(1)

An 21 Meán Fómhair 2017, d’údaraigh an Chomhairle tús a chur leis an gcaibidlíocht le Poblacht na Cirgise maidir le comhaontú comhpháirtíochta agus comhair feabhsaithe.

(2)

Tugadh an chaibidlíocht maidir leis an gComhaontú Comhpháirtíochta agus Comhair Feabhsaithe idir an tAontas Eorpach agus a Bhallstáit, de pháirt, agus Poblacht na Cirgise, den pháirt eile (‘an Comhaontú’), i gcrích go rathúil trí inisealacha a chur leis an gComhaontú an 6 Iúil 2019, ag tógáil ar mhian na bPáirtithe an caidreamh eatarthu a neartú agus a leathnú ar bhealach uaillmhianach nuálach.

(3)

Ba cheart an Comhaontú a shíniú thar ceann an Aontais, faoi réir a thabhairt i gcrích tráth níos déanaí.

(4)

Ba cheart an Comhaontú a chur i bhfheidhm ar bhonn sealadach, go dtí go gcomhlánófar na nósanna imeachta is gá chun go dtiocfaidh sé i bhfeidhm.

(5)

Ní dochar síniú an Chomhaontaithe thar ceann an Aontais agus cur i bhfeidhm sealadach codanna den Chomhaontú idir an tAontas agus Poblacht na Cirgise do leithdháileadh na n-inniúlachtaí idir an tAontas agus a Bhallstáit i gcomhréir leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh.

(6)

Meabhraítear gur oibleagáidí idirnáisiúnta iad prionsabail cheannasachta agus iomláine chríochach na Stát uile, lena n-áirítear urraim do Rúin 541 (1983) agus 550 (1984) ó Chomhairle Slándála na Náisiún Aontaithe, ar oibleagáidí iad a eascraíonn, go háirithe, as ballraíocht na Náisiún Aontaithe,

(a)

Teideal I;

(b)

Teideal II: Airteagail 3, 4, 6 agus 9;

(c)

Teideal III: Airteagal 14(1) agus Airteagal 15(2);

(d)

Teideal IV, cé is moite d’Airteagail 26, 81, 82, 84 agus 89 a mhéid a bhaineann na hAirteagail sin le forfheidhmiú coiriúil na gcearta maoine intleachtúla;

(e)

Teideal V: Airteagail 254 go 257, Airteagal 258 (cé is moite de phointí (d)), Airteagal 259, Airteagal 260 (cé is moite de mhír 1, phointí (a), (c), agus (f)) agus Airteagail 261, 277 agus 278;

(f)

Teideal VI: Airteagail 304 go 309;

(g)

Teideal VII cé is moite d’Airteagal 319(1) agus (2), a mhéid atá forálacha an Teidil teoranta do chur i bhfeidhm sealadach an Chomhaontaithe a áirithiú;

(h)

Iarscríbhinní;

(i)

an Prótacal maidir le Cúnamh Riaracháin Frithpháirteach in Ábhair Chustaim.