EUR-Lex Access to European Union law
This document is an excerpt from the EUR-Lex website
Document 31997R2026
Council Regulation (EC) No 2026/97 of 6 October 1997 on protection against subsidized imports from countries not members of the European Community
Ir-Regolament tal-Kunsill (KE) Nru 2026/97 tas-6 ta' Ottubru 1997 dwar il-protezzjoni kontra importazzjonijiet sussidjati minn pajjiżi li mhumiex membri tal-Komunità Ewropea.
Ir-Regolament tal-Kunsill (KE) Nru 2026/97 tas-6 ta' Ottubru 1997 dwar il-protezzjoni kontra importazzjonijiet sussidjati minn pajjiżi li mhumiex membri tal-Komunità Ewropea.
ĠU L 288, 21/10/1997, p. 1–33
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 06/08/2009; Imħassar b' 32009R0597
Official Journal L 288 , 21/10/1997 P. 0001 - 0033
Ir-Regolament tal-Kunsill (KE) Nru 2026/97 tas-6 ta' Ottubru 1997 dwar il-protezzjoni kontra importazzjonijiet sussidjati minn pajjiżi li mhumiex membri tal-Komunità Ewropea. IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 113 tiegħu. Wara li kkunsidra r-Regolament li jistabbilixxi l-organizzazzjoni komuni tas-swieq ta' l-agrikoltura u r-Regolamenti adottati permezz ta' l-Artikolu 235 tat-Trattat applikkabli għall-oġġetti maħduma minn prodotti agrikoli, u partikolarment id-disposizzjonijiet ta' dawk ir-Regolamenti li jippermettu derogi mill-prinċipji ġenerali illi miżuri protettivi mal-fruntieri jistgħu jkunu mibdula biss bil-miżuri provduti f'dawn ir-Regolamenti, Wara li kkunsidra l-proposta mill-Kummissjoni [1], (1) Billi, bir-Regolament (KEE) Nru 2423/88 [2], il-Kunsill adotta regoli komuni għall-protezzjoni kontra l-importazzjonijiet iddampjati jew sussidjati minn pajjiżi li mhumiex membri tal-Komunità Ewropea; (2) Billi dawn ir-regoli kienu ġew adottati skond l-impenji internazzjonali eżistenti, partikolarment dawk li joriġinaw mill-Artikolu VI tal-Ftehim Ġenerali dwar it-Tariffi u l-Kummerċ ("il-GATT"), mill-Ftehim dwar l-implimentazzoni ta' l-Artikolu XI tal-GATT ("il-kodiċi ta' l-1979 kontra l-iddampjar") u mill-Ftehim dwar l-Interpretazzjoni u l-Applikazzjoni ta' l-Artikoli VI, XVI u XXIII tal-GATT (Kodiċi dwar Sussidji u Dazji ta' kumpens); (3) Billi l-konklużjoni ta' l-Uruguay Round dwar in-negozjati multilaterali tal-kummerċ wasslu biex tiġi mwaqqfa l-Organizzazzjoni Dinjija tal-Kummerċ ("WTO"); (4) Billi l-Anness 1A tal-Ftehim li jistabbilixxi l-WTO ("il-Ftehim ta' l-WTO"), approvat bid-Deċiżjoni 94/800/KE [3], jinkludi, fost l-oħrajn, il-Ftehim Ġenerali dwar it-Tariffi u l-Kummerċ 1994 ("il-Gatt 1994"), il-Ftehim dwar l-Agrikoltura ("il-Ftehim dwar l-Agrikoltura"), il-Ftehim dwar l-implimentazjoni ta' l-Artikolu VI tal-GATT 1994 (hawnhekk iżjed 'il quddiem imsejjaħ 'il-"Ftehim ta' Kontra d-Dumping 1994") u Ftehim ġdid dwar is-Sussidji u l-Miżuri ta' kumpens ("il-Ftehim tas-Sussidji"); (5) Billi, sabiex tintlaħaq aktar trasparenza u effettività fl-applikazzjoni mill-Komunità tar-regoli stabbiliti fil-Ftehim ta' l-1994 kontra d-Dumpind u l-Ftehim dwar is-Sussidji rispettivament, huwa meqjus neċessarju li jiġu adottati żewg Regolamenti separati li jħejju t-triq b'dettalji suffiċjenti għall-ħtigiet ta' l-applikazzjoni ta' kull wieħed minn dawn l-istrumenti ta' difiża kummerċjali; (6) Billi għalhekk huwa xieraq li jkunu emendati r-regoli tal-Komunità li jirregolaw l-applikazzjoni tal-miżuri ta' kumpens fid-dawl tar-regoli ġodda multilaterali, f'dak li għandu x'jaqsam ma’, fost l-oħrajn, il-proċeduri għall-bidu tal-proċeduri u t-tmexxija ta' investigazzjonijiet sussegwenti, inkluż l-istabbiliment u t-trattament tal-fatti, l-imposizzjoni ta' miżuri proviżorji, l-impożizzjoni u l-ġbir ta' dazji ta' kumpens, it-tul ta' żmien u r-reviżjoni tal-miżuri ta' kumpens, u l-għoti ta' l-informazzjoni lill-pubbliku dwar l-investigazzjonijiet ta' kumpens; (7) Billi, in vista tat-tibdiliet kbar miġjuba bil-Ftehim ġodda u biex jassiguraw l-implimentazzjoni adegwata u trasparenti tar-regoli l-ġodda, huwa xieraq li l-lingwa ta' dawn il-Ftehim Ġodda tkun mibdula f'leġislazzjoni tal-Komunità, sa kemm dan huwa possibbli; (8) Billi, barra minn hekk, jidher li jkun aħjar li tingħata spjegazzjoni b'dettalji adegwati, meta sussidju għandu jkun meqjus li jeżisti, skond liema prinċipji għandu jkun ta' kumpens (partikolarment jekk is-sussidju kienx mogħti speċifikament), u skond liema kriterji għandu jiġi maħdum l-ammont tas-sussidju ta' kumpens; (9) Billi, biex tiġi stabbilita l-eżistenza ta' sussidju, huwa meħtieġ li jintwera li kien hemm kontribuzzjoni finanzjarja minn gvern jew korp pubbliku fit-territorju ta' pajjiż, jew li kien hemm xi forma ta' għajnuna fid-dħul jew fil-prezz skond id-definizzjoni ta' l-Artikolu XVI tal-GATT 1994, u li għalhekk ingħata benefiċċju lill-intrapriża li tkun irċevietu; (10) Billi huwa meħtieġ li tingħata spjegazzjoni dettaljata ta' liema tipi ta' sussidji m'humiex ta' kumpens u liema proċedura għandha tkun segwita jekk matul l-investigazzjoni, jiġi stabbilit illi intrapriża li tkun qiegħda tiġi investigata tkun irċeviet sussidju ta' kumpens; (11) Billi l-Ftehim dwar is-Sussidji jgħid li d-disposizzjonijiet li jirrigwardaw is-sussidju mhux ta' kumpens għandhom jieqfu milli jkunu applikabbli wara ħames snin mid-dħul fis-seħħ tal-Ftehim WTO, sa kemm dawn ma jkunux imġedda bi ftehim bejn il-membri ta' l-WTO, billi għalhekk jista’ jkun meħtieġ li jiġi emendat dan ir-Regolament kif jeħtieġ jekk il-validità ta' dawn id-disposizzjonijiet ma tkunx hekk imġedda; (12) Billi l-miżuri previsti fl-Anness 2 tal-Ftehim dwar l-Agrikoltura mhumiex ta' kumpens, skond kif stabbilit f'dak il-Ftehim; (13) Billi huwa mixtieq li tiġi stabbilita gwida ċara u dettaljata dwar il-fatturi li jistgħu jkunu relevanti sabiex jiġi stabbilit jekk l-importazjoni sussidjata tkunx ikkaġunat ħsara materjali jew tkunx qiegħda thedded li tagħmel il-ħsara; billi, meta jintwera li l-volum u l-livelli tal-prezzijiet ta' l-importazzjoni in kwestjoni huma responsabbli għall-ħsara mġarrba mill-industrija tal-Komunità, għandha tingħata attenzjoni għall-effett ta' fatturi oħra u partikolarment il-kondizzjonijiet tas-suq prevalenti fil-Komunità; (14) Billi huwa rakkomandat li jiġi mfisser il-kliem "Industrija tal-Komunità" u li jiġi stabbilit li l-partijiet relatati ma’ l-esportaturi jistgħu jkunu esklużi minn din l-industrija, u li tiġi mfissra l-kelma "relatati"; billi huwa wkoll meħtieġ li tiġi stabbilita azzjoni ta' dazju ta' kumpens li għandha tittieħed għan-nom ta' produtturi f'reġjun tal-Komunità u li jiġu stabbiliti linji gwida dwar id-definizzjoni ta' dawn ir-reġjuni; (15) Billi huwa meħtieġ li jiġi stabbilit min jista’ jippreżenta lment dwar id-dazju ta' kumpens, inkluż kemm għandu jkun mgħejjun mill-industrija tal-Komunità, u l-informazzjoni dwar is-sussidji ta' kumpens, id-dannu u l-kawża li dan l-ilment għandu jkun fih; billi huwa wkoll meħtieġ li jiġu speċifikati l-proċeduri għaċ-ċaħda ta' lmenti jew il-bidu ta' proċeduri; (16) Billi huwa meħtieġ li tkun stabbilita l-manjiera li biha l-partijiet interessati għandhom jingħataw avviż ta' l-informazzjoni li l-awtoritajiet jeħtieġu, u għandu jkollhom żmien biżżejjed sabiex jippreżentaw l-evidenza kollha relevanti u li jiddefendu l-interessi tagħhom; billi huwa wkoll mixtieq li jkunu stabbiliti b'mod ċar ir-regoli u l-proċeduri li għandhom ikunu segwiti matul l-investigazzjoni, partikolarment ir-regoli li permezz tagħhom il-partijiet interessati għandhom jagħmlu lilhom infushom magħrufa, jippreżentaw l-ideat tagħhom u jissottomettu l-informazzjoni fiż-żmien speċifikat, jekk dawn l-ideat u l-informazzjoni għandhom jiġu kunsidrati; billi huwa wkoll xieraq illi jkunu stabbiliti l-kondizzjonijiet li permezz tagħhom parti interessata tkun tista’ jkollha aċċess għal, u tikkummenta fuq, informazzjoni preżentata minn partijiet oħra interessati; billi għandu jkun hemm ukoll koperazjoni bejn l-Istati Membri u l-Kummissjoni fil-ġbir ta' l-informazzjoni; (17) Billi huwa meħtieġ li jiġu stabbiliti l-kondizzjonijiet li bihom dazji proviżorji jistgħu jkunu imposti, inklużi il-kondizzjonijiet li bihom jistgħu jkunu imposti mhux qabel 60 jum mill-bidu u mhux aktar tard minn disa’ xhur wara; billi dawn id-dazji jistgħu fil-każi kollha jkunu imposti mill-Kummissjoni għal perjodu ta' erba’ xhur biss; (18) Billi huwa meħtieġ li jkunu speċifikati l-proċeduri għall-aċċettazzjoni ta' impenji li jeliminaw jew ipaċu is-sussidji ta' kumpens u l-ħsara, minflok l-imposizzjoni ta' dazji proviżorji jew definittivi; billi huwa wkoll xieraq li jkunu stabbiliti l-konsegwenzi tal-ksur jew ċaħda ta' l-impenji u li jistgħu jkunu imposti dazji proviżorji f'każi ta' suspett ta' ksur jew fejn ikun hemm bżonn aktar investigazjoni biex iżżid mas-sejbiet; billi, bl-aċċettazzjoni ta' l-impenji, għandha tingħata attenzjoni sabiex l-impenji proposti, u l-infurzar tagħhom, ma jwasslux għal imġieba anti-kompetittiva; (19) Billi huwa meħtieġ li jiġi stabbilit illi l-għeluq tal-każijiet għandu, irrispettivament minn jekk il-miżuri definittivi jiġux adottati jew le, normalment iseħħ fi żmien 12-il xahar, u f'kull każ mhux aktar tard minn 13-il xahar, mill-bidu ta' l-investigazzjoni; (20) Billi l-investigazzjoni jew il-proċeduri għandhom jintemmu kull meta l-ammont tas-sussidju jinstab li jkun de minimis jew jekk, partikolarment fil-każ ta' importazzjoni li toriġina minn pajjiżi li għadhom jiżviluppaw, il-volum ta' l-importazzjoni sussidjata jew il-ħsara tkun negliġibbli, u jkun floku li dawk il-kriterji jiġu mfissra; billi, meta jkollhom jiġu imposti xi miżuri, huwa meħtieġ li jkun hemm disposizzjoni dwar it-tmiem ta' l-investigazzjonijiet u li jkun stabbilit li l-miżuri għandhom ikunu inqas mill-ammont tas-sussidji ta' kumpens jekk dan l-ammont iżgħar ineħħi l-ħsara, u wkoll li jkun speċifikat il-metodu tal-kalkolu tal-livell tal-miżuri fil-każ ta'teħid ta' kampjuni; (21) Billi huwa meħtieġ li jkun hemm disposizzjoni għall-ġbir retroattiv tad-dazji proviżorji jekk dan ikun meqjus approprjat u li jkunu definiti ċ-ċirkostanzi li jistgħu jikkaġunaw l-applikazzjoni retroattiva ta' dazji sabiex jiġi evitat it-tnaqqis tal-miżuri definittivi li jkunu applikati; billi huwa wkoll meħtieġ li jiġi stabbilit illi d-dazji jistgħu ikunu applikati b'effett retroattiv fil-każijiet ta' ksur jew irtirar ta' l-impenji; (22) Billi huwa meħtieġ li jiġi stabbilit li l-miżuri għandhom jiskadu wara ħames snin sakemm xi reviżjoni ma tindikax li għandhom jibqgħu fis-seħħ; billi huwa wkoll meħtieġ li jiġi stabbilit, f'każijiet fejn tkun sottomessa evidenza suffiċjenti ta' bidla fiċ-ċirkostanzi, għal reviżjonijiet temporanji jew għal investigazzjonijiet biex jiġi stabbilit jekk ir-refużjoni ta' dazji ta' kumpens hijiex ġustifikata; (23) Billi, minkejja li l-Ftehim tas-Sussidji ma fihx disposizzjonijiet dwar il-ksur ta' miżuri ta' kumpens, il-possibiltà ta' dan il-ksur jeżisti, f'termini simili, għalkemm mhux identiċi, għall-ksur tal-miżuri kontra d-dumping; billi għalhekk jidher xieraq li ssir disposizzjoni kontra l-ksur f'dan ir-Regolament; (24) Billi huwa utli li titħalla ssir is-sospensjoni tal-miżuri ta' kumpens fejn ikun hemm xi bidliet temporanji fil-kondizzjonijiet tas-suq li minħabba fihom l-imposizzjoni kontinwa ta' dawn il-miżuri jsiru temporanjament mhux approprjati; (25) Billi huwa meħtieġ li jiġi stabbilit li l-oġġetti importati li jkunu taħt investigazzjoni jistgħu jsiru soġġetti għal reġistrazzjoni malli jiġu importati sabiex ikun possibbli li sussegwentement jiġu applikati miżuri kontra importazzjonijiet ta' din ix-xorta; (26) Billi, sabiex ikun assigurat l-infurzar xieraq tal-miżuri, huwa meħtieġ li l-Istati Membri josservaw, u jirraportaw lill-Kummissjoni, il-kummerċ ta' prodotti mpurtati li jkunu soġġetti għal investigazzjoni jew soġġetti għal miżuri, kif ukoll l-ammont ta' dazji miġbura taħt dan ir-Regolament; (27) Billi huwa meħtieġ li jsir provediment għal konsultazzjoni ta' Kumitat Konsultattiv fi stadji regolari u speċifiċi ta' l-investigazzjoni; billi l-Kumitat għandu jikkonsisti minn rappreżentanti ta' l-Istati Membri b'rappreżentant tal-Kummissjoni bħala President; (28) Billi huwa utli li jsir provediment għal żjarat ta' verifika sabiex tiġi eżaminata l-informazzjoni sottomessa dwar is-sussidji ta' kumpens u l-ħsara, iżda dawn iż-żjarat għandhom ikunu, madanakollu, marbuta mal-kundizzjoni li jkunu waslu t-tweġibiet xierqa għall-kwestjonarji; (29) Billi huwa essenzjali li jkun hemm disposizjzonijiet għat-teħid ta' kampjuni fil-każijiet fejn in-numru ta' partijiet jew operazzjonijiet ikun kbir sabiex jippermetti li l-investigazzjonijiet jitlestew fil-limiti taż-żmien iffissati; (30) Billi, huwa meħtieġ li jkun provdut li, fejn il-partijiet ma jikkoperawx kif mixtieq, tkun tista’ tintuża informazzjoni oħra sabiex jiġu stabbiliti s-sejbiet u li din l-informazzjoni tista’ tkun inqas favorevoli għall-partijiet milli kieku huma jkunu ikkoperaw; (31) Billi għandhom isiru disposizzjonijiet għat-trattament ta' informazzjoni kunfidenzjali sabiex ma jinkixfux sigrieti kummerċjali jew tal-gvern; (32) Billi huwa essenzjali li jsiru disposizzjonijiet għall-iżvelar kif suppost tal-fatti essenzjali u l-konsiderazzjonijiet lill-partijiet li jikkwalifikaw għal dan it-trattament u li dan l-iżvelar għandu jsir, b'konsiderazzjoni lejn il-proċess tat-teħid tad-deċiżjonijiet fil-Komunità, f'perjodu ta' żmien li jippermetti lill-partijiet jiddefendu l-interessi tagħhom; (33) Billi huwa prudenti li tiġi stabbilita sistema ta' amministrazzjoni li biha jistgħu jiġu preżentati argumenti dwar jekk il-miżuri humiex fl-interess tal-Komunità, inklużi l-interessi tal-konsumaturi, u li jkunu stabbiliti l-perjodi taż-żmien li fihom din l-informazzjoni trid tiġi preżentata, flimkien mad-drittijiet tal-partijiet konċernati dwar l-iżvelar; (34) Billi fl-applikazzjoni tar-regoli tal-Ftehim tas-Sussidji huwa essenzjali, sabiex jinżamm bilanċ tad-drittijiet u l-obbligi li dan il-Ftehim ried jistabbilixxi, illi l-Komunità tieħu kont ta' l-interpretazzjoni tagħhom mis-sħab prinċipali tal-kummerċ tal-Komunità, kif riflessa fil-leġislazzjoni jew prattika stabbilita; (35) Billi, bir-Regolament (KE) Nru 3284/94 tat-22 ta' Diċembru 1994 dwar il-protezzjoni kontra l-importazzjoni sussidjata minn pajjiżi li m'humiex membri tal-Komunità Ewropea [4], il-Kunsill biddel ir-Regolament (KEE) Nru 2423/88 u daħħal sistema komuni ta' difiża kontra l-importazzjoni sussidjata minn pajjiżi li m’ humiex membri tal-Komunità Ewropea; (36) Billi l-problemi waqt l-abbozzar tat-test tar-Regolament (KE) Nru 3284/94 dehru ċari mal-pubblikazzjoni; billi, apparti dan, ir-Regolament diġà ġie emendat; (37) Billi, fl-interess taċ-ċarezza, tat-trasparenza u ċ-ċertezza legali, dak ir-Regolament għandu għalhekk ikun imħassar u sostitwit, mingħajr preġudizzju għall-proċeduri ta' kumpens li diġà nbdew permezz tiegħu jew tar-Regolament (KEE) Nru 2423/88, ADDOTTA DAN IR-REGOLAMENT: Artikolu 1 Prinċipji 1. Dazju ta' kumpens jista’ jkun impost għall-iskop ta' tpaċija ta' xi sussidju mogħti, direttament jew indirettament, għall-manufattura, il-produzzjoni, l-esportazzjoni jew it-trasport ta' xi prodott li r-rilaxx tiegħu fiċ-ċirkolazzjoni libera fil-Komunità toħloq ħsara. 2. Għall-iskop ta' dan ir-Regolament, prodott huwa meqjus li jkun sussidjat jekk jibbenefika minn sussidju ta' kumpens kif definit fl-Artikoli 2 u 3. 3. Sussidju bħal dan jista’ jingħata mill-gvern tal-pajjiż ta' l-oriġini tal-prodott importat, jew mill-gvern ta' pajjiż intermedjarju li minnu tkun saret l-esportazzjoni lejn il-Komunità, magħruf għall-iskop ta' dan ir-Regolament bħala "l-pajjiż esportatur". Il-kelma "gvern" hija definita, għall-iskop ta' dan ir-Regolament bħala gvern jew kull korp pubbliku fit-territorju tal-pajjiż ta' l-oriġini jew ta' l-esportazzjoni. 4. Minkejja l-paragrafi 1, 2 u 3, meta l-prodotti ma jkunux importati direttament mill-pajjiż ta' l-oriġini imma jkunu esportati lejn il-Komunità minn xi pajjiż intermedjarju, id-disposizzjonijiet ta' dan ir-Regolament għandhom ikunu applikabbli bis-sħiħ u t-transazzjoni jew operazzjonijiet għandhom, fejn xieraq, ikunu meqjusa bħala li seħħew bejn il-pajjiż ta' l-oriġini u l-Komunità. 5. Għall-iskop ta' dan ir-Regolament il-frażi "prodott simili" għandha tkun interpretata li tfisser prodott li huwa identiku, jiġifieri, li jixbah f'kull aspett, lill-prodott taħt konsiderazzjoni, jew fin-nuqqas ta' prodott bħal dan, prodott ieħor li għalkemm m'huwiex l-istess fl-aspetti kollha, għandu karatteristiċi li jixbhu mill-qrib lil dawk tal-prodott taħt konsiderazzjoni. Artikolu 2 Definizjoni ta' sussidju Sussidju għandu jkun meqjus li jeżisti jekk: 1. (a) ikun hemm kontribuzzjoni finanzjarja minn xi gvern fil-pajjiż ta' l-oriġini jew ta' l-esportazzjoni, jiġifieri, fejn: (i) il-prattika tal-gvern tinvolvi trasferiment dirett ta' fondi (per eżempju, għoti, self, equity infusion), it-trasferimenti potenzjali diretti ta' fondi jew ta' dejn (per eżempju, garanziji għal xi self); (ii) dħul tal-gvern li suppost huwa dovut li jkun maħfur jew li ma jinġabarx (per eżempju, inċentivi fiskali bħal ma huma krediti ta' taxxa); f'dan il-każ, l-eżenzjoni tal-prodott esportat mid-dazji jew taxxi imposti fuq prodotti simili meta jkunu destinati għall-konsum domestiku, jew l-għoti lura ta' dazji bħal dawn jew taxxi f'ammonti li ma jeċċedux dawk li jkunu żdiedu, m'għandhomx ikunu meqjusa bħala sussidju, kemm-il darba din l-eżenzjoni tkun ingħatat skond id-disposizzjonijiet ta' l-Annessi I sa III; (iii) il-gvern jipprovdi oġġetti jew servizzi apparti mill-infrastruttura ġenerali, jew jixtri l-oġġetti; (iv) il-gvern: - jagħmel ħlasijiet lill-mekkaniżmu ta' xi fond, jew - jinkariga jew jidderieġi korp privat biex iwettaq waħda jew iktar mit-tip ta' funzjonijiet kif murija fil-punti (i), (ii) u (iii) li normalment ikunu responsabbiltà tal-gvern, u li fil-fatt, bl-ebda mod, ma tkun differenti mill-prattiċi normali wżati mill-gvernijiet; jew (b) ikun hemm xi tip ta' dħul jew għajnuna fil-prezz kif spjegat fl-Artikolu XVI tal-GATT 1994; u 2. għalhekk ikun mogħti benefiċċju. Artikolu 3 Sussidju ta' kumpens 1. Is-sussidji għandhom ikunu soġġetti għal miżuri ta' kumpens biss jekk ikunu speċifiċi, kif definiti fil-paragrafi 2, 3 u 4. 2. Sabiex jiġi stabbilit jekk xi sussidju jkunx speċifiku għal xi intrapriża jew industrija jew grupp ta' intrapriżi jew industriji (minn hawn il-quddiem imsejħa "ċerti intrapriżi") fil-ġurisdizzjoni ta' l-awtorità li tagħtihom, għandhom ikunu applikabbli l-prinċipji li ġejjin: (a) meta l-awtorità li tagħtihom, jew il-leġislazzjoni li bis-saħħa tagħha l-awtorità li tagħti tkun taħdem, tillimita espliċitament l-aċċess għal sussidju lil ċerti intrapriżi, dan is-sussidju għandu jkun speċifiku; (b) meta l-awtorità li tagħtihom, jew il-leġislazzjoni li bis-saħħa tagħha l-awtorità li tagħtihom tkun taħdem, tistabbilixxi kriterji oġġettivi jew kondizzjonijiet li jirregolaw l-eliġibilità għal, u l-ammont ta', sussidju, l-ispeċifikalità m'għandiex teżisti, kemm-il darba dik l-eliġibilità tkun awtomatika u li dawk il-kriterji u l-kondizzjonijiet ikunu osservati bir-reqqa. Għall-iskop ta' dan l-Artikolu, kriterji oġġettivi jew kondizzjonijiet ifissru kriterji jew kondizzjonijiet li huma newtrali, li ma jiffavorixxux lil ċerti intrapriżi fuq oħrajn, u li jkunu ekonomiċi fin-natura u orizzontali fit-twettieq, bħal ma huma n-numru ta' impjegati jew id-daqs ta' l-intrapriża. Il-kriterji jew il-kondizzjonjiet għandhom jiġu stabbiliti b'mod ċar mill-liġi, regolament, jew xi dokument ieħor uffiċjali, hekk li jkunu jistgħu jiġu verifikati; (ċ) jekk, minkejja d-dehra ta' non-speċifikalità li tirriżulta mill-applikazzjoni tal-prinċipji kif imniżżla fis-subparagrafi (a) u (b), ikun hemm raġunijiet li wieħed jemmen li s-sussidju jista’ fil-fatt ikun speċifiku, jistgħu jiġu kunsidrati fatturi oħra. Dawn il-fatturi huma: l-użu ta' programm ta' sussidju minn numru limitat ta' ċerti intrapriżi; l-użu predominanti minn ċerti intrapriżi; l-għoti ta' ammonti kbar sproporzjonati ta' sussidju lil ċerti intrapriżi; u l-mod li bih id-diskrezzjoni ġiet eżerċitata mill-awtorità li tagħti, fid-deċiżjoni ta' l-għoti tas-sussidju. F'dan ir-rigward, l-informazzjoni dwar il-frekwenza li biha l-applikazzjonijiet għal sussidju jkunu miċħuda jew approvati u r-raġunijiet għal dawn id-deċiżjonijiet għandhom, partikolarment, ikunu kunsidrati. Fl-applikazzjoni ta' l-ewwel subparagrafu, għandu jittieħed kont ta' l-ammont ta' diversifikazzjoni ta' l-attivitajiet ekonomiċi fil-ġurisdizzjoni ta' l-awtorità li tagħtihom, kif ukoll it-tul taż-żmien li matulu l-programm tas-sussidju kien fis-seħħ. 3. Is-sussidju li jkun limitat għal ċerti intrapriżi li jinsabu f'reġjun ġeografiku magħżul, fil-ġurisdizzjoni ta' l-awtorità li tagħtihom, għandu jkun speċifiku.. L-iffissar jew it-tibdil fir-rata tat-taxxa ġeneralment applikabbli fil-livelli kollha tal-gvern li huma intitolati li jagħmlu dan, m'għandux jiġi meqjus li jkun sussidju speċifiku għall-iskopijiet ta' dan ir-Regolament. 4. Minkejja l-paragrafi 2 u 3, is-sussidji li ġejjin għandhom jitqiesu li huma speċifiċi: (a) sussidji dipendenti, fil-liġi jew fil-fatt, kemm jekk waħedhom jew bħala waħda minn ħafna kondizzjonijiet oħra, fuq il-prestazzjoni ta' l-esportazzjoni, inkluż dawk murija fl-Anness I. Is-sussidji għandhom ikunu meqjusa bħala dipendenti fil-fatt fuq il-prestazzjoni ta' l-esportazjoni meta l-fatti juru li l-għotja ta' sussidju, mingħajr ma tkun saret legalment dipendenti fuq l-andament ta' l-esportazzjoni, tkun tassew marbuta ma’ l-esportazjoni attwali jew antiċipata jew mal-qliegħ ta' l-esportazzjoni. Il-fatt biss li sussidju jingħata lil intrapriżi li jesportaw m'għandux għal dik ir-raġuni biss jitqies illi huwa sussidju ta' l-esportazzjoni fit-tifsira ta' din id-disposizzjoni; (b) sussidji dipendenti, kemm waħedhom jew bħala waħda minn ħafna kondizzjonijiet oħra, fuq l-użu ta' oġġetti domestiċi fuq dawk importati. 5. Kull deċiżjoni ta' speċifikalità skond id-disposizzjonijiet ta' dan l-Artikolu għandhom ikunu sostanzjati b'mod ċar fuq il-bażi ta' evidenza pożittiva. Artikolu 4 Sussidji li m'humiex ta' kumpens 1. Is-sussidji li ġejjin m'għandomx ikunu soġġetti għal miżuri ta' kumpens: (a) sussidji li m'humiex speċifiċi fit-tifsira ta' l-Artikolu 3(2) u (3); (b) sussidji li huma speċifiċi, fit-tifsira ta' l-Artikolu 3(2) u (3), iżda li jilħqu l-kondizzjonijiet kif stabbilit fil-paragrafi 2, 3 jew 4 ta' dan l-Artikolu; (ċ) l-element ta' sussidju li jista’ jeżisti f'xi miżuri kif stabbiliti fl-Anness IV. 2. Sussidji għal attivitajiet ta' riċerka magħmula minn ditti jew stabbilimenti ta' edukazzjoni għolja jew ta' riċerka fuq il-bażi ta' kuntratt ma’ ditti, m'għandhomx ikunu soġġetti għal miżuri ta' kumpens, jekk is-sussidji jkopru mhux aktar minn 75 % ta' l-ispejjeż tar-riċerka industrijali jew 50 % ta' l-ispejjeż ta' l-attività ta' żvilupp pre-kompetittiva, u kemm-il darba dawn is-sussidji jkunu limitati esklussivament għal: (a) spejjeż ta' l-impjegati (riċerkaturi, tekniċi u impjegati oħra ta' appoġġ li jaħdmu esklussivament fl-attività ta' riċerka); (b) spejjeż ta' strumenti, għodda, art u bini wżati esklussivament u permanentement (ħlief fejn ikunu ġew magħmula fuq bażi kummerċjali) għall-attività ta' riċerka; (ċ) l-ispejjeż ta' konsulenza u servizzi ekwivalenti użati esklussivament għall-attività ta' riċerka, inkluż ir-riċerka li tkun inġiebet minn barra, tagħrif tekniku, privattivi, eċċ.; (d) spejjeż ta' l-operat addizzjonali minfuqa direttament bħala riżultat ta' l-attività tar-riċerka; (e) spejjeż oħra ta' l-operat (bħalma huma l-materjal, il-provvisti u dawk simili), minfuqa direttament bħala riżultat ta' l-attività tar-riċerka. L-ewwel subparagrafu m'għandux japplika għal ajruplani ċivili (kif spejagati fil-Ftehim dwar il-Kummerċ ta' Ajruplani Ċivili ta' l-1979, kif emendat, jew f'xi Ftehim ieħor li jsir aktar tard li jemenda jew jibdel dan il-Ftehim). Għall-iskop ta' l-ewwel subparagrafu: (a) il-livelli permissibbli għal sussidju mhux ta' kumpens għandu jkun stabbilit b'referenza għat-total ta' l-ispejjeż eliġibbli li jintefqu matul iż-żmien kollu ta' proġett individwali. Fil-każ ta' programmi li jkopru kemm "riċerka industrijali" u "attività ta' żvilupp pre-kompetittiv", il-livell permess għal sussidju mhux ta' kumpens m'għandux jeċċedi l-medja sempliċi tal-livelli permessi ta' sussidju mhux ta' kumpens kif applikat għal dawn iż-żewġ kategoriji t'hawn fuq, kalkulat fuq il-bażi ta' l-ispejjeż kollha eliġibbli kif imniżżla fil-punti (a) sa (e) ta' l-ewwel subparagrafu; (b) il-frażi "riċerka industrijali" tfisser tfittix ippjanat jew investigazzjoni kritika bl-iskop li jinstab tagħrif ġdid, bil-għan li dan it-taghrif jista’ jkun utli fl-iżvilupp ta' prodotti ġodda, servizzi ta' proċessar, jew li jġib titjib sinifikanti fi prodotti eżistenti, proċessi jew servizzi; (ċ) il-frażi "attività ta' żvilupp pre-kompetittiv" tfisser it-traduzzjoni tar-riċerka industrijali fi pjan, abbozz jew disinn għal prodotti, proċessi jew servizzi ġodda, modifikati jew imtejba, kemm jekk intenzjonati għall-bejgħ jew għall-użu, inkluż il-ħolqien ta' l-ewwel prototipi li ma jkunux tajbin għal użu kummerċjali. Tista’ wkoll tinkludi l-formulazzjoni konċettwali u d-disinn ta' prodotti, proċessi jew servizzi alternattivi u l-bidu ta' proġetti dimostrattivi jew piloti, kemm-il darba dawn l-istess proġetti ma jistgħux ikunu konvertiti jew użati għal applikazzjoni ndustrijali jew sfruttar kummerċjali. Ma tinkludix ir-rutina jew l-alterazzjonijiet perjodiċi ta' prodotti eżistenti, linji ta' produzzjoni, proċessar tal-manufattura, servizzi, u operazjonijiet oħra fis-seħħ anki jekk dawk l-alterazzjonijiet jistgħu jirrapreżentaw titjib. 3. Sussidji lil reġjuni żvantaġġati fit-territorju tal-pajjiż ta' l-oriġini u/jew esportazzjoni, mogħtija skond qafas ġenerali ta' l-iżvilupp reġjonali, li għandu jkun mhux speċifiku jekk il-kriterji mniżżla fl-Artikolu 3(2) u (3) kienu applikati għal kull reġjun eliġibbli konċernat, m'għandhomx ikunu soġġetti għal miżuri ta' kumpens, kemm-il darba: (a) kull reġjun żvantaġġat huwa żona ġeografika kontigwa speċifikament indikata b'mod ċar b'identità ekonomika u amministrattiva definita; (b) ir-reġjun huwa meqjus bħala żvantaġġat fuq il-bażi ta' kriterji newtrali u oġġettivi, li jindikaw li d-diffikultajiet tar-reġjun joħorġu aktar miċ-ċirkostanzi temporanji; dawn il-kriterji jridu jkunu dettaljati b'mod ċar b’liġi, regolament, jew dokument uffiċjali ieħor, sabiex tkun tista tiġi verifikata; (ċ) il-kriterji msemmija taħt (b) jinkludu l-kejl ta' l-iżvilupp ekonomiku li għandu jkun bażat fuq għall-anqas wieħed mill-fatturi li ġejjin: - jew id-dħul per capita, jew id-dħul tal-familja per capita, jew il-GDP per capita, li ma jistax ikun aktar minn 85 % tal-medja tat-territorju tal-pajjiż ta' l-oriġini jew ta' l-esportazzjoni konċernat, - ir-rata tal-qgħad, li għandha tkun mill-anqas ta' 110 % tal-medja għat-territorju tal-pajjiż ta' l-oriġini jew ta' l-esportazzjoni konċernat; kif imkejla fuq perjodu ta' tlett snin; dan il-kejl, b'dana kollu, jista’ jkun wieħed kumpless u jista’ jinkludi fatturi oħra. Għall-iskop ta' l-ewwel subparagrafu: (a) "qafas ġenerali ta' żvilupp reġjonali" jfisser li l-programmi ta' sussidju reġjonali huma parti minn politika ta' żvilupp reġjonali ġeneralment applikabbli u internament konsistenti u li s-sussidji għal żvilupp reġjonali ma jingħatawx f'punti ġeografiċi iżolati li ma jkollhomx, jew kważi ma jkollhomx, influwenza fuq l-iżvilupp tar-reġjun; (b) "kriterji newtrali u oġġettivi" tfisser kriterji li ma jiffavorixxux lil ċerti reġjuni aktar milli hu xieraq għat-tneħħija jew tnaqqis ta' diverġenzi reġjonali fil-qafas tal-politika ta' żvilupp reġjonali. F'dan ir-rigward, programmi ta' sussidju reġjonali għandhom jinkludu limitu fuq l-ammont ta' sussidju li jista’ jingħata lil kull proġett sussidjat. Dawn il-limiti għandhom jiġu differenzjati skond il-livelli differenti ta' żvilupp tar-reġjuni eliġibbli u għandhom ikunu espressi f'termini ta' spejjeż ta' investiment jew spejjeż għall-ħolqien tax-xogħol. Fi ħdan dawn il-limiti, id-distribuzzjoni ta' sussidju għandha tkun wiesgħa u ugwali biżżejjed sabiex tevita l-użu predominanti ta' sussidju minn, jew l-għoti ta' ammonti sproporzjonati ta' sussidju lil, ċerti intrapriżi. Din id-disposizzjoni għandha tkun applikata fid-dawl tal-kriterji mniżżla fl-Artikolu 3(2) u (3). 4. Sussidji li jippromwovu l-adattattament tal-faċilitajiet eżistenti għall-ħtiġijiet ambjentali ġodda imposti bil-liġi u/jew regolament li jirriżultaw f'rabta u toqol finanzjarju akbar fuq ditti, m'għandhomx ikunu soġġetti għal miżuri ta' kumpens, kemm-il darba s-sussidju: (a) huwa miżura ta' darba li ma terġax isseħħ; u (b) huwa limitat għal 20 % ta' l-ispejjeż ta' l-adattattament; u (ċ) ma jkoprix l-ispejjeż għat-tibdil u t-tħaddim ta' l-investiment sussidjat, li għandhom jaqgħu kollha fuq id-ditti; u (d) huwa direttament marbut ma’ u proporzjonat għat-tnaqqis ippjanat mid-ditta tal-fastidju u t-tniġġis, u ma jkopri ebda frankar fl-ispejjeż tal-manufattura li jkunu jistgħu jintlaħqu; u (e) jkun disponibbli għad-ditti kollha li jistgħu jadottaw tagħmir u/jew proċessi ta' produzzjoni ġodda. Għall-iskop ta' l-ewwel subparagrafu il-frażi "faċilitajiet eżistenti" tfisser il-faċilitajiet li jkunu ilhom joperaw mill-inqas għal sentejn fiż-żmien meta l-ħtiġijiet ġodda ambjentali jkunu imposti. Artikolu 5 Kalkolu ta' l-ammont ta' sussidju ta' kumpens L-ammont ta' sussidji ta' kumpens, għall-iskopijiet ta' dan ir-Regolament, għandhom jiġu kalkulati fit-termini tal-benefiċċji mogħtija lill-benefiċjarju, li jinstabu li jkunu jeżistu matul il-perjodu ta' investigazzjoni dwar is-sussidjar. Normalment dan il-perjodu għandu jkun l-aktar sena fiskali riċenti għall-benefiċjarju, imma jista’ jkun xi perjodu ieħor ta' mill-inqas sitt xhur qabel ma tibda l-investigazzjoni, li għalih ikun hemm disponibbli tagħrif finanzjarju ta' min jorbot fuqu u tagħrif ieħor relevanti. Artikolu 6 Kalkolu tal-benefiċċju lill-benefiċjarju F'dak li jirrigwarda l-kalkolu ta' benefiċċji lill-benefiċjarju, ir-regoli li ġejjin għandhom japplikaw: (a) għotja governattiva ta' equity capital m'għandhiex tiġi kunsidrata li tagħti xi benefiċċju, sakemm l-investiment ikun meqjus bħala inkonsistenti mal-prattika ta' investiment tas-soltu (inkluż għall-għotja ta' kapital ta' riskju) ta' investituri privati fit-territorju tal-pajjiż ta' l-oriġini u/jew ta' l-esportazzjoni; (b) self minn gvern m'għandux jitqies li jkun jagħti xi benefiċċju, sakemm ma jkunx hemm differenza bejn l-ammont li d-ditta li tkun tirċievi s-self tħallas fuq is-self tal-gvern u l-ammont li dik id-ditta jkollha tħallas għal self kummerċjali komparabbli li d-ditta setgħet attwalment tikseb fis-suq. F'dak il-każ, il-benefiċċju għandu jkun id-differenza bejn dawn iż-żewg ammonti; (ċ) garanzija ta' self minn gvern m'għandhiex tkun meqjusa bħala għotja ta' xi benefiċċju, sakemm ma jkunx hemm differenza bejn l-ammont li d-ditta li tirċievi l-garanzija tħallas fuq self garantit mill-gvern u l-ammont li d-ditta jkollha tħallas għal self kummerċjali komparabbli fin-nuqqas ta' garanzija governattiva. F'dan il-każ il-benefiċċju jkun id-differenza bejn dawn iż-żewġ ammonti, b'aġġustament għal xi differenzi fl-ispejjeż; (d) l-għotja ta' oġġetti jew servizzi jew xiri ta' oġġetti mill-gvern m'għandhiex tkun kunsidrata bħala għotja ta' xi benefiċċju, sakemm l-għotja ssir għal remunerazzjoni li tkun anqas minn dik adegwata jew li x-xiri jsir għal remunerazzjoni li tkun aktar milli adegwata. Remunerazzjoni adegwata għandha tkun determinata b'referenza għall-kondizzjonijiet tas-suq prevalenti għall-prodott jew servizz in kwistjoni fil-pajjiż ta' l-għotja jew tax-xiri (inkluż il-prezz, il-kwalità, id-disponibiltà, kemm jinbiegħ, it-trasport u l-kondizzjonijiet oħra tax-xiri jew tal-bejgħ). Artikolu 7 Disposizzjonijiet ġenerali dwar il-kalkoli 1. L-ammont ta' sussidji ta' kumpens għandu jkun stabbilit għal kull unità tal-prodott sussidjat esportat lejn il-Komunità. Biex jiġi stabbilit dan l-ammont jistgħu jitnaqqsu l-elementi li ġejjin mit-total tas-sussidju: (a) kull miżata għall-applikazzjoni, jew spejjeż oħra minfuqa kif meħtieġ sabiex jikkwalifika għal, jew jakkwista, is-sussidju; (b) taxxi ta' l-esportazzjoni, dazji jew tariffi oħra imposti fuq l-esportazzjoni tal-prodott lejn il-Komunità speċifikament intenzjonati li jpaċu s-sussidju. Meta parti interessata tagħmel talba għal tnaqqis, hi għandha tiġġustifika t-talba tagħha. 2. Meta s-sussidju ma jingħatax b'referenza għall-kwantitajiet manifatturati, maħduma, esportati jew trasportati, l-ammont tas-sussidju ta' kumpens għandu jkun stabbilit bl-allokazjoni tal-valur tas-sussidju totali, kif xieraq, fuq il-livell ta' produzzjoni, bejgħ, jew esportazzjoni tal-prodotti konċernati matul il-perjodu ta' l-investigazzjoni dwar is-sussidjar. 3. Meta s-sussidju jkun jista’ jiġi marbut ma’ l-akkwist jew l-akkwist futuri ta' assi fissi, l-ammont ta' sussidju ta' kumpens għandu jkun kalkulat billi s-sussidju jkun mifrux fuq perjodu li jirrifletti d-diprezzament normali ta' dawn l-assi fl-industrija konċernata. L-ammont hekk kalkulat li jkun attribwit għall-perjodu ta' l-investigazzjoni, inkluż dak li jiġi mill-assi fissi akkwistati qabel dan il-perjodu, għandhom ikunu allokati kif deskritti fil-paragrafu 2. Meta l-assi ma jkollhomx diprezzament, is-sussidju għandu jkun stmat bħala self mingħajr imgħax, u jkun trattat skond l-Artikolu 6(b). 4. Meta s-sussidju ma jkunx jista’ jiġi marbut ma’ l-akkwist ta' assi fissi, l-ammont ta' benefiċċju riċevut matul il-perjodu ta' l-invetigazzjoni għandu, fil-prinċipju, jkun attribwit għal dan il-perjodu, u allokat kif deskritt fil-paragrafu 2, sakemm ma jkunx hemm ċirkostanzi speċjali li jiġġustifikaw l-attribuzzjoni f'perjodu ieħor. Artikolu 8 Determinazzjoni tal-ħsara 1. Għall-iskop ta' dan ir-Regolament, it-termini "ħsara" għandha, sakemm mhux speċifikat mod ieħor, tittieħed li tfisser ħsara materjali lill-industrija tal-Komunità, theddid ta' ħsara materjali lill-industrija tal-Komunità jew dewmien materjali fit-twaqqif ta' din l-industrija u għandha tkun interpretata skond id-disposizzjonijiet ta' dan l-Artikolu. 2. Id-deċisjoni ta' ħsara għandha tkun ibbażata fuq xiehda pożittiva u għandha tinvolvi eżami oġġettiv kemm ta': (a) il-volum ta' l-importazzjoni sussidjata u l-effett ta' l-importazzjoni sussidjata fuq il-prezzijiet fis-suq tal-Komunità għal prodotti simili; u (b) l-impatt riżultanti ta' dik l-importazzjoni fuq l-industrija tal-Komunità. 3. F'dak li għandu x'jaqsam mal-volum ta' l-importazzjoni sussidjata, għandha tingħata konsiderazzjoni għal jekk kienx hemm żjieda sinifikanti fl-importazzjoni sussidjata, sew f'termini assoluti jew relattivi għall-produzzjoni jew konsum fil-Komunità. F'dak li jirrigwarda l-effett ta' l-importazzjoni sussidjata fuq il-prezzijiet, għandu jiġi meqjus jekk kienx hemm traqqis sinifikanti li jwaqqa’ l-prezzijiet permezz ta' l-importazzjoni sussidjata kif imqabbla mal-prezz ta' prodott simili ta' l-industrija tal-Komunità, jew jekk l-effett ta' din l-importazzjoni jkunx li b'mod ieħor iwaqqa’ l-prezzijiet b'mod sinifikanti jew jipprevjeni ż-żjieda fil-prezz illi kieku kienet isseħħ, sa livel sinifikanti. L-ebda wieħed jew aktar minn dawn il-fatturi ma jista neċessarjament jagħti gwida definittiva. 4. Meta l-importazzjoni ta' prodott minn aktar minn pajjiż wieħed huma fl-istess żmien soġġetti għal investigazzjonijiet ta' dazju ta' kumpens, l-effett ta' din l-importazzjoni għandha tkun kumulattivament stmata biss jekk ikun stabbilit li: (a) l-ammont ta' sussidji ta' kumpens stabbiliti b'relazjoni ma’ l-importazzjoni minn kull pajjiż ikun aktar mill-minimu kif imfisser fl-Artikolu 14(5) u li l-volum ta' l-importazzjoni minn kull pajjiż ma jkunx negliġibbli; u (b) l-istima kumulattiva ta' l-effett ta' l-importazzjoni tkun approprjata fid-dawl tal-kondizzjonijiet ta' kompetizjoni bejn il-prodotti mportati u l-kondizzjonijiet ta' kompetittività bejn il-prodotti mportati u l-prodott simili tal-Komunità. 5. L-eżami ta' l-impatt ta' l-importazzjoni sussidjata fuq l-industrija tal-Komunità konċernata għandha tinkludi evalwazzjoni tal-fatturi ekonomiċi kollha u l-indiċi li għandhom effett fuq l-istat ta' l-industrija, inkluż: il-fatt li industrija tkun għadha fil-proċess ta' rkupru mill-effetti ta' sussidji jew iddampjar tal-passat, il-kobor ta' l-ammont ta' sussidji ta' kumpens, tnaqqis attwali u potenzjali fil-bejgħ, profitti, produzzjoni, sehem mis-suq, produttività, dħul fuq l-investimenti, utilizzar tal-kapaċità; fatturi li jeffettwaw il-prezzijiet tal-Komunità; effetti negattivi attwali jew potenzjali fuq il-likwidità, inventarji, impjiegi, salarji, tkabbir, il-kapaċità li jiġi akkwistat kapital jew investimenti u, fil-każ ta' l-agrikoltura, jekk kienx hemm piż akbar fuq il-programmi governattivi ta' għajnuna. Din il-lista m'hijiex eżawrenti, l-anqas ma jista’ xi wieħed minn dawn il-fatturi neċessarjament ikun ta' gwida deċiżiva. 6. Għandu jintwera, mix-xiehda relevanti preżentata f'relazzjoni mal-paragrafu 2, li l-importazzjoni sussidjata qed toħloq ħsara skond id-definizjoni ta' dan ir-Regolament. B'mod speċifiku, dan jeħtieġ dimostrazzjoni li l-volum u/jew il-livelli tal-prezzijiet identifikati bis-saħħa tal-paragrafu 3 huma responsabbli għall-impatt fuq l-industrija tal-Komunità kif huwa stabbilit fil-paragrafu 5, u li dan l-impatt jeżisti sal-grad li jġiegħel li tkun klassifikata bħala materjali. 7. Fatturi magħrufa, minbarra l-importazzjoni sussidjata li tkun qed tagħmel ħsara lill-industrija tal-Komunità fl-istess żmien, għandhom jiġu eżaminati sabiex jassiguraw li l-ħsara kkawżata minn dawn il-fatturi ma tkunx attribwita għall-importazzjoni sussidjata skond il-paragrafu 6. Fatturi li jistgħu jkunu kunsidrati f'dan ir-rigward jinkludu l-volum u l-prezzijiet ta' l-importazzjoni li ma tkunx sussidjata, nuqqas fit-talba jew tibdil fix-xejra tal-konsum, prattiċi tal-kummerċ restrittivi ta', u kompetizzjoni bejn, pajjiżi terzi u l-produtturi tal-Komunità, żviluppi fit-teknoloġija u l-prestazzjoni ta' l-esportazjoni u l-produttività ta' l-industrija tal-Komunità. 8. L-effett ta' l-importazzjoni sussidjata għandu jkun stmat b’relazjoni mal-produzzjoni ta' l-industrija tal-Komunità ta' prodott simili meta l-informazzjoni disponibbli tippermetti l-identifikazzjoni separata ta' dik il-produzzjoni fuq il-bażi ta' kriterji bħalma hu l-proċess tal-produzjoni, il-bejgħ u l-profitti tal-produtturi. Jekk din l-identifikazzjoni separata tal-produzzjoni ma tkunx possibbli, l-effetti ta' l-importazzjoni sussidjata għandha tkun stmata billi jsir eżami tal-produzzjoni ta' l-inqas grupp jew sensiela ta' prodotti inkluż il-prodott simili, li għalihom tista tingħata l-informazzjoni meħtieġa. 9. Sejba ta' theddida jew ta' ħsara materjali għandha tkun bażata fuq il-fatti u mhux biss fuq allegazzjonijiet, suppożizzjoni jew xi possibiltà remota. Il-bidla fiċ-ċirkustanzi li tista’ toħloq xi sitwazzjoni fejn is-sussidju joħloq dannu, għandha tkun tidher ċar bil-quddiem u tkun imminenti. Meta tittieħed deċiżjoni dwar l-eżistenza ta' xi theddida ta' dannu materjali, għandhom jiġu meqjusa, inter alia, fatturi bħal: (a) in-natura tas-sussidju jew sussidji f'dak il-każ u l-effetti tal-kummerċ li aktarx jirriżultaw minnhom; (b) iż-żjieda sinifikanti ta' l-importazzjoni sussidjata fis-suq tal-Komunità li tindika il-possibiltà ta' żjieda sostanzjali fl-importazzjoni; (ċ) kapaċità disponibbli b'mod liberu u suffiċjenti għall-esportatur jew żjieda sostanzjali iminenti f'din il-kapaċità li tindika l-possibiltà ta' żjieda sostanzjali ta' esportazzjoni sussidjata lejn il-Komunità, waqt li jittieħed kont ta' l-aċċessibiltà ta' swieq oħra ta' l-esportazzjoni li jassorbu l-esportazzjoni addizzjonali; (d) jekk l-importazzjoni hijiex qiegħda tiddaħħal bi prezzijiet li tkun, sa grad sinifikanti, twaqqa’ l-prezzijiet jew iżżomm żjieda fil-prezzijiet illi kieku kienet isseħħ, u li aktarx iżżid it-talba għal aktar importazzjoni; u (e) l-inventarji tal-prodott li jkun qiegħed jiġi investigat. L-ebda wieħed mill-fatturi mniżżla hawn fuq ma jista’, waħdu, neċessarjament jagħti gwida deċiżiva imma t-totalità tal-fatturi kunsidrati għandhom iwasslu għall-konklużjoni illi aktar esportazjoni sussidjata hija iminenti u li, sakemm ma titteħidx azzjoni preventiva, se jseħħ dannu materjali. Artikolu 9 Definizjoni ta' industrija tal-Komunità 1. Għall-iskop ta' dan ir-Regolament, il-frażi "industrija tal-Komunità" għandha tkun interpretata bħala li tirreferi għall-produtturi kollha tal-Komunità li jipproduċu prodotti simili jew għal dawk minnhom li l-produzzjoni kollettiva tagħhom tal-prodotti tikkostitwixxi proporzjon kbir, kif definit fl-Artikolu 10(8), tal-produzzjoni totali tal-Komunità għal dawk il-prodotti, ħlief għal: (a) meta l-produtturi jkunu relatati ma’ l-esportaturi jew l-importaturi jew ikunu huma stess importaturi tal-prodott li allegatament huwa sussidjat, il-frażi "industrija tal-Komunità" tista’ tkun interpretata bħala li tirreferi għall-kumplament tal-produtturi; (b) f'ċirkostanzi eċċezzjonali t-territorju tal-Komunità jista’, għall-iskop tal-produzjoni in kwistjoni, ikun maqsum f'żewġt iswieq jew aktar kompetittivi u l-produtturi f'kull suq jistgħu jitqiesu bħala industrija separata jekk: (i) il-produtturi f'dan is-suq ibiegħu jew kważi jbiegħu il-produzzjoni kollha tal-prodott in kwistjoni f'dak is-suq, u (ii) id-domanda f'dak is-suq ma tkunx b'mod sostanzjali milħuqa mill-produtturi tal-prodott in kwistjoni, li jkunu allokati x'imkien ieħor fil-Komunità. F'dawn iċ-ċirkustanzi, id-dannu jista’ jinstab li jeżisti anki meta porzjoni kbira ta' l-industrija totali tal-Komunità ma tkunx sofriet dannu, kemm-il darba jkun hemm konċentrazzjoni ta' importazzjoni sussidjata f'dak is-suq iżolat u kemm-il darba wkoll li l-importazzjoni sussidjata tkun qiegħda toħloq dannu lill-produtturi tal-produzzjoni kollha jew kważi kollha fi ħdan dak is-suq. 2. Għall-iskop tal-paragrafu 1, il-produtturi għandhom ikunu meqjusa li huma relatati mal-esportaturi jew l-importaturi biss jekk: (a) wieħed minnhom, direttament jew indirettament jikkontrolla lill-ieħor; jew (b) it-tnejn li huma jinsabu direttament jew indirettament kontrollati minn terza persuna; jew (ċ) flimkien, direttament jew indirettament jikkontrollaw terza persuna, kemm-il darba jkun hemm bażi li jitwemmen jew li jkun suspettat li l-effett tar-relazzjoni hija tali li ġġiegħel lill-produttur konċernat li jġib ruħu differenti minn produtturi li mhumiex relatati. Għall-iskop ta' dan il-paragrafu, wieħed ikun meqjus li jikkontrolla lill-ieħor meta ta' l-ewwel huwa legalment jew operattivament f'qagħda li jeżerċita kontroll jew restrizzjoni fuq it-tieni. 3. Meta l-industrija tal-Komunità tkun ġiet interpretata li tirreferi għall-produtturi f'ċerta żona, l-esportaturi jew il-gvern li jkun ikkonċeda s-sussidji ta' kumpens għandhom jingħataw l-opportunità li joffru impenn skond l-Artikolu 13 f'dak li għandu x'jaqsam mar-reġjun konċernat. F'każijiet bħal dawn, meta jkunu qegħdin jiġu evalwati l-interessi tal-miżuri tal-Komunità, għandu jittieħed kont speċjali ta' l-interess taż-żona. Jekk ma jingħatax impenn adegwat mingħajr dewmien jew jekk is-sitwazzjonijiet kif spjegati fl-Artikolu 13(9) u (10) japplikaw, jista’ jkun impost dazju ta' kumpens provisorju jew definittiv għall-Komunità kollha. F'każijiet bħal dawn id-dazji jistgħu, jekk prattikabbli, ikunu limitati għal produtturi jew esportaturi speċifiċi. 4. Id-disposizzjonijiet ta' l-Artikolu 8(8) għandhom japplikaw għal dan l-Artikolu. Artikolu 10 Il-bidu tal-proċeduri 1. Ħlief kif provdut fil-paragrafu 10, meta jkun hemm ilment bil-miktub minn xi persuna naturali jew legali, jew xi assoċjazzjoni li m'għandiex personalità legali, li tkun qed titkellem f'isem l-industrija tal-Komunità, għandha tinbeda investigazzjoni biex tistabbilixxi l-eżistenza, grad jew effett ta' xi allegat sussidju. L-ilment jista’ jiġi sottomess lill-Kummisjoni, jew lil Stat Membru, li għandu jgħaddih lill-Kummissjoni. Il-Kummissjoni għandha tibgħat kopja ta' l-ilment li tkun irċeviet lill-Istati Membri. L-ilment għandu jkun meqjus bħala li sar fl-ewwel jum tax-xogħol wara li jkun twassal lill-Kummissjoni b'posta reġistrata jew bil-ħruġ ta' nota tal-wasla tiegħu mill-Kummissjoni. Meta, fin-nuqqas ta' xi ilment, Stat Membru jkollu pussess ta' xiehda suffiċjenti ta' sussidjar u tad-dannu li jirriżulta lill-industrija tal-Komunità, huwa għandu jgħarraf immedjatament lill-Kummissjoni b'dik ix-xiehda. 2. Ilment kif imsemmi fil-paragrafu 1 għandu jinkludi evidenza biżżejjed ta' sussidji ta' kumpens (inkluż, jekk possibbli, l-ammont tagħhom), id-dannu u r-rabta kawżali bejn l-allegata importazzjoni sussidjata u d-dannu allegat. L-ilment għandu jkun fih dik l-informazzjoni li raġonevolment tkun aċċessibbli għal dak li jagħmel l-ilment, dwar dan li ġej: (a) l-identità ta' min jagħmel l-ilment u deskrizzjoni tal-volum u l-valur tal-produzzjoni tal-Komunità tal-prodott simili minn min jagħmel l-ilment. Meta ilment bil-miktub isir f'isem l-industrija tal-Komunità, l-ilment għandu jidentifika l-industrija li f'isimha l-ilment ikun sar b'lista ta' dawk il-produtturi magħrufa kollha tal-prodott simili fil-Komunità (jew għaqdiet ta' produtturi tal-Komunità tal-prodott simili) u, safejn hu possibli, deskrizzjoni tal-volum u l-valur tal-produzzjoni tal-Komunità tal-prodott simili kif magħruf minn dawn il-produtturi; (b) deskrizzjoni sħiħa tal-prodott li huwa allegatament sussidjat, l-ismijiet tal-pajjiż jew pajjiżi ta' l-oriġini u/jew ta' l-esportazzjoni in kwestjoni, l-identità ta' kull wieħed mill-esportaturi jew produtturi barranin magħrufa u lista ta' persuni magħrufa li jimportaw l-imsemmi prodott; (ċ) xiehda dwar l-eżistenza, l-ammont, in-natura u l-ammont ta' kumpens ta' l-imsemmija sussidji; (d) informazzjoni dwar tibdil fil-volum ta' l-allegata importazzjoni sussidjata, l-effett ta' din l-importazzjoni fuq il-prezzijiet ta' prodott simili fis-suq tal-Komunità u l-impatt konsegwenti ta' l-importazzjoni fuq l-industrija tal-Komunità, kif murija mill-fatturi relevanti u l-indiċi li jkollhom effett fuq l-istat ta' l-industrija tal-Komunità, bħal dawk imniżżla fl-Artikolu 8(3) u (5). 3. Il-Kummissjoni għandha, sa fejn hu possibli, teżamina r-reqqa u l-adegwatezza tax-xiehda provduta fl-ilment, sabiex tistabbilixxi jekk ikunx hemm xiehda suffiċjenti li tiġġustifika l-bidu ta' l-investigazzjoni. 4. Investigazzjoni tista’ tinbeda sabiex jiġi stabbilit jekk l-allegati sussidji jkunux "speċifiċi" jew le, skond it-tifsira ta' l-Artikolu 3(2) u (3). 5. Investigazzjoni tista’ wkoll tinbeda dwar sussidji li mhumiex ta' kumpens skond l-Artikolu 4(2), (3) jew (4), sabiex jiġi stabbilit jekk il-kondizzjonijiet kif imniżżla f'dawk il-paragrafi jkunux intlaħqu jew le. 6. Jekk jingħata sussidju permezz ta' programm ta' sussidji li jkun ġie mgħarraf bil-quddiem bl-implimentazzjoni tiegħu lill-Kumitat ta' l-WTO dwar is-Sussidji u l-Miżuri ta' Kumpens skond l-Artikolu 8 tal-Ftehim tas-Sussidji, u li dwaru il-Kumitat ikun naqas li jistabbilixxi li l-kondizzjonijiet kif imniżżla fl-Artikolu 8 tal-Ftehim tas-Sussidji ma jkunux ġew milħuqa, m'għandhiex tinbeda investigazzjoni dwar sussidju mogħti permezz ta' programm bħal dan, sakemm ma jkunx ġie konfermat ksur ta' l-Artikolu 8 tal-Ftehim tas-Sussidji mill-Organu li Jiddeċiedi dwar Tilwimiet ta' l-WTO jew permezz ta' arbitraġġ kif stabbilit fl-Artikolu 8(5) tal-Ftehim tas-Sussidji. 7. Investigazzjoni tista’ wkoll tinbeda dwar miżuri tat-tip kif imniżżla fl-Anness IV, sal-limitu li jkollhom element ta' sussidju kif definit bl-Artikolu 2, sabiex jiġi stabbilit jekk il-miżuri f'dan il-każ ikunux kompletament konformi mad-disposizzjonijiet ta' dak l-Anness. 8. Investigazzjoni m'għandhiex tinbeda taħt il-paragrafu 1 sakemm ma jkunx ġie stabbilit, fuq il-bażi ta' eżami dwar il-qofol ta' l-għajnuna għal, jew oppożizzjoni għal, l-ilment magħmul mill-produtturi tal-Komunità ta' prodott simili, li l-ilment kien magħmul minn jew f'isem l-industrija tal-Komunità. L-ilment għandu jitqies li jkun sar minn jew f'isem l-industrija tal-Komunità jekk ikollu l-appoġġ tal-produtturi tal-Komunità li l-produzzjoni kollettiva tagħhom tikkostitwixxi aktar minn 50 % tal-produzzjoni totali tal-prodott simili, prodott minn dik il-parti ta' l-industrija tal-Komunità li turi appoġġ għal jew oppożizzjoni għall-ilment. B'danakollu, l-ebda investigazzjoni m'għandha tinbeda meta l-produtturi tal-Komunità li espressament jappoġjaw l-ilment jammontaw għal anqas minn 25 % tal-produzzjoni totali tal-prodott simili magħmul mill-industrija tal-Komunità. 9. L-awtoritajiet għandhom, sa kemm ma tkunx ittieħdet deċiżjoni biex tinbeda investigazzjoni, jevitaw li jippubliċizzaw l-ilment li jkun qed ifittex li tinbeda investigazzjoni. B'danakollu, kemm jista’ jkun malajr wara li jirċievi l-ilment dokumentat kif suppost skond dan l-Artikolu, u fi kwalunkwe każ qabel ma tibda l-investigazzjoni, il-Kummissjoni għandha tavża lill-pajjiż ta' l-oriġini u/jew ta' l-esportazzjoni konċernat, li għandu jkun mistieden għal konsultazzjonijiet bil-għan li tkun iċċarata s-sitwazzjoni dwar il-materji kif imsemmija fil-paragrafu 2 u li jaslu għal soluzzjoni bi ftehim reċiproku. 10. Jekk, f'ċirkostanzi speċjali, il-Kummissjoni tiddeċiedi li tibda investigazzjoni mingħajr ma tkun irċeviet ilment bil-miktub minn jew f'isem l-industrija tal-Komunità sabiex tinbeda din l-investigazzjoni, din għandha ssir fuq il-bażi ta' xiehda suffiċjenti ta' l-eżistenza ta' sussidji ta' kumpens, danni u rabta kawżali, kif deskritti fil-paragrafu 2, biex ikun ġustifikat dan il-bidu. 11. I x-xiehda kemm tas-sussidji u tad-danni għandhom ikunu meqjusa flimkien fit-teħid tad-deċiżjoni dwar jekk għandhiex tinbeda investigazzjoni jew le. Ilment għandu jkun miċħud meta ma jkunx hemm xiehda biżżejjed jew tas-sussidji ta' kumpens jew tad-danni li jiġġustifikaw it-tkomplija tal-każ. Il-proċeduri m'għandhomx jinbdew kontra pajjiżi li l-importazzjoni tagħhom jirrappresentaw sehem mis-suq taħt il-1 %, sakemm dawn il-pajjiżi kollettivament ma jammontawx għal 3 % jew aktar tal-konsum tal-Komunità. 12. L-ilment jista’ jiġi irtirat qabel il-bidu, f'liema każ għandu jitqies li qatt ma sar. 13. Meta, wara konsultazzjoni, jkun jidher li ma hemmx xiehda biżżejjed li tiġġustifika l-bidu ta' proċeduri, il-Kummissjoni għandha tagħmel hekk fi żmien 45 jum mill-wasla ta' l-ilment u għandha tippubblika avviż fil-Ġurnal Uffiċjali tal-Komunitajiet Ewropej. Meta tkunx ġiet preżentata biżżejjed xiehda, min jagħmel l-ilment għandu, wara konsultazzjoni, jiġi informat dwar dan fi żmien 45 jum mid-data li fiha jkun wassal l-ilment lill-Kummissjoni. 14. L-avviż tal-bidu ta' proċeduri għandu jħabbar il-bidu ta' investigazzjoni, jindika l-prodott u l-pajjiż konċernat, jagħti riassunt ta' l-informazzjoni li tkun waslet, u jagħmel mezz li l-informazzjoni relevanti kollha tiġi komunikata lill-Kummissjoni; għandu jsemmi l-perjodi li matulhom dawk il-partijiet interessati jkunu jistgħu jidentifikaw irwieħhom, jippreżentaw l-opinijonijiet tagħhom bil-kitba u jissottomettu l-informazzjoni, jekk dawn l-opinjonijiet u l-informazzjoni jkunu sejrin jiġu kunsidrati fl-investigazzjoni; għandu wkoll iħabbar il-perjodu li fih dawk il-partijiet li huma interessati jistgħu japplikaw biex jinstemgħu mill-Kummissjoni skond l-Artikolu 11(5). 15. Il-Kummissjoni għandha tavża lill-esportaturi, lill-importaturi u lir-rappreżentanti ta' l-għaqdiet ta' l-importaturi jew l-esportaturi lilha magħrufa li huma nvoluti, kif ukoll lill-pajjiż ta' l-oriġini u/jew ta' l-esportazzjoni u lil dawk li jkunu għamlu l-ilment, bil-bidu tal-proċeduri u, b'attenzjoni xierqa għall-protezzjoni ta' informazzjoni kunfidenzjali, tipprovdi t-test kollu ta' l-ilment bil-kitba li għalih issir referenza fil-paragrafu 1 lill-esportaturi magħrufa u lill-awtoritajiet tal-pajjiż ta' l-oriġini u/jew ta' l-esportazzjoni, u fuq talba tagħmlu disponibbli lill-partijiet interessati li jkunu involuti. Meta n-numru ta' esportaturi involuti jkun partikolarment għoli, it-test kollu ta' l-ilment bil-miktub jista’ minflok jingħata biss lill-awtoritajiet tal-pajjiż ta' l-oriġini u/jew ta' l-esportazzjoni jew lill-assoċjazzjoni tal-kummerċ relevanti. 16. Investigazzjoni dwar dazju ta' kumpens m'għandhiex tfixkel il-proċeduri doganali li tapprova l-importazzjoni. Artikolu 11 L-investigazzjoni 1. Wara l-bidu tal-proċedura, il-Kummissjoni, b'koperazzjoni ma’ l-Istati Membri, għandha tibda investigazzjoni fuq livell Komunitarju. Din l-investigazzjoni għandha tkopri kemm is-sussidji kif ukoll id-danni, u dawn għandhom jiġu investigati flimkien. Għall-iskop ta' sejba rappreżentattiva, għandu jintagħżel perjodu ta' investigazzjoni li, fil-każ ta' sussidju għandu, normalment, ikopri l-perjodu ta' investigazzjoni stabbilit fl-Artikolu 5. L-informazzjoni marbuta ma’ perjodu sussegwenti għall-perjodu ta' l-investigazzjoni m'għandux, normalment, jiġi kunsidrat. 2. Il-partijiet li jirċievu l-kwestjonarji wżati fl-investigazzjoni ta' dazji ta' kumpens għandhom jingħataw mill-anqas 30 jum biex iwieġbu. Il-limitu taż-żmien għall-esportaturi għandu jibda jgħodd mid-data ta' meta jirċievu l-kwestjonarju, li għal dan il-għan għandu jkun meqjus li jkun wasal fi żmien ġimgħa mill-jum li fih ikun intbagħat lil dak li għandu jwieġeb jew trasmess lir-rappreżentant diplomatiku kif xieraq tal-pajjiż ta' l-oriġini u/jew ta' l-esportazzjoni. Estensjoni għall-perjodu ta' 30 jum jista’ jingħata, filwaqt li jittieħed kont tal-limiti taż-żmien ta' l-investigazzjoni, kemm-il darba l-parti turi raġuni tajba għal din l-estensjoni, fit-termini taċ-ċirkustanzi partikolari. 3. Il-Kummissjoni tista’ titlob lill-Istati Membri sabiex jipprovdu informazzjoni, u l-Istati Membri għandhom jieħdu dawk il-passi kollha meqjusa bħala neċessarji sabiex jissodisfaw dawn it-talbiet. Għandhom jibagħtu l-informazzjoni mitluba lill-Kummissjoni flimkien mar-riżultati ta' l-ispezzjonijiet, tal-kontrolli jew ta' l-investigazzjonijiet li jkunu saru. Meta din l-informazzjoni tkun ta' interess ġenerali jew meta t-trasmissjoni tagħha tkun ġiet mitluba minn Stat Membru, il-Kummissjoni għandha tgħaddiha lill-Istati Membri, sakemm ma tkunx kunfidenzjali, f'liema każ, għandu jintbagħat sommarju mhux kunfidenzjali. 4. Il-Kummissjoni tista’ titlob lill-Istati Membri sabiex jagħmlu l-kontrolli u l-ispezzjonijiet kollha meħtieġa, partikolarment fost l-importaturi, il-kummerċjanti u l-produtturi tal-Komunità, u li jagħmlu l-investigazzjonijiet f'pajjiżi terzi, kemm-il darba d-ditti konċernati jagħtu l-kunsens tagħhom u li l-gvern tal-pajjiż in kwistjoni jkun ġie mgħarraf uffiċjalment u ma jsib ebda oġġezzjoni. l-Istati Membri għandhom jieħdu dawk il-passi kollha meħtieġa sabiex jissodisfaw dawn it-talbiet mill-Kummissjoni. L-uffiċjali tal-Kummissjoni għandhom ikun awtorizzati, jekk il-Kummissjoni jew l-Istat Membru hekk jitlob, biex jgħinu lill-uffiċjali ta' l-Istati Membri sabiex iwettqu d-doveri tagħhom. 5. Il-partijiet interessati li jkunu wrew l-interess tagħhom skond l-Artikolu 10 (14), għandhom jinstemgħu jekk huma, fiż-żmien tal-perjodu stabbilit fl-avviż pubblikat fil-Ġurnal Uffiċjali tal-Komunitajiet Ewropej, għamlu talba bil-miktub għal smigħ u wrew li huma parti li għandha interess li aktarx tkun affettwata bir-riżultat tal-proċeduri u li jkun hemm raġunijiet partikolari għalfejn għandhom jinstemgħu. 6. Fuq talba, għandhom jingħataw opportunitajiet lill-importaturi, l-esportaturi u lil dawk li jagħmlu l-ilment, li jkunu wrew l-interess tagħhom skond kif stabbilit fl-Artikolu 10 (14), u l-gvern tal-pajjiż ta' l-oriġini u/jew esportatur, li jiltaqghu ma’ dawk il-partijiet li jkollhom interessi kuntrarji, sabiex jkunu jistgħu jiġu preżentati opinjonijiet opposti u offruti argumenti kuntrarji. Dawn l-opportunitajiet għandhom jikkunsidraw il-ħtieġa li tiġi mħarsa l-kunfidenzjalità u l-konvenjenza tal-partijiet. M'għandu jkun hemm l-ebda obbligu fuq xi parti sabiex jattendi xi laqgħa, u n-nuqqas li tagħmel hekk m'għandux jippreġudika l-każ ta' dik il-parti. Informazzjoni bil-fomm provduta skond dan il-paragrafu għandha tiġi meqjusa mill-Kummissjoni sakemm din tkun sussegwentement konfermata bil-kitba. 7. Dawk li jagħmlu l-ilment, il-gvern tal-pajjiż ta' l-oriġini u/jew ta' l-esportazzjoni, l-importaturi u l-esportaturi, u l-assoċjazzjonijiet rappreżentattivi tagħhom, l-organizzazzjonijiet ta' l-utenti u tal-konsumaturi, li jkunu wrew l-interess tagħhom skond kif stabbilit fl-Artikolu 10 (14), jistgħu, fuq talba bil-miktub, jispezzjonaw l-informazzjoni kollha mgħotija lill-Kummissjoni minn kull parti fl-investigazzjoni, b'distinzjoni mid-dokumenti interni preparati mill-awtoritajiet tal-Komunità jew l-Istati Membri tagħha, li jkun relevanti għall-preżentazzjoni tal-każijiet tagħhom u li ma tkunx kunfidenzjali skond it-tifsira ta' l-Artikolu 29, u li tintuża fl-investigazzjoni. Dawn il-partijiet jistgħu iwieġbu għal din l-informazzjoni u l-kummenti tagħhom fir-risposta għandhom ikun kunsidrati kull meta jkunu adegwatament sostanzjati. 8. Ħlief fiċ-ċirkostanzi stabbiliti fl-Artikolu 28, l-informazzjoni li tingħata minn partijiet interessati u li fuqha jkunu ġew ibbażati s-sejbiet, għandha tiġi eżaminata għall-eżattezza sakemm ikun possibbli. 9. Għal proċeduri li jinbdew bis-saħħa ta' l-Artikolu 10 (13), investigazzjoni għandha tiġi konkluża fi żmien sena, kull meta dan ikun possibbli,. F’ kull każ, dawn l-investigazzjonijiet għandhom jiġu konklużi fi żmien 13-il-xahar mill-bidu tagħhom, skond is-sejbiet magħmula bis-saħħa ta' l-Artikolu 13 għal obbligi u sejbiet magħmula bis-saħħa ta' l-Artikolu 15 għal azzjoni definittiva. 10. Matul l-investigazzjoni, il-Komunità għandha tagħti lill-pajjiż ta' l-oriġini u/jew ta' l-esportazzjoni opportunità raġonevoli biex ikompli bil-konsultazzjonijiet bil-għan li jikkjarifika s-sitwazzjoni fattwali u li jaslu għal soluzjoni miftiehma bejniethom. Artikolu 12 Miżuri proviżorji 1. Jistgħu jiġu imposti dazji proviżorji jekk: (a) il-proċeduri jkunu nbdew skond l-Artikolu 10; (b) għal dan il-għan ikun ingħata avviż u l-partijiet interessati jkunu ngħataw opportunitajiet adegwati biex jissottomettu l-informazzjoni u li jagħmlu l-kummenti skond l-Artikolu 10 (14); (ċ) tkun saret determinazzjoni affermattiva provisorja li l-prodott importat ikun ibbenefika minn sussidju ta' kumpens u b'risiltat ta' dan ikkaġuna ħsara lill-industrija tal-Komunità; u (d) l-interess tal-Komunità jitlob għal intervent ħalli tiġi evitata din il-ħsara. Id-dazji proviżorji għandhom ikunu imposti mhux aktar kmieni minn 60 jum mill-bidu tal-proċeduri imma mhux aktar tard minn disa’ xhur mill-bidu tal-proċeduri. L-ammont ta' dazju ta' kumpens provisorju m'għandux jeċċedi l-ammont totali tas-sussidji ta' kumpens kif provisorjament stabbiliti imma għandu jkun inqas minn dan l-ammont, jekk dan id-dazju iżgħar ikun meqjus bħala adegwat sabiex ineħħi l-ħsara lill-industrija fil-Komunità. 2. Id-dazji proviżorji għandhom jiġu assigurati b'garanzija u r-rilaxx tal-prodotti konċernati fiċ-ċirkolazzjoni libera fil-Komunità għandu jkun marbut mal-kondizjzoni li tingħata din il-garanzija. 3. Il-Kummissjoni għandha tieħu azzjoni provisorja wara konsultazzjoni ma’ jew, fil-każ ta' urġenza kbira, wara li tinforma lill-Istati Membri. F'dan l-aħħar każ, il-konsultazzjonijiet għandhom jinżammu mhux aktar tard minn 10 jiem, wara li l-Istati Membri jkunu ġew mgħarrfa bl-azzjoni meħudha mill-Kummissjoni. 4. Meta Stat Membru jitlob intervent immedjat mill-Kummissjoni u meta l-kondizzjonijiet ta' l-ewwel u t-tieni subparagrafi tal-paragrafu 1 ikunu sodisfatti, il-Kummissjoni għandha, fi żmien massimu ta' ħamest’ ijiem ta' xogħol mill-wasla tat-talba, tiddeċiedi jekk għandhiex timponi dazju provisorju ta' kumpens. 5. Il-Kummissjoni għandha bla dewmien tinforma lill-Kunsill u lill-Istati Membri dwar kull deċiżjoni meħuda taħt il-paragrafi 1 sa 4. Il-Kunsill, fuq bażi ta' maġġoranza kwalifikata, jista’ jiddeċiedi mod ieħor. 6. Dazji proviżorji ta' kumpens għandhom ikunu imposti għal massimu ta' erba xhur. Artikolu 13 Impenji 1. L-investigazzjonijiet jistgħu jintemmu mingħajr l-imposizzjoni ta' dazji proviżorji jew definittivi mal-wasla ta' impenji voluntarji sodisfaċenti li bihom: (a) il-pajjiż ta' l-oriġini u/jew ta' l-esportazzjoni jaċċetta li jelimina jew jillimita s-sussidju jew li jieħu miżuri oħra dwar l-effetti tiegħu; (b) kull esportatur iwiegħed li jirrevedi l-prezzijiet jew li jistabbilixxi l-esportazzjoni lejn iż-żona partikolari sakemm din l-esportazzjoni tgawdi minn sussidju ta' kumpens, sabiex il-Kummissjoni, wara konsultazzjoni, tkun sodisfatta li l-effett ta' ħsara tas-sussidji jkun ġie eliminat. Iż-żjidiet fil-prezzijiet taħt dawn l-impenji m'għandhomx ikunu akbar milli meħtieġ biex ipaċu l-ammont ta' sussidji ta' kumpens, u għandhom ikunu anqas mill-ammont ta' sussidji ta' kumpens jekk dawn iż-żjidiet ikunu adegwati biex titneħħa l-ħsara lill-industrija tal-Komunità. 2. L-impenji jistgħu jiġu suġġeriti mill-Kummissjoni, imma l-ebda pajjiż jew esportatur m'għandu jkun obbligat li jintrabat b'xi impenn. Il-fatt li pajjiżi jew esportaturi ma joffrux dawn l-impenji, jew ma jaċċettawx stedina biex jagħmlu hekk, m'għandu bl-ebda mod jippreġudika l-konsiderazzjoni tal-każ. B'danakollu, jista’ jiġi stabbilit li theddida ta' ħsara tista’ tkun aktar possibli li sseħħ jekk l-importazzjoni ssussidjata tkompli. M'għandhomx ikunu mitluba jew aċċettati impenji minn pajjżi jew esportaturi sakemm ma jkunx hemm determinazzjoni affermattiva provisorja ta' sussidjar u ħsara kaġunata permezz ta' dawn is-sussidji. Ħlief f'ċirkostanzi eċċezzjonali, m'għandhomx jiġu offruti impenji aktar tard mit-tmiem tal-perjodu li fih ikunu jistgħu jsiru rappreżentazzjonijiet skond l-Artikolu 30(5). 3. L-impenji offerti mhux bil-fors iridu jiġu aċċettati jekk l-aċċettazzjoni tagħhom tkun meqjusa mhux prattika, bħal meta n-numru ta' esportaturi attwali jew potenzjali jkun kbir wisq, jew għal raġunijiet oħra, inklużi raġunijiet ta' politika ġenerali. L-esportatur u/jew il-pajjiż ta' l-oriġini in kwestjoni jista’ jingħata r-raġunijiet għaliex ikun qiegħed jiġi propost li tiġi miċħuda l-offerta ta' impenn u jista’ jingħata l-opportunità li jagħmel kummenti dwar dan. Ir-raġunijiet għaċ-ċaħda għandhom jingħataw fid-deċiżjoni definittiva. 4. Il-partijiet illi joffru impenn għandhom ikunu mistennija li jipprovdu verżjoni mhux kunfidenzjali ta' dak l-impenn, sabiex din tkun tista’ tingħata lill-partijiet interessati fl-investigazzjoni. 5. Meta l-impenji jiġu, wara konsultazzjoni, aċċettati, u meta ma jkunx hemm oġġezzjoni mqajma fil-Kumitat Konsultattiv, l-investigazzjoni għandha tiġi terminata. Fil-każijiet l-oħrajn kollha, il-Kummissjoni għandha tissottometti bla dewmien lill-Kunsill rapport dwar ir-riżultati tal-konsultazzjoni, flimkien ma’ proposta sabiex l-investigazzjoni tiġi mitmuma. L-investigazzjoni għandha tkun meqjusa li ġiet mitmuma jekk, fi żmien xahar, il-Kunsill, fuq bażi ta' maġġoranza kwalifikata, ma jkunx iddeċieda mod ieħor. 6. Jekk l-impenji jiġi aċċettati, l-investigazzjoni dwar is-sussidjar u l-ħsara għandha normalment tiġi kompluta. F'dan il-każ, jekk ikun hemm deċisjoni negattiva li ma jkunx hemm sussidjar jew ħsara, l-impenn għndu jispiċċa awtomatikament, ħlief f'każijiet fejn din id-deċisjoni tkun ittieħdet fil-maġġor parti minħabba dan l-impenn. F'każijiet bħal dawn, għandu mnejn ikun meħtieġ li l-impenn jinżamm għal perjodu raġonevoli. Fil-każ li tittieħed deċisjoni affermattiva dwar is-sussidji u l-ħsara, l-impenn għandu jibqa’ konsistenti mat-termini u d-disposizzjonijiet ta' dan ir-Regolament. 7. Il-Kummissjoni għandha titlob lil kull pajjiż jew esportatur li mingħandhom ikun ġie aċċettat impenn, sabiex jipprovdu, perjodikament, informazzjoni relevanti għat-twettieq ta' dak l-impenn, u li jippermettu l-verifikar ta' l-informazzjoni pertinenti. In-nuqqas ta' konformità ma dawn il-ħtiġijiet għandha tkun meqjusa bħala ksur ta' l-impenn. 8. Meta l-impenji jkunu aċċettati minn ċerti esportaturi matul l-investigazzjoni, huma għandhom, għall-iskop ta' l-Artikoli 18, 19, 20 u 22, ikunu meqjusa li daħlu fis-seħħ mid-data li fiha l-investigazzjoni tkun mitmuma għall-pajjiż ta' l-oriġini u/jew esportatur. 9. Fil-każ ta' ksur jew irtirar ta' l-impenji minn xi parti, għandu jkun impost dazju definittiv skond kif provdut fl-Artikolu 15, fuq il-bażi tal-fatti stabbiliti fil-kuntest ta' l-investigazzjoni li tkun waslet għall-impenn, kemm-il darba dik l-investigazzjoni kienet ġiet konkluża b'deċiżjoni finali dwar is-sussidji u l-ħsara, u li l-esportatur konċernat, jew il-pajjiż ta' l-oriġini u/jew esportatur, kien, ħlief fil-każ ta' irtirar ta' l-impenn mill-esportatur jew dak il-pajjiż, ingħata opportunità li jikkummenta. 10. Jista’ jiġi impost dazju skond l-Artikolu 12, wara li ssir konsultazzjoni, fuq il-bażi ta' l-aħjar informazzjoni disponibbli, meta jkun hemm raġuni biex wieħed jaħseb illi qiegħed jinkiser xi impenn, jew fil-każ ta' ksur jew irtirar ta' impenn, meta l-investigazzjoni li tkun wasslet għal dak l-impenn tkun għadha ma ġietx konkluża. Artikolu 14 Terminazzjoni mingħajr miżuri 1. Meta l-ilment jiġi rtirat, il-proċeduri jistgħu jiġu mitmuma ħlief meta din it-terminazzjoni ma tkunx fl-interess tal-Komunità. 2. Meta, wara l-konsultazzjoni, ma jkunux meħtieġa miżuri protettivi u ma jkun hemm ebda oġġezzjoni mqajma fi ħdan il-Kumitat Konsultattiv, l-investigazzjoni jew il-proċedura għandhom jiġu mitmuma. Fil-każijiet l-oħrajn kollha, il-Kummissjoni għandha tissottometti mingħajr dewmien lill-Kunsill rapport dwar ir-riżultati tal-konsultazzjoni, flimkien ma’ proposta sabiex il-proċedura tiġi mitmuma. Il-proċeduri għandhom jitqiesu li ġew mitmuma jekk, fi żmien xahar, il-Kunsill, li jaġixxi b'maġġoranza kwalifikata, ma jkunx iddeċieda mod ieħor. 3. Għandu jkun hemm terminazzjoni immedjata tal-proċedura meta jkun stabbilit li l-ammont ta' sussidji ta' kumpens ikun il-minimu, skond il-paragrafu 5, jew meta l-volum ta' l-importazzjoni sussidjata, attwali jew potenzjali, jew il-ħsara, tkun negliġibbli. 4. Għal proċedura mibdija skond l-Artikolu 10 (13), il-ħsara għandha normalment titqies bħala negliġibbli meta s-sehem tas-suq ta' l-importazzjoni jkun anqas mill-ammonti imniżżla fl-Artikolu 10 (11). F'dak li għandu x'jaqsam ma’ l-investigazzjonijiet dwar l-importazzjoni minn pajjiżi li qegħdin jiżviluppaw, il-volum ta' l-importazzjoni sussidjata għandha wkoll titqies bħala negliġibli jekk din tirrapreżenta inqas minn 4 % ta' l-importazzjoni totali tal-prodott simili fil-Komunità, sakemm l-importazzjoni mill-pajjiżi li qegħdin jiżviluppaw li s-sehem individwali tagħhom ta' l-importazzjoni totali tirrapreżenta anqas minn 4 %, kollettivament jammontaw għal aktar minn 9 % ta' l-importazzjoni totali tal-prodott simili fil-Komunità. 5. L-ammont ta' sussidji ta' kumpens għandu jitqies li huwa de minimis jekk dan l-ammont ikun anqas minn 1 % ad valorem, ħlief li: (a) f'dak li jirrigwarda l-investigazzjonijiet dwar l-importazzjoni minn pajjiżi li qegħdin jiżviluppaw, il-limitu minimu għandu jkun 2 % ad valorem, u (b) għal dawk il-pajjiżi li qegħdin jiżviluppaw li huma Membri ta' l-WTO, li għalihom issir referenza fl-Anness VII tal-Ftehim tas-Sussidji kif ukoll għall-pajjiżi li qegħdin jiżviluppaw li huma Membri ta' l-WTO li eliminaw kompletament is-sussidji fuq l-esportazzjoni kif definiti fl-Artikolu 3(4)(a) ta' dan ir-Regolament, il-livell tas-sussidju minimu għandu jkun ta' 3 % ad valorem; meta l-applikazzjoni ta' din id-disposizzjoni tkun tiddependi fuq l-eliminazzjoni ta' sussidji fuq l-esportazzjoni, din għandha tapplika mid-data li fiha l-eliminazzjoni tas-sussidji fuq l-esportazjoni tkun mgħarrfa lill-Kumitat ta' l-WTO fuq is-Sussidji u l-Miżuri ta' kumpens, u sakemm is-sussidji fuq l-esportazzjoni ma jkunux mgħotija mill-pajjiż li qiegħed jiżviluppa in kwestjoni; din id-disposizzjoni għandha tiskadi fi żmien tminn snin mid-data tad-dħul fis-seħħ tal-Ftehim ta' l-WTO, kemm-il darba tkun biss l-investigazzjoni li għandha tiġi mitmuma, meta l-ammont ta' sussidji ta' kumpens jkun taħt il-livell minimu relevanti għall-esportaturi individwali, li għandhom jibqghu soġġetti għall-proċeduri u jistgħu jerġgħu jkunu investigati mill-ġdid f'xi reviżjoni sussegwenti li ssir għall-pajiiż konċernat bis-saħħa ta' l-Artikoli 18 u 19. Artikolu 15 Impożizzjoni ta' dazji definittivi 1. Meta l-fatti kif finalment stabbiliti juru l-eżistenza ta' sussidji ta' kumpens u l-ħsara kawżata minnhom, u l-interess tal-Komunità jitlob għal intervent skond l-Artikolu 31, għandu jkun impost dazju definittiv ta' kumpens mill-Kunsill, li jaġixxi b'maġġoranza sempliċi fuq proposta sottomessa mill-Kummissjoni wara konsultazzjoni mal-Kumitat Konsultattiv, sakemm is-sussidju jew is-sussidji jkunu rtirati jew ikun ġie muri li s-sussidji m'għadhomx aktar jagħtu xi benefiċċju lill-esportaturi involuti. Meta jkunu fis-seħħ dazji proviżorji, għandha tiġi sottomessa proposta għal azzjoni definittiva lill-Kunsill sa mhux aktar tard minn xahar qabel ma jiskadu dawn id-dazji. L-ammont tad-dazju ta' kumpens m'għandux jeċċedi l-ammont ta' sussidji ta' kumpens li jkun instab li gawdew minnhom l-esportaturi, kif stabbilit permezz ta' dan ir-Regolament, imma għandu jkun anqas mill-ammont totali ta' sussidji ta' kumpens, jekk dan id-dazju inqas ikun adegwat biex ineħħi l-ħsara lill-industrija tal-Komunità. 2. Għandu jkun impost dazju ta' kumpens fl-ammonti xierqa f'kull każ, fuq bażi mhux diskriminatorja, fuq l-importazzjoni ta' prodott minn dawk is-sorsi kollha li jkun instab li jgawdu minn sussidji ta' kumpens u li jikkaġunaw ħsara, ħlief għall-importazzjoni minn dawk is-sorsi li mingħandhom ikunu ġew aċċettati impenji skond it-termini ta' dan ir-Regolament. Ir-regolament li jimponi d-dazju għandu jispeċifika d-dazju għal kull fornitur, jew, jekk dan ikun imprattikabbli, il-pajjiż fornitur in kwestjoni. 3. Meta l-Kummissjoni tkun illimitat l-eżami tagħha skond l-Artikolu 27, kull dazju ta' kumpens applikat għall-importazzjoni minn esportaturi jew produtturi li jkunu magħrufa skond l-Artikolu 27 imma li ma kienux ġew inklużi fl-eżami, m'għandhomx jeċċedu l-ammont tal-medja mwieżna tas-sussidji ta' kumpens stabbiliti għall-partijiet f'dan il-kampjun. Għall-iskop ta' dan il-paragrafu, il-Kummissjoni għandha tinjora l-ammonti żero u l-minimi ta' sussidji ta' kumpens u ammonti ta' sussidji ta' kumpens stabbiliti fiċ-ċirkostanzi kif riferuti fl-Artikolu 28. Id-dazji individwali għandhom ikunu applikati għall-importazzjoni minn xi esportatur jew produttur li għalih l-ammont ta' sussidju ndividwali jkun ġie kalkulat kif provdut fl-Artikolu 27. Artikolu 16 Retroattività 1. Miżuri proviżorji u dazji ta' kumpens definittivi għandhom jiġu applikati biss għal prodotti li jidħlu f'ċirkolazzjoni libera wara ż-żmien meta l-miżuri meħuda bis-saħħa ta' l-Artikolu 12(1) jew l-Artikolu 15(1), skond il-każ, jidħlu fis-seħħ, soġġetti għall-eċċezzjonijiet kif imniżżla f'dan ir-Regolament. 2. Meta jkun applikat dazju provisorju u l-fatti kif finalment stabbiliti juru l-eżistenza ta' sussidji ta' kumpens u ħsara, il-Kunsill għandu jiddeċiedi, irrispettivament jekk id-dazju ta' kumpens definittiv għandux ikun impost, liema proporzjon tad-dazju provisorju għandu jkun definittivament miġbur. Għal dan l-iskop, "ħsara" m'għandhiex tinkludi ostaklu materjali għat-twaqqif ta' industrija tal-Komunità, l-anqas theddid ta' ħsara materjali, ħlief fejn jinstab illi dan, fin-nuqqas ta' miżuri proviżorji, kien se jiżviluppa fi ħsara materjali.. Fil-każi l-oħrajn kollha li jinvolvu dan it-theddid jew ostaklu, l-ammonti proviżorji għandhom jiġu rilaxxati u d-dazji definittivi jistgħu jkunu imposti biss mid-data li fiha d-determinazzjoni finali tat-theddida jew l-ostakolu materjali jseħħ. 3. Jekk id-dazju ta' kumpens definittiv ikun ogħla mid-dazju proviżorju, id-differenza m'għandiex tiġi miġbura. Jekk id-dazju definittiv ikun anqas mid-dazju proviżorju, id-dazju għandu jerġa’ jiġi kalkulat. Meta d-determinazzjoni finali tkun negattiva, id-dazju proviżorju m'għandux jiġi konfermat. 4. Dazju ta' kumpens definittiv jista’ jiġi mpost fuq prodotti li jidħlu għall-konsum mhux qabel 90 jum mid-data ta' l-applikazzjoni tal-miżuri proviżorji imma mhux qabel il-bidu ta' l-investigazzjoni, kemm-il darba l-importazzjoni tkun ġiet reġistrata skond l-Artikolu 24(5), u l-importaturi konċernati ingħataw l-opportunità mill-Kummissjoni li jikkummentaw; u: (a) jesistu ċirkostanzi kritiċi fejn tiġi ikkawżata ħsara li huwa diffiċli li tissewwa lill-prodott sussidjat in kwistjoni, minnħabba l-importazzjoni massiva fi żmien relattivament qasir ta' prodott li jkun gawda minn sussidji ta' kumpens skond it-termini ta' dan ir-Regolament; u, (b) jkun meqjus bħala meħtieġ, sabiex tiġi evitata li terġa’ tiġri din il-ħsara, li d-dazji ta' kumpens jkunu stmati fuq bażi retroattiva fuq dik l-importazzjoni. 5. F'każijiet ta' ksur jew irtirar ta' impenji, jistgħu jiġu imposti dazji definittivi fuq oġġetti li jidħlu għal ċirkolazzjoni libera mhux qabel 90 jum mill-applikazzjoni tal-miżuri proviżorji, sakemm l-importazzjoni tkun ġiet reġistrata skond l-Artikolu 24(5) u li din l-istima retroattiva m'għandhiex tapplika għall-importazzjoni li tkun daħlet qabel il-ksur jew l-irtirar ta' l-impenn. Artikolu 17 Tul ta' żmien Il-miżuri ta' kumpens għandhom jibqgħu fis-seħħ biss għat-tul ta' żmien u sakemm ikunu meħtieġa biex iħassru l-effett tas-sussidji ta' kumpens li jkunu qegħdin joħolqu l-ħsara. Artikolu 18 Reviżjoni ta' skadenza 1. Miżura ta' kumpens definittiva għandha tiskadi fi żmien ħames snin mill-imposizzjoni tagħha jew ħames snin mid-data tar-reviżjoni l-aktar riċenti li tkun kopriet kemm is-sussidjar u l-ħsara, sakemm ma jiġix stabbilit f'reviżjoni li l-iskadenza aktarx li twassal għal kontinwazzjoni jew rikorrenza tas-sussidjar u l-ħsara. Din ir-reviżjoni ta' skadenza għandha tinbeda fuq l-inizjattiva tal-Kummissjoni, jew fuq talba magħmula minn jew f’isem il-produtturi tal-Komunità, u l-miżura għandha tibqa’ fis-seħħ sakemm tiġi deċiża din ir-reviżjoni. 2. Reviżjoni ta' skadenza għandha tingħata bidu meta t-talba jkun fiha biżżejjed xiehda li l-iskadenza tal-miżuri aktarx li tirriżulta f'kontinwazzjoni jew rikorrenza tas-sussidjar u l-ħsara. Din il-possibiltà tista’, per eżempju, tiġi indikata b'xiehda ta' kontinwazzjoni ta' sussidji u ħsara jew xiehda li t-tneħħija tal-ħsara hija parzjalment jew unikament minħabba l-eżistenza ta' miżuri jew xiehda li ċ-ċirkustanzi ta' l-esportaturi, jew il-kondizzjonijiet tas-suq, huma tali li jindikaw il-possibiltà ta' aktar sussidji li jagħmlu l-ħsara. 3. Fit-twettieq ta' l-investigazzjonijiet taħt dan l-Artikolu, l-esportaturi, l-importaturi, il-pajjiż ta' l-oriġini u/jew ta' l-esportazzjoni u l-produtturi tal-Komunità għandhom jingħataw l-opportunità li jagħtu spjegazzjoni aktar ċara, jiċħdu jew jikkummentaw dwar il-materji mniżżla fit-talba għal reviżjoni, u l-konklużjonijiet għandhom jintlaħqu billi jittieħed kont ta' l-evidenza relevanti u dokumentata b'mod xieraq li tkun ġiet preżentata rigward il-mistoqsija ta' jekk l-iskadenza tal-miżuri aktarx li, jew mhux aktarx li, twassal għall-kontinwazzjoni jew rikorrenza tas-sussidjar u l-ħsara. 4. Avviż ta' skadenza iminenti għandu jiġi pubblikat fil-Ġurnal Uffiċjali tal-Komunitajiet Ewropej fi żmien xieraq fl-aħħar sena tal-perjodu ta' l-applikazzjoni tal-miżuri kif definiti f'dan l-Artikolu. Minn hemm il-quddiem, il-produtturi tal-Komunità għandhom, mhux aktar tard minn tlett xhur qabel it-tmiem tal-perjodu ta' ħames snin, ikunu ntitolati li jissottomettu talba għal reviżjoni skond il-paragrafu 2. Avviż li jħabbar l-iskadenza attwali tal-miżuri taħt dan l-Artikolu għandu wkoll jiġi pubblikat. Artikolu 19 Reviżjonijiet temporanji 1. Il-ħtieġa ta' imposizzjoni kontinwa ta' miżuri tista wkoll tkun riveduta, meta hekk meħtieġ, bl-inizzjattiva tal-Kummissjoni jew fuq talba ta' Stat Membru jew, kemm-il darba jkun għadda żmien raġonevoli ta' mill-anqas sena minn meta kien hemm l-imposizzjoni tal-miżuri definittivi, wara talba ta' xi esportatur, importatur jew tal-produtturi tal-Komunità jew il-pajjiż ta' l-oriġini u/jew ta' l-esportazzjoni li jkun fiha biżżejjed xiehda li tissostanzja l-ħtieġa ta' reviżjoni temporanja. 2. Reviżjoni temporanja għandha tinbeda meta t-talba jkun fiha xiehda biżżejjed li l-kontinwazzjoni ta' l-imposizzjoni tal-miżuri ma tkunx aktar meħtieġa biex tpaċi għas-sussidju ta' kumpens u/jew li l-ħsara aktarx li ma tkomplix jew ma terġax isseħħ jekk il-miżuri jkunu mneħħija jew mibdula, jew li l-miżuri eżistenti m'humiex, jew m'għadhomx aktar, suffiċjenti biex ipattu għas-sussidju ta' kumpens li jkun qed joħloq il-ħsara. 3. Meta jinstab li d-dazji ta' kumpens imposti jkunu inqas mill-ammont ta' sussidji ta' kumpens, għandha tinbeda reviżjoni temporanja jekk il-produtturi tal-Komunità jipprovdu xiehda suffiċjenti li d-dazji ma kienu ħolqu l-ebda moviment, jew moviment insuffiċjenti, tal-prezzijiet tal-bejgħ mill-ġdid tal-prodott importat fil-Komunità. Jekk l-investigazzjoni tipprova li l-allegazzjonijiet kienu korretti, id-dazji ta' kumpens jistgħu jiġu miżjuda sabiex tintlaħaq iż-żjieda meħtieġa fil-prezz biex titneħħa l-ħsara; b'danakollu, il-livell tad-dazju miżjud m'għandux jeċċedi l-ammont tas-sussidju ta' kumpens. 4. Fit-twettieq ta' l-investigazzjoniet skond dan l-Artikolu, il-Kummissjoni tista’ inter alia tikkunsidra jekk iċ-ċirkostanzi dwar is-sussidju u l-ħsara tbidlux b'mod sinifikanti, jew jekk il-miżuri eżistenti humiex jiksbu r-riżultati mistennija billi jneħħu l-ħsara li tkun saret qabel skond l-Artikolu 8. F'dawn il-każijiet, għandha tiġi meqjusa d-deċisjoni finali tax-xiehda kollha relevanti u dokumentata kif suppost. Artikolu 20 Reviżjonijiet imħaffa Kull esportatur li l-esportazzjoni tiegħu tkun soġġetta għal dazju ta' kumpens definittiv imma li ma kienx ġie individwalment investigat matul l-investigazzjoni oriġinali għal raġunijiet ħlief dik li kien ċaħad li jikkoopera mal-Kummissjoni, għandu jkun intitolat, wara talba, għal reviżjoni mħaffa sabiex il-Kummissjoni tkun tista’ tistabbilixxi kif jixraq ir-rata tad-dazju ta' kumpens individwali għal dak l-esportatur. Reviżjoni bħal din għandha tingħata bidu wara konsultazzjoni mal-Kumitat Konsultattiv u wara li l-produtturi fil-Komunità jkunu ngħataw l-opportunità li jagħtu l-kummenti tagħhom. Artikolu 21 Rifużjonijiet 1. Minkejja l-Artikolu 18, importatur jista’ jitlob ir-rifużjoni ta' dazji miġbura meta jkun jidher li l-ammont ta' sussidji ta' kumpens, li fuq il-bażi tagħhom kienu tħallsu d-dazji, jew ġew eliminati jew imnaqqsa ghal-livell taħt il-livell tad-dazju fis-seħħ. 2. Meta jagħmel talba ta' rifużjoni tad-dazji ta' kumpens, l-importatur għandu jissottometti applikazzjoni lill-Kummissjoni. L-applikazzjoni għandha tintbagħat permezz ta' l-Istat Membru fit-territorju li fih il-prodotti jkunu rilaxxati għal ċirkolazzjoni libera, fi żmien sitt xhur mid-data li fiha l-ammont ta' dazji definittivi li jkunu sejrin jiġu imposti kienu ġew determinati mill-awtoritajiet kompetenti jew tad-data li fiha kienet ittieħdet id-deċiżjoni definittiva li jinġabar l-ammont miksub permezz tad-dazju provisorju. L-Istati Membri għandhom jgħaddu t-talba lill-Kummissjoni mingħajr dewmien. 3. Applikazzjoni għal rifużjoni għandha titqies biss li kienet sostanzjata kif suppost b'xiehda, meta din ikun fiha informazzjoni preċiża dwar l-ammont tar-rifużjoni tad-dazji ta' kumpens kif mitluba u d-dokumentazzjoni kollha doganali marbuta mal-kalkoli u l-ħlasijiet ta' dak l-ammont. Għandha tinkludi wkoll xiehda, għal perjodu rappreżentattiv, ta' l-ammont ta' sussidji ta' kumpens għall-esportatur u għall-produttur li għalihom japplika d-dazju. Fil-każijiet fejn l-importatur ma jkunx assoċjat ma’ l-esportatur jew mal-produttur in kwestjoni u din l-informazzjoni ma tkunx disponibbli immedjatament, jew meta l-esportatur jew il-produttur ma jkunux jixtiequ jgħadduha lill-importatur, l-applikazzjoni għandha tinkludi stqarrija mill-esportatur jew mill-produttur li l-ammont ta' sussidju ta' kumpens ġie mnaqqas jew eliminat, kif speċifikat f'dan l-Artikolu, u li x-xiehda relevanti dwar dan sejra tingħata lill-Kummissjoni. Meta xiehda bħal din ma tkunx mogħtija mill-esportatur jew mill-produttur fi żmien raġonevoli, l-applikazzjoni għandha tiġi miċħuda. 4. Il-Kummissjoni għandha, wara konsultazzjoni mal-Kumitat Konsultattiv, tiddeċiedi jekk u sa liema grad l-applikazzjoni għandha tiġi milqugħa, jew tista’ tiddeċiedi f'xi żmien li tagħti bidu għal reviżjoni temporanja, fejn allura l-informazzjoni u s-sejbiet minn din ir-reviżjoni, immexxija skond id-disposizzjonijiet li japplikaw għal dawn ir-reviżjonijiet, għandhom jintużaw biex jiġi stabbilit jekk u sa liema grad ir-rifużjoni tkun ġustifikata. Ir-rifużjonijiet ta' dazji għandu normalment isir fi żmien 12-il xhar, u taħt l-ebda ċirkostanzi aktar minn 18-il xahar wara d-data li fiha tkun saret it-talba għar-rifużjoni, sostanzjata kif xieraq minn xiehda, minn importatur tal-prodott soġġett għal dazju ta' kumpens. Il-ħlas ta' xi rifużjoni awtorizzat għandu normalment isir mill-Istati Membri fi żmien 90 jum mid-deċiżjoni msemmija hawn fuq. Artikolu 22 Disposizzjonijiet ġenerali dwar reviżjonijiet u rifużjonijiet 1. Id-disposizzjonijiet relevanti ta' l-Artikoli 10 u 11, esklużi dawk li għandhom x'jaqsmu mal-limiti taż-żmien, għandhom japplikaw għal kull reviżjoni mwettqa skond l-Artikoli 18, 19 u 20. Reviżjoni bħal din għandha ssir mingħajr dewmien u normalment tkun lesta fi żmien 12-il xahar mid-data tal-bidu tar-reviżjoni. 2. Reviżjonijiet skond l-Artikoli 18, 19 u 20 għandhom jingħataw bidu mill-Kummissjoni wara konsultazzjoni mal-Kumitat Konsultattiv. Meta jkunu meħtieġa mir-reviżjonijiet, il-miżuri għandhom jiġu mħassra jew miżmuma skond l-Artikolu 18, jew imħassra, miżmuma jew emendati skond l-Artikoli 19 u 20, mill-istituzzjoni tal-Komunità responsabbli għall-introduzzjoni tagħhom. Meta l-miżuri jiġu mħassra għall-importaturi individwali, imma mhux għall-pajjiż kollu, dawk l-esportaturi għandhom jibqgħu soġġetti għall-proċedura u jistgħu jerġgħu jiġu nvestigati f'xi reviżjoni sussegwenti li ssir għal dak il-pajjiż skond dan l-Artikolu. 3. Meta tkun għaddejja reviżjoni tal-miżuri skond l-Artikolu 19, fi tmiem il-perjodu ta' l-infurzar tal-miżuri kif definiti fl-Artikolu 18, il-miżuri għandhom ukoll jiġu nvestigati skond id-disposizzjonijiet ta' l-Artikolu 18. 4. Fl-investigazzjonijiet kollha ta' reviżjoni jew rifużjoni skond l-Artikoli 18 sa 21, il-Kummissjoni għandha, kemm-il darba ċ-ċirkostanzi ma jkunux inbidlu, tapplika l-istess metodoloġija bħal fl-investigazzjoni li wasslet għad-dazju, b'attenzjoni xierqa għall-Artikoli 5, 6, 7 u 27. Artikolu 23 Ksur 1. Dazji ta' kumpens imposti skond dan ir-Regolament jistgħu jiġu estiżi għal importazzjoni minn pajjiżi terzi ta' prodotti simili, jew partijiet minnhom, meta jkun qiegħed iseħħ xi ksur tal-miżuri eżistenti. Ksur għandu jkun definit bħala tibdil fil-metodu tal-kummerċ bejn pajjiżi terzi u l-Komunità li joriġina minn prattika, proċess jew xogħol li għalih ma hemmx raġuni suffiċjenti jew ġustifikazzjoni ekonomika ħlief l-imposizzjoni tad-dazju, u fejn ikun hemm xiehda li l-effetti rimedjali tad-dazju jkunu qegħdin jiġu mhedda fit-termini tal-prezzijiet u/jew il-kwantitajiet tal-prodotti simili u li l-prodott simili impurtat u/jew partijiet minnu xorta waħda jgawdu mis-sussidju. 2. L-investigazzjonijiet għandhom jinbdew skond dan l-Artikolu meta t-talba jkun fiha xiehda biżżejjed dwar il-fatturi kif imniżżla fil-paragrafu 1. Il-bidu għandu jsir, wara konsultazzjoni mal-Kumitat Konsultattiv, b'Regolament tal-Kummissjoni li għandha wkoll tinforma lill-awtoritajiet doganali sabiex jagħmlu l-importazzjoni soġġetta għal reġistrazzjoni skond l-Artikolu 24(5) jew biex jitolbu garanziji. L-investigazzjonijiet għandhom jitwettqu mill-Kummissjoni, li tista’ tiġi assistita mill-awtoritajiet doganali, u għandhom ikunu konklużi fi żmien disa’ xhur. Meta l-fatti kif fl-aħħar konfermati jiġġustifikaw l-estensjoni tal-miżuri, dan għandu jsir mill-Kunsill, li jaġixxi b'maġġoranza sempliċi u fuq proposta mill-Kummissjoni, mid-data li fiha r-reġistrazzjoni kienet imposta skond l-Artikolu 24(5) jew li fuqha l-garanziji kienu mitluba. Id-disposizzjonijiet proċedurali relevanti ta' dan ir-Regolament dwar il-bidu u l-metodu ta' kif jitmexxew l-investigazzjonijiet għandhom japplikaw skond dan l-Artikolu. 3. Il-prodotti m'għandhomx ikunu soġġetti għal reġistrazzjoni skond l-Artikolu 24(5) jew għal miżuri meta jkunu akkumpanjati b'ċertifikat doganali li jiddikjara li l-importazzjoni ta' l-oġġetti ma toħloqx ksur. Dawn iċ-ċertifikati jistgħu jinħarġu lill-importaturi, wara awtorizzazzjoni fuq talba bil-miktub, b'deċiżjoni tal-Kummissjoni wara konsultazzjoni mal-Kumitat Konsultattiv, jew b'deċiżjoni tal-Kunsill li jimponi l-miżuri, u għandhom jibqgħu fis-seħħ għall-perjodu, u bil-kondizzjonijiet, kif imniżżla hemmhekk. 4. Xejn f'dan l-Artikolu m'għandu jfixkel l-infurzar normali tad-disposizzjonijiet fis-seħħ dwar id-dazji doganali. Artikolu 24 Disposizzjonijiet ġenerali 1. Id-dazji ta' kumpens proviżorji jew definittivi għandhom ikunu imposti b'Regolament, u miġbura mill-Istati Membri fil-forma, bir-rata kif speċifikata u skond il-kriterji l-oħra mniżżla fir-Regolament li jimponi dawn id-dazji. Dawn id-dazji għandhom jinġabru indipendentement mid-dazji doganali, taxxi u piżijiet oħra normalment imposti fuq l-importazzjoni. L-ebda prodott m'għandu jkun soġġett la għal dazju kontra l-iddampjar u lanqas għal dazju ta' kumpens bil-għan li titratta l-istess sitwazzjoni li toriġina mill-iddampjar jew mis-sussidju fuq l-esportazzjoni. 2. Ir-regolamenti li jimponu dazji ta' kumpens proviżorji jew definittivi, u r-Regolamenti jew Deċiżjonijiet li jaċċettaw impenji jew li jikkonkludu l-investigazzjonijiet jew il-proċeduri, għandhom jiġu pubblikati fil-Ġurnal Uffiċjali tal-Komunitajiet Ewropej. Dawn ir-Regolamenti jew Deċiżjonijiet għandhom partikolarment jinkludu, u b'attenzjoni għal dak li għandu x'jaqsam mal-protezzjoni ta' informazzjoni kunfidenzjali, l-ismijiet ta' l-esportaturi, jekk possibbli, jew tal-pajjiżi involuti, deskrizzjoni tal-prodott u sommarju tal-fatti u l-konsiderazzjonijiet relevanti għad-determinazzjoni tas-sussidju u l-ħsara. F'kull każ, għandha tintbagħat kopja tar-Regolament jew Deċiżjoni lil dawk il-partijiet interessati li huma magħrufa. Id-disposizzjonijiet ta' dan il-paragrafu għandhom japplikaw mutatis mutandis għar-reviżjonijiet. 3. Disposizzjonijiet speċjali, partikolarment dwar id-definizzjoni komuni tal-kunċett ta' l-oriġini, kif jinstab fir-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi il-Kodiċi Doganali tal-Komunità [5], jistgħu jiġu addottati skond dan ir-Regolament. 4. Fl-interess tal-Komunità, il-miżuri imposti bis-saħħa ta' dan ir-Regolament jistgħu, wara konsultazzjoni mal-Kumitat Konsultattiv, jiġu sospiżi b'deċiżjoni tal-Kummissjoni għal perjodu ta' disa’ xhur. Is-sospensjoni tista’ tiġi mġedda għal perjodu ieħor, li ma jeċċedix sena, jekk il-Kunsill hekk jiddeċiedi, li jaġixxi b'maġġoranza sempliċi fuq proposta tal-Kummissjoni. Il-miżuri jistgħu jiġu sospiżi biss meta l-kondizzjonijiet tas-suq ikunu nbidlu temporanjament sa dak il-grad li aktarx ma terġax isseħħ ħsara b'riżultat tas-sospensjoni, u kemm-il darba l-industrija tal-Komunità tkun ingħatat l-opportunità li tikkummenta u li dawn il-kummenti jkunu ġew kunsidrati. Il-miżuri jistgħu, f'kull żmien u wara konsultazzjoni, jerġgħu jiddaħħlu jekk ir-raġuni għas-sospensjoni ma tkunx iktar applikabbli. 5. Il-Kummissjoni tista’, wara konsultazzjoni mal-Kumitat Konsultattiv, tagħti struzzjonijiet lill-awtoritajiet doganali sabiex jieħdu l-passi approprjati biex jirreġistraw l-importazzjoni, sabiex il-miżuri jiġu eventwalment applikati kontra dik l-importazzjoni mid-data ta' dik ir-reġistrazzjoni. L-importazzjonijiet jistgħu jsiru soġġetti għal reġistrazzjoni wara talba mill-industrija tal-Komunità li jkun fiha xiehda suffiċjenti li tiġġustifika dik l-azzjoni. Ir-registrazzjoni għandha tiddaħħal b'Regolament li għandu jispeċifika l-iskop ta' l-azzjoni u, jekk ikun approprjat, l-ammont stmat ta' obbligazzjoni futura possibbli. L-oġġetti mportati m'għandhomx ikunu soġġetti għal reġistrazzjoni għal perjodu itwal minn disa’ xhur. 6. L-Istati Membri għandhom jagħmlu rapport kull xahar lill-Kummissjoni, dwar il-kummerċ ta' l-importazzjoni ta' prodotti soġġetti għal investigazzjoni u għal miżuri, u dwar l-ammont ta' dazji miġbura bis-saħħa ta' dan ir-Regolament. Artikolu 25 Konsultazzjonijiet 1. Il-konsultazzjonijiet stabbiliti minn dan ir-Regolament, ħlief għal dawk li għalihom issir referenza fl-Artikolu 10(9) u 11 (10), għandhom iseħħu fi ħdan il-Kumitat Konsultattiv, li għandu jkun kompost minn rappreżentanti ta' kull Stat Membru, b'rappreżentant tal-Kummissjoni bħala president. Il-konsultazzjonijiet għandhom iseħħu immedjatament fuq talba ta' Stat Membru jew fuq l-inizjattiva tal-Kummissjoni, u f'kull każ f'perjodu ta' żmien li jippermetti li l-limiti taż-żmien stabbiliti b'dan ir-Regolament jinżammu. 2. Il-Kumitat għandu jiltaqa’ meta msejjaħ mill-President. Huwa għandu jipprovdi lill-Istati Membri, kemm jista’ jkun malajr, bl-informazzjoni kollha relevanti. 3. Fejn meħtieġ, il-konsultazzjoni tista’ ssir bil-kitba biss; f'dak il-każ, il-Kummissjoni għandha tgħarraf lill-Istati Membri u għandha tispeċifika perjodu li matulu huma jkunu ntitolati li jesprimu l-opinjonijiet tagħhom jew li jitolbu konsultazzjoni orali li l-President għandu jorganizza, sakemm il-konsultazzjoni orali bħal din tkun tista’ ssir f'perjodu ta' żmien li jippermetti li l-limiti taż-żmien stabbiliti b'dan ir-Regolament jinżammu. 4. Il-konsultazzjoni għandha tkopri, b'mod partikolari: (a) l-eżistenza tas-sussidji ta' kumpens u l-metodi ta' kif ikun stabbilit l-ammont tagħhom; (b) l-eżistenza u l-ammont tal-ħsara; (ċ) il-konnessjoni kawżali bejn l-importazzjoni sussidjata u l-ħsara; (d) il-miżuri li, fiċ-ċirkustanzi, huma xierqa biex ma jħallux jew jirrimedjaw il-ħsara kawżata mis-sussidji ta' kumpens u l-modi u l-metodi li bihom dawn il-miżuri jidħlu fis-seħħ. Artikolu 26 Żjarat ta' verifika 1. Il-Kummissjoni għandha, meta jidhrilha li huwa approprjat, tagħmel żjarat biex teżamina d-dokumenti ta' l-importaturi, ta' l-esportaturi, tan-negozjanti, ta' l-aġenti, tal-produtturi, ta' l-għaqdiet tal-kummerċ u ta' l-organizzazzjonijiet, biex tivverifika l-informazzjoni provduta dwar is-sussidji u l-ħsara. Fin-nuqqas ta' tweġiba xierqa u fil-ħin, żjara ta' verifika ma tistax issir. 2. Il-Kummissjoni tista’ twettaq investigazzjonijiet f'pajjiżi terzi kif meħtieġ, sakemm dan isir bi ftehim mad-ditti konċernati, li tavża lill-pajjiż involut u li dan ta' l-aħħar ma jsib l-ebda oġġezzjoni għall-investigazzjoni. Malli l-ftehim mad-ditti konċernati jinkiseb, il-Kummissjoni għandha tinforma lill-pajjiż ta' l-oriġini u/jew ta' l-esportazzjoni bl-ismijiet u l-indirizzi tad-ditti li tkun se ssirilhom iż-żjara u dwar id-dati miftehma. 3. Id-ditti konċernati għandhom jiġi mgħarrfa bin-natura ta' l-informazzjoni li trid tiġi verifikata matul iż-żjarat tal-verifika u kull informazzjoni oħra li teħtieġ li tiġi provduta matul dawn iż-żjarat, għalkemm dan m'għandux iżomm milli jsiru talbiet għal aktar dettalji, matul il-verifika, fid-dawl ta' l-informazzjoni miġbura. 4. Fl-investigazzjonijiet imwettqa bis-saħħa tal-paragrafi 1, 2 u 3, il-Kummissjoni għandha tkun assistita minn uffiċjali ta' dawk l-Istati Membri li hekk jitolbu. Artikolu 27 Teħid ta' kampjuni 1. Fil-każi fejn in-numru ta' dawk li jagħmlu l-ilmenti, l-esportaturi jew l-importaturi, it-tipi ta' prodotti jew it-operazzjonijiet ikun kbir, l-investigazzjoni tista’ tkun limitata għal: (a) numru raġonevoli ta' partijiet, prodotti jew operazzjonijiet billi jintużaw kampjuni li huma statistikament validi fuq il-bażi ta' l-informazzjoni disponibbli fiż-żmien tal-għażla; jew (b) l-volum l-aktar rappreżentanti tal-produzzjoni, tal-bejgħ jew ta' l-esportazzjoni li raġonevolment jista’ jkun investigat fiż-żmien disponibbli. 2. L-għażla tal-partijiet, it-tipi ta' prodotti jew it-operazzjonijiet magħmula skond dan l-Artikolu għandha titħalla f'idejn il-Kummissjoni, għalkemm għandha tingħata preferenza għall-għażla ta' kampjun b'konsultazzjoni ma’, u bil-kunsens tal-partijiet konċernati, sakemm dawn il-partijiet ikunu identifikaw irwieħhom u taw biżżejjed informazzjoni, fi żmien tlett ġimgħat mill-bidu ta' l-investigazzjoni, sabiex ikun possibbli li jintgħażel kampjun rappreżentattiv. 3. F'każijiet fejn l-eżami kien limitat skond dan l-Artikolu, l-ammonti individwali ta' sussidji ta' kumpens għandhom, b'danakollu, ikunu kalkulati għal kull esportatur jew produttur li fil-bidu ma kienx ġie magħżul li jissottometti l-informazzjoni meħtieġa fil-limiti taż-żmien provduti f'dan ir-Regolament, ħlief fejn in-numru ta' esportaturi jew produtturi jkun hekk kbir li jagħmel eżami individwali diffiċli wisq u jipprevjeni li l-investigazjoni tkun konkluża fiż-żmien mixtieq. 4. Fejn ikun deċiż li jittieħed kampjun u fejn ikun hemm livell ta' nuqqas ta' koperazzjoni minn uħud jew mill-partijiet kollha magħżula li aktax li materjalment taffettwa r-riżultat ta' l-investigazzjoni, jista’ jintagħżel kampjun ġdid. B'danakollu, jekk jippersisti n-nuqqas materjali ta' koperazzjoni jew jekk ma jkunx hemm żmien biżżejjed biex jintagħżel kampjun ġdid, id-disposizzjonijiet relevanti ta' l-Artikolu 28 għandhom japplikaw. Artikolu 28 Nuqqas ta' koperazzjoni 1. Fil-każijiet fejn parti interessata tiċħad id-dħul għal, jew b'mod ieħor ma tipprovdix, l-informazzjoni meħtieġa fil-limiti taż-żmien skond id-disposizzjonijiet ta' dan ir-Regolament, jew tostakola b'mod sinifikanti l-investigazzjoni, is-sejbiet proviżorji jew finali, fil-pożittiv jew fin-negattiv, jistgħu jittieħdu fuq il-bażi tal-fatti disponibbli. Fejn jinstab li xi parti interessata tkun forniet informazzjoni falza jew li tqarraq, l-informazzjoni għandha tiġi mwarrba u għandu jsir użu mill-fatti disponibbli. Il-partijiet interessati għandhom jiġu mwissija bil-konsegwenzi ta' nuqqas ta' koperazzjoni. 2. In-nuqqas li jingħataw tweġibiet permezz ta' kompjuter m'għandux ikun meqjus bħala nuqqas ta' koperazzjoni, sakemm il-parti interessata turi li jekk tippreżenta t-twegibiet kif mitluba jinħoloq piż żejjed mhux raġonevoli jew spejjeż żejda mhux raġonevoli. 3. Meta l-informazzjoni mogħtija minn xi parti interessata ma tkunx ideali fl-aspetti kollha, din xorta m’għandhiex tiġi mwarrba, kemm-il darba n-nuqqasijiet ma jkunux tali li joħolqu diffikultà żejda sabiex wieħed jasal għas-sejba raġonevolment eżatta u li l-informazzjoni tkun sottomessa fi żmien tajjeb u tkun tista’ tiġi verifikata, u li l-parti tkun imxiet bl-aħjar kapaċità tagħha. 4. Jekk ix-xiehda jew l-informazzjoni ma jiġux aċċettati, il-parti li tkun forniet dawn għandha tiġi mgħarrfa immedjatament bir-raġunijiet u għandha tingħata opportunità li tipprovdi aktar spjegazzjoni fil-limitu taż-żmien speċifikat. Jekk l-ispjegazzjonijiet ma jitqiesux li huma sodisfaċenti, ir-raġunijiet għaċ-ċaħda ta' din ix-xiehda jew l-informazzjoni għandhom isiru magħrufa u jingħataw fil-pubblikazzjoni tas-sejbiet. 5. Jekk id-deċiżjonijiet, inklużi dawk dwar l-ammont ta' sussidji ta' kumpens, ikunu bbażati fuq id-disposizzjonijiet tal-paragrafu 1, inkluża l-informazzjoni mogħtija fl-ilment, għandu, fejn ikun prattikabbli u b'konsiderazzjoni għal-limiti taż-żmien ta' l-investigazzjoni, jiġu verifikati b'referenza għall-informazzjoni minn sorsi oħra indipendenti li jistgħu jkunu disponibbli, bħal ma huma listi ta' prezzijiet pubblikati, statistika uffiċjali ta' l-importazzjoni u prospetti doganali, jew informazzjoni miksuba minn partijiet oħra interessati matul l-investigazzjoni. 6. Jekk xi parti interessata ma tikkooperax, jew tikkopera biss parzjalment, hekk li tiġi miżmuma xi informazzjoni relevanti, ir-riżultat jista’ jkun anqas favorevoli għal dik il-parti milli kieku kienet ikkoperat. Artikolu 29 Kunfidenzjalità 1. Kull informazzjoni li min-natura tagħha hija kunfidenzjali (per eżempju, minħabba li l-iżvelar tagħha jista’ jkun ta' vantaġġ sinifikanti kompetittiv għal kompetitur jew jista’ joħloq effett negattiv sinifikanti fuq xi persuna li tkun forniet l-informazzjoni jew fuq persuna li mingħandu tkun waslet l-informazzjoni), jew li tkun ingħatat fuq bażi kunfidenzjali mill-partijiet għall-investigazzjoni għandha, jekk tintwera raġuni valida, tiġi trattata hekk mill-awtoritajiet. 2. Il-partijiet interessati li jipprovdu informazzjoni kunfidenzjali għandhom ikunu mitluba li jipprovdu sommarju tagħha li ma tkunx kunfidenzjali. Dawn is-sommarji għandhom ikunu dettaljati biżżejjed sabiex jippermettu ftehim raġonevoli tas-sostanza ta' l-informazzjoni sottomessa b'mod kunfidenzjali. F'ċirkostanzi eċċezzjonali, dawn il-partijiet jistgħu jindikaw li din l-informazzjoni ma tkunx tista’ tiġi preżentata f'sommarju. F'dawn iċ-ċirkostanzi eċċezzjonali, għandu jingħata prospett tar-raġunijiet għala m'huwiex possibbli li jsir sommarju. 3. Jekk jitqies li talba għal kunfidenzjalità m'hijiex ġustifikata u jekk il-fornitur ta' l-informazzjoni jew ma jkunx dispost li jforni l-informazzjoni inkella li jawtorizza l-iżvelar tagħha f'forma ġeneralizzata jew sommarja, din l-informazzjoni tista’ tiġi injorata sakemm ma jkunx ġie muri b'mod sodisfaċenti minn sorsi xierqa li l-informazzjoni hija tajba. It-talbiet għall-kunfidenzjalità m'għandhomx jiġu miċħuda arbitrarjament. 4. Dan l-Artikolu m'għandux ifixkel l-iżvelar ta' tagħrif ġenerali mill-awtoritajiet tal-Komunità, u partikolarment tar-raġunijiet li fuq il-bażi tagħhom ikunu ttieħdu d-deċiżjonijiet skond dan ir-Regolament, u lanqas l-iżvelar tax-xiehda li qagħdu fuqha l-awtoritajiet tal-Komunità sakemm din hija meħtieġa biex jiġu spjeġati r-raġunijiet fil-proċeduri tal-qorti. Dan l-iżvelar għandu jieħu kont ta' l-interessi leġittimi tal-partijiet konċernati li s-sigrieti tagħhom kummerċjali jew tal-gvern m'għandhomx jiġu żvelati. 5. Il-Kunsill, il-Kummissjoni u l-Istati Membri, jew l-uffiċjali ta' dawn, m'għandhomx jiżvelaw xi informazzjoni li jkunu rċevew bis-saħħa ta' dan ir-Regolament, li għaliha l-fornitur ikun talab trattament kunfidenzjali, mingħajr il-permess speċifiku mingħand il-fortnitur. Skambji ta' informazzjoni bejn il-Kummissjoni u l-Istati Membri, jew xi informazzjoni dwar il-konsultazzjonijiet magħmula bis-saħħa ta' l-Artikolu 25, jew il-konsultazzjonijiet kif deskritti fl-Artikoli 10(9) u 11 (10), jew xi document intern preparat mill-awtoritajiet tal-Komunità jew l-Istati Membri tagħha, m'għandhomx jiġu żvelati ħlief kif speċifikament stabbilit f'dan ir-Regolament. 6. Informazzjoni li tkun waslet bis-saħħa ta' dan ir-Regolament għandha tintuża biss għall-iskopijiet li għalihom tkun intalbet. Artikolu 30 L-Iżvelar 1. Dawk li jagħmlu xi lment, l-importaturi u l-esportaturi u l-għaqdiet rappreżentattivi tagħhom, u l-pajjiż ta' l-oriġini u/jew ta' l-esportazzjoni jistgħu jitolbu l-iżvelar tad-dettalji li huma l-bażi tal-fatti essenzjali u l-konsiderazzjonijiet li bis-saħħa tagħhom il-miżuri proviżorji kienu ġew imposti. Talbiet għal dan l-iżvelar għandhom isiru bil-miktub immedjatament wara l-imposizzjoni tal-miżuri proviżorji, u l-iżvelar għandu jsir wara, bil-miktub, kemm jista’ jkun malajr. 2. Il-partijiet imsemmija fil-paragrafu 1 jistgħu jitolbu l-iżvelar finali tal-fatti essenzjali u l-konsiderazzjonijiet li fuq il-bażi tagħhom huwa maħsub li tiġi rakkomandata l-imposizzjoni ta' miżuri definittivi, jew l-għeluq ta' investigazzjoni jew proċeduri mingħajr l-imposizzjoni ta' miżuri, u għandha tingħata attenzjoni partikolari lill-iżvelar ta' xi fatti jew konsiderazzjonijiet li huma differenti minn dawk użati għal miżuri proviżorji. 3. Talbiet għal żvelar finali għandhom isiru bil-miktub lill-Kummissjoni u għandhom jaslu, f'dawk il-każijiet fejn ġie mpost dazju provisorju, mhux aktar tard minn xahar mill-pubblikazzjoni ta' l-imposizzjoni ta' dak id-dazju. Meta ma jkunx ġie impost dazju provisorju, il-partijiet għandhom jingħataw l-opportunità li jitolbu l-iżvelar finali fil-limiti taż-żmien stabbiliti mill-Kummissjoni. 4. L-iżvelar finali għandu jingħata bil-kitba. Dan għandu jsir, wara li tiġi meqjusa l-protezzjoni ta' l-informazzjoni kunfidenzjali, kemm jista’ jkun malajr u normalment, mhux aktar tard minn xahar qabel id-deċiżjoni finali jew is-sottomissjoni mill-Kummissjoni ta' xi proposta għal azzjoni finali bis-saħħa ta' l-Artikoli 14 u 15. Meta l-Kummissjoni f'dak iż-żmien ma tkunx f'qagħda li tiżvela ċerti fatti jew konsiderazzjonijiet, dawn għandhom jiġu żvelati kemm jista’ jkun malajr aktar tard. L-iżvelar m'għandux jippreġudika xi deċiżjoni sussegwenti li tista’ tittieħed mill-Kummissjoni jew mill-Kunsill, imma meta deċiżjoni bħal din tkun ibbażata fuq xi fatti jew konsiderazzjonijiet differenti, dawn għandhom jiġu żvelati kemm jista’ jkun malajr. 5. I r-rappreżentazzjonijiet li jsiru wara li jkun sar l-iżvelar finali għandhom jiġu kunsidrati biss jekk jaslu f'perjodu ta' żmien stabbilit f'kull każ mill-Kummissjoni, li għandu jkun mill-anqas għaxart ijiem, waqt illi tingħata konsiderazzjoni ġusta ta' l-urġenza tas-suġġett. Artikolu 31 Interessi tal-Komunità 1. Deċiżjoni dwar jekk l-interessi tal-Komunità jitolbux għal intervent għandha tkun ibbażata fuq stima ta' l-interessi kollha varji meħuda flimkien, inklużi l-interessi ta' l-industrija domestika u l-utenti u l-konsumaturi; deċiżjoni skond dan l-Artikolu għandha ssir biss meta l-partijiet kollha jkunu ingħataw l-opportunità li juru l-fehmiet tagħhom skond il-paragrafu 2. F'eżami bħal dan, il-ħtieġa li jkunu eliminati l-effetti ta' taqlib fil-kummerċ kawża ta' sussidji li joħolqu ħsara u li tkun imdaħħla mill-ġdid il-kompetizzjoni effettiva, għandha tingħata konsiderazzjoni speċjali. Il-miżuri, kif stabbiliti fuq il-bażi tas-sussidjar u l-ħsara misjuba, ma jistgħux jiġu applikati meta l-awtoritajiet, fuq il-bażi ta' l-informazzjoni kollha sottomessa, jistgħu faċilment jikkonkludu li ma jkunx fl-interess tal-Komunità li dawn il-miżuri jiġu applikati. 2. Sabiex tiġi provduta bażi soda li fuqha l-awtoritajiet jistgħu jikkunsidraw il-fehmiet u l-informazzjoni kollha fid-deċiżjoni dwar jekk l-imposizzjoni jew le ta' miżuri tkunx fl-interess tal-Komunità, min jagħmel l-ilmenti, l-importaturi u l-għaqdiet rappreżentattivi, ir-rappreżentanti ta' l-utenti u r-rappreżentanti ta' l-organizzazzjonijiet tal-konsumatur jistgħu, fil-limiti taż-żmien speċifikati fl-avviż tal-bidu ta' l-investigazzjoni dwar id-dazju ta' kumpens, jiżvelaw l-interessi tagħhom u jipprovdu l-informazzjoni lill-Kummissjoni. Din l-informazzjoni, jew is-sommarji tagħha kif xieraq, għandhom ikunu disponibbli lill-partijiet l-oħra kif speċifikat f'dan il-paragrafu, u huma jkunu ntitolati li jagħmlu tweġiba għal din l-informazzjoni. 3. Il-partijiet li jkunu mxew skond il-paragrafu 2 jistgħu jitolbu li jinstemgħu. Talbiet bħal dawn għandhom jiġu milqugħa jekk jiġu sottomessi fil-limiti taż-żmien stabbiliti fil-paragrafu 2, u meta jagħtu r-raġuni, fit-termini ta' l-interess tal-Komunità, għala l-partijiet għandhom jinstemgħu. 4. Il-partijiet li jkunu aġixxew skond il-paragrafu 2 jistgħu jagħmlu kummenti fuq l-applikazzjoni ta' xi dazju provisorju li kien impost. Dawn il-kummenti għandhom jaslu fi żmien xahar mill-applikazzjoni ta' dawn il-miżuri sabiex jiġu kunsidrati u huma, jew is-sommarji xierqa tagħhom, għandhom ikunu disponibbli għall-partijiet l-oħra li jkunu ntitolati li jwieġbu għal dawn il-kummenti. 5. Il-Kummissjoni għandha teżamina l-informazzjoni li tiġi sottomessa kif suppost u kemm din tkun rappreżentattiva, u r-riżultati ta' din l-analiżi, flimkien ma’ opinjoni fuq il-merti tagħha, għandhom jiġu mgħoddija lill-Kumitat Konsultattiv. Il-bilanċ tal-fehmiet espressi fil-Kumitat għandhom ikunu kunsidrati mill-Kummissjoni f'kull proposta magħmula skond l-Artikoli 14 u 15. 6. Il-partijiet li jkunu mxew skond il-paragrafu 2 jistgħu jitolbu li l-fatti u l-konsiderazzjonijiet li fuqhom aktarx li jittieħdu d-deċiżjonijiet finali, ikunu disponibbli għalihom. Din l-informazzjoni għandha tkun disponibbli sakemm huwa possibbli u mingħajr preġudizzju għal xi deċiżjoni sussegwenti meħuda mill-Kummissjoni jew mill-Kunsill. 7. L-informazzjoni għandha tkun meqjusa biss jekk tkun sostnuta b'xiehda attwali li tipprova il-validità tagħha. Artikolu 32 Relazzjonijiet bejn id-dazju ta' kumpens u r-rimedji multilaterali Jekk prodott impurtat ikun soġġett għal xi miżuri opposti imposti wara li jkunu saru l-proċeduri stabbiliti dwar il-kwistjoni tal-Ftehim tas-Sussidji, u dawn il-miżuri jkunu xierqa għat-tneħħija tal-ħsara kawżata mis-sussidji ta' kumpens, id-dazju ta' kumpens impost dwar dak il-prodott għandu jiġi immedjatament sospiż, jew imħassar, kif xieraq. Artikolu 33 Disposizzjonijiet finali Dan ir-Regolament m'għandux ifixkel l-applikazzjoni ta': (a) xi regoli speċjali imniżżla fi ftehim milħuqa bejn il-Komunità u pajjiżi terzi; (b) ir-regolamenti tal-Komunità fis-settur ta' l-Agrikoltura u r-Regolamenti tal-Kunsill (KE) Nru 3448/93 tas-6 ta' Diċembru 1993 li jistabbilixxu l-arranġamenti tal-kummerċ applikabbli għal ċerti oġġetti li jirriżultaw mill-proċessar ta' prodotti agrikoli [6], (KEE) Nru 2730/75 tad-29 ta' Ottubru 1975 dwar il-glukosju u l-lattosju [7] u (KEE) Nru 2783/75 tad-29 ta' Ottubru 1975 dwar is-sistema komuni ta' kummerċ ta' l-ovalbumin u l-laktalbumin [8]; dan ir-Regolament għandu jaħdem billi jikkumplimenta lil dawk ir-regolamenti u b'deroga mid-disposizzjonijiet tiegħu li jipprekludu l-applikazzjoni ta' dazji ta' kumpens; (ċ) miżuri speċjali, sakemm din l-azzjoni ma tmurx kontra l-obbligi tal-GATT. Artikolu 34 Tħassir ta' leġislazzjoni eżistenti u miżuri transitorji Ir-Regolament (KE) Nru 3284/94 qiegħed jiġi mħassar. Madanakollu, it-tħassir tar-Regolament (KE) Nru 3284/94 m'għandux jippreġudika l-validità tal-proċeduri mibdija bis-saħħa tiegħu. Ir-referenzi għar-Regolamenti (KEE) Nru 2423/88 u (KE) Nru 3284/94 għandhom ikunu meqjusa bħala referenzi għal dan ir-Regolament, kull fejn xieraq. Artikolu 35 Dħul fis-seħħ Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fil-Lussemburgu, fis-6 ta' Ottubru 1997. Għall-Kunsill Il-President J. Poos [1] ĠU C 99, tas-26.3.1997, p. 1 [2] ĠU L 209, tat-2.8.1988, p. 1. Ir-Regolament kif l-aħħar emendat bir-Regolament (KE) Nru 522/94 (ĠU L 66, ta' l-10.3.1994, p. 10) [3] ĠU L 336, tat-23.12.1994, p.1 [4] ĠU L 349, tal-31.12.1994, p. 22. Ir-Regolament kif emendat bir-Regolament (KE) Nru 1252/95 (ĠU L 122, tat-2.6.1995, p. 2) [5] ĠU L 302, tad-19.10.1992, p. 1. Ir-Regolament kif l-aħħar emendat bir-Regolament (KE) Nru 82/97 tal-Parlament Ewropew u tal-Kunsill (ĠU L 17, tal-21.1.1997, p. 1) [6] ĠU L 318, ta' l-20.12.1993, p. 18 [7] ĠU L 281, ta' l- 1.11.1975, p. 20. Ir-Regolament kif l-aħħar emendat bir-Regolament tal-Kummissjoni (KE) Nru 2931/95 (ĠU L 307, ta' l-20.12.1995, p. 10) [8] ĠU L 282,ta' l-1.11.1975, p. 104. ir-Regolament kif l-aħħar emendat bir-Regolament tal-Kummissjoni (KE) Nru 2916/95 (ĠU L 305, tad-19.12.1995, p. 49) -------------------------------------------------- ANNESS I LISTA ILLUSTRATTIVA TA' SUSSIDJI GĦALL-ESPORTAZZJONI (a) L-għoti minn gvernijiet ta' sussidji diretti lil xi ditta jew industrija, li jiddependu mill-prestazzjoni ta' l-esportazzjoni. (b) Skemi ta' żamma ta' munita jew prattiċi simili li jinvolvu bonus fuq l-oġġetti esportati. (ċ) Spejjeż tat-trasport intern u tal-ġarr fuq it-trasbord, provdut jew imqabbad mill-gvernijiet, fuq kondizzjonijiet aktar favorevoli minn dawk għal trasbord domestiku. (d) L-għoti minn gvernijiet jew aġenziji tagħhom jew direttament jew indirettament permezz ta' skemi mqabbda mill-gvern, ta' prodotti importati jew domestiċi jew servizzi għall-użu tal-produzzjoni ta' oġġetti għall-esportazzjoni, fuq termini jew kondizzjonijiet aktar favorevoli minn dawk provduti għal prodotti simili jew direttament kompetittivi jew servizzi għall-użu fil-produzzjoni ta' oġġetti għall-konsum domestiku, jekk (fil-każ ta' prodotti) dawn it-termini jew kondizzjonijiet ikunu aktar favorevoli minn dawk kummerċjalment disponibbli [1] fis-swieq mondjali għall-esportaturi tagħhom. L-eżenzjoni sħiħa jew parzjali, ir-remissjoni, jew id-differiment speċifiku relatat ma' l-esportazzjoni, ta' taxxi diretti [2] jew piżijiet ta' għajnuna soċjali mħallsa jew li għandhom jitħallsu mill-intrapriżi industrijali jew kummerċjali [3]. (f) Il-konċessjoni ta' tnaqqis speċjali direttament relatat ma’ l-esportazzjoni jew l-imġieba fl-esportazzjoni, fuq dawk mgħotija dwar il-produzzjoni għall-konsum domestiku, fil-kalkolu tal-bażi li fuqu huma imposti t-taxxi diretti. L-eżenzjoni jew ir-remissjoni, dwar il-produzzjoni u d-distribuzzjoni tal-prodotti esportati, tat-taxxi indiretti [4] b'eċċess ta' dawk imposti dwar il-produzzjoni u d-distribuzzjoni ta' prodotti simili, meta jinbiegħu għall-konsum domestiku. L-eżenzjoni jew ir-remissjoni jew id-differiment ta' taxxi indiretti kumulattivi bil-quddiem [5] fuq oġġetti jew servizzi użati fil-produzzjoni tal-prodotti esportati, li jeċċedu l-eżenzjoni, ir-remissjoni jew id-differiment ta' taxxi indiretti kumulattivi bil-quddiem fuq oġġetti u servizzi wżati fil-produzzjoni ta' prodotti simili meta mibjugħa għall-konsum domestiku; sakemm, madanakollu, it-taxxi indiretti kumulattivi bil-quddiem, jistgħu jiġu eżentati, mgħoddija jew posposti fuq prodotti esportati anki meta ma jkunux eżentati, mgħoddija jew posposti fuq prodotti simili mibjugħa għall-konsum domestiku, jekk it-taxxi indiretti kumulattivi bil-quddiem ikunu imposti fuq id-dħul li jkun użat fil-produzzjoni tal-prodott esportat (wara li titqies il-ħela [6]. Din il-partita għandha tiġi interpretata skond il-linji ta' gwida fuq il-konsum tal-dħul fil-proċess tal-produzzjoni ta' l-Anness II. Ir-remissjoni jew it-teħid lura tal-ħlasijiet [7] iżjed minn dawk imposti fuq id-dħul impurtat li jiġu kkunsmati fil-produzzjoni tal-prodott esportat (wara li tiġi meqjusa l-ħela); kemm-il darba, madanakollu, li f'każijiet partikolari ditta tista’ tagħmel użu minn kwantità ta' dħul fis-suq intern li jkun ekwivalenti għal, u li jkollu l-istess kwalità u karatteristiċi bħal, id-dħul impurtat bħala sostitut għalihom sabiex tgawdi minn din id-disposizzjoni jekk l-operazzjonijiet ta' l-importazzjoni u l-esportazzjoni korrispondenti, it-tnejn iseħħu matul perjodu ta' żmien raġonevoli, li ma jeċċedix is-sentejn. Dan il-punt għandu jiġi interpretat skond il-linji ta' gwida fuq il-konsum tad-dħul fil-proċess tal-produzzjoni kif stabbilit fl-Anness II u l-linji ta' gwida fid-deċisjoni dwar sistemi sostituti ta' teħid lura bħala sussidji għall-esportazzjoni kif imniżla fl-Anness III. (j) L-għoti minn gvernijiet (jew istituzzjonijiet speċjali kontrollati minn gvernijiet) ta' garanzija ta' kreditu għall-esportazzjoni jew programmi ta' assigurazzjoni, ta' programmi ta' assikurazjoni jew garanziji kontra ż-żjieda fl-ispejjes tal-prodotti esportati jew ta' programmi ta' skambju ta' riskju, bl-aħjar rati li ma jkunux biżżejjed biex ikopru l-ispejjeż u t-telf operattiv fit-tul tal-programmi. (k) L-għoti minn gvernijiet (jew istituzzjonijiet speċjali kontrollati minn u/jew li jaħdmu taħt l-awtorità tal-gvernijiet) ta' krediti għall-esportazzjoni b'rati inqas minn dawk li huma attwalment iħallsu għall-fondi hekk użati (jew kien ikollhom iħallsu kieku kellhom jissellfu fis-swieq internazzjonali tal-kapital sabiex jiksbu fondi ta' l-istess maturità u termini ta' krediti oħra u denominati fl-istess munita bħall-kreditu għall-esportazzjoni), jew il-ħlas tagħhom fl-intier jew parti mill-ispejjes minfuqa mill-esportaturi jew l-istituzzjonijiet finanzjarji li jagħtu kreditu, sakemm jintużaw sabiex jiġi akkwistat vantaġġ materjali fit-termini tal-qasam ta' kreditu għall-esportazzjoni. Sakemm, madanakollu, li jekk Membru ta' l-WTO ikun parti minn impenn internazzjonali dwar il-krediti uffiċjali għall-esportazzjoni li magħha jagħmlu parti mill-anqas 12-il membru oriġinali mill-1 ta' Jannar 1979 (jew impenn suċċessiv li kien ġie adottat minn dawk il-Membri oriġinali), jew jekk fil-prattika Membru ta' l-WTO japplika d-disposizzjonijiet tar-rati ta' interessi ta' l-impenn relevanti, il-prattika ta' kreditu għall-esportazzjoni li tkun konformi ma’ dawk id-disposizzjonijiet, m'għandhiex titqies li hija sussidju għall-esportazzjoni. (l) Kull ħlas ieħor mill-kontijiet pubbliċi li jikkostitwixxi sussidju għall-esportazzjoni fis- sens ta' l-Artikolu XVI tal-GATT 1994. [1] Il-kliem "kummerċjalment disponibbli" ifissru li l-għażla bejn prodotti domestiċi u impurtati mhijiex ristretta u tiddependi biss minn konsiderazzjonijiet kummerċjali [2] Għall-iskop ta’ dan ir-Regolament:it-terminu "taxxi diretti" ifisser taxxi fuq il-pagi, il-profitti, 1-interessi, il-kirjiet, il-jeddijiet miżmuma ta'l 1-awtur, u kull forma oħra ta' dħul, kif ukoll taxxi fu il-propjetàit-terminu "spejjeż impurtanti" ifisser tariffi, dazji, u kull xorta ta' spejjeż fiskali oħra mhux inklużi band' oħra f' fin in-nota,it-terminu "taxxi indiretti" ifisser sisa, ternover, valur miżjud, katina ta ħwienet, il-bolla, it-transfers, 1-inventarju u t-taxxi barranin, taxxi border, u kull tip ta' taxxa oħra minbarra dawk imsemmija hawn fuq,"taxxi kmieni" huma t-taxxi indiretti intaxxati fuq il-merkanzija u s-servizzi użati direttament jew indirettament fil-manifattura tal-prodott,"kumulattivi" huma taxxi indiretti maqsuma f' diversi stadji fejn mhemmx mekkaniżmu għall-kreditu tal-merkanzija fuq is-servizzi suġġetta għat-taxxa fi stadju partikolari tal-manifattura,"rimissjoni" tat-taxxi jinkludi r-rifużjoni tat-taxxi,"rimissjoni jew 1-irtirar" jinkludu 1-eżenzjoni parzjali jew kollha fuq 1-ispejjeż ta' 1-importazzjoni. [3] Postponiment jista’ ma jammontax għal sussidju ta' l-esportazzjoni meta, per eżempju, piżijiet approprjati ta' interessi huma miġbura [4] Għall-iskop ta’ dan ir-Regolament:it-terminu "taxxi diretti" ifisser taxxi fuq il-pagi, il-profitti, 1-interessi, il-kirjiet, il-jeddijiet miżmuma ta'l 1-awtur, u kull forma oħra ta' dħul, kif ukoll taxxi fu il-propjetàit-terminu "spejjeż impurtanti" ifisser tariffi, dazji, u kull xorta ta' spejjeż fiskali oħra mhux inklużi band' oħra f' fin in-nota,it-terminu "taxxi indiretti" ifisser sisa, ternover, valur miżjud, katina ta ħwienet, il-bolla, it-transfers, 1-inventarju u t-taxxi barranin, taxxi border, u kull tip ta' taxxa oħra minbarra dawk imsemmija hawn fuq,"taxxi kmieni" huma t-taxxi indiretti intaxxati fuq il-merkanzija u s-servizzi użati direttament jew indirettament fil-manifattura tal-prodott,"kumulattivi" huma taxxi indiretti maqsuma f' diversi stadji fejn mhemmx mekkaniżmu għall-kreditu tal-merkanzija fuq is-servizzi suġġetta għat-taxxa fi stadju partikolari tal-manifattura,"rimissjoni" tat-taxxi jinkludi r-rifużjoni tat-taxxi,"rimissjoni jew 1-irtirar" jinkludu 1-eżenzjoni parzjali jew kollha fuq 1-ispejjeż ta' 1-importazzjoni. [5] Għall-iskop ta’ dan ir-Regolament:it-terminu "taxxi diretti" ifisser taxxi fuq il-pagi, il-profitti, 1-interessi, il-kirjiet, il-jeddijiet miżmuma ta'l 1-awtur, u kull forma oħra ta' dħul, kif ukoll taxxi fu il-projetàit-terminu "spejjeż impurtanti" ifisser tariffi, dazji, u kull xorta ta' spejjeż fiskali oħra mhux inklużi band' oħra f' fin in-nota,it-terminu "taxxi indiretti" ifisser sisa, ternover, valur miżjud, katina ta ħwienet, il-bolla, it-transfers, 1-inventarju u t-taxxi barranin, taxxi border, u kull tip ta' taxxa oħra minbarra dawk imsemmija hawn fuq,"taxxi kmieni" huma t-taxxi indiretti intaxxati fuq il-merkanzija u s-servizzi użati direttament jew indirettament fil-manifattura tal-prodott,"kumulattivi" huma taxxi indiretti maqsuma f' diversi stadji fejn mhemmx mekkaniżmu għall-kreditu tal-merkanzija fuq is-servizzi suġġetta għat-taxxa fi stadju partikolari tal-manifattura,"rimissjoni" tat-taxxi jinkludi r-rifużjoni tat-taxxi,"rimissjoni jew 1-irtirar" jinkludu 1-eżenzjoni parzjali jew kollha fuq 1-ispejjeż ta' 1-importazzjoni. [6] Il-Paragrafu (h) ma japplikax għal sistemi ta' taxxa fuq il-valur miżjud u aġġustament ta' taxxa-border in lieu tagħhom; il-problema ta' remissjoni eċċessiva ta' taxi fuq il-valur miżjud hija esklużivament koperta bil-paragrafu (g) [7] Għall-iskop ta’ dan ir-Regolament:it-terminu "taxxi diretti" ifisser taxxi fuq il-pagi, il profitti, 1-interessi, il-kirjiet, il-jeddijiet miżmuma ta' l-awtur, u kull forma oħra ta' dħul, kif ukoll taxxi fuq il-propjetà,it-terminu "spejjeż impurtanti" ifisser tariffi, dazji, u kull xorta ta' spejjeż fiskali oħra mhux inklużi band' oħra f' din in-nota,it-terminu "taxxi indiretti" ifisser sisa, ternover, valur miżjud, katina ta' ħwienet, il-bolla, it-transfers, 1-inventarju u t-taxxi barranin, taxxi border, u kull tip ta' taxxa oħra minbarra dawk imsemmija hawn fuq,"taxxi kmieni" huma t-taxxi indiretti intaxxati fuq il-merkanzija u s-servizzi użati direttament jew indirettament fil-manifattura tal-prodott"kumulattivi" huma taxxi indiretti maqsuma f' diversi stadji fejn mhemmx mekkaniżmu għall-kreditu tal-merkanzija fuq is-servizzi suġġetta għat-taxxa fi stadju partikolari tal-manifattura,"rimissjoni" tat-taxxi jinkludi r-rifużjoni tat-taxxi,"rimissjoni jew 1-irtirar" jinkludu 1 eżenjoni parzjali jew kollha fuq 1-ispejjeż ta' 1-importazzjoni. -------------------------------------------------- ANNESS II LINJI GWIDA DWAR IL-KONSUM TAD-DĦUL FIL-PROĊESS TAL-PRODUZZJONI [1] I 1. Skemi ta' rifużjoni ta' taxxa indiretta jistgħu jippermettu eżenzjoni, remissjoni jew differiment ta' taxxi indiretti kumulattivi minn stadju qabel imposti fuq dħul li jkun ikkunsmat fil-produzzjoni tal-prodott esportat (wara li titqies il-ħela). B'mod simili, l-iskemi ta' l-għoti lura jistgħu jippermettu ir-remissjoni jew it-teħid lura ta' piżijiet fuq l-importazzjoni imposti fuq id-dħul li jkun ikkunsmat fil-produzzjoni tal-prodott esportat (wara li titqies il-ħela). 2. Il-lista illustrattiva ta' sussidji għall-esportazzjoni fl-Anness I tagħmel riferenza għat-terminu "dħul li jkun kunsmat fil-produzzjoni tal-prodott esportat" fil-paragrafi (h) u (i). Skond il-paragrafu (h), l-iskemi ta' l-għoti lura ta' taxxi indiretti jistgħu joħolqu sussidju fuq l-esportazzjoni sal-limitu li jirriżultaw f'eżenzjoni, remissjoni jew differiment fit-taxxi indiretti kumulattivi fl-istadju minn qabel b'eċċess mill-ammont ta' dawn it-taxxi li jkun attwalment impost fuq id-dħul li jkun kunsmat fil-produzzjoni tal-prodott esportat. Skond il-paragrafu (i), skemi ta' teħid lura jistgħu joħolqu sussidju fuq l-esportazzjoni sal-limitu li huma jirriżultaw f'remissjoni jew teħid lura ta' imposti fuq l-importazzjoni b'eċċess minn dawk attwalment imposti fuq id-dħul li jkun ikkunsmat fil-produzzjoni tal-prodott esportat. Iż-żewġ paragrafi jistipulaw li għandha tingħata tiġi meqjusa l-ħela normali fis-sejbiet dwar il-konsum ta' dħul fil-produzzjoni tal-prodott esportat. Il-paragrafu (i) jipprovdi wkoll għal sostituzzjoni, fejn xieraq. II 3. Fl-eżaminazzjoni dwar jekk id-dħul ikunx ikkunsmat fil-produzzjoni tal-prodott esportat, bħala parti mill-investigazzjoni dwar dazju ta' kumpens skond dan ir-Regolament, il-Kummissjoni normalment tipproċedi fuq il-bażi segwenti. 4. Meta jiġi allegat illi xi skema tal-għoti lura ta' taxxa indiretta, jew skema ta' teħid lura, toħloq sussidju minħabba l-għoti lura żejjed ta' taxxi indiretti jew ta' ħlasijiet ta' l-importazzjoni fuq id-dħul ikkunsmat fil-produzzjoni tal-prodott esportat, il-Kummissjoni trid normalment l-ewwel tistabbilixxi jekk il-gvern tal-pajjiż esportatur ikollux eżistenti jew japplikax sistema jew proċedura biex ikun aċċertat liema dħul ikun ikkunsmat fil-produzzjoni tal-prodott esportat u f’liema ammonti. Meta sistema jew proċedura bħal din tkun ikkonfermata li tapplika, il-Kummissjoni għandha mbagħad normalment teżamina s-sistema jew il-proċedura biex tara jekk tkunx raġonevoli, effettiva għall-iskop li għalih hija intenzjonata, u bbażata fuq prattiċi kummerċjali ġeneralment aċċettati fil-pajjiż esportatur. Il-Kummissjoni jista’ jidhrilha li huwa neċessarju li twettaq, skond l-Artikolu 26(2), ċerti testijiet prattiċi sabiex tivverifika l-informazzjoni jew tissodisfa lilha nfisha illi s-sistema jew il-proċedura qiegħda tiġi applikata effettivament. 5. Fejn ma hemmx sistema jew proċedura bħal din, fejn ma tkunx raġonevoli, jew fejn tkun istitwita u kunsidrata raġonevoli imma jinstab li ma tkunx applikata jew li ma tkunx applikata effettivament, aktar eżamijiet mill-pajjiż esportatur ibbażati fuq id-dħul attwali involut għandu normalment ikun meħtieġ li jsir fil-kuntest biex jiġi stabbilit jekk ikunx seħħ pagament eċċessiv. Jekk il-Kummissjoni tħoss li jkun meħtieġ, jista’ jinżamm eżami ieħor skond il-paragrafu 4. 6. Il-Kummissjoni għandha normalment titratta d-dħul bħala fiżikament inkorporati jekk dan id-dħul ikun użat fil-proċess tal-produzzjoni u jkun fiżikament preżenti fil-prodott esportat. Id-dħul mhux bilfors li jkun preżenti fil-prodott finali bl-istess forma li biha jkun daħal fil-proċess tal-produzzjoni. 7. Meta jiġi stabbilit l-ammont ta' dħul partikolari li jkun ikkunsmat fil-produzzjoni tal-prodott esportat, għandha normalment tiġi kkunsidrata "l-ħela normali", u din il-ħela għandha normalment tiġi meqjusa li ġiet ikkunsmata fil-produzzjoni tal-prodott esportat. It-terminu "ħela" jirreferi għal dik il-parti tad-dħul partikolari li ma sservix funzjoni indipendenti fil-proċess tal-produzzjoni, ma tkunx ikkunsmata fil-produzzjoni tal-prodott esportat (għal raġunijiet bħall-ineffiċjenza) u ma tkunx irkuprata, użata jew mibjugħa mill-istess fabbrikant. 8. Id-deċisjoni tal-Kunsill dwar jekk pretensjoni għall-qies ta' ħela tkunx "normali", trid normalment tqis il-proċess tal-produzzjoni, l-esperjenza medja ta' l-industrija tal-pajjiż esportatur, u fatturi oħra tekniċi, kif xieraq. Il-Kummissjoni għandha żżomm f'moħħha li mistoqsija importanti hija jekk l-awtoritajiet ta' pajjiż esportatur ikunux għamlu kalkolu raġonevoli ta' l-ammont ta' ħela, meta dan l-ammont ikun intenzjonat li jiġi nkluż fit-tnaqqis jew ir-remissjoni tat-taxxa jew dazju. [1] Inputs ikkunsmati fil-proċess tal-produzzjoni huma inputs fiżikament inkorporati, enerġija, karburanti u żejt użati fil-proċess tal-produzzjoni u katalisti li huma kkunsmati tul l-użu tagħhom biex jottjenu l-prodott esportat. -------------------------------------------------- ANNESS III LINJI GWIDA FID-DEĊISJONI TA' SISTEMI TA' GĦOTI LURA B'SOSTITUZZJONI BĦALA SUSSIDJI FUQ L-ESPORTAZZJONI I Is-sistemi ta' teħid lura jistgħu jippermettu r-rifużjoni jew it-teħid lura ta' ħlasijiet fuq l-importazzjoni fuq id-dħul li jkun ikkunsmat fil-proċess tal-produzzjoni ta' prodott ieħor u meta l-esportazzjoni ta' dan il-prodott ikun jinkludi dħul domestiku li jkollu l-istess kwalità u karatteristiċi bħal dawk mogħtija għad-dħul ta' l-importazzjoni. Skond il-paragrafu (i) ta' l-Anness I, is-sistemi ta' sostituzzjoni ta' teħid lura jistgħu joħolqu sussidju fuq l-esportazzjoni sal-limitu li jirriżultaw f'għoti lura eċċessiv tal-ħlasijiet fuq l-importazzjoni li jkunu imposti inizzjalment fuq id-dħul importat li għalih tkun qed issir talba għat-teħid lura. II Meta jsir eżami ta' sistema ta' sostituzzjoni ta' teħid lura bħala parti minn investigazzjoni ta' dazji ta' kumpens bis-saħħa ta' dan ir-Regolament, il-Kummissjoni trid normalment tipproċedi fuq il-bażi li ġejja: 1. il-paragrafu (i) ta' l-Anness I jistipula li d-dħul fis-suq intern jista’ jkun sostitwit għad-dħul ta' l-importazzjoni fil-produzzjoni ta' prodott għall-esportazzjoni sakemm dawn id-dħul ikunu ugwali fil-kwantità għal, u jkollhom l-istess kwalità u karatteristiċi bħal, id-dħul impurtat li jkun qiegħed jiġi sostitwit. L-eżistenza ta' sistema jew proċedura ta' verifikazzjoni hija importanti għaliex tagħmilha possibbli għall-gvern ta' pajjiż esportatur li jassigura u juri li l-kwantità ta' dħul li għalih ikun hemm talba għall-għoti lura ma jeċċedix il-kwantità ta' prodotti simili esportati, fi kwalunkwe forma, u li ma jkunx hemm l-għoti lura ta' ħlasijiet ta' l-importazzjoni iżjed minn dawk oriġinarjament imposti fuq id-dħul impurtat f'dak il-każ; 2. meta jkun hemm allegazzjoni li sistema ta' l-għoti lura ta' sostituzzjoni toħloq sussidju, il-Kummissjoni trid normalment l-ewwel tipproċedi biex tistabbilixxi jekk il-gvern tal-pajjiż esportatur ikollux u japplikax sistema jew proċedura ta' verifika. Meta sistema jew proċedura bħal din tiġi konfermata li tapplika, il-Kummissjoni għandha normalment imbagħad teżamina l-proċeduri ta' verifika sabiex tara jekk dawn ikunux raġonevoli, effettivi għall-iskop li għalih kienu ntenzjonati, u bbażati fuq prattiċi kummerċjali ġeneralment aċċettati fil-pajjiż esportatur. Sal-grad li l-proċeduri huma ntenzjonati biex jissodisfaw dan it-test u sakemm jiġu applikati b'mod effettiv, l-ebda sussidju m'għandu jiġi preżunt li jeżisti. Il-Kummissjoni tista’ tikkunsidra li jkun meħtieġ li twettaq, skond l-Artikolu 26(2), ċerti testijiet prattiċi sabiex tivverifika l-informazzjoni jew tissodisfa lilha nnfisha li l-proċeduri ta' verifika qegħdin jiġu applikati effettivament; 3. meta ma jkunx hemm proċeduri ta' verifika, fejn ma jkunux ragonevoli, jew fejn dawn il-proċeduri jkunu mwaqqfa u kunsidrati raġonevoli imma jinstab li ma jkunux attwalment qegħdin jiġu applikati jew applikati effettivament, jista’ jkun hemm sussidju. F'każijiet bħal dawn, eżaminazzjoni ulterjuri mill-pajjiż esportatur ibbażata fuq it-operazzjonijiet attwali involuti għandhom jiġu mwettqa sabiex jiġi stabbilit jekk ikunx sar ħlas eċċessiv. Jekk il-Kummissjoni tħoss li jkun meħtieg, jista’ jsir eżami ieħor skond il-punt 2; 4. l-eżistenza ta' disposizzjonijiet ta' teħid lura b'sostituzzjoni li biha l-esportaturi jistgħu jagħżlu l-kunsinni ta' importazzjoni partikolari li fuqhom ikun hemm pretensjoni ta' teħid lura, m'għandhiex minnha nfisha tkun meqjusa li twassal għal sussidju; 5. it-teħid lura eċċessiv ta' ħlasijiet fuq l-importazzjoni fl-iskop ta' dak imfisser fil-paragrafu (i) ta' l-Anness I, huwa meqjus li jeżisti meta l-gvernijiet iħallsu l-interessi fuq xi flejjes fl-iskemi tat-teħid lura, sal-limitu ta' l-interessi attwalment imħallsa jew li għandhom jitħallsu. -------------------------------------------------- ANNESS IV (Dan l-Anness jirriproduċi l-Anness 2 tal-Ftehim dwar l-Agrikoltura. It-termini jew l-espressjonijiet li m'humiex spjegati hawnhekk jew li m'humiex spjegati minnhom infushom għandhom jiġu interpretati fil-kuntest ta' dak il-Ftehim.) APPOĠĠ DOMESTIKU: IL-BAŻI TAL-EŻENZJONI MINN IMPENJI TA' TNAQQIS 1. Miżuri ta' appoġġ domestiku li jkun hemm pretensjoni għall-eżenzjoni tagħhom mill-wegħdiet tat-tnaqqis għandhom jilħqu l-ħtieġa fundamentali li ma jkollhom ebda, jew għall-aktar il-minimu, effetti ta' tgħawwiġ tal-kummerċ jew effetti fuq il-produzzjoni. Għaldaqstant, il-miżuri kollha li għalihom issir talba għall-eżenzjoni għandhom ikunu konformi mal-kriterji bażiċi li ġejjin: (a) l-appoġġ f'dan il-każ għandu jingħata permezz ta' programm governattiv ta' fondi pubbliċi (inkluż id-dhul governattiv li nħafer) li ma jinvolvix trasferimenti mill-konsumaturi; u, (b) l-appoġġ f'dan il-każ ma jkollu ebda effett li jipprovdi għajnuna fil-prezz għall-fabbrikanti; kif ukoll kriterji ta' politika speċifika u kondizzjonijiet kif imniżżla hawn taħt. Programmi ta' servizzi governattivi 2. Servizzi ġenerali Il-politika f'din il-kategorija tinvolvi spejjeż (jew dħul maħfur) marbuta ma’ programmi li jipprovdu servizzi jew benefiċċji lill-agrikoltura jew lill-komunitajiet rurali. M'għandhomx ikunu nvoluti pagamenti diretti lill-produtturi jew lil dawk li jipproċessaw. Programmi bħal dawn, li jinkludu imma li m'humiex ristretti għall-lista li ġejja, għandhom jilħqu l-kriterji ġenerali fil-paragrafu 1 u l-kondizzjonijiet ta' politika-speċifika fejn ikunu imniżżla hawn taħt: (a) riċerka, inkluża r-riċerka ġenerali, ir-riċerka fi programmi ambjentali, u l-programmi ta' riċerka marbutin ma’ prodotti partikolari; (b) kontroll kontra l-pesti u kontra l-mard, inklużi miżuri ta' twissija bikrija, il-kwarantina u l-qerda; (ċ) servizzi ta' taħriġ, inklużi faċilitajiet ta' taħriġ kemm ġenerali u speċifiċi; (d) servizzi ta' estensjoni u pariri, inkluż l-għoti ta' mezzi sabiex jiġi faċilitat it-trasferiment ta' informazzjoni u r-riżultati tar-riċerka lill-produtturi u lill-konsumaturi; (e) servizzi ta' spezzzjoni, inklużi servizzi ta' spezzjoni ġenerali u l-ispezzjoni ta' prodotti partikolari għall-iskop ta' saħħa, sigurtà, gradament jew standardizzazzjoni; (f) servizzi ta' bejgħ u promozzjoni, inkluża informazzjoni dwar is-suq, pariri u promozzjoni dwar prodotti partikolari imma eskluża l-ispiża għal skopijiet mhux speċifikati li jistgħu jintużaw mill-bejjiegħa jew biex inaqqsu l-prezz tal-bejgħ jew biex jagħtu benefiċċju ekonomiku dirett lix-xerreja; u (g) servizzi infrastrutturali, inklużi: it-tqassim ta' l-elettriku, it-toroq u meżżi oħra ta' trasport, il-faċilitajiet tas-swieq u l-portijiet, il-faċilitajiet tal-provvista ta' l-ilma, l-iskemi ta' digi u drenaġġi, u x-xogħol infrastrutturali marbut ma’ programmi ambjentali. Fil-każi kollha l-ispiża għandha tkun diretta għall-użu jew il-kostruzzjoni ta' xogħolijiet kapitali biss, u għandha teskludi li jiġu provduti b'sussidju, faċilitajiet ta' l-irziezet ħlief għal dawk tat-tqassim ġenerali ta' bżonnijiet pubbliċi disponibbli. M'għandhiex tinkludi sussidji fuq id-dħul jew l-ispejjeż ta' l-operat, jew xi ħlasijiet preferenzjali ta' użu. 3. Ħażna pubblika għal skopijiet ta' sigurtà ta' ikel [1] L-ispiża (jew taxxi maħfura) f'dak li għandu x'jaqsam ma’ l-akkumulazzjoni u l-ħażna ta' kwantitajiet ta' prodotti li jkunu jagħmlu parti integrali minn programm ta' sigurtà ta' l-ikel li jkun identifikat fil-leġislazzjoni nazzjonali. Din tista’ tinkludi għajnuna governattiva għal ħażniet privati ta' prodotti bħala parti minn dan il-programm. Il-volum u l-akkumulazzjoni ta' dawn il-ħażniet għandu jkun jaqbel ma’ miri predeterminati li jkollhom x'jaqsmu biss mas-sigurtà ta' l-ikel. Il-proċess ta' l-akkumulazzjoni ta' ħażniet u l-użu tagħhom għandu jkun finanzjarjament trasparenti. Ix-xiri ta' ikel mill-gvern għandu jsir bil-prezzijiet kurrenti tas-suq u l-bejgħ mill-ħażniet ta' sigurtà ta' l-ikel għandu jsir bi prezz li ma jkunx anqas minn dak kurrenti fis-suq domestiku għall-prodott u l-kwalità applikabbli. 4. Għajnuna għal ikel domestiku [2] L-ispiża (jew taxxi maħfura) f'dak li għandu x’jaqsam ma’ għajnuna provduta għal ikel domestiku lil sezzjonijiet tal-popolazzjoni li jkunu fil-bżonn. L-eliġibbiltà biex tirċievi l-għajnuna ta' ikel għandha tkun soġġetta għal kriterji definiti b'mod ċar dwar l-għanijiet ta' nutriment. Din l-għajnuna għandha tkun fil-forma ta' għotja diretta ta' ikel lil dawk konċernati jew l-għotja ta' mezzi li jħallu lill-persuni li jirċievu eliġibbli li jixtru ikel bi prezzijiet tas-suq jew sussidjati. Xiri ta' ikel mill-gvern għandu jsir bil-prezzijiet kurrenti tas-suq u l-iffinanzjar u l-amministrazjoni ta' l-għajnuna għandu jkun trasparenti. 5. Pagamenti diretti lill-produtturi Għajnuna provduta permezz ta' pagamenti diretti (jew taxxi maħfura, inkluż il-pagamenti magħmula bi prodotti) lill-produtturi li għaliha tkun ingħatat eżenzjoni minn wegħdiet ta' tnaqqis kif pretiż, għandha tilħaq il-kriterji bażiċi kif imniżżla fil-paragrafu 1, kif ukoll il-kriterji speċifiċi li japplikaw għal tipi individwali ta' pagamenti diretti kif imniżżla fil-paragrafi 6 sa 13. Meta l-eżenzjoni mir-riduzzjoni tkun pretiża għal kull tip eżistenti jew ġdid ta' pagament dirett barra minn dawk speċifikati fil-paragrafi 6 sa 13, għandha tkun konformi mal-kriterji (b) sa (e) fil-paragrafu 6, b'żjieda mal-kriterji ġenerali imniżżla fil-paragrafu 1. 6. Għajnuna fid-dħul mhux marbut (a) L-eliġibiltà għal dawn il-pagamenti għandha tkun stabbilita minn kriterji definiti b'mod ċar bħal ma huwa d-dħul, l-istatus ta' produttur jew sid l-art, l-użu fattorjali jew livell ta' produzzjoni fi żmien bażiku li jkun definit u fiss. (b) L-ammont ta' dawn il-pagamenti matul sena partikolari m'ghandux ikun relatat ma’, jew ibbażat fuq, it-tip jew il-volum tal-produzzjoni (inklużi l-merħliet ta' l-annimali) li jidħol għalih il-produttur matul xi sena wara l-perjodu bażiku. (ċ) L-ammont ta' dawn il-pagamenti matul sena partikolari m’għandux ikun relatat ma’, jew bażat fuq, il-prezzijiet, domestiċi jew internazzjonali, li jkunu applikabbli għal xi produzzjoni magħmula matul xi sena wara l-perjodu bażiku. (d) L-ammont ta' dawn il-pagamenti matul sena partikolari m’għandu jkollu ebda relazzjoni ma’, jew ikun ibbażat fuq, il-fatturi tal-produzzjoni wżati matul xi sena wara l-perjodu bażiku. (e) M'hi meħtieġa ebda produzzjoni sabiex tirċievi dawn il-pagamenti. 7. Parteċipazzjoni finanzjarja governattiva f'assigurazzjoni tad-dħul jew programmi għas-sigurtà tad-dħul (a) L-eliġibiltà għal dawn il-pagamenti għandha tkun stabbilita b'telf fil-qliegħ, wara li jittieħed kont biss tal-qliegħ li jkun ġej mill-agrikoltura, li jeċċedi 30 % tal-medja tal-qliegħ globali jew l-ekwivalenti f'termini ta' qliegħ nett (esklużi l-pagamenti minn skemi li jkunu l-istess jew simili) matul il-perjodu preċedenti ta' tlett snin jew il-medja ta' tlett snin ibbażata fuq il-perjodu preċedenti ta' ħames snin, eskluż l-għola u l-anqas dħul. Kull produttur li jilħaq dawn il-kondizzjonijiet għandu jkun eliġibbli biex jirċievi l-pagamenti. (b) L-ammont ta' dawn il-pagamenti għandu jikkompensa għal anqas minn 70 % tat-telf fil-qliegħ tal-produttur fis-sena li l-produttur isir eliġibbli li jirċievi din l-għajnuna. (ċ) L-ammont ta' dawn il-pagamenti għandu jkollu x'jaqsam biss mad-dħul; m'għandu jkollu x'jaqsam xejn mat-tip jew il-volum tal-produzzjoni (inklużi l-unitajiet ta' annimali) li jidħol għalihom il-produttur; jew mal-prezzijiet, domestiċi jew internazzjonali, li japplikaw għal din il-produzzjoni; jew għall-fatturi tal-produzzjoni wżata. (d) Meta l-produttur jirċievi pagamenti matul l-istess sena bis-saħħa ta' dan il-paragrafu u bis-saħħa tal-paragrafu 8 (għajnuna minn diżastri naturali), it-total ta' dawn il-pagamenti għandu jkun inqas minn 100 % tat-telf totali tal-produttur. 8. Il-pagamenti (magħmula jew direttament jew permezz ta' skema ta' assigurazzjoni ta' l- uċuħ tar-raba’ bil-parteċipazzjoni finanzjarja governattiva) għal għajnuna minn diżastri naturali (a) L-eliġibiltà għal dawn il-pagamenti għandha toriġina biss wara għarfien formali mill-awtoritajiet governattivi illi diżastru naturali jew xi ħaġa simili (inkluż it-tixrid ta' mard, infestazzjoni minn insetti, inċidenti nukleari, u gwerra fit-territorju tal-Membru konċernat) ikun seħħ jew ikun qiegħed iseħħ; u għandu jkun stabbilit b'telf fil-produzzjoni li jaqbeż it-30 % tal-medja tal-produzzjoni matul il-perjodu preċedenti ta' tlett snin jew il-medja ta' tlett snin ibbażata fuq il-perjodu preċedenti ta' ħames snin, esklużi l-ogħla u l-anqas dħul. (b) Il-ħlasijiet li jsiru wara diżastru għandhom jiġu applikati biss f'dak li għandu x'jaqsam ma’ telf ta' dħul, annimali (inklużi l-pagamenti marbuta mat-trattament veterinarju ta' l-annimali), art jew fatturi oħra tal-produzzjoni, kawża tad-diżastru naturali in kwistjoni. (ċ) Il-ħlasijiet għandhom jikkumpensaw għal mhux aktar mill-ispejjeż totali għall-bdil ta' dak it-telf u m'għandux ikun jeħtieġ jew jispeċifika t-tip jew kwantità tal-produzzjoni futura. (d) Il-pagamenti magħmula matul diżastru m'għandhomx jeċċedu l-livell meħtieġ biex ikun evitat jew imnaqqas aktar telf kif definit fil-kriterju (b). (e) Meta l-produttur jirċievi pagamenti matul l-istess sena bis-saħħa ta' dan il-paragrafu u bis-saħħa tal-paragrafu 7 (programmi ta' assigurazzjoni tad-dħul u sigurtà fuq id-dħul), it-total ta' dawn il-pagamenti għandu jkun anqas minn 100 % tat-telf totali tal-produttur. 9. Assistenza ta' aġġustamenti strutturali provduta permezz ta' programmi għall-irtirar tal-produttur (a) L-eliġibiltà għal dawn il-pagamenti għandha tkun stabbilita b'referenza għal kriterji definiti b'mod ċar fi programmi magħmula biex jiffaċilitaw l-irtirar mix-xogħol ta' persuni li jaħdmu fil-produzzjoni agrikola tajba għas-suq, jew li jbiddlu għal attivitajiet mhux agrikoli. (b) Il-pagamenti għandhom isiru bil-kondizzjoni li dawk li jkunu se jirċievu l-għajnuna, jirtiraw mix-xogħol b'mod totali u permanenti mill-produzzjoni agrikola tajba għas-suq. 10. Assistenza ta' aġġustament strutturali provduta permezz ta' programmi ta' rtirar ta' riżorsi (a) L-eliġibiltà għal dawn il-ħlasijiet għandha tkun stabbilita b'referenza għal kriterji definiti b'mod ċar fil-programmi mħejjija għat-tneħħija ta' l-art u riżorsi oħra, inklużi l-annimali, mill-produzzjoni agrikola tajba għas-suq. (b) Il-pagamenti għandhom isiru bil-kondizzjoni ta' l-irtirar ta' l-art mill-produzzjoni agrikola tajba għas-suq għal minimu ta' tlett snin, u fil-każ ta' annimali, fuq il-qatla tagħhom jew it-tneħħija tagħhom fuq bażi permanenti u definittiva. (ċ) Il-pagamenti m'għandhomx jetieġu jew jispeċifikaw xi użu alternattiv ta' dik l-art jew xi riżorsi oħra li jinvolvu l-produzzjoni ta' prodotti agrikoli tajba għas-suq. (d) Il-pagamenti m'għandhomx ikunu marbuta la mat-tip u l-anqas mal-kwantità tal-produzzjoni jew mal-prezzijiet, domestiċi jew internazzjonali, li jkunu japplikaw għall-produzzjoni wżata fl-użu ta' l-art jew riżorsi oħra li jkunu għadhom fil-produzzjoni. 11. Assistenza għal aġġustament strutturali provduta permezz ta' għajnuna b'investiment (a) L-eliġibiltà għal dawn il-pagamenti għandha tkun stabbilita b'referenza għal kriterji definiti ċari fi programmi governattivi magħmula biex jgħinu ir-ristrutturar finanzjarju jew fiżiku ta' l-attività tal-produttur b'risposta għall-iżvantaġġi strutturali murija b'oġġettività. L-eliġibbiltà għal dawn il-programmi tista’ wkoll tkun ibbażata fuq programmi governattivi definiti b'mod ċar għall-privatizzazzjoni mill-ġdid ta' l-art agrikola. (b) L-ammont ta' dawn il-pagamenti matul sena partikolari m'għandux ikun relatat ma’, jew ikun ibbażat fuq, it-tip jew il-volum tal-produzzjoni (inklużi unitajiet ta' l-annimali) li jidħol għalih il-produttur matul xi sena wara l-perjodu bażiku barra minn dak provdut fil-kriterju (e). (ċ) L-ammont ta' dawn il-pagamenti matul sena partikolari m’għandux ikun relatat ma’, jew ikun bażat fuq, il-prezzijiet, domestiċi jew internazzjonali, li japplikaw għal xi produzzjoni magħmula matul xi sena wara l-perjodu bażiku. (d) Il-ħlasijiet għandhom jingħataw biss għall-perjodu ta' żmien meħtieġ sabiex jitwettaq l-investiment li għalih ikunu ġew provduti. (e) Il-pagamenti m'għandhomx ikollhom l-effett ta' mandat jew nominazzjoni għall-prodotti agrikoli li jkunu sejrin jiġu prodotti minn dawk li jirċievu dawn il-pagamenti ħlief li jkunu meħtieġa li ma jipproduċux prodott partikolari. (f) Il-pagamenti għandhom ikunu limitati għall-ammont meħtieġ bħala kumpens għall-iżvantaġġ strutturali. 12. Pagamenti taħt programmi ambjentali (a) L-eliġibiltà għal dawn il-pagamenti għandha tkun stabbilita bħala parti minn programm ambjentali jew ta' konservazzjoni governattiv definit b'mod ċar u jkun dipendenti fuq it-twettieq ta' kondizzjonijiet speċifiċi taħt il-programm governattiv, inklużi il-kondizzjonijiet marbuta mal-metodi ta' produzzjoni jew id-dħul. (b) L-ammont ta' pagament għandu jkun limitat għall-ispejjes żejda jew telf fid-dħul marbut mat-twettieq tal-programm governattiv. 13. Il-pagamenti taħt programmi ta' għajnuna reġjonali (a) L-eliġibiltà għal dawn il-pagamenti għandha tkun limitata għall-produtturi f'reġjuni żvantaġġati. Kull wieħed minn dawn ir-reġjuni għandu jkun żona ġeografika kontigwa ċarament magħżula b'identità ekonomika u amministrattiva definita, meqjusa żvantaġġata fuq il-bażi ta' kriterji newtrali u oġġettivi murija ċar f'liġi jew regolament u li jindika li d-diffikultajiet tar-reġjun joriġinaw minn ċirkostanzi li jkunu aktar milli temporanji. (b) L-ammont ta' dawn il-pagamenti matul sena partikolari m'għandux ikun relatat ma’, jew ibbażat fuq, it-tip jew il-volum tal-produzzjoni (inklużi unitajiet ta' annimali) li jidħol għalih xi produttur matul xi sena wara l-perjodu bażiku ħlief sabiex titnaqqas dik il-produzzjoni. (ċ) L-ammont ta' dawn il-pagamenti matul sena partikolari m’għandux ikun relatat ma’, jew ibbażat fuq, il-prezzijiet, domestiċi jew internazzjonali, li japplikaw għal xi produzzjoni magħmula matul xi sena wara l-perjodu bażiku. (d) Il-pagamenti għandhom ikunu disponibbli biss lill-produtturi fir-reġjuni eliġibbli, imma ġeneralment disponibbli lill-produtturi kollha f'dawk ir-reġjuni. (e) Meta marbutin ma’ fatturi ta' produzzjoni, il-pagamenti għandhom isiru f'rata digressiva 'il fuq mil-limitu tal-livell tal-fattur konċernat. (f) Il-pagamenti għandhom ikunu limitati għall-ispejjeż żejda jew it-telf fid-dħul involut fit-twettieq tal-produzzjoni agrikola fiż-żona stabbilita. [1] Għall-iskop tal-paragrafu 3 ta' dan l-Anness programmi governattivi ta' stockholding għal skopijiet ta' sigurtà ta' l-ikel f'pajjiżi żviluppanti li l-operazzjoni tagħhom hija trasparenti u kondotta skond kriterji jew linji ta' gwida uffiċjalment ippubblikati għandhom jiġu kkunsidrati in konformità mad-dispożizzjonijiet ta' dan il-paragrafu, inklużi programmi li taħthom ħażniet ta' ikel għal skopijiet ta' sigurtà fl-ikel huma akkwistati u mħollija bi prezzijiet amministrati, sakemm id-differenza bejn il-prezz ta' akwiżizzjoni u l-prezz estern ta' referenza hu meqjus fl-AMS. [2] Għall-iskopijiet tal-paragrafi 3 u 4 ta' dan l-Anness, id-dispożizzjoni ta' ikel bi prezzijiet sussidjati bl-objettiv li jiġu sodisfatti ħtiġiet ta' l-ikel ta' foqra urbani u rurali f'pajjiżi żviluppanti fuq bażi regolari bi prezzijiet raġjonevoli għandhom jiġu kkunsidrati in konformità mad-dispożizzjonijiet ta' dan il-paragrafu. --------------------------------------------------