Edizzjoni Speċjali bil-Bulgaru: Kapitolu 01 Volum 005 P. 120 - 121
Edizzjoni Speċjali bir-Rumen: Kapitolu 01 Volum 005 P. 120 - 121
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32004R0930
Council Regulation (EC) No 930/2004 of 1 May 2004 on temporary derogation measures relating to the drafting in Maltese of the acts of the institutions of the European Union
Ir-regolament Tal-Kunsill (KE) Nru 930/2004 ta’ l-1 ta’ Mejju 2004 dwar miżuri temporanji ta’ deroga dwar it-tfassil fil-lingwa Maltija ta’ l-atti ta’ l-Istituzzjonijiet ta’ l-Unjoni Ewropea
Ir-regolament Tal-Kunsill (KE) Nru 930/2004 ta’ l-1 ta’ Mejju 2004 dwar miżuri temporanji ta’ deroga dwar it-tfassil fil-lingwa Maltija ta’ l-atti ta’ l-Istituzzjonijiet ta’ l-Unjoni Ewropea
ĠU L 169, 1.5.2004, p. 1–2
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
In force: This act has been changed. Current consolidated version: 26/11/2006
- Date of document:
- 01/05/2004
- Date of effect:
- 01/05/2004; Dħul fis-seħħ Ara Art. 4
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Regolament
- Treaty:
- Trattat li jistabbilixxi l-Komunità Ewropea , Trattat dwar l−Unjoni Ewropea
- Legal basis:
- Link
- Select all documents based on this document
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Derogation 31958R0001 30/04/2007 Derogation 31958R0001(01) 30/04/2007
No data available in the table
- Modified by:
-
Relation Act Comment Subdivision concerned From To Modified by 32006R1738 Sostituzzjoni artikolu 3 26/11/2006 - Instruments cited:
- Link
- EUROVOC descriptor:
- Subject matter:
- Directory code:
Language
HTML
PDF
Official Journal
|
1.5.2004 |
MT |
Il-Ġurnal Uffiċjali ta’ l-Unjoni Ewropea |
L 169/1 |
IR-REGOLAMENT TAL-KUNSILL (KE) Nru 930/2004
ta' l-1 ta' Mejju 2004
dwar miżuri temporanji ta' deroga dwar it-tfassil fil-lingwa Maltija ta' l-atti ta' l-Istituzzjonijiet ta' l-Unjoni Ewropea
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 290 tiegħu,
Wara li kkunsidra t-Trattat dwar l-Unjoni Ewropea, u b'mod partikolari l-Artikoli 28 u 41 tiegħu,
Wara li kkunsidra r-Regolament tal-Kunsill Nru 1 tal-15 ta' April 1958 li jiddetermina l-lingwi li għandhom jintużaw mill-Komunità Ekonomika Ewropea (1), u r-Regolament tal-Kunsill Nru 1 tal-15 ta' April 1958 li jiddetermina l-lingwi li għandhom jintużaw mill-Komunità Ewropea ta' l-Enerġija Atomika (2), liema żewġ Regolamenti huma msejħin ‘ir-Regolament Nru 1’ minn hawn 'il quddiem,
Wara li kkunsidra r-Regoli ta' Proċedura tal-Kunsill, u b'mod partikolari l-Artikolu 14(1) tagħhom,
Wara li kkunsidra t-talba ta' (…) tal-Gvern Malti,
Billi:
|
(1) |
B'konsegwenza ta' l-adeżjoni ta' Malta ma' l-Unjoni Ewropea, u skond l-Artikolu 1 tar-Regolament Nru 1, il-Malti hu lingwa uffiċjali u lingwa ta' ħidma ta' l-Istituzzjonijiet ta' l-Unjoni. |
|
(2) |
Għaldaqstant, ir-regolamenti u dokumenti oħra ta' applikazzjoni ġenerali għandhom jitfasslu wkoll bil-Malti, kif previst fl-Artikolu 4 tar-Regolament Nru 1. Il-Ġurnal Uffiċjali ta' l-Unjoni Ewropea għandu jiġi ppubblikat ukoll bil-Malti, kif previst fl-Artikolu 5 ta' dak ir-Regolament. |
|
(3) |
Mill-kuntatti bejn l-awtoritajiet Maltin u l-Istituzzjonijiet ta' l-Unjoni Ewropea jidher li, minħabba s-sitwazzjoni preżenti fir-rigward tar-reklutaġġ ta' lingwisti Maltin u n-nuqqas ta' tradutturi kkwalifikati li jirriżulta, mhux possibbli li jiġi garantit it-tfassil bil-Malti ta' l-atti kollha adottati mill-Istituzzjonijiet. |
|
(4) |
Din ser tkun is-sitwazzjoni għal xi żmien, sakemm jiġu mplimentati miżuri transitorji meħuda b'kooperazzjoni mill-qrib bejn l-awtoritajiet Maltin u l-istituzzjonijiet Ewropej biex jinstab rimedju għan-nuqqas ta' tradutturi kkwalifikati. Sadattant, din is-sitwazzjoni m'għandhiex ikollha impatt negattiv fuq l-attivitajiet ta' l-Unjoni, li jżomm lura l-ħidma ta' l-Istituzzjonijiet tagħha. |
|
(5) |
L-Artikolu 8 tar-Regolament Nru 1 jippermetti lill-Kunsill, li jaġixxi fuq it-talba ta' l-Istat Membru kkonċernat, li jiddeċiedi dwar l-użu ta' lingwi fir-rigward ta' Stati Membri li għandhom iżjed minn lingwa uffiċjali waħda. Skond il-Kostituzzjoni ta' Malta, il-Malti u l-Ingliż huma l-lingwi uffiċjali ta' Malta u kull liġi għandha tiġi magħmula kemm fil-lingwa Maltija kif ukoll fil-lingwa Ingliża, bit-test Malti jipprevali f'każ ta' kunflitt, sakemm ma ssirx xi disposizzjoni xort' oħra. |
|
(6) |
Fid-dawl tas-sitwazzjoni msemmija hawn fuq u fuq talba tal-Gvern Malti, hu xieraq li tittieħed deċiżjoni li, b'mod eċċezzjonali u fuq bażi transitorja, l-Istituzzjonijiet ta' l-Unjoni m'għandhomx ikunu marbuta bl-obbligu li jirrigwarda t-tfassil jew it-traduzzjoni ta' l-atti kollha, inklużi sentenzi tal-Qorti tal-Ġustizzja, fil-lingwa Maltija. Madankollu, hu xieraq li tali deroga tkun parzjali u għalhekk li teskludi mill-firxa ta' l-applikazzjoni tagħha r-Regolamenti adottati mill-Parlament Ewropew u l-Kunsill flimkien. |
|
(7) |
L-istatus tal-Malti bħala lingwa uffiċjali u bħala lingwa ta' ħidma ta' l-Istituzzjonijiet ta' l-Unjoni mhux affettwat. |
|
(8) |
Fl-aħħar tal-perijodu transitorju, l-atti kollha li f'dak iż-żmien ma jkunux diġà ġew ippubblikati bil-Malti għandhom ukoll jiġu ppubblikati f'dik il-lingwa, |
ADOTTA DAN IR-REGOLAMENT:
Artikolu 1
B'deroga mir-Regolament Nru 1 u għal perjodu ta' tliet snin li jibda fl-1 ta' Mejju 2004, l-Istituzzjonijiet ta' l-Unjoni Ewropea m'għandhomx ikunu marbuta bl-obbligu li jfasslu l-atti kollha bil-Malti u li jippubblikawhom f'dik il-lingwa fil-Ġurnal Uffiċjali ta' l-Unjoni Ewropea.
Dan l-Artikolu m'għandux japplika għar-Regolamenti adottati mill-Parlament Ewropew u l-Kunsill flimkien.
Artikolu 2
Mhux iżjed tard minn 30 xahar wara li jiġi adottat, il-Kunsill għandu jirrevedi kif qed jaħdem dan ir-Regolament u jiddetermina jekk jestendihx għal perijodu ieħor ta' sena.
Artikolu 3
Fl-aħħar tal-perijodu transitorju, l-atti kollha li f'dak iż-żmien ma jkunux ġew diġà ippubblikati bil-Malti, għandhom ukoll jiġu ppubblikati f'dik il-lingwa.
Artikolu 4
Dan ir-Regolament għandu jidħol fis-seħħ fl-1 ta' Mejju 2004.
Dan ir-Regolament għandu jorbot fl-intier tiegħu u hu direttament applikabbli fl-Istati Membri kollha.
Magħmul fi Brussel, ta' l-1 ta' Mejju 2004.
Għall-Kunsill
Il-President
B. COWEN
(1) ĠU 17, 6.10.1958, p. 385. Regolament kif emendat l-aħħar mill-Att ta' l-Adeżjoni ta' l-2003.
(2) ĠU 17, 6.10.1958, p. 401. Regolament kif emendat l-aħħar mill-Att ta' l-Adeżjoni ta' l-2003.
All