32004D0063

Id-Deċiżjoni tal-Kummissjoni

tat-23 ta’ Diċembru 2003

li temenda d-Deċiżjoni 2003/467/KE fir-rigward tad-dikjarazzjoni li ċerti provinċji ta’ l-Italja huma ħielsa mill-bruċellożi bovina u mil-leukosis enzootika bovina

(notifikata taħt dokument numru K(2003) 5063)

(Test b’relevanza għaż-ŻEE)

(2004/63/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa li jeffettwawa il-kummerċ intra-Komunitarju f’annimali bovini u ħnieżer [1], u b’mod partikolari l-Anness A(II)(7) u l-Anness D(I)(E) mehmuża magħha,

Billi:

(1) L-listi tar-reġjuni ta’ l-Istati Membri dikjarati ħielsa mill-bruċellożi bovina u l- leukosis enzootika bovina huma preskritti fid-Deċiżjoni tal-Kumissjoni 2003/467/KE tal-25 ta’ Ġunju 2003 li jistabbilixxu l-istatus uffiċjali ħieles mit-tuberkulożi, l-bruċellożi u l- leukosis enzootika bovina ta’ ċerti Stati Membri u reġjuni ta’ l-Istati Membri fir-rigward ta’ merħliet bovini [2].

(2) l-Italja bagħtet lill-Kummissjoni dokumentazzjoni li turi l-konformità mal-kondizzjonijiet xierqa previsti fid-Direttiva 64/432/KEE fir-rigward tal-provinċji ta’ Cremona, Lodi u Pavia fir-Reġjun tal-Lombardia sabiex dawn il-provinċji jistgħu jiġu dikjarati uffiċjalment ħielsa mill-bruċellożi fir-rigward ta’ merħliet bovini.

(3) l-Italja bagħtet ukoll lill-Kummissjoni dokumentazzjoni li turi l-konformità mal-kondizzjonijiet xierqa previsti fid-Direttiva 64/432/KEE fir-rigward tal-provinċji ta’ Milano, Lodi u Cremona fir-Reġjun tal-Lombardia u l-provinċji ta’ Arezzo, Firenze, Grossetto, Livorno, Lucca, Pisa, Pistoia, Prato, u Siena fir-Reġjun tat-Toscana, sabiex dawn il-provinċji jikunu jistgħu jiġu dikjarati uffiċjalment ħielsa mill-enzootic leukosis bovina fir-rigward ta’ merħliet bovini.

(4) Wara l-evalwazzjoni tad-dokumentazzjoni mibgħuta mill-Italja, il-provinċji ta’ Cremona, Lodi u Pavia fir-Reġjun tal-Lombardia għandhom jiġu dikjarati uffiċjalment ħielsa mill-bruċellożi bovina u l-provinċji ta’ Milano, Lodi u Cremona fir-Reġjun tal-Lombardia u l-provinċji ta’ Arezzo, Firenze, Grossetto, Livorno, Lucca, Pisa, Pistoia, Prato, u Siena fir-Reġjun tat-Toscana għandhom jiġu dikjarati uffiċjalment ħielsa mill-enzootic leukosis bovina.

(5) Id-Deċiżjoni 2003/467/KE għandha għalhekk tiġi hekk emendata.

(6) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

L-Annessi II u III li jinsabu mad-Deċiżjoni 2003/467/KE huma emendati skond l-Anness li jinsab ma’ din id-Deċiżjoni.

Artikolu 2

Din id-Deċiżjoni hija ndirizzata lill-Istati Membri.

Magħmul fi Brussel, fit-23 ta’ Diċembru 2003.

Għall-Kummissjoni

David Byrne

Membru tal-Kummissjoni

[1] ĠU C 121, tad-29.7.1964, pġ.1977/64. Direttiva kif l-aħħar emendata bl-Att ta’ l-Adeżjoni ta’ l-2003.

[2] ĠU L 156, 25.06.03, p. 74.

--------------------------------------------------

L-ANNESS

L-Annessi II u III li jinsabu mad-Deċiżjoni 2003/467/KE huma emendati kif ġej:

1. Fl-Anness II, il-Kapitolu 2 huwa sostitwit b’dan li ġej:

"KAPITOLU 2 REĠJUNI TA’ L-ISTATI MEMBRI UFFIĊJALMENT ĦIELSA MILL-BRUĊELLOŻI

Fl-Italja:

- Reġjun Emilia-Romagna: Provinċji ta’ Bologna, Ferrara, Forli-Cesena, Modena, Parma, Piacenza, Ravenna, Reggio Emilia, Rimini

- Reġjun Lombardia: Provinċji ta’ Bergamo, Como, Cremona, Lecco, Lodi, Mantova, Pavia, Sondrio, Varese

- Reġjun Marche: Provinċja ta’ Ascoli Piceno

- Reġjun Sardinia: Provinċji ta’ Cagliari, Nuoro, Oristano, Sassari

- Reġjun Trentino-Alto Aldige: Provinċji ta’ Bolzano, Trento

Fil-Portugall:

- Reġjuni awtonomi ta’ l-Azores: Il-Gżejjer ta’ Pico, Graciosa, Flores, Corvo

Fir-Renju Unit:

- Gran Brettanja: Ingilterra, Skozjza, Wales."

2. Fl-Anness III, il-Kapitolu 2 huwa sostitwit b’dan li ġej:

"KAPITOLU 2 REĠJUNI TA’ L-ISTATI MEMBRI LI HUMA UFFIĊJALMENT ĦIELSA MILL-ENZOOTIC LEUKOSIS BOVINA

Fl-Italja:

- Reġjun Emilia-Romagna: Provinċji ta’ Bologna, Ferrara, Forli-Cesena, Modena, Parma, Piacenza, Ravenna, Reggio Emilia, Rimini

- Reġjun Lombardia: Provinċji ta’ Bergamo, Brescia, Como, Cremona, Lecco, Lodi, Mantova, Milano, Sondrio, Varese

- Reġjun Marche: Provinċja ta’ Ascoli Piceno

- Reġjun Toscana: Provinċji ta’ Arezzo, Firenze, Grossetto, Livorno, Lucca, Pisa, Pistoia, Prato, Siena

- Reġjun Trentino-Alto Aldige: Provinċji ta’ Bolzano, Trento

- Reġjun Val d’Aosta: Provinċja ta’ Aosta"

--------------------------------------------------