12.8.2011   

MT

Il-Ġurnal Uffiċjali tal-Unjoni Ewropea

CE 236/142

A.

billi Floribert Chebeya Bahizire, id-direttur eżekuttiv tal-organizzazzjoni tad-drittijiet tal-bniedem La Voix des Sans Voix (VSV), instab maqtul fil-karozza tiegħu f’Kinshasa nhar l-Erbgħa, 2 ta’ Ġunju 2010 wara li kienu sejħu għalih il-pulizija,

B.

billi, skont ir-rapporti tal-midja, fil-wara nofsinhar tat-Tlieta, l-1 ta’ Ġunju 2010, Floribert Chebeya Bahizire rċieva telefonata mill-kwartier ċentrali tal-pulizija li fiha ntalab jattendi laqgħa mal-kap tal-pulizija tar-RDK, l-Ispettur Ġenerali John Numbi Banza Tambo; billi, mal-wasla tiegħu fil-kwartier tal-pulizija, Floribert Chebeya Bahizire ma setgħax jikkuntattja lill-ispettur Ġenerali u għarraf lill-familja tiegħu, b'sms, li hu kien se jerġa’ lura fil-belt,

C.

billi l-ħidma ta’ Floribert Chebeya Bahizire għad-difiża tad-demokrazija u tad-drittijiet tal-bniedem fir-RDK mis-snin disgħin – dwar kwistjonijiet li jinkludu korruzzjoni fil-forzi militari, rabtiet bejn il-milizji u forzi politiċi barranin, is-sostenn tal-kostituzzjoni, arresti illegali, detenzjoni arbitrarja u t-titjib tal-kundizzjonijiet fil-ħabsijiet – rebħitu r-rispett u l-ammirazzjoni tal-kompatrijotti tiegħu u tal-komunità internazzjonali,

D.

Billi Fidèle Bazana Edadi, ix-xufier ta’ Floribert Chebeya Bahizire, għadu nieqes sal-lum,

E.

billi l-familja ta’ Floribert Chebeya Bahizire ma ngħatawx aċċess sħiħ għall-kadavru tiegħu u hemm dikjarazzjonijiet kontradittorji dwar il-kundizzjoni tal-ġisem meta nstab,

F.

billi r-Rapporteur Speċjali tan-NU dwar l-eżekuzzjonijiet extraġudizzjarji, sommarji u arbitrarji, Philip Alston, qal li ċ-ċirkustanzi tal-qtil “jagħtu x’wieħed jifhem li hemm responsabilità uffiċjali qawwija”,

G.

billi l-Ispettur Ġenerali Numbi Banza Tambo ġie sospiż sal-ħruġ ta’ avviż ieħor u tliet uffiċjali tal-pulizija oħra ġew ukoll arrestati b’konnessjoni mal-qtil; billi, skont kif irrappurtat, id-deputat kap tal-pulizija, il-Kurunell Daniel Mukalayi ammetta li qatel lil Floribert Chebeya Bahizire fuq ordni tas-superjur tiegħu, il-Ġeneral Numbi Banza Tambo,

H.

billi Floribert Chebeya Bahizire f’diversi drabi kien qal lill-Amnesty International li kien qed iħossu segwit u li kien qed jiġi sorveljat mis-servizzi tas-sigurtà,

I.

billi l-Viċi-President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà Catherine Ashton, is-Segretarju Ġenerali tan-NU Ban Ki Moon, il-Kummissarju Għoli tan-NU għad-Drittijiet tal-Bniedem Navi Pillay, ir-Rapporteur Speċjali tan-NU dwar l-eżekuzzjonijiet extraġudizzjarji, sommarji u arbitrarji Philip Alston, u Alan Dos, Kap tal-Forzi taż-Żamma tal-Paċi fir-RDK, kollha ħarġu stqarrijiet li fihom ikkundannaw il-qtil ta’ Floribert Chebeya Bahizire u talbu li ssir investigazzjoni indipendenti,

J.

billi l-qtil huwa parti minn tendenza li qed tikber ta’ intimidazzjoni u kedd tad-difensuri tad-drittijiet tal-bniedem, ġurnalisti, esponenti, avversarji politiċi, vittmi u xiehda fir-RDK; billi għadd ta’ġurnalisti u attivisti tad-drittijiet tal-bniedem inqatlu f’ċirkustanzi suspettużi fir-RDK f’dawn l-aħħar ħames snin,

K.

billi ħafna NGOs osservaw żieda fl-oppressjoni tad-difensuri tad-drittijiet tal-bniedem fir-RDK fl-aħħar sena, inklużi arresti illegali, prosekuzzjonijiet, theddid bit-telefon u konvokazzjonijiet ripetuti fl-uffiċċji tas-servizzi sigrieti,

L.

Billi l-inkjesti dwar il-qtil tad-difensur tad-drittijiet tal-bniedem Pascal Kabungulu Kibembi fl-2005 u ta’ ġurnalisti, inklużi dawk ta’ Franck Ngycke Kangundu u ta’ martu, Hélène Mpaka, f’Novembru 2005, ta’ Serge Maheshe f’Ġunju 2007, u ta’ Didace Namujimbo f’Novembru 2008, twettqu mill-awtoritajiet militari Kolgoliżi u kienu kkaratterizzati minn irregolaritajiet serji,

M.

billi, fir-rigward tal-mandat ta’ arrest kontra Bosco Ntaganda, maħruġ f’April 2008 mill-Qorti Kriminali Internazzjonali (ICC) għal reati tal-gwerra, inkluż ir-reklutaġġ ta’ suldati tfal, ir-RDK, bħala firmatarja tal-Istatut ta’ Ruma, tinsab bi ksur tal-obbligazzjonijiet legali tagħha li tikkoopera mal-ICC, fost l-oħrajn billi tarresta persuna li dwarhom hemm mandat ta’ arrest; billi, minflok, ir-RDK tat promozzjoni lil Bosco Ntaganda għal kariga ewlenija fl-armata Kongoliża, u b’hekk żiedet l-impressjoni li teżisti impunità għall-ksur tad-drittijiet tal-bniedem u b’hekk ikkontribwixxiet biex dawn ir-reati qegħdin jiżdiedu,

N.

billi l-istat ta’ gwerra ċivili li ilu jirrenja f’ċerti partijiet tar-RDK wassal għal massakri, stupru tal-massa u r-reklutaġġ fuq skala kbira ta’ tfal bħala suldati,

O.

billi l-massakri, l-aktar dawk imwettqa mil-Lord’s Resistance Army (LRA), grupp paramilitari li oriġina fl-Uganda, bħalissa qed jaffettwaw lill-pajjiżi kollha li għandhom fruntiera mar-RDK,

P.

billi l-istaff tal-NGOs huma wkoll milquta minn dawn il-forom ta’ persekuzzjoni tal-popolazzjonijiet ċivili u dan wassal għal tnaqqis fl-għajnuna umanitarja fir-RDK,

Q.

billi l-50 anniversarju tal-indipendenza tar-RDK għandu jiġi ċelebrat dalwaqt u billi d-drittijiet tal-bniedem u d-demokrazija huma kruċjali għall-iżvilupp tal-pajjiż,

1.

Jikkundanna bil-qawwa l-qtil ta’ Floribert Chebeya Bahizire u l-fatt li Fidèle Bazana Edadi, ix-xufier tiegħu, jinsab nieqes; jesprimi l-appoġġ sħiħ tiegħu lill-familji tagħhom;

2.

Jappella biex titwaqqaf kummissjoni ta’ inkjesta indipendenti, kredibbli u trasparenti biex tinvestiga l-mewt ta’ Floribert Chebeya Bahizire u dwar l-għijbien ta’ Fidèle Bazana Edadi, u biex jittieħdu passi sabiex il-familji taż-żewġ vittmi jkunu protetti;

3.

Jitlob li jiġu identifikati dawk responsabbli, jittellgħu l-qorti u jiġu kkastigati skont il-liġi Kongoliża u d-dispożizzjonijiet internazzjonali għall-ħarsien tad-drittijiet tal-bniedem;

4.

Jilqa’ l-fatt li l-awtoritajiet irrispondew għal talba mill-familja ta’ Floribert Chebeya Bahizire biex issir awtopsja indipendenti billi jiġi invitat tim ta’ esperti forensiċi Olandiżi mmexxija minn Dott. Franklin Van de Groot, biex tiġi ddeterminata l-kawża tal-mewt;

5.

Expresses its deep concern regarding the general degradation of the situation of human rights defenders in the DRC; calls on the DRC authorities to comply fully with the Declaration on Human Rights Defenders adopted by the UN General Assembly in 1998 and to implement the UN’s 2009 Universal Periodic Review recommendations as measures to protect the rights of human rights defenders; stresses that punishing those responsible for the assassinations of human rights defenders and journalists in recent years is an essential element in the democratisation of the country;

6.

Condemns the ongoing oppression of human rights activists, journalists, political opponents, victims and witnesses in the DRC; calls on the Member States to ensure that they are protected and to provide logistical and technical support to that end in accordance with the guidelines for the protection of human rights defenders;

7.

Jikkundanna l-atroċitajiet imwettqa mil-LRA u gruppi armati oħra fir-RDK;

8.

Jisħaq dwar in-neċessità li tkun ikkumbattuta l-korruzzjoni u jittieħdu quddiem il-ġustizzja dawk li huma ħatja ta’ abbużi tad-drittijiet tal-bniedem fi ħdan il-membri tal-forzi armati u tal-pulizija Kongoliżi, u jisħaq fuq ir-rwol kruċjali li l-MONUC għandha f’dan permezz tal-ippjanar u t-twettiq konġunt tal-operazzjonijiet kif ukoll permezz ta’ mekkaniżmi adegwati ta’ responsabilità għall-abbużi; b'mod partikolari, iħeġġeġ lill-RDK biex twettaq l-obbligi legali internazzjonali tagħha u tarresta lil Bosco Ntaganda u tittrasferih lill-ICC;

9.

Calls on all parties to step up the fight against impunity and to uphold the rule of law; calls on the Government of the DRC to ensure that those responsible for breaching human rights and international humanitarian law are held to account and that it cooperates fully with the ICC;

10.

Underlines the fact that the EU and the DRC are signatories to the Cotonou Agreement, which includes explicit reference to the responsibilities of all the parties with regard to human rights, democracy and the rule of law; calls for particular attention to be paid to these matters in the context of evaluation of the Agreement;

11.

Jistieden lill-Gvern tar-RDK biex, fl-okkażjoni tal-50 anniversarju tal-indipendenza tal-pajjiż, jimpenja ruħu b’determinazzjoni biex jippromwovi prattika politika li tirrispetta d-drittijiet tal-bniedem u ssaħħaħ l-istat tad-dritt;

12.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Viċi-President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta’ Sigurtà, lill-gvernijiet u l-parlamenti tal-Istati Membri, lill-istituzzjonijiet tal-Unjoni Afrikana, lis-Segretarju Ġenerali tan-Nazzjonijiet Uniti, lill-Kunsill tas-Sigurtà tan-Nazzjonijiet Uniti, lill-Kunsill għad-Drittijiet tal-Bniedem tan-Nazzjonijiet Uniti u lill-gvernijiet u l-parlamenti tar-reġjun tal-Għadajjar il-Kbar.