22.12.2007   

MT

Il-Ġurnal Uffiċjali ta’ l-Unjoni Ewropea

C 314/24

(1)

it-talba tal-Kunsill (1) biex jiġi evalwat fl-2009 l-qafas ġenerali għall-kooperazzjoni Ewropea fil-qasam taż-żgħażagħ li ġie maqbul fl-2002;

(2)

l-ewwel skambju ta' fehmiet dwar il-perspettivi futuri għall-politika Ewropea dwar iż-żgħażagħ, li nżamm fil-Kunsill Edukazzjoni, Żgħażagħ u Kultura li ltaqa' fis-16 ta' Frar 2007 abbażi ta' dokument ta' diskussjoni konġunt mill-Presidenzi tal-Ġermanja, il-Portugall u s-Slovenja u bil-ħsieb ta' l-evalwazzjoni tal-qafas ta' kooperazzjoni;

(3)

il-ħidma ta' l-Uffiċċju tal-Kummissjoni Ewropea ta' Konsulenti dwar il-Politika Ewropea (2) li tenfasizza l-importanza ta' investimenti fil-benesseri taż-żgħażagħ, is-saħħa, l-edukazzjoni, l-integrazzjoni tas-suq tax-xogħol u ċ-ċittadinanza attiva;

(4)

ir-rapport interim tal-Kummissjoni Ewropea għall-Kunsill Ewropew tar-Rebbiegħa ta' l-2007 intitolat Inventarju tar-Realtà Soċjali  (3), li jisħaq dwar il-kwistjoni ta' ekwità interġenerazzjonali kontra l-isfond ta' globalizzazzjoni u bidla demografika u jħejji t-triq għal dibattitu miftuħ dwar kwistjonijiet soċjali u sfidi li ser jaffettwaw ukoll fundamentalment is-sitwazzjoni soċjali taż-żgħażagħ fl-Ewropa;

(5)

it-talba tal-Kunsill (4) biex jiġi promoss djalogu strutturat ma' żgħażagħ bil-ħsieb li jiżdied l-involviment, fil-livelli kollha, ta' żgħażagħ u l-organizzazzjonijiet tagħhom fl-iffurmar u l-implimentazzjoni tal-linji politiċi li jaffettwawhom u b'hekk tiġi promossa ċ-ċittadinanza attiva tagħhom.

(6)

il-Patt Ewropew għaż-Żgħażagħ approvat mill-Kunsill Ewropew tar-Rebbiegħa ta' l-2005, li identifika oqsma ta' prijorità għal azzjoni li fihom kien meħtieġ involviment akbar taż-żgħażagħ u ta' l-atturi rilevanti kollha fil-politika dwar iż-żgħażagħ,

1.

JIĠBDU L-ATTENTENZJONI GĦALL-FATT li, skond il-Patt Ewropew għaż-Żgħażagħ, tfassil ta' politika dwar iż-żgħażagħ effettiva u sostenibbli jeħtieġ approċċ verament trans-settorjali fl-oqsma ta' politika rilevanti, li l-Kunsill għandu l-ħsieb jagħmel kontribut prinċipali fl-iffurmar u l-implimentazzjoni tagħhom;

2.

JIĠBDU L-ATTENZJONI WKOLL GĦALL-FATT li, bil-ħsieb ta' bidliet demografiċi osservabbli fl-Istati Membri kollha, bin-numru ta' żgħażagħ bħala proporzjoni tal-popolazzjoni totali li għandu jonqos aktar fid-deċenni li ġejjin, qed tenħtieġ aktar strateġija trans-settorjali sabiex jiġu żviluppati linji politiċi sostenibbili u ekwi b'mod interġenerazzjonali li jaqsmu l-opportunitajiet u l-piżijiet meħtieġa b'mod uniformi fil-gruppi ta' età kollha u li jippermettu ż-żgħażagħ jiksbu livell ta' awtonomija li jixraq aktar għall-età u l-ħtiġijiet tagħhom;

3.

JINNOTAW li l-metodu miftuħ ta' koordinazzjoni u l-Patt Ewropew għaż-Żgħażagħ huma l-għodod prinċipali għall-iżvilupp ta' politika dwar iż-żgħażagħ fl-Ewropa. Fl-interessi ta' l-effiċjenza, il-koerenza u l-viżibbiltà, għandhom jiġu żviluppati inizjattivi mmirati biex jiżguraw li dawn l-għodod jistgħu fil-futur jinteraġġixxu aħjar u b'hekk ikunu rinfurzabbli b'mod reċiproku. Kwalunkwe żieda fl-ammont ta' rapportar meħtieġ attwalment mill-Istati Membri għandu jiġi evitat;

4.

JISSOTTOLINJAW l-importanza tal-programm Żgħażagħ f'Azzjoni  (5) fiż-żieda ta' kooperazzjoni Ewropea fil-qasam tal-politika dwar iż-żgħażagħ, u tal-Fondi Strutturali Ewropej fil-kontribut lejn l-implimentazzjoni tal-Patt Ewropew għaż-Żgħażagħ fil-livell nazzjonali, reġjonali u lokali u tal-metodu miftuħ ta' koordinazzjoni;

5.

JILQGĦU inizjattivi mill-Kummissjoni li jenfasizzaw ir-rwol ta' żgħażagħ irġiel u nisa bħala riżors fundamentali għall-organizzazzjoni futura tas-soċjetà fl-Unjoni Ewropea u l-Istati Membri tagħha, billi jinkoraġġixxu approċċ verament trans-settorjali lejn it-tfassil ta' politika dwar iż-żgħażagħ, jirrinforzaw id-djalogu strutturat maż-żgħażagħ u jippromwovu l-awtonomija u ċ-ċittadinanza attiva taż-żgħażagħ;

6.

JESPRIMU r-rieda tagħhom biex jgħinu fl-iżvilupp, it-tmexxija 'l quddiem u s-segwitu ta' tali inizjattivi, waqt li jfittxu l-appoġġ mill-Parlament Ewropew, il-Kumitat Ekonomiku u Soċjali u l-Kumitat tar-Reġjuni, u jieħdu kont tar-rwol ta' l-atturi reġjonali u lokali rilevanti;

6a)

BI ĦSIEBHOM, li bl-adozzjoni ta' dawn il-konklużjonijiet, jikkontribwixxu b'sett ta' proposti rilevanti dwar perspettivi tematiċi u strutturali futuri għal diskussjoni sħiħa dwar perspettivi futuri għall-kooperazzjoni Ewropea fil-qasam tal-politika dwar iż-żgħażagħ u għall-evalwazzjoni tal-qafas ta' kooperazzjoni fl-2009;

7.

JIKKUNSIDRAW li, f'dan l-isfond, il-kwistjonijiet li ġejjin huma partikolarment rilevanti: