This document is an excerpt from the EUR-Lex website
Document 32023H2211
Commission Recommendation (EU) 2023/2211 of 17 October 2023 on quality requirements for dispute resolution procedures offered by online marketplaces and Union trade associations (notified under document C(2023) 7019)
Moladh (AE) 2023/2211 ón gCoimisiún an 17 Deireadh Fómhair 2023 maidir le ceanglais cháilíochta le haghaidh nósanna imeachta um réiteach díospóidí a chuireann margaí ar líne agus comhlachais trádála de chuid an Aontais ar fáil (tugadh fógra faoi leis an doiciméad C(2023) 7019)
Moladh (AE) 2023/2211 ón gCoimisiún an 17 Deireadh Fómhair 2023 maidir le ceanglais cháilíochta le haghaidh nósanna imeachta um réiteach díospóidí a chuireann margaí ar líne agus comhlachais trádála de chuid an Aontais ar fáil (tugadh fógra faoi leis an doiciméad C(2023) 7019)
C/2023/7019
IO L, 2023/2211, 19.10.2023, ELI: http://data.europa.eu/eli/reco/2023/2211/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
![]() |
Iris Oifigiúil |
GA Sraith L |
2023/2211 |
19.10.2023 |
MOLADH (AE) 2023/2211 ÓN gCOIMISIÚN
an 17 Deireadh Fómhair 2023
maidir le ceanglais cháilíochta le haghaidh nósanna imeachta um réiteach díospóidí a chuireann margaí ar líne agus comhlachais trádála de chuid an Aontais ar fáil
(tugadh fógra faoi leis an doiciméad C(2023) 7019)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 292 de,
De bharr an mhéid seo a leanas:
(1) |
Le Treoir 2013/11/AE ó Pharlaimint na hEorpa agus ón gComhairle (1), áirithítear go bhfuil rochtain ag tomhaltóirí san Aontas ar nósanna imeachta ardchaighdeáin le haghaidh réiteach malartach ar dhíospóidí chun díospóidí conarthacha a eascraíonn as díol earraí nó seirbhísí ag trádálaithe atá bunaithe san Aontas le tomhaltóirí a bhfuil cónaí orthu san Aontas a réiteach. |
(2) |
Ba é conclúid na meastóireachta a rinneadh le déanaí ar an Treoir sin go bhfuil méadú ag teacht ar líon na dtomhaltóirí atá ag úsáid margaí ar líne chun earraí agus seirbhísí a cheannach agus go bhfuil siad in ann leas a bhaint as nósanna imeachta um réiteach díospóid a chuireann na margaí ar líne sin ar fáil mar chuid dá seirbhísí. Ní rialaítear nósanna imeachta um réiteach díospóidí den sórt sin le Treoir 2013/11/AE agus dá bhrí sin ní féidir a gcothroime a dhéanamh amach. Chun a áirithiú go gcaithfear go cothrom le tomhaltóirí a úsáideann nósanna imeachta um réiteach díospóidí den sórt sin agus leis an leibhéal is airde díchill ghairmiúil, moltar go nglacfadh nósanna imeachta den sórt sin na critéir cháilíochta ábhartha a leagtar síos i dTreoir 213/11/AE. |
(3) |
Ina theannta sin, léiríodh sa mheastóireacht a rinneadh ar Threoir 2013/11/AE gur annamh a úsáidtear nósanna imeachta trasteorann le haghaidh réiteach malartach ar dhíospóidí mar gheall ar an iliomad bacainní atá ann agus na nósanna imeachta sin á n-úsáid i gcomhthéacs trasteorann. Tá comhlachais trádála áirithe ann a chuireann córais trasteorann le haghaidh réiteach díospóidí ar fáil nach bhfuil nasctha le nósanna imeachta náisiúnta sonracha le haghaidh réiteach malartach ar dhíospóidí. Chun leibhéal comhsheasmhach cosanta a chur ar fáil do thomhaltóirí, ba cheart a mholadh go gcomhlíonfadh na comhlachais trádála sin na ceanglais cháilíochta ábhartha i dTreoir 2013/11/AE a mhéid is féidir. |
(4) |
Margaí ar líne agus comhlachais trádála a sholáthraíonn nósanna imeachta le haghaidh réiteach díospóidí mar chuid dá seirbhísí, ba cheart dóibh na tomhaltóirí agus na trádálaithe a chur ar an eolas faoi phríomhthréithe na nósanna imeachta sin sula gcuirtear tús le nós imeachta, ionas gur féidir leis na páirtithe cinneadh a dhéanamh leanúint ar aghaidh leis an díospóid trí na modhanna sin nó gan sin a dhéanamh. Thairis sin, ba cheart do na margaí ar líne agus do na comhlachais trádála sin tuarascálacha a fhoilsiú go rialta ina mbeidh féinmheasúnú ar a nósanna imeachta, a mhéid a bhaineann lena gcomhlíontacht maidir leis na ceanglais a mholtar leis seo. Nuair a úsáidtear nósanna imeachta uathoibrithe chun díospóidí a réiteach, ba cheart é sin a phoibliú agus ba cheart cead a bheith ag tomhaltóirí agus trádálaithe a éileamh go ndéanfadh duine nádúrtha athbhreithniú ar thoradh an nós imeachta, |
TAR ÉIS AN MOLADH SEO A GHLACADH:
CUSPÓIR AN MHOLTA
1. |
Is é is aidhm don mholadh seo critéir ardcháilíochta a chur chun cinn i ndáil leis na nósanna imeachta um réiteach díospóidí a chuireann margaí ar líne agus comhlachais trádála de chuid an Aontais ar fáil, trí éifeachtacht agus cothroime na nósanna imeachta sin agus saineolas, neamhspleáchas agus neamhchlaontacht na ndaoine nádúrtha atá i gceannas ar na nósanna imeachta sin a áirithiú. |
SAINMHÍNITHE
2. |
Na téarmaí a shainmhínítear i dTreoir 2013/11/AE, is ionann ciall dóibh nuair a úsáidtear iad sa mholadh seo. Ina theannta sin:
|
ÁBHAR
3. |
Moltar go ndéanfadh margaí ar líne agus comhlachais trádála de chuid an Aontais a chuireann nósanna imeachta um réiteach díospóidí ar fáil le haghaidh tomhaltóirí agus trádálaithe mar chuid dá seirbhísí, na critéir cháilíochta ábhartha a leagtar amach i dTreoir 2013/11/AE a chur i bhfeidhm chun réiteach díospóidí atá cothrom agus neamhchlaonta a chur ar fáil. |
SAINEOLAS, NEAMHSPLEÁCHAS, NEAMHCHLAONTACHT
4. |
Go sonrach, i gcomhréir le hAirteagal 6 de Threoir 2013/11/AE, moltar go mbeadh sé d’aidhm ag margaí ar líne agus comhlachais trádála de chuid an Aontais a áirithiú go mbeidh an saineolas is gá ag na daoine nádúrtha atá i gceannas ar nósanna imeachta um réiteach díospóidí agus go mbeidh siad neamhspleách agus neamhchlaonta. Moltar go ndéanfaí é sin a ráthú tríd an méid seo a leanas a áirithiú maidir le daoine den sórt sin:
|
ÉIFEACHTACHT
5. |
I gcomhréir le hAirteagal 8 de Threoir 2013/11/AE, moltar go n-áiritheodh margaí ar líne agus comhlachais trádála de chuid an Aontais go bhfuil a nósanna imeachta um réiteach díospóidí éifeachtach agus go bhfuil sé mar aidhm acu an méid seo a leanas a áirithiú:
|
COTHROIME
6. |
I gcomhréir le hAirteagal 9 de Threoir 2013/11/AE, moltar go n-áiritheodh margaí ar líne agus comhlachais trádála de chuid an Aontais an méid seo a leanas ina nósanna imeachta um réiteach díospóidí:
|
7. |
Moltar go n-áiritheodh margaí ar líne agus comhlachais trádála de chuid an Aontais an méid seo a leanas:
|
MOLTAÍ BREISE
8. |
Moltar go n-áiritheodh margaí ar líne agus comhlachais trádála de chuid an Aontais, nuair a bhaineann siad úsáid as nósanna imeachta uathoibrithe chun díospóidí a réiteach, go bpoibleofaí é sin agus go dtabharfaí an ceart do na páirtithe sa díospóid a iarraidh go ndéanfaidh duine nádúrtha athbhreithniú ar thoradh an nós imeachta. |
9. |
Moltar go bhfoilseodh margaí ar líne agus comhlachais trádála de chuid an Aontais tuarascálacha féinmheasúnaithe ar bhonn rialta, a chumhdódh tréimhsí nach faide ná dhá bhliain, maidir leis an gcaoi ar cuireadh na critéir cháilíochta a leagtar síos sa mholadh seo chun feidhme. Ba cheart an fhaisnéis sin a bheith le fáil ar a suíomh gréasáin. |
10. |
Moltar go gcuirfeadh margaí ar líne agus comhlachais trádála de chuid an Aontais tomhaltóirí agus trádálaithe ar an eolas, sula gcuirtear tús leis an nós imeachta um réiteach díospóidí, faoi na príomheilimintí agus na rialacha nós imeachta a chuirtear i bhfeidhm, amhail na teangacha a úsáidtear, an doiciméadacht is gá, an meánfhad, na costais a d’fhéadfadh a bheith ann. Ina theannta sin, ba cheart dóibh na forais ar a bhféadfaidh siad diúltú déileáil le díospóid ar leith a shonrú go soiléir. |
11. |
Moltar go rannchuideodh na Ballstáit an moladh seo a chur in iúl do mhargaí ar líne agus do chomhlachais trádála de chuid an Aontais a bhfuil nósanna imeachta um réiteach díospóidí á dtairiscint acu do thomhaltóirí a bhfuil cónaí orthu ina gcríocha faoi seach. |
SEOLAITHE
12. |
Tá an moladh seo dírithe chuig margaí ar líne agus chuig comhlachais trádála de chuid an Aontais a sholáthraíonn nósanna imeachta um réiteach díospóidí idir trádálaithe agus tomhaltóirí a bhfuil cónaí orthu san Aontas agus chuig na Ballstáit. |
Arna dhéanamh sa Bhruiséil, an 17 Deireadh Fómhair 2023.
Thar ceann an Choimisiúin
Didier REYNDERS
Comhalta den Choimisiún
ELI: http://data.europa.eu/eli/reco/2023/2211/oj
ISSN 1977-0839 (electronic edition)