EUR-Lex Access to European Union law
This document is an excerpt from the EUR-Lex website
Document 32005D0056
2005/56/EC: Commission Decision of 14 January 2005 setting up the Education, Audiovisual and Culture Executive Agency for the management of Community action in the fields of education, audiovisual and culture in application of Council Regulation (EC) No 58/2003
Id-Deċiżjoni tal-Kummissjoni ta' l- 14 ta' Jannar 2005 li tistabbilixxi l- Aġenzija Eżekuttiva Edukattiva, Awdjoviżiva u Kulturali għat-tmexxija ta' l-azzjoni komunitarja fl-oqsma ta' l-edukazzjoni, l-awdjoviżwal u l-kultura fl-applikazzjoni tar-Regolament tal-Kunsill (KE) Nru 58/2003
Id-Deċiżjoni tal-Kummissjoni ta' l- 14 ta' Jannar 2005 li tistabbilixxi l- Aġenzija Eżekuttiva Edukattiva, Awdjoviżiva u Kulturali għat-tmexxija ta' l-azzjoni komunitarja fl-oqsma ta' l-edukazzjoni, l-awdjoviżwal u l-kultura fl-applikazzjoni tar-Regolament tal-Kunsill (KE) Nru 58/2003
ĠU L 24, 27.1.2005, p. 35–38
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 269M, 14.10.2005, p. 305–308
(MT)
No longer in force, Date of end of validity: 20/04/2009; Imħassar b' 32009D0336
Relation | Act | Comment | Subdivision concerned | From | To |
---|---|---|---|---|---|
Modified by | 32007D0114 | Sostituzzjoni | artikolu 3.1 | 01/01/2007 | |
Modified by | 32007D0114 | Tlestija | artikolu 4.2 | 01/01/2007 | |
Modified by | 32007D0114 | Sostituzzjoni | artikolu 6 | 01/01/2007 | |
Modified by | 32007D0114 | Sostituzzjoni | artikolu 4.1 | 01/01/2007 | |
Modified by | 32008D0629 | Tlestija | artikolu 4.1 | 12/06/2008 | |
Modified by | 32008D0785 | Sostituzzjoni | artikolu 4.1 | 09/10/2008 | |
Repealed by | 32009D0336 |
14.10.2005 |
MT |
Il-Ġurnal Uffiċjali ta’ l-Unjoni Ewropea |
305 |
ID-DEĊIŻJONI TAL-KUMMISSJONI
ta' l-14 ta' Jannar 2005
li tistabbilixxi l-“Aġenzija Eżekuttiva Edukattiva, Awdjoviżiva u Kulturali” għat-tmexxija ta' l-azzjoni komunitarja fl-oqsma ta' l-edukazzjoni, l-awdjoviżwal u l-kultura fl-applikazzjoni tar-Regolament tal-Kunsill (KE) Nru 58/2003
(2005/56/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 58/2003 tal-Kunsill tad-19 ta' Diċembru 2002 li jittratta dwar l-istatut ta' l-aġenziji eżekuttivi inkarigati minn ċerti xogħlijiet relattivi għat-tmexxija ta' programmi komunitarji (1), u b'mod speċjali l-paragrafu 1 ta' l-Artikolu 3 imsemmi fih,
Billi:
(1) |
Ir-Regolament (KE) Nru 58/2003 jagħti s-setgħa lill-Kummissjoni li tiddeċiedi dwar il-ħolqien ta' aġenziji eżekuttivi konformi ma' l-istatut ġenerali stabbilit minn dak ir-Regolament u li tinkarigahom minn ċerti xogħlijiet relattivi għat-tmexxija ta' programm jew diversi programmi komunitarji; din id-deċiżjoni ma taffettwax l-applikazzjoni ta' dak ir-Regolament. |
(2) |
Il-ħolqien ta' aġenzija eżekuttiva għandu jippermetti lill-Kummissjoni li tikkonċentra fuq l-attivitajiet u l-funzjonijiet l-iktar importanti, li m'humiex ta' natura li jsiru esterni, mingħajr madankollu ma titlef il-patrunanza, il-kontroll, u r-responsabbiltà aħħarija ta' l-azzjonijiet immexxija mill-aġenziji eżekuttivi. |
(3) |
It-tmexxija ta' ċerti kostitwenti ċentralizzati ta' numru ta' programmi fl-oqsma ta' l-edukazzjoni, l-awdjoviżwal u dak kulturali jinvolvi l-implimentazzjoni ta' proġetti ta' natura teknika, li ma jimplikawx teħid ta' deċiżjonijiet ta' natura politika, u titlob livell għoli ta' għarfien tekniku u finanzjarju matul il-fażijiet tal-proġett. |
(4) |
Id-delega ta' xogħlijiet marbuta ma' l-eżekuzzjoni ta' dawn il-programmi lil xi aġenzija eżekuttiva tista' ssir skond separazzjoni ċara bejn min-naħa waħda l-istadji tal-programmazzjoni u l-adozzjoni tad-deċiżjonijiet ta' finanzjament, li għandhom ikunu ġejjin mis-servizzi tal-Kummissjoni, u min-naħa l-oħra t-twettiq tal-proġetti, li għandhom ikunu fdati lill-aġenzija eżekuttiva. |
(5) |
It-twaqqif ta' aġenzija eżekuttiva, la timmodifika d-delega mill-Kunsill lill-Kummissjoni tat-tmexxija ta' ċerti fażijiet ta' l-azzjonijiet ipprovduti taħt il-programmi differenti u lanqas id-delega ta' xogħlijiet marbuta ma' tmexxija ta' aġenziji nazzjonali dwar ċerti programmi. |
(6) |
Saret analiżi dwar l-ispejjeż u l-vantaġġi għal dan il-għan u uriet li l-fatt li jirrikorru lejn aġenzija eżekuttiva għat-tmexxija ta' ċerti kostitwenti ċentralizzati ta' programmi fl-oqsma ta' l-edukazzjoni, l-awdjoviżiv u dak tal-kultura jirrappreżenta l-għażla l-iktar vantaġġuża meta mqabbla ma' l-għażliet l-oħra disponibbli, kemm mil-lat finanzjarju kif ukoll mil-lat mhux finanzjarju. |
(7) |
Il-miżuri previsti b'din id-Deċiżjoni jaqblu ma' l-opinjoni tal-Kumitat ta' l-Aġenziji Eżekuttivi, |
(8) |
Ir-Regolament tal-Kummissjoni (KE) Nru. 1653/2004 tal-21 ta' Settembru 2004 jipprovdi regolament finanzjarju standard għall-aġenziji eżekuttivi mwaqqfa skond ir-Regolament tal-Kunsill (KE) Nru. 58/2003 (2). |
IDDEĊIDIET:
Artikolu 1
Ħolqien ta' l-Aġenzija
1. Twaqqfet Aġenzija Eżekuttiva (minn hawn 'il quddiem imsejħa “l-Aġenzija”) għat-tmexxija ta' l-azzjoni Komunitarja fl-oqsma ta' l-edukazzjoni, l-awdjoviżwal u dak tal-kultura, li l-istatut tagħha hu kkontrollat bir-Regolament (KE) Nru 58/2003.
2. Id-denominazzjoni ta' l-Aġenzija hi “Aġenzija Eżekuttiva ta' l-Edukazzjoni, ta' l-Awdjoviżwal u tal-Kultura”.
Artikolu 2
Post
L-Aġenzija ser tkun fi Brussell.
Artikolu 3
Tul ta' żmien
1. L-Aġenzija twaqqfet għal perjodu li jibda mill-1 ta' Jannar 2005 u li jispiċċa fil-31 ta' Diċembru 2008.
2. Trid tiġi mfassla evalwazzjoni ta' l-operat ta' l-Aġenzija, inkluż analiżi ta' l-ispejjeż vis-a-vis il-benefiċċji kif imsemmi fl-Artikolu 3(1) tar-Regolament (KE) Nru. 58/2003, mill-Kummissjoni fl-2006, bil-għan tar-reviżjoni jew estensjoni possibbli tal-kompiti ta' l-Aġenzija fil-qafas tal-ġenerazzjoni l-ġdida ta' programmi fil-kamp ta' l-edukazzjoni, l-awdjoviżwal u l-kultura.
Artikolu 4
Għanijiet u xogħlijiet
1. L-Aġenzija tkun responsabbli mit-tmexxija ta' ċerti kostitwenti tal-programmi komunitarji li ġejjin :
a) |
it-tieni fażi tal-programm ta' azzjoni Komunitarja fir-rigward ta' l-edukazzjoni “Socrates” approvat bid-Deċiżjoni 253/2000/KE tal-Parlament Ewropew u tal-Kunsill (3); |
b) |
it-tieni fażi tal-programm ta' azzjoni Komunitarja fir-rigward tal-formazzjoni professjonali “Leonardo da Vinci” approvat bid-Deċiżjoni 1999/382/KE tal-Kunsill (4); |
c) |
il-programm ta' azzjoni Komunitarja “YOUTH” approvat bid-Deċiżjoni 1031/2000/KE tal-Parlament Ewropew u tal-Kunsill (5); |
d) |
il-programm “Culture 2000” approvat bid-Deċiżjoni 508/2000/KE tal-Parlament Ewropew u tal-Kunsill (6); |
e) |
il-programm ta' inkoraġġiment għall-iżvilupp tax-xogħlijiet awdjoviżivi Ewropej (MEDIA Plus — Żvilupp, Distribuzzjoni u Promozzjoni 2001-2005) approvat bid-Deċiżjoni 2000/821/KE tal-Kunsill (7); |
f) |
il-programm ta' formazzjoni għall-professjonisti ta' l-industrija Ewropea tal-programmmi awdjoviżivi (MEDIA-formation 2001-2005) approvat bid-Deċiżjoni 163/2001/KE tal-Parlament Ewropew u tal-Kunsill (8); |
g) |
il-programm biex tittejjeb il-kwalità ta' l-edukazzjoni terzjarja u għall-promozzjoni ta' l-iskambju interkulturali permezz tal-kooperazzjoni mal-pajjiżi terzi (Erasmus mundus) approvat bid-Deċiżjoni 2317/2003/KE tal-Parlament Ewropew u tal-Kunsill (9); |
h) |
il-programm mifrux fuq medda ta' snin (2004-2006) għall-integrazzjoni effittiva tat-teknoloġija ta' l-informazzjoni u tal-komunikazzjoni (TIK) fis-sistemi ta' l-edukazzjoni u l-formazzjoni fl-Ewropa (“tagħlim on-line”) (E-learning) approvat bid-Deċiżjoni 2318/2003/KE tal-Parlament Ewropew u tal-Kunsill (10); |
i) |
il-programm ta' azzjoni Komunitarja għall-promozzjoni taċ-ċittadinanza ewropea attiva (parteċipazzjoni ċivika) approvat bid-Deċiżjoni 2004/100/KE tal-Kunsill (11); |
j) |
il-programm ta' azzjoni Komunitarja għall-promozzjoni ta' l-organizzazzjonijiet attivi fuq livell ewropew fil-qasam taż-żgħażagħ approvat bid-Deċiżjoni 790/2004/KE tal-Parlament Ewropew u tal-Kunsill (12); |
k) |
il-programm ta' azzjoni Komunitarja għall-promozzjoni ta' l-organizzazzjonijiet attivi fuq livell ewropew u għas-sostenn ta' attivitajiet tal-mument fil-qasam ta' l-edukazzjoni u tal-formazzjoni approvat bid-Deċiżjoni 791/2004/KE tal-Parlament Ewropew u tal-Kunsill (13); |
l) |
il-programm ta' azzjoni Komunitarja għall-promozzjoni ta' l-organizzazzjonijiet attivi fuq livell ewropew fil-qasam tal-kultura approvat bid-Deċiżjoni 792/2004/KE tal-Parlament Ewropew u tal-Kunsill (14); |
m) |
il-proġetti fil-qasam ta' l-edukazzjoni terzjarja li jistgħu jkunu finanzjati mid-dispożizzjonijiet relattivi għall-għajnuna għall-kooperazzjoni ekonomika mal-pajjiżi li qed jiżviluppaw fl-Asja approvati fil-qafas tar-Regolament KEE Nru 443/92 tal-Kunsill (15). |
2. L-Aġenzija ser tkun responsabbli għas-segwenti rwoli, għat-tmexxija tal-kostitwenti tal-programmi komunitarji msemmija fil-paragrafu 1:
a) |
it-tmexxija ta' kull fażi tal-proġetti fil-qafas ta' l-eżekuzzjoni tal-programmi komunitarji fdati lilha, skond il-programm ta' ħidma annwali siewja għal deċiżjoni ta' finanzjament fir-rigward ta' sussidji u ta' swieq fl-oqsma ta' l-edukazzjoni, ta' l-awdjoviżiv u ta' dak tal-kultura u adottati mill-Kummissjoni jew skond deċiżjonijiet ta' finanzjament speċifiku adottati mill-Kumissjoni kif ukoll il-kontrolli meħtieġa, billi tadotta d-deċiżjonijiet rilevanti skond id-delegazzjoni tal-Kummissjoni; |
b) |
li tadotta l-istrumenti tal-baġit, l-implimentazzjoni baġitarja għad-dħul u nfiq u twettiq, meta l-Kummissjoni tat is-setgħa li tagħmel dan, għal xi wħud jew kull operat meħtieġ għall-ġestjoni tal-programmi tal-Komunità, u b'mod speċjali dawk marbuta ma' l-għotja ta' sussidji u kuntratti; |
c) |
il-ġbir, l-analiżi u t-trasmissjoni lill-Kummissjoni ta' l-informazzjoni kollha neċessarja biex ikun orjentat it-tħaddim tal-programmi komunitarji. |
3. L-Aġenzija tista' tkun inkarigata mill-Kummissjoni, wara rakkomandazzjoni tal-Kumitat ta' l-Aġenziji Eżekuttivi pprovduti taħt l-Artikolu 24 tar-Regolament (KE) Nru. 58/2003, mill-eżekuzzjoni ta' xogħlijiet ta' l-istess natura fil-qafas ta' programmi komunitarji oħra fl-oqsma ta' l-edukazzjoni, l-awdjoviżwal u dak tal-kultura, skond l-Artikolu 2 tar-Regolament (KE) Nru 58/2003, bħal dawk imsemmija fil-paragrafu 1.
4. Id-deċiżjoni tad-delegazzjoni tal-Kummissjoni tiddefinixxi b'mod dettaljat it-totalità tax-xogħlijiet fdati lill-Aġenzija, u hi adattata skond ix-xogħlijiet l-oħra eventwalment fdati lill-Aġenzija. Din hi mgħoddija, b'titolu ta' informazzjoni, lill-Kumitat ta' l-Aġenziji Eżekuttivi.
Artikolu 5
Struttura ta' l-organizzazzjoni
1. L-Aġenzija hi mmexxija minn Kumitat ta' Direzzjoni u minn Direttur magħżula mill-Kummissjoni.
2. Il-membri tal-Kumitat tad-Direzzjoni jinħatru għal sentejn.
3. Id-Direttur ta' l-Aġenzija jinħatar għal 4 snin.
Artikolu 6
Sussidju
L-Aġenzija tirċievi sussidju miktub fil-baġit ġenerali tal-Komunitajiet Ewropej li jitnaqqas mill-allokazzjoni finanzjarja tal-programmi msemmija fl-Artikolu 4, paragrafu 1 u, fejn xieraq, ta' programmi komunitarji oħra li l-eżekuzzjoni tagħhom hija fdata lill-Aġenzija b' applikazzjoni ta' l-Artikolu 4, paragrafu 3.
Artikolu 7
Kontroll u rendikont ta' l-eżekuzzjoni
L-Aġenzija hi sottomessa għall-kontroll tal-Kummissjoni u għandha tagħti kont b'mod regolari ta' l-eżekuzzjoni tal-programmi li huma fdati lilha, skond il-modalitajiet u l-frekwenza stipulati fl-Att tad-Delegazzjoni.
Artikolu 8
Eżekuzzjoni tal-baġit ta' funzjonament
L-Aġenzija teżegwixxi l-baġit ta' funzjonament tagħha skond id-dispożizzjonijiet tar-Regolament (KE) Nru 1653/2004.
Magħmula fi Brussell, fl-14 ta' Jannar 2005.
Għall-Kummissjoni
Viviane REDING
Membru tal-Kummissjoni
(1) ĠU L 11 tas-16.1.2003, p. 1.
(2) ĠU L 297, tat-22.9.2004, p. 6.
(3) ĠU L 28, tat-3.2.2000, p. 1. Deċiżjoni kif l-aħħar emendata bir-Regolament tal-Kunsill (KE) Nru 885/2004 (ĠU L 168, ta'l-1.5.2004, p. 1).
(4) ĠU L 146, tal-11.6.1999, p. 33. Deċiżjoni kif l-aħħar emendata bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, tal-31.10.2003, p. 1).
(5) ĠU L 117, tat-18.5.2000, p. 1. Deċiżjoni kif l-aħħar emendata bir-Regolament tal-Kunsill (KE) Nru 885/2004.
(6) ĠU L 63, ta' l-10.3.2000, p. 1. Deċiżjoni kif l-aħħar emendata bir-Regolament tal-Kunsill (KE) Nru 885/2004.
(7) ĠU L 336, tat-30.12.2000, p. 82. Deċiżjoni kif l-aħħar emendata bir-Regolament tal-Kunsill (KE) Nru 885/2004.
(8) ĠU L 26, tas-27.1.2001, p. 1. Deċiżjoni kif l-aħħar emendata bir-Regolament tal-Kunsill (KE) Nru 885/2004.
(9) ĠU L 345, tal-31.12.2003, p. 1.
(10) ĠU L 345, tal-31.12.2003, p. 9.
(11) ĠU L 30, ta' l-4.2.2004, p. 6.
(12) ĠU L 138, tat-30.4.2004, p. 31.
(13) ĠU L 138, tat-30.4.2004, p. 40.
(14) ĠU L 138, tat-30.4.2004, p. 24.
(15) ĠU L 52, tas-27.2.1992, p. 1. Regolament Kif emendat bir-Regolament (KE) Nru 807/2003 (ĠU L 122, tas-16.5.2003, p. 36).