EUR-Lex Access to European Union law
This document is an excerpt from the EUR-Lex website
Document 32006R1662
Commission Regulation (EC) No 1662/2006 of 6 November 2006 amending Regulation (EC) No 853/2004 of the European Parliament and of the Council laying down specific hygiene rules for food of animal origin (Text with EEA relevance)
Regolament tal-Kummissjoni (KE) Nru 1662/2006 tas- 6 ta' Novembru 2006 li jemenda r-Regolament (KE) Nru 853/2004 tal-Parlament Ewropew u tal-Kunsill li jistabbilixxi ċerti regoli speċifiċi ta' iġjene għall-ikel li joriġina mill-annimali Test b'rilevanza għaż-ŻEE
Regolament tal-Kummissjoni (KE) Nru 1662/2006 tas- 6 ta' Novembru 2006 li jemenda r-Regolament (KE) Nru 853/2004 tal-Parlament Ewropew u tal-Kunsill li jistabbilixxi ċerti regoli speċifiċi ta' iġjene għall-ikel li joriġina mill-annimali Test b'rilevanza għaż-ŻEE
ĠU L 320, 18.11.2006, p. 1–10
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32004R0853 | Emenda | anness 2 | 25/11/2006 | |
Modifies | 32004R0853 | Emenda | anness 3 | 25/11/2006 |
Relation | Act | Comment | Subdivision concerned | From | To |
---|---|---|---|---|---|
Corrected by | 32006R1662R(01) | (DE) | |||
Corrected by | 32006R1662R(02) | (SV) | |||
Corrected by | 32006R1662R(03) | (PL) | |||
Corrected by | 32006R1662R(04) | (DA) |
18.11.2006 |
MT |
Il-Ġurnal Uffiċjali ta’ l-Unjoni Ewropea |
1 |
REGOLAMENT TAL-KUMMISSJONI (KE) Nru 1662/2006
tas-6 ta' Novembru 2006
li jemenda r-Regolament (KE) Nru 853/2004 tal-Parlament Ewropew u tal-Kunsill li jistabbilixxi ċerti regoli speċifiċi ta' iġjene għall-ikel li joriġina mill-annimali
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistipula regoli speċifiċi dwar l-iġjene ta' l-ikel li ġej mill-annimali (1) u b'mod partikolari l-Artikolu 10 tiegħu,
Billi:
(1) |
Meta suġġetti għad-dispożizzjonijiet ta' l-Anness III tar-Regolament (KE) Nru 853/2004, l-operaturi tan-negozji ta' l-ikel għandhom jiżguraw li kull prodott li ġej mill-annimali għandu marka ta' identifikazzjoni skond id-dispożizzjonijiet stipulati fl-Anness II, it-Taqsima I ta' dak ir-Regolament. Sakemm mhux indikat speċifikament u għal raġunijiet ta' kontroll, il-prodotti li joriġinaw mill-annimali m'għandhomx ikollhom aktar minn marka ta' identifikazzjoni waħda. |
(2) |
It-Taqsima I ta' l-Anness III tar-Regolament (KE) Nru 853/2004 tistipula regoli dwar il-produzzjoni u t-tqegħid fis-suq ta' laħam ta' annimali domestiċi bid-dwiefer mgħawġa. L-eċċezzjonijiet għat-tqaxxir sħiħ tal-karkassa u l-partijiet l-oħra tal-ġisem maħsuba għall-konsum tal-bniedem huma stipulati fil-Kapitolu IV, il-punt 8 ta' dik it-Taqsima. Għandhom isiru dispożizzjonijiet biex jitwessgħu dawn l-eżenzjonijiet għal geddum u xuftejn l-annimali bovini, dment li jikkonformaw ma' l-istess kondizzjonijiet bħal dawk li japplikaw għall-irjus ta' annimali ovini u kaprini. |
(3) |
It-tunsilli jservu ta' filtru għall-aġenti li jagħmlu l-ħsara li jidħlu mill-ħalq ta' l-annimali u għandhom jitneħħew minħabba raġunijiet iġjeniċi u ta' sigrutà tul il-proċess ta' qtil ta' l-annimali bid-dwiefer mgħawġa. Peress li t-tneħħija bi żball ma kinitx immarkata bħala obbligatorja għall-ħnieżer domestiċi, il-ħtieġa għat-tneħħija tat-tunsilli tal-porċini għandha tiddaħħal mill-ġdid. |
(4) |
It-Taqsima VIII ta' l-Anness III tar-Regolament (KE) Nru 853/2004 tistipula rekwiżiti li jmexxu l-produzzjoni u t-tqegħid fis-suq ta' prodotti tas-sajd maħsuba għall-konsum tal-bniedem. Iż-żejt tal-ħuta hu inkluż fid-definizzjoni tal-prodotti tas-sajd. Htiġijiet speċifiċi għall-produzzjoni u t-tqegħid fis-suq taż-żejt tal-ħuta għall-konsum tal-bniedem għandhom, għalhekk, jiġu stipulati. Arranġamenti temporanji għandhom jitbassru wkoll biex jagħtu l-possibbiltà lill-istabbilimenti f'pajjiżi terzi li jaddattaw għall-qagħda l-ġdida. |
(5) |
Il-Kolostru jitqies bħala prodott li joriġina mill-annimali iżda mhux kopert mid-definizzjoni ta' ħalib mhux trattat kif imsemmi fl-Anness I tar-Regolament (KE) Nru 853/2004. Il-Kolostru hu magħmul b'mod simili u jista' jitqies bħala li jikkaġuna riskju simili għas-saħħa tal-bniedem bħall-ħalib mhux trattat. Għalhekk jeħtieġ li jiddaħħlu regoli speċifiċi għall-iġjene tal-produzzjoni tal-kolostru. |
(6) |
It-Taqsima XV ta' l-Anness III tar-Regolament (KE) Nru 853/2004 jistipula l-ħtiġijiet għall-produzzjoni tal-kollaġini. Tispeċifika li l-kollaġini għandu jkun prodott bi proċess li jassigura li l-materjal mhux trattat ikun suġġett għal trattament li jinvolvi l-ħasil, l-aġġustament tal-pH bl-użu ta' aċidi jew alkali, segwit b'waħda jew aktar tlaħliħat, filtrazzjoni jew estrużjoni jew bi proċess approvat ekwivalenti. Proċess differenti li jirriżulta f'kollaġini idrolizzat li ma jistax jiġi estruż tressaq lill-EFSA għall-valutazzjoni. Fis-26 ta' Jannar 2005, l-EFSA adottat opinjoni dwar is-sigurtà tal-kollaġini u metodu ta' proċessar għall-produzzjoni tal-kollaġini. Ikkonkludiet li l-proċess ta' produzzjoni propost hawn fuq jiżgura sigurtà għas-saħħa ekwivalenti jew ogħla għall-kollaġini maħsub għall-konsum tal-bniedem meta mqabbel mas-sigurtà miksuba bl-applikazzjoni ta' l-istandards tat-Taqsima XV. Il-kondizzjonijiet għall-produzzjoni tal-kollaġini għandhom għalhekk jiġu emendati. |
(7) |
Ir-Regolament (KE) Nru 853/2004 għandu jiġi emendat kif xieraq. |
(8) |
Il-miżuri stipulati f'dan ir-Regolament huma konformi ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 853/2004 huwa emendat kif ġej:
1. |
L-Anness II huwa emendat skond l-Anness I ta' dan ir-Regolament. |
2. |
L-Anness III huwa emendat skond l-Anness II ta' dan ir-Regolament. |
Artikolu 2
Dan ir-Regolament jidħol fis-seħħ fis-seba' jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar is-6 ta' Novembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 139, 30.4.2004, p. 55. Verżjoni kkoreġuta mill-ĠU L 226, 25.6.2004, p. 22. Regolament kif l-aħħar emendat bir-Regolament tal-Kummissjoni (KE) Nru 2076/2005 (ĠU L 338, 22.12.2006, p. 83).
ANNESS I
It-Taqsima I, il-Parti A, il-punt (2) ta’ l-Anness II tar-Regolament (KE) Nru 853/2004 huwa ssostitwit b’li ġej:
“2. |
Madankollu, meta l-imballaġġ u/jew il-kisi tal-prodott jitneħħa jew jiġi pproċessat iżjed fi stabbiliment ieħor, għadha tiġi applikata marka ġdida lill-prodott. F’tali każijiet, il-marka l-ġdida għandha tindika n-numru ta’ approvazzjoni ta’ l-istabbiliment fejn saru dawn l-operazzjonijiet.” |
ANNESS II
L-Anness III tar-Regolament (KE) Nru 853/2004 huwa emendat kif ġej:
1. |
Fit-Taqsima I, il-Kapitolu IV huwa emendat kif ġej:
|
2. |
Fit-Taqsima VIII, il-Kapitolu III, il-Parti E hi miżjuda kif ġej: “E. IL-ĦTIĠIJIET GĦAŻ-ŻEJT TAL-ĦUTA GĦALL-KONSUM TAL-BNIEDEM L-operaturi tan-negozju ta’ l-ikel għandhom jiżguraw li l-materja prima użata fit-tħejjija taż-żejt tal-ħut għall-konsum tal-bniedem tkun konformi mal-ħtiġijiet li ġejjin:
|
3. |
It-Taqsima IX hi mibdula b’dan li ġej: “TAQSIMA IX: ĦALIB MHUX TRATTAT, KOLOSTRU, PRODOTTI LI ĠEJJIN MILL-ĦALIB U PRODOTTI LI FIHOM IL-KOLOSTRU Għall-fini ta’ din it-Taqsima:
KAPITOLU I: ĦALIB MHUX TRATTAT U KOLOSTRU – PRODUZZJONI PRIMARJA L-operaturi tan-negozju ta’ l-ikel li jipproduċu jew, kif xieraq, jiġbru l-ħalib mhux trattat u l-kolostru għandhom jiżguraw konformità mar-rekwiżiti stipulati f’dan il-Kapitolu. I. REKWIŻITI TAS-SAĦĦA GĦALL-ĦALIB MHUX TRATTAT U L-PRODUZZJONI TAL-KOLOSTRU
II. IĠJENE TAL-KUMPANIJI LI JIPPRODUĊU L-ĦALIB U L-KOLOSTRU A. Ħtiġijiet għall-bini u t-tagħmir
B. L-iġjene tul it-taħlib, il-ġabra u t-trasport
C. Iġjene tal-persunal
III. KRITERJI GĦALL-ĦALIB MHUX TRATTAT U L-KOLOSTRU
KAPITOLU II: REKWIŻITI LI JIKKONĊERNAW PRODOTTI MILL-ĦALIB U PRODOTTI LI FIHOM IL-KOLOSTRU I. REKWIŻITI TAT-TEMPERATURA
II. REKWIŻITI GĦAT-TRATTAMENT TAS-SĦANA
III. KRITERJI GĦALL-ĦALIB MHUX TRATTAT TAL-BAQAR
KAPITOLU III: TGEŻWIR U IMBALLAĠĠ: Is-siġġillar tal-pakketti tal-konsumatur għandu jitwettaq malli jimtela l-istabbiliment fejn l-aħħar trattament tas-sħana tal-prodotti likwidi mill-ħalib u prodotti li fihom il-kolostru, jitwettaq permezz ta’ tagħmir tas-siġġillar li jipprevjeni l-kontaminazzjoni. Is-sistema ta’ siġillar għandha tiġi ddisinjata b’mod li, wara l-ftuħ, il-prova tal-ftuħ tagħha tibqa’ ċara u faċli li tiġi ċċekkjata. KAPITOLU IV: TIKKETTJAR
KAPITOLU V: MARKI TA' IDENTIFIKAZZJONI Bħala deroga mill-ħtiġijiet ta’ l-Anness II, Taqsima I:
|
4. |
Fit-Taqsima XV, il-Kapitolu III, il-punt 1 hu mibdul b’dan li ġej:
|
(1) Id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa ta’ l-annimali li jaffettwaw il-kummerċ intra-Komunitarju fl-annimali bovini jew il-ħnieżer (ĠU 121, 29.7.1964, p. 1977/64). Id-Direttiva kif emendata l-aħħar mir-Regolament (KE) Nru 21/2004 (ĠU L 5, 9.1.2004, p. 8).
(2) Id-Direttiva tal-Kunsill 91/68/KEE tat-28 ta’ Jannar 1991 dwar il-kondizzjonijiet tas-saħħa ta’ l-annimali li jiggvernaw il-kummerċ intra-Komunitarju ta' l-annimali ovini u kaprini (ĠU L 46, 19.2.1991, p. 19). Id-Direttiva kif emendata l-aħħar bid-Deċiżjoni tal-Kummissjoni 2005/932/KE (ĠU L 340, 23.12.2005, p. 68).
(3) ĠU L 123, 24.4.1998, p. 1. Direttiva kif l-aħħar emendata bid-Direttiva tal-Kummissjoni 2006/50/KE (ĠU L 142, 30.5.2006, p. 6).
(*) Medja ġeometrika mobbli matul perjodu ta’ xahrejn, b’mill-inqas żewġ kampjuni kull xahar.
(**) Medja ġeometrika mobbli matul perjodu ta’ tliet xhur, b’mill-inqas kampjun kull xahar, sakemm l-awtorità kompetenti tispeċifika metodu ieħor biex iqis il-varjazzjonijiet ta’ l-istaġun fil-livelli ta’ produzzjoni.
(***) Medja ġeometrika mobbli matul perjodu ta’ xahrejn, b’mill-inqas żewġ kampjuni kull xahar.
(****) Medja ġeometrika mobbli matul perjodu ta’ xahrejn, b’mill-inqas żewġ kampjuni kull xahar.
(4) Ir-Regolament tal-Kunsill (KEE) Nru 2377/90 tas-26 ta’ Ġunju 1990 li jistabbilixxi proċedura Komunitarja sabiex jiġu stabbiliti l-limiti massimi tal-fdalijiet tal-prodotti mediċinali veterinarji fl-oġġetti ta' l-ikel ta' oriġini mill-annimali (ĠU L 224, 18.8.1990, p. 1). Regolament kif emendat l-aħħar mir-Regolament tal-Kummissjoni (KE) Nru 1231/2006 (ĠU L 225, 17.8.2006, p. 3).