Modhanna Comhphobail agus idir–rialtasacha

Ní hionann próisis chinnteoireachta an Aontais Eorpaigh (AE) ag brath ar an réimse beartais atá i gceist. Mar riail ghinearálta, glactar le cinntí AE trí mheán an mhodha Comhphobail, a mbaintear úsáid as an ngnáthnós imeachta reachtach ina leith, mar atá sainmhínithe in Airteagal 294 den Chonradh ar Fheidhmiú an Aontais Eorpaigh.

Saintréith den mhodh Comhphobail is ea róil institiúidí fornáisiúnta an Aontais:

• ceart an Choimisiúin Eorpaigh chun reachtaíocht a thionscnamh agus a fhorghníomhú, le roinnt eisceachtaí;
• Parlaimint na hEorpa agus Comhairle an Aontais Eorpaigh mar chomhreachtóirí, reachtaíocht a ghlacadh ar chomhchéim; agus
• vótáil trí thromlach cáilithe a úsáid sa Chomhairle.

Tá an modh Comhphobail i gcontrárthacht leis an mhodh feidhme idir–rialtasach a úsáidtear chun cinntí a dhéanamh, go háirithe cinntí a bhaineann leis an gComhbheartas Eachtrach agus Slándála agus le gnéithe an chomhair póilíneachta agus bhreithiúnaigh. Is iad seo a leanas gnéithe suntasacha an mhodha sin:

• roinntear ceart tionscnaimh an Choimisiúin le Ballstáit AE nó ní úsáidtear é ach i réimsí sonracha gníomhaíochta amháin;
• is minic a bhíonn ról lárnach ag an gComhairle Eorpach;
• tá Parlaimint na hEorpa rannpháirteach i gcéimeanna éagsúla den phróiseas cinnteoireachta;
• gníomhaíonn an Chomhairle d’aon toil de ghnáth agus glacann sí na gníomhartha.