This document is an excerpt from the EUR-Lex website
Document 62022TN0075
Case T-75/22: Action brought on 11 February 2022 — Prigozhin v Council
Kawża T-75/22: Rikors ippreżentat fil-11 ta’ Frar 2022 – Prigozhin vs Il-Kunsill
Kawża T-75/22: Rikors ippreżentat fil-11 ta’ Frar 2022 – Prigozhin vs Il-Kunsill
ĠU C 148, 4.4.2022, p. 35–36
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
ĠU C 148, 4.4.2022, p. 28–28
(GA)
4.4.2022 |
MT |
Il-Ġurnal Uffiċjali tal-Unjoni Ewropea |
C 148/35 |
Rikors ippreżentat fil-11 ta’ Frar 2022 – Prigozhin vs Il-Kunsill
(Kawża T-75/22)
(2022/C 148/47)
Lingwa tal-kawża: il-Franċiż
Partijiet
Rikorrent: Yevgeniy Viktorovich Prigozhin (Saint-Pétersbourg, ir-Russja) (rappreżentant: M. Cessieux, avukat)
Konvenut: Il-Kunsill tal-Unjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tiddikjara lil Yevgeniy Viktorovich Prigozhin ammissibbli fir-rikors tiegħu u |
Sa fejn jirrigwardaw tar-rikorrent
— |
tannulla d-Deċiżjoni tal-Kunsill (PESK) 2021/2197 tat-13 ta’ Diċembru 2021 li temenda d-Deċiżjoni (PESK) 2020/1999 li tikkonċerna miżuri restrittivi kontra l-ksur u l-abbużi serji tad-drittijiet tal-bniedem; |
— |
tannulla r-Regolament ta’ Implimentazzjoni tal-Kunsill (UE) 2021/2195 tat-13 ta’ Diċembru 2021 li jimplimenta r-Regolament (UE) 2020/1998 dwar miżuri restrittivi kontra ksur u abbużi serji tad-drittijiet tal-bniedem; sa fejn dawn iż-żewġ deċiżjonijiet jindikawh jiġifieri bħala finanzjarju tal-Grupp Wagner; |
— |
tgħid u tiddeċiedi li fi kwalunkwe każ, l-isem ta’ Yevgeniy Viktorovich Prigozhin għandu jiġi rtirat mingħajr dewmien mill-atti kkontestati; |
— |
tikkundanna lill-Kunsill tal-Unjoni Ewropea tbati għall-ispejjeż tal-applikazzjoni tal-Artikoli 87 u 91 tar-Regoli tal-Proċedura tal-Qorti Ġenerali. |
Motivi u argumenti prinċipali
Insostenn tar-rikors tiegħu, ir-rikorrent jinvoka erba’ motivi.
1. |
L-ewwel motiv ibbażat fuq il-ksur tal-obbligu ta’ motivazzjoni: ir-rikorrent isostni li l-Kunsill ma osservax l-obbligu ta’ motivazzjoni tal-atti kkontestati billi ma ġab ebda prova speċifika ta’ ġustifikazzjoni talli jsemmi l-isem tar-rikorrent fil-korp tad-deċiżjonijiet ikkontestati. |
2. |
It-tieni motiv ibbażat fuq l-eżistenza ta’ użu ħażin ta’ poter. Ir-rikorrent isostni, f’dan ir-rigward, li, fl-assenza ta’ provi li fuqhom tibbaża d-deskrizzjoni tiegħu bħala “finanzjarju tal-grupp Wagner”, il-Kunsill ma setgħax jindikah indirettament fil-motivazzjoni tar-reġistrazzjoni tal-Grupp Wagner u b’hekk juża ħażin l-għan inizjalment imfittex mill-miżura. |
3. |
It-tielet motiv ibbażat fuq żball manifest ta’ evalwazzjoni. Ir-rikorrent isostni li ma huwiex il-finanzjarju tal-Grupp Wagner u li ebda rabta ma teżisti bejnhu u din l-entità. |
4. |
Ir-raba’ motiv ibbażat fuq il-ksur tad-drittijiet fundamentali. Ir-rikorrent jinvoka li billi tniżżel l-isem tiegħu fil-korp tal-motivazzjoni tar-reġistrazzjoni ta’ Wagner Group, il-Kunsill kiser l-Artikoli 10, 6 u 13 tal-Konvenzjoni Ewropea tad-drittijiet tal-bniedem. |