EUR-Lex Access to European Union law
This document is an excerpt from the EUR-Lex website
Document 62022CN0046
Case C-46/22 P: Appeal brought on 20 January 2022 by Liam Jenkinson against the judgment of the General Court (Second Chamber, Extended Composition) delivered on 10 November 2021 in Case T-602/15 RENV, Jenkinson v Council and Others
Cás C-46/22 P: Achomharc arna thabhairt an 20 Eanáir 2022 ag Liam Jenkinson i gcoinne bhreithiúnas na Cúirte Ginearálta (an Dara Dlísheomra méadaithe) a tugadh an 10 Samhain 2021 i gCás T-602/15 RENV, Jenkinson v an Chomhairle agus Eile
Cás C-46/22 P: Achomharc arna thabhairt an 20 Eanáir 2022 ag Liam Jenkinson i gcoinne bhreithiúnas na Cúirte Ginearálta (an Dara Dlísheomra méadaithe) a tugadh an 10 Samhain 2021 i gCás T-602/15 RENV, Jenkinson v an Chomhairle agus Eile
IO C 119, 14.3.2022, p. 30–30
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 119, 14.3.2022, p. 12–12
(GA)
14.3.2022 |
GA |
Iris Oifigiúil an Aontais Eorpaigh |
C 119/12 |
Achomharc arna thabhairt an 20 Eanáir 2022 ag Liam Jenkinson i gcoinne bhreithiúnas na Cúirte Ginearálta (an Dara Dlísheomra méadaithe) a tugadh an 10 Samhain 2021 i gCás T-602/15 RENV, Jenkinson v an Chomhairle agus Eile
(Cás C-46/22 P)
(2022/C 119/39)
Teanga an cháis: an Fhraincis
Páirtithe
Iarratasóir: Liam Jenkinson (ionadaí: N. de Montigny, Dlíodóir)
Páirtithe eile sna himeachtaí: Comhairle an Aontais Eorpaigh, an Coimisiún Eorpach, an tSeirbhís Eorpach Gníomhaíochta Seachtraí, Eulex Kosovo
An t-ordú atá á lorg
— |
An t-achomharc a ghlacadh agus an breithiúnas faoi achomharc a chur ar neamhní; |
— |
An cás a réiteach agus an t-ordú atá á lorg ag an iarratasóir a dheonú ag an gcéad chéim; |
— |
De rogha air sin, an cás a tharchur ar ais chuig an gCúirt Ghinearálta le haghaidh breithiúnais; |
— |
Ordú do na cosantóirí san achomharc na costais go léir a thabhófar sna himeachtaí achomhairc agus gach ceann de na himeachtaí roimhe sin a íoc (T-602/15; C-43/17 P; T-602/15 RENV). |
Saincheisteanna dlí agus príomhargóintí
Tá an chéad saincheist dlí achomhairc bunaithe ar mhíléiriú ar na héilimh agus na saincheisteanna dlí a tíolacadh, a mhéid a d’eisiaigh an Chúirt Ghinearálta aon chuntar éilimh bunaithe ar phléadáil neamhdhleathachta óna rialú.
Tá an dara saincheist dlí achomhairc bunaithe ar laghdú a dhéanamh ar na cúinsí fíorasacha agus dlíthiúla a chuir an t-iarratasóir i láthair, agus mar sin ábhar na n-imeachtaí, a mhéid a rinne an Chúirt Ghinearálta anailís ar shlí bheatha dheireanach amháin an iarratasóra in Mission Eulex Kosovo.
Tá an tríú saincheist dlí achomhairc dírithe i gcoinne an bhreithiúnais faoi achomharc a mhéid a dhiúltaítear an chéad chuntar éilimh a cuireadh i láthair go príomha.
Tá an ceathrú saincheist dlí bunaithe ar chur i bhfeidhm mícheart phrionsabal na córa comhionainne idir seirbhísigh de chuid an Aontais agus sárú ar Airteagal 336 CFAE, toisc gur laghdaigh an Chúirt Ghinearálta rún an reachtais Eorpaigh chun íoschumhdach slándála sóisialta a chur ar fáil do gach fostaí. De réir an iarratasóra, sháraigh an Chúirt Ghinearálta freisin coincheap an smachta reachta trí aon dliteanas neamhchonarthach de chuid na bhfreagróirí a eisiamh.
Tá an cúigiú saincheist dlí dírithe i gcoinne dhiúltú, ar an mbonn go bhfuil sí do-ghlactha, an tríú cuntar éilimh a cuireadh i láthair de rogha air sin ag an gcéad chéim. In aon chás, ba cheart go ndéanfadh an Chúirt Ghinearálta saincheisteanna dlí áirithe maidir le beartas poiblí uaithi féin a ardú agus anailís a dhéanamh ar shubstaint an cháis.