“Il-gassijiet serra

“1 bis.   Il-Partijiet inklużi fl-Anness I għandhom individwalment jew flimkien jiżguraw li l-emissjonijiet totali antropogeniċi tal-ekwivalenti tad-dijossidu tal-karbonju diossidju tal-gassijiet serra mniżżla fl-Anness A ma jaqbżux l-ammonti assenjati tagħhom, kalkulati skont l-impenji kwantifikati ta' limitazzjoni u tnaqqis tal-emissjonijiet imniżżla fit-tielet kolonna tat-tabella li tinsab fl-Anness B u skont id-dispożizzjonijiet ta' dan l-Artikolu, bl-għan li jnaqqsu l-emissjonijiet kumplessivi ta' tali gassijiet b'mill-inqas 18 % taħt il-livelli tal-1990 fil-perjodu ta' impenn mill-2013 sal-2020.”

“1 ter.   Parti inkluża fl-Anness B tista' tipproponi aġġustament li jnaqqas il-persentaġġ imniżżel fit-tielet kolonna tal-Anness B fl-impenn kwantifikat tagħha ta' limitazzjoni u tnaqqis tal-emissjonijiet imniżżel fit-tielet kolonna tat-tabella li hemm fl-Anness B. Proposta għal aġġustament bħal dan għandha tiġi kkomunikata lill-Partijiet mis-segretarjat mill-inqas tliet xhur qabel il-laqgħa tal-Konferenza tal-Partijiet li sservi bħala l-laqgħa tal-Partijiet għal dan il-Protokoll li matulha l-emenda tiġi proposta għall-adozzjoni.”

“1 quater.   Aġġustament propost minn Parti inkluża fl-Anness I biex tiżdied l-ambizzjoni tagħha ta' impenn kwantifikat ta' limitazzjoni u tnaqqis tal-emissjonijiet skont l-Artikolu 3, il-paragrafu 1 ter ta' hawn fuq, għandu jitqies adottat mill-Konferenza tal-Partijiet li sservi bħala l-laqgħa tal-Partijiet għal dan il-Protokoll sakemm aktar minn tliet kwarti tal-Partijiet li jkunu preżenti ma jivvotawx biex joġġezzjonaw għall-adozzjoni ta' dan. Aġġustament adottat għandu jiġu kkomunikat mis-Segretarjat lid-Depożitarju, li għandu jiċċirkolah fost il-Partijiet kollha, u għandu jidħol fis-seħħ nhar l-1 ta' Jannar tas-sena ta' wara l-komunikazzjoni mid-Depożitarju. Dawn l-aġġustamenti għandhom ikunu vinkolanti għall-Partijiet.”

“7 bis.   Fit-tieni perjodu ta' impenn kwantifikat ta' limitazzjoni u tnaqqis tal-emissjonijiet, mill-2013 sal-2020, l-ammont assenjat għal kull Parti inkluża fl-Anness I għandha tkun daqs il-perċentaġġ mogħti lilha fit-tielet kolonna tat-tabella li tinsab fl-Anness B tal-emissjonijiet totali tagħha antropoġeniċi ekwivalenti tal-karbonju diossidju tal-gassijiet tas-serra mniżżla fl-Anness A fl-1990, jew is-sena bażi jew perjodu ddeterminat skont il-paragrafu 5 hawn fuq imsemmi, immultiplikat bi tmienja. Dawk il Partijiet inklużi fl-Anness I li għalihom il-bdil tal-użu tal-art u l-foresti li jikkostitwixxu sors nett tal-emissjonijiet tal-gass tas-serra fl-1990 għandhom jinkludu fl-emissjonijiet tagħhom tas-sena bażi tal-1990 jew perjodu, l-emissjonijiet antropoġeniċi ekwivalenti tad-diossidu tal-karbonju mis-sors, mingħajr l-assorbimenti mis-sinks fl-1990 mill-bdil tal-użu tal-art bl-għan li jikkalkolaw l-ammont assenjat tagħhom.”

“7 ter.   Kull differenza pożittiva bejn l-ammont assenjat tat-tieni perjodu ta' impenn għal Parti inkluża fl-Anness I u l-emissjonijiet annwali medji għall-ewwel tliet snin tal-perjodu ta' impenn preċedenti mmultiplikat bi tmienja għandha tiġi ttrasferita għall-kont ta' kanċellazzjoni ta' dik il-Parti.”

“8 bis.   Kull Parti inkluża fl-Anness I tista' tuża s-sena 1995 jew 2000 bħala s-sena bażi tagħha għat-trifluworid tan-nitroġenu għall-finijiet tal-kalkolu msemmi fil-paragrafu 7 bis hawn fuq.”

“12 bis.   Kull unità ġġenerata minn mekkaniżmi bbażati fis-suq biex tiġi stabbilita skont il-Konvenzjoni jew l-istrumenti tagħha tista' tintuża mill-Partijiet inklużi fl-Anness I biex tgħinhom jiksbu konformità mal-impenji kwantifikati tagħhom ta' limitazzjoni tnaqqis tal-emissjonijiet skont l-Artikolu 3. Kull unità bħal din li Parti tikseb mingħand Parti oħra għall-Konvenzjoni għandha tingħaqad mal-ammont assenjat għall-Parti riċeventi u titnaqqas mill-kwantità ta' unitajiet miżmuma mill-Parti trasferenti.

12 ter.   Il-Konferenza tal-Partijiet li sservi bħala l-laqgħa tal-Partijiet għal dan il-Protokoll għandha tiżgura li, meta unitajiet minn attivitajiet approvati skont mekkaniżmi bbażati fis-suq imsemmija fil-paragrafu 12 bis hawn fuq, jintużaw minn Partijiet inklużi fl-Anness I biex tgħinhom jiksbu konformità mal-impenji kwantifikati tagħhom ta' limitazzjoni u tnaqqis tal-emissjonijiet skont l-Artikolu 3, sehem minn dawn l-unitajiet irid jintuża biex ikopri l-ispejjeż amministrattivi, kif ukoll biex jassisti Partijiet li huma pajjiżi li qed jiżviluppaw u li huma b'mod partikolari vulnerabbli għall-effetti negattivi tat-tibdil fil-klima ħalli jkopru l-ispejjeż ta' adattament jekk dawn l-unitajiet ikunu nkisbu skont l-Artikolu 17.”

ANNESS I

Notifika tat-termini tal-ftehim ta' twettiq konġunt tal-impenji tal-Unjoni Ewropea, l-Istati Membri tagħha u l-Islanda taħt l-Artikolu 3 tal-Protokoll ta' Kjoto għat-tieni perijodu ta' impenn tal-Protokoll ta' Kjoto, kif adottat mill-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima li serviet bħala l-laqgħa tal-Partijiet għall-Protokoll ta' Kjoto f'Doha, bid-Deċiżjoni 1/CMP.8, f'konformità mal-Artikolu 4 tal-Protokoll ta' Kjoto

1.   Il-membri tal-ftehim

L-Unjoni Ewropea, l-Istati Membri tagħha u r-Repubblika tal-Islanda, li kollha huma Partijiet għall-Protokoll ta' Kjoto, huma l-membri ta' dan il-ftehim (“il-membri”). Dawn li ġejjin huma l-Istati Membri attwali tal-Unjoni Ewropea:

ir-Renju tal-Belġju, ir-Repubblika tal-Bulgarija, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika tal-Estonja, l-Irlanda, ir-Repubblika Ellenika, ir-Renju ta' Spanja, ir-Repubblika Franċiża, ir-Repubblika tal-Kroazja, ir-Repubblika Taljana, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, l-Ungerija, ir-Repubblika ta' Malta, ir-Renju tal-Pajjiżi l-Baxxi, ir-Repubblika tal-Awstrija, ir-Repubblika tal-Polonja, ir-Repubblika Portugiża, ir-Rumanija, ir-Repubblika tas-Slovenja, ir-Repubblika Slovakka, ir-Repubblika tal-Finlandja, ir-Renju tal-Isvezja, u r-Renju Unit tal-Gran Brittannja u l-Irlanda ta' Fuq.

L-Islanda hija membru ta' dan il-ftehim skont il-Ftehim bejn l-Unjoni Ewropea u l-Istati Membri tagħha, minn naħa waħda, u l-Islanda, min-naħa l-oħra, li jikkonċerna l-parteċipazzjoni tal-Islanda fit-twettiq konġunt tal-impenji tal-Unjoni Ewropea, l-Istati Membri tagħha u l-Islanda fit-tieni perjodu ta' impenn tal-Protokoll ta' Kjoto għall-Konvenzjoni Qafas tan-Nazzjonijiet Uniti dwar it-Tibdil fil-Klima.

2.   It-twettiq konġunt tal-impenji taħt l-Artikolu 3 tal-Protokoll ta' Kjoto għat-tieni perijodu ta' impenn tal-Protokoll ta' Kjoto

F'konformità mal-Artikolu 4(1) tal-Protokoll ta' Kjoto, il-membri ser jissodisfaw l-impenji tagħhom taħt l-Artikolu 3 tiegħu kif ġej:

3.   Livelli rispettivi ta' emissjonijiet allokati lill-membri fil-ftehim

L-impenji kwantifikati għal-limitazzjoni u t-tnaqqis tal-emissjonijiet għall-membri elenkati fit-tielet kolonna tal-Anness B tal-Protokoll ta' Kjoto huma 80 %. L-ammont konġunt assenjat lill-membri għat-tieni perijodu ta' impenn ser jiġi ddeterminat skont l-Artikolu 3(7 bis), (8) u (8 bis) tal-Protokoll ta' Kjoto, u l-kalkolu tiegħu ser ikun iffaċilitat mir-rapport ippreżentat mill-Unjoni Ewropea skont il-paragrafu 2 tad-Deċiżjoni 2/CMP.8.

Il-livelli tal-emissjonijiet rispettivi tal-membri huma kif ġej:

L-ammonti assenjati tal-membri għandhom ikunu ekwivalenti għal-livelli rispettivi tal-emissjonijiet tagħhom.

L-ammont assenjat lill-Unjoni Ewropea ser ikun imqabbel mal-emissjonijiet ta' gass b'effett ta' serra minn sorsi skont l-Iskema għall-Iskambju ta' Kwoti tal-Emissjonijiet tal-Unjoni Ewropea, li fiha jipparteċipaw l-Istati Membri tagħha u l-Islanda, sa fejn dawn l-emissjonijiet huma koperti bil-Protokoll ta' Kjoto. L-ammonti assenjati rispettivi tal-Istati Membri u l-Islanda jkopru l-emissjonijiet ta' gass b'effett ta' serra minn sorsi u l-assorbiment minn bjar f'kull Stat Membru jew l-Islanda minn sorsi u bjar mhux koperti bid-Direttiva 2009/29/KE tal-Parlament Ewropew u tal-Kunsill li temenda d- Direttiva 2003/87/KE għat-titjib u l-estensjoni tal-iskema Komunitarja għall-iskambju ta' kwoti ta' emissjonijiet ta' gassijiet serra. Dan jinkludi l-emissjonijiet kollha minn sorsi u assorbimenti minn bjar koperti bl-Artikolu 3(3) u (4) tal-Protokoll ta' Kjoto kif ukoll l-emissjonijiet kollha tat-trifluworur tan-nitroġenu (NF3) skont il-Protokoll ta' Kjoto.

Il-membri ta' dan il-Ftehim għandhom jirrappurtaw b'mod separat dwar l-emissjonijiet minn sorsi u assorbimenti minn bjar koperti mill-ammonti assenjati rispettivi tagħhom.

Tabella 1: Livelli ta' emissjonijiet tal-Istati Membri u l-Islanda (qabel l-applikazzjoni tal-Artikolu 3(7bis)) f'termini ta' tunnellati ta' ekwivalenti għad-diossidu tal-karbonju għat-tieni perijodu ta' impenn tal-Protokoll ta' Kjoto

ANNESS II

Dikjarazzjoni mill-Unjoni Ewropea magħmula f'konformità mal-Artikolu 24(3) tal-Protokoll ta' Kjoto

Dawn li ġejjin huma l-Istati Membri attwali tal-Unjoni Ewropea: ir-Renju tal-Belġju, ir-Repubblika tal-Bulgarija, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika tal-Estonja, l-Irlanda, ir-Repubblika Ellenika, ir-Renju ta' Spanja, ir-Repubblika Franċiża, ir-Repubblika tal-Kroazja, ir-Repubblika Taljana, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, l-Ungerija, ir-Repubblika ta' Malta, ir-Renju tal-Pajjiżi l-Baxxi, ir-Repubblika tal-Awstrija, ir-Repubblika tal-Polonja, ir-Repubblika Portugiża, ir-Rumanija, ir-Repubblika tas-Slovenja, ir-Repubblika Slovakka, ir-Repubblika tal-Finlandja, ir-Renju tal-Isvezja, u r-Renju Unit tal-Gran Brittannja u l-Irlanda ta' Fuq.

L-Unjoni Ewropea tiddikjara li, f'konformità mat-Trattat dwar il-Funzjonament tal-Unjoni Ewropea, u b'mod partikolari l-Artikolu 192 (1) u l-Artikolu 191 tiegħu, hija għandha l-kompetenza biex tipparteċipa fi ftehimiet internazzjonali, u biex timplimenta l-obbligi li jirriżultaw minnhom, li jikkontribwixxu biex jintlaħqu l-objettivi li ġejjin:

L-Unjoni Ewropea tiddikjara li l-impenn ikkwantifikat tagħha tat-tnaqqis tal-emissjonijiet għat-tieni perijodu ta' impenn tal-Protokoll ta' Kjoto (2013-2020) se jitwettaq permezz ta' azzjoni mill-Unjoni Ewropea u l-Istati Membri tagħha skont il-kompetenza rispettiva ta' kull waħda u wieħed minnhom. L-istrumenti legalment vinkolanti li jimplimentaw l-impenn tagħha, li jkopru l-materji rregolati mill-Protokoll ta' Kjoto kif emendat bl-Emenda ta' Doha, diġà qegħdin fis-seħħ.

L-Unjoni Ewropea ser tkompli tipprovdi informazzjoni, fuq bażi regolari, dwar l-istrumenti legali rilevanti tal-Unjoni Ewropea fil-qafas tal-informazzjoni supplimentari inkorporata fil-Komunikazzjoni Nazzjonali tagħha ppreżentata taħt l-Artikolu 12 tal-Konvenzjoni bl-għan li tintwera konformità mal-impenji tagħha fil-Protokoll ta' Kjoto f'konformità mal-Artikolu 7(2) tiegħu u l-linji gwida inkwistjoni.