This document is an excerpt from the EUR-Lex website
Document 62016CN0044
Case C-44/16 P: Appeal brought on 25 January 2016 by Dyson Ltd against the judgment of the General Court (Fourth Chamber) delivered on 11 November 2015 in Case T-544/13: Dyson Ltd v European Commission
Kawża C-44/16 P: Appell ippreżentat fil-25 ta’ Jannar 2016 minn Dyson Ltd mis-sentenza mogħtija mill-Qorti Ġenerali (Ir-Raba’ Awla) fil-11 ta’ Novembru 2015 fil-Kawża T-544/13: Dyson Ltd vs Il-Kummissjoni Ewropea
Kawża C-44/16 P: Appell ippreżentat fil-25 ta’ Jannar 2016 minn Dyson Ltd mis-sentenza mogħtija mill-Qorti Ġenerali (Ir-Raba’ Awla) fil-11 ta’ Novembru 2015 fil-Kawża T-544/13: Dyson Ltd vs Il-Kummissjoni Ewropea
ĠU C 145, 25.4.2016, p. 18–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
25.4.2016 |
MT |
Il-Ġurnal Uffiċjali tal-Unjoni Ewropea |
C 145/18 |
Appell ippreżentat fil-25 ta’ Jannar 2016 minn Dyson Ltd mis-sentenza mogħtija mill-Qorti Ġenerali (Ir-Raba’ Awla) fil-11 ta’ Novembru 2015 fil-Kawża T-544/13: Dyson Ltd vs Il-Kummissjoni Ewropea
(Kawża C-44/16 P)
(2016/C 145/23)
Lingwa tal-kawża: l-Ingliż
Partijiet
Appellanti: Dyson Ltd (rappreżentanti: E. Batchelor, M. Healy, solicitors, F. Carlin, barrister, A. Patsa, avukat)
Parti oħra fil-proċedura: Il-Kummissjoni Ewropea
Talbiet
L-appellanti titlob li l-Qorti tal-Ġustizzja jogħġobha:
|
— |
tannulla s-sentenza appellata fl-intier tagħha; |
|
— |
tannulla r-Regolament (1) ikkontestat fl-intier tiegħu; u |
|
— |
tikkundanna lill-Kummissjoni għall-ispejjeż tagħha kif ukoll dawk ta’ Dyson inkonnessjoni ma’ dawn il-proċeduri u dawk quddiem il-Qorti Ġenerali. |
Il-motivi u l-argumenti prinċipali
Dyson isostni illi l-Qorti Ġenerali wettqet żball ta’ liġi:
|
i. |
Fl-ewwel lok, il-Qorti Ġenerali kklassifikat b’mod żbaljat il-motiv imressaq minn Dyson bħala żball manifest minflok nuqqas ta’ kompetenza legali skont l-Artikolu 10 (1) tad-Direttiva 2010/30/EU (2); |
|
ii. |
Fit-tieni lok, il-Qorti Ġenerali interpretat b’mod ħażin il-portata tas-setgħat iddelegati tal-Kummissjoni skont l-Artikolu 10 (1) tad-Direttiva 2010/30/UE; |
|
iii. |
Fit-tielet lok, il-Qorti Ġenerali kisret id-drittijiet ta’ difiża ta’ Dyson fir-rigward ta’ fatti li fuqhom Dyson ma kellhiex l-opportunità tagħti l-perspettiva tagħha. |
|
iv. |
Fir-raba’ lok, il-Qorti Ġenerali għawġet u/jew injorat evidenza rilevanti; |
|
v. |
Fil-ħames lok, il-Qorti Ġenerali kisret l-Artikolu 36 tal-Istatut tal-Qorti tal-Ġustizzja peress illi naqset illi tagħti r-raġunijiet għaliex: (i) ikklassifikat it-test legali applikabbli bħala żball manifest; (ii) ikkonkludiet li d-data ta’ Dyson kienet “estremament spekulattiva”; (iii) straħet fuq parti mhux speċifikata ta’ “studju ta’ impatt” mhux identifikat; u (iv) injorat l-evidenza ta’ riproduċibilita’ ta’ Dyson; u |
|
vi. |
Fis-sitt lok, il-Qorti Ġenerali applikat b’mod ħażin it-test legali ta’ trattament ugwali. |
Dyson titlob bir-rispett li l-Qorti tal-Ġustizzja jogħġobha tannulla s-sentenza appellata u tilqa’ t-talba mressqa quddiem il-Qorti Ġenerali, billi tannulla r-Regolament tal-Kummissjoni (UE) Nru 665/2013 (ir-“Regolament ikkontestat”) peress li għandha biżżejjed informazzjoni quddiemha biex tagħti deċiżjoni fuq il-mertu tal-kwistjonijiet imqajma fl-ewwel istanza.
(1) Regolament ta’ Delega tal-Kummissjoni (UE) Nru 665/2013 tat-3 ta’ Mejju 2013 li jissupplimenta d-Direttiva 2010/30/UE tal-Parlament Ewropew u tal-Kunsill fir-rigward tat-tikkettar enerġetiku tal-vacuum cleaners ĠU L 192, p. 1
(2) Direttiva 2010/30/UE tal-Parlament Ewropew u tal-Kunsill tad-19 ta’ Mejju 2010 dwar l-indikazzjoni permezz ta’ ttikkettar u l-informazzjoni standard tal-prodott dwar il-konsum tal-enerġija u riżorsi oħra minn prodotti marbutin mal-enerġija GU L 153, p. 1