(1)

Bunaítear le Rialachán (CEE) Uimh. 2658/87 ainmníocht earraí (“an Ainmníocht Chomhcheangailte”), agus atáirgtear an ainmníocht sin in Iarscríbhinn I a ghabhann leis an Rialachán sin.

(2)

Le fo-cheannteideal 9505 10 den Ainmníocht Chomhcheangailte, cumhdaítear earraí le haghaidh imeachtaí ceiliúrtha na Nollag.

(3)

Le nóta ceannteidil 1(b) a ghabhann le Caibidil 95, sainítear raon feidhme na n-earraí maisiúcháin le haghaidh crainn Nollag a aicmítear faoi fho-cheannteideal 9505 10.

(4)

Le Nótaí Míniúcháin an Chórais Chomhchuibhithe a ghabhann le ceannteideal 9505, (A)(1) agus na Nótaí Míniúcháin a ghabhann le hAinmníocht Chomhcheangailte an Aontais Eorpaigh (2) a ghabhann le ceannteideal 9505, mínítear conas earraí maisiúcháin le haghaidh crainn Nollag a aicmiú.

(5)

Tá tuairimí éagsúla ann maidir leis an léirmhíniú is ceart a bhaint as foclaíocht abairt dheireanach nóta ceannteidil 1(b) a ghabhann le Caibidil 95, abairt ina luaitear nach mór baint a bheith ag na hearraí faoin gceannteideal sin leis an Nollaig.

(6)

Ar mhaithe le deimhneacht dhlíthiúil, is gá a shoiléiriú nach gá téama a bhaineann leis an Nollaig a bheith ag gabháil le hearraí maisiúcháin le haghaidh crainn Nollag, ach gur gá, agus gur leor, iad a bheith de réir dearadh a fhágann gur féidir iad a aithint mar earraí maisiúcháin le haghaidh crainn Nollag.

(7)

Is gá, dá bhrí sin, an abairt dheireanach de nóta ceannteidil 1(b) a ghabhann le Caibidil 95 den Ainmníocht Chomhcheangailte a scriosadh chun léirmhíniú aonfhoirmeach ar fho-cheannteideal 9505 10 ar fud an Aontais a áirithiú.

(8)

Ba cheart, dá bhrí sin, Iarscríbhinn I a ghabhann le Rialachán (CEE) Uimh. 2658/87 a leasú dá réir.

(9)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

“(b)

earraí maisiúcháin le haghaidh crainn Nollag.

Is earraí iad sin atá deartha lena gcrochadh ar chrann Nollag (i.e. earraí éadroma ar gnách gur as ábhar neamh-mharthanach iad, atá deartha chun crann Nollag a mhaisiú).”.