This document is an excerpt from the EUR-Lex website
Document 32004R0028
Commission Regulation (EC) No 28/2004 of 5 January 2004 implementing Regulation (EC) No 1177/2003 of the European Parliament and of the Council concerning Community statistics on income and living conditions (EU-SILC) as regards the detailed content of intermediate and final quality reports
Ir-Regolament tal-Kummissjoni (KE) Nr 28/2004 tal-5 ta' Jannar 2004 li jimplimenta r-Regolament (KE) Nru 1177/2003 tal-Parlament Ewropew u tal-Kunsill dwar l-istatistika tal-Komunità fuq l-introjtu u l-kondizzjonijiet ta' ħajja (EU-SILC) fejn għandu x'jaqsam il-kontenut dettaljat tar-rapport intermedju u finali dwar il-kwalità
Ir-Regolament tal-Kummissjoni (KE) Nr 28/2004 tal-5 ta' Jannar 2004 li jimplimenta r-Regolament (KE) Nru 1177/2003 tal-Parlament Ewropew u tal-Kunsill dwar l-istatistika tal-Komunità fuq l-introjtu u l-kondizzjonijiet ta' ħajja (EU-SILC) fejn għandu x'jaqsam il-kontenut dettaljat tar-rapport intermedju u finali dwar il-kwalità
ĠU L 5, 9.1.2004, p. 42–56
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 005 , 09/01/2004 P. 0042 - 0056
Ir-Regolament tal-Kummissjoni (KE) Nru 28/2004 tal-5 ta' Jannar 2004 li jimplimenta r-Regolament (KE) Nru 1177/2003 tal-Parlament Ewropew u tal-Kunsill dwar l-istatistika tal-Komunità fuq l-introjtu u l-kondizzjonijiet ta' ħajja (EU-SILC) fejn għandu x'jaqsam il-kontenut dettaljat tar-rapport intermedju u finali dwar il-kwalità IL-KUMMISSJONI TAL-KOMUNITAJIET EWROPEJ Wara li kkonsidrat it-Trattat li jistabbilixxi il-Komunità Ewropea, Wara li kkonsidrat ir-Regolament (KE) Nru 1177/2003 tal-Parlament Ewropew u tal-Kunsill tas-16 ta' Ġunju 2003 dwar l-istatistika tal-Komunità fuq l-introjtu u l-kondizzjonijiet ta' ħajja (EU-SILC) [1], u b'mod partikolari l-Artikolu 15(2)(b) tiegħu, Billi: (1) Ir-Regolament (KE) Nru Nru 1177/2003 jistabbilixxi kwadru komuni għall-produzzjoni sistematika ta' l-istatistika tal-Komunità fuq l-introjtu u l-kondizzjonijiet ta' ħajja, li tinkludi informazzjoni rappreżentattiva u lonġitudinali komparabbli u f'waqtha fuq l-introjtu u fuq il-livell u l-komposizzjoni tal-faqar u l-esklużjoni soċjali fil-livell nazzjonali u dak ta' l-Unjoni Ewropea. (2) Skond l-Artikolu 15(2)(b) tar-Regolament (KE) Nru 1177/2003, miżuri ta' implimentazzjoni huma meħtieġa biex ikun deteminat il-kontenut dettaljat tar-rapport intermedjarju, dwar l-indikaturi komuni rappreżentattivi ta' l-UE bbażati fuq il-komponent rappreżentattiv ta' l-EU-SILC, u l-kontenut dettaljat tar-rapport finali fuq il-kwalità li jikkonċentra fuq il-preċiżjoni interna, li tkopri kemm il-komponent rappreżentativ kif ukoll dak lonġitudinali, (3) Il-miżuri li jipprovdi għalihom dan ir-Regolament huma skond l-opinjoni tal-Kumitat tal-Programm ta' l-Istatisika, ADOTTAT DAN IR-REGOLAMENT: Artikolu 1 Id-definizzjonijiet li jridu jkunu applikati għar-rapport intermedjarju u finali dwar il-kwalità ta' l-istatistika tal-Komunità fuq l-introjtu u l-kondizzjonijiet ta' ħajja (EU-SILC) għandhom ikunu kif imniżżla fl-Anness I. Artikolu 2 Il-kriterji għall-valutazzjoni tal-kwalità u l-kontenut dettaljat tar-rapport intermedjarju dwar il-kwalità li l-Istati Membri jridu jipproduċu, dwar l-indikaturi komuni rappreżentattivi ta' l-UE bbażati fuq il-komponent rappreżentattiv ta' l-EU-SILC għandhom ikunu kif imniżżla fl-Anness II. Artikolu 3 Il-kriterji għall-valutazzjoni tal-kwalità u l-kontenut dettaljat tar-rapport finali dwar il-kwalità li l-Istati Membri jridu jipproduċu, dwar il-komponenti rappreżentattivi u lonġitudinali ta' l-UE-SILC li jikkonċentraw fuq il-preċiżjoni interna għamdhom ikunu kif imniżżla fl-Anness III. Artikolu 4 Il-kontenut tar-rapport komparattiv intermedjarju u finali dwar il-kwalità li l-Kummissjoni trid tipproduċi għandu jkun kif imniżżel fl-Anness IV. Artikolu 5 Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fil-5 ta' Jannar 2004. Għall-Kummissjoni Pedro Solbes Mira Membru tal-Kummissjoni [1] ĠU L 165, 3.7.2003, p. 1. -------------------------------------------------- L-ANNESS I DEFINIZZJONIJIET (a) Sostituzzjoni tirreferi għas-sostituzzjoni minn unitajiet oħra ta' l-unitajiet oriġinali fil-kampjun li ma jfornux l-informazzjoni meħtieġa, għaliex jew l-indirizz ma jkunx jista' jinstab jew ma jkunx aċċessibbli, jew għaliex il-familja ma tkunx trid tikkopera, il-familja kollha tkun nieqsa għal xi żmien jew il-familja ma tkunx tista' twieġeb' (b) "Attribuzzjoni" tfisser tagħmel valutazzjoni tal-valuri plawsibbli (iżda artifiċjali) li jissostitwixxu l-valuri neqsin (ċ) "Introjtu disponibbli ekwivalizzat" huwa definit bħala l-introjtu totali disponibbli tal-familja maqsum bid-"daqs ekwivalenti" tagħha (d) "Daqs ekwivalenti" tirreferi għall-iskala ta' l-OKŻE (OECD) modifikata (li tagħti piż ta' 1,0 lill-ewwel adult, 0,5 lil persuni oħra li jkollhom 14-il sena jew aktar li jkunu jgħixu fil-familja u 0,3 lil kull tifel/tifla taħt l-14-il sena) (e) "Kwadru tat-teħid tal-kampjuni" huwa l-popolazzjoni ta' unitajiet li minnhom jista' jintgħażel kampjun (f) "Preċiżjoni" tindika l-grad ta' kemm il-komputazzjonijiet jew l-istimi jkunu qrib tal-valuri veri jew reali (g) "Żbalji fit-teħid tal-kampjuni" tirreferi għall-varjabilità kif tinzerta minħabba l-użu ta' kampjun milli ta' ċensiment (h) "Żbalji mhux fit-teħid tal-kampjuni" huma żbalji li jiġru fl-istadji kollha tal-proċess tal-ġbir u l-produzzjoni ta' l-informazzjoni L-iżbalji mhux fit-teħid tal-kampjuni huma bażikament ta' erba' tipi: - "Żbalji ta' kopertura" huma żbalji mħabba d-differenzi bejn il-popolazzjoni fil-mira u l-kwadru tat-teħid tal-kampjuni. L-iżbalji ta' kopertura jinkludu kopertura żejda, kopertura nieqsa jew klassifikazzjoni ħażina: - "kopertura żejda" tirreferi jew għall-unitajiet ikklassifikati ħażin li fil-fatt ikunu barra l-kamp ta' l-istħarriġ, jew għall-unitajiet li fil-prattika ma jkunux jeżistu - "kopertura nieqsa" tirreferi għall-unitajiet li ma jkunux inklużi fil-kwadru tat-teħid tal-kampjuni - "klassifikazzjoni ħażina" tirreferi għall-klassifikazzjoni żbaljata ta' l-unitajiet li jkunu jagħmlu parti mill-popolazzjoni fil-mira - "Żbalji ta' qjies" huma l-żbalji li jiġru fil-ħin li tinġabar l-informazzjoni. Hemm numru ta' kawżi għal dawn l-iżbalji bħal ma huma l-istrument ta' l-istħarriġ, is-sistema ta' l-informazzjoni, min jagħmel l-intervista u l-mod ta' kif tinġabar - "Żbalji ta' pproċessar" huma l-iżbalji fil-proċessi ta' wara l-ġbir ta' l-informazzjoni bħal ma huma r-reġistrazzjoni ta' l-informazzjoni, l-ittajpjar, l-editjar u l-ippeżar - "Żbalji mħabba nuqqas ta' tweġiba" huma l-iżbalji mħabba li ma jkunx irnexxa tentattiv biex tinkiseb l-informazzjoni mixtieqa minn unità eliġibbli Huma kkonsidrati żewġ tipi prinċipali ta' żbalji mħabba nuqqas ta' tweġiba: - "nuqqas ta' tweġiba mill-unitajiet" tirreferi għan-nuqqas ta' informazzjoni mill-unitajiet sħaħ (familji u/jew persuni) magħżula għall-kampjun - "nuqqas ta' tweġiba dwar partita" tirreferi għas-sitwazzjoni meta partita kampjun tkun ġiet enumerata b'suċċess, iżda ma tkunx inkisbet l-informazzjoni kollha meħtieġa (i) "Rilevanza" hija l-grad li fih l-istatistika tissodisfa l-ħtiġiet attwali u potenzali ta'dawk li jużawha. Hija tirreferi għal jekk l-istatistika kollha meħtieġa mhix qed tinħoloq u safejn l-kunċetti użati (definizzjonijiet, klassifiki, eċċ.) jirriflettu l-ħtiġiet ta' dawk li jużawha (j) "Żmien opportun u puntwalità": - "Żmien opportun ta' l-informazzjoni" tirrifletti t-tul taż-żmien bejn id-disponibilità tagħha u l-ġrajja jew il-fenomenu li hija tiddeskrivi - "Puntwalità" tirreferi għall-intervall ta' żmien li jeżisti bejn id-data attwali tal-kunsinna ta' l-informazzjoni mill-Eurostat u d-data miftiehma meta hija kellha tkun ikkonsinnata, ngħidu aħna, b'referenza għad-dati mħabbra f'xi kalendarju uffiċjali għar-rilaxx tagħhom, preskritti minn regolamenti jew maqbula minn qabel bejn il-partijiet (k) "Aċċessibilità u ċarezza": - "Aċċessibbilità" tirreferi għall-kondizzjonijiet fiżiċi li fihom dawk li jużaw l-informazzjoni jistgħu jiksbuha: fejn imorru, kif jordnaw, iż-żmien tal-kunsinna, politika ċara ta' prezzijiet, kondizzjonijiet tas-suq konvenjenti (dritt ta' l-awtur, eċċ.), disponibilità ta' micro- jew macro-informazzjoni, diversi formati (karta, files, CD-ROM, internet), eċċ. - "ċarezza" tirreferi għall-ambjent li fih tkun ippreżentata l-informazzjoni, jekk l-informazzjoni tkunx akkompanjata minn meta-informazzjoni, illustrazzjonijiet bħal ma huma grafiċi u mapep, jekk mhix disponibbli informazzjoni fuq il-kwalità tagħha (inkluża l-limitazzjoni fl-użu) u safejn l-Istituti Nazzjonali ta' l-Istatistika jipprovdu assistenza addizzjonali -------------------------------------------------- L-ANNESS II Kriterji għall-valutazzjoni tal-kwalità u l-konternut tar-rapport intemedju dwar il-kwalità li jridu jipproduċu l-Istati Membri 1. INDIKATURI RAPPREŻENTATTIVI KOMUNI TA' L-UNJONI EWROPEA 1.1. Indikaturi rappreżentattivi komuni ta' l-UE bbażati fuq il-komponent rappreżentattiv ta' l-EU-SILC L-Istati Membri jipprovdu l-indikaturi rappreżentattivi komuni ta' l-UE, ibbażati fuq il-kampjun rappreżentattiv tas-sena N, li jkun inkluż fir-rapport annwali tar-rebbiegħa tas-sena (N + 2) li jkun ippreżentat lill-Kunsill Ewropew. L-indikaturi rappreżentattivi komuni ta' l-UE jirreferu għal dawk l-indikaturi adottati mill-Kunsill fil-kuntest tal-metodu miftuħ ta' kordinazzjoni u li jistgħu jittieħdu mid-dokument EU-SILC 1.2. Indikaturi oħrajn 1.2.1. Introjtu disponibbli ekwivalizzat 1.2.2. Id-disparità fil-ħlas bejn is-sessi mhux aġġustata L-Istati Membri li jikkalkulaw id-disparità fil-ħlas bejn is-sessi mhux aġġustata fuq il-bażi ta' l-EU-SILC iridu jipprovdu dak l-indikatur. 2. PREĊIŻJONI 2.1. Skema ta' teħid ta' kampjuni L-informazzjoni li ġejja trid tkun ipprovduta: 2.1.1. Tip ta' skema ta' teħid ta' kampjuni (stratifikata, f'diversi stadji, f'ġemgħat (clustered)) 2.1.2. Unitajiet ta' teħid ta' kampjuni (stadju wirħed, żewġ stadji) 2.1.3. Skriterji ta' stratifikazzjoni u substratifikazzjoni 2.1.4. Daqs tal-kampjun u l-kriterji ta' l-allokazzjoni 2.1.5. Skemi ta' għażla tal-kampjun 2.1.6. Tqassim tal-kampjun fuq tul ta' żmien 2.1.7. Tiġdid tal-kampjun: gruppi ta' rotazzjoni 2.1.8. Ippeżar 2.1.8.1. Effett ta' l-iskema ta' teħid ta' kampjuni 2.1.8.2. Aġġustamenti fil-każ ta' nuqqas ta' tweġiba 2.1.8.3. Aġġustamenti lill-informazzjoni esterna (livell, fatturi varjabbli użati u fonti) 2.1.8.4. Piż rappreżentattiv finali 2.1.9. Sostituzzjonijiet Għall-Istati Membri fejn tapplika s-sostituzzjoni f'każi ta' nuqqas ta' tweġiba minn unità, l-informazzjoni li ġejja tkun ipprovduta: 2.1.9.1. Metodu ta' għażla tas-sostituti 2.1.9.2. Karatteristiċi prinċipali ta' l-unitajiet issostitwiti mqabbla ma' l-unitajiet oriġinali, għal kull reġjun (NUTS 2) jekk ikunu disponibbli 2.1.9.3. Tqassim ta' l-unitajiet issostitwiti skond ir-reġistrazzjoni tal-kuntatt fl-indirizz (DB120), ir-riżultat tal-kwestjonarju lill-familja (DB 130) u l-aċċettazzjoni ta' l-intervista tal-familja (DB135) mill-unitajiet oriġinali 2.2. Żbalji fit-teħid tal-kampjuni 2.2.1. Żball standard u d-daqs effettiv tal-kampjun Tingħata l-informazzjoni li ġejja: - daqs effettiv tal-kampjun għall-indikaturi rappreżentattivi komuni ta' l-UE ibbażati fuq il-komponent rappreżentattiv ta' l-EU-SILC, għall-introjtu disponibbli ekwivalizzat u għad-disparità fil-ħlas bejn is-sessi mhux aġġustata (jekk applikabbli). - żbalji standard għall-indikaturi rappreżentattivi komuni ta' l-UE ibbażati fuq il-komponent rappreżentattiv ta' l-EU-SILC, għall-introjtu disponibbli ekwivalizzat u għad-disparità fil-ħlas bejn is-sessi mhux aġġustata (jekk applikabbli). 2.3. Żbalji mhux fit-teħid tal-kampjuni 2.3.1. Żbalji fil-kwadru tat-teħid tal-kampjuni u tal-kopertura Ikunu pprovduti, jekk ikunu disponibbli, deskrizzjoni tal-kwadru tat-teħid tal-kampjuni (inklużi l-informazzjoni dwar il-proċedura użata biex ikun aġġornat il-kwadru, il-frekwenza u d-duplikati), u deskrizzjoni tal-problemi prinċipali ta' kopertura (klassifiki ħżiena, kopertura nieqsa u kopertura żejda). Għall-Istati Membri li jużaw skema ta' rotazzjoni, l-informazzjoni dwar il-kwadru tat-teħid tal-kampjuni tkun ipprovduta għar-repliki ġodda biss 2.3.2. Żbalji ta' qjies u pproċessar 2.3.2.1. Żbalji ta' qjies L-informazzjoni li ġejja tkun ipprovduta: - deskrizzjoni tal-fonti differenti ta' żbalji ta' qjies li probabbli jinstabu fl-istħarriġ. - deskrizzjoni tal-mod kif inbena l-kwestjonarju, l-użu tal-laboratorju konoxxittiv (jekk applikabbli), l-ittestjar tal-kwestjonarju fil-prattika, l-effett ta' l-istruttura, il-kontenut u l-formulazzjoni tiegħu, - informazzjoni dwar l-intensità u l-effikaċja tat-taħriġ ta' dawk li jagħmlu l-intervista: - informazzjoni dwar l-istudji, bħal ma huma intervisti mill-ġdid, studji dwar il-validità, jew esperimenti fuq kampjuni maqsuma, jekk ikunu disponibbli, - riżultati minn mudelli, per eżempju biex ikun ivvalutat l-impatt ta' l-użu ta' sena finanzjarja minflok sena tal-kalendarju, jekk ikunu disponibbli. 2.3.2.2. Żbalji ta' ipproċessar L-informazzjoni li ġejja tkun ipprovduta: - deskrizzjoni tal-kontrolli fuq id-dħul, il-kontrolli fuq l-ikkodifikar u s-sistema ta' l-editjar ta' l-informazzjoni. L-iżbalji prinċipali li jinkixfu waqt il-proċess ta' wara l-ġbir ta' l-informazzjoni. - ir-rata ta' editjar li ma jsirx fuq il-fatturi varjabbli ta' l-introjtu. 2.3.3. Żbalji mħabba nuqqas ta' tweġiba L-informazzjoni li ġejja tkun ipprovduta: 2.3.3.1. Daqs tal-kampjun miksub - numru ta' familji li għalihom tkun aċċettata l-intervista għall-bażi ta' l-informazzjoni.. Analiżi statistika tal-gruppi ta' rotazzjoni (jekk applikabbli) u t-total. - numru ta' persuni ta' 16-il sena jew ikbar li huma membri tal-familji li għalihom tkun aċċettata l-intervista għall-bażi ta' l-informazzjoni, u li wieġbu għall-intervista sħiħa. Analiżi statistika tal-gruppi ta' rotazzjoni (jekk applikabbli) u t-total. - numru ta' dawk magħżula biex iwieġbu (jekk applikabbli) li jkunu membri tal-familji li għalihom tkun aċċettata l-intervista għall-bażi ta' l-informazzjoni, u li wieġbu għall-intervista sħiħa. Analiżi statistika tal-gruppi ta' rotazzjoni (jekk applikabbli) u t-total. 2.3.3.2. Nuqqas ta' tweġiba mill-unitajiet Għall-Istati Membri li jużaw l-iskema ta' rotazzjoni, l-informazzjoni dwar in-nuqqas ta' tweġiba mill-unitajiet tkun ipprovduta għar-repliki ġodda skond il-formuli deskritti hawn taħt. Għall-kampjun totali, in-nuqqas ta' tweġiba mill-unitajiet jkun ikkalkulat billi jineħħew, min-numeratur u d-denominatur tal-formuli deskritti hawn taħt, dawk l-unitajiet illi skond ir-regoli deskritti hawn taħt ikunu barra l-kamp ta' l-istħarriġ. - Ir-rati tan-nuqqas ta' tweġiba mill-unitajiet (NRh) ikunu kkalkulati kif ġej: NRh = (1-(Ra * Rh)) * 100 Meta: Ra = = Σ – Ra hija r-rata ta' indirizzi kkontattjati Rh = = Σ Σ Rh hija l-proporzjon ta’ l-intervisti lill-familji sħaħ aċċettati għall-bażi ta’ l-informazzjoni DB120 hija r-reġistrazzjoni tal-kuntatt fl-indirizz DB130 huwa r-riżultat tal-kwestjonarju lill-familja, u DB135 huwa r-riżultat ta’ l-aċċettazzjoni ta’ l-intervista tal-familja. Għal dawk l-Istati Membri fejn jsiru sostituzzjonijiet mħabba nuqqas ta' tweġiba mill-unitajiet, ir-rati għan-nuqqa ta' tweġiba jkunu kkalkulati qabel u wara s-sostituzzjonijiet. - Ir-rati għan-nuqqas ta' tweġiba individwali (NRp) jkunu kkalkulati kif ġej: NRp =(1-(Rp)) * 100 Meta: Rp = = Σ Σ Rp hija l-proporzjon ta' l-intervisti personali kompluti fil-familji aċċettati għall-bażi ta' l-informazzjoni RB245 huwa l-istatus ta' min iwieġeb, u RB250 huwa l-istatus ta' l-informazzjoni. - Ir-rati totali għan-nuqqas ta' tweġiba (*NRp) jkunu kkalkulati kif ġej: *NRp = (1 – (Ra * Rh * Rp)) * 100 For those Members States where substitutions are made in cases of unit non-response, non-response rates will be calculated before and after substitutions. Għal dawk l-Istati Membri fejn kien ntgħażel kampjun ta' persuni aktar milli kampjun ta' familji, ir-rata għan-nuqqas ta' tweġiba individwali tkun kkalkulata fuq dik għal "min magħżul biex iwieġeb" (RB245 = 2) għall-individwi kollha li jkollhom 16-il sena u aktar (RB245 + 2 + 3) u fuq dik għall-' "min mhux magħżul biex iwieġeb" (RB245 = 3). 2.3.3.3. Tqassim ta' familji (unitajiet oriġinali) skond "ir-reġistrazzjoni tal-kuntatt fl-indirizz"(DB120), skond "ir-riżultat tal-kwestjonarju lill-familja" (DB 130) u skond "l-aċċettazzjoni ta' l-intervista tal-familja" (DB135), għal kull grupp ta' rotazzjoni (jekk applikabbli) u għat-total 2.3.3.4. Tqassim ta' unitajiet issostitwiti (jekk applikabbli) skond "ir-reġistrazzjoni tal-kuntatt fl-indirizz" (DB120), skond "ir-riżultat tal-kwestjonarju lill-familja" (DB 130) u skond "l-aċċettazzjoni ta' l-intervista tal-familja" (DB135), għal kull grupp ta' rotazzjoni (jekk applikabbli) u għat-total 2.3.3.5. Nuqqas ta' tweġiba għal ċerti mistoqsijiet Għall-fatturi varjabbli ta' l-introjtu għandha tkun ipprovduta l-informazzjoni li ġejja: - persentaġġ tal-familji (skond il-komponenti ta' l-introjtu miġbura jew ikkompilati fil-livell tal-familja)/persuni (skond il-komponenti ta' l-introjtu miġbura jew ikkompilati fil-livell tal-persuna) li rċevew ammont għal kull komponent ta' l-introjtu, - percentage of missing values for each income component collected or compiled at household/personal level, persentaġġ ta' valuri nieqsa għal kull komponent ta' l-introjtu miġbur jew ikkompilat fil-livell tal-familja/tal-persuna, - persentaġġ ta' informazzjoni parzjali għal kull komponent ta' l-introjtu miġbur jew ikkompilat fil-livell tal-familja/tal-persuna. +++++ TIFF +++++ 2.3.3.6. In-numru totali ta' nuqqas ta' tweġibiet għal ċerti mistoqsijiet u n-numru ta' osservazzjonijiet fil-kampjun fil-livell ta' l-unità ta' l-indikaturi rappreżentattivi komuni ta' l-Unjoni Ewropea bbażati fuq il-komponent rappreżentattiv ta' l-EU-SIL, għall-introjtu disponibbli ekwivalizzat u għad-disparità fil-ħlas bejn is-sessi mhux aġġustata (jekk applikabbli) 2.4. Mod kif tinġabar l-informazzjoni Għall-Istati Membri li jużaw kampjun ta' indirizzi/familji, it-tqassim tal-membri tal-familja li jkollhom 16-il sena jew aktar skond l-"istatus ta' l-informazzjoni" (RB250) u skond it-"tip ta' intervista" (RB260) ikun ipprovdut, għal kull grupp ta' rotazzjoni (jekk applikabbli) u għat-total. Għall-Istati Membri li jużaw kampjun ta' persuni, it-tqassim tal-kategorija "min magħżul biex iwieġeb", it-tqassim tal-"membri tal-familja li jkollhom 16-il sena jew aktar", u t-tqassim tal-kategorija ta' "min mhux magħżul biex iwieġeb" skond l-"istatus ta' l-informazzjoni" (RB250) u skond i-"tip ta' intervista" jkun ipprovdut, għal kull grupp ta' rotazzjoni (jekk applikabbli) u għat-total. 2.5. Tul taż-żmien ta' l-intervista It-tul taż-żmien medju ta' l-intervista lill-familja jkun ipprovdut. It-tul taż-żmien medju ta' l-intervista għal kull familja jkun ikkalkulat bħala s-somma tat-tul taż-żmien ta' l-intervisti kollha lill-familja magħduda s-somma tat-tul taż-żmien ta' l-intervisti personali kollha, maqsuma bin-numru ta' kwestjonarji lill-familji mimlija u aċċettati għall-bażi ta' l-informazzjoni. 3. KOMPARABILITÀ 3.1. Kunċetti bażiċi u definizzjonijiet Il-kunċetti nazzjonali użati, id-differenzi bejn il-kunċetti nazzjonai u l-kunċetti standard ta' l-EU-SILC, u valutazzjoni, jekk disponibbli, tal-konsegwenzi tad-differenzi msemmija jkunu rrappurtati għas-setturi li ġejjin: - il-popolazzjoni ta' referenza, - id-definizzjoni ta' familja privata, - il-membri tal-familja, - il-perijodu/i ta' referenza ta' l-introjtu użat/i, - il-perijodu għat-taxxi fuq l-introjtu u għall-kontribuzzjonijiet tas-sigurtà soċjali, - il-perijodu ta' referenza għat-taxxi fuq il-proprjetà, - l-intervall ta' żmien bejn il-perijodu ta' referenza ta' l-introjtu u l-fatturi varjabbli kurrenti, - it-tul taż-żmien kollu għall-ġbir ta' l-informazzjoni għall-kampjun, - Informazzjoni bażika fuq l-istatus ta' l-attività matul il-perijodu ta' referenza ta' l-introjtu, 3.2. Komponenti ta' l-introjtu 3.2.1. Id-differenzi bejn id-definizzjonijiet nazzjonai u d-definizzjonijiet standard ta' l-EU-SILC, u valutazzjoni, jekk disponibbli, tal-konsegwenzi tad-differenzi msemmija jkunu rrappurtati għall-fatturi varjabbli fil-mira li ġejjin: - introjtu totali gross tal-familja, - introjtu totali disponibbli tal-familja, - introjtu totali disponibbli tal-familja, qabel it-trasferimenti soċjali mbarra l-pensjoni tax-xjuħ u dik ta' min jibqa' ħaj wara li jmutlu xi ħadd, - kera attribwita [1], - introjtu mill-kiri ta' proprjetà jew art, - sussidji relatati mal-famija/mat-tfal, - ħlasijiet konnessi ma' l-eskużjoni soċjali mhux ikklasifikati band'oħra, - sussidji fuq l-akkomodazzjoni, - trasferimenti regolari ta' flus kontanti bejn il-familji, - interessi, dividendi, qligħ minn investimenti kapitali f'negozji mhux inkorporati, - interessi mħallsa fuq ipoteki (mortgages) , [2] - introjtu li jirċievu nies taħt is-16-il sena, - rtaxxi regolari fuq il-proprjetà, - trasferimenti ta' flus kontanti mħallsa regolarment bejn il-familji, - taxxa fuq l-introjtu u l-kontribuzzjonijiet tas-sigurtà soċjali, - ħlasijiet lura/dħul ta' flus għall-aġġustamenti tat-taxxa, - dħul ta' flus jew kważi flus minn impieg, - dħul mhux ta' flus minn impieg [3] - kontribuzzjonijiet tas-sigurtà soċjali ta' min iħaddem [4] - qligħ jew telf minn xogħol indipendenti (inklużi d-drittijiet ta' l-awtur); - valur ta' l-oġġetti prodotti għall-konsum proprju [5], - benefiċċji tal-qgħad, - pensjoni tax-xjuħ, - pensjoni ta' min jibqa' ħaj wara li jmutlu xi ħadd, - benefiċċji tal-mard, - benefiċċji tad-diżabilità, - sussidji relatati ma' l-edukazzjoni, - introjtu ta' xahar gross ta' l-impjegati [6]. 3.2.2. Il-fonti jew proċedura użata għall-ġbir tal-fatturi varjabbli ta' l-introjtu 3.2.3. Il-forma li fiha inkisbu l-fatturi varjabbli fil-livell tal-komponenti (p.e. gross, nett mit-taxxa fuq l-introjtu minn ras il-għajn, nett mill-kontribuzzjonijiet soċjali) 3.2.4. Il-metodu użat biex jinkisbu l-fatturi varjabbli fil-mira għall-introjtu taħt il-forma mitluba (jiġifieri bħala valuri gross) 4. KOERENZA 4.1. Paragun tal-fatturi varjabbli fil-mira għall-introjtu u n-numru tal-persuni li jirċievu introjtu minn kull "komponent ta' l-introjtu" u l-fonti esterni Paragun mal-fonti esterni tal-fatturi varjabbli fil-mira għall-introjtu u n-numru tal-persuni li jirċievu introjtu minn kull "komponent ta' l-introjtu" [1] Obbligatorju mill-2007. [2] Obbligatorju mill-2007. [3] Dan il-fattur varjabbli (bl-eċċezzjoni tal-karrozza tal-kumpanija) jinġabar biss mill-2007 'il quddiem. [4] Dan il-fattur varjabbli jkun irreġistrat biss mill-2007 jekk l-istudji dwar vijabilità juru li jkun possibbli. [5] Obbligatorju mill-2007. [6] Obbligatorju biss għall-Istati Membri li ma jkollhomx fonti oħra għajr l-EU-SILC biex jikkalkulaw id-disparità fil-ħlas bejn is-sessi. -------------------------------------------------- L-ANNESS III Kriterji għall-valutazzjoni tal-kwalità u l-kontenut tar-rapport finali dwar il-kwalità li jridu jippreżentaw l-Istati Membri 1. INDIKATURI LONĠITUDINALI KOMUNI TA' L-UNJONI EWROPEA BBAŻATI FUQ IL-KOMPONENT LONĠITUDINALI TA' L-EU-SILC L-Istati Membri jipprovdu l-indikaturi lonġitudinali komuni ta' l-UE, ibbażati fuq il-kampjun lonġitudinali ta' l-EU-SILC. L-indikaturi lonġitudinali komuni ta' l-UE jirreferu għal dawk l-indikaturi adottati mill-Kunsill fil-kuntest tal-metodu miftuħ ta' kordinazzjoni, li jistgħu jittieħdu mid-dokument ta' l-EU-SILC. 2. PREĊIŻJONI 2.1. Skema ta' teħid ta' kampjuni Għall-ewwel grupp tal-komponent lonġitudinali ta' l-EU-SILC tkun ipprovduta l-informazzjoni li ġejja: 2.1.1. Tip ta' skema ta' teħid ta' kampjuni (stratifikata, f'diversi stadji, f'ġemgħat (clustered) 2.1.2. Unitajiet ta' teħid ta' kampjuni (stadju wirħed, żewġ stadji) 2.1.3. Kriterji ta' stratifikazzjoni u substratifikazzjoni 2.1.4. Daqs tal-kampjun u l-kriterji ta' l-allokazzjoni 2.1.5. Skemi ta' għażla tal-kampjun 2.1.6. Tqassim tal-kampjun fuq tul ta' żmien 2.1.7. Tiġdid tal-kampjun: gruppi ta' rotazzjoni 2.1.8. Ippeżar 2.1.8.1. Effett ta' l-iskema ta' teħid ta' kampjuni 2.1.8.2. Aġġustamenti fil-każ ta' nuqqas ta' tweġiba 2.1.8.3. Aġġustamenti lill-informazzjoni esterna (livell, fatturi varjabbli użati u fonti) 2.1.8.4. Piż lonġitudinali finali Għat-tieni grupp u għall-gruppi li jiġu wara tal-komponent lonġitudinali ta' l-EU-SILC tkun ipprovduta l-informazzjoni li ġejja: 2.1.8.5. Aġġustamenti fil-każ ta' nuqqas ta' tweġiba 2.1.8.6. Aġġustamenti lill-informazzjoni esterna (livell, fatturi varjabbli użati u fonti) 2.1.8.7. Piż lonġitudinali finali 2.1.8.8. Piż rappreżentattiv finali tal-familji Għall-ewwel grupp tal-komponent lonġitudinali ta' l-EU-SILC, l-informazzjoni li ġejja tkun ipprovduta lill-Istati Membri meta s-sostituzzjonijiet jkunu applikati fil-każi ta' nuqqas ta' tweġiba mill-unitajiet. 2.1.9. Sostituzzjonijiet 2.1.9.1. Metodu ta' għażla tas-sostituti 2.1.9.2. Karatteristiċi prinċipali ta' l-unitajiet issostitwiti mqabbla ma' l-unitajiet oriġinali, skond ir-reġjun (NUTS) jekk applikabbli 2.1.9.3. Tqassim ta' l-unitajiet issostitwiti skond ir-reġistrazzjoni tal-kuntatt fl-indirizz (DB120), ir-riżultat tal-kwestjonarju tal-familja (DB130) u l-aċċettazzjoni ta' l-intervista tal-familja (DB135) mill-unitajiet oriġinali 2.2. Żbalji fit-teħid tal-kampjuni Għall-komponent rappreżentattiv ta' l-EU-SILC u għal kull grupp ta' komponent lonġitudinali ta' l-EU-SILC,għandha tkun ipprovduta l-informazzjoni li ġejja: - Il-medja, in-numru totali ta' l-osservazzjonijiet (qabel u wara l-attribuzzjoni) u l-iżbalji standard għall-komponenti ta' l-introjtu li ġejjin: +++++ TIFF +++++ - Il-medja, in-numru ta' l-osservazzjonijiet (qabel u wara l-attribuzzjoni) u l-iżbalji standard għall-analiżi statistika ta' l-introjtu disponibbli ekwivalizzat skond is-sess, il-grupp ta' l-età u d-daqs tal-familja +++++ TIFF +++++ 2.3. Żbalji mhux fit-teħid tal-kampjuni 2.3.1. Żbalji tal-kwadru tat-teħid tal-kampjuni u tal-kopertura Għall-ewwel grupp tal-komponent lonġitudinali ta' l-EU-SILC, tkun ipprovduta l-informazzjoni fuq l-iżbalji tal-kwadru tat-teħid tal-kampjuni u tal-kopertura kif definiti fl-Anness II, punt 2.3.1, tar-Regolament preżenti 2.3.2. Żbalji ta' qjies u pproċessar Għal kull grupp tal-komponent lonġitudinali ta' l-EU-SILC, tkun ipprovduta l-informazzjoni fuq l-iżbalji ta' qjies u pproċessar kif definiti fl-Anness II, punt 2.3.2, tar-Regolament preżenti. 2.3.3. Żbalji mħabba nuqqas ta' tweġiba 2.3.3.1. Daqs tal-kampjun miksub Għal kull grupp tal-komponent lonġitudinali ta' l-EU-SILC, tkun ipprovduta l-informazzjoni li ġejja: - numru tal-familji li għalihom l-intervista tkun aċċettata għall-bażi ta' l-informazzjoni; - numru tal-persuni ta' 16-il sena u aktar, numru tal-persuni fil-kampjun u numru tal-ko-residenti, li jkunu membri tal-familji li għalihom l-intervista tkun aċċettata għall-bażi ta' l-informazzjoni, u li jkunu wieġbu għall-intervista sħiħa. 2.3.3.2. Nuqqas ta' tweġiba mill-unitajiet Għall-ewwel grupp tal-komponent lonġitudinali ta' l-EU-SILC, tkun ipprovduta l-informazzjoni li ġejja: - rati tan-nuqqas ta' tweġiba mill-unitajiet (NRh) kif definiti fl-Anness II, punt 2.3.3.2, tar-Regolament preżenti, - rati tan-nuqqas ta' tweġiba individwali (NRp) kif definiti fl-Anness II, punt 2.3.3.2, tar-Regolament preżenti, - rati totali għan-nuqqas ta' tweġiba (*NRp) kif definiti fl-Anness II, punt 2.3.3.2, tar-Regolament preżenti. L-informazzjoni li ġejja tkun ipprovduta għat-tieni grupp u għall-gruppi li jiġu wara tal-komponent lonġitudinali ta' l-EU-SILC: - Rata ta' tweġiba għall-familji - Rata ta' tweġiba għall-grupp Persentaġġ ta' familji intervistati b'suċċess (DB135 = 1) u mgħoddija għall-grupp t (mill-grupp t-1) jew li ma kinux ilhom li nħolqu jew li żdiedu mal-grupp t, esklużi dawk barra mill-kamp ta' l-istħarriġ (skond ir-regoli ta' l-ittraċċjar) jew li jkunux jeżistu - Rata ta' tkomplija ta' l-istħarriġ lonġitudinali Persentaġġ tal-familji li jkunu mgħoddija għall-grupp t + 1 għat-tkomplija ta' l-istħarriġ fost il-familji milqugħa fil--grupp t mill-grupp t-1, esklużi dawk barra mill-kamp ta' l-istħarriġ (skond ir-regoli ta' l-ittraċċjar) jew li jkunux jeżistu. - Proporzjon ta' tkomplija ta' l-istħarriġ Numru tal-familji mgħoddija mill-grupp t għall-grupp t + 1 imqabbel man-numru tal-familji milqugħa għat-tkomplija ta' l-istħarriġ fil-grupp t mill-grupp t-1. - Proporzjon tad-daqs tal-kampjun milħuq Proporzjon tan-numru tal-familji aċċettati għall-bażi ta' l-informazzjoni (DB135 = 1) fil-grupp t tan-numru tal-familji aċċettati għall-bażi ta' l-informazzjoni (DB135 = 1 fil-grupp t-1. - Rata ta' tweġiba għall-persuni - Rata ta' tweġiba għall-grupp Persentaġġ tal-persuni fil-kampjun intervistati b'suċċess (RB250 = 11,12,13) fost dawk mgħoddija għall-grupp t (minn grupp t-1) jew li ma kinux ilhom li nħolqu jew li żdiedu mal-grupp t, esklużi dawk barra mill-kamp ta' l-istħarriġ (skond ir-regoli ta' l-ittraċċjar). Persentaġġ tal-ko-residenti magħżula fil-grupp 1 intervistati b'suċċess (RB = 11,12,13) fost dawk mgħoddija għall-grupp t (mill-grupp t-1). - Rata ta' tkomplija ta' l-istħarriġ lonġitudinali Persentaġġ tal-persuni fil-kampjun intervistati b'suċċess (RB250 = 11,12,13) fil-grupp t fost il-persuni kollha magħżula fil-kampjun, esklużi dawk li mietu jew li nstabu ineliġibbli (barra l-kamp ta' l-istħarriġ), analiżi statistika skond il-kawżi tan-nuqqas ta' tweġiba. - Proporzjon tad-daqs tal-kampjun milħuq Numru ta' l-intervisti personali mwieġba (RB250 = 11,12,13) fil-grupp t bħala proporzjon tan-numru ta' l-intervisti personali mwieġba fil-grupp t-1. Dan il-proporzjon ikun definit għall-persuni fil-kampjun u għall-persuni kollha magħduda l-persuni mhux inklużi fil-kampjun li jkollhom aktar minn 16-il sena u għall-ko-residenti li jkollhom aktar minn 16-il sena magħżula fl-ewwel grupp. - Rata ta' tweġiba għall-persuni mhux inklużi fil-kampjun Numru ta' l-intervisti personali mwieġba (RB250 = 11,12,13) tal-persuni mhux inklużi fil-kampjun li jkollhom aktar minn 16-il sena fil-grupp t bħala proporzjon tal-persuni kollha mhux inklużi fil-kampjun li jkollhom aktar minn 16-il sena fil-familji aċċettati għall-bażi ta' l-informazzjoni, li ntbagħtu mill-grupp t-1 għall-grupp t għat-tkomplija ta' l-istħarriġ, iżda ma setgħux ikunu intervistati b'suċċess fil-grupp t. 2.3.3.3. Tqassim tal-familji skond l-istatus tal-familja (DB110), skond ir-reġistrazzjoni tal-kuntatt fl-indirizz (DB120), skond ir-riżultat tal-kwestjonarju tal-familja (DB130) u skond l-aċċettazzjoni ta' l-intervista tal-familja (DB135) Għal kull grupp tal-komponent lonġitudinali ta' l-EU-SILC jkun ipprovdut it-tqassim tal-familji skond l-istatus tal-familja, skond ir-reġistrazzjoni tal-kuntatt fl-indirizz, skond ir-riżultat tal-kwestjonarju tal-familja u skond l-aċċettazzjoni ta' l-intervista tal-familja 2.3.3.4. Tqassim tal-persuni skond l-istatus tas-sħubija fil-familja (RB110) Għat-tieni grupp u għall-gruppi li jiġu wara tal-komponent lonġitudinali ta' l-EU-SILC jkun ipprovdut it-tqassim tal-persuni skond l-istatus tas-sħubija fil-familja 2.3.3.5. Nuqqas ta' tweġiba Għall-fatturi varjabbli ta' l-introjtu, l-informazzjoni li ġejja tkun ipprovduta għal kull kull grupp tal-komponent lonġitudinali ta' l-EU-SILC: - persentaġġi tal-familji (skond il-komponenti ta' l-introjtu miġbura jew ikkompilati fil-livell tal-familja)/persuni (skond il-komponenti ta' l-introjtu miġbura u kkompilati fil-livell personali) li jkunu rċevew ammont għal kull komponent ta' l-introjtu, - persentaġġ tal-valuri nieqsa għal kull komponent ta' l-introjtu miġbur jew ikkompilat fil-livell tal-familja/personali, - persentaġġ ta' l-informazzjoni parzjali għal kull komponent ta' l-introjtu miġbur jew ikkompilat fil-livell tal-familja/personali. 2.4. Mod tal-ġbir ta' l-informazzjoni Għal kull grupp tal-komponent lonġitudinali ta' l-EU-SILC, it-tqassim tal-membri tal-familja li jkollhom 16-il sena jew aktar skond l-"istatus ta' l-informazzjoni" (RB250) u skond it-"tip ta' l-intervista" (RB260) jkun ipprovdut, għal kull persuna fil-kampjun, għall-ko-residenti u għat-total. 2.5. Proċedura ta' l-attribuzzjoni Għall-komponent rappreżentattiv ta' l-EU-SILC u għal kull grupp tal-komponent lonġitudinali ta' l-EU-SILC, jkunu rrapurtati d-deskrizzjoni tal-proċedura ta' l-attribuzzjoni użata għan-nuqqas ta' tweġiba, meta tkun differenti mill-metodu ta' l-Eurstat, il-fatturi varjabbli attribwiti u l-persentaġġ ta' l-attribuzzjoni fuq in-numru totali ta' l-osservazzjonijiet għal kull fattur varjabbli fil-mira. 2.6. Kera attribwita Għall-komponent rappreżentattiv ta' l-EU-SILC u għal kull grupp tal-komponent lonġitudinali ta' l-EU-SILC, tkun irrapurtata d-deskrizzjoni tal-metodu wżat biex tkun ikkalkulata l-kera, meta jkun differenti mill-metodu ta' l-Eurstat. 2.7. Karrozzi tal-kumpanija Għall-komponent rappreżentattiv ta' l-EU-SILC u għal kull grupp tal-komponent lonġitudinali ta' l-EU-SILC, tkun irrapurtata d-deskrizzjoni tal-metodu wżat biex ikun attribwit valur għall-użu privat ta' "karrozza tal-kumpanija". 3. KOMPARABILITÀ 3.1. Kunċetti bażiċi u definizzjonijiet Għall-ewwel grupp tal-komponent lonġitudinali ta' l-EU-SILC, tkun ipprovduta l-informazzjoni fuq il-kunċetti bażiċi u d-definizzjonijiet (deskritti fl-Anness II, punt 3.1 tar-Regolament preżenti), id-differenzi bejn id-definizzjonijiet nazzjonali u d-definizzjonijiet standard ta' l-EU-SILC, u l-valutazzjoni, jekk tkun disponibbli, tal-konsegwenzi tad-differenzi msemmija. Għat-tieni grupp u għall-gruppi li jiġu wara jkun irrappurtat kull tibdil fil-kunċetti bażiċi u definizzjonijiet mill-ewwel grupp. 3.2. Komponenti ta' l-introjtu 3.2.1. Differenzi bejn id-definizzjonijiet nazzjonali u d-definizzjonijiet standard ta' l-EU-SILC, u valutazzjoni (jekk disponibbli) tal-konsegwenzi tad-differenzi msemmija Għall-ewwel grupp tal-komponent lonġitudinali ta' l-EU-SILC, tkun ipprovduta l-informazzjoni dwar il-komponenti ta' l-introjtu, deskritti fl-Anness II, punt 3.2.1 tar-Regolament preżenti (bl-eċċezzjoni ta' "l-introjtu ta' xahar gross ta' l-impjegati"). Għat-tieni grupp u għall-gruppi li jiġu wara jkun irrappurtat kull tibdil fid-definizzjon tal-komponenti ta' l-introjtu mill-ewwel grupp 3.2.2. Il-fonti jew il-proċedura użata għall-ġbir tal-fatturi varjabbli ta' l-introjtu Għall-ewwel grupp tal-komponent lonġitudinali ta' l-EU-SILC, tkun ipprovduta l-fonti jew il-proċedura użata għall-ġbir tal-fatturi varjabbli ta' l-introjtu. Għat-tieni grupp u għall-gruppi li jiġu wara jkun irrappurtat kull tibdil fil-fonti jew fil-proċedura użata għall-ġbir tal-fatturi varjabbli ta' l-introjtu. 3.2.3. Il-forma li fiha jkunu nkisbu il-fatturi varjabbli ta' l-introjtu fil-livell tal-komponenti Għall-ewwel grupp tal-komponent lonġitudinali ta' l-EU-SILC, tkun ipprovduta l-forma li fiha jkunu nkisbu il-fatturi varjabbli ta' l-introjtu fil-livell tal-komponenti (p.e., gross, netti mit-taxxi fuq l-introjtu minn ras il-għajn, netti mill-kontribuzzjonijiet soċjali). Għat-tieni grupp u għall-gruppi li jiġu wara jkun irrappurtat kull tibdil fil-forma li taħtha jkunu nkisbu il-fatturi varjabbli ta' l-introjtu fil-livell tal-komponenti. 3.2.4. Il-metodu użat biex jinkisbu l-fatturi varjabbli fil-mira għall-introjtu taħt il-forma mitluba (p.e. bħala valuri gross) Għall-ewwel grupp tal-komponent lonġitudinali ta' l-EU-SILC, jkun ipprovdut il-metodu użat biex jinkisbu l-fatturi varjabbli fil-mira għall-introjtu taħt il-forma mitluba (p.e. bħala valuri gross). Għat-tieni grupp u għall-gruppi li jiġu wara jkun irrappurtat kull tibdil fil-fonti jew fil-proċedura użata għall-ġbir tal-fatturi varjabbli ta' l-introjtu. 3.3. Regoli ta' l-ittraċċjar Għall-komponent lonġitudinali ta' l-EU-SILC, jkunu rrapurtati d-differenzi bejn ir-regoli ta' l-ittraċċjar nazzjonali u r-regoli ta' l-ittraċċjar standard ta' l-EU-SILC. 4. KOERENZA 4.1. Paragun mal-fonti esterni tal-fatturi varjabbli fil-mira għall-introjtu u n-numru tal-persuni li jirċievu introjtu minn kull "komponent ta' l-introjtu" jkun ippreżentat meta l-Istati Membri konċernati jkunu tal-fehma li din l-informazzjoni esterna tkun ta' min joqgħod fuqha biżżejjed Għal kull grupp tal-komponent lonġitudinali ta' l-EU-SILC, paragun mal-fonti esterni tal-fatturi varjabbli fil-mira għall-introjtu u n-numru tal-persuni li jirċievu introjtu minn kull "komponent ta' l-introjtu" jkun ippreżentat meta l-Istati Membri konċernati jkunu tal-fehma li din l-informazzjoni esterna tkun ta' min joqgħod fuqha biżżejjed. -------------------------------------------------- L-ANNESS IV Il-kontenut tar-rapport komparattiv intermedju u finali dwar il-kwalità li l-Kummissjoni trid tipproduċi (Eurostat) RAPPORT KOMPARATTIV INTERMEDJU DWAR IL-KWALITÀ Fuq il-bażi tar-rapporti intermedji dwar il-kwalità li jipprovdu l-Istati Membri, il-Kummissjoni (Eurostat) tipproduċi rapport komparattiv intermedju dwar il-kwalità li jkun fih il-kriterji dwar il-kwalità li ġejjin: 1. Preċiżjoni 1.1. Skema ta' teħid ta' kampjuni 1.2. Żbalji fit-teħid tal-kampjuni 1.2.1. Il-valur stmat, il-ko-effiċjent tal-varjazzjoni, l-intervall ta' kunfidenza ta' 95 % u d-daqs effettiv tal-kampjun għall-indikaturi rappreżentattivi komuni ta' l-Ue ibbażati fuq il-komponent tappreżentattiv ta' l-EU-SILC, għall-introjtu disponibbli ekwivalizzat, u għad-disparità fil-ħlas bejn is-sessi mhux aġġustata (jekk applikabbli) 1.3. Żbalji mhux fit-teħid tal-kampjuni 1.4. Mod ta' ġbir ta' l-informazzjoni 1.5. Tul taż-żmien ta' l-intervista 2. Komparabilità 2.1. Kunċetti bażiċi u definizzjonijiet 2.2. Komponenti ta' l-introjtu 3. Koerenza RAPPORT KOMPARATTIV FINALI DWAR IL-KWALITÀ Fuq il-bażi tar-rapporti finali dwar il-kwalità li jipprovdu l-Istati Membri, il-Kummissjoni (Eurostat) tipproduċi rapport komparattiv finali dwar il-kwalità li jkun fih il-kriterji dwar il-kwalità li ġejjin: 1. Rilevanza - deskrizzjoni u klassifikazzjoni ta' min jużah - deskrizzjoni tal-varjetà tal-ħtiġiet ta' min jużah (skond il-kategorija ta' min jużah) 2. Preċiżjoni 2.1. Skema ta' teħid ta' kampjuni 2.2. Żbalji fit-teħid tal-kampjuni Għall-komponent rappreżentattiv ta' l-EU-SILC u għal kull grupp tal-komponent lonġitudinali ta' l-EU-SILC tkun ipprovduta l-informazzjoni li ġejja: - il-medja, in-numru totali ta' l-osservazzjonijiet (qabel u wara l-attribuzzjoni), il-ko-effiċjenti tal-varjazzjoni u l-intervall ta' kunfidenza ta' 95 % għall-komponenti ta' l-introjtu - il-medja, in-numru totali ta' osservazzjonijiet (qabel u wara l-attribuzzjoni), il-ko-effiċjenti tal-varjazzjoni u l-intervall ta' kunfidenza ta' 95 % għall-analiżi statistika ta' l-introjtu disponibbli ekwivalizzat skond is-sess, il-gruppi ta' età u d-daqs tal-familja 2.3. Żbalji mhux fit-teħid tal-kampjuni 2.4. Mod ta' ġbir ta' l-informazzjoni 2.5. Proċedura ta' l-imputazzjoni 2.6. Kera attribwita 2.7. Karrozzi tal-kumpanija 3. Żmien opportun u puntwalità - iż-żmien opportun medju ta' l-informazzjoni - il-frekwenza ta' l-informazzjoni u l-freskezza medja ta' l-informazzjoni - il-persentaġġ ta' trasmissjonijiet tard ta' informazzjoni, fuq il-bażi tad-dati skedati għat-tixrid tagħha kif preskritti fir-Regolament Kwadru ta' l-EU-SILC - id-dewmin medju (f'numru ta' ġimgħat) ta' l-informazzjoni mhux imwassla puntwalment - ir-raġunijiet għat-twassil tard ta' l-informazzjoni 4. Aċċessibilità u ċarezza - deskrizzjoni tal-kondizzjonijiet ta' l-aċċess għall-informazzjoni (medja, appoġġ, kondizzjonijiet tal-marketing, restrizzjonijiet, riservatezza, eċċ.) - deskrizzjoni tal-kondizzjonijiet tal-pubblikazzjoni ta' l-informazzjoni 5. Komparabilità 5.1. Kunċetti bażiċi u definizzjonijiet 5.2. Komponenti ta' l-introjtu 5.3. Regoli ta' l-ittraċċjar 6. Koerenza --------------------------------------------------