EUR-Lex Access to European Union law
This document is an excerpt from the EUR-Lex website
Document 62019TN0181
Case T-181/19: Action brought on 27 March 2019 — Dickmanns v EUIPO
Kawża T-181/19: Rikors ippreżentat fis-27 ta’ Marzu 2019 — Dickmanns vs EUIPO
Kawża T-181/19: Rikors ippreżentat fis-27 ta’ Marzu 2019 — Dickmanns vs EUIPO
ĠU C 206, 17.6.2019, p. 47–48
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
17.6.2019 |
MT |
Il-Ġurnal Uffiċjali tal-Unjoni Ewropea |
C 206/47 |
Rikors ippreżentat fis-27 ta’ Marzu 2019 — Dickmanns vs EUIPO
(Kawża T-181/19)
(2019/C 206/50)
Lingwa tal-kawża: il-Ġermaniż
Partijiet
Rikorrenti: Sigrid Dickmanns (Gran Alacant, Spanja) (rappreżentant: H. Tettenborn, avukat)
Konvenut: L-Uffiċċju tal-Proprjetà Intellettwali tal-Unjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-EUIPO, ikkomunikata b’ittra tal-4 ta’ Ġunju 2018, li permezz tagħha huwa ċaħad it-talbiet tar-rikorrenti mressqa fl-ittra tagħha tal-25 ta’ Jannar 2018:
|
— |
tikkundanna lill-EUIPO iħallas lir-rikorrenti ammont xieraq, stabbilit mill-Qorti Ġenerali ex bono et aequo, għad-danni morali u immaterjali li hija sostniet minħabba d-deċiżjoni tal-EUIPO, imsemmija fl-ewwel talba iktar ’il fuq, u |
— |
tikkundanna lill-EUIPO għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka dawn il-motivi.
1. |
L-ewwel motiv ibbażat fuq żball manifest ta’ evalwazzjoni, nuqqas ta’ eżerċizzju tas-setgħa diskrezzjonali tal-konvenut, ksur tal-prinċipji ta’ nondiskriminazzjoni u ta’ ugwaljanza fit-trattament u ksur tal-projbizzjoni ta’ arbitrarjetà. |
2. |
It-tieni motiv ibbażat fuq l-illegalità tal-klawżola ta’ tkeċċija sa fejn din tmur kontra l-Linji Gwida, il-prinċipju ta’ amministrazzjoni tajba, il-prinċipji ta’ nondiskriminazzjoni u ta’ ugwaljanza fit-trattament u l-prinċipju li t-terminazzjoni ta’ kuntratt ta’ membru tal-persunal temporanju teħtieġ kawża ġusta (iusta causa) u fuq ksur tal-Artikolu 30 tal-Karta tad-Drittijiet Fundamentali tal-Unjoni Ewropea, tad-Direttiva 1999/70/KE (1), tal-Ftehim Qafas (partikolarment il-paragrafi 1(b) u 5(1) tiegħu) u tal-Artikolu 4 tal-Konvenzjoni tal-ILO Nru 158 dwar it-Terminazzjoni tal-Kuntratt ta’ Impjieg mill-Persuna li Timpjega. |
3. |
It-tielet motiv ibbażat fuq ksur tal-Linji Gwida, li jikkostitwixxi wkoll ksur proċedurali sostanzjali, fuq ksur tal-prinċipji ta’ nondiskriminazzjoni u ta’ ugwaljanza fit-trattament, tal-prinċipju ta’ amministrazzjoni tajba u ta’ amministrazzjoni finanzjarja tajba, tad-dritt għal smigħ qabel l-adozzjoni ta’ deċiżjoni li toħloq preġudizzju (l-Artikolu 41(2)(a) tal-Karta tad-Drittijiet Fundamentali tal-Unjoni Ewropea), tad-dmir ta’ diliġenza tal-konvenut u tal-obbligu tiegħu li jieħu inkunsiderazzjoni l-interessi leġittimi tar-rikorrenti u fuq żball manifest ta’ evalwazzjoni fl-eżerċizzju ta’ bbilanċjar tal-interessi tar-rikorrenti mal-interessi tas-servizz u fuq ksur tal-projbizzjoni ta’ arbitrarjetà. |
4. |
Ir-raba’ motiv ibbażat fuq l-allegazzjoni li minħabba l-ksur tat-tieni u t-tielet sentenza tal-Artikolu 8(1) tal-KIAO u tal-projbizzjoni ta’ relazzjonijiet tax-xogħol katina, il-kuntratt tar-rikorrenti huwa validu għal żmien indeterminat mingħajr klawżola ta’ terminazzjoni. |
5. |
Il-ħames motiv ibbażat fuq iż-żamma illegali tal-klawżola ta’ terminazzjoni fil-kuntest tal-protokoll ta’ integrazzzjoni mill-ġdid u ksur tal-aspettattivi leġittimi, tal-interessi leġittimi tar-rikorrenti u tad-dmir ta’ premura permezz tal-applikazzjoni tal-klawżola inkwistjoni. |
6. |
Is-sitt motiv ibbażat fuq ksur tal-aspettattivi leġittimi tar-rikorrenti, tad-dmir ta’ premura tal-konvenut u tan-nuqqas ta’ rispett tal-interessi leġittimi tagħha sa fejn il-konvenut irrifjuta li jġedded il-kuntratt ta’ servizz, u fuq żball manifest ta’ evalwazzjoni fl-evalwazzjoni tal-interessi tas-servizz. |
(1) Direttiva tal-Kunsill 1999/70/KE tat-28 ta’ Ġunju 1999 dwar il-ftehim qafas dwar xogħol għal żmien fiss konkluż mill-ETUC, mill-UNICE u mis-CEEP (ĠU Edizzjoni Speċjali bil-Malti, Kapitolu 5, Vol. 3, p. 368).