This document is an excerpt from the EUR-Lex website
Document 62019TN0640
Case T-640/19: Action brought on 25 September 2019 – Sasol Germany and Others v ECHA
Kawża T-640/19: Rikors ippreżentat fil-25 ta’ Settembru 2019 – Sasol Germany and Others vs ECHA
Kawża T-640/19: Rikors ippreżentat fil-25 ta’ Settembru 2019 – Sasol Germany and Others vs ECHA
ĠU C 406, 2.12.2019, p. 35–36
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
2.12.2019 |
MT |
Il-Ġurnal Uffiċjali tal-Unjoni Ewropea |
C 406/35 |
Rikors ippreżentat fil-25 ta’ Settembru 2019 – Sasol Germany and Others vs ECHA
(Kawża T-640/19)
(2019/C 406/45)
Lingwa tal-kawża: l-Ingliż
Partijiet
Rikorrenti: Sasol Germany GmbH (Hamburg, il-Ġermanja) SI Group - Béthune (Béthune, Franza), BASF SE (Ludwigshafen am Rhein, il-Ġermanja) (rappreżentanti: C. Mereu, P. Sellar and S. Saez Moreno, avukati)
Konvenuta: L-Aġenzija Ewropea għas-Sustanzi Kimiċi (ECHA)
Talbiet
Ir-rikorrenti titlob li l-Qorti Ġenerali jogħġobha:
— |
tiddikjara t-talba ammissibbli u fondata; |
— |
tannulla parzjalment l-att ikkontestat sa fejn dan jinkludi s-sustanza 4-tert butilfenol (PTBP) bħala sustanza ta’ tħassib serju ħafna (SVHC) fil-lista tas sustanzi kandidati bil-għan ta’ inklużjoni eventwali fl-Anness XIV tar Regolament (KE) Nru 1907/2006 tal-Parlament Ewropew u tal-Kunsill (1); |
— |
tikkundanna lill-konvenuta għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi.
1. |
L-ewwel motiv huwa bbażat fuq ksur tal-kriterji għal tfixkil tas-sistema endokrina u l-approċċ tal-piż tal-evidenza, peress li l-konvenuta naqset milli turi li hemm evidenza xjentifika ta’ effetti serji probabbli fuq is-saħħa tal-bniedem jew tal-ambjent. |
2. |
It-tieni motiv huwa bbażat fuq ksur tal-Artikolu 57(f) tar-Regolament (KE) Nru 1907/2006 dwar “livell ta’ tħassib ekwivalenti”, peress li
|
3. |
It-tielet motiv huwa bbażat fuq żball manifest ta’ evalwazzjoni/nuqqas ta’ teħid inkunsiderazzjoni bir-reqqa tal-informazzjoni kollha rilevanti u b’mod partikolari tal-informazzjoni tal-espożizzjoni. |
4. |
Ir-raba’ motiv huwa bbażat fuq ksur tal-prinċipju ta’ proporzjonalità/nuqqas ta’ għażla tal-inqas għażliet onerużi. |
5. |
Il-ħames motiv huwa bbażat fuq ksur tal-prinċipju ta’ proporzjonalità/nuqqas ta’ twettiq ta’ analiżi tal-għażliet ta’ ġestjoni tar-riskju xierqa mingħajr ma sar teħid inkunsiderazzjoni tal-miżuri tal-ġestjoni tar-riskju diġà eżistenti. |
(1) Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).