EUR-Lex Access to European Union law
This document is an excerpt from the EUR-Lex website
Document 62012CA0233
Case C-233/12: Judgment of the Court (Fifth Chamber) of 4 July 2013 (request for a preliminary ruling from the Tribunale di La Spezia — Italy) — Simone Gardella v Istituto nazionale della previdenza sociale (INPS) (Transfer of pension rights acquired in a Member State — Articles 45 TFEU and 48 TFEU — National rules not allowing for the right to transfer to an international organisation having its head office in another Member State the capital value representing the retirement contributions paid to a national social security body — Aggregation rule)
Kawża C-233/12: Sentenza tal-Qorti tal-Ġustizzja (Il-Ħames Awla) tal- 4 ta’ Lulju 2013 (talba għal deċiżjoni preliminari tat-Tribunale di La Spezia — l-Italja) — Simone Gardella vs Istituto nazionale della previdenza sociale (INPS) (Trasferiment tad-drittijiet għall-pensjoni miksuba fi Stat Membru — Artikoli 45 TFUE u 48 TFUE — Leġiżlazzjoni nazzjonali li ma tipprovdix id-dritt għat-trasferiment, lil organizzazzjoni internazzjonali li għandha s-sede tagħha fi Stat Membru ieħor, tal-kapital li jirrappreżenta l-kontribuzzjonijiet għall-irtirar imħallsa lil entità tas-sigurtà soċjali nazzjonali — Regola ta’ Aggregazzjoni)
Kawża C-233/12: Sentenza tal-Qorti tal-Ġustizzja (Il-Ħames Awla) tal- 4 ta’ Lulju 2013 (talba għal deċiżjoni preliminari tat-Tribunale di La Spezia — l-Italja) — Simone Gardella vs Istituto nazionale della previdenza sociale (INPS) (Trasferiment tad-drittijiet għall-pensjoni miksuba fi Stat Membru — Artikoli 45 TFUE u 48 TFUE — Leġiżlazzjoni nazzjonali li ma tipprovdix id-dritt għat-trasferiment, lil organizzazzjoni internazzjonali li għandha s-sede tagħha fi Stat Membru ieħor, tal-kapital li jirrappreżenta l-kontribuzzjonijiet għall-irtirar imħallsa lil entità tas-sigurtà soċjali nazzjonali — Regola ta’ Aggregazzjoni)
ĠU C 245, 24.8.2013, p. 4–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
24.8.2013 |
MT |
Il-Ġurnal Uffiċjali tal-Unjoni Ewropea |
C 245/4 |
Sentenza tal-Qorti tal-Ġustizzja (Il-Ħames Awla) tal-4 ta’ Lulju 2013 (talba għal deċiżjoni preliminari tat-Tribunale di La Spezia — l-Italja) — Simone Gardella vs Istituto nazionale della previdenza sociale (INPS)
(Kawża C-233/12) (1)
(Trasferiment tad-drittijiet għall-pensjoni miksuba fi Stat Membru - Artikoli 45 TFUE u 48 TFUE - Leġiżlazzjoni nazzjonali li ma tipprovdix id-dritt għat-trasferiment, lil organizzazzjoni internazzjonali li għandha s-sede tagħha fi Stat Membru ieħor, tal-kapital li jirrappreżenta l-kontribuzzjonijiet għall-irtirar imħallsa lil entità tas-sigurtà soċjali nazzjonali - Regola ta’ Aggregazzjoni)
2013/C 245/06
Lingwa tal-kawża: it-Taljan
Qorti tar-rinviju
Tribunale di La Spezia
Partijiet fil-kawża prinċipali
Rikorrent: Simone Gardella
Konvenut: Istituto nazionale della previdenza sociale (INPS)
Suġġett
Talba għal deċiżjoni preliminari — Tribunale Civile della Spezia — Interpretazzjoni tal-Artikoli 20, 45, 48 u 145 sa 147 TFUE kif ukoll tal-Artikolu 15 tal-Karta tad-Drittijiet Fundamentali tal-Unjoni Ewropea — Trasferiment tad-drittijiet għall-pensjoni miksuba f’diversi Stati Membri — Impjegat ta’ organizzazzjoni internazzjonali li għandha s-sede tagħha fi Stat Membru ieħor — Leġiżlazzjoni nazzjonali li ma tipprevedix id-dritt għat-trasferiment lill-organizzazzjoni internazzjonali kkonċernata tal-kontribuzzjonijiet tal-irtirar imħallsa lil entità tas-sigurtà soċjali nazzjonali — Rifjut tal-entità tas-sigurtà soċjali kkonċernata li tikkonkludi ftehim li jippermetti tali trasferiment
Dispożittiv
L-Artikoli 45 TFUE u 48 TFUE għandhom jiġu interpretati fis-sens li ma jipprekludux leġiżlazzjoni ta’ Stat Membru li ma jippermettix liċ-ċittadini tiegħu, impjegati f’organizzazzjoni internazzjonali, bħalma huwa l-Uffiċċju Ewropew tal-Privattivi, stabbilita fit-territorju ta’ Stat Membru ieħor, jittrasferixxu fl-iskema tas-sigurtà soċjali ta’ din l-organizzazzjoni l-kapital, li jirrappreżenta d-drittijiet għall-pensjoni li huma jkunu kisbu qabel fit-territorju tal-Istat Membru ta’ oriġini tagħhom, fl-assenza ta’ ftehim internazzjonali bejn dan l-Istat Membru u l-imsemmija organizzazzjoni internazzjonali li jipprevedi l-possibbiltà ta’ tali trasferiment.
Fil-każ fejn il-mekkaniżmu ta’ trasferiment tal-kapital, li jirrappreżenta d-drittijiet għall-pensjoni miksuba qabel fi Stat Membru, lejn l-iskema tal-pensjonijiet ta’ persuna li timpjega ġdida fi Stat Membru ieħor ma jkunx jista japplika, l-Artikolu 45 TFUE għandu jiġi interpretat fis-sens li jipprekludi leġiżlazzjoni ta’ Stat Membru li ma tippermettix li jittieħed kont tal-perijodi ta’ impjieg li ċittadin tal-Unjoni Ewropea jkun wettaq ma’ organizzazzjoni internazzjonali, bħall-Uffiċċju Ewropew tal-Privattivi, stabbilita fit-territorju ta’ Stat Membru ieħor sabiex ikun intitolat għad-dritt tal-pensjoni tax-xjuħija.