This document is an excerpt from the EUR-Lex website
Document 62017TN0344
Case T-344/17: Action brought on 31 May 2017 — Latam Airlines Group and Lan Cargo v Commission
Kawża T-344/17: Rikors ippreżentat fil-31 ta’ Mejju 2017 – Latam Airlines Group u Lan Cargo vs Il-Kummissjoni Ewropea
Kawża T-344/17: Rikors ippreżentat fil-31 ta’ Mejju 2017 – Latam Airlines Group u Lan Cargo vs Il-Kummissjoni Ewropea
ĠU C 239, 24.7.2017, p. 65–67
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
24.7.2017 |
MT |
Il-Ġurnal Uffiċjali tal-Unjoni Ewropea |
C 239/65 |
Rikors ippreżentat fil-31 ta’ Mejju 2017 – Latam Airlines Group u Lan Cargo vs Il-Kummissjoni Ewropea
(Kawża T-344/17)
(2017/C 239/77)
Lingwa tal-kawża: l-Ingliż
Partijiet
Rikorrenti: Latam Airlines Group SA (Santiago, iċ-Ċili) u Lan Cargo SA (Santiago) (rappreżentanti: B. Hartnett, barrister, O. Geiss, avukat u W. Sparks, solicitor)
Konvenuta: Il-Kummissjoni Ewropea
Talbiet
— |
tannulla d-Deċiżjoni tal-Kummissjoni C(2017) 1742 finali, tas-17 ta’ Marzu 2017, li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea, l-Artikolu 53 tal-Ftehim ŻEE u l-Artikolu 8 tal-Ftehim bejn il-Komunità Ewropea u l-Konfederazzjoni Svizzera dwar it-Trasport bl-Ajru (Il-Każ AT.39258 – Trasport bl-ajru) sa fejn din tapplika għar-rikorrenti; |
— |
barra minn hekk, jew sussidjarjament, tnaqqas il-multi imposti fuq ir-rikorrenti; u |
— |
tikkundanna lill-Kummissjoni Ewropea tħallas l-ispejjeż. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw seba’ motivi.
1. |
L-ewwel motiv ibbażat fuq żball ta’ liġi iu ta’ fatt min-naħa tal-Kummissjoni sa fejn interpretat ħażin il-provi ċċitati kontra r-rikorrenti, applikat ħażin l-Artikolu 101 TFEU, l-Artikolu 53 tal-Ftehim ŻEE u l-Artikolu 8 tal-Ftehim mal-Iżvizzera, u naqset milli tipprovdi motivazzjoni suffiċjenti, fl-impożizzjoni tar-responsabbiltà fuq ir-rikorrenti għall-ksur fir-rigward tas-soprataxxa ta’ sigurtà u n-nuqqas ta’ ħlas tal-kummissjoni.
|
2. |
It-tieni motiv ibbażat fuq żball ta’ liġi u ta’ fatt min-naħa tal-Kummissjoni sa fejn interpretat ħażin il-provi ċċitati kontra r-rikorrenti, applikat ħażin id-dispożizzjonijiet rilevanti, u naqset milli tipprovdi motivazzjoni suffiċjenti, meta kkonstatat li r-rikorrenti pparteċipaw fil-ksur dwar is-soprataxxa tal-fjuwil.
|
3. |
It-tielet motiv ibbażat fuq żbalji manifesti ta’ fatt u ta’ liġi mwettqa mill-Kummissjoni meta kkonkludiet li r-rikorrenti kienu responsabbli għal ksur fuq ir-rotot identifikati fl-Artikoli 1(1), 1(3) u 1(4) tad-deċiżjoni kkontestata, u naqset milli tipprovdi motivazzjoni suffiċjenti.
|
4. |
Ir-raba’ motiv ibbażat fuq żbalji manifesti ta’ fatt u ta’ liġi mwettqa mill-Kummissjoni meta kkonkludiet dwar l-eżistenza tal-allegat akkordju, u naqset milli tipprovdi motivazzjoni suffiċjenti.
|
5. |
Il-ħames motiv ibbażat fuq żbalji manifesti ta’ fatt u ta’ liġi mwettqa mill-Kummissjoni meta kkonkludiet li l-allegat aġir jikkostitwixxi ksur uniku u kontinwu, u naqset milli tipprovdi motivazzjoni suffiċjenti għal din il-konklużjoni.
|
6. |
Is-sitt motiv ibbażat fuq ksur min-naħa tal-Kummissjoni tad-drittijiet ta’ difiża u naqset milli tipprovdi motivazzjoni suffiċjenti.
|
7. |
Is-seba’ motiv ibbażat fuq żball ta’ liġi u ta’ fatt min-naħa tal-Kummissjoni meta kkalkolat il-multa tar-rikorrenti, u naqset milli tipprovdi motivazzjoni suffiċjenti.
|