1.   Abbażi tal-aċċettazzjoni mis-Somalja tal-eżerċitar ta’ ġuriżdizzjoni minn Stati Membri jew Stati terzi, minn naħa, u l-Artikolu 105 tal-Konvenzjoni tan-Nazzjonijiet Uniti dwar il-Liġi tal-Baħar, min-naħa l-oħra, persuni suspettati li għandhom il-ħsieb, kif imsemmi fl-Artikoli 101 u 103 tal-Konvenzjoni tan-Nazzjonijiet Uniti dwar il-Liġi tal-Baħar, li jikkommettu, li qed jikkommettu jew li kkommettew atti ta’ piraterija jew ta’ serq bl-użu tal-armi fl-ilmijiet territorjali u interni tas-Somalja jew fl-ibħra internazzjonali, li huma arrestati u miżmuma, bil-ħsieb tal-prosekuzzjoni tagħhom, u l-proprjetà li tkun intużat biex jitwettqu dawn l-atti, għandhom jiġu ttrasferiti:

2.   Persuni suspettati li għandhom il-ħsieb, kif imsemmi fl-Artikoli 101 u 103 tal-Konvenzjoni tan-Nazzjonijiet Uniti dwar il-Liġi tal-Baħar, li jikkommettu, li qed jikkommettu jew li kkommettew atti ta’ piraterija jew ta’ serq bl-użu tal-armi li huma arrestati u miżmuma, bil-ħsieb li jiġu proċessati minn Atalanta fl-ilmijiet territorjali, fl-ilmijiet interni jew fl-ilmijiet tal-arċipelagu ta’ Stati oħra fir-reġjun bi ftehim ma’ dawn l-Istati, u l-proprjetà li tkun intużat biex jitwettqu dawn l-atti, jistgħu jiġu ttrasferiti lill-awtoritajiet kompetenti tal-Istat ikkonċernat, jew, bil-kunsens tal-Istat ikkonċernat, lill-awtoritajiet kompetenti ta’ Stat ieħor.

3.   Ebda persuna msemmija fil-paragrafi 1 u 2 jistgħu jiġu trasferiti fi Stat terz sakemm il-kondizzjonijiet għat-trasferiment kienu maqbula ma’ dak l-Istat terz b’mod konsistenti mad-dritt internazzjonali rilevanti, notevolment id-dritt internazzjonali dwar drittijiet tal-bniedem, sabiex tiggarantixxi b’mod partikolari li ħadd ma għandu jkun soġġett għall-piena tal-mewt, għal tortura jew għal kwalunkwe trattament krudili, inuman jew degradanti.";

1.   Bil-għan li tikkontribwixxi għall-implimentazzjoni tal-embargo tan-Nazzjonijiet Uniti fuq l-armi fuq is-Somalja f'konformità mar-Riżoluzzjonijiet tal-KSNU rilevanti, b'mod partikolari r-Riżoluzzjoni 2182 (2014), Atalanta għandha twettaq, kif stabbilit fid-dokumenti ta' ppjanar u fi ħdan iż-żona ta' operazzjonijiet maqbula fl-ibħra internazzjonali 'l barra mill-kosta tas-Somalja, spezzjonijiet ta' bastimenti lejn u mis-Somalja fejn ikun hemm raġunijiet raġonevoli biex wieħed jemmen li tali bastimenti qed iġorru armi jew tagħmir militari lejn is-Somalja, direttament jew indirettament, bi ksur tal-embargo fuq l-armi fuq is-Somalja jew li qed iġorru armi jew tagħmir militari lil individwi jew entitajiet iddeżinjati mill-Kumitat stabbilit skont ir-Riżoluzzjonijiet tal-KSNU 751 (1992) u 1907 (2009). Atalanta għandha tikkonfiska tali oġġetti, tirreġistrahom u tiddisponi minnhom, u tista' tiddevja tali bastimenti u l-ekwipaġġi tagħhom lejn port adatt biex tiffaċilita tali konfiska, f'konformità mar-Riżoluzzjonijiet tal-KSNU rilevanti, inkluż ir-Riżoluzzjoni 2182 (2014), u mal-arranġamenti stabbiliti fil-Pjan ta' Operazzjoni.

2.   Bil-għan li tikkontribwixxi għall-ġlieda kontra t-traffikar ta' drogi narkotiċi 'l barra mill-kosta tas-Somalja, Atalanta għandha taġixxi f'konformità mal-arranġamenti u fi ħdan iż-Żona ta' Operazzjoni maqbula fl-ibħra internazzjonali 'l barra mill-kosta tas-Somalja, kif stabbilit fid-dokumenti ta' ppjanar:

3.   Ladarba jkun ġie approvat il-Pjan Operazzjonali bl-arranġamenti meħtieġa, il-Kumitat Politiku u ta' Sigurtà għandu jattiva l-kompiti eżekuttivi sekondarji meta l-Kmandant tal-Operazzjoni tal-UE jirrapporta li Atalanta tiddisponi mill-assi meħtieġa biex twettaq dawk il-kompiti u, fir-rigward tal-embargo tan-NU fuq l-armi, meta s-Servizz Ewropew għall-Azzjoni Esterna jirrapporta li jkunu saru n-notifiki meħtieġa skont il-paragrafu 15 tar-Riżoluzzjoni tal-KSNU 2182 (2014).

4.   L-evidenza misjuba relatata mal-ġarr ta' oġġetti pprojbiti skont l-embargo fuq l-armi fuq is-Somalja jew ta' drogi narkotiċi, b'mod partikolari matul l-ispezzjonijiet imwettqa f'konformità mal-paragrafi 1 u 2, tista' tinħażen minn Atalanta fir-rigward tal-ġarr ta' armi u mill-Istati Membri li huma disposti u kapaċi jagħmlu dan fir-rigward tal-ġarr ta' drogi narkotiċi. B'mod partikolari, tista' tinġabar u tinħażen data personali, f'konformità mal-liġi applikabbli, li tikkonċerna persuni involuti fil-ġarr ta' tali armi jew drogi narkotiċi u li tkun relatata ma' karatteristiċi li x'aktarx jgħinu biex jiġu identifikati tali persuni, inkluż marki tas-swaba', kif ukoll id-dettalji li ġejjin, bl-esklużjoni ta' data personali oħra: kunjom, kunjom xebba, ismijiet attribwiti u kwalunkwe psewdonimu jew isem assunt; data u post tat-twelid, nazzjonalità, sess, post ta' residenza, professjoni u l-post fejn jinsabu; liċenzji tas-sewqan, dokumenti ta' identifikazzjoni u data tal-passaport. Tali data, kif ukoll data relatata mal-bastimenti u t-tagħmir użati minn tali persuni, u l-informazzjoni rilevanti miksuba waqt it-twettiq tal-kompiti skont dan l-Artikolu, jistgħu jiġu kkomunikati lill-awtoritajiet rilevanti tal-infurzar tal-liġi tal-Istati Membri. Hija tista' tiġi kkomunikata wkoll minn Atalanta fir-rigward tal-ġarr ta' armi, u minn Stati Membri disposti fir-rigward tal-ġarr ta' drogi narkotiċi, lil Stati terzi li jixtiequ jeżerċitaw il-ġuriżdizzjoni tagħhom fuq tali persuni u proprjetà, u lill-korpi kompetenti tal-UE f'konformità mal-liġi applikabbli.

5.   Jistgħu jiġu konklużi ftehimiet ma' Stati terzi, abbażi ta' awtorizzazzjonijiet mogħtija fuq bażi ta' każ b'każ mill-Kunsill, biex jiġi ffaċilitat it-trasferiment minn Stat Membru ta' persuni arrestati u detenuti skont il-liġi nazzjonali tiegħu talli pparteċipaw fi ksur tal-embargo tan-Nazzjonijiet Uniti fuq l-armi fuq is-Somalja jew fit-traffikar ta' drogi narkotiċi 'l barra mill-kosta tas-Somalja, bil-ħsieb tal-prosekuzzjoni ta' tali persuni. Tali ftehimiet għandhom jinkludu kondizzjonijiet għat-trasferiment ta' tali persuni konsistenti mad-dritt internazzjonali rilevanti, b'mod partikolari d-dritt internazzjonali dwar id-drittijiet tal-bniedem, sabiex jiġi ggarantit b'mod partikolari li l-persuni kkonċernati ma jkunux soġġetti għall-piena tal-mewt, għat-tortura jew għal kwalunkwe trattament krudili, inuman jew degradanti.";