9.10.2006   

GA

Iris Oifigiúil an Aontais Eorpaigh

4

(1)

Chuir Rialachán (CE) Uimh. 1698/2005 ón gComhairle an 20 Meán Fómhair 2005 maidir le tacaíocht d'fhorbairt na tuaithe ón gCiste Eorpach Talmhaíochta um Fhorbairt Tuaithe (CETFT) (2) athruithe ar an acquis ar a raibh an chaibidlíocht aontachais leis an mBulgáir agus leis an Rómáin bunaithe.

(2)

Tá gá dá bhrí sin Ionstraim Aontachais na Bulgáire agus na Rómáine a oiriúnú chun go mbeidh sí ag luí le Rialachán (CE) Uimh. 1698/2005.

(3)

Agus na hathruithe is gá á ndéanamh ar Ionstraim Aontachais na Bulgáire agus na Rómáine, is cóir bunchineál agus bunphrionsabail thorthaí na caibidlíochta a chaomhnú agus a chur i bhfeidhm maidir le haon eilimintí nua. Fairis sin, ní cóir aon oiriúnuithe a dhéanamh ar an Ionstraim Aontachais seachas oiriúnuithe fíor-riachtanacha.

(4)

Na bearta maidir le ‘leathchothaitheacht’ agus maidir le ‘grúpaí táirgeoirí’ dá bhforáiltear in Iarscríbhinn VIII a ghabhann le hIonstraim Aontachais na Bulgáire agus na Rómáine, tá siad folaithe i Rialachán (CE) Uimh. 1698/2005, mar bhearta idirthréimhseacha don Bhulgáir, do Phoblacht na Seice, don Eastóin, don Chipir, don Laitvia, don Liotuáin, don Ungáir, do Mhálta, don Pholainn, don Rómáin, don tSlóivéin, agus don tSlóvaic. Dá bhrí sin, ba chóir na forálacha a leagtar amach sna réimsí sin in Ionstraim Aontachais na Bulgáire agus na Rómáine a scriosadh.

(5)

Na forálacha maidir le cúnamh teicniúil dá bhforáiltear in Iarscríbhinn VIII a ghabhann le hIonstraim Aontachais na Bulgáire agus na Rómáine, tá siad folaithe i Rialachán (CE) Uimh. 1698/2005 agus ba chóir, dá bharr sin, iad a scriosadh.

(6)

Bunaíonn Rialachán (CE) Uimh. 1698/2005 ais éigeantach Leader laistigh den chlár d'fhorbairt na tuaithe, a chaithfidh a bheith ionann le híoschéatadán de chionroinnt CETFT leis an gclár. Chomh maith leis sin, cuireann Airteagal 59 den Rialachán sin beart ar bun a bhfuil sé d'aidhm aige tacú leis an neartú acmhainní, murar ionann agus na socruithe a caibidlíodh don Bhulgáir agus don Rómáin. Dá bhrí sin, is gá comhchuibhiú a dhéanamh idir na forálacha maidir le Leader a leagadh amach in Iarscríbhinn VIII a ghabhann le hIonstraim Aontachais na Bulgáire agus na Rómáine agus na forálacha nua dá bhforáiltear i Rialachán (CE) Uimh. 1698/2005.

(7)

Forálann Rialachán (CE) Uimh. 1698/2005 go dtacófar le húsáid seirbhísí comhairleacha. Tá difríochtaí, áfach, idir Ionstraim Aontachais na Bulgáire agus na Rómáine agus an Rialachán sin maidir le raon feidhme an bhirt sin. Chun maoiniú dúbailte, ach go háirithe, a sheachaint i gcaitheamh na gcéad trí bliana den chlár, ba chóir go dtabharfaí an rogha don Bhulgáir agus don Rómáin an beart dá bhforáiltear in Iarscríbhinn VIII a ghabhann leis an Ionstraim Aontachais a chur chun feidhme, sin nó an beart dá bhforáiltear i Rialachán (CE) Uimh. 1698/2005.

(8)

Chomh maith leis sin, agus iad ag teacht ar chomhaontú polaitiúil maidir le Rialachán (CE) Uimh. 1698/2005, d'aontaigh an Chomhairle agus an Coimisiún, i ndearbhú comhpháirteach maidir leis an mBulgáir agus leis an Rómáin, an beart maidir le seirbhísí comhairleacha dá bhforáiltear in Iarscríbhinn VIII a ghabhann le hIonstraim Aontachais na Bulgáire agus na Rómáine a fhadú go dtí 2013 i dtaca le seirbhísí comhairleacha a sholáthar d'fheirmeoirí a bhfuil tacaíocht leathchothaitheach á fáil acu. Ba chóir Iarscríbhinn VIII a ghabhann leis an Ionstraim Aontachais a oiriúnú chun an comhaontú sin a chur san áireamh.

(9)

Ó tharla gur bunaíodh le Rialachán (CE) Uimh. 1290/2005 ón gComhairle an 21 Meitheamh 2005 maidir le maoiniú an chomhbheartais talmhaíochta (3) Ciste aonair do thacaíocht Chomhphobail d'fhorbairt na tuaithe, a ghabhann ionad an dá fhoinse maoinithe a bhí ann roimhe sin, is gá a shoiléiriú an bonn ar ar chóir an uasteorainn 20 % a ríomh a shonraítear sa chomhlánú ar íocaíochtaí díreacha dá bhforáiltear i bpointe E de Roinn I d'Iarscríbhinn VIII a ghabhann le hIonstraim Aontachais na Bulgáire agus na Rómáine.

(10)

Tá sé mar aidhm ag an tacaíocht Chomhphobail dá bhforáiltear i bpointe E de Roinn I d'Iarscríbhinn VIII a ghabhann le hIonstraim Aontachais na Bulgáire agus na Rómáine cómhaoiniú a dhéanamh ar íocaíochtaí nó ar chabhracha náisiúnta díreacha faoi Airteagal 143c de Rialachán (CE) Uimh. 1782/2003 ón gComhairle an 29 Meán Fómhair 2003 ag bunú comhrialacha do scéimeanna tacaíochta dírí faoin gcomhbheartas talmhaíochta agus ag bunú scéimeanna áirithe tacaíochta le haghaidh feirmeoirí agus ag leasú Rialacháin (CEE) Uimh. 2019/93, (CE) Uimh. 1452/2001, (CE) Uimh. 1453/2001, (CE) Uimh. 1454/2001, (CE) Uimh. 1868/94, (CE) Uimh. 1251/1999, (CE) Uimh. 1254/1999, (CE) Uimh. 1673/2000, (CEE) Uimh. 2358/71 agus (CE) Uimh. 2529/2001 (4). Ar an ábhar seo, níor chóir an tacaíocht sin a chur san áireamh agus an chóimheá idir chuspóirí á ríomh a ndéantar cur síos uirthi in Airteagal 17 de Rialachán (CE) Uimh. 1698/2005.

(11)

Ní áirítear an inmharthanacht eacnamaíoch níos mó i Rialachán (CE) Uimh. 1698/2005 mar choinníoll cáilitheachta don bheart maidir le tacaíocht infheistíochta. Ba chóir, dá bhrí sin, an maolú gaolmhar atá in Iarscríbhinn VIII a ghabhann le hIonstraim Aontachais don Bhulgáir agus don Rómáin a scriosadh.

(12)

Bunaíonn Rialachán (CE) Uimh. 1290/2005 rialacha nua maidir le caiteachas ar fhorbairt na tuaithe a mhaoiniú. Ós rud é go leanann na forálacha sin na prionsabail chéanna a leantar in Airteagal 31 agus in Airteagal 32 de Rialachán (CE) Uimh. 1260/1999 ón gComhairle an 21 Meitheamh 1999 ag leagan síos forálacha ginearálta maidir leis na Cistí Struchtúracha (5), dá dtagraítear in Ionstraim Aontachais na Bulgáire agus na Rómáine, níl aon ghá níos mó leis na forálacha sonracha airgeadais atá in Iarscríbhinn VIII a ghabhann leis an Ionstraim Aontachais. Ina theannta sin, is gá modhnú a dhéanamh san Iarscríbhinn sin ar ranníocaíocht airgeadais an Chomhphobail do bhearta talamh-chomhshaoil agus leasa ainmhithe ó tharla gur ar leibhéal na haise anois seachas ar leibhéal an bhirt a shocraítear na rátaí cómhaoinithe, i gcomhréir le hAirteagal 70 de Rialachán (CE) Uimh. 1698/2005,

1.

Leasaítear mar a leanas Roinn I:

2.

I Roinn II, déantar pointe (1) a scriosadh.

3.

Cuirtear an méid seo a leanas in ionad Roinn IV:

‘De mhaolú ar Airteagal 70(3)(a) de Rialachán (CE) Uimh. 1698/2005, is é an méid a fhéadfaidh a bheith i ranníocaíocht airgeadais an Chomhphobail 80 % d'ais 1, d'ais 3 agus don chúnamh teicniúil.

De mhaolú ar Airteagal 70(3)(b) de Rialachán (CE) Uimh. 1698/2005, is é an méid a fhéadfaidh a bheith i ranníocaíocht airgeadais an Chomhphobail 80 % d'ais 2.’