(1)

Meta jfasslu l-pjanijiet ta’ riżoluzzjoni, l-awtoritajiet ta’ riżoluzzjoni jenħtieġ li jiżguraw li jikkunsidraw l-elementi kollha msemmija fl-Artikolu 12(7), il-punti (a) sa (s) tar-Regolament (UE) 2021/23. L-istandards għall-kontenut tal-pjanijiet ta’ riżoluzzjoni jenħtieġ li jkunu dettaljati biżżejjed sabiex jiżguraw li l-pjanijiet ta’ riżoluzzjoni jkunu mmirati u utli għall-implimentazzjoni tal-istrateġiji ta’ riżoluzzjoni, filwaqt li jippermettu wkoll flessibbiltà suffiċjenti sabiex jitqiesu l-qafas legali nazzjonali fil-qasam tad-dritt tal-insolvenza, kif ukoll in-natura u l-kumplessità tan-negozju tal-ikklerjar tas-CCP.

(2)

Filwaqt li l-elementi kollha li jispeċifikaw il-kontenut tal-pjanijiet ta’ riżoluzzjoni, li huma regolati fl-Artikolu 12 tar-Regolament (UE) 2021/23, jenħtieġ li jiġu inklużi fil-pjan ta’ riżoluzzjoni, l-awtorità ta’ riżoluzzjoni jenħtieġ li tiżgura li dawn l-elementi jkunu riflessi fil-pjan ta’ riżoluzzjoni b’mod xieraq filwaqt li tqis il-karatteristiċi speċifiċi tal-kontroparti ċentrali (CCP), bħan-natura u l-kumplessità tan-negozju tal-ikklerjar li din twettaq.

(3)

Is-sommarju tal-elementi ewlenin tal-pjan ta’ riżoluzzjoni msemmi fl-Artikolu 12(7), il-punt (a), tar-Regolament (UE) 2021/23 jenħtieġ li jkun konċiż u ffokat iżda fl-istess ħin ikun fih biżżejjed spjegazzjonijiet sabiex ikopri l-elementi ewlenin tal-pjan li għandhom jiġu ddivulgati lis-CCP. Is-sommarju jenħtieġ li jagħmel lis-CCPs konxji tal-azzjonijiet ewlenin li jenħtieġ li jkunu jistgħu jwettqu u tad-data li jenħtieġ li jkunu jistgħu jissottomettu. Is-sommarju jenħtieġ li jiffoka fuq fejn dak il-pjan jista’ jkollu impatt materjali fuq l-ippjanar tal-irkupru u tal-ġestjoni tal-kriżijiet tas-CCP, u jiċċara kwalunkwe aspettattiva mis-CCP fir-rigward tal-kooperazzjoni fil-fażi ta’ riżoluzzjoni u l-miżuri li jistgħu jaffettwaw il-funzjonijiet tas-CCP.

(4)

Sabiex jiġu żgurati l-adegwatezza u l-proporzjonalità ġenerali tal-pjan ta’ riżoluzzjoni, jenħtieġ li dan ikun fih xenarji ta’ riżoluzzjoni u strateġiji ta’ riżoluzzjoni. L-awtorità ta’ riżoluzzjoni jenħtieġ li jkollha l-għodod, fil-forma ta’ tipi differenti ta’ xenarji possibbli, inklużi l-kombinazzjonijiet tagħhom, sabiex toħloq xenarji rilevanti u xierqa għas-CCP, u lista ta’ aspetti ewlenin li għandhom jiġu kkunsidrati meta jiġu stabbiliti strateġiji ta’ riżoluzzjoni għax-xenarji ta’ riżoluzzjoni.

(5)

Sabiex iqisu l-karatteristiċi speċifiċi tal-qafas legali nazzjonali applikabbli fil-qasam tad-dritt tal-insolvenza, l-awtoritajiet ta’ riżoluzzjoni jenħtieġ li jkollhom il-flessibbiltà li jikkunsidraw xi aspetti tal-ippjanar tar-riżoluzzjoni bir-reqqa, bħall-mekkaniżmu skont l-Artikolu 60 tar-Regolament (UE) 2021/23, u kwalunkwe differenza bejn il-klassifikazzjoni tal-kredituri skont il-proċeduri nazzjonali ta’ insolvenza u l-ordni ta’ assorbiment tat-telf stabbilita skont dak ir-Regolament. Din il-flessibbiltà ġenerali hija evidenzjata minn dan ir-Regolament, li jipprovdi l-elementi li għandhom jiġu riflessi fil-pjan ta’ riżoluzzjoni, mingħajr preġudizzju għall-flessibbiltà meħtieġa skont ir-Regolament (UE) 2021/23. L-elementi speċifikati f’dan ir-Regolament lanqas ma jipprekludu lill-awtorità ta’ riżoluzzjoni milli tiddetermina aspetti oħrajn li għandhom jiġu riflessi fil-pjan ta’ riżoluzzjoni.

(6)

Sabiex tiġi ffaċilitata u żgurata l-implimentazzjoni effettiva tal-pjan ta’ riżoluzzjoni, huwa essenzjali li, meta l-awtorità ta’ riżoluzzjoni tkun ivvalutat ċerti aspetti tas-CCP b’mod differenti mill-valutazzjoni proprja tas-CCP skont il-pjan ta’ rkupru, dawn id-differenzi jitqiesu fid-dawl ta’ impatt possibbli fuq l-implimentazzjoni rapida tal-pjan ta’ riżoluzzjoni. Għalhekk, fejn jiġu identifikati xi differenzi, l-awtorità ta’ riżoluzzjoni jenħtieġ li tikkunsidrahom fil-pjan ta’ riżoluzzjoni u tevalwahom sabiex tifhem l-effett tagħhom, jekk ikun hemm, fuq l-implimentazzjoni tal-pjan ta’ riżoluzzjoni.

(7)

Sabiex jiġi żgurat li l-pjanijiet ta’ riżoluzzjoni, fejn meħtieġ, ikunu jistgħu jiġu implimentati b’mod effettiv fi żmien xieraq, huwa essenzjali li l-awtoritajiet ta’ riżoluzzjoni jkunu “ittestjaw bl-evidenza” l-applikazzjoni tal-pjan ta’ riżoluzzjoni maħsub, sa fejn ikun possibbli, billi jittestjaw il-proċessi u l-proċeduri fid-dettall. Tali ttestjar jenħtieġ li jinkludi l-bgħit ta’ posta elettronika u informazzjoni sabiex jiġi żgurat li kwalunkwe azzjoni ppjanata minn qabel, relatata ma’ kif u meta għandhom jittieħdu ċerti passi u kif u meta tinġabar ċerta informazzjoni, tkun fattibbli f’kundizzjonijiet ta’ stress u li kwalunkwe impediment li jinstab jiġi kkoreġut sabiex jiġi żgurat, sa fejn ikun possibbli, li l-perjodi ta’ żmien stmati x’aktarx jiġu rrispettati.

(8)

Sabiex jiġi żgurat li l-impjegati ewlenin jibqgħu fis-CCP matul il-fażi ta’ riżoluzzjoni, l-awtorità ta’ riżoluzzjoni jenħtieġ li tipprova tivvaluta u tantiċipa strutturi ta’ inċentivi li għandhom jintużaw, possibbilment mhux biss marbuta mal-qligħ futur tas-CCPs, iżda wkoll rimunerazzjoni diretta u jenħtieġ li jikkunsidraw kif jiżguraw biżżejjed persunal billi jikkunsidraw l-ingaġġi għal żmien qasir, l-iskambji, l-allokazzjonijiet temporanji jew l-arranġamenti ta’ konsulenza tal-impjegati, fejn rilevanti, sabiex is-CCPs ikollhom il-kompetenza li jeħtieġu.

(9)

Sabiex tiżgura kooperazzjoni rapida u effiċjenti mal-awtoritajiet li l-oqsma ta’ kompetenza tagħhom ikunu affettwati mill-falliment ta’ CCP, u li huma rrappreżentati fil-kulleġġ ta’ riżoluzzjoni kif definit skont l-Artikolu 4 tar-Regolament (UE) 2021/23, l-awtorità ta’ riżoluzzjoni jenħtieġ li tħejji u tittestja regolarment l-arranġamenti għan-notifika tal-kulleġġ ta’ riżoluzzjoni u għall-komunikazzjoni ta’ kwalunkwe informazzjoni rilevanti.

(10)

Dan ir-Regolament huwa bbażat fuq l-abbozz tal-istandards tekniċi regolatorji sottomessi lill-Kummissjoni mill-Awtorità Ewropea tat-Titoli u s-Swieq (ESMA) wara li kkonsultat lill-Bord Ewropew dwar ir-Riskju Sistemiku.

(11)

L-ESMA wettqet konsultazzjonijiet pubbliċi miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Interessati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2),

(a)

l-elementi ewlenin tal-istrateġiji ta’ riżoluzzjoni stabbiliti u x-xenarji ewlenin sottostanti skont il-pjan ta’ riżoluzzjoni, b’distinzjoni bejn l-avvenimenti ta’ inadempjenza, l-avvenimenti mhux ta’ inadempjenza u kombinazzjoni tat-tnejn;

(b)

sommarju qasir tal-elementi ewlenin tal-pjan ta’ riżoluzzjoni fir-rigward ta’ kull wieħed mill-punti skont l-Artikolu 12(7), il-punti (b) sa (s), tar-Regolament (UE) 2021/23 li jiffoka fuq l-aspetti rilevanti għas-CCP:

(a)

is-swieq fejn topera s-CCP, il-linji tan-negozju meqjusa bħala ewlenin għas-CCP, u s-servizzi tal-ikklerjar offruti mis-CCP;

(b)

l-arranġamenti tal-interoperabbiltà tas-CCP jew l-interdipendenzi tas-CCP, inklużi l-fornituri ta’ servizzi tas-CCP;

(c)

il-kapital u l-istruttura kapitali tas-CCP, inklużi l-ammonti ta’ riżorsi proprji ddedikati ffinanzjati minn qabel;

(d)

ir-rekwiżiti prudenzjali tas-CCP, inklużi bidliet fil-metodoloġiji tal-fond tal-inadempjenza, fl-oqfsa tal-immaniġġjar tar-riskju tal-marġni u tal-likwidità, fil-politiki ta’ investiment, fil-politiki tal-kollateral u fis-saldu;

(e)

ir-rekwiżiti mhux prudenzjali tas-CCP, inklużi l-aspetti organizzattivi bħall-istruttura organizzazzjonali, il-kontinwità tan-negozju u l-esternalizzazzjoni, u bidliet materjali fir-regoli tat-twettiq tan-negozju tas-CCP, inkluża l-kompożizzjoni tas-sħubija tas-CCP u bidliet rigward is-segregazzjoni u l-portabbiltà;

(f)

l-istruttura tal-istrutturi ta’ inċentivi tas-sjieda u tal-maniġers tas-CCP;

(g)

ix-xenarji ta’ riżoluzzjoni u l-istrateġiji ta’ riżoluzzjoni.

(a)

deskrizzjoni tal-funzjonijiet meqjusa bħala kritiċi mill-awtorità ta’ riżoluzzjoni;

(b)

fejn jeżistu differenzi materjali meta mqabbla mal-lista ta’ funzjonijiet kritiċi tal-pjan ta’ rkupru, deskrizzjoni dettaljata tar-raġunijiet ewlenin għaliex l-awtorità ta’ riżoluzzjoni vvalutat il-funzjonijiet kritiċi b’mod differenti, l-effetti materjali ta’ tali valutazzjoni differenti u kif dan jista’ jaffettwa r-riżolvibbiltà tas-CCP;

(c)

deskrizzjoni tad-dipendenzi ewlenin bejn il-funzjonijiet kritiċi u l-interdipendenzi kritiċi u tal-arranġamenti u l-proċessi interni u esterni ewlenin, inklużi l-operazzjonijiet, il-proċeduri tal-IT, lista ta’ persunal ewlieni u fornituri ta’ servizzi ewlenin li huma meħtieġa sabiex is-CCP tkompli tipprovdi l-funzjonijiet kritiċi tagħha, jew kwalunkwe aspett ieħor li jista’ jkun meħtieġ li jitqies fid-dawl ta’ trasferiment possibbli ta’ xi wħud mill-operazzjonijiet tas-CCP jew tal-operazzjonijiet kollha tagħha lil infrastruttura oħra tas-suq finanzjarju jew lil CCP tranżitorja, meta dan ikun parti mill-istrateġija ta’ riżoluzzjoni proposta;

(d)

deskrizzjoni ta’ kif il-funzjonijiet kritiċi jistgħu jiġu sseparati minn funzjonijiet mhux kritiċi f’termini ekonomiċi, operazzjonali u legali u li tinkludi dettalji dwar kif l-awtorità ta’ riżoluzzjoni vvalutat l-effetti materjali ta’ tali separazzjoni fuq il-partijiet ikkonċernati, inklużi:

(e)

sommarju ta’ kif l-approċċ propost tas-CCP għas-separazzjoni, jew le, tal-funzjonijiet kritiċi tas-CCP mill-funzjonijiet l-oħrajn tagħha jista’ jaffettwa l-valutazzjoni tar-riżolvibbiltà għas-CCP;

(f)

immappjar tal-funzjonijiet kritiċi għall-entitajiet ġuridiċi identifikati u għal-linji operatorji ewlenin tas-CCP.

(a)

il-konklużjonijiet tal-valutazzjoni tar-riżolvibbiltà, inkluż mill-anqas jekk is-CCP titqiesx riżolvibbli jew le abbażi tal-kunsiderazzjonijiet tal-awtorità ta’ riżoluzzjoni skont l-Artikolu 15(2) tar-Regolament (UE) 2021/23;

(b)

deskrizzjoni ta’ kif l-awtorità ta’ riżoluzzjoni vvalutat sa liema punt is-CCP hija riżolvibbli mingħajr ma tassumi xi wieħed mill-arranġamenti ta’ finanzjament kif stabbilit fl-Artikolu 15(1), il-punti (a), (b) u (c), tar-Regolament (UE) 2021/23;

(c)

deskrizzjoni tal-loġika tal-awtorità ta’ riżoluzzjoni sabiex tqis il-fattibbiltà tal-applikazzjoni tal-għodod ta’ riżoluzzjoni b’tali mod li jintlaħqu l-objettivi ta’ riżoluzzjoni;

(d)

deskrizzjoni tal-valutazzjonijiet tal-awtorità ta’ riżoluzzjoni tal-informazzjoni riċevuta mis-CCP skont l-Artikolu 15(3) tar-Regolament (UE) 2021/23, fejn tagħti dettalji dwar jekk l-awtorità ta’ riżoluzzjoni taqbilx mal-valutazzjoni tas-CCP fir-rigward tan-nuqqas ta’ impedimenti;

(e)

deskrizzjoni li tipprovdi d-dettalji ta’ meta u kif ir-riżolvibbiltà ġiet ivvalutata l-aħħar mill-awtorità ta’ riżoluzzjoni;

(f)

deskrizzjoni tad-disponibbiltà, tal-assi u d-drittijiet previsti għas-CCP u jekk tali assi jkunux disponibbli għall-użu f’riżoluzzjoni jew jekk tali użu jew trasferiment ta’ tali assi jistax jiġi mfixkel jew impedit minn interessi residwi ta’ parteċipanti diretti u indiretti f’dawk l-assi jew minn restrizzjonijiet legali, bħall-mekkaniżmu legali li bih jiġi pprovdut il-kollateral, inkluż jekk il-kollateral huwiex ipprovdut bħala interess ta’ garanzija, rahan jew permezz ta’ trasferiment ta’ titolu;

(g)

deskrizzjoni ta’ kull kwistjoni li l-awtorità ta’ riżoluzzjoni għandha tikkunsidra meta tivvaluta r-riżolvibbiltà ta’ CCP, kif stabbilit fit-Taqsima C tal-Anness tar-Regolament (UE) 2021/23.

(a)

meta jkun ġie identifikat impediment materjali, sommarju deskrittiv tal-miżuri meħtieġa skont l-Artikolu 16 tar-Regolament (UE) 2021/23, sabiex tiġi identifikata kwalunkwe bidla meħtieġa fl-istruttura, fl-operazzjonijiet jew fl-oqfsa tal-ġestjoni tar-riskju u fir-riżorsi finanzjarji tas-CCP, jew kwalunkwe miżura sabiex tittejjeb ir-riżolvibbiltà tas-CCP, u l-iskeda ta’ żmien għat-tlestija tal-bidliet mitluba;

(b)

deskrizzjoni ta’ kwalunkwe impediment indirizzat jew imneħħi f’konformità mal-Artikolu 16 tar-Regolament (UE) 2021/23 fuq perjodu ta’ sentejn (2) qabel ir-rieżami attwali tal-impedimenti skont l-Artikolu 15 ta’ dak ir-Regolament.

(a)

deskrizzjoni tal-metodu għad-determinazzjoni tal-valur u tal-kummerċjabbiltà tal-funzjonijiet u tal-assi kritiċi bħal-linji tan-negozju ewlenin, l-operazzjonijiet u l-assi tas-CCP u li tiffoka l-aktar fuq aspetti li jista’ jkollhom impatt fuq il-valwazzjoni bħall-volatilità fis-suq, in-nuqqas ta’ aċċessibbiltà u/jew l-inċertezza tal-prezzijiet tas-suq, ir-restrizzjonijiet ta’ żmien u l-kwistjonijiet legali;

(b)

jekk il-metodu deskritt fil-punt (a) jiddevja materjalment mill-metodoloġija ta’ valwazzjoni applikata skont il-pjan ta’ rkupru, deskrizzjoni tar-raġunijiet ewlenin li għalihom l-awtorità ta’ riżoluzzjoni tkun ivvalutat il-metodoloġija ta’ valwazzjoni b’mod differenti u l-effetti materjali ta’ tali differenza, jekk ikun hemm.

(a)

deskrizzjoni tal-arranġamenti bejn l-awtorità ta’ riżoluzzjoni u s-CCP li jiżguraw l-aċċess għall-informazzjoni u l-kondiviżjoni tagħha u kif is-CCP se żżomm is-sistemi u l-kontrolli tal-informazzjoni li jistgħu jipproduċu u jagħmlu disponibbli fil-pront id-data u l-informazzjoni rilevanti lill-awtorità ta’ riżoluzzjoni; arranġamenti bħal dawn inklużi l-proċeduri sabiex l-informazzjoni tiġi datata u l-għoti ta’ aġġornamenti standardizzati fejn ikun hemm bidliet materjali.

(b)

lista tal-informazzjoni meħtieġa skont l-Artikolu 13 tar-Regolament (UE) 2021/23 u deskrizzjoni ta’ kif is-CCP tkun ipprevediet li tiżgura li tali informazzjoni tinżamm aġġornata u disponibbli f’kull ħin għall-awtorità ta’ riżoluzzjoni.

(a)

deskrizzjoni tar-riżorsi finanzjarji previsti bħala meħtieġa skont il-pjan ta’ riżoluzzjoni, li tissepara b’mod ċar is-solvenza mill-ħtiġijiet ta’ finanzjament tal-likwidità, inklużi deskrizzjonijiet ġenerali dwar ir-riżorsi finanzjarji possibbli li x’aktarx ikunu meħtieġa għall-implimentazzjoni tal-istrateġija ta’ riżoluzzjoni inkluż kull xenarju ta’ riżoluzzjoni rilevanti;

(b)

meta ma jkunux ġew infurzati l-obbligi kuntrattwali kollha u arranġamenti oħrajn qabel ma s-CCP tkun daħlet f’riżoluzzjoni, valutazzjoni minn qabel tal-kwistjonijiet possibbli li jistgħu jinqalgħu bit-twettiq ta’ tali obbligi u arranġamenti b’rabta mar-riżorsi għall-finanzjament ta’ azzjonijiet ta’ riżoluzzjoni, u ta’ jekk tali kwistjonijiet identifikati jistgħux jaffettwaw b’mod negattiv il-possibbiltà li jintlaħqu l-objettivi ta’ riżoluzzjoni fil-ħin;

(c)

deskrizzjoni tas-sorsi potenzjali ta’ finanzjament tar-riżoluzzjoni, inklużi t-termini ewlenin ta’ finanzjament, il-prekundizzjonijiet materjali għall-użu tagħhom, iż-żmien meta jkunu disponibbli, u kwalunkwe rekwiżit ta’ kollateral sa fejn ikun disponibbli ex ante;

(d)

deskrizzjoni u analiżi ta’ kif u meta s-CCP tista’ tapplika għall-użu ta’ faċilitajiet ta’ bank ċentrali, li jikkonformaw mar-rekwiżit li l-pjanijiet ta’ riżoluzzjoni jenħtieġ li ma jassumux aċċess għal faċilitajiet ta’ bank ċentrali b’termini mhux standard;

(e)

deskrizzjoni u identifikazzjoni tal-assi li jistgħu jintużaw u jekk humiex mistennija jikkwalifikaw bħala kollateral, u kif tali aspettattiva ta’ użu tal-assi tista’ toħloq xi impedimenti, primarjament fil-valur u fl-użu ta’ tali assi.

(a)

mill-anqas disa’ xenarji ta’ pjan ta’ riżoluzzjoni mfassla bbażati fuq il-matriċi għall-bini tax-xenarji tal-pjan ta’ riżoluzzjoni kif stabbilit fl-Anness, jew lista ta’ xenarji tal-pjan ta’ riżoluzzjoni li jkopru t-“Tipi ta’ xenarji” kollha stabbiliti fl-Anness fejn rilevanti għas-CCP li jistgħu jitfasslu b’mod differenti;

(b)

deskrizzjoni tax-xenarji ta’ riżoluzzjoni magħżula abbażi tal-valutazzjoni tal-awtorità ta’ riżoluzzjoni u li tqis il-karatteristiċi speċifiċi u l-livell ta’ kumplessità tas-CCP, u ta’ kwalunkwe xenarju addizzjonali mfassal fil-pjan ta’ riżoluzzjoni;

(c)

l-awtorità ta’ riżoluzzjoni għandha tinkludi għodod ta’ valutazzjoni kwantitattiva għal kull tip ta’ xenarju, fejn possibbli skont l-aċċess għad-data, li għandu jintuża sabiex jiġu prodotti impatti kwantitattivi għax-xenarji ta’ riżoluzzjoni; meta l-ebda data ma tkun disponibbli u ma tkunx tista’ tiġi ġġenerata wara li jsir sforz raġonevoli, l-awtorità ta’ riżoluzzjoni għandha twettaq, u turi fil-pjan, valutazzjoni kwalitattiva tal-għodod sa fejn ikun possibbli, li tinkludi dettalji dwar sa liema punt tkun twettqet valutazzjoni kwantitattiva għal ċertu xenarju;

(d)

deskrizzjoni tal-istrateġiji ta’ riżoluzzjoni magħżula għax-xenarji ta’ riżoluzzjoni, li tispeċifika l-punti li ġejjin:

(a)

deskrizzjoni skont il-pjan ta’ riżoluzzjoni tal-interdipendenzi kritiċi kollha li ġew identifikati;

(b)

jekk l-interdipendenzi identifikati kif imsemmija fil-punt (a) jinvolvux xi differenzi materjali meta mqabbla mal-lista ta’ interdipendenzi kritiċi tal-pjan ta’ rkupru, deskrizzjoni dettaljata tar-raġunijiet ewlenin li għalihom l-awtorità ta’ riżoluzzjoni vvalutat l-indipendenzi kritiċi b’mod differenti u kwalunkwe konsegwenza materjali għall-applikazzjoni tal-pjan ta’ riżoluzzjoni minħabba l-valutazzjonijiet differenti tal-interdipendenzi kritiċi u kif dan jista’ jaffettwa r-riżolvibbiltà tas-CCP;

(c)

deskrizzjoni tat-tipi differenti ta’ entitajiet b’interdipendenzi mas-CCP, inkluża lista li fiha l-partijiet ikkonċernati rilevanti kollha inklużi l-parteċipanti diretti u indiretti tas-CCP, fejn ikun possibbli li jiġu identifikati, is-sidien, il-fornituri ta’ servizzi finanzjarji bħal fornituri tal-likwidità, banek tas-saldu jew aġenti, pjattaformi, aġenti ta’ investiment, banek, kustodji u fornituri oħrajn ta’ servizzi, inklużi fornituri tal-IT u fornituri tad-data, u l-infrastrutturi tas-swieq finanzjarji relatati, u r-rilevanza tagħhom għall-proċedura ta’ riżoluzzjoni;

(d)

deskrizzjoni tal-valutazzjoni tal-entitajiet, kif imsemmi fil-punt (c), b’interdipendenza mas-CCP, li tkopri l-importanza tagħhom għas-CCP, b’mod partikolari, għaliex ikunu jitqiesu jew ma jkunux jitqiesu kritiċi, u jekk il-kapaċità tas-CCP li tkompli tipprovdi l-funzjonijiet kritiċi tagħha tkunx tiddependi fuq dawn l-entitajiet;

(e)

deskrizzjoni tal-arranġamenti ta’ esternalizzazzjoni ta’ servizzi li jkopru parti min-negozju ewlieni tas-CCP lil fornituri kritiċi, inkluż meta entità oħra tiddetermina l-prezzijiet u tipprovdi sistemi għall-ikklerjar, kalkoli tal-marġnijiet jew partijiet essenzjali oħrajn tal-operazzjonijiet tas-CCP;

(f)

deskrizzjoni ta’ kif ġew ivvalutati l-entitajiet identifikati bħala li għandhom interdipendenza kritika mas-CCP skont il-punt (a) u kif kwalunkwe riskju identifikat ġie mmitigat u indirizzat, inklużi l-eżegwibbiltà legali u r-restrizzjonijiet regolatorji ta’ arranġamenti bħal tpaċija u netting, sabiex tiġi żgurata l-kontinwità operazzjonali fir-riżoluzzjoni;

(g)

deskrizzjoni ta’ kif kwalunkwe kwistjoni materjali, minħabba nuqqas potenzjali ta’ konformità mal-obbligi skont l-arranġamenti ta’ esternalizzazzjoni mill-fornitur ta’ arranġamenti kritiċi ta’ servizzi esternalizzati, ġiet immitigata fil-pjan ta’ riżoluzzjoni;

(h)

deskrizzjoni ta’ kif il-pjan ta’ riżoluzzjoni jkun irrifletta l-impatt potenzjali tal-applikazzjoni tal-għodod ta’ riżoluzzjoni fuq kwalunkwe CCP interoperabbli, u li tkopri t-trażmissjoni ta’ sejħiet għal flus għal riżoluzzjoni jew il-haircutting tal-gwadanji tal-marġni ta’ varjazzjoni permezz ta’ arranġament ta’ interoperabbiltà;

(i)

deskrizzjoni tal-impatti possibbli fuq infrastrutturi oħrajn tas-suq finanzjarju marbuta mas-CCP, inkluż billi jiġi vvalutat is-sinifikat tal-involviment tas-CCP f’dawk l-entitajiet inkluż jekk ir-riżoluzzjoni tas-CCP tistax tikkawża kontaġju fl-infrastrutturi tas-suq finanzjarju billi tiskatta proċeduri ta’ inadempjenza fl-infrastrutturi tas-suq finanzjarju, jew tħalli ditti oħrajn mingħajr aċċess għall-infrastrutturi tas-suq finanzjarju.

(a)

deskrizzjoni tal-grupp li s-CCP tappartjeni għalih u lista tal-entitajiet tal-grupp li s-CCP għandha rabtiet magħhom, valutazzjoni dwar liema entitajiet tal-grupp għandhom jitqiesu bħala interdipendenzi intragrupp kritiċi, u deskrizzjoni tad-dipendenzi intragrupp identifikati skont il-pjan ta’ riżoluzzjoni;

(b)

jekk tali interdipendenzi identifikati jinvolvux xi differenzi materjali identifikati meta mqabbla mal-lista tal-pjan ta’ rkupru ta’ interdipendenzi intragrupp kritiċi u, fejn ikun hemm differenzi, deskrizzjoni dettaljata tar-raġunijiet ewlenin li għalihom l-awtorità ta’ riżoluzzjoni vvalutat l-indipendenzi intragrupp kritiċi b’mod differenti u kwalunkwe effett materjali minħabba l-valutazzjoni differenti u kif dan jista’ jaffettwa r-riżolvibbiltà tas-CCP, jekk ikun hemm;

(c)

deskrizzjoni tal-impatt tal-azzjonijiet ta’ riżoluzzjoni fuq linji kummerċjali oħrajn ta’ entitajiet intragrupp kritiċi u entitajiet ġuridiċi, inkluż jekk il-miżuri ta’ riżoluzzjoni jaffettwawx il-kapaċità ta’ entità oħra li tkompli topera;

(d)

deskrizzjoni ta’ kif entitajiet intragrupp rilevanti jkunu jistgħu jipprovdu appoġġ finanzjarju jew miftiehem minn qabel jew fuq bażi volontarja;

(e)

deskrizzjoni tal-eżegwibbiltà legali jew tar-restrizzjonijiet regolatorji li jistgħu jaffettwaw l-interdipendenzi intragrupp;

(f)

deskrizzjoni tal-miżuri ta’ mitigazzjoni relatati ma’ dawk l-interdipendenzi intragrupp kritiċi li se jiżguraw kontinwità operazzjonali fir-riżoluzzjoni, kif meħtieġ sabiex tinżamm il-kontinwità tal-funzjonijiet kritiċi tas-CCP.

(a)

kull proċess u sistema operazzjonali essenzjali, u deskrizzjoni ta’ kif għandhom jiġu vvalutati u miżmuma tali operazzjonijiet u sistemi essenzjali billi jiġu pprovduti opzjonijiet identifikati ta’ aċċess kontinwu għall-infrastrutturi, il-proċessi u l-arranġamenti operazzjonali sabiex jinżamm il-funzjonament kontinwu tal-proċessi operazzjonali tas-CCP kif elenkati fl-Artikolu 12(7), il-punt (m), tar-Regolament (UE) 2021/23 u l-eżiti ewlenin tal-valutazzjoni;

(b)

l-opzjonijiet identifikati sabiex tinżamm ir-reżiljenza finanzjarja;

(c)

l-opzjonijiet identifikati sabiex jiġi żgurat li jinżammu l-ftehimiet kuntrattwali, inklużi klawżoli kuntrattwali ta’ reżiljenza, klawżoli reżistenti għar-riżoluzzjoni u limitazzjonijiet tad-drittijiet ta’ terminazzjoni f’riżoluzzjoni;

(d)

l-opzjonijiet identifikati sabiex jiġi żgurat li l-ftehimiet interni jkunu jistgħu jinżammu matul il-fażi ta’ riżoluzzjoni, inklużi l-istrutturi tal-ipprezzar ta’ distakkament u l-aċċess kontinwu għall-assi operazzjonali;

(e)

id-diversi arranġamenti li jkunu diġà saru skont il-pjan ta’ riżoluzzjoni sabiex tiġi żgurata l-kontinwità tal-funzjonament tal-proċessi operazzjonali, elenkati fl-Artikolu 12(7), il-punt (m), tar-Regolament (UE) 2021/23, matul ir-riżoluzzjoni;

(f)

kif il-pjan ta’ riżoluzzjoni jippermetti, bl-użu tal-opzjonijiet identifikati, li s-CCP tkompli tipprovdi servizzi kritiċi tal-ikklerjar mingħajr interruzzjoni, inkluż bl-użu ta’ soluzzjonijiet interim, bħal xerrej jew istituzzjoni tranżitorja li tuża l-persunal u l-infrastruttura eżistenti jew, fejn ma jkunx possibbli li jiġu żviluppati tali soluzzjonijiet minn qabel, lista ta’ opzjonijiet li jistgħu jiġu applikati f’riżoluzzjoni u lista ta’ informazzjoni meħtieġa għat-tfassil ta’ tali arranġamenti u ftehimiet f’qasir żmien.

(a)

kif huwa previst li l-awtorità ta’ riżoluzzjoni u l-valwatur indipendenti jiksbu l-informazzjoni meħtieġa sabiex iwettqu l-valwazzjoni msemmija fl-Artikolu 24 tar-Regolament (UE) 2021/23;

(b)

l-informazzjoni u l-proċessi sabiex tiġi żgurata d-disponibbiltà f’ħin xieraq u b’mod xieraq tal-informazzjoni meħtieġa għall-finijiet tal-valwazzjoni, b’mod partikolari skont it-Titolu V, il-Kapitolu II, tar-Regolament (UE) 2021/23, u għall-kummerċjabbiltà, b’mod partikolari skont ir-rekwiżiti tal-kummerċjalizzazzjoni għall-bejgħ ta’ għodod tan-negozju u ta’ CCPs tranżitorji;

(c)

kif tinġabar, tinħażen, tiġi strutturata, organizzata u aġġornata d-data tas-suq rilevanti mis-CCP u kif tali data tas-suq rilevanti għall-pjan ta’ riżoluzzjoni titħejja u tiġi vvalidata kemm jista’ jkun qrib id-data tal-valwazzjoni;

(d)

kif ir-rapporti finanzjarji u r-rapportar regolatorju jitħejjew u jiġu aġġornati regolarment mis-CCP, u kif tali informazzjoni finanzjarja titħejja, tiġi ddettaljata u vvalidata kemm jista’ jkun qrib id-data tal-valwazzjoni, u turi li l-valwazzjonijiet tal-assi u tal-obbligazzjonijiet huma kompluti;

(e)

kif il-livell ta’ dettall tal-informazzjoni huwa previst li jkun biżżejjed għall-awtorità ta’ riżoluzzjoni u għall-valwatur indipendenti sabiex jieħdu azzjoni skont il-pjan ta’ riżoluzzjoni, billi tipprovdi rekwiżiti dwar il-livell ta’ granularità meħtieġa għall-valwazzjoni, inkluż fejn l-informazzjoni trid tinkludi dettalji dwar pożizzjonijiet, tranżazzjonijiet u kollateral linja b’linja jew portafoll b’portafoll u l-kapital proprju tas-CCP;

(f)

ir-regoli, il-metodoloġiji, is-suppożizzjonijiet u l-valutazzjonijiet ewlenin użati mis-CCP sabiex jitħejjew ir-rapporti finanzjarji u r-rapportar regolatorju;

(g)

kif l-informazzjoni tiġi organizzata, ittikkettata u strutturata u kif tista’ tintuża u tiġi analizzata mill-awtorità ta’ riżoluzzjoni u mill-valwatur indipendenti b’mod effettiv u sigur sabiex jiġi żgurat li l-awtorità ta’ riżoluzzjoni jkollha l-informazzjoni meħtieġa sabiex tieħu azzjonijiet skont il-pjan ta’ riżoluzzjoni.

(a)

deskrizzjoni tat-tipi differenti ta’ impjegati u l-kategorizzazzjonijiet ta’ kif tipi differenti ta’ impjegati għandhom jiġu informati u mmaniġġjati f’sitwazzjoni ta’ riżoluzzjoni u l-impatt stmat tal-pjan fuq it-tipi differenti ta’ impjegati tas-CCP;

(b)

deskrizzjoni ta’ kif għandu jittaffa t-telf ta’ impjegati kritiċi qabel ir-riżoluzzjoni u kif jinħolqu inċentivi effettivi f’riżoluzzjoni sabiex jinżammu l-impjegati kritiċi identifikati abbażi tal-valur u r-rilevanza tagħhom matul fażi ta’ riżoluzzjoni; l-aspetti li għandhom jitqiesu jinkludu: (i) kwalunkwe proċedura regolatorja li teħtieġ li tiġi segwita f’riżoluzzjoni, (ii) valutazzjonijiet dwar l-effettività prevista tal-istrutturi ta’ inċentivi, (iii) il-possibbiltà li jsiru bidliet fil-kuntratti, fil-kundizzjonijiet u fl-organizzazzjoni tal-impjiegi matul fażi ta’ riżoluzzjoni, u (iv) stima ta’ kwalunkwe kost assoċjat taż-żamma ta’ impjegati kritiċi jew tar-reklutaġġ, inkluża valutazzjoni ta’ kwalunkwe kost assoċjat filwaqt li jitqiesu r-regoli nazzjonali rilevanti għall-kumpens u r-rimborżi matul ir-riżoluzzjoni;

(c)

deskrizzjoni tal-pjan ta’ komunikazzjoni mal-impjegati, inkluża deskrizzjoni tal-proċeduri previsti għall-konsultazzjoni mal-impjegati matul il-proċess ta’ riżoluzzjoni, filwaqt li jitqiesu kwalunkwe regola u sistema nazzjonali għad-djalogu mas-sħab soċjali, il-maniġment, is-sidien, u l-unions tal-persunal.

(a)

il-pjan ta’ komunikazzjoni li jispeċifika dan li ġej:

(b)

l-arranġamenti u l-proċeduri operazzjonali tal-pjan ta’ komunikazzjoni, il-kriterji għall-applikazzjoni tal-istrateġija ta’ komunikazzjoni, l-adegwatezza tal-pjan ta’ komunikazzjoni u kif il-pjan jilħaq l-għan li jiżgura li l-pjan ta’ komunikazzjoni u divulgazzjoni tas-CCP jirnexxielu jissodisfa l-objettiv ta’ aġir trasparenti;

(c)

dettalji li jiddifferenzjaw bejn in-notifiki formali meħtieġa legalment u l-komunikazzjoni volontarja b’deskrizzjoni ta’ kif il-pjan ta’ riżoluzzjoni jkun ikkunsidra rekwiżiti regolatorji differenti għad-divulgazzjoni tal-informazzjoni, b’mod partikolari meta tali informazzjoni tista’ taffettwa s-servizzi kritiċi fis-suq finanzjarju u meta s-CCP tkun kumpanija elenkata jew tkun proprjetà ta’ kumpanija elenkata;

(d)

kif il-pjan ta’ riżoluzzjoni vvaluta r-reazzjonijiet tas-suq materjali negattivi possibbli għar-riżoluzzjoni ta’ CCP u kif il-pjan jipprevedi l-mitigazzjoni ta’ tali reazzjonijiet tas-suq potenzjalment negattivi meta jiżvela l-informazzjoni.

(a)

l-operazzjonijiet u s-sistemi essenzjali identifikati taħt il-pjan ta’ riżoluzzjoni;

(b)

meta l-operazzjonijiet u s-sistemi identifikati jkunu materjalment differenti mill-operazzjonijiet u mis-sistemi essenzjali identifikati skont il-pjan ta’ rkupru, deskrizzjoni tar-raġunijiet ewlenin għaliex l-awtorità ta’ riżoluzzjoni tkun ivvalutat l-operazzjonijiet u s-sistemi essenzjali b’mod differenti, kwalunkwe effett materjali minħabba l-valutazzjoni differenti u kif dan jista’ jaffettwa r-riżolvibbiltà tas-CCP;

(c)

kif jiġu identifikati tali operazzjonijiet u sistemi essenzjali, il-kriterji applikati, u l-limiti użati, sabiex dawn jiġu differenzjati minn operazzjonijiet u sistemi oħrajn tas-CCP li ma għandhomx jitqiesu bħala operazzjonijiet u sistemi essenzjali.

(a)

il-proċeduri u l-proċessi li għandhom jiġu segwiti meta jiġi nnotifikat il-kulleġġ ta’ riżoluzzjoni u, b’mod partikolari, l-informazzjoni dwar il-listi ta’ distribuzzjoni, id-dokumenti mudell u l-iskedi ta’ żmien dwar kif u meta għandu jiġi informat il-kulleġġ ta’ riżoluzzjoni;

(b)

il-proċeduri għaż-żamma tal-listi ta’ distribuzzjoni aġġornati;

(c)

l-arranġamenti għall-ittestjar tal-proċess ta’ notifika lill-kulleġġ ta’ riżoluzzjoni, inkluża informazzjoni dwar l-ambitu u l-intervalli għal tali eżerċizzji u proċeduri ta’ ttestjar sabiex jiġi indirizzat kwalunkwe nuqqas bħal żbalji, nuqqas ta’ fehim jew dewmien.

(a)

valutazzjoni ta’ jekk il-portabbiltà tal-pożizzjonijiet u tal-assi relatati lil CCP oħra hijiex possibbli, inkluża valutazzjoni dwar il-fattibbiltà tagħha u l-eżitu probabbli tagħha u valutazzjoni tas-sitwazzjoni fejn il-portabbiltà jew it-trasferiment fl-aħħar mill-aħħar ma jkunx possibbli;

(b)

kif is-CCP iżżomm id-data rilevanti dwar il-pożizzjonijiet f’kontijiet tal-klijenti omnibus u segregati f’konformità mar-Regolament (UE) Nru 648/2012 tal-Parlament Ewropew u tal-Kunsill (3) u kif is-CCP tista’ tipprovdi dettalji dwar ir-riżorsi u s-sistemi fis-seħħ sabiex iżżomm informazzjoni aġġornata li tista’ tiġi pprovduta malajr f’riżoluzzjoni sabiex jiġi żgurat li l-pożizzjonijiet tal-klijenti, meta jkun possibbli li jiġu identifikati, fis-CCP ikunu jistgħu jiġu identifikati u potenzjalment ittrasferiti b’suċċess;

(c)

il-miżuri sabiex tiġi ffaċilitata l-portabbiltà tal-pożizzjonijiet u tal-assi relatati tal-membri tal-ikklerjar u tal-klijenti tas-CCP inadempjenti mis-CCP inadempjenti għal CCP oħra jew għal CCP tranżitorja.