This document is an excerpt from the EUR-Lex website
Document JOL_2006_120_R_0017_01
2006/324/EC: Council Decision of 27 February 2006 on the conclusion of an Agreement in the form of an Exchange of Letters between the European Community and the Kingdom of Thailand pursuant to Article XXIV:6 and Article XXVIII of the General Agreement on Tariffs and Trade (GATT) 1994 relating to the modification of concessions in the schedules of the Czech Republic, the Republic of Estonia, the Republic of Cyprus, the Republic of Latvia, the Republic of Lithuania, the Republic of Hungary, the Republic of Malta, the Republic of Poland, the Republic of Slovenia and the Slovak Republic in the course of their accession to the European Union#Agreement in the form of an Exchange of Letters between the European Community and the Kingdom of Thailand pursuant to Article XXIV:6 and Article XXVIII of the General Agreement on Tariffs and Trade (GATT) 1994 relating to the modification of concessions in the schedules of the Czech Republic, the Republic of Estonia, the Republic of Cyprus, the Republic of Latvia, the Republic of Lithuania, the Republic of Hungary, the Republic of Malta, the Republic of Poland, the Republic of Slovenia and the Slovak Republic in the course of their accession to the European Union
Deċiżjoni tal-Kunsill tas- 27 ta' Frar 2006 dwar il-konklużjoni ta’ Ftehim fil-forma ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea
Deċiżjoni tal-Kunsill tas- 27 ta' Frar 2006 dwar il-konklużjoni ta’ Ftehim fil-forma ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea
ĠU L 120, 5.5.2006, p. 17–21
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 294M, 25.10.2006, p. 3–7
(MT)
25.10.2006 |
MT |
Il-Ġurnal Uffiċjali ta’ l-Unjoni Ewropea |
3 |
DEĊIŻJONI TAL-KUNSILL
tas-27 ta' Frar 2006
dwar il-konklużjoni ta’ Ftehim fil-forma ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea
(2006/324/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 flimkien ma’ l-ewwel sentenza ta’ l-ewwel subparagrafu ta’ l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
(1) |
Fit-22 ta’ Marzu 2004, il-Kunsill awtorizza lill-Kummissjoni tiftaħ in-negozjati ma’ ċerti Membri oħra tad-WTO taħt l-Artikolu XXIV.6 tal-Ftehim Ġenerali dwar it-Tariffi u l-Kummerċ (GATT) ta’ l-1994, matul l-adeżjoni ma' l-Unjoni Ewropea tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja. |
(2) |
In-negozjati tmexxew mill-Kummissjoni b’konsultazzjoni mal-Kumitat stabbilit fl-Artikolu 133 tat-Trattat u fi ħdan il-qafas tad-direttivi ta’ negozju maħruġa mill-Kunsill. |
(3) |
Il-Kummissjoni temmet in-negozjati għal Ftehim fil-forma ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-GATT 1994. Dan il-ftehim għandu għalhekk jiġi approvat, |
(4) |
Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li jistabbilixxi l-proċeduri għall-eżerċizzju tal-poteri implimentattivi konferiti lill-Kummissjoni (1), |
IDDEĊIEDA DAN LI ĠEJ:
Artikolu 1
Il-Ftehim fil-forma ta’ Skambju ta’ Ittri bejn il-Komunità Ewropea u r-Renju tat-Tajlandja bis-saħħa ta' l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 dwar il-modifika tal-konċessjonijiet fl-iskedi tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul l-adeżjoni tagħhom ma' l-Unjoni Ewropea, fir-rigward tat-tneħħija ta’ konċessjonijiet speċifiċi li għandhom x’jaqsmu mat-tneħħija tal-kalendarji tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja matul l-adeżjoni tagħhom ma' l-Unjoni Ewropea huwa hawn approvat f’isem il-Komunità.
It-test tal-Ftehim f'g]amla ta' skambju ta' Ittri huwa mehmuż ma’ din id-Deċiżjoni.
Artikolu 2
Il-Kummissjoni għandha tadotta regoli dettaljati għall-implimentazzjoni tal-Ftehim f' għamla ta' Skambju ta' Ittri skond il-proċedura msemmija fl-Artikolu 3 (2), jew filkaż ta' rati ta' kwoti tariffarji għal linji tariffarji 1604 20, l-Artikolu 4 (2) ta’ din id-Deċiżjoni.
Artikolu 3
1. Il-Kummissjoni għandha tkun megħjuna mill-Kumitat ta’ Tmexxija għaċ-Ċereali stabbilit mill-Artikolu 25 tar-Regolament tal-Kunsill (KE) Nru 1784/2003 tad-29 ta' Settembru 2003 dwar l-organizzazzjoni komuni tas-suq fiċ-ċereali (2) jew il-Kumitat relevanti mwaqqaf mill-Artikolu korrispondenti tar-Regolament għall-organizzazzjoni tas-suq komuni għall-prodott ikkonċernat.
2. L-Artikoli 4 u 7 tad-Deċiżjoni 1999/468/KE għandhom japplikaw fejn issir referenza għal dan il-paragrafu.
Il-perjodu previst mill-Artikolu 4(3) tad-Deċiżjoni 1999/468/KE għandu jkun ta’ xahar.
3. Il-Kumitat għandu jadotta r-Regoli ta' Proċedura tiegħu.
Artikolu 4
1. Il-Kummissjoni għandha tiġi megħjuna mill-Kumitat tal-Kodiċi Doganali stabbilit mill-Artikolu 248a tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi il-Kodiċi Doganali Komuni (3).
2. L-Artikolu 4 u 7 tad-Deċiżjoni 1999/468/KE għandhom japplikaw meta ssir referenza għal dan il-paragrafu.
Il-perjodu previst mill-Artikolu 4(3) tad-Deċiżjoni 1999/468/KE għandu jkun ta’ tliet xhur.
3. Il-Kumitat għandu jadotta r-Regoli ta' Proċedura tiegħu.
Artikolu 5
Il-President tal-Kunsill huwa hawn awtorizzat jinnomina l-persuna(i) bis-setgħa li tiffirma(jiffirmaw) il-Ftehim sabiex jorbot lill-Komunità (4).
Magħmul fi Brussell, nhar is-27 ta' Frar 2006.
Għall-Kunsill
Il-President
U. PLASSNIK
(1) ĠU L 184, 17.7.1999, p. 23.
(2) ĠU L 270, 21.10.2003, p. 78. Regolament kif emendat bir-Regolament (KE) Nru 1154/2005 (ĠU L 187, 19.7.2005, p. 11).
(3) ĠU L 302, 19.10.1992, p. 1. Regolament kif emendat l-aħħar bir-Regolament (KE) Nru 648/2005 (ĠU L 117, 4.5.2005, p. 13).
(4) Id-data tad-dħul fis-seħħ tal-Ftehim ser tkun pubblikata fil-Ġurnal Uffiċjali ta' l-Unjoni Ewropea.
FTEHIM
Fl-għamla ta’ skambju ta’ ittri bejn il-Komunità Ewropea u r-Renju tat-Tajlandja bis-saħħa ta' L-Artikolu XXIV:6 u l-Artikolu XXVIII tal-Ftehim Ġenerali Dwar IT-Tariffi U L-Kummerċ (GATT) 1994 rigward l-emenda tal-konċessjonijiet fil-kalendarji tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja matul l-adeżjoni tagħhom ma' L-Unjoni Ewropea.
A. Ittra mill-Komunitajiet Ewropej
Brussel,
Sinjur,
Wara l-bidu tan-negozjati bejn il-Komunitajiet Ewropej (KE) u r-Renju tat- Tajlandja (Tajlandja) taħt l-Artikolu XXIV:6 u l-Artikolu XXVIII tal-GATT 1994 għall-emenda ta’ konċessjonijiet fil-kalendarji tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja tul l-adeżjoni tagħhom mal-KE, dan li ġej hu miftiehem bejn il-KE u t-Tajlandja sabiex jikkonkludu n-negozjati mibdija wara n-notifika tal-KE tad-19 ta’ Jannar 2004 lid-WTO skond l-Artikolu XXIV:6 tal-GATT 1994.
Il-KE taqbel li ddaħħal il-konċessjonijiet li ġew inklużi fl-iskeda tagħha ta’ qabel tal-KE 15 fl-iskeda tat-territorju doganali tal-KE 25.
Il-KE taqbel li ddaħħal il-konċessjonijiet li jinstabu fl-Anness ta’ dan il-Ftehim fl-iskeda għall-KE 25.
It-Tajlandja jaċċetta l-komponenti bażiċi ta’ l-istrateġija tal-KE sabiex taġġusta l-obbligi tal-KE 15 u dawk tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja wara t-tkabbir riċenti tal-KE. kalkolu fuq bażi netta ta’ l-impennji ta’ esportazzjoni; kalkolu fuq bażi netta tar-rati tat-tariffi; u globalizzazzjoni ta’ impenji domestiċi ta’ appoġġ.
Dan il-Ftehim ser jidħol fis-seħħ fid-data meta l-KE u t-Tajlandja jkunu skambjaw ittri ta’ ftehim, wara kunsiderazzjoni mill-partijiet fi qbil mal-proċeduri tagħhom stess. Il-KE ser tagħmel dak kollu li hu possibbli sabiex twaqqaf l-miżuri xierqa ta’ implimentazzjoni qabel l-1 ta’ Jannar 2006 u taħt l-ebda ċirkostanza wara l-1 ta’ Lulju 2006.
Għoddni tiegħek.
F’isem il-Komunita' Ewropea
ANNESS
1604 20 70: kwota ta’ rata ta’ tariffa annwali ġdida ta’ 2,558 Tunnellata li 1,816-il Tunnellata minnhom ser jiġu allokati lit-Tajlandja, bil-bqija jiġu applikati erga omnes, b’rata ta’ kwota ta’ 0 %, minn rata ta’ kwota ta’ 24 %.
1604 20 50: kwota ta’ rata ta’ tariffa annwali ġdida ta’ 2,275 Tunnellata li 1,410 Tunnellati minnhom ser jiġu allokati lit-Tajlandja, bil-bqija jiġu applikati erga omnes, b’rata ta’ kwota ta’ 0 %, minn rata ta’ kwota ta’ 25 %.
1006 10 (Ross għadu fil-ħliefa): rata ta' kwota tariffarja ġdida annwali (erga omnes) ta’ 7 Tunnellati, bir-rata ta’ kwota ta’ 15 %.
1006 20 (Ross bla ħliefa): rata ta' kwota tariffarja ġdida annwali (erga omnes) ta’ 1,634 Tunnellata, bir-rata ta’ kwota ta’ 15 %.
1006 30 (Ross nofsu midħun/midħun kollu): żieda fir-rata ta' kwota tariffarja annwali ta’ 25,516-il Tunnellata (erga omnes) fil-kwota annwali tal-KE15 li hemm issa, bir-rata ta’ kwota ta’ 0 %.
Allokazzjoni tal-pajjiż ta’ 1,200 Tunnellata lit-Tajlandja li għandha tiġi integrata fil-kwota attwali tar-ross nofsu midħun/midħun kollu tal-KE15 li hemm issa, b’rata ta’ kwota ta’ 0 %.
1006 40 (Ross imfarrak): rata ta' kwota tariffarja ġdida ta' 31,788 Tunnellata (erga omnes) fil-kwota annwali tal-KE15 li hemm issa, bir-rata ta’ kwota ta’ 0 %.
B. Ittra mir-Renju tat-Tajlandja
Bangkok,
Sinjur,
Qed issir referenza għall-ittra tiegħek li tgħid:
“Wara l-ftuħ tan-negozjati bejn il-Komunitajiet Ewropej (KE) u r-Renju tat-Tajlandja (Tajlandja) taħt l-Artikolu XXIV:6 u l-Artikolu XXVIII tal-GATT ta’ l-1994 għall-modifika tal-konċessjonijiet fl-iskedi tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka matul il-proċess ta’ l-adeżjoni tagħhom għall-KE, dan li ġej kien miftiehem bejn il-KE u t-Tajlandja bil-għan li jiġu ffinalizzati n-negozjati li nfetħu wara n-notifika tal-KE fid-19 ta’ Jannar 2004 għad-WTO skond l-Artikolu XXIV:6 tal-GATT ta’ l-1994
Il-KE taqbel li tinkorpora fl-iskeda tagħha għat-territorju doganali tal-KE 25, il-konċessjonijiet li kienu inklużi fl-iskeda preċedenti tal-KE 15.
Il-KE taqbel li tinkorpora fl-iskeda tagħha għall-KE 25 il-konċessjonijiet li jinsabu fl-Anness ta’ dan il-ftehim.
It-Tajlandja taċċetta l-komponenti bażiċi ta’ l-approċċ tal-KE biex ikunu aġġustati l-obbligi tal-KE-15 u dawk tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka wara t-tkabbir reċenti tal-KE: kalkolu fuq bażi netta ta’ l-impenji ta’ esportazzjoni; kalkolu fuq bażi netta ta’ kwoti tariffarji; u l-aggregazzjoni ta’ l-impenji nazzjonali ta’ appoġġ.
Dan il-ftehim għandu jidħol fis-seħħ fid-data li fiha l-KE u t-Tajlandja jkunu wettqu skambju ta’ ittri ta’ ftehim, wara l-kunsiderazzjoni tal-partijiet skond il-proċeduri tagħhom stess. Il-KE għandha tagħmel l-aħjar sforzi tagħha biex tistabbilixxi l-miżuri ta' implimentazzjoni adattati qabel l-1 ta’ Jannar 2006 u fl-ebda ċirkostanzi dan ma għandu jseħħ aktar tard mill-1 ta’ Lulju 2006.”
Għandi hawnhekk l-unur li nesprimi l-qbil tal-gvern tiegħi.
Għoddni tiegħek.
F'isem ir-Renju tat-Tajlandja