—

tannulla d-deċiżjoni tal-konvenuta tat-12 ta’ Ottubru 2021 (1) li tiċħad l-offerta tar-rikorrenti fil-kuntest tas-sejħa għal offerti MOVE/2020/OP/0008 “Assistenza legali, soċjoekonomika u teknika fl-oqsma tal-Enerġija u l-Mobilità u t-Trasport”, lott 5: “attivitajiet ta’ assistenza soċjoekonomika fil-qasam tal-mobilità u t-trasport”;

—

tannulla kull miżura konsegwenti, intenzjonata jew relatata, inklużi anki miżuri li għadhom mhux magħrufa meħuda mill-konvenuta fil-lott 5 fil-kuntest tas-sejħa għal offerti imsemmija qabel, u, b’mod partikolari, tannulla r-rapporti ta’ evalwazzjoni tal-offerti u kull kuntratt li sar mal-offerent li ntgħażel;

—

tikkundanna lill-konvenuta għall-ispejjeż kollha.

1.

L-ewwel motiv ibbażat fuq l-fatt li l-konvenuta għamlet żball manifest ta’ evalwazzjoni billi ċaħdet l-offerta tar-rikorrenti u b’hekk kisret l-Artikolu 168(6) tar-Regolament (UE, Euratom) 2018/1046. (2)

2.

It-tieni motiv, ibbażat fuq il-fatt li l-konvenuta kisret l-Artikolu 41 tal-Karta tad-Drittijiet Fundamentali tal-Unjoni Ewropea billi ċaħdet l-offerta tar-rikorrenti u ma kkunsidratx l-ispjegazzjonijiet tar-rikorrenti dwar l-eżistenza u l-integrità tal-offerta teknika tagħha.