—

Ir-rikorrenti jsostnu li l-Kummissjoni żbaljat meta kkonstatat li huma kienu jafu bl-aġir antikompetittiv relatat mas-soprataxxa ta’ sigurtà u man-nuqqas ta’ ħlas tal-kummissjoni.

—

Barra minn hekk, ir-rikorrenti jsostnu li dawn l-aspetti tal-ksur uniku u kontinwu allegat ma humiex separabbli mit-totalità tiegħu u li d-deċiżjoni kkontestata għandha għalhekk tiġi annullata fl-intier tagħha.

—

Ir-rikorrenti jsostnu li l-Kummissjoni ma wettqitx il-prova suffiċjenti skont il-liġi li huma pparteċipaw fl-allegat ksur sa fejn dan kien jirrigwarda s-soprataxxa tal-fjuwil.

—

Ir-rikorrenti jsostnu wkoll li l-fatt li huma rċevew l-istqarrijiet għall-istampa ma setax jippermetti li huma jkunu jafu bl-allegat akkordju.

—

Finalment, ir-rikorrenti jsostnu li l-provi limitati relatati mal-kuntatti tagħhom ma’ trasportaturi ma jistabbilixxu ebda aġir antikompetittiv min-naħa tagħhom u ma jurux li huma kienu jafu jew setgħu jipprevedu l-aġir antikompetittiv ta’ trasportaturi oħra.

—

Ir-rikorrenti jsostnu li l-Kummissjoni żbaljat meta, fl-Artikoli 1(1), 1(3) u 1(4) tad-deċiżjoni kkontestata, żammithom responsabbli, għax il-perijodu ta’ preskrizzjoni kien skada.

—

Ir-rikorrenti jsostnu wkoll li l-Kummissjoni ma għandhiex ġurisdizzjoni sabiex issibhom responsabbli għal ksur tal-Artikolu 101 TFUE f’rotot intra-ŻEE qabel l-1 ta’ Mejju 2004, jew tal-Artikolu 53 tal-Ftehim ŻEE qabel id-19 ta’ Mejju 2005.

—

Ir-rikorrenti jallegaw ukoll li l-Kummissjoni ma għandhiex ġurisdizzjoni sabiex issibhom responsabbli għal ksur fir-rigward tar-rotot UE-Żvizzera.

—

Finalment, ir-rikorrenti jsostnu li dawn il-konstatazzjonijiet jiksru l-prinċipju ne bis in idem.

—

Ir-rikorrenti jsostnu li l-konstatazzjoni tal-Kummissjoni li huma pparteċipaw fl-allegat akkordju hija vvizzjata b’nuqqas ta’ provi.

—

Ir-rikorrenti jsostnu wkoll li din hija bbażata fuq is-suppożizzjoni żbaljata li l-ksur kellu effett fuq ir-rotot kollha.

—

Ir-rikorrenti jsostnu wkoll li din teċċedi l-ġurisdizzjoni tal-Kummissjoni u twassal għal ambigwità fir-rigward tal-ambitu ġeografiku tal-allegat ksur.

—

Finalment, ir-rikorrenti jsostnu li din twassal għal diskrepanzi bejn ir-raġunijiet u d-dispożittiv fir-rigward tas-suġġett tad-deċiżjoni kkontestata, li ma jippermettux lir-rikorrenti jifhmu n-natura u l-portata tal-allegat ksur.

—

Ir-rikorrenti jsostnu li l-aġir inkwistjoni ma kellux skop antikompetittiv uniku.

—

Ir-rikorrenti jsostnu wkoll li l-aġir inkwistjoni ma kienx jirrigwarda prodott wieħed jew servizz wieħed.

—

Ir-rikorrenti jallegaw ukoll li l-aġir inkwistjoni ma kienx jirrigwarda l-istess impriża.

—

Ir-rikorrenti jsostnu wkoll li l-allegat ksur ma kienx ta’ natura unika.

—

Ir-rikorrenti jsostnu wkoll li l-elementi tal-allegat ksur ma ġewx eżaminati b’mod parallel.

—

Finalment, ir-rikorrenti jsostnu li l-Kummissjoni pprovdiet provi insuffiċjenti u naqset milli tagħmel analiżi skont l-Artikolu 101(3) TFUE fir-rigward tan-nuqqas ta’ ħlas tal-kummissjoni.

—

Ir-rikorrenti jsostnu li huma ma setgħux iwieġbu għall-konstatazzjoni tal-Kummissjoni li huma kienu jafu dwar il-ksur relatat mas-soprataxxa ta’ sigurtà u man-nuqqas ta’ ħlas tal-kummissjoni.

—

Ir-rikorrenti jsostnu wkoll li saru allegazzjonijiet ġodda sabiex isostnu l-konstatazzjoni tal-Kummissjoni dwar l-allegat akkordju.

—

Ir-rikorrenti jsostnu wkoll li l-Kummissjoni tibbaża ruħha fuq provi li huma inammissibbli fil-konfront tagħhom.

—

Ir-rikorrenti jsostnu wkoll li diskrepanzi bejn ir-raġunijiet tad-deċiżjoni kkontestata u d-dispożittiv iwasslu għal vizzju ta’ motivazzjoni.

—

Finalment, ir-rikorrenti jsostnu li huma ma setgħux jipprovdu l-pożizzjoni tagħhom fir-rigward tad-deċiżjoni li jitneħħew tlettax-il trasportatur u tliet aspetti tal-ksur mill-investigazzjoni wara d-dikjarazzjoni tal-oġġezzjonijiet, u l-Kummissjoni ma pprovdiet ebda raġunijiet għal dan.

—

Ir-rikorrenti jsostnu nuqqas ta’ differenzjazzjoni bejn il-koordinazzjoni ta’ prezz finali u l-koordinazzjoni fir-rigward ta’ elementi limitati tal-prezz.

—

Ir-rikorrenti jsostnu wkoll nuqqas ta’ teħid inkunsiderazzjoni tal-ishma mis-suq ikkombinati limitati tad-destinatarji u r-rekwiżiti regolatorji tal-industrija.

—

Ir-rikorrenti jallegaw ukoll li l-Kummissjoni ttrattat l-aġir tagħhom bl-istess mod bħall-aġir ferm iktar serju ta’ destinatarji oħra, inkluż il-“grupp ewlieni”.

—

Finalment, ir-rikorrenti jsostnu li l-Kummissjoni naqset milli tieħu inkunsiderazzjoni l-parteċipazzjoni iktar limitata tagħhom fil-ksur b’paragun ma’ dik ta’ destinatarji oħra li kisbu wkoll tnaqqis tal-multa minħabba ċirkustanzi attenwanti.