(a)

jibni bis-sħiħ fuq ix-xogħol imwettaq mill-kumitat speċjali TAXE 1 u jikkompletah, b'mod partikolari jindirizza l-kwistjonijiet mhux riżolti msemmija fir-riżoluzzjoni imsemmija hawn fuq tal-25 ta' Novembru 2015, , jaċċedi għad-dokumenti rilevanti għal ħidmitu, inklużi l-minuti tal-laqgħat tal-Grupp tal-Kodiċi ta' Mġiba, u jagħmel il-kuntatti meħtieġa u jorganizza seduti ta' smigħ ma' istituzzjonijiet u fora internazzjonali, Ewropej u nazzjonali, mal-parlamenti nazzjonali u mal-gvernijiet tal-Istati membri u ta' pajjiżi terzi, kif ukoll ma' rappreżentanti tal-komunità akkademika, tan-negozji u tas-soċjetà ċivili, inkluż l-imsieħba soċjali, f'kooperazzjoni mill-qrib mal-Kumitati permanenti;

(b)

isegwi l-implimentazzjoni mill-Istati Membri u mill-istituzzjonijiet Ewropej kompetenti tar-rakkomandazzjonijiet li jinsabu fir-riżoluzzjoni imsemmija hawn fuq tal-25 ta' Novembru 2015 , u jsegwi x-xogħol li qed jagħmlu l-istituzzjonijiet internazzjonali, inklużi l-Organizzazzjoni għall-Kooperazzjoni Ekonomika u l-Iżvilupp u l-G20, filwaqt li jirrispetta bis-sħiħ il-kompetenzi tal-Kumitat għall-Affarijiet Ekonomiċi u Monetarji rigward kwistjonijiet ta' tassazzjoni;

(a)

li janalizza u jeżamina l-prattika fl-applikazzjoni tal-Artikolu 107(1) tat-Trattat dwar il-Funzjonament tal-Unjoni Ewropea (TFUE) rigward id-deċiżjonijiet fil-qasam tat-taxxa u miżuri oħra ta' natura jew effett simili mogħtija mill-Istati Membri mill-1 ta' Jannar 1991 'il hawn;

(b)

li janalizza u jivvaluta l-prattika tal-Kummissjoni li żżomm taħt rieżami kostanti, skont l-Artikolu 108 tat-TFUE, is-sistemi kollha tal-għajnuna li jeżistu fl-Istati Membri, li tipproponi lill-Istati Membri miżuri xierqa meħtieġa mill-iżvilupp progressiv jew mill-funzjonament tas-suq intern, li tikkontrolla jekk għajnuna mogħtija minn Stat jew permezz tar-riżorsi ta' Stat tkunx kompatibbli mas-suq intern u mhix użata ħażin, li tiddeċiedi li l-Istat ikkonċernat għandu jabolixxi jew jimmodifika tali għajnuna f’terminu ta’ żmien, u li tirreferi l-kwistjoni lill-Qorti tal-Ġustizzja tal-Unjoni Ewropea jekk l-Istat ikkonċernat ma jirrispettax id-deċiżjoni, liema prattika allegatament irriżultat f'għadd kbir ta' deċiżjonijiet fil-qasam tat-taxxa li huma inkompatibbli mar-regoli tal-UE dwar l-għajnuna mill-istat;

(c)

li janalizza u jeżamina r-rispett min-naħa tal-Istati Membri mill-1 ta' Jannar 1991 'il hawn tal-obbligi stipulati fir-Regolament tal-Kunsill (KE) Nru 659/1999 tat-22 ta' Marzu 1999 li jistabbilixxi regoli dettaljati għall-applikazzjoni tal-Artikolu 108 tat-Trattat dwar il-Funjonament tal-Unjoni Ewropea (3), rigward l-obbligu tal-kooperazzjoni u tal-għoti tad-dokumenti kollha meħtieġa;

(d)

li janalizza u jeżamina r-rispett tal-obbligi stipulati fid-Direttiva tal-Kunsill 77/799/KEE tad-19 ta' Diċembru 1977 dwar assistenza reċiproka mill-awtoritajiet kompetenti ta' l-Istati Membri fil-qasam tat-tassazzjoni diretta u t-taxxi fuq premiums ta' l-assigurazzjoni (4) u d-Direttiva tal-Kunsill 2011/16/UE tal-15 ta' Frar 2011 dwar il-kooperazzjoni amministrattiva fil-qasam tat-tassazzjoni u li tħassar id-Direttiva 77/799/KEE (5) , rigward il-komunikazzjoni min-naħa tal-Istati Membri, lil Stati Membri oħra mill-1 ta' Jannar 1991 'il hawn, permezz ta' skambju spontanju, ta' informazzjoni dwar id-deċiżjonijiet fil-qasam tat-taxxa;

(e)

li janalizza u jivvaluta l-prattika tal-Kummissjoni fir-rigward tal-applikazzjoni xierqa tad-Direttivi 77/799/KEE u 2011/16/UE rigward il-komunikazzjoni, min-naħa tal-Istati Membri lil Stati Membri oħra permezz ta' skambju spontanju, ta' informazzjoni dwar id-deċiżjonijiet fil-qasam tat-taxxa;

(f)

li janalizza u jivvaluta r-rispett min-naħa tal-Istati Membri tal-prinċipji tal-kooperazzjoni leali stabbiliti fl-Artikolu 4(3) tat-Trattat dwar l-Unjoni Ewropea, bħalma huma t-twettiq tal-obbligi li jiffaċilitaw it-twettiq tal-kompiti tal-Unjoni u li joqogħdu lura minn kwalunkwe miżura li tista' tqiegħed f' periklu l-kisba tal-objettivi tal-Unjoni, minħabba l-allegata skala kbira ta' ppjanar aggressiv tat-taxxa ffaċilitat mill-Istati Membri, u l-konsegwenzi sinifikanti li dan x'aktarx kellu fuq il-finanzi pubbliċi tal-UE u fi ħdanha;

(g)

li janalizza u jivvaluta l-ippjanar aggressiv tat-taxxa mwettaq minn kumpaniji stabbiliti jew inkorporati fl-Istati membri, ukoll rigward id-dimensjoni ta' pajjiżi terzi, inkluż l-iskambju tal-informazzjoni ma' pajjiżi terzi f'dan ir-rigward;

(h)

li jagħmel kwalunkwe rakkomandazzjoni li tidhirlu meħtieġa f'din il-kwistjoni;