31.12.2008   

MT

Il-Ġurnal Uffiċjali ta’ l-Unjoni Ewropea

574

(1)

Il-Kunsill tas-Sigurtà tan-Nazzjonijiet Uniti adotta r-Riżoluzzjoni 1244 (1999) (“UNSCR 1244 (1999)”) fl-10 ta' Ġunju 1999 li timmira biex tippromwovi ta' l-istabbiliment, sakemm tintlaħaq soluzzjoni finali, ta' l-awtonomija sostantiva u l-gvern awtonomu fi ħdan dik li qabel kienet ir-Repubblika Federali tal-Jugoslavja.

(2)

Il-Komunità Internazzjonali, waqt li tibbaża ruħha fuq UNSCR 1244 (1999), stabbiliet preżenza ta' sigurtà internazzjonali (“KFOR”) u amministrazzjoni ċivili interim — il-Missjoni tan-Nazzjonijiet Uniti fil-Kosovo (“UNMIK”). L-UNMIK tikkonsisti f'erba' komponenti (Pilastri) u l-Unjoni Ewropea qed tiffinanzja r-raba' Pilastru responsabbli għar-rikostruzzjoni u l-iżvilupp ekonomiku. L-UNMIK, u partikolarment il-Pilastru IV tagħha, kisbet progress sostanzjali fl-istabbiliment ta' qafas istituzzjonali, legali u politiku li jwassal għall-ħolqien ta' ekonomija soda bbażata fuq prinċipji tas-suq.

(3)

Mill-istabbiliment tagħha, l-UNMIK ittrasferiet osqma sinifikanti ta' kompetenza lill-Istituzzjonijiet Proviżorji tal-Gvern Awtonomu (“PISG”). B'mod partikolari, ir-responsabbiltà għall-baġit ġiet ittrasferita mill-UNMIK lill-Ministeru ta' l-Ekonomija u l-Finanzi fi ħdan il-PISG, bir-Rappreżentant Speċjali tas-Segretarjat Ġenerali tan-NU jżomm is-setgħa aħħarija li japprova l-baġit.

(4)

Fl-24 ta' Ottubru 2005, il-Kunsill tas-Sigurtà tan-NU approva l-proposta tas-Segretarju Ġenerali tan-NU biex jibda l-proċess politiku biex jiddetermina l-istatus futur tal-Kosovo.

(5)

L-awtoritajiet tal-Kosovo intitolati li jirċievu assistenza Komunitarja u responsabbli biex jaqblu u jissodisfaw il-kondizzjonijiet finanzjarji u ekonomiċi marbuta ma' din l-assistenza huma għalhekk l-UNMIK u l-PISG jew, meta l-istatus futur tal-Kosovo jkun ġie ddeterminat, l-istituzzjoni u l-istituzzjonijiet magħżula biex iwettqu dawn il-kompiti u responsabbiltajiet.

(6)

Fi ħdan il-proċess ta' Stabilizzazzjoni u Assoċjazzjoni, li huwa l-qafas għar-relazzjonijiet ta' l-UE mar-reġjun, huwa mixtieq li jiġu appoġġati l-isforzi biex tiġi sostnuta l-istabbilizzazzjoni politika u ekonomika fil-Kosovo, bil-ħsieb li ssir evoluzzjoni lejn l-iżvilupp ta' relazzjoni ta' kooperazzjoni sħiħa mal-Komunità biex b'hekk il-futur Ewropew tal-Kosovo jkun iktar tanġibbli.

(7)

Il-Komunità diġà sabet li tkun miżura xierqa li tingħata għajnuna biex jitnaqqsu r-restrizzjonijiet finanzjarji tal-Kosovo f'ċirkostanzi eċċezzjonalment diffiċli u, taħt id-Deċiżjoni tal-Kunsill 2000/140/KE ta' l-14 ta' Frar 2000 li tipprovdi assistenza Komunitarja eċċezzjonali lill-Kosovo (2) u d-Deċiżjoni tal-Kunsill 2001/511/KE tas-27 ta' Ġunju 2001 dwar assistenza finanzjarja eċċezzjonali ulterjuri lill-Kosovo (3), ipprovdiet assistenza finanzjarja eċċezzjonali fil-forma ta' għotjiet diretti li jammontaw għal EUR 35 miljun u EUR 30 miljun fl-2000 u l-2001 rispettivament. L-aħħar ħlas taħt tali assistenza ġie rilaxxat f'Diċembru 2002.

(8)

Din l-assistenza finanzjarja eċċezzjonali tikkomplimenta l-programmi ta' assistenza Komunitarji oħra għall-Balkani tal-Punent.

(9)

F'Novembru 2005 l-awtoritajiet tal-Kosovo qablu mal-Fond Monetarju Internazzjonali (“FMI”) dwar Ittra ta' Intenzjoni u Memorandum ta' Linji Politiċi Ekonomiċi u Finanzjarji li jistabbilixxu qafas fiskali għall-2006, inklużi orjentazzjonijiet tat-terminu medju. Huma kkompletaw fil-bidu ta' Marzu 2006 Qafas ta' Nfiq għat-Terminu Medju. Il-qafas jidentifika ħtiġiet finanzjarji ta' baġit u barra mill-baġit fl-2006-2008. Għalhekk, huwa stmat li assistenza finanzjarja esterna tal-baġit ta' xi EUR 81miljun — EUR 14 miljun fl-2006 u EUR 67 miljun fl-2007, rispettivament — ikunu jinħtieġu sa l-aħħar ta' l-2007.

(10)

Għalkemm l-attività ekonomika reġgħet bdiet wara l-konflitt, il-Kosovo qiegħed fl-livell baxx ta' żvilupp ekonomiku. Il-Kosovo m'huwiex f'pożizzjoni li jissellef jew domestikament jew fis-suq finanzjarju internazzjonali u taħt l-istatus attwali tiegħu m'huwiex eliġibbli għas-sħubija fl-istituzzjonijiet finanzjarji internazzjonali. Għalhekk ma jistax jibbenefika milli jislef assistenza assoċjata mal-programmi tagħhom.

(11)

Bil-ħsieb ta' l-arranġamenti attwali taħt UNSCR 1244 (1999), minħabba l-livell relattivament baxx ta' żvilupp ekonomiku u l-finanzi pubbliċi u l-kontijiet esterni prekarji tiegħu, assistenza finanzjarja mill-Komunità fil-forma ta' għotjiet diretti, f'kollegament ma' donaturi oħra, tkompli tkun il-forma xierqa ta' assistenza.

(12)

Tali assistenza ser tipprovdi sostenn kruċjali għad-distakk sakemm tintlaħaq soluzzjoni dwar l-istatus tal-Kosovo. Hija ma tkunx relatata ma' l-arranġamenti dwar l-istatus ġdid li qed jiġi negozjat u ma twassalx għal appoġġ Komunitarju u internazzjonali ulterjuri li aktarx ikun meħtieġ mas-soluzzjoni dwar l-istatus lil hinn mill-2007.

(13)

Il-ħruġ ta' din l-għotja ta' assistenza huwa mingħajr preġudizzju għas-setgħat ta' l-awtorità baġitarja.

(14)

L-appoġġ finanzjarju għandu jiġi pprovdut wara l-verifika ta' jekk il-kondizzjonijiet finanzjarji u ekonomiċi li għandhom jiġi maqbula ma' l-awtoritajiet tal-Kosovo fuq approvazzjoni ta' din id-Deċiżjoni jistgħux jiġu sodisfatti b'mod sodisfaċenti.

(15)

Sabiex tiġi żgurata protezzjoni effiċjenti ta' l-interessi finanzjarji tal-Komunità marbutin ma' l-assistenza finanzjarja preżenti, huwa meħtieġ li jiġu previsti miżuri xierqa mill-Kosovo relatati mal-prevenzjoni ta' u l-ġlieda kontra l-frodi u kwalunkwe irregolarità oħra marbuta ma' din l-assistenza, kif ukoll kontrolli mill-Kummissjoni u verifiki mill-Qorti ta' l-Awdituri.

(16)

Din l-assistenza għandha tkun amministrata mill-Kummissjoni f'konsultazzjoni mal-Kumitat Ekonomiku u Finanzjarju.

(17)

It-Trattat ma jipprovdix, għall-adozzjoni ta' din id-Deċiżjoni, poteri oħrajn li m'humiex dawk ta' l-Artikolu 308,