EUR-Lex Access to European Union law
This document is an excerpt from the EUR-Lex website
Document 52016BP1544
Resolution (EU) 2016/1544 of the European Parliament of 28 April 2016 with observations forming an integral part of the decision on discharge in respect of the implementation of the budget of the European Union Agency for Network and Information Security for the financial year 2014
Riżoluzzjoni (UE) 2016/1544 tal-Parlament Ewropew tat-28 ta’ April 2016 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-Unjoni Ewropea dwar is-Sigurtà tan-Netwerks u l-Informazzjoni għas-sena finanzjarja 2014
Riżoluzzjoni (UE) 2016/1544 tal-Parlament Ewropew tat-28 ta’ April 2016 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-Unjoni Ewropea dwar is-Sigurtà tan-Netwerks u l-Informazzjoni għas-sena finanzjarja 2014
ĠU L 246, 14.9.2016, p. 304–305
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.9.2016 |
MT |
Il-Ġurnal Uffiċjali tal-Unjoni Ewropea |
L 246/304 |
RIŻOLUZZJONI (UE) 2016/1544 TAL-PARLAMENT EWROPEW
tat-28 ta’ April 2016
li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija tal-Unjoni Ewropea dwar is-Sigurtà tan-Netwerks u l-Informazzjoni għas-sena finanzjarja 2014
IL-PARLAMENT EWROPEW,
— |
wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija tal-Unjoni Ewropea dwar is-Sigurtà tan-Netwerks u l-Informazzjoni għas-sena finanzjarja 2014, |
— |
wara li kkunsidra l-Artikolu 94 u l-Anness V tar-Regoli ta’ Proċedura tiegħu, |
— |
wara li kkunsidra r-rapport tal-Kumitat għall-Kontroll tal-Baġit (A8-0098/2016), |
A. |
billi, skont ir-rapporti finanzjarji tagħha, il-baġit finali tal-Aġenzija tal-Unjoni Ewropea dwar is-Sigurtà tan-Netwerks u l-Informazzjoni (l-“Aġenzija”) għas-sena finanzjarja 2014 kien ta’ EUR 9 708 297, li jfisser żieda ta’ 0,39 % meta mqabbel mal-2013; |
B. |
billi l-kontribuzzjoni tal-Unjoni għall-baġit tal-Aġenzija għas-sena finanzjarja 2013 kienet ta’ EUR 8 820 666, li tfisser żieda ta’ 0,05 % meta mqabbla mal-2013; |
C. |
billi l-Qorti tal-Awdituri (il-“Qorti”), fir-rapport tagħha dwar il-kontijiet annwali tal-Aġenzija għas-sena finanzjarja 2014 (ir-“rapport tal-Qorti”), stqarret li kisbet assigurazzjonijiet raġonevoli li l-kontijiet annwali tal-Aġenzija huma affidabbli u li t-tranżazzjonijiet ta’ bażi huma legali u regolari; |
Ġestjoni baġitarja u finanzjarja
1. |
Jinnota li l-isforzi ta’ monitoraġġ tal-baġit matul is-sena finanzarja 2014 irriżultaw f’rata għolja ta’ implimentazzjoni tal-baġit ta’ 100 % u li r-rata ta’ eżekuzzjoni tal-approprjazzjonijiet ta’ pagament kienet ta’ 85,61 %; |
Impenji u riporti
2. |
Jinnota li, skont ir-rapport tal-Qorti, l-ammont totali tal-approprjazzjonijiet impenjati riportati għall-2015 kien ta’ EUR 1 332 421 (15 % tal-approprjazzjonijiet totali); jieħu nota tal-fatt li r-riporti ammontaw għal EUR 612 981 (49 %) għat-Titolu II (nefqa amministrattiva), li jfisser tnaqqis ta’ 10 % meta mqabbel mal-2013; jirrikonoxxi l-fatt li dawn ir-riporti huma marbuta ma’ investimenti fl-infrastruttura tal-IT, ordnati kif ippjanat lejn tmiem is-sena għaż-żewġ uffiċċji tal-Aġenzija; |
3. |
Josserva li mis-sena finanzjarja 2013 ġie riportat l-ammont ta’ EUR 717 927; jinnota li mir-riporti tal-2013 ġew ikkanċellati EUR 49 460 (6,89 %); |
Trasferimenti
4. |
Jinnota b’sodisfazzjon li skont ir-Rapport Annwali tal-Aġenzija, kif ukoll is-sejbiet tal-awditu tal-Qorti, il-livell u n-natura tat-trasferimenti fl-2013 baqgħu fi ħdan il-limiti tar-regoli finanzjarji; |
Proċeduri ta’ akkwist u ta’ reklutaġġ
5. |
Jinnota mir-rapport ta’ attività annwali tal-Aġenzija li fi tmiem l-2014 ġew impjegati 62 membru tal-persunal statutorju; jinnota, barra minn hekk, li matul l-2014 telqu tliet membri tal-persunal mill-Aġenzija, ġew ippubblikati għaxar avviżi għal pożizzjonijiet vakanti u ġew irreklutati seba’ membri tal-persunal; |
6. |
Josserva li l-Aġenzija taffaċċja sfidi biex tattira u żżomm magħha persunal ikkwalifikat kif xieraq biex jappoġġa l-attivitajiet tagħha, l-aktar minħabba l-post fejn jinsab l-uffiċċju tagħha fi Kreta, fejn l-edukazzjoni internazzjonali hija fattur li jippreżenta sfidi; jirrikonoxxi l-fatt li l-Aġenzija kkonkludiet ftehim ta’ livell ta’ servizz ma’ kull waħda mill-iskejjel privati li jattendu t-tfal tal-persunal fl-uffiċċju ta’ Ateni, hekk kif hemmhekk m’hemmx skejjel Ewropej; jinnota, barra minn hekk, li ġew konklużi mandat ġdid u ftehim ta’ servizz ġdid bejn il-Kummissjoni u l-Aġenzija sabiex jingħataw id-dettalji tal-finanzjament għall-iskejjel Ewropej li jattendu t-tfal tal-persunal tal-Aġenzija; |
7. |
Jinnota li, skont ir-Rapport ta’ Attività Annwali tal-Aġenzija, l-Aġenzija, għall-ewwel darba fl-2014, wettqet eżerċizzju ta’ evalwazzjoni tal-karigi fi ħdanha billi użat metodoloġija komuni adottata għall-Aġenziji; jinnota, barra minn hekk, li skont dan l-eżerċizzju, 68 % tal-membri persunal tal-Aġenzija kienu fil-kategorija ta’ funzjonijiet operattivi, 22 % kienu jaħdmu fil-kategorija ta’ appoġġ amministrattiv u koordinazzjoni u 10 % kienu impjegati fir-rigward ta’ funzjonijiet newtrali; |
Awditu intern
8. |
Jieħu nota tal-fatt li fil-bidu tal-2014, l-Aġenzija kellha 25 rakkomandazzjoni miftuħa mir-rapporti preċedenti tas-Servizz tal-Awditjar Intern tal-Kummissjoni (“IAS”); jirrikonoxxi l-fatt li 24 rakkomandazzjoni ngħalqu matul l-2014 kif ikkonfermat mill-IAS fiż-żjara tiegħu “fuq il-post” fl-Aġenzija f’Novembru 2014; jinnota li rakkomandazzjoni waħda li kienet għadha miftuħa ngħalqet fl-2015, wara li kienet ġiet implimentata l-għodda għall-flussi tax-xogħol elettroniċi; |
Kummenti oħra
9. |
Jirrikonoxxi l-fatt li l-Aġenzija adottat politiki interni biex ittejjeb il-kosteffikaċja u l-kompatibbiltà ambjentali tal-faċilitajiet tagħha; jinnota li pass importanti biex jiġu ssodisfati ż-żewġ rekwiżiti kien l-adozzjoni tal-pjattaforma “mingħajr karti”, li sservi bħala fluss tax-xogħol u ħażna ta’ dokumenti interni; jinnota b’sodisfazzjon li l-Aġenzija prattikament eliminat kważi għalkollox il-flussi tax-xogħol bil-karta, inklużi transazzjonijiet finanzjarji u l-fajls u d-dokumenti tar-riżorsi umani, u ssostitwiethom b’dokumenti elettroniċi u flussi tax-xogħol elettroniċi fi sforz biex jinkiseb ambjent tal-uffiċċju mingħajr karti; jirrikonoxxi l-fatt li din l-għodda bdiet taħdem b’suċċess f’Jannar 2015; |
10. |
Jiddikjara li r-rapporti annwali tal-Aġenzija jista’ jkollhom rwol importanti fl-ottemperanza fir-rigward tat-trasparenza, ir-responsabbiltà u l-integrità; jistieden lill-Aġenzija tinkludi kapitolu standard dwar dawk il-komponenti fir-rapport annwali tagħha; |
11. |
Jirrikonoxxi l-fatt li, bħala segwitu għall-kwittanza 2013 tal-Aġenzija, skont il-ftehim ta’ kiri bejn l-awtoritajiet Griegi, l-Aġenzija u sid il-kera, il-kera għall-uffiċċji f’Ateni titħallas mill-awtoritajiet Griegi; jinsab imħasseb dwar il-kera kontinwament titħallas tard, fatt li ssokta fl-2014 u l-2015, u li għall-Aġenzija jippreżenta riskji finanzjarji, kif ukoll għar-reputazzjoni u għall-kontinwità tan-negozju; jinnota bi tħassib li, fl-2015, il-pagament għall-ewwel sitt xhur tas-sena sar fis-27 ta’ Awwissu 2015, u biss wara li l-Aġenzija rċeviet twissija li se tinbeda kawża minn sid il-kera tal-uffiċċju ta’ Ateni; iħeġġeġ lill-Kummissjoni, lill-Aġenzija u lill-awtoritajiet Griegi jsibu soluzzjoni għal din il-kwistjoni sabiex jitnaqqsu r-riskji li l-Aġenzija hija esposta għalihom b’mod sinifikanti; |
12. |
Jirreferi, fir-rigward tal-kummenti l-oħrajn li jakkumpanjaw id-deċiżjoni tiegħu dwar il-kwittanza, li huma ta’ natura orizzontali, għar-riżoluzzjoni tiegħu tat-28 ta’ April 2016 (1) dwar il-prestazzjoni, il-ġestjoni finanzjarja u l-kontroll tal-aġenziji. |
(1) Testi adottati, P8_TA(2016)0159(ara l-paġna 447 ta’ dan il-Ġurnal Uffiċjali).