Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32005R0374

374/2005/KE: Regolament tal-Kunsill (KE) Nru 374/2005 tat- 28 ta’ Frar 2005 li jemenda r-Regolament (KE) Nru 2007/2000 li jintroduċi ċerti miżuri kummerċjali ta'eċċezzjoni għal pajjiżi u territorji li jipparteċipaw fi, jew li huma marbutin mal-proċess ta' Stabbilizzazzjoni u Assoċjazzjoni ta' l-Unjoni Ewropea

ĠU L 59, 5.3.2005, p. 1–2 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 352M, 31.12.2008, p. 110–111 (MT)

⏵Dan id-dokument ġie ppubblikat f’edizzjoni(jiet) speċjali (BG, RO)

Legal status of the document No longer in force, Date of end of validity: 03/01/2010; Impliċitament imħassar minn 32000R2007

ELI: http://data.europa.eu/eli/reg/2005/374/oj

Date of document:
28/02/2005
Date of effect:
01/07/2005; Dħul fis-seħħ Ara Art. 2
Date of end of validity:
03/01/2010; Impliċitament imħassar minn 32000R2007
Author:
Il-Kunsill tal-Unjoni Ewropea
Form:
Regolament
Additional information:
ACC 2004/0255
Treaty:
Trattat li jistabbilixxi l-Komunità Ewropea
Legal basis:
Proposal:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32000R2007 Żieda artikolu 4.4 01/07/2005
Modifies 32000R2007 Żieda artikolu 1.3 01/07/2005
Modifies 32000R2007 Emenda artikolu 6 01/07/2005
Modifies 32000R2007 Tlestija artikolu 6 01/07/2005
Modifies 32000R2007 Sostituzzjoni artikolu 1.1 01/07/2005
Modified by:
Relation Act Comment Subdivision concerned From To
Repealed by 32009R1215
Link
Link

31.12.2008   

MT

Il-Ġurnal Uffiċjali ta’ l-Unjoni Ewropea

110

REGOLAMENT TAL-KUNSILL (KE) Nru 374/2005

tat-28 ta’ Frar 2005

li jemenda r-Regolament (KE) Nru 2007/2000 li jintroduċi ċerti miżuri kummerċjali ta'eċċezzjoni għal pajjiżi u territorji li jipparteċipaw fi, jew li huma marbutin mal-proċess ta' Stabbilizzazzjoni u Assoċjazzjoni ta' l-Unjoni Ewropea

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 tiegħu,

Wara li kkunsidra l-proposta mill-Kummissjoni,

Billi:

(1)

Taħt ir-Regolament (KE) Nru 2007/2000 (1), il-Komunità estendiet l-aċċess bla dazju għall-importazzjonijiet mill-pajjiżi konċernati ta' ħafna mill-merkanzija agrikola, inkluż iz-zokkor.

(2)

Fil-każ taz-zokkor, l-aċċess bla dazju għal kwantitajiet mingħajr limitu ħoloq inċentiv għall-produzzjoni tal-Balkani tal-Punent f'livelli li huma insostenibbli fir-rigward ta' l-iżviluppi previsti.

(3)

Il-modifika tar-reġim ta' importazzjoni ta' kull wieħed mill-pajjiżi tal-Balkani tal-Punent, filwaqt li tirrispetta l-konċessjonijiet kummerċjali preżenti ser tipprepara lis-settur tagħhom għall-aġġustamenti meħtieġa biex joperaw f'ambjent realistiku u ekonomikament sostenibbli.

(4)

Ir-Regolament (KE) Nru 2007/2000 għandu jiġi emendat biex jiċċara li l-importazzjonijiet preferenzjali Komunitarji ta' inbid mill-Balkani tal-Punent jgawdu biss mill-kwoti ta' tariffi, aktar milli aċċess bla dazju mingħajr limitu, taħt il-miżuri awtonomi,

ADOTTA DAN IR-REGOLAMENT:

Artikolu 1

Ir-Regolament (KE) Nru 2007/2000 huwa b'dan emendat kif ġej:

(1)

L-Artikolu 1 għandu jiġi emendat kif ġej:

(a)

il-paragrafu 1 għandu jkun sostitwit b'dan li ġej:

“1.   Bla ħsara għad-dispożizzjonijiet speċjali stabbiliti fl-Artikoli 3 u 4, prodotti li joriġinaw fl-Albanija, il-Bosnja-Ħerzegovina u s-Serbja u l-Montenegro, inkluż il-Kosovo, minbarra dawk ta' l-intestaturi Nri 0102, 0201, 0202, 1604, 1701, 1702 u 2204 tan-Nomenklatura Magħquda, għandhom jiġu ammessi għal importazzjoni fil-Komunità mingħajr restrizzjonijiet jew miżuri kwantitattivi b'effett ekwivalenti u b'eċċezzjoni mid-dazji doganali u imposti b'effett ekwivalenti.”

(b)

għandu jinżied il-paragrafu li ġej:

“3.   Importazzjonijiet ta' prodotti taz-zokkor taħt l-intestaturi Nri 1701 u 1702 tan-Nomenklatura Magħquda li joriġinaw fl-Albanija, il-Bosnja-Ħerzegovina u s-Serbja u l-Montenegro, inkluż il-Kosovo għandhom jibbenefikaw minn konċessjonijiet previsti fl-Artikolu 4.”

(2)

Il-paragrafu 4 li ġej għandu jinżied ma’ l-Artikolu 4:

“4.   Importazzjonijiet ta' prodotti taz-zokkor taħt l-intestaturi Nri 1701 u 1702 tan-Nomenklatura Magħquda li joriġinaw fl-Albanija, il-Bosnja-Ħerzegovina u s-Serbja u l-Montenegro, inkluż il-Kosovo, għandhom ikunu suġġetti għall-kwoti ta' tariffi annwali bla dazju li ġejjin:

(a)

1 000 tunnellata (piż nett) għal prodotti taz-zokkor li joriġinaw fl-Albanija;

(b)

12 000 tunnellata (piż nett) għal prodotti taz-zokkor li joriġinaw fil-Bosnja-Ħerzegovina;

(c)

180 000 tunnellata (piż nett) għal prodotti taz-zokkor li joriġinaw fis-Serbja u l-Montenegro, inkluż il-Kosovo.”

(3)

L-Artikolu 6 għandu jiġi emendat kif ġej:

(a)

it-titolu għandu jiġi sostitwit b'dan li ġej:

“Implimentazzjoni ta' kwoti ta' tariffi għall-‘baby beef’ u z-zokkor”.

(b)

għandu jinżied is-subparagrafu li ġej:

“Ir-regoli dettaljat għall-implimentazzjoni tal-kwoti ta' tariffi għall-prodotti taz-zokkor taħt l-intestaturi Nri 1701 u 1702 għandhom jiġu determinati mill-Kummissjoni skond il-proċedura stabbilita fl-Artikolu 42(2) tar-Regolament (KE) Nru 1260/2001 tad-19 ta' Ġunju 2001 dwar l-organizzazzjoni komuni tas-swieq fis-settur taz-zokkor (*).

(*)  ĠU L 178, 30.6.2001, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 39/2004 (ĠU L 6, 10.1.2004, p. 16).”"

Artikolu 2

Dan ir-Regolament għandu jidħol fis-seħħ fl-1 ta’ Lulju 2005.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 28 ta’ Frar 2005.

Għall-Kunsill

Il-President

F. BODEN

(1)  ĠU L 240, 23.9.2000, p. 1. Ir-Regolament kif emendat l-aħħar bir-Regolament (KE) 607/2003 (ĠU L 86, 3.4.2003, p. 18).

Top