EUR-Lex Access to European Union law
This document is an excerpt from the EUR-Lex website
Document 22012D0023
Decision of the EEA Joint Committee No 23/2012 of 10 February 2012 amending Annex XIII (Transport) to the EEA Agreement
Deċiżjoni tal-Kumitat Konġunt taż-ŻEE Nru 23/2012 tal- 10 ta’ Frar 2012 li temenda l-Anness XIII (Trasport) tal-Ftehim dwar iż-ŻEE
Deċiżjoni tal-Kumitat Konġunt taż-ŻEE Nru 23/2012 tal- 10 ta’ Frar 2012 li temenda l-Anness XIII (Trasport) tal-Ftehim dwar iż-ŻEE
OJ L 161, 21.6.2012, p. 28–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 11 Volume 089 P. 499 - 499
In force
21.6.2012 |
MT |
Il-Ġurnal Uffiċjali tal-Unjoni Ewropea |
L 161/28 |
DEĊIŻJONI TAL-KUMITAT KONĠUNT TAŻ-ŻEE
Nru 23/2012
tal-10 ta’ Frar 2012
li temenda l-Anness XIII (Trasport) tal-Ftehim dwar iż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ “il-Ftehim”, u b’mod partikolari l-Artikolu 98 tiegħu,
Billi:
(1) |
L-Anness XIII ta’ mal-Ftehim kien emendat permezz tad-Deċiżjoni tal-Kumitat Konġunt taż-ŻEE Nru 165/2011 tad-19 ta’ Diċembru 2011 (1). |
(2) |
Ir-Regolament ta’ Implimentazzjoni tal-Kummissjoni (UE) Nru 651/2011 tal-5 ta’ Lulju 2011 li jadotta r-regoli ta’ proċedura tal-qafas ta’ kooperazzjoni permanenti stabbilit mill-Istati Membri b’kooperazzjoni mal-Kummissjoni skont l-Artikolu 10 tad-Direttiva 2009/18/KE tal-Parlament Ewropew u tal-Kunsill (2) għandu jiġi inkorporat fil-Ftehim. |
(3) |
Id-Direttiva 2001/14/KE tal-Parlament Ewropew u tal-Kunsill (3) ġiet inkorporata fil-Ftehim permezz tad-Deċiżjoni Nru 118/2001 tal-Kumitat Konġunt taż-ŻEE tat-28 ta’ Settembru 2001 (4). |
(4) |
Id-Direttiva 2001/14/KE tirrevoka r-Regolamenti tal-Kunsill (KEE) Nru 2830/77 (5) u (KEE) Nru 2183/78 (6), id-Direttiva tal-Kunsill 95/19/KE (7) u d-Deċiżjonijiet tal-Kunsill 82/529/KEE (8) u 83/418/KEE (9) li huma inkorporati fil-Ftehim, u li konsegwentament għandhom jiġu rrevokati mill-Ftehim, |
ADOTTA DIN ID-DEĊIŻJONI:
Artikolu 1
L-Anness XIII ta’ mal-Ftehim jiġi emendat kif ġej:
1. |
Fil-paragrafu II tal-ADATTAMENTI SETTORJALI, il-kliem ‘l-Artikolu 1 tad-Deċiżjoni 83/418/KEE,’ u ‘l-Artikolu 2 tar-Regolament (KEE) Nru 2830/77, l-Artikolu 2 tar-Regolament (KEE) Nru 2183/78 u l-Artikolu 2 tad-Deċiżjoni 82/529/KEE’ jiġu mħassra. |
2. |
It-testi tal-punti 38 (id-Deċiżjoni tal-Kunsill 83/418), 40 (ir-Regolament tal-Kunsill (KEE) Nru 2830/77), 41 (ir-Regolament tal-Kunsill (KEE) Nru 2183/78), 41a (id-Direttiva tal-Kunsill 95/19/KE) u 42 (id- Deċiżjoni tal-Kunsill Nru 82/529/KEE) jiġu mħassra. |
3. |
Il-punt segwenti jiddaħħal wara l-punt 55c (imħassar):
|
Artikolu 2
It-testi tar-Regolament ta’ Implimentazzjoni (UE) Nru 651/2011 bil-lingwa Islandiża u b’dik Norveġiża, li għandhom jiġu pubblikati fis-Suppliment taż-ŻEE ta’ ma’ Il-Ġurnal Uffiċjali tal-Unjoni Ewropea, ikunu awtentiċi.
Artikolu 3
Din id-Deċiżjoni tidħol fis-seħħ fil-11 ta’ Frar 2012, sakemm ikunu saru n-notifiki kollha skont l-Artikolu 103(1) tal-Ftehim lill-Kumitat Konġunt taż-ŻEE (*), jew fil-jum tad-dħul fis-seħħ tad-Deċiżjoni tal-Kumitat Konġunt taż-ŻEE li tinkorpora d-Direttiva 2009/18/KE tal-Parlament Ewropew u tal-Kunsill (10) fil-Ftehim, skont liema data minnhom tkun l-iktar tard.
Artikolu 4
Din id-Deċiżjoni tiġi ppubblikata fis-Sezzjoni taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment taż-ŻEE ta’ miegħu.
Magħmul fi Brussell, l-10 ta’ Frar 2012.
Għall-Kumitat Konġunt taż-ŻEE
L-Aġent President
Gianluca GRIPPA
(1) ĠU L 76, 15.3.2012, p. 57.
(2) ĠU L 177, 6.7.2011, p. 18.
(3) ĠU L 75, 15.3.2001, p. 29.
(4) ĠU L 322, 6.12.2001, p. 32.
(5) ĠU L 334, 24.12.1977, p. 13.
(6) ĠU L 258, 21.9.1978, p. 1.
(7) ĠU L 143, 27.6.1995, p. 75.
(9) ĠU L 237, 26.8.1983, p. 32.
(*) Ma huma indikati l-ebda rekwiżiti kostituzzjonali.
(10) ĠU L 131, 28.5.2009, p. 114.