EUR-Lex Access to European Union law
This document is an excerpt from the EUR-Lex website
Document 31989D0507
89/507/EEC: Commission Decision of 18 July 1989 laying down methods for monitoring performance and assessing the genetic value of pure-bred and hybrid breeding pigs
Id-Deċiżjoni tal-Kummissjoni tat-18 ta’ Lulju 1989 li jistipula metodi għall-immonitorjar tal-qadi u għall-assessjar tal-valur ġenetiku ta’ majjali tar-razza u ibridi tat-tagħmmir
Id-Deċiżjoni tal-Kummissjoni tat-18 ta’ Lulju 1989 li jistipula metodi għall-immonitorjar tal-qadi u għall-assessjar tal-valur ġenetiku ta’ majjali tar-razza u ibridi tat-tagħmmir
ĠU L 247, 23.8.1989, p. 43–44
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 03/07/2020; Imħassar b' 32020R0602
Relation | Act | Comment | Subdivision concerned | From | To |
---|---|---|---|---|---|
Repealed by | 32020R0602 | 04/07/2020 |
Official Journal L 247 , 23/08/1989 P. 0043 - 0044
Finnish special edition: Chapter 3 Volume 30 P. 0117
Swedish special edition: Chapter 3 Volume 30 P. 0117
Id-Deċiżjoni tal-Kummissjoni tat-18 ta’ Lulju 1989 li jistipula metodi għall-immonitorjar tal-qadi u għall-assessjar tal-valur ġenetiku ta’ majjali tar-razza u ibridi tat-tagħmmir (89/507/KEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat id-Direttiva tal-Kunsill 88/661/KEE tad-19 ta’ Diċembru 1988 dwar l-istandards żootekniċi applikabbli għall-annimali tat-tagħmir ta’ l-ispeċi porċina [1], u partikolarment l-ewwel inċiż ta’ l-Artikoli 6(1) u 10(1) tagħha, Billi l-metodi għall-immonitorjar tal-qadi u l-assessjar tal-valur ġenetiku ta’ majjali tat-tagħmmir li diġa japplikaw fl-Istati Membri huma simili ħafna; Billi huwa għalhekk neċessarju li jiġu allineati r-regoli dettaljati ta’ dawn il-metodi aktar fil-viċin sabiex ir-riżultati jkunu paragunabbli; Billi il-miżuri pprovduti f’din id-Deċiżjoni huma bi qbil mall-opinjoni tal-Kumitat Permanent taż-Żooteknika, ADOTTA DIN ID-DEĊIŻJONI: Artikolu 1 Il-metodi ta’ monitorjar tal-qadi u l-metodi għall-assessjar tal-valur ġenetiku ta’ majjali tar-razza u ibridi tat-tagħmmir għandhom ikunu dawk stipulati fl-Anness. Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fit-18 ta’ Lulju 1989. Għall-Kummissjoni Ray Mac Sharry Membru tal-Kummissjoni [1] ĠU L 382, tal-31.12.1988., p. 36. -------------------------------------------------- ANNESS Il-meritu ġenetiku ta’ annimal porċin jista’ jiġi kkalkulat bl-użu ta’ wieħed jew kombinazzjoni tal-metodi li ġejjin. Id-data kollha li joħorġu mir-riżultati tat-test iridu jkunu aċċessibbli lill-awtorità kompetenti. Ir-riżultati finali jridu jkunu aċċessibbli. 1. Testjar tal-qadi (i) Testjar tal-qadi fuq stazzjon (a) L-isem tal-korp jew ta’ l-awtorità responsabbli għall-istazzjon u l-isem ta’ l-awtorità kompetenti għall-kalkulazzjoni u pubblikazzjoni tar-riżultati jridu jingħataw. (b) Id-disinn tat-test irid ikun indikat. (ċ) L-oġġetti li ġejjin iridu jkunu indikati b’mod ċar: - kondizzjonijiet għall-aċċettazjoni fl-istazzjon u partikolarment l-età massima għall-annimali żgħar tat-tagħmmir fil-bidu tat-test, - tul tal-perjodu tat-test fl-istazzjon, - tip ta’ dieta u sistema ta’ għalf. (d) Il-ġibdiet rrekordjati (per eżempju wżin waqt ħaj, konverżjoni ta’ l-għalf, l-istimatur tal-komposizzjoni tal-ġisem jew xi data oħra) għandhom jiġu espressi. (e) Il-metodu użat għall-istima tal-mertu irid ikun xjentifikament aċċettabbli skond il-prinċipji żootekniċi stabbiliti. Il-mertu ġenetiku ta’ annimal ibridu ttestjat għandu jiġi espress bħala valur tat-tagħmir jew paragun kontemporanju għall kull ġibda. (ii) Testjar tal-qadi fuq razzett Test tal-qadi jista’ jitwettaq fuq razzett basta li fl-aħħar tat-test valur tat-tagħmmir jista’ jiġi kkalkulat billi jiġu segwiti prinċipji żootekniċi stabbiliti. 2. Proġeni u/jew testjar tal-kollaterali A. L-isem tal-korp jew ta’ l-awtorità responsabbli għat-testjar u l-isem ta’ l-awtorità kompetenti għall-kalkulazzjoni u pubblikazzjoni tar-riżultati jridu jingħataw. B. Il-meritu ġenetiku ta’ l-annimal tat-tagħmmir għandu jiġi kkalkulat permezz ta’ l-assessjar tal-kwalitajiet ta’ numru addattat ta’ proġeni u/jew kollaterali f’relazzjoni mal-karatteristiċi tal-produzzjoni: - deskrizzjoni dettaljata tal-metodu tat-test irid jingħata jew jiġi kkwotat, - il-proġeni u/jew il-kollaterali ma jistgħux jiġu trattati selettivament, - tliet tipi ta’ testijiet ta’ proġeni u/jew kollaterali għandhom ikunu magħrufa: (a) testjar ċentrali fl-istazzjoni ta’ l-ittestjar tal-proġeni u/jew kollaterali; (b) testjar ppjanat tal-proġeni u/jew kollaterali f’razzett. Il-proġeni u/jew kollaterali għandhom ikunu distribwiti fost merħliet b’tali mod li paragun validu bejn annimali tat-tagħmmir ikun possibbli; (ċ) data miġbura fuq karkassi ta’ proġeni identifikati u/jew kollaterali. C. Il-proġeni u/jew kollaterali iridu jintgħażlu f’manjiera imparzjali. Id-data kollha iridu jintużaw fl-assessjar tal-valur tat-tagħmir ta’ annimali tat-tagħmir. Influwenzi oħra għajr il-mertu ġenetiku iridu jiġu eliminati permezz ta’ proċeduri xierqa fid-determinazzjoni tal-valur tat-tagħmir. D. Il-ġibdiet rrekordjati (per eżempju żieda fl-użin waqt ħaj, konverżjoni ta’ l-għalf, carcasequality, karatteristiċi ta’ riproduzzjoni, fertilità, prolifiċità, vijabilità tal-proġeni u/jew kollaterali jew xi data oħra rilevanti) għandhom jiġu espressi. E. Il-metodu użat għall-istima tal-mertu ġenetiku irid ikun xjentifikament aċċettabbli skond il-prinċipji żootekniċi stabbiliti. 3. Testjar kontemporanju għall-annimali tat-tagħmmir ta’ linji ibridi Il-kondizzjonijiet applikabbli għall-proġeni u/jew kollaterali, definiti fil-paragrafi A, B, Ċ, D u E tal-punt 2, iridu japplikaw mutatis mutandis lill-kontemporanji ta’ annimali tat-tagħmmir ta’ linji ibridi. --------------------------------------------------