artikolu 165 tar-Regolament Finanzjarju u li l-Uffiċjal Nazzjonali Awtorizzanti, il-Fond Nazzjonali, l-Aġenzija IPARD u l-Awtorità ta’ Ġestjoni jingħataw is-setgħat ta’ ġestjoni relatati mal-miżuri 101, 103 u 302 tal-Programm għall-ex Repubblika Jugoslava tal-Maċedonja fuq bażi deċentralizzata,

(a)

l-Uffiċjal Nazzjonali Awtorizzanti;

(b)

il-Fond Nazzjonali;

(c)

l-Istruttura Operattiva għall-IPA – il-Komponent V: