(1)

Ir-Regolament (KE) Nri 2160/2003 jistabbilixxi r-regoli għas-sejba u l-kontroll tas-salmonella fit-tjur. Skond l-Artikolu 8(1)(d) tar-Regolament (KE) Nru 2160/2003, jista' jiġi deċiż li l-metodi speċifiċi ta' kontroll m'għandhomx jiġu użati bħala parti mill-programmi nazzjonali ta' kontroll stabbiliti mill-Istati Membri biex jiksbu l-miri tal-Komunità stabbiliti skond dak ir-Regolament.

(2)

Skond l-Artikolu 8(1)(a) u (b) tar-Regolament (KE) Nru 2160/2003 jista’ jiġi deċiż li l-metodi ta’ kontroll speċifiku huma jew jistgħu jiġu applikati għal tnaqqis fil-prevalenza ta’ l-aġenti żoonotiċi u żoonożi fl-istadju tal-produzzjoni primarja ta’ l-annimali u stadji oħra fil-katina alimentari, u r-regoli adottati fir-rigward tal-kundizzjonijiet ta' l-użu ta' metodi simili.

(3)

Skond l-Artikolu 15 tar-Regolament (KE) Nru 2160/2003, il-Kummissjoni trid tikkonsulta lill-Aġenzija Ewropea għas-Sigurtà ta’ l-Ikel (l-EFSA) qabel ma tipproponi regoli dwar il-metodi speċifiċi ta’ kontroll.

(4)

Il-Kummissjoni kkonsultat lill-EFSA dwar l-użu ta' antimikrobiċi u vaċċini għall-kontroll tas-salmonella fit-tjur. Wara dik il-konsultazzjoni, l-EFSA ħarġet żewġ opinjonijiet separati dwar dawk il-kwistjonijiet fil-21 ta’ Ottubru 2004.

(5)

Fl-opinjoni tagħha dwar l-użu ta’ l-antimikrobiċi għall-kontroll tas-salmonella fit-tjur, l-EFSA rrakkomandat li l-użu ta' l-antimikrobiċi għandu jiġi skuraġġit minħabba r-riskji għas-saħħa pubblika assoċjati ma' l-iżvilupp, l-għażla u l-firxa tar-reżistenza. L-użu ta' l-antimikrobiċi għandu jkun suġġett għal kundizzjonijiet definiti formalment li jiżguraw il-ħarsien tas-saħħa pubblika, u jkun ġustifikat b'mod sħiħ bil-quddiem u rrekordjat mill-awtorità kompetenti.

(6)

Għalhekk, fuq il-bażi ta' l-opinjoni ta' l-EFSA, huwa xieraq li jiġu li provdut li l-antimikrobiċi m'għandhomx jiġu użati bħala parti mill-programmi nazzjonali ta’ kontroll biex jiġu adottati skond l-Artikolu 6 tar-Regolament (KE) Nru 2160/2003, ħlief f’ċirkostanzi eċċezzjonali msemmija mill-EFSA fl-opinjoni tagħha.

(7)

F’kull ċirkostanza, il-prodotti mediċinali veterinarji awtorizzati biss skond id-Direttiva 2001/82/KE tal-Parlament Ewropew u tal-Kunsill tas-6 ta' Novembru 2001 dwar il-kodiċi tal-Komunità rigward il-prodotti mediċinali veterinarji (2) jew ir-Regolament Nru 726/2004 tal-Parlament Ewropew u tal-Kunsill tal-31 ta' Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta' prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (3) għandhom jiġu użati.

(8)

Il-prodotti mediċinali veterinarji antimikrobiċi huma msemmija bħala antimikrobiċi f’dan ir-Regolament. Il-Prodotti li huma awtorizzati bħala addittivi għall-ikel skond ir-Regolament (KE) Nru 1831/2003 tal-Parlament Ewropew u l-Kunsill ta’ 22 ta’ Settembru 2003 dwar addittivi għall-użu fl-għalf ta’ l-annimali (4) huma madankollu ukoll ikkunsidrati bħala antimikrobiċi. Dawn għandhom jiġu esklużi mill-iskop ta’ dan ir-Regolament minħabba li l-użu ta’ dawn l-addittivi jista’ jkun għodda biex jillimita l-infezzjoni mis-salmonella mill-ikel filwaqt li m'humiex assoċjati ma' l-iżvilupp, l-għażla u l-firxa tar-reżistenza.

(9)

L-EFSA ikkonkludiet fl-opinjoni tagħha dwar l-użu tal-vaċċini għall-kontroll tas-salmonella fit-tjur, li l-vaċċinazzjoni tat-tjur hija meqjusa bħala miżura addizzjonali biex tiżdied ir-reżistenza tat-tjur kontra l-iskopertura għas-salmonella u n-nuqqas ta’ twaqqigħ.

(10)

L-EFSA fl-opinjoni tagħha iddikjarat ukoll b'mod partikolari li sakemm il-metodi ta' sejba huma kapaċi jiddiferenzjaw il-varjanti tal-vaċċin minn varjanti naturali, iż-żewġ vaċċini inattivi u ħajjin disponibbli kurrentement jistgħu jiġu użati b'mod sigur matul il-ħajja ta' l-għasar, ħlief fil-perjodi ta' rtirar qabel il-qatla u, fir-rigward tal-vaċċini ħajjin, fit-tiġieġ tal-bajd waqt il-produzzjoni. Is-saffi tal-vaċċinazzjoni huma meqjusa utli bħala miżura li tnaqqas il-twaqqigħ u l-kontaminazzjoni tal-bajd, meta l-iskop hu li jitnaqqsu l-prevalenzi għolja. Is-Salmonella enteritidis hija l-aktar kawża importanti ta’ tfaqqigħ fil-bnedmin bil-konsum tal-bajd.

(11)

Għalhekk, fuq il-bażi ta' l-opinjoni ta' l-EFSA, huwa xieraq li jiġi provdut li l-vaċċini ħajjin disponibbli bħalissa m’għandhomx jiġu użati bħala parti mill-programmi nazzjonali ta’ kontroll biex jiġu adottati skond l-Artikolu 6 tar-Regolament (KE) Nru 2160/2003, fit-tiġieġ tal-bajd waqt il-produzzjoni. Il-vaċċini ħajjin m’għandhomx jiġu użati jekk il-manifattur ma jipprovdix metodu adatt biex jiddistingwi batterjoloġikament varjanti naturali tas-salmonella minn varjanti tal-vaċċin.

(12)

Bbażat fuq l-evidenza xjentifika kurrenti, l-użu ta’ vaċċini ħajjin jew inattivi kontra s-Salmonella enteritidis għandu jkun obbligatorju fl-Istati Membri bi prevalenza għolja sabiex jittejjeb il-ħarsien tas-saħħa pubblika. Il-prevalenza tas-Salmonella enteritidis turi li matul l-istudju bażi skond id-Deċiżjoni tal-Kummissjoni 2004/665/KE (5) u fil-qafas ta’ l-ittestjar ta’ l-iskemi skond l-Artikolu 4(2)(d) tar-Regolament (KE) Nru 2160/2003, għandu jiġi użat bħala limitu għall-vaċċinazzjoni obbligatorja.

(13)

Fir-rigward ta’ qtajja’ ta’ tjur għat-trobbija, ir-Regolament tal-Kummissjoni (KE) Nru 1091/2005 li jimplimenta r-Regolament (KE) Nru 2160/2003 tal-Parlament Ewropew u tal-Kunsill fir-rigward tal-kundizzjonijiet għall-użu ta’ metodi speċifiċi tal-kontroll fil-qafas tal-programmi nazzjonali għall-kontroll tas-salmonella (6), jistabbilixxi dispożizzjonijiet dwar l-użu ta’ antimikrobiċi u vaċċini bħala parti mill-programmi nazzjonali ta’ kontroll għas-salmonella fi qtajja’ għat-trobbija tal-Gallus gallus.

(14)

F’ġieh iċ-ċarezza, huwa xieraq li jiġi revokat u sostitwit ir-Regolament (KE) Nru 1091/2005 b’dan ir-Regolament.

(15)

Il-miżuri previsti f'dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,