This document is an excerpt from the EUR-Lex website
Document 62022CN0781
Case C-781/22 P: Appeal brought on 23 December 2022 by LE against the judgment of the General Court (First Chamber) delivered on 26 October 2022 in Case T-475/20, LE v Commission
Cás C-781/22 P: Achomharc arna thabhairt an 23 Nollaig 2022 ag LE i gcoinne bhreithiúnas na Cúirte Ginearálta (an Chéad Dlísheomra) a tugadh an 26 Deireadh Fómhair 2022 i gCás T-475/20, LE v an Coimisiún
Cás C-781/22 P: Achomharc arna thabhairt an 23 Nollaig 2022 ag LE i gcoinne bhreithiúnas na Cúirte Ginearálta (an Chéad Dlísheomra) a tugadh an 26 Deireadh Fómhair 2022 i gCás T-475/20, LE v an Coimisiún
IO C 63, 20.2.2023, pp. 25–26
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
20.2.2023 |
GA |
Iris Oifigiúil an Aontais Eorpaigh |
C 63/25 |
Achomharc arna thabhairt an 23 Nollaig 2022 ag LE i gcoinne bhreithiúnas na Cúirte Ginearálta (an Chéad Dlísheomra) a tugadh an 26 Deireadh Fómhair 2022 i gCás T-475/20, LE v an Coimisiún
(Cás C-781/22 P)
(2023/C 63/32)
Teanga an cháis: an Béarla
Páirtithe
Achomharcóir: LE (ionadaí: M. Straus, advocaat)
Páirtí eile sna himeachtaí: An Coimisiún Eorpach
An t-ordú atá á lorg
Iarrann an t-achomharcóir ar an gCúirt Bhreithiúnais:
|
— |
breithiúnas na Cúirte Ginearálta a chur ar leataobh ar bhonn iarratais ar neamhniú breithiúnas eile a bhaineann leis an díospóid i ndáil leis an gCinneadh C(2020)3988 final; |
|
— |
an cás a tharchur ar ais chuig an gCúirt Ghinearálta le haghaidh imeachtaí breise maidir le pléadálacha agus agóidí arna ndéanamh ag LE, thar ceann a pháirtithe lena mbaineann chomh maith, i gcoinne agus i ndáil leis an gCinneadh atá faoi chonspóid; |
Mar mhalairt air sin
|
— |
breithiúnas idirbhreitheach a rialú nó a ghlacadh i ndiaidh éisteacht le finnéithe nó fianaise a sholáthar a thacaíonn leis an gcás sula ndéantar na príomhéilimh a bhreithniú; |
|
— |
breithiúnas na Cúirte Ginearálta a chur ar leataobh ar bhonn iarratais ar neamhniú breithiúnas eile a bhaineann leis an díospóid i ndáil leis an gCinneadh C(2020)3988 final, agus dá ndéanfadh an Chúirt breithniú amhlaidh, an cás a tharchur ar ais chuig an gCúirt Ghinearálta le haghaidh imeachtaí breise maidir le pléadálacha agus agóidí i gcoinne agus i ndáil leis an gCinneadh atá faoi chonspóid; |
Nó mar mhalairt air sin
|
— |
breithniú a dhéanamh nó cibé bearta eile a ghlacadh a mheasfaidh an Chúirt Bhreithiúnais a bheith cóir agus iomchuí. |
Saincheist nós imeachta
|
— |
a ordú don Choimisiún Eorpach costais na n-imeachtaí sin a íoc, lena n-airítear táillí an dlíodóra. |
Saincheisteanna dlí agus príomhargóintí
Maíonn an t-iarratasóir ceithre shaincheist dlí, agus tá roinnt codanna ag cuid acu. Leis na saincheisteanna sin, áitíonn LE go ndearna an Chúirt Ghinearálta earráid dlí sa bhreithiúnas atá faoi achomharc:
|
— |
trína measúnú a bhunú ar shubstaint an chinnidh atá faoi chonspóid ar an ráiteas agóidí a chuir an Coimisiún Eorpach ar fáil; |
|
— |
trí rialacha fianaise atá ró-dhian agus mícheart a chur i bhfeidhm ar chinntí; |
|
— |
trí athbhreithniú breithiúnach atá le déanamh ag an gCúirt Ghinearálta a theorannú a mhéid is féidir; |
|
— |
trí mhainneachtain aird a thabhairt ar na critéir dlí is infheidhme maidir le prionsabail nós imeachta dlí agus neamhaird a thabhairt ar phrionsabail dlí, amhail imeachtaí sáraíochta, prionsabail na córa comhionainne, dea-riaracháin, ionchais dhlisteanacha agus cásdlí i bhfabhar an iarratasóra; |
|
— |
trína bhraith ar fhianaise líomhnaithe nár cuireadh ar fáil don iarratasóir ná nár cuireadh faoi bhráid an iarratasóra roimh ghlacadh an chinnidh ag an gCoimisiún. |