1.   An córas aitheantais le haghaidh dáileachtaí talmhaíochta dá dtagraítear in Airteagal 68 de Rialachán (AE) 2021/2116, oibreoidh sé ar leibhéal na dáileachta tagartha agus áireofar ann faisnéis lenar féidir sonraí a mhalartú leis an iarratas ar chabhair gheospásúil dá dtagraítear in Airteagal 69 den Rialachán sin agus leis an gcóras faireacháin limistéir dá dtagraítear in Airteagal 70 den Rialachán sin.

2.   Chun críocha an Rialacháin seo, ciallaíonn “dáileacht tagartha” limistéar a bhfuil teorainn gheografach leis agus a choinníonn sainaitheantas uathúil mar atá cláraithe sa chóras aitheantais le haghaidh dáileachtaí talmhaíochta dá dtagraítear in Airteagal 68 de Rialachán (AE) 2021/2116. Is éard a bheidh i ndáileacht tagartha aonad talún a sheasann do limistéar talmhaíochta, dá dtagraítear in Airteagal 4(3) de Rialachán (AE) 2021/2115. I gcás inarb iomchuí, beidh limistéir neamhthalmhaíochta a mheasann na Ballstáit a bheith incháilithe chun an tacaíocht a fháil le haghaidh idirghabhálacha limistéarbhunaithe dá dtagraítear in Airteagal 65(2) agus (3) de Rialachán (AE) 2021/2116 sa dáileacht tagartha freisin.

3.   Beidh na dáileachtaí tagartha mar bhonn chun tacú le tairbhithe agus iarratais gheospásúla á gcur isteach acu le haghaidh idirghabhálacha limistéarbhunaithe dá dtagraítear in Airteagal 65(2) agus (3) de Rialachán (AE) 2021/2116.

4.   Déanfaidh na Ballstáit na dáileachtaí tagartha a theorannú ar bhealach lena n-áiritheofar go mbeidh gach dáileacht cobhsaí le himeacht ama, go mbeidh sí intomhaiste, go gcumasófar léi logánú uathúil gan débhrí a dhéanamh ar gach dáileacht talmhaíochta agus aonad talún i limistéir neamhthalmhaíochta a mheastar a bheith incháilithe ag na Ballstáit chun an tacaíocht a fháil le haghaidh na n-idirghabhálacha limistéarbhunaithe dá dtagraítear in Airteagal 65(2) agus (3) de Rialachán (AE) 2021/2116 a dhearbhaítear go bliantúil.

5.   Áiritheoidh na Ballstáit go dtabharfar faisnéis cothrom le dáta le haghaidh gach dáileachta tagartha sa chóras aitheantais uair amháin gach 3 bliana ar a laghad. Ina theannta sin, cuirfidh na Ballstáit san áireamh gach bliain an fhaisnéis go léir a bheidh ar fáil ón iarratas geospásúil, ón gcóras faireacháin limistéir nó ó aon fhoinse iontaofa eile.

6.   Áiritheoidh na Ballstáit go bhfuil an fhaisnéis is gá sa chóras aitheantais le haghaidh dáileachtaí talmhaíochta chun sonraí atá ábhartha do thuairisciú ceart ar tháscairí dá dtagraítear in Airteagal 66(2) de Rialachán (AE) 2021/2116 a asbhaint.

7.   Sa chóras aitheantais, déanfaidh na Ballstáit an méid seo a leanas ar a laghad le haghaidh gach dáileachta tagartha:

8.   Maidir le hidirghabhálacha a bhaineann le foraoiseacht lena dtacaítear faoi Airteagail 70 agus 72 de Rialachán (AE) 2021/2115, féadfaidh na Ballstáit córais mhalartacha iomchuí a bhunú chun an talamh atá faoi réir tacaíochta a shainaithint go huathúil i gcás ina bhfuil an talamh sin cumhdaithe le foraois.

9.   Oibreoidh an córas faisnéise geografaí ar bhonn córas tagartha comhordaithe náisiúnta mar a shainmhínítear i dTreoir 2007/2/CE ó Pharlaimint na hEorpa agus ón gComhairle (9) lena gceadaítear tomhas caighdeánaithe agus sainaithint uathúil dáileachtaí talmhaíochta ar fud an Bhallstáit lena mbaineann. I gcás ina n-úsáidtear córais tagartha éagsúla comhordanáidí, beidh siad comheisiatach agus áiritheoidh gach ceann acu comhsheasmhacht idir míreanna faisnéise a thagraíonn don láthair chéanna.

1.   Déanfaidh na Ballstáit an measúnú cáilíochta dá dtagraítear in Airteagal 68(3) de Rialachán (AE) 2021/2116 ar bhonn bliantúil chun críoch na tacaíochta bunúsaí ioncaim i dtaobh na hinbhuanaitheachta. Cumhdófar na heilimintí seo a leanas sa mheasúnú cáilíochta sin:

Áiritheoidh na Ballstáit freisin go ndéanfar gach iarraidh ar nuashonrú an chórais aitheantais le haghaidh dáileachtaí talmhaíochta ar bhealach inar féidir a rianú ar eascair siad as an gcóras faireacháin limistéir, as gníomhaíocht an tairbhí nó as aon fhoinse eile.

2.   Déanfaidh na Ballstáit an measúnú dá dtagraítear i mír 1 ar bhonn sampla de na dáileachtaí tagartha. Úsáidfidh siad sonraí lena bhféadfar measúnú a dhéanamh ar an staid iarbhír ar an láthair.

3.   I gcás ina nochtar easnaimh mar thoradh ar an measúnú cáilíochta, molfaidh an Ballstát gníomhaíochtaí ceartaitheacha leormhaithe.

1.   Leis an measúnú cáilíochta bliantúil dá dtagraítear in Airteagal 69(6) de Rialachán (AE) 2021/2116, déanfar measúnú ar iontaofacht na faisnéise san iarratas geospásúil agus ar chruinne na faisnéise a úsáidtear chun na táscairí dá dtagraítear in Airteagal 7 de Rialachán (AE) 2021/2115 a thuairisciú. Go háirithe, déanfar measúnú sa mheasúnú cáilíochta ar iomláine agus ar chruinneas na faisnéise a réamhlíontar san iarratas geospásúil, ar iomláine agus ar chruinneas na bhfoláireamh treorach a soláthraítear do na tairbhithe le linn an phróisis iarratais agus ar inrianaitheacht na n-athruithe go léir a chláraítear sna hiarratais gheospásúla tar éis í a chur isteach.

2.   Beidh na nithe seo a leanas i gceist sa mheasúnú cáilíochta:

3.   Déanfar an measúnú cáilíochta dá bhforáiltear i mír 2, pointí (a), (c) agus (d), trí bhíthin tástáil TF a dhéanamh ar an bpróiseas iarratais agus é a athdhéanamh i gcás sampla ionadaíoch d’iarratais ar chabhair.

4.   Maidir leis an bhfíorú faoi mhír 2, pointe (b), déanfar an measúnú cáilíochta trí bhíthin cuairteanna in situ nó anailís a dhéanamh ar íomhánna na bliana féilire céanna agus ar an gcáilíocht chéanna ar a laghad is gá don mheasúnú cáilíochta dá dtagraítear in Airteagal 68(3) de Rialachán (AE) 2021/2116. Déanfar an fíorú sin trí thomhas a dhéanamh ar an limistéar a dearbhaíodh maidir le hidirghabháil ar an sampla a roghnaíodh chun measúnú cáilíochta a dhéanamh ar an gcóras faireacháin limistéir dá dtagraítear in Airteagal 5 den Rialachán sin.

5.   Áiritheoidh na Ballstáit go ndéanfar gach idirghabháil limistéarbhunaithe arna bhainistiú ag an gcóras comhtháite a chur san áireamh sna samplaí dá dtagraítear i míreanna 3 agus 4 agus a fhíorú sa phróiseas measúnaithe cáilíochta.

6.   I gcás ina nochtar easnaimh mar thoradh ar an measúnú cáilíochta, molfaidh an Ballstát gníomhaíochtaí ceartaitheacha leormhaithe.

1.   Leis an measúnú cáilíochta bliantúil dá dtagraítear in Airteagal 70(2) de Rialachán (AE) 2021/2116, déanfar measúnú ar iontaofacht chur chun feidhme an chórais faireacháin limistéir, soláthrófar faisnéis dhiagnóiseach faoi fhoinsí na gcinntí míchearta ar leibhéal na n-idirghabhálacha agus na gcoinníollacha incháilitheachta agus go háirithe déanfar measúnú ar chruinneas na faisnéise arna soláthar le haghaidh tuairisciú ar na táscairí dá dtagraítear in Airteagal 7 de Rialachán (AE) 2021/2115.

2.   Déanfar an measúnú cáilíochta trí bhíthin cuairteanna in situ nó anailís a dhéanamh ar íomhánna na bliana féilire céanna agus, i gcás inarb ábhartha, atá ar an gcáilíocht chéanna ar a laghad is gá don mheasúnú cáilíochta dá dtagraítear in Airteagal 68(3) de Rialachán (AE) 2021/2116. Féadfar cuairteanna in situ a dhéanamh tráth ar bith le linn na bliana agus cumhdófar leo, a mhéid is féidir, na coinníollacha incháilitheachta go léir is ábhartha do thairbhí ar leith le linn na cuairte céanna. Leis na híomhánna a úsáideann na Ballstáit le haghaidh an mheasúnaithe cáilíochta beifear in ann torthaí cinntitheacha iontaofa a sholáthar i ndáil leis an staid iarbhír ar an láthair. I gcás ina n-úsáideann na Ballstáit grianghraif gheochlibáilte chun breathnóireacht, rianú agus measúnú a dhéanamh ar ghníomhaíochtaí talmhaíochta mar shonraí a bhfuil luach iontu atá comhionann ar a laghad leis na sonraí satailíte ó na satailítí Sentinel de chuid chlár Copernicus, féadfaidh na Ballstáit measúnú cáilíochta a dhéanamh ar na cinntí bunaithe ar ghrianghraif gheochlibáilte trí bhíthin anailís neamh-uathoibríoch a dhéanamh ar na grianghraif gheochlibáilte, ar choinníoll go dtairgfidh siad torthaí cinntitheacha iontaofa.

3.   Ar leibhéal na n-idirghabhálacha, beidh na nithe seo a leanas sa mheasúnú cáilíochta:

4.   Sna tuarascálacha atá le cur isteach faoin 15 Feabhra 2025 agus faoin 15 Feabhra 2027, cuimseofar freisin, maidir le coinníollacha incháilitheachta uile na n-idirghabhálacha limistéarbhunaithe a mheastar go bhféadfaí faireachán a dhéanamh orthu, fíorú go raibh siad faoi réir córas faireacháin limistéir sna blianta 2024 agus 2026, faoi seach. D’fhéadfadh sé go mbeadh gá le gníomhaíochtaí ceartaitheacha tar éis measúnú a dhéanamh ar thorthaí na dtuarascálacha sin.

5.   Déanfar an measúnú cáilíochta trí sheiceáil a dhéanamh ar choinníollacha incháilitheachta uile na n-idirghabhálacha uile a ndearnadh iarratas ina leith ar shampla ionadaíoch dáileachtaí.

6.   Chun críocha an tsimplithe agus ós rud é go soláthraíonn sampla an mheasúnaithe cáilíochta ar an gcóras faireacháin limistéir leibhéal leordhóthanach dearbhaithe i ndáil le comhlíonadh na gcoinníollacha incháilitheachta in aghaidh na hidirghabhála, féadfaidh na Ballstáit a chinneadh na measúnuithe cáilíochta dá dtagraítear in Airteagail 4 agus 5 den Rialachán seo a chur san áireamh i ndáil leis an oibleagáid córas rialaithe a chur ar bun a leagtar síos in Airteagal 72 de Rialachán (AE) 2021/2116.

7.   Áiritheoidh na Ballstáit go ndéanfar gach idirghabháil limistéarbhunaithe arna bainistiú ag an gcóras comhtháite a áireamh i sampla na ndáileachtaí agus go bhfíorófar iad sa phróiseas measúnaithe cáilíochta, gan beann ar an bhféidearthacht córas faireacháin limistéir a bhunú de réir a chéile, dá dtagraítear in Airteagal 70(1) de Rialachán (AE) 2021/2116.

8.   I gcás ina nochtar easnaimh mar thoradh ar an gcainníochtú dá dtagraítear i mír 3, pointí (a) agus (b), molfaidh an Ballstát gníomhaíochtaí ceartaitheacha leormhaithe.

9.   D’fhéadfadh cuairteanna in situ a bheith san áireamh i ngníomhaíochtaí ceartaitheacha maidir le coinníollacha incháilitheachta nach ndéantar faireachán orthu nó a ndéantar faireachán neamhchinntitheach orthu. I gcásanna ina bhfuil gá le gníomhaíochtaí ceartaitheacha tar éis thorthaí an mheasúnaithe cáilíochta le haghaidh na bliana féilire lena mbaineann, d’fhéadfadh sé gur ghá mionsonraí breise a chur san áireamh i dtuarascáil measúnaithe cáilíochta na bliana dár gcionn a mhéid a bhaineann leis na heasnaimh atá le leigheas.

1.   Chun atarlú neamhchomhlíonta a chinneadh, cuirfear san áireamh neamhchomhlíonadh na rialacha maidir le traschomhlíonadh arna gcinneadh i gcomhréir le Rialachán Tarmligthe (AE) Uimh. 640/2014.

2.   Cinnfear “méid” an neamhchomhlíonta agus é á chur san áireamh, go háirithe, cé acu an bhfuil tionchar forleathan ag an neamhchomhlíonadh nó an bhfuil sé teoranta don fheirm féin.

3.   Braithfidh “déine” an neamhchomhlíonta, go háirithe, ar a thábhachtaí atá iarmhairtí an neamhchomhlíonta, agus aidhmeanna an cheanglais nó an chaighdeáin lena mbaineann á gcur san áireamh.

4.   Maidir le neamhchomhlíonadh a bheith “buan” nó gan a bheith, braithfidh sé, go háirithe, ar an bhfad a mhairfidh an éifeacht nó an poitéinseal chun na héifeachtaí sin a fhoirceannadh ar bhealach réasúnach.

5.   Chun críocha na Caibidle seo, measfar gur “cinneadh” neamhchomhlíonadh má bhunaítear gur mar iarmhairt é ar aon chineál rialuithe a dhéantar i gcomhréir le Rialachán (AE) 2021/2116 nó tar éis iad a chur in iúl don údarás rialaithe inniúil nó, i gcás inarb infheidhme, don ghníomhaireacht íocaíochta, ar aon bhealach eile.

1.   Ní fhorchuirfear an pionós riaracháin dá bhforáiltear in Airteagal 84(1) de Rialachán (AE) 2021/2116 ach amháin má aimsítear neamhchomhlíonadh laistigh de 3 bliana féilire as a chéile arna ríomh ón mbliain inar tharla an neamhchomhlíonadh agus an bhliain sin á cur san áireamh.

2.   I gcás ina dtarlaíonn an neamhchomhlíonadh céanna go leanúnach ar feadh roinnt blianta féilire, cuirfear pionós riaracháin i bhfeidhm in aghaidh gach bliana féilire inar tharla an neamhchomhlíonadh. Déanfar na pionóis riaracháin a ríomh ar bhonn na n-íocaíochtaí a deonaíodh nó atá le deonú don tairbhí lena mbaineann i leith iarratais ar chabhair nó iarratais ar íocaíochtaí a cuireadh isteach nó a chuirfear isteach le linn na mblianta féilire inar tharla an neamhchomhlíonadh.

3.   Más rud é, i mbliain féilire an aimsithe, nach gcuireann an tairbhí iarratas ar chabhair isteach nó gur mó an pionós riaracháin ná méid iomlán na n-íocaíochtaí a deonaíodh nó atá le deonú don tairbhí i leith iarratais ar chabhair a chuir an tairbhí isteach nó a chuirfidh an tairbhí isteach le linn bhliain féilire an aimsithe, aisghabhfar an pionós riaracháin i gcomhréir le hAirteagal 30 de Rialachán Cur Chun Feidhme (AE) 2022/128 ón gCoimisiún (10).

1.   I gcás neamhchomhlíonadh neamhbheartaithe arna chinneadh, féadfaidh an ghníomhaireacht íocaíochta a chinneadh, ar bhonn an mheasúnaithe ar an neamhchomhlíonadh a sholáthair an t-údarás rialaithe inniúil agus na critéir dá dtagraítear in Airteagal 85(1), an dara fomhír, de Rialachán (AE) 2021/2116 á gcur san áireamh, an céatadán a leagtar síos in Airteagal 85(2) den Rialachán sin a laghdú go dtí suas le 1 %.

2.   I gcás ina bhfuil iarmhairtí tromchúiseacha ag neamhchomhlíonadh neamhbheartaithe arna chinneadh maidir le cuspóir an chaighdeáin nó an cheanglais lena mbaineann a bhaint amach nó go bhfuil riosca díreach ag baint leis maidir leis an tsláinte phoiblí nó le sláinte ainmhithe, féadfaidh an ghníomhaireacht íocaíochta a chinneadh, ar bhonn an mheasúnaithe ar an neamhchomhlíonadh a sholáthair an t-údarás rialaithe inniúil agus na critéir dá dtagraítear in Airteagal 85(1), an dara fomhír, de Rialachán (AE) 2021/2116 á gcur san áireamh, an céatadán dá dtagraítear in Airteagal 85(5) den Rialachán sin a mhéadú go dtí suas le 10 %.

3.   Neamhchomhlíonadh neamhbheartaithe arna chinneadh leis an gceanglas céanna nó leis an gcaighdeán céanna, i gcás ina leanann sé de bheith ann laistigh de 3 bliana féilire as a chéile, ní bheidh feidhm ag céatadán an laghdaithe a leagtar síos in Airteagal 85(6), an chéad fhomhír, de Rialachán (AE) 2021/2116 ach i gcás inar cuireadh an tairbhí ar an eolas faoin neamhchomhlíonadh arna chinneadh roimhe sin. I gcás ina leanann an neamhchomhlíonadh céanna de bheith ann gan cúis réasúnaithe ón tairbhí, measfar gur neamhchomhlíonadh d’aon ghnó atá ann.

4.   I gcás nach mbeidh aon iarmhairt ag neamhchomhlíonadh arna chinneadh nó nach mbeidh ach iarmhairtí neamhshuntasacha aige maidir le cuspóir an chaighdeáin nó an cheanglais lena mbaineann a bhaint amach agus nach bhforchuirfear aon phionós riaracháin i gcomhréir le hAirteagal 85(3), an chéad fhomhír, de Rialachán (AE) 2021/2116, ní mheasfar an neamhchomhlíonadh chun atarlú nó marthanacht neamhchomhlíonta a chinneadh.

5.   I gcás ina n-úsáideann Ballstát an córas faireacháin limistéir dá dtagraítear in Airteagal 66(1), pointe (c), de Rialachán (AE) 2021/2116 chun cásanna neamhchomhlíonta a bhrath, i gcás neamhchomhlíonadh neamhbheartaithe arna chinneadh féadfaidh an laghdú atá le forchur a bheith níos ísle ná an laghdú dá bhforáiltear i mír 1 den Airteagal seo, ach 0,5 % ar a laghad a bheith ann den mhéid iomlán a eascraíonn as na híocaíochtaí agus as an tacaíocht dá dtagraítear in Airteagal 83(1), pointí (a), (b) agus (c) den Rialachán sin.

1.   I gcás ina bhfuil neamhchomhlíonadh caighdeáin arna chinneadh ina neamhchomhlíonadh ceanglais freisin, measfar gur aon neamhchomhlíonadh amháin atá sa neamhchomhlíonadh sin. Chun laghduithe a ríomh, measfar an neamhchomhlíonadh a bheith ina chuid de réimse coinníollachta an cheanglais.

2.   I gcás inar tharla níos mó ná neamhchomhlíonadh neamhbheartaithe atréimhseach arna chinneadh amháin sa bhliain féilire chéanna, cuirfear an nós imeachta maidir leis an laghdú a shocrú i bhfeidhm ar bhonn aonair maidir le gach neamhchomhlíonadh agus cuirfear na céatadáin a bheidh ann mar thoradh air sin le chéile. Mar sin féin, ní rachaidh an laghdú iomlán thar an méid seo a leanas:

3.   I gcás inar tharla níos mó ná neamhchomhlíonadh neamhbheartaithe atréimhseach arna chinneadh amháin sa bhliain féilire chéanna, cuirfear an nós imeachta maidir leis an laghdú a shocrú i bhfeidhm ar bhonn aonair maidir le gach neamhchomhlíonadh agus cuirfear céatadáin na laghduithe a bheidh ann mar thoradh air sin le chéile. Sa laghdú, áfach, ní bheidh níos mó ná 20 % den mhéid iomlán a eascraíonn as na híocaíochtaí agus as an tacaíocht dá dtagraítear in Airteagal 83(1), pointí (a), (b) agus (c), de Rialachán (AE) 2021/2116.

4.   I gcás inar tharla níos mó ná neamhchomhlíonadh d’aon ghnó arna chinneadh amháin sa bhliain féilire chéanna, cuirfear an nós imeachta maidir leis an laghdú a shocrú i bhfeidhm ar bhonn aonair maidir le gach neamhchomhlíonadh agus cuirfear céatadáin na laghduithe a bheidh ann mar thoradh air sin le chéile. Sa laghdú, áfach, ní bheidh níos mó ná 100 % den mhéid iomlán a eascraíonn as na híocaíochtaí agus as an tacaíocht dá dtagraítear in Airteagal 83(1), pointí (a), (b) agus (c), de Rialachán (AE) 2021/2116.

5.   I gcás ina dtarlaíonn an iliomad cásanna de neamhchomhlíonadh neamhbheartaithe, atréimhseach agus d’aon ghnó sa bhliain féilire chéanna, cuirfear le chéile na céatadáin laghduithe a eascraíonn astu agus, i gcás inarb ábhartha, na céatadáin tar éis míreanna 2, 3 agus 4 den Airteagal seo a chur i bhfeidhm. Sa laghdú, áfach, ní bheidh níos mó ná 100 % den mhéid iomlán a eascraíonn as na híocaíochtaí agus as an tacaíocht dá dtagraítear in Airteagal 83(1), pointí (a), (b) agus (c), de Rialachán (AE) 2021/2116.