EUR-Lex Access to European Union law
This document is an excerpt from the EUR-Lex website
Document 31997D0157
97/157/EC, Euratom: Commission Decision of 12 February 1997 defining the treatment of the income of undertakings for collective investment (UCIs) for the purpose of the implementation of Council Directive 89/130/EEC, Euratom on the harmonization of the compilation of gross national product at market prices (Text with EEA relevance)
Id-Deċiżjoni tal-Kummissjoni tat-12 ta' Frar 199 li tiddefinixxi t-trattament tad-dħul ta' impriżi għal investiment kollettiv (UCIs) għall-iskop ta' l-implimentazzjoni tad-Direttiva tal-Kunsill 89/130/KEE, Euratom, dwar l-armoniżżazzjoni tal-kompilazzjoni tal-prodott gross nazzjonali bi prezzijiet tas-suq (Test b'relevanza għaż-Żona Ekonomika Ewropea (ŻEE))
Id-Deċiżjoni tal-Kummissjoni tat-12 ta' Frar 199 li tiddefinixxi t-trattament tad-dħul ta' impriżi għal investiment kollettiv (UCIs) għall-iskop ta' l-implimentazzjoni tad-Direttiva tal-Kunsill 89/130/KEE, Euratom, dwar l-armoniżżazzjoni tal-kompilazzjoni tal-prodott gross nazzjonali bi prezzijiet tas-suq (Test b'relevanza għaż-Żona Ekonomika Ewropea (ŻEE))
ĠU L 60, 1.3.1997, p. 63–63
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 13/06/2022
Official Journal L 060 , 01/03/1997 P. 0063 - 0063
Id-Deċiżjoni tal-Kummissjoni tat-12 ta' Frar 199 li tiddefinixxi t-trattament tad-dħul ta' impriżi għal investiment kollettiv (UCIs) għall-iskop ta' l-implimentazzjoni tad-Direttiva tal-Kunsill 89/130/KEE, Euratom, dwar l-armoniżżazzjoni tal-kompilazzjoni tal-prodott gross nazzjonali bi prezzijiet tas-suq (Test b'relevanza għaż-Żona Ekonomika Ewropea (ŻEE)) (97/157/KE, Euratom) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabilixxi l-Komunità Ewropea, Wara li kkunsidrat it-Trattat li jistabilixxi l-Komunità Ewropea għall-Enerġija Atomika, Wara li kkunsidrat id-Direttiva tal-Kunsill 89/130/KEE, Euratom tat-13 ta' Frar 1989 dwar l-armoniżżazzjoni tal-kompilazzjoni tal-prodott gross nazzjonali bi prezzijiet tas-suq [1], Billi għall-iskop tad-definizzjoni tal-prodott gross nazzjonali bi prezzijiet tas-suq (GNPmp) skond l-Artikolu 1 tad-Direttiva 89/130/KEE, Euratom, li, bis-saħħa ta' l-Artikolu 8(1) tar-Regolament tal-Kunsill (KE) Nru 2223/96 tal-25 ta' Ġunju 1996 dwar is-sistema Ewropea ta' kontijiet nazzjonali u reġjonali fil-Komunità [2] huwa applikabbli waqt li d-Deċiżjoni 94/728/KE, Euratom [3] tibqa' fis-seħħ, huwa neċessarju li jiġi kkjarifikat it-trattament tad-dħul ta' impriżi għall-investiment kollettiv (UCIs) skond is-sistema Ewropea ta' kontijiet ekonomiċi integrati (ESA) fis-seħħ; Billi t-tieni edizzjoni ta' l-ESA ma fihiex dispożizzjonijiet espliċiti għar-reġistrazzjoni tad-dħul ta' UCIs, b'mod partikolari d-dħul tagħhom mhux distribwit; Billi huwa għalhekk neċessarju li jiġu interpretati r-regoli tat-tieni edizzjoni ta' l-ESA, skond dawn il-prinċipji bażi sabiex jiġi indikat metodu ta' reġistrazzjoni ta' dan id-dħul; Billi l-miżuri previsti f'din id-Deċiżjoni huma skond l-opinjoni tal-Kumitat stabbilit bl-Artikolu 6 tad-Direttiva 89/130/KEE, Euratom, ADOTTAT DIN ID-DEĊIŻJONI: Artikolu 1 Għall-iskop ta' l-implimentazzjoni tad-Direttiva 89/130/KEE, Euratom, id-dħul ta' UCIs jikkonsisti mill-imgħax riċevut fuq id-depożiti u investimenti oħra li jkunu ġew akkwistati minn naħa waħda, u mid-dividendi akkwistati fuq l-ishma miżmuma mill-UCIs, minn naħa l-oħra. Dawn l-imgħaxijiet u d-dividendi jistgħu jitħallsu lill-investituri, jew jiżdiedu mal-kapital. Meta distribwit, dan id-dħul huwa reġistrat fil-kont tad-Distribuzzjoni tad-dħul ta' l-azzjonisti, fid-dħul minn fuq proprjetà u intrapriża (Kodiċi R40 tas-sistema Ewropea ta' kontijiet ekonomiċi integrati (ESA), kurrentement fis-seħħ). Meta dan id-dħul mhuwiex distribwit, dan għandu jiġi trattat bħala dħul imħallas mill-UCIs lill-azzjonisti tagħhom, li dawn ta' l-aħħar jerġgħu investu immedjatament fl-UCI. Dan ifisser li dan id-dħul għandu jiġi rreġistrat fid-dħul minn fuq proprjetà u intrapriża bħal fil-każ ta' dħul distribwit. Barra minn hekk, l-istess ammont għandu jiġi kklassifikat bħala parti mill-ishma, fil-kont Finanzjarju ta' l-azzjonisti. Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fit-12 ta' Frar 1997. Għall-Kummissjoni Yves-Thibault De Silguy Membru tal-Kummissjoni [1] ĠU L 49, tal-21.2.1989, p. 26. [2] ĠU L 310, tat-30.11.1996, p. 1. [3] ĠU L 293, tat-12.11.1994, p. 9. --------------------------------------------------