25.10.2007   

MT

Il-Ġurnal Uffiċjali ta’ l-Unjoni Ewropea

L 281/5

(1)

Fid-dawl ta’ l-esperjenza miksuba mill-applikazzjoni tar-Regolament tal-Kummissjoni (KE) Nru 793/2006 (2) jidher li xi dispożizzjonijiet ta’ dan ir-Regolament għandhom jiġu adattati.

(2)

Ir-Regolament tal-Kummissjoni (KE) Nru 1291/2000 tad-9 ta' Ġunju 2000 li jistabbilixxi regoli dettaljati komuni għall-applikazzjoni tas-sistema tal-liċenzji ta' l-importazzjoni u ta' l-esportazzjoni u ta' ċertifikati ta' ffissar bil-quddiem għal prodotti agrikoli (3), jipprovdi għall-ħruġ u l-użu ta’ ċertifikati permezz ta' sistemi kompjuterizzati; referenzi għal din il-possibbiltà għandhom jiġu integrati fir-Regolament (KE) Nru 793/2006.

(3)

L-ewwel inċiż ta’ l-Artikolu 29 tar-Regolament (KE) Nru 793/2006, jinkludi biss l-arranġamenti speċifiċi tal-provvista li għandhom jitħallsu fi kwalunkwe żmien tas-sena. Iridu jiżdiedu miżuri addizzjonali sabiex jiġi żgurat it-tħaddim xieraq u l-effiċjenza tal-programm. Għandu jkun għalhekk possibbli li jsiru ħlasijiet f’kull żmien tas-sena għall-importazzjoni u l-provvista ta' annimali ħajjin kif ukoll għall-miżuri msemmija fl-Artikolu 50 ta' dak ir-Regolament.

(4)

Il-proċeduri għall-emendi għall-programmi pprovduti fl-Artikolu 49 tar-Regolament (KE) Nru 793/2006 jridu jkunu aktar preċiżi. Jixraq li jiġu speċifikati r-regoli għat-tressiq tat-talbiet għall-emendi għall-programm kumplessiv u għall-approvazzjoni tagħhom mill-Kummissjoni, kif ukoll il-kalendarju għall-applikazzjoni tagħhom. Minħabba regoli tal-baġit, l-emendi approvati għandhom jiġu implimentati sa mill-1 ta’ Jannar tas-sena wara t-talba għal emenda. Barra minn hekk, għandu jkun hemm distinzjoni bejn emendi ewlenin li jeħtieġu approvazzjoni minn Deċiżjoni tal-Kummissjoni u emendi minuri li għandhom jiġu nnotifikati biss lill-Kummissjoni għall-informazzjoni.

(5)

Il-kliem li hemm bħalissa fl-Artikolu 50 tar-Regolament (KE) Nru 793/2006 iridu jiġu ċċarati b’mod aktar preċiż b’referenza għall-Artikolu relatat tar-Regolament (KE) Nru 247/2006.

(6)

Sabiex tiġi żgurata transizzjoni mingħajr intoppi mill-arranġamenti ta’ qabel li kienu japplikaw sa l-2006 fir-rigward tal-possibbiltà li jintużaw iċ-ċertifikati elettroniċi għall-iskopijiet ta’ l-għajnuna skond l-Arranġamenti Speċifiċi tal-Provvista u fir-rigward tal-possibbiltà li jsiru pagamenti tul is-sena għall-importazzjoni u l-provvista ta’ annimali ħajjin kif ukoll għall-miżuri msemmija fl-Artikolu 50 tar-Regolament (KE) Nru 793/2006, l-emendi għall-Artikolu 5(2), 7(2) u 29 għandhom ikunu applikabbli mid-data li fiha l-Kummissjoni tkun innotifikat l-approvazzjoni tagħha tal-programm kumplessiv ta' l-Istat Membru rilevanti skond l-Artikolu 24(2) tar-Regolament (KE) Nru 247/2006.

(7)

Ir-Regolament (KE) Nru 793/2006 għandu għalhekk jiġi emendat skond dan.

(8)

Il-miżuri pprovduti f'dan ir-Regolament huma konformi ma’ l-opinjoni tal-Kumitat ta' Ġestjoni għall-Pagamenti Diretti,

(1)

Fl-Artikolu 5(2), it-tieni subparagrafu għandu jinbidel b'dan li ġej:

“L-Artikoli 8(5), 13, 15, 17, 18, 19, 21, 23, 26, 27, 29 sa 33 u 36 sa 41 tar-Regolament (KE) Nru 1291/2000 għandhom jgħoddu, mutatis mutandis, bla ħsara għal dan ir-Regolament.”

(2)

Fl-Artikolu 7(2), it-tieni subparagrafu għandu jinbidel b'dan li ġej:

“L-Artikoli 8(5), 13, 15, 17, 18, 19, 21, 23, 26, 27, 29 sa 33 u 36 sa 41 tar-Regolament (KE) Nru 1291/2000 għandhom jgħoddu, mutatis mutandis, bla ħsara għal dan ir-Regolament.”

(3)

L-ewwel inċiż fl-Artikolu 29 jinbidel b'dan li ġej:

(4)

L-Artikolu 49 jinbidel b'dan li ġej:

“Artikolu 49

Emendi għall-programmi

1.   L-emendi għall-programmi kumplessivi approvati skond l-Artikolu 24(2) tar-Regolament (KE) Nru 247/2006 għandhom jitressqu lill-Kummissjoni u għandhom jiġu ssostanzjati kif xieraq, partikolarment billi jingħata t-tagħrif li ġej:

Ħlief f’każi ta’ forza maġġuri jew ċirkostanzi eċċezzjonali, l-Istati Membri għandhom iressqu talbiet għal emendi lill-programm mhux aktar minn darba kull sena kalendarja għal kull programm u mhux aktar tard mit-30 ta' Settembru ta' kull sena.

Jekk il-Kummissjoni ma tqajjem l-ebda oġġezzjoni għall-emendi mitluba, dawk l-emendi għandhom japplikaw mill-ewwel ta’ Jannar tas-sena wara dik li fiha ġew innotifikati.

Dawn l-emendi jistgħu japplikaw qabel jekk il-Kummissjoni tikkonferma bil-miktub lill-Istat Membru qabel id-data msemmija fit-tielet subparagrafu li l-emendi nnotifikati jikkonformaw mal-leġislazzjoni Komunitarja.

Jekk l-emenda nnotifikata ma tikkonformax mal-leġislazzjoni Komunitarja, il-Kummissjoni għandha tinforma lill-Istat Membru b’dan u l-emenda ma tapplikax sakemm il-Kummissjoni tirċievi emenda li tista’ tiġi ddikjarata bħala konformi.

2.   B’deroga mill-paragrafu 1, għall-emendi li ġejjin, il-Kummissjoni għandha tevalwa l-proposti ta’ l-Istati Membri u tiddeċiedi dwar l-approvazzjoni tagħhom fi żmien mhux aktar minn erba' xhur mit-tressiq tagħhom skond il-proċedura msemmija fl-Artikolu 26(2) tar-Regolament (KE) Nru 247/2006:

3.   L-Istati Membri għandhom ikunu awtorizzati jagħmlu l-emendi li ġejjin, mingħajr rikors għall-proċedura stipulata fil-paragrafu 1, dejjem sakemm l-emendi jkunu nnotifikati lill-Kummissjoni:

Dawn l-emendi m’għandhomx japplikaw qabel id-data li fiha jaslu għand il-Kummissjoni. Jistgħu jiġu implimentati darba fis-sena biss fil-każ ta' forza maġġuri jew ċirkostanzi eċċezzjonali, modifika tal-kwantitajiet tal-prodotti koperti mill-arranġamenti ta' provvista u modifika tan-nomenklatura statistika u tal-kodiċijiet tat-Tariffa Doganali Komuni kif ipprovdut fir-Regolament (KEE) Nru 2658/87.

(*)  ĠU L 256, 7.9.1987, p. 1.”"

(5)

L-Artikolu 50 jinbidel b'dan li ġej:

“Artikolu 50

Iffinanzjar ta’ studji, proġetti ta’ dimostrazzjoni, taħriġ jew miżuri ta’ għajnuna teknika

L-ammont meħtieġ għall-iffinanzjar ta’ studji, proġetti ta’ dimostrazzjoni, taħriġ u assistenza teknika pprovduti fi programm approvat skond l-Artikolu 24(2) tar-Regolament (KE) Nru 247/2006 għall-iskop ta’ l-implimentazzjoni ta’ dak il-programm ma jistgħux jaqbżu l-1 % ta’ l-ammont totali ta’ iffinanzjar allokat lil kull programm skond l-Artikolu 23(2) ta' dak ir-Regolament.”