(1)

I gcás Bacillus amyloliquefaciens tréithchineál AH2, Bacillus amyloliquefaciens tréithchineál IT-45 agus Purpureocillium lilacinum tréithchineál PL11, níor socraíodh aon uasleibhéal sonrach iarmhar (MRLanna). Dá bhrí sin, tá feidhm ag an luach réamhshocraithe de 0,01 mg/kg a leagtar síos in Airteagal 18(1), pointe (b) de Rialachán (CE) Uimh. 396/2005.

(2)

Le Rialachán Cur Chun Feidhme (AE) 2021/1455 ón gCoimisiún (2), formheasadh an tsubstaint ghníomhach ísealriosca Bacillus amyloliquefaciens tréithchineál AH2. Le linn an athbhreithnithe piaraí ar an measúnú riosca lotnaidicídí ar an tsubstaint ghníomhach faoi Rialachán (CE) Uimh. 1107/2009 ó Pharliamint na hEorpa agus ón gComhairle (3), tháinig an tÚdarás Eorpach um Shábháilteacht Bia (‘an tÚdarás’) ar an gconclúid (4), a mhéid a bhaineann leis an measúnú ar an riosca cothaithe do thomhaltóirí, nach raibh roinnt faisnéise ar fáil agus gur ghá do na bainisteoirí riosca an cheist a scrúdú a thuilleadh. Mar a leagtar amach sa tuarascáil maidir le hathbhreithniú le haghaidh na substainte sin (5), i gcomhthéacs an mheasúnaithe riosca ar an tsubstaint ghníomhach faoi Rialachán (CE) Uimh. 1107/2009, níl Bacillus amyloliquefaciens tréithchineál AH2 pataigineach do dhaoine, níl coinne leis go dtáirgfear tocsainí atá ábhartha do shláinte an duine agus tá an riosca do dhaoine trí bhíthin meitibilítí diomaibhseach. Agus an t-athbhreithniú piaraí ar an measúnú riosca lotnaidicídí ar an tsubstaint ghníomhach Bacillus amyloliquefaciens tréithchineál AH2, an tuarascáil maidir le hathbhreithniú agus Airteagal 5 agus Airteagal 14(2), pointe (a), (c) agus (d) de Rialachán (CE) Uimh. 396/2005 á gcur san áireamh, níl aon ghá le MRLanna le haghaidh na substainte seo a bhunú agus is iomchuí, dá bhrí sin, Bacillus amyloliquefaciens tréithchineál AH2 a áireamh in Iarscríbhinn IV a ghabhann le Rialachán (CE) Uimh. 396/2005.

(3)

Le Rialachán Cur Chun Feidhme (AE) 2022/159 ón gCoimisiún (6), formheasadh an tsubstaint ghníomhach ísealriosca Bacillus amyloliquefaciens tréithchineál IT-45. Le linn an athbhreithnithe piaraí ar an measúnú riosca lotnaidicídí ar an tsubstaint ghníomhach faoi Rialachán (CE) Uimh. 1107/2009, tháinig an tÚdarás ar an gconclúid (7), a mhéid a bhaineann leis an measúnú ar an riosca cothaithe do thomhaltóirí, nach raibh roinnt faisnéise ar fáil agus gur ghá do na bainisteoirí riosca an cheist a scrúdú a thuilleadh. Mar a leagtar amach sa tuarascáil maidir le hathbhreithniú le haghaidh na substainte sin (8), i gcomhthéacs an mheasúnaithe riosca ar an tsubstaint ghníomhach faoi Rialachán (CE) Uimh. 1107/2009, níl Bacillus amyloliquefaciens tréithchineál IT-45 pataigineach do dhaoine, níl coinne leis go dtáirgfear tocsainí atá ábhartha do shláinte an duine agus tá an riosca do dhaoine trí bhíthin meitibilítí diomaibhseach. Agus an t-athbhreithniú piaraí ar an measúnú riosca lotnaidicídí ar an tsubstaint ghníomhach Bacillus amyloliquefaciens tréithchineál IT-45, an tuarascáil maidir le hathbhreithniú agus Airteagal 5 agus Airteagal 14(2), pointe (a), (c) agus (d) de Rialachán (CE) Uimh. 396/2005 á gcur san áireamh, níl aon ghá le MRLanna le haghaidh na substainte seo a bhunú agus is iomchuí, dá bhrí sin, Bacillus amyloliquefaciens tréithchineál IT-45 a áireamh in Iarscríbhinn IV a ghabhann le Rialachán (CE) Uimh. 396/2005.

(4)

Le Rialachán Cur Chun Feidhme (AE) 2022/4 ón gCoimisiún (9), formheasadh an tsubstaint ghníomhach ísealriosca Purpureocillium lilacinum tréithchineál PL11. Le linn an athbhreithnithe piaraí ar an measúnú riosca lotnaidicídí ar an tsubstaint ghníomhach faoi Rialachán (CE) Uimh. 1107/2009, tháinig an tÚdarás ar an gconclúid (10), a mhéid a bhaineann leis an measúnú ar an riosca cothaithe do thomhaltóirí, nach raibh roinnt faisnéise ar fáil agus gur ghá do na bainisteoirí riosca an cheist a scrúdú a thuilleadh. Mar a leagtar amach sa tuarascáil maidir le hathbhreithniú le haghaidh na substainte sin (11), i gcomhthéacs an mheasúnaithe riosca ar an tsubstaint ghníomhach faoi Rialachán (CE) Uimh. 1107/2009, níl Purpureocillium lilacinum tréithchineál PL11 pataigineach do dhaoine agus tá an riosca do dhaoine trí bhíthin meitibilítí diomaibhseach. Agus an t-athbhreithniú piaraí ar an measúnú riosca lotnaidicídí ar an tsubstaint ghníomhach Purpureocillium lilacinum tréithchineál PL11, an tuarascáil maidir le hathbhreithniú agus Airteagal 5 agus Airteagal 14(2), pointe (a), (c) agus (d) de Rialachán (CE) Uimh. 396/2005 á gcur san áireamh, níl aon ghá le MRLanna le haghaidh na substainte seo a bhunú agus is iomchuí, dá bhrí sin, Purpureocillium lilacinum tréithchineál PL11 a áireamh in Iarscríbhinn IV a ghabhann le Rialachán (CE) Uimh. 396/2005.

(5)

Dá bhrí sin, ba cheart Rialachán (CE) Uimh. 396/2005 a leasú dá réir sin.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,