Dan id-dokument hu mislut mis-sit web tal-EUR-Lex
Dokument 32016R0439
Commission Regulation (EU) 2016/439 of 23 March 2016 amending Annex IV to Regulation (EC) No 396/2005 of the European Parliament and of the Council as regards Cydia pomonella Granulovirus (CpGV), calcium carbide, potassium iodide, sodium hydrogen carbonate, rescalure and Beauveria bassiana strain ATCC 74040 and Beauveria bassiana strain GHA (Text with EEA relevance)
Regolament tal-Kummissjoni (UE) 2016/439 tat-23 ta' Marzu 2016 li jemenda l-Anness IV tar- Regolament (KE) Nru 396/2005 tal-Parlament Ewropew u tal-Kunsill fir-rigward tas-Cydia pomonella Granulovirus (CpGV), tal-karbur tal-kalċju, tal-jodur tal-potassju, tal-karbonat tal-idroġenu tas-sodju, tar-rescalure u tar-razza tal-Beauveria bassiana ATCC 74040 u tar-razza tal-Beauveria bassiana GHA (Test b'rilevanza għaż-ŻEE)
Regolament tal-Kummissjoni (UE) 2016/439 tat-23 ta' Marzu 2016 li jemenda l-Anness IV tar- Regolament (KE) Nru 396/2005 tal-Parlament Ewropew u tal-Kunsill fir-rigward tas-Cydia pomonella Granulovirus (CpGV), tal-karbur tal-kalċju, tal-jodur tal-potassju, tal-karbonat tal-idroġenu tas-sodju, tar-rescalure u tar-razza tal-Beauveria bassiana ATCC 74040 u tar-razza tal-Beauveria bassiana GHA (Test b'rilevanza għaż-ŻEE)
C/2016/1692
ĠU L 78, 24.3.2016, pp. 31–33
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
|
24.3.2016 |
MT |
Il-Ġurnal Uffiċjali tal-Unjoni Ewropea |
L 78/31 |
REGOLAMENT TAL-KUMMISSJONI (UE) 2016/439
tat-23 ta' Marzu 2016
li jemenda l-Anness IV tar- Regolament (KE) Nru 396/2005 tal-Parlament Ewropew u tal-Kunsill fir-rigward tas-Cydia pomonella Granulovirus (CpGV), tal-karbur tal-kalċju, tal-jodur tal-potassju, tal-karbonat tal-idroġenu tas-sodju, tar-rescalure u tar-razza tal-Beauveria bassiana ATCC 74040 u tar-razza tal-Beauveria bassiana GHA
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b'mod partikolari l-Artikolu 5(1) tiegħu,
Billi:
|
(1) |
Ma ġew stipulati l-ebda MRLs speċifiċi għas-Cydia pomonella Granulovirus (CpGV), il-karbur tal-kalċju, il-karbonat tal-idroġenu tas-sodju, rescalure, ir-razza tal-Beauveria bassiana ATCC 74040 u r-razza tal-Beauveria bassiana GHA. Peress li dawk is-sustanzi ma ġewx inklużi fl-Anness IV tar-Regolament (KE) Nru 396/2005, japplika l-valur prestabbilit ta' 0,01 mg/kg stipulat fl-Artikolu 18(1)(b) ta' dak ir-Regolament. Il-jodur tal-potassju huwa inkluż fl-Anness IV tar-Regolament (KE) Nru 396/2005. |
|
(2) |
Fir-rigward tas-Cydia pomonella Granulovirus (CpGV), l-Awtorità Ewropea dwar is-Sigurtà fl-Ikel ('l-Awtorità') ikkonkludiet (2) li dawn il-viruses mhumiex patoġeniċi għall-bniedem u li ma jipproduċux tossini. Għalhekk, jitqies xieraq li din is-sustanza tiġi inkluża fl-Anness IV tar-Regolament (KE) Nru 396/2005. |
|
(3) |
Fir-rigward tal-karbur tal-kalċju, l-Awtorità kkonkludiet (3) li din is-sustanza ma għandhiex tidħol fil-katina tal-ikel tal-bniedem. Għalhekk, jitqies xieraq li din is-sustanza tiġi inkluża fl-Anness IV tar-Regolament (KE) Nru 396/2005. |
|
(4) |
Il-jodur tal-potassju huwa sustanza minerali li jista' jintuża għall-manifattura ta' supplimenti tal-ikel f'konformità mad- Direttiva 2002/46/KE tal-Parlament Ewropew u tal-Kunsill (4). Fid-dawl ta' dan, huwa kkunsidrat xieraq li titneħħa n-nota f'qiegħ il-paġna li titlob evalwazzjoni f'konformità mal-Artikolu 12 tar-Regolament (KE) Nru 396/2005 għal din is-sustanza. |
|
(5) |
L-idrossidu tal-kalċju huwa approvat bħala sustanza bażika f'konformità mar-Regolament (KE) Nru 1107/2009 tal-Parlament Ewropew u tal-Kunsill (5). Fid-dawl tar-Regolament ta' Implimentazzjoni tal-Kummissjoni (UE) 2015/2069 (6), il-Kummissjoni tqis li l-inklużjoni ta' dik is-sustanza fl-Anness IV tar-Regolament (KE) Nru 396/2005 hija xierqa. |
|
(6) |
Fir-rigward tar-rescalure, l-Awtorità kkonkludiet (7) li l-inklużjoni ta' dik is-sustanza fl-Anness IV tar-Regolament (KE) Nru 396/2005 hija xierqa. |
|
(7) |
Fir-rigward tar-razza tal-Beauveria bassiana ATCC 74040 u tar-razza tal-Beauveria bassiana GHA (8), l-Awtorità ma setgħetx tasal għall-konklużjoni dwar il-valutazzjoni tar-riskju tad-dieta għall-konsumaturi peress li xi informazzjoni ma kinitx disponibbli u kienet meħtieġa aktar konsiderazzjoni mill-maniġers tar-riskji. Tali kunsiderazzjoni ulterjuri kienet riflessa f'rapporti ta' reviżjoni rispettivi (9) (10), li kkonkludiet li r-riskju għall-bniedem permezz ta' metaboliti minn dawn is-sustanzi huwa negliġibbli.Fid-dawl ta' dawk il-konklużjonijiet, il-Kummissjoni tqis li l-inklużjoni ta' dawk is-sustanzi fl-Anness IV tar-Regolament (KE) Nru 396/2005 hija xierqa. |
|
(8) |
Għaldaqstant, ir-Regolament (KE) Nru 396/2005 għandu jiġi emendat skont dan. |
|
(9) |
Il-miżuri previsti f'dan ir-Regolament huma f'konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness IV tar-Regolament (KE) Nru 396/2005 huwa emendat f'konformità mal-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Marzu 2016.
Għall-Kummissjoni
Il-President
Jean-Claude JUNCKER
(2) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance Cydia pomonella Granulovirus. EFSA Journal 2012;10(4):2655. [40 pp.] doi:10.2903/j.efsa.2012.2655.
(3) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance calcium carbide. EFSA Journal 2011;9(10):2419. [48 pp.] doi:10.2903/j.efsa.2011.2419.
(4) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
(5) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).
(6) Ir-Regolament ta' Implimentazzjoni tal-Kummissjoni (UE) 2015/2069 tas-17 ta' Novembru 2015 li japprova s-sustanza bażika karbonat tal-idroġenu tas-sodju f'konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti, u li jemenda l-Anness tar-Regolament ta' Implimentazzjoni tal-Kummissjoni (UE) Nru 540/2011 (ĠU L 301, 18.11.2015, p. 42).
(7) L-Awtorità Ewropea dwar is-Sigurtà fl-Ikel, 2015. Conclusion on the peer review of the pesticide risk assessment of the active substance rescalure. EFSA Journal 2015;13(2):4031, 40 pp.
(8) L-Awtorità Ewropea dwar is-Sigurtà fl-Ikel, 2013. Conclusion on the peer review of the pesticide risk assessment of the active substances Beauveria bassiana strains ATCC-74040 and GHA. EFSA Journal 2013;11(1):3031. 44 pp.
(9) Rapport ta' reviżjoni magħmul għas-sustanza attiva tar-razza tal-Beauveria bassiana ATCC 74040 iffinalizzat mill-Kumitat Permanenti dwar il-Katina Alimentari u s-Saħħa tal-Annimali fil-laqgħa tiegħu tal-11 ta' Lulju 2008 fid-dawl tal-inklużjoni tar-razza tal-Beauveria bassiana ATCC 74040 fl-Anness I tad-Direttiva 91/414/KEE. SANCO/1546/08 — rev. 5, 11 ta' Lulju 2014.
(10) Rapport ta' reviżjoni magħmul għas-sustanza attiva tar-razza tal-Beauveria bassiana iffinalizzat mill-Kumitat Permanenti dwar il-Katina Alimentari u s-Saħħa tal-Annimali fil-laqgħa tiegħu tal-11 ta' Lulju 2008 fid-dawl tal-inklużjoni tar-razza tal-Beauveria bassiana GHA fl-Anness I tad-Direttiva 91/414/KEE. SANCO/1547/08 — rev. 5, 11 ta' Lulju 2014.
ANNESS
L-Anness IV tar-Regolament (KE) Nru 396/2005 huwa emendat kif ġej:
|
(1) |
L-entrati “Cydia pomonella Granulovirus (CpGV)”, “karbur tal-kalċju”, “karbonat tal-idroġenu tas-sodju”, “rescalure”, “ir-razza tal-Beauveria bassiana ATCC 74040” u “r-razza tal-Beauveria bassiana GHA” huma mdaħħla, f'ordni alfabetika; |
|
(2) |
Titħassar ir-referenza għan-nota f'qiegħ il-paġna 1 wara l-entrata “Jodur tal-Potassju”. |