This document is an excerpt from the EUR-Lex website
Document 32013D0749
2013/749/EU, Euratom: Commission Implementing Decision of 10 December 2013 authorising Portugal to use certain approximate estimates for the calculation of the VAT own resources base (notified under document C(2013) 8689)
2013/749/UE, Euratom: Deċiżjoni ta’ Implimentazzjoni tal-Kummissjoni tal- 10 ta’ Diċembru 2013 li tawtorizza lill-Portugall biex juża ċerti estimi approssimattivi għall-kalkolu tal-bażi tar-riżorsi proprji tal-VAT (notifikata bid-dokument C(2013) 8689)
2013/749/UE, Euratom: Deċiżjoni ta’ Implimentazzjoni tal-Kummissjoni tal- 10 ta’ Diċembru 2013 li tawtorizza lill-Portugall biex juża ċerti estimi approssimattivi għall-kalkolu tal-bażi tar-riżorsi proprji tal-VAT (notifikata bid-dokument C(2013) 8689)
ĠU L 333, 12.12.2013, p. 81–81
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2017: This act has been changed. Current consolidated version: 28/11/2014
|
12.12.2013 |
MT |
Il-Ġurnal Uffiċjali tal-Unjoni Ewropea |
L 333/81 |
DEĊIŻJONI TA’ IMPLIMENTAZZJONI TAL-KUMMISSJONI
tal-10 ta’ Diċembru 2013
li tawtorizza lill-Portugall biex juża ċerti estimi approssimattivi għall-kalkolu tal-bażi tar-riżorsi proprji tal-VAT
(notifikata bid-dokument C(2013) 8689)
(It-test bil-Portugiż biss huwa awtentiku)
(2013/749/UE, Euratom)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat it-Trattat li jistabbilixxi l-Komunità Ewropea tal-Enerġija Atomika,
Wara li kkunsidrat ir-Regolament tal-Kunsill (KEE, Euratom) Nru 1553/89 tad-29 ta’ Mejju 1989 dwar l-arranġamenti uniformi definittivi għall-ġbir ta’ riżorsi proprji li jakkumulaw mit-taxxa tal-valur miżjud (1), u b’mod partikolari l-Artikolu 13 tiegħu,
Billi:
|
(1) |
Skont l-Artikolu 377 tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (2), il-Portugall jista’ jkompli jeżenta t-tranżazzjonijiet elenkati fil-punti (2), (4), (7), (9), (10) u (13) tal-Parti B tal-Anness X, f’konformità mal-kundizzjonijiet li japplikaw f’dan l-Istat Membru fl-1 ta’ Jannar 1989; dawn it-tranżazzjonijiet għandhom jittieħdu inkunsiderazzjoni għad-determinar tal-bażi tar-riżorsi tal-VAT. |
|
(2) |
Il-Portugall talab awtorizzazzjoni mill-Kummissjoni biex juża ċerti estimi approssimattivi għall-kalkolu tal-bażi tar-riżorsi proprji tal-VAT minħabba li mhuwiex f’pożizzjoni li jagħmel il-kalkolu preċiż tal-bażi tar-riżorsi proprji tal-VAT għat-tranżazzjonijiet imsemmija fil-punt (10) tal-Parti B tal-Anness X tad-Direttiva 2006/112/KE. Kalkolu bħal dan x’aktarx li jinvolvi piż amministrattiv mhux ġustifikat meta wieħed iqis l-effett ta’ dawn it-tranżazzjonijet fuq il-bażi totali tal-Portugall tar-riżorsi proprji tal-VAT. Il-Portugall jinsab f’pożizzjoni li jagħmel kalkolu billi juża estimi approssimattivi għal din il-kategorija ta’ tranżazzjonijiet. Għalhekk, il-Portugall għandu jingħata l-awtorizzazzjoni biex jikkalkula l-bażi tar-riżorsi proprji tal-VAT billi juża estimi approssimattivi f’konformità mat-tieni inċiż tal-Artikolu 6(3) tar-Regolament (KEE, Euratom) Nru 1553/89. |
|
(3) |
Għall-finijiet ta’ trasparenza u ċertezza ġuridika, hu xieraq li jkun hemm limitu ta’ żmien għall-applikabilità tal-awtorizzazzjoni. |
|
(4) |
Il-miżuri previsti f’din id-Deċiżjoni huma konformi mal-opinjoni tal-Kumitat Konsultattiv dwar ir-Riżorsi Proprji, |
ADOTTAT DIN ID-DEĊIŻJONI:
Artikolu 1
Sabiex tiġi kkalkolata l-bażi tar-riżorsi proprji tal-VAT mill-1 ta’ Jannar 2013, il-Portugall huwa awtorizzat li juża estimi approssimattivi fir-rigward tal-kategoriji segwenti ta’ tranżazzjonijiet imsemmija fil-Parti B tal-Anness X tad-Direttiva 2006/112/KE:
Trasport tal-passiġġieri (il-punt 10).
Artikolu 2
Din id-Deċiżjoni tapplika mill-1 ta’ Jannar 2013 sal-31 ta’ Diċembru 2017.
Artikolu 3
Din id-Deċiżjoni hija indirizzata lir-Repubblika tal-Portugall.
Magħmul fi Brussell, l-10 ta’ Diċembru 2013.
Għall-Kummissjoni
Janusz LEWANDOWSKI
Membru tal-Kummissjoni
(2) ĠU L 347, 11.12.2006, p. 1.