EUR-Lex Access to European Union law
This document is an excerpt from the EUR-Lex website
Document 32019R0687
Commission Implementing Regulation (EU) 2019/687 of 2 May 2019 imposing a definitive anti-dumping duty on imports of certain organic coated steel products originating in the People's Republic of China following an expiry review pursuant to Article 11(2) of Regulation (EU) 2016/1036 of the European Parliament and of the Council
Regolament ta' Implimentazzjoni tal-Kummissjoni (UE) 2019/687 tat-2 ta' Mejju 2019 li jimponi dazju anti-dumping definittiv fuq importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina wara rieżami ta' skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
Regolament ta' Implimentazzjoni tal-Kummissjoni (UE) 2019/687 tat-2 ta' Mejju 2019 li jimponi dazju anti-dumping definittiv fuq importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina wara rieżami ta' skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
C/2019/3201
ĠU L 116, 3.5.2019, p. 5–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
3.5.2019 |
MT |
Il-Ġurnal Uffiċjali tal-Unjoni Ewropea |
L 116/5 |
REGOLAMENT TA' IMPLIMENTAZZJONI TAL-KUMMISSJONI (UE) 2019/687
tat-2 ta' Mejju 2019
li jimponi dazju anti-dumping definittiv fuq importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina wara rieżami ta' skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (“ir-Regolament bażiku”) (1), u b'mod partikolari l-Artikolu 11(2) tiegħu,
Billi:
1. PROĊEDURA
1.1. Miżuri fis-seħħ
(1) |
Il-Kunsill, permezz tar-Regolament ta' Implimentazzjoni (UE) Nru 214/2013 (2), impona dazji anti-dumping definittivi fuq l-importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina (“iċ-Ċina”, “ir-RPĊ” jew “il-pajjiż ikkonċernat”). Id-dazji anti-dumping li hemm fis-seħħ bħalissa jvarjaw minn 0 % sa 26,1 % (“il-miżuri oriġinali”). L-investigazzjoni li wasslet għall-impożizzjoni tal-miżuri oriġinali minn hawn 'il quddiem ser issir referenza għaliha bħala “l-investigazzjoni oriġinali”. |
(2) |
Il-Kunsill, permezz tar-Regolament ta' Implimentazzjoni tal-Kunsill (UE) Nru 215/2013 (3), impona wkoll dazji kumpensatorji fuq l-importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina. Id-dazji kumpensatorji li hemm fis-seħħ bħalissa jvarjaw minn 13,7 % sa 44,7 %. |
(3) |
Il-livell tad-dazji kkombinati jvarja minn 13,7 % sa 58,3 %. |
1.2. Bidu ta' rieżami ta' skadenza
(4) |
Wara l-pubblikazzjoni ta' avviż ta' skadenza imminenti tal-miżuri anti-dumping definittivi fis-seħħ (4), fit-13 ta' Diċembru 2017, il-Kummissjoni rċeviet talba għall-bidu ta' rieżami ta' skadenza ta' dawn il-miżuri skont l-Artikolu 11(2) tar-Regolament (UE) 2016/1036 (“ir-Regolament bażiku”). It-talba tressqet mill-Assoċjazzjoni Ewropea tal-Azzar (“EUROFER”) f'isem il-produtturi li jirrappreżentaw aktar minn 70 % tal-produzzjoni totali tal-Unjoni ta' ċerti prodotti tal-azzar miksija b'materjal organiku (“l-applikant”). It-talba kienet ibbażata fuq ir-raġunijiet li l-iskadenza tal-miżuri anti-dumping definittivi x'aktarx li tirriżulta fir-rikorrenza ta' dumping u dannu għall-industrija tal-Unjoni. |
(5) |
Fl-14 ta' Marzu 2018, il-Kummissjoni ħabbret, permezz ta' notifika ppubblikata f'Il-Ġurnal Uffiċjali tal-Unjoni Ewropea (5) (“in-Notifika ta' Bidu”), il-bidu ta' rieżami ta' skadenza tal-miżuri anti-dumping applikabbli skont l-Artikolu 11(2) tar-Regolament bażiku. |
(6) |
Il-Kummissjoni, permezz ta' notifika ppubblikata f'Il-Ġurnal Uffiċjali tal-Unjoni Ewropea fl-14 ta' Marzu 2018 (6), ħabbret ukoll il-bidu ta' rieżami ta' skadenza skont l-Artikolu 18 tar-Regolament (UE) 2016/1037 tal-Parlament Ewropew u tal-Kunsill (7) tal-miżuri kumpensatorji definittivi fis-seħħ fir-rigward tal-prodott ikkonċernat li joriġina miċ-Ċina. |
1.3. Investigazzjoni
1.3.1. Il-perjodu ta' investigazzjoni tar-rieżami u l-perjodu kkunsidrat
(7) |
L-investigazzjoni ta' kontinwazzjoni jew ta' rikorrenza tad-dumping kopriet perjodu mill-1 ta' Jannar 2017 sal-31 ta' Diċembru 2017 (“il-perjodu tal-investigazzjoni tar-rieżami” jew “RIP”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew ta' rikorrenza ta' dannu kopra l-perjodu mill-1 ta' Jannar 2014 sat-tmiem tal-perjodu ta' investigazzjoni tar-rieżami (“il-perjodu kkunsidrat”). |
1.3.2. Il-partijiet interessati
(8) |
Fin-Notifika ta' Bidu, il-Kummissjoni stiednet lill-partijiet interessati kollha biex jipparteċipaw fl-investigazzjoni. Barra minn hekk, il-Kummissjoni avżat uffiċjalment lill-partijiet li ġejjin dwar il-bidu tar-rieżami ta' skadenza: l-applikant, il-produtturi magħrufa fl-Unjoni u l-assoċjazzjonijiet rilevanti tagħhom, il-produtturi esportaturi magħrufa fiċ-Ċina, l-importaturi mhux relatati magħrufa fl-Unjoni, l-utenti mhux relatati fl-Unjoni magħrufa li huma kkonċernati u l-awtoritajiet fil-pajjiż esportatur. |
(9) |
Il-partijiet interessati kollha ġew mistiedna jesprimu l-fehmiet tagħhom, jippreżentaw l-informazzjoni u jipprovdu evidenza ta' sostenn fil-limiti ta' żmien stabbiliti fin-Notifika ta' Bidu. Il-partijiet interessati ngħataw ukoll l-opportunità li jitolbu bil-miktub għal seduta ta' smigħ mis-servizzi ta' investigazzjoni tal-Kummissjoni u/jew mill-Uffiċjal tas-Seduta fil-proċedimenti kummerċjali. |
1.3.3. Kampjunar
(10) |
Fin-Notifika ta' Bidu, il-Kummissjoni ddikjarat li hija tista' tieħu kampjun minn fost il-partijiet interessati f'konformità mal-Artikolu 17 tar-Regolament bażiku. |
1.3.3.1. Il-kampjunar tal-produtturi tal-Unjoni
(11) |
Fin-Notifika ta' Bidu, il-Kummissjoni ddikjarat li hija kienet għażlet b'mod provviżorju kampjun ta' produtturi tal-Unjoni, skont l-Artikolu 17(1) tar-Regolament bażiku. Qabel il-bidu, kien hemm 21 produttur tal-Unjoni li pprovdew l-informazzjoni mitluba għall-għażla tal-kampjun u esprimew ir-rieda tagħhom li jikkooperaw mal-Kummissjoni. Abbażi ta' dan, il-Kummissjoni kienet għażlet b'mod provviżorju kampjun ta' tliet produtturi, li nstab li kienu rappreżentattivi tal-industrija tal-Unjoni f'termini tal-volum tal-produzzjoni u l-bejgħ tal-prodott simili fl-Unjoni. Il-produtturi tal-Unjoni inklużi fil-kampjun kienu jammontaw għal 28 % tal-produzzjoni totali stmata tal-industrija tal-Unjoni u għal 27 % tal-volum tal-bejgħ totali tal-industrija tal-Unjoni lil klijenti mhux relatati fl-Unjoni matul il-perjodu ta' investigazzjoni tar-rieżami. Il-Kummissjoni stiednet lill-partijiet interessati jikkummentaw dwar il-kampjun provviżorju. Ma wasal l-ebda kumment u, b'hekk, il-kampjun provviżorju kien ikkonfermat. Il-kampjun tqies li kien rappreżentattiv għall-industrija tal-Unjoni. |
1.3.3.2. Il-kampjunar tal-importaturi
(12) |
It-talba għall-bidu tar-rieżami ta' skadenza identifikat disa' importaturi mhux relatati li ġew mistiedna jipprovdu informazzjoni dwar il-kampjunar. Ħadd minnhom ma resaq 'il quddiem. |
1.3.3.3. Il-kampjunar tal-produtturi esportaturi fiċ-Ċina
(13) |
Sabiex tiddeċiedi jekk il-kampjunar huwiex meħtieġ u, jekk iva, sabiex tagħżel kampjun, il-Kummissjoni talbet lill-produtturi esportaturi kollha magħrufa fiċ-Ċina sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-Missjoni tar-Repubblika Popolari taċ-Ċina għall-Unjoni Ewropea sabiex tidentifika u/jew tikkuntattja lil produtturi esportaturi oħrajn, jekk hemm, li jistgħu jkunu interessati jipparteċipaw fl-investigazzjoni. |
(14) |
Żewġ produtturi esportaturi rritornaw il-formoli tal-kampjunar, iżda ħadd minnhom ma pproduċa prodotti tal-azzar miksija b'materjal organiku kif definit fin-Notifika ta' Bidu. Kien hemm ukoll it-tielet produttur esportatur li ppreżenta ruħu sitt ġimgħat wara l-iskadenza għat-tweġibiet għall-formola tal-kampjunar. Dan il-produttur esportatur ingħata l-istatus ta' parti interessata, iżda tqies bħala li ma kkooperax, minħabba li qatt ma wieġeb għall-formola tal-kampjunar jew ipprova jwieġeb għall-kwestjonarju tal-produttur esportatur. |
(15) |
Għalhekk, ma kien hemm l-ebda kooperazzjoni mill-produtturi esportaturi fiċ-Ċina. |
1.3.4. Kwestjonarji u żjarat ta' verifika
(16) |
Il-Kummissjoni bagħtet kwestjonarji lit-tliet produtturi tal-Unjoni inklużi fil-kampjun, lill-applikant u lill-Gvern taċ-Ċina (“GTĊ”). It-tweġibiet għall-kwestjonarji waslu mingħand it-tliet produtturi tal-Unjoni inklużi fil-kampjun u l-applikant. |
(17) |
Il-Kummissjoni vverifikat l-informazzjoni kollha li qieset bħala meħtieġa għad-determinazzjoni tal-probabbiltà ta' kontinwazzjoni jew rikorrenza ta' dumping u dannu u tal-interess tal-Unjoni. Saru żjarat ta' verifika fil-bini tal-partijiet interessati li ġejjin:
|
1.3.5. Il-proċedura għad-determinazzjoni tal-valur normali skont l-Artikolu 2(6a) tar-Regolament bażiku
(18) |
Fid-dawl tal-evidenza suffiċjenti disponibbli fil-bidu tal-investigazzjoni li għandha tendenza li turi l-eżistenza ta' distorsjonijiet sinifikanti skont it-tifsira tal-punt (b) tal-Artikolu 2(6a) tar-Regolament bażiku, il-Kummissjoni qieset li huwa xieraq li tibda l-investigazzjoni abbażi tal-Artikolu 2(6a) tar-Regolament bażiku. |
(19) |
Konsegwentement, sabiex tiġbor id-data meħtieġa għall-applikazzjoni eventwali tal-Artikolu 2 (6a) tar-Regolament bażiku, fin-Notifika ta' Bidu, il-Kummissjoni stiednet lill-produtturi esportaturi kollha tal-pajjiż ikkonċernat sabiex jipprovdu l-informazzjoni mitluba fl-Anness III għan-Notifika ta' Bidu rigward l-inputs użati għall-produzzjoni tal-prodott taħt rieżami. L-istess żewġ produtturi esportaturi li bagħtu tweġibiet għall-kampjunar issottomettew ukoll l-informazzjoni mitluba fl-Anness III. Minħabba li ma pproduċewx il-prodott taħt rieżami, ma waslet l-ebda tweġiba rilevanti għall-prodott taħt rieżami. |
(20) |
Sabiex tikseb l-informazzjoni li tqis bħala meħtieġa għall-investigazzjoni tagħha fir-rigward tal-allegati distorsjonijiet sinifikanti skont it-tifsira tal-punt (b) tal-Artikolu 2(6a) tar-Regolament bażiku, il-Kummissjoni bagħtet ukoll kwestjonarju lill-GTĊ. Ma waslet l-ebda tweġiba mill-GTĊ. |
(21) |
Fin-Notifika ta' Bidu, il-Kummissjoni stiednet ukoll lill-partijiet interessati kollha jesprimu l-fehmiet tagħhom, jissottomettu informazzjoni u jipprovdu evidenza ta' sostenn rigward l-adegwatezza tal-applikazzjoni tal-Artikolu 2(6a) tar-Regolament bażiku fi żmien 37 jum mid-data tal-pubblikazzjoni ta' din in-Notifika f'Il-Ġurnal Uffiċjali tal-Unjoni Ewropea. Ma waslet ebda sottomissjoni jew evidenza addizzjonali f'dak ir-rigward mill-GTĊ jew mingħand il-produtturi esportaturi. |
(22) |
Fin-Notifika ta' Bidu, il-Kummissjoni speċifikat ukoll li, fid-dawl tal-evidenza disponibbli, jista' jkun meħtieġ li jintgħażel pajjiż rappreżentattiv xieraq skont l-Artikolu 2(6a)(a) tar-Regolament bażiku għall-fini tad-determinazzjoni tal-valur normali abbażi tal-prezzijiet jew tal-valuri ta' riferiment mingħajr distorsjoni. |
(23) |
Fit-13 ta' April 2018, il-Kummissjoni ppubblikat l-ewwel nota għall-fajl (“in-Nota tat-13 ta' April 2018”) (8) li tfittex il-fehmiet tal-partijiet interessati dwar is-sorsi rilevanti li tista' tuża l-Kummissjoni għad-determinazzjoni tal-valur normali, f'konformità mat-tieni inċiż tal-Artikolu 2(6a)(e) tar-Regolament bażiku. F'dik in-nota, il-Kummissjoni pprovdiet lista tal-fatturi kollha tal-produzzjoni, bħall-materjali, l-enerġija u x-xogħol użati fil-produzzjoni tal-prodott taħt rieżami mill-produtturi esportaturi. Barra minn hekk, abbażi tal-kriterji li jiggwidaw l-għażla tal-prezzijiet jew tal-valuri ta' riferiment mingħajr distorsjoni, il-Kummissjoni identifikat sitt pajjiżi rappreżentattivi possibbli: L-Arġentina, il-Kolombja, il-Malasja, il-Messiku, it-Tajlandja u l-Afrika t'Isfel. |
(24) |
Il-Kummissjoni tat lill-partijiet interessati kollha l-opportunità li jikkummentaw. Il-Kummissjoni rċeviet kummenti biss mingħand l-applikant. La l-awtoritajiet tal-pajjiż ikkonċernat u l-ebda wieħed mill-produtturi esportaturi ma pprovdew kummenti. |
(25) |
Il-Kummissjoni indirizzat il-kummenti li rċeviet mingħand l-applikant dwar in-Nota tat-13 ta' April 2018 fit-tieni nota dwar is-sorsi għad-determinazzjoni tal-valur normali tat-3 ta' Lulju 2018 (“in-Nota tat-3 ta' Lulju 2018”) (9). Il-Kummissjoni stabbilixxiet ukoll il-lista ta' fatturi ta' produzzjoni u kkonkludiet li, f'dak l-istadju, il-Messiku kien l-aktar pajjiż rappreżentattiv xieraq skont l-ewwel inċiż tal-Artikolu 2(6a)(a) tar-Regolament bażiku. Il-Kummissjoni stiednet lill-partijiet interessati jikkummentaw. Il-Kummissjoni rċeviet kummenti biss mingħand l-applikant. Dan ir-Regolament jindirizza dawk il-kummenti. |
1.3.6. Proċedura sussegwenti
(26) |
Fit-22 ta' Frar 2019, il-Kummissjoni għamlet id-divulgazzjoni tal-fatti u l-kunsiderazzjonijiet essenzjali li abbażi tagħhom kien maħsub li jiġu imposti dazji anti-dumping (“divulgazzjoni finali”). Il-partijiet kollha ngħataw perjodu li fih setgħu jikkummentaw dwar id-divulgazzjoni. |
(27) |
L-ebda parti ma għamlet xi kummenti dwar id-divulgazzjoni finali. |
2. IL-PRODOTT IKKONĊERNAT U L-PRODOTT SIMILI
2.1. Il-prodott ikkonċernat
(28) |
Il-prodott ikkonċernat minn dan ir-rieżami ta' skadenza huwa l-istess bħal dak fl-investigazzjoni oriġinali, jiġifieri ċerti prodotti tal-azzar miksija b'materjal organiku, jiġifieri prodotti ċatti rrumblati tal-azzar liga jew mhux liga (mhux inkluż l-azzar inossidabbli) li huma miżbugħa, mogħtija l-verniċ jew miksija bil-plastik fuq mill-inqas naħa waħda, esklużi l-hekk imsejħa “pannelli sandwich” ta' tip użat għall-applikazzjonijiet fil-bini u li jikkonsistu f'żewġ folji tal-metall fuq barra u b'qalba ta' stabbilizzazzjoni ta' materjal għall-insulazzjoni marsus bejniethom, esklużi dawk il-prodotti b'kisja finali ta' trab taż-żingu (żebgħa rikka fiż-żingu, li fiha piż ta' 70 % jew aktar ta' żingu), u esklużi dawk il-prodotti b'sottostrat b'kisja metallika ta' kromju jew landa; li bħalissa jaqgħu taħt il-kodiċijiet NM ex 7210 70 80, ex 7212 40 80, ex 7225 99 00, ex 7226 99 70 (kodiċi TARIC 7210708011, 7210708091, 7212408001, 7212408021, 7212408091, 7225990011, 7225990091, 7226997011 u 7226997091, u li joriġinaw miċ-Ċina (“il-prodott taħt rieżami” jew “OCS”). |
(29) |
Il-prodott taħt rieżami jinkiseb bl-applikazzjoni ta' kisja organika għal prodotti ċatti rrumblati tal-azzar. Il-kisja organika tipprovdi protezzjoni u karatteristiċi estetiċi u funzjonali għall-prodotti tal-azzar. |
(30) |
L-OCS jintużaw prinċipalment fis-settur tal-kostruzzjoni u għall-ipproċessar ulterjuri fi prodotti użati fil-kostruzzjoni. Applikazzjonijiet oħrajn jinkludu apparat domestiku. |
2.2. Prodott simili
(31) |
L-ebda waħda mill-partijiet interessati ma kkummentat dwar il-prodott simili. B'hekk, kif stabbilit fl-investigazzjoni oriġinali, din l-investigazzjoni tar-rieżami ta' skadenza kkonfermat li l-prodott manifatturat u mibjugħ fis-swieq domestiċi taċ-Ċina u tal-pajjiż rappreżentattiv, il-Messiku, u l-prodott manifatturat u mibjugħ fl-Unjoni mill-produtturi tal-Unjoni għandhom l-istess karatteristiċi fiżiċi u tekniċi bażiċi u użi finali. Għalhekk, huma meqjusa bħala prodotti simili fis-sens tal-Artikolu 1(4) tar-Regolament bażiku. |
3. PROBABBILTÀ TA' KONTINWAZZJONI JEW TA' RIKORRENZA TA' DUMPING
3.1. Rimarki preliminari
(32) |
F'konformità mal-Artikolu 11(2) tar-Regolament bażiku, il-Kummissjoni eżaminat jekk huwiex probabbli li l-iskadenza tal-miżuri fis-seħħ twassal għal kontinwazzjoni jew rikorrenza ta' dumping mir-RPĊ. |
(33) |
Kif imsemmi fil-Premessa (15), l-ebda wieħed mill-produtturi esportaturi Ċiniżi ma kkoopera fl-investigazzjoni. B'hekk, il-produtturi esportaturi naqsu li jissottomettu tweġibiet għall-kwestjonarju, inkluża kwalunkwe data dwar il-prezzijiet u l-kostijiet tal-esportazzjoni, il-prezzijiet u l-kostijiet domestiċi, il-kapaċità, il-produzzjoni, l-investimenti, eċċ. Bl-istess mod, il-GTĊ u l-produtturi esportaturi naqsu li jindirizzaw l-evidenza tal-fajl tal-każ, inkluż id-“Dokument ta' Ħidma tal-Persunal tal-Kummissjoni dwar Distorsjonijiet Sinifikanti fl-Ekonomija tar-Repubblika Popolari taċ-Ċina għall-Finijiet tal-Investigazzjonijiet tad-Difiża tal-Kummerċ” (10) (“ir-Rapport”), u l-evidenza addizzjonali pprovduta mill-applikant, li turi li dawn il-prezzijiet u l-kostijiet kienu affettwati minn interventi sostanzjali tal-gvern. Għalhekk, il-Kummissjoni rrikorriet għall-użu tal-fatti disponibbli f'konformità mal-Artikolu 18 tar-Regolament bażiku. |
(34) |
Il-Kummissjoni nnotifikat lill-awtoritajiet Ċiniżi u lit-tielet produttur esportatur imsemmi fil-Premessa (14) bl-applikazzjoni tal-Artikolu 18(1) tar-Regolament bażiku u tathom l-opportunità li jikkummentaw. Il-Kummissjoni ma rċeviet l-ebda kumment. |
(35) |
Abbażi ta' dan, f'konformità mal-Artikolu 18(1) tar-Regolament bażiku, is-sejbiet fir-rigward tal-probabbiltà ta' kontinwazzjoni jew rikorrenza ta' dumping stabbiliti hawn taħt kienu bbażati fuq il-fatti disponibbli, b'mod partikolari l-informazzjoni li tinsab fit-talba għal rieżami tal-iskadenza, fis-sottomissjonijiet mill-partijiet interessati, u l-istatistika disponibbli fil-bażi ta' data tal-Artikolu 14(6). |
3.2. Il-kontinwazzjoni ta' dumping ta' importazzjonijiet matul il-perjodu ta' investigazzjoni tar-rieżami
(36) |
Għall-perjodu ta' investigazzjoni tar-rieżami, id-data statistika mill-bażi tad-data tal-Artikolu 14(6) turi li kien importat volum żgħir ta' OCS fl-Unjoni mir-RPĊ, li kien jammonta għal 6 338 tunnellata u li jikkostitwixxi 0,1 % tal-konsum totali tal-Unjoni. Madankollu, l-OCS kien importat f'16-il Stat Membru u l-importazzjonijiet kienu mifruxa matul il-perjodu kollu ta' investigazzjoni tar-rieżami. Konsegwentement, il-Kummissjoni kkonkludiet li l-importazzjonijiet attwali fil-perjodu ta' investigazzjoni tar-rieżami kienu rappreżentattivi u, għalhekk, eżaminat jekk id-dumping kompliex matul il-perjodu ta' investigazzjoni tar-rieżami. |
3.2.1. Valur normali
(37) |
Skont l-Artikolu 2(1) tar-Regolament bażiku, “il-valur normali għandu normalment ikun ibbażat fuq il-prezzijiet imħallsa jew pagabbli, fit-tmexxija ordinarja tal-kummerċ, minn klijenti indipendenti mill-pajjiż esportatur”. |
(38) |
Madankollu, skont l-Artikolu 2(6a)(a) tar-Regolament bażiku, “fil-każ li jiġi determinat […] li mhuwiex xieraq li jintużaw prezzijiet u kostijiet domestiċi fil-pajjiż esportatur minħabba l-eżistenza f'dak il-pajjiż ta' distorsjonijiet sinifikanti fis-sens tal-punt (b), il-valur normali għandu jiġi kkalkolat esklussivament abbażi tal-kostijiet tal-produzzjoni u tal-bejgħ li jirriflettu prezzijiet jew valuri ta' riferiment mingħajr distorsjoni” u “għandu jinkludi ammont raġonevoli u mingħajr distorsjoni għal kostijiet amministrattivi, tal-bejgħ u ġenerali u għal profitti”. Kif spjegat aktar hawn taħt, il-Kummissjoni kkonkludiet fl-investigazzjoni preżenti li, abbażi tal-evidenza disponibbli, u fid-dawl tan-nuqqas ta' kooperazzjoni tal-GTĊ u tal-produtturi esportaturi, l-applikazzjoni tal-Artikolu 2(6a) tar-Regolament bażiku kienet xierqa. |
3.2.2. L-eżistenza ta' distorsjonijiet sinifikanti
3.2.2.1. Introduzzjoni
(39) |
L-Artikolu 2(6a)(b) tar-Regolament bażiku jiddefinixxi “id-distorsjonijiet sinifikanti huma dawk id-distorsjonijiet li jseħħu meta prezzijiet jew kostijiet irrappurtati, inklużi l-kostijiet tal-materji primi u tal-enerġija, ma jkunux ir-riżultat ta' forzi tas-suq ħieles għax ikunu affettwati minn intervent sostanzjali tal-gvern. Meta tkun valutata l-eżistenza ta' distorsjonijiet sinifikanti għandha tingħata attenzjoni, inter alia, lill-impatt potenzjali ta' element wieħed jew aktar mis-segwenti:
|
(40) |
L-Artikolu 2(6a)(c) tar-Regolament bażiku jistabbilixxi li “fejn il-Kummissjoni jkollha indikazzjonijiet fondati sew tal-eżistenza potenzjali ta' distorsjonijiet sinifikanti kif imsemmija fil-punt (b) f'ċertu pajjiż jew f'ċertu settur f'dak il-pajjiż, u fejn ikun xieraq għall-applikazzjoni effettiva ta' dan ir-Regolament, il-Kummissjoni għandha tipproduċi, tippubblika u taġġorna regolarment rapport li jiddeskrivi ċ-ċirkostanzi tas-suq imsemmija fil-punt (b) f'dak il-pajjiż jew settur”. |
(41) |
Il-partijiet interessati ġew mistiedna jirribattu, jikkummentaw jew jissupplimentaw l-evidenza li tkun tinsab fil-fajl tal-investigazzjoni fil-mument tal-bidu. F'dak ir-rigward, il-Kummissjoni pproduċiet ir-Rapport li juri l-eżistenza ta' intervent sostanzjali tal-gvern f'ħafna livelli tal-ekonomija, inklużi distorsjonijiet speċifiċi f'ħafna fatturi ewlenin tal-produzzjoni (bħall-art, l-enerġija, il-kapital, il-materja prima u x-xogħol), kif ukoll f'setturi speċifiċi (bħall-azzar u s-sustanzi kimiċi). Ir-Rapport tqiegħed fil-fajl tal-investigazzjoni fl-istadju tal-bidu. It-talba kien fiha wkoll xi evidenza rilevanti li tikkomplementa r-Rapport. |
(42) |
L-applikant imsemmi fil-paragrafu 71 u fl-Anness 18 tat-talba għal dokument tad-Dipartiment tal-Kummerċ tal-Istati Uniti (“US DOC”) (11). Skont il-US DOC, is-settur tal-azzar huwa kklassifikat taħt l-“industriji bażiċi u pilastru”, fejn l-Istat irid “iżomm poter ta' kontroll relattivament b'saħħtu.” Id-dokument US DOC fih referenza għad-“Dokument SASAC” (12) li jaqsam is-setturi ekonomiċi fi tliet kategoriji u subkategoriji relatati, skont in-neċessità perċepita għall-kontroll tal-gvern, jiġifieri: (1) industriji strateġiċi li “jaffettwaw is-sigurtà nazzjonali u s-sinsla tal-ekonomija”, fejn l-Istat irid “iżomm poter ta' kontroll assolut”; (2) “industriji bażiċi u pilastru”, fejn l-Istat irid “iżomm poter ta' kontroll relattivament b'saħħtu”; jew (3) industriji oħrajn, fejn l-Istat irid “iżomm influwenza”. Barra minn hekk, id-Dokument SASAC jistabbilixxi għan ġenerali li, sal-2010, ikun hemm grupp ta' intrapriżi ewlenin importanti b'influwenza pjuttost qawwija u forza għall-iżvilupp ta' industrija, li jinvolvi l-istabbiliment ta' bażi b'saħħitha għall-intrapriżi ewlenin importanti fl-industriji tal-petrokimika, tat-telekomunikazzjoni, tal-elettriku, tat-tbaħħir u tal-kostruzzjoni sabiex jiżviluppaw u jsiru intrapriżi tal-ewwel rata f'livell globali, kif ukoll għall-intrapriżi ewlenin importanti fl-industriji tal-karozzi, tal-makkinarju u tal-IT sabiex isiru intrapriżi tal-ewwel rata f'livell globali. |
(43) |
Fir-rigward tal-kostijiet tal-azzar illaminat bis-sħana (“hot-rolled steel, HRS”) u tal-azzar illaminat bil-kesħa (“cold-rolled steel, CRS”) meħtieġa għall-produzzjoni tal-irromblar mill-ġdid, l-applikant irrefera għar-Regolamenti tal-UE preċedenti li jimponu dazji kumpensatorji (13) fejn il-Kummissjoni stabbilixxiet li l-prodotti ċatti kemm ta' CRS kif ukoll ta' HRS huma sussidjati. Skont l-applikant, dan irriżulta fi prezz tal-kost artifiċjalment baxx tal-prodotti finali. Barra minn hekk, l-applikant ikkwota rapport minn ThinkDesk (14) u sostna li dan ir-rapport ipprovda wkoll evidenza li ħafna produtturi Ċiniżi setgħu joffru prodotti ċatti ta' HRS fis-suq Ċiniż bi prezzijiet distorti. |
(44) |
Fl-aħħar nett, l-applikanti sostnew ukoll li l-prezzijiet domestiċi Ċiniżi attwali tal-HRS u tas-CRS għadhom aktar baxxi mill-prezzijiet internazzjonali abbażi tad-data pprovduta minn Global Platts (15). |
(45) |
Rigward iż-żingu u d-dominazzjoni tal-industrija tat-tħaffir fil-minjieri minn intrapriżi tal-Istat, minbarra l-evidenza li tinsab fir-Rapport, l-applikanti pprovdew ukoll evidenza li bħalissa hemm fis-seħħ taxxa tal-esportazzjoni ta' 30 % fuq iż-żingu fiċ-Ċina (ara l-paragrafi 87-89 u l-Anness 18 tat-talba). |
(46) |
L-applikant sostna wkoll li hemm distorsjonijiet sinifikanti fil-komponenti kimiċi, li mbagħad iwasslu għal distorsjonijiet sinifikanti fiż-żebgħa u fi prodotti oħrajn ta' kisi kimiku użati għall-produzzjoni ta' azzar miksi b'materjal organiku. Huma bbażaw ruħhom fuq l-evidenza li tinsab fir-Rapport (Kapitolu 16 “Is-Settur tas-Sustanzi Kimiċi” tiegħu). B'mod partikolari, ir-Rapport semma, abbażi tal-Assoċjazzjoni tal-Ġestjoni tal-Intrapriżi Kimiċi taċ-Ċina, li l-akbar kumpaniji kimiċi (fl-2015, abbażi tad-dħul mill-bejgħ) fiċ-Ċina huma SOEs, inklużi tmienja mill-akbar għaxar intrapriżi kimiċi (16). Barra minn hekk, l-applikant irrefera għar-rapport tal-KPMG ipprovdut fl-Anness 18 tat-talba, li wera li l-aqwa 10 kumpaniji kimiċi Ċiniżi huma tal-Istat. |
(47) |
Fir-rigward tal-elettriku, minbarra r-Rapport, l-applikant sostna li l-produtturi tal-OCS igawdu minn rati tal-elettriku preferenzjali (17) u jingħad li Chongquing Wanda Steel Strip ibbenifikat minn rata tal-elettriku aktar baxxa mir-rata ġeneralment applikabbli għal intrapriża industrijali kbira (18). Fl-aħħar nett, l-applikant issottometta informazzjoni disponibbli għall-pubbliku, li tgħid li Shougang Group u Inner Mongolia Baotou Steel Union ibbenifikaw minn sussidji fuq il-prezz tal-elettriku (19). |
(48) |
Fir-rigward tas-self preferenzjali u appoġġ finanzjarju ieħor, minbarra r-Rapport, l-applikant irrefera għal rapport stampa riċenti li jallega li l-kontroll tal-GTĊ fuq il-banek lokali ssaħħaħ aktar bl-iżviluppi leġiżlattivi fl-2017 (20). L-applikant ikkwota wkoll is-sejbiet tal-US DOC li s-settur “għadu fundamentalment distort minn perspettiva kemm ta' pprezzar tar-riskju kif ukoll ta' allokazzjoni tar-riżorsi. Barra minn hekk, (…) analiżi tad-dinamika tar-rati tal-imgħax tissuġġerixxi li r-rati tal-imgħax għadhom marbuta mill-qrib mar-“rati ta' referenza” ppubblikati mill-gvern u, b'hekk, għadhom mhumiex iddeterminati mis-suq. Ir-restrizzjonijiet baġitarji mhux vinkolanti, l-ipprezzar mhux distakkat, il-garanziji impliċiti tal-gvern u d-direttivi dwar il-politika tal-gvern ifixklu direttament jew indirettament is-settur bankarju formali, is-suq interbankarju, is-suq tal-bonds u “l-attività kreditizja mhux bankarja”. Dawn id-distorsjonijiet jistgħu jkunu marbuta direttament mas-sjieda u l-kontroll tal-gvern u mar-rwol intrużiv u persważiv tal-Istat fis-sistema finanzjarja taċ-Ċina” (21). |
(49) |
L-applikant fakkar li l-Kummissjoni stabbilixxiet fl-investigazzjonijiet preċedenti tagħha li l-produtturi tal-OCS ewlenin irċevew sussidji fil-forma ta' self preferenzjali, swaps ta' dejn għal ekwità, infużjonijiet ta' ekwità u ħelsien mill-ħlas tad-dividendi lill-gvern Ċiniż bħala l-azzjonist ewlieni (22). Barra minn hekk, l-applikant identifika għadd ta' produtturi oħrajn ta' OCS li bbenefikaw minn self preferenzjali abbażi tar-rapporti annwali tagħhom (23). |
(50) |
Fl-aħħar nett, l-applikant ikkwota rapport imħejji minn ThinkDesk, li identifika mill-inqas sitt produtturi tal-OCS li bbenefikaw minn miżuri ta' appoġġ tal-gvern fil-forma ta' Diżingranaġġ u Swaps ta' Dejn għal Ekwità fl-Industrija tal-Azzar Ċiniża fis-snin 2016-2017. Dawk il-miżuri kienu identifikati bħala sussidji minn ThinkDesk (24). |
(51) |
It-talba identifikat għadd ta' allegati distorsjonijiet addizzjonali fil-forma ta' appoġġ fiskali u standards ambjentali baxxi fiċ-Ċina, kif diġà indikat fir-Rapport. B'mod partikolari, l-applikant irrefera għal sejbiet tal-passat mill-Kummissjoni ta' diversi eżenzjonijiet fiskali diretti u programmi ta' tnaqqis li artifiċjalment naqqsu l-introjtu taxxabbli tal-kumpaniji tal-azzar, it-taxxa indiretta (VAT) u l-programmi ta' tariffi fuq l-importazzjoni, kif ukoll diversi programmi ta' għotjiet (ad hoc) (25). L-applikant sostna wkoll li dawn il-programmi għadhom attivi u disponibbli llum il-ġurnata. |
(52) |
Fir-rigward tal-istandards ambjentali, l-applikant ikkwota rapport tal-OECD ipprovdut fl-Anness 18 tat-talba (26), li diskutibbilment juri li l-GTĊ joffri appoġġ indirett lill-manifatturi tal-azzar billi naqas milli jinforza standards ambjentali bażiċi, b'kuntrast mal-produtturi tal-Unjoni li huma soġġetti għal standards ambjentali ferm aktar stretti, speċjalment minħabba l-iżvilupp riċenti li r-Regolament REACH ipprojbixxa l-użu kontinwu tal-kromati fl-istadju tat-trattament minn qabel tal-produzzjoni tal-OCS (kif diskuss ukoll fil-paragrafi 12-16 tat-talba). |
(53) |
Il-Kummissjoni ser teżamina jekk huwiex xieraq jew le li jintużaw prezzijiet u kostijiet domestiċi fiċ-Ċina, minħabba l-eżistenza ta' distorsjonijiet sinifikanti fis-sens tal-punt (b) tal-Artikolu 2(6a) tar-Regolament bażiku. Il-Kummissjoni ser tagħmel dan abbażi tal-evidenza disponibbli fil-fajl, inkluża l-evidenza li tinsab fir-Rapport, li tiddependi fuq sorsi disponibbli għall-pubbliku. Dik l-analiżi ser tkopri l-eżami tal-interventi sostanzjali tal-gvern fl-ekonomija tiegħu b'mod ġenerali, iżda wkoll is-sitwazzjoni speċifika tas-suq fis-settur rilevanti, inkluż il-prodott taħt rieżami. Kif speċifikat fil-Premessi (16)-(20), la l-GTĊ u lanqas il-produtturi esportaturi ma kkummentaw jew ipprovdew evidenza li tappoġġja jew tirribatti l-evidenza eżistenti dwar il-fajl tal-każ, inkluż ir-Rapport, u l-evidenza addizzjonali pprovduta mill-applikant, dwar l-eżistenza ta' distorsjonijiet sinifikanti u/jew dwar l-adegwatezza tal-applikazzjoni tal-Artikolu 2(6a) tar-Regolament bażiku fil-każ inkwistjoni. |
3.2.2.2. Distorsjonijiet sinifikanti li jaffettwaw il-prezzijiet u l-kostijiet domestiċi fir-RPĊ: kuntest ekonomiku ġenerali
(54) |
Il-pedament innifsu tas-sistema ekonomika Ċiniża, jiġifieri l-kunċett tal-hekk imsejħa “ekonomija tas-suq soċjalista”, imur kontra l-kunċett ta' ċaqliq ħieles tal-forzi tas-suq. Dak il-kunċett huwa minqux fil-Kostituzzjoni Ċiniża u jiddetermina l-governanza ekonomika taċ-Ċina. Il-prinċipju ewlieni huwa s-“sjieda pubblika soċjalista tal-mezzi tal-produzzjoni, jiġifieri s-sjieda min-nies kollha u s-sjieda kollettiva mill-persuni li jaħdmu”. L-ekonomija tal-Istat hija meqjusa bħala l-“forza ewlenija tal-ekonomija nazzjonali” u l-Istat għandu l-mandat “sabiex jiżgura l-konsolidazzjoni u t-tkabbir tagħha” (27). Konsegwentement, l-istruttura ġenerali tal-ekonomija Ċiniża mhux biss tippermetti interventi sostanzjali tal-gvern fl-ekonomija, iżda tali interventi huma mogħtija mandat espliċitu. Il-kunċett tas-supremazija tas-sjieda pubblika fuq dik privata jinfirex fis-sistema legali kollha u huwa enfasizzat bħala prinċipju ġenerali fil-leġiżlazzjonijiet ċentrali kollha. Il-liġi tal-proprjetà Ċiniża hija eżempju ewlieni: hija tirreferi għall-istadju primarju tas-soċjaliżmu u tafda lill-Istat bit-tħaddin tas-sistema ekonomika bażika li taħtha s-sjieda pubblika għandha rwol dominanti. Huma ttollerati forom oħrajn ta' sjieda, bil-liġi tippermettilhom jiżviluppaw flimkien mas-sjieda tal-Istat (28). |
(55) |
Barra minn hekk, skont il-leġiżlazzjoni Ċiniża rilevanti, l-ekonomija tas-suq soċjalista hija żviluppata taħt it-tmexxija tal-Partit Komunista Ċiniż (CCP). L-istrutturi tal-Istat Ċiniż u tas-CCP huma marbutin ma' xulxin f'kull livell (legali, istituzzjonali, personali) u jifformaw sovrastruttura li fiha r-rwoli tas-CCP u tal-Istat ma jistgħux jintgħarfu. Wara emenda tal-Kostituzzjoni Ċiniża f'Marzu 2018, ir-rwol ewlieni tas-CCP ingħata prominenza saħansitra akbar billi ġie affermat mill-ġdid fit-test tal-Artikolu 1 tal-Kostituzzjoni. Wara l-ewwel sentenza eżistenti tad-dispożizzjoni: “is-sistema soċjalista hija s-sistema bażika tar-Repubblika Popolari taċ-Ċina”, iddaħħlet it-tieni sentenza ġdida li taqra: “il-karatteristika definittiva tas-soċjaliżmu b'karatteristiċi Ċiniżi hija t-tmexxija tal-Partit Komunista taċ-Ċina.” (29) Dan juri l-kontroll inkontestat u dejjem jikber tas-CCP fuq is-sistema ekonomika taċ-Ċina. Dan il-kontroll huwa inerenti għas-sistema Ċiniża u jmur lil hinn sewwa mis-sitwazzjoni tas-soltu f'pajjiżi oħrajn fejn il-gvernijiet jeżerċitaw kontroll makroekonomiku wiesa' li fil-konfini tiegħu hemm il-forzi tas-suq ħieles. |
(56) |
L-Istat Ċiniż jimpenja ruħu f'politika ekonomika ta' intervent skont l-għanijiet, li jikkoinċidu mal-aġenda politika stabbilita mis-CCP aktar milli jirriflettu l-kundizzjonijiet ekonomiċi prevalenti f'suq ħieles (30). L-għodod ekonomiċi ta' intervent użati mill-awtoritajiet Ċiniżi huma bosta, inkluża s-sistema ta' ppjanar industrijali, is-sistema finanzjarja, kif ukoll id-diversi aspetti tal-ambjent regolatorju. |
(57) |
L-ewwel nett, fuq il-livell ta' kontroll amministrattiv ġenerali, id-direzzjoni tal-ekonomija Ċiniża hija rregolata minn sistema kumplessa ta' ppjanar industrijali li taffettwa l-attivitajiet ekonomiċi kollha fil-pajjiż. Dawn il-pjanijiet kollha jkopru matriċi komprensiva u kumplessa ta' setturi u politiki trasversali u huma preżenti fil-livelli kollha tal-gvern. Il-pjanijiet fil-livell provinċjali għandhom tendenza li jkunu pjuttost dettaljati, filwaqt li l-pjanijiet nazzjonali għandhom tendenza li jistabbilixxu miri kemxejn usa'. Il-pjanijiet jispeċifikaw ukoll is-sett ta' għodod maħsuba sabiex jappoġġjaw l-industriji jew is-setturi rilevanti, kif ukoll il-perjodi ta' żmien li fihom iridu jintlaħqu l-objettivi. Xi pjanijiet għad fihom miri espliċiti tal-produzzjoni, filwaqt li din kienet karatteristika regolari fiċ-ċikli tal-ippjanar preċedenti. Taħt il-pjanijiet, setturi industrijali u/jew proġetti individwali qed jiġu identifikati bħala prijoritajiet (pożittivi jew negattivi) skont il-prijoritajiet tal-gvern u huma attribwiti lilhom għanijiet speċifiċi ta' żvilupp (ammeljorament industrijali, espansjoni internazzjonali, eċċ.). L-operaturi ekonomiċi, kemm privati kif ukoll tal-Istat, iridu jaġġustaw effettivament l-attivitajiet tan-negozju tagħhom skont ir-realtajiet imposti mis-sistema tal-ippjanar. Dan mhux biss minħabba n-natura formalment vinkolanti tal-pjanijiet. B'mod kruċjali, l-awtoritajiet Ċiniżi rilevanti fil-livelli kollha tal-gvern jaderixxu mas-sistema ta' pjanijiet u jużaw is-setgħat mogħtija lilhom kif xieraq, u b'hekk jipperswadu lill-operaturi ekonomiċi sabiex jikkonformaw mal-prijoritajiet stabbiliti fil-pjanijiet (ara wkoll it-Taqsima 3.2.2.5 ta' hawn taħt) (31). |
(58) |
It-tieni nett, fuq il-livell tal-allokazzjoni tar-riżorsi finanzjarji, is-sistema finanzjarja taċ-Ċina hija ddominata mill-banek kummerċjali tal-Istat. Dawk il-banek, meta jistabbilixxu u jimplimentaw il-politika tas-self tagħhom, għandhom jallinjaw ruħhom mal-għanijiet tal-politika industrijali tal-gvern aktar milli jivvalutaw primarjament il-merti ekonomiċi ta' proġett partikolari (ara wkoll it-Taqsima 3.2.2.8 ta' hawn taħt) (32). L-istess japplika għall-komponenti l-oħrajn tas-sistema finanzjarja Ċiniża, bħas-swieq tal-istokks, is-swieq tal-bonds, is-swieq tal-ekwità privata, eċċ. Anki jekk għandhom inqas sinifikat mis-settur bankarju, dawn il-partijiet tas-settur finanzjarju huma stabbiliti f'livell istituzzjonali u operazzjonali b'mod mhux immirat lejn il-massimizzazzjoni tal-funzjonament effiċjenti tas-swieq finanzjarji, iżda lejn l-iżgurar ta' kontroll u l-permess ta' intervent mill-Istat u mis-CCP (33). |
(59) |
It-tielet nett, fil-livell ta' ambjent regolatorju, l-interventi mill-Istat fl-ekonomija jieħdu għadd ta' forom. Pereżempju, ir-regoli tal-akkwist pubbliku jintużaw regolarment sabiex jintlaħqu għanijiet ta' politika għajr l-effiċjenza ekonomika, u b'hekk jimminaw il-prinċipji bbażati fuq is-suq fil-qasam. Il-leġiżlazzjoni applikabbli tistabbilixxi speċifikament li l-akkwist pubbliku għandu jitmexxa bil-għan li jiffaċilita l-kisba tal-miri mfassla mill-politiki tal-Istat. Madankollu, in-natura ta' dawn l-għanijiet tibqa' mhux definita, u b'hekk tħalli marġini wiesa' ta' apprezzament lill-korpi li jieħdu d-deċiżjonijiet (34). Bl-istess mod, fil-qasam tal-investiment, il-gvern Ċiniż iżomm kontroll u influwenza sinifikanti fuq id-destinazzjoni u l-kobor tal-investiment kemm tal-Istat kif ukoll privat. L-iskrinjar tal-investiment, kif ukoll diversi inċentivi, restrizzjonijiet u projbizzjonijiet relatati mal-investiment jintużaw mill-awtoritajiet bħala għodda importanti għall-appoġġ tal-għanijiet tal-politika industrijali, bħaż-żamma tal-kontroll tal-Istat fuq setturi ewlenin jew it-tisħiħ tal-industrija domestika (35). |
(60) |
Fil-qosor, il-mudell ekonomiku Ċiniż huwa bbażat fuq ċerti assjomi bażiċi li jipprevedu u jinkoraġġixxu bosta interventi tal-gvern. Tali interventi sostanzjali tal-gvern imorru kontra ċ-ċaqliq ħieles tal-forzi tas-suq, li jirriżultaw f'distorsjoni tal-allokazzjoni effettiva tar-riżorsi skont il-prinċipji tas-suq (36). |
3.2.2.3. Distorsjonijiet sinifikanti skont l-Artikolu 2(6a)(b), l-ewwel inċiż tar-Regolament bażiku: is-suq inkwistjoni huwa servut b'mod sinifikanti minn intrapriżi li joperaw taħt is-sjieda, il-kontroll jew is-superviżjoni jew il-gwida politika tal-awtoritajiet tal-pajjiż esportatur
(61) |
F'dak l-isfond ta' intervent mill-Istat u dominanza tas-sjieda tal-Istat fil-mudell ekonomiku Ċiniż, l-intrapriżi tal-Istat (“SOEs”) jirrappreżentaw parti essenzjali tal-ekonomija Ċiniża. Il-gvern u s-CCP iħaddnu strutturi li jiżguraw l-influwenza kontinwa tagħhom fuq l-SOEs. Il-partit tal-Istat mhux biss jifformula u jissorvelja b'mod attiv l-implimentazzjoni tal-politiki ekonomiċi ġenerali minn SOEs individwali, iżda jiddikjara wkoll id-drittijiet tiegħu li jipparteċipa fit-teħid ta' deċiżjonijiet operazzjonali fl-SOEs. Dan ġeneralment isir permezz ta' rotazzjoni ta' membri importanti bejn awtoritajiet tal-gvern u SOEs, permezz tal-preżenza ta' membri tal-partit fuq korpi eżekuttivi tal-SOEs u ta' ċelloli tal-partit f'kumpaniji (ara wkoll it-Taqsima 3.2.2.4), kif ukoll permezz tat-tfassil tal-istruttura korporattiva tas-settur tal-SOEs (37). Bi skambju, l-SOEs igawdu minn status partikolari fl-ekonomija Ċiniża, li jinvolvi għadd ta' benefiċċji ekonomiċi, b'mod partikolari l-protezzjoni mill-kompetizzjoni u l-aċċess preferenzjali għall-inputs rilevanti, inklużi l-finanzi (38). |
(62) |
Speċifikament fis-settur tal-azzar, jippersisti grad sostanzjali ta' sjieda mill-gvern Ċiniż. Filwaqt li l-qasma nominali bejn l-għadd ta' SOEs u kumpaniji privati hija stmata li hija kważi ugwali, erbgħa mill-ħames produtturi tal-azzar Ċiniżi kklassifikati mal-aqwa 10 tal-akbar produtturi tal-azzar fid-dinja huma SOEs (39). Fl-istess ħin, filwaqt li l-aqwa għaxar produtturi ħadu biss madwar 36 % tal-produzzjoni totali tal-industrija fl-2016, il-gvern Ċiniż qed jimmira li jikkonsolida minn 60 % sa 70 % tal-produzzjoni tal-ħadid u tal-azzar għal madwar għaxar intrapriżi fuq skala kbira sal-2025 (40). Tali konsolidazzjoni tista' tinvolvi fużjonijiet sfurzati ta' kumpaniji privati profittabbli ma' SOEs bi prestazzjoni dgħajfa (41). |
(63) |
Bil-livell għoli ta' intervent tal-gvern fl-industrija tal-azzar u sehem kbir ta' SOEs fis-settur, anki l-produtturi tal-azzar li huma proprjetà privata ma jitħallewx joperaw taħt il-kundizzjonijiet tas-suq. Tabilħaqq, kemm l-intrapriżi pubbliċi kif ukoll dawk privati fis-settur tal-azzar huma soġġetti wkoll għal superviżjoni u gwida politika kif stabbilit fit-Taqsima 3.2.2.5 hawn taħt. |
(64) |
Il-kontroll u l-intervent tal-Istat fuq l-OCS mhumiex esklużi mill-qafas ġenerali deskritt. Ħafna mill-produtturi tal-OCS ewlenin huma tal-Istat. B'hekk, l-evidenza disponibbli tissuġġerixxi li l-produtturi tal-OCS fir-RPĊ huma soġġetti għall-istess sjieda, kontroll jew superviżjoni jew gwida politika mill-gvern Ċiniż u, b'hekk, ma joperawx f'konformità mal-prinċipji tas-suq (42). |
3.2.2.4. Distorsjonijiet sinifikanti skont l-Artikolu 2(6a)(b), it-tieni inċiż tar-Regolament bażiku: Il-preżenza tal-Istat f'ditti li jippermettu lill-Istat jinterferixxi fir-rigward tal-prezzijiet jew tal-kostijiet
(65) |
Minbarra li jeżerċita kontroll fuq l-ekonomija permezz ta' sjieda ta' SOEs u għodod oħrajn, l-Istat Ċiniż jinsab f'pożizzjoni li jinterferixxi mal-prezzijiet u l-kostijiet permezz tal-preżenza tal-Istat fid-ditti. Filwaqt li d-dritt għall-ħatra u t-tneħħija tal-persunal maniġerjali ewlieni fl-SOEs mill-awtoritajiet Statali rilevanti, kif previst fil-leġiżlazzjoni Ċiniża, jista' jitqies bħala li jirrifletti d-drittijiet ta' sjieda korrispondenti, (43) iċ-ċelloli tas-CCP fl-intrapriżi, kemm dawk tal-Istat kif ukoll dawk privati, jirrappreżentaw kanal ieħor li permezz tiegħu l-Istat jista' jinterferixxi mad-deċiżjonijiet tan-negozju. Skont il-liġi tal-kumpaniji taċ-Ċina, għandha tiġi stabbilita organizzazzjoni ta' CCP f'kull kumpanija u l-kumpanija għandha tipprovdi l-kundizzjonijiet meħtieġa għall-attivitajiet tal-organizzazzjoni tal-partit. Fil-passat, dan ir-rekwiżit jidher li mhux dejjem ġie segwit jew infurzat strettament. Madankollu, mill-inqas sa mill-2016, is-CCP saħħaħ it-talbiet tiegħu sabiex jikkontrolla d-deċiżjoni tan-negozju fl-SOEs bħala kwistjoni ta' prinċipju politiku. Is-CCP huwa rrapportat ukoll li jeżerċita pressjoni fuq kumpaniji privati sabiex ipoġġu l-“patrijottiżmu” l-ewwel u jsegwu d-dixxiplina tal-partit (44). Fl-2017, kien irrapportat li ċ-ċelloli tal-partit kienu jeżistu f'70 % ta' madwar 1,86 miljun kumpanija privata, bi pressjoni dejjem tikber għall-organizzazzjonijiet tas-CCP sabiex ikollhom il-fehma finali fuq id-deċiżjoni tan-negozju fil-kumpaniji rispettivi tagħhom (45). Dawn ir-regoli japplikaw b'mod ġenerali fl-ekonomija Ċiniża, inkluż għall-produtturi tal-OCS u l-fornituri tal-inputs tagħhom. |
(66) |
Speċifikament fis-settur tal-azzar (inkluż il-prodott taħt rieżami u l-fornituri tal-inputs prinċipali), ħafna mill-produtturi tal-azzar ewlenin (inklużi l-produtturi tal-OCS) huma proprjetà tal-Istat. Xi wħud minnhom huma speċifikament imsemmija fil-“Pjan ta' Aġġustament u Ammeljorament tal-Industrija tal-Azzar għas-snin 2016-2020” (46) bħala eżempji tal-kisbiet tat-12-il perjodu ta' ppjanar ta' ħames snin (bħal Baosteel, Anshan Iron and Steel, Wuhan Iron and Steel, eċċ.). Id-dokumenti pubbliċi tal-produttur tal-OCS tal-Istat xi drabi jenfasizzaw il-konnessjoni mal-Istat Ċiniż. Pereżempju, Baoshan Iron & Steel (jew Baosteel) iddikjarat fir-Rapport Semi-Annwali tal-2016 li “il-kumpanija impenjat ruħha li tqabbel it-13-il pjan ta' ppjanar reġjonali ta' Ħames Snin u laħqet kunsens wiesa' mal-gvernijiet lokali fil-kondiviżjoni tar-riżorsi, il-konnessjoni tal-industriji urbani u l-bini ta' ambjent ekoloġiku” (47). Fl-investigazzjoni riċenti kontra s-sussidji ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar (“HRF”) li joriġinaw miċ-Ċina (48), il-Kummissjoni stabbilixxiet li tlieta mill-erba' gruppi ta' produtturi esportaturi inklużi fil-kampjun kienu SOEs. Fit-tliet gruppi kollha, il-Presidenti tal-Bord jew il-President aġixxew ukoll bħala s-Segretarju tal-Kumitat tal-Partit tal-organizzazzjoni CCP tal-grupp. |
(67) |
Il-preżenza u l-intervent tal-Istat fis-swieq finanzjarji (ara wkoll it-Taqsima 3.2.2.8 hawn taħt), kif ukoll fil-forniment ta' materja prima u inputs għandhom ukoll effett ta' distorsjoni fuq is-suq (49). B'hekk, il-preżenza tal-Istat f'ditti, inklużi SOEs, fis-settur tal-azzar u f'setturi oħrajn (bħas-settur finanzjarju u dak tal-input) tippermetti lill-GTĊ jinterferixxi fir-rigward tal-prezzijiet u tal-kostijiet. |
3.2.2.5. Distorsjonijiet sinifikanti skont l-Artikolu 2(6a)(b), it-tielet inċiż tar-Regolament bażiku: politiki jew miżuri pubbliċi li jiddiskriminaw favur fornituri domestiċi jew li b'mod ieħor jinfluwenzaw il-forzi tas-suq ħieles
(68) |
Id-direzzjoni tal-ekonomija Ċiniża hija sa ċertu punt sinifikanti ddeterminata minn sistema elaborata ta' ppjanar li tistabbilixxi l-prijoritajiet u tippreskrivi l-għanijiet li fuqhom iridu jiffokaw il-gvernijiet ċentrali u lokali. Jeżistu pjanijiet rilevanti fil-livelli kollha tal-gvern u dawn ikopru kważi s-setturi ekonomiċi kollha, l-objettivi stabbiliti mill-istrumenti tal-ippjanar huma ta' natura vinkolanti u l-awtoritajiet f'kull livell amministrattiv jimmonitorjaw l-implimentazzjoni tal-pjanijiet mil-livell aktar baxx korrispondenti tal-gvern. B'mod ġenerali, is-sistema ta' ppjanar fiċ-Ċina tirriżulta f'riżorsi mmexxija għal setturi ddeżinjati bħala strateġiċi jew inkella politikament importanti mill-gvern, minflok jiġu allokati f'konformità mal-forzi tas-suq (50). |
(69) |
L-industrija tal-azzar, inkluża l-produzzjoni tal-OCS bħala prodott tal-azzar ta' livell għoli, hija meqjusa bħala industrija ewlenija mill-gvern Ċiniż (51). Dan huwa kkonfermat fil-bosta pjanijiet, direttivi u dokumenti oħrajn iffokati fuq l-azzar, li jinħarġu fil-livell nazzjonali, reġjonali u muniċipali, bħall-“Pjan ta' Aġġustament u Ammeljorament tal-Industrija tal-Azzar għas-snin 2016-2020”. Dan il-Pjan jiddikjara li l-industrija tal-azzar hija “settur importanti u fundamentali tal-ekonomija Ċiniża, pedament nazzjonali” (52). Il-kompiti u l-objettivi ewlenin stabbiliti f'dan il-Pjan ikopru l-aspetti kollha tal-iżvilupp tal-industrija (53). |
(70) |
It-13-il Pjan ta' Ħames Snin dwar l-Iżvilupp Ekonomiku u Soċjali (54) jipprevedi appoġġ lill-intrapriżi li jipproduċu tipi ta' prodotti tal-azzar ta' livell għoli (55). Huwa jiffoka wkoll fuq il-kisba tal-kwalità, id-durabbiltà u l-affidabbiltà tal-prodott billi jappoġġja kumpaniji li jużaw teknoloġiji relatati mal-produzzjoni tal-azzar nadif, l-irromblar bi preċiżjoni u t-titjib fil-kwalità (56). |
(71) |
Il-“Katalogu għall-Gwida tar-Ristrutturar tal-Industrija (Verżjoni tal-2011) (Emenda tal-2013)” (57) (“il-Katalogu”) jelenka l-ħadid u l-azzar bħala industriji mħeġġa. B'mod partikolari, il-Katalogu jinkoraġġixxi “l-iżvilupp u l-applikazzjoni ta' teknoloġiji għal prodotti tal-azzar ta' prestazzjoni ogħla, kwalità għolja u ta' ammeljorament, inklużi iżda mhux limitati għal folji tal-karozzi ta' saħħa kbira ta' mhux inqas minn 600 Mpa, pajpijiet tal-azzar ta' prestazzjoni għolja għat-trażmissjoni taż-żejt u tal-gass, pjanċi ħoxnin u wesgħin ta' saħħa kbira għall-bastimenti, azzar għall-inġinerija tal-baħar, pjanċi bi ħxuna moderata ta' mhux inqas minn 420 Mpa għal binjiet, pontijiet u strutturi oħrajn, azzar għal ferroviji ta' veloċità għolja u tagħbija tqila, azzar tas-siliċju b'induzzjoni manjetika għolja u telf baxx ta' ħadid, azzar b'reżistenza għall-korrużjoni u l-użu, azzar inossidabbli li jiffranka r-riżorsi tal-liga (azzar inossidabbli ferritiku modern, azzar inossidabbli duplex u azzar inossidabbli tan-nitroġenu), vireg tal-azzar speċjali u vireg tal-wajer għal parts bażiċi bi prestazzjoni għolja (gerijiet bi prestazzjoni għolja, boltijiet fil-Grad 12.9 jew 'il fuq minnu, molol ta' saħħa kbira u berings ta' ħajja twila ta' servizz) u materjali fforġati tal-azzar speċjali ta' kwalità għolja (għodod u forom tal-azzar, azzar inossidabbli, u azzar għal makkinarju, fost l-oħrajn)”. L-applikabbiltà tal-Katalogu ġiet ikkonfermata mill-investigazzjoni riċenti kontra s-sussidji ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar (“HRF”) li joriġinaw miċ-Ċina (58). |
(72) |
Il-GTĊ jiggwida wkoll l-iżvilupp tas-settur f'konformità ma' firxa wiesgħa ta' għodod ta' politika u direttivi relatati, inter alia: mal-kompożizzjoni u r-ristrutturar tas-suq, il-materja prima (59), l-investiment, l-eliminazzjoni tal-kapaċità, il-firxa ta' prodotti, ir-rilokazzjoni, l-ammeljorament, eċċ. Permezz ta' dawn il-mezzi u mezzi oħrajn, il-GTĊ jidderieġi u jikkontrolla virtwalment kull aspett fl-iżvilupp u l-funzjonament tas-settur (60). Il-problema attwali tal-kapaċità żejda hija forsi l-aktar turija ċara tal-implikazzjonijiet tal-politiki tal-GTĊ u tad-distorsjonijiet li jirriżultaw. |
(73) |
Fil-qosor, il-GTĊ għandu miżuri fis-seħħ sabiex jipperswadi lill-operaturi jikkonformaw mal-objettivi tal-politika pubblika li jappoġġjaw industriji mħeġġa, inkluża l-produzzjoni ta' OCS bħala prodott tal-azzar ta' livell għoli u l-materja prima użata għall-produzzjoni tiegħu. Tali miżuri jimpedixxu lill-forzi tas-suq milli joperaw b'mod normali. |
3.2.2.6. Distorsjonijiet sinifikanti skont l-Artikolu 2(6a)(b), ir-raba' inċiż tar-Regolament bażiku: in-nuqqas, l-applikazzjoni diskriminatorja jew l-infurzar inadegwat tal-liġijiet tal-falliment, tal-kumpaniji jew tal-proprjetà
(74) |
Is-sistema tal-falliment Ċiniża tidher inadegwata sabiex twettaq l-objettivi ewlenin tagħha stess, bħas-soluzzjoni b'mod ġust tal-pretensjonijiet u d-djun u s-salvagwardja tad-drittijiet u l-interessi leġittimi tal-kredituri u tad-debituri. Din tidher li għandha l-għeruq tagħha fil-fatt li, filwaqt li l-liġi Ċiniża dwar il-fallimenti formalment tistrieħ fuq prinċipji simili bħal-liġijiet korrispondenti f'pajjiżi oħrajn, is-sistema Ċiniża hija kkaratterizzata minn nuqqas ta' infurzar sistematiku. L-għadd ta' fallimenti jibqa' notorjament baxx fir-rigward tad-daqs tal-ekonomija tal-pajjiż, mhux l-inqas minħabba li l-proċedimenti ta' insolvenza jbatu minn għadd ta' nuqqasijiet, li effettivament jiffunzjonaw bħala diżinċentiv għall-preżentazzjonijiet ta' fallimenti. Barra minn hekk, ir-rwol tal-Istat fil-proċedimenti ta' insolvenza jibqa' b'saħħtu u attiv, ħafna drabi b'influwenza diretta fuq l-eżitu tal-proċedimenti (61). |
(75) |
Barra minn hekk, in-nuqqasijiet tas-sistema tad-drittijiet tal-proprjetà huma partikolarment ovvji fir-rigward tas-sjieda tad-drittijiet tal-art u tal-użu tal-art fiċ-Ċina (62). L-art kollha hija proprjetà tal-Istat Ċiniż (art rurali bi proprjetà kollettiva u art urbana tal-Istat). L-allokazzjoni tagħha tibqa' dipendenti biss fuq l-Istat. Hemm dispożizzjonijiet legali li għandhom l-għan li jallokaw drittijiet għall-użu tal-art b'mod trasparenti u bi prezzijiet tas-suq, pereżempju, billi jintroduċu proċeduri ta' offerti. Madankollu, dawn id-dispożizzjonijiet ta' spiss ma jiġux irrispettati, b'ċerti akkwirenti jiksbu l-art tagħhom mingħajr ħlas jew taħt ir-rati tas-suq. (63) Barra minn hekk, l-awtoritajiet sikwit isegwu għanijiet politiċi speċifiċi, inkluża l-implimentazzjoni tal-pjanijiet ekonomiċi, meta jallokaw l-art (64). |
(76) |
Għalhekk, il-liġijiet Ċiniżi dwar il-falliment u l-proprjetà ma jidhrux li qegħdin jaħdmu sewwa, b'mod li jirriżultaw f'distorsjonijiet meta d-ditti insolventi jinżammu fil-wiċċ u fir-rigward tal-provvediment u l-akkwiżizzjoni tal-art fir-RPĊ. Dawk il-kunsiderazzjonijiet, abbażi tal-evidenza disponibbli, jidhru li huma applikabbli bis-sħiħ ukoll fis-settur tal-azzar u b'mod aktar speċifiku fir-rigward tal-OCS. B'mod partikolari, il-Kummissjoni stabbilixxiet li l-OCS, (65) kif ukoll il-materja prima tiegħu, jiġifieri l-azzar illaminat bis-sħana, (66) ibbenifikaw mill-provvediment ta' drittijiet għall-użu tal-art għal rimunerazzjoni inqas minn dik adegwata. |
3.2.2.7. Distorsjonijiet sinifikanti skont l-Artikolu 2(6a)(b), il-ħames inċiż tar-Regolament bażiku: il-kostijiet tal-pagi soġġetti għal distorsjoni
(77) |
Sistema ta' pagi bbażati fuq is-suq ma tistax tiżviluppa kompletament fiċ-Ċina minħabba li l-ħaddiema u dawk li jħaddmu huma mxekkla fid-drittijiet tagħhom għal organizzazzjoni kollettiva. Iċ-Ċina ma rratifikatx għadd ta' konvenzjonijiet essenzjali tal-Organizzazzjoni Internazzjonali tax-Xogħol (ILO), b'mod partikolari dawk dwar il-libertà ta' assoċjazzjoni u dwar in-negozjar kollettiv (67). Skont il-liġi nazzjonali, hemm organizzazzjoni tat-trejdunjins waħda biss li hija attiva. Madankollu, din l-organizzazzjoni ma għandhiex indipendenza mill-awtoritajiet tal-Istat u l-impenn tagħha fin-negozjar kollettiv u l-protezzjoni tad-drittijiet tal-ħaddiema jibqa' rudimentali (68). Barra minn hekk, il-mobbiltà tal-forza tax-xogħol Ċiniża hija ristretta mis-sistema ta' reġistrazzjoni tal-unitajiet domestiċi, li tillimita l-aċċess għall-firxa sħiħa tal-benefiċċji tas-sigurtà soċjali u ta' benefiċċji oħrajn għar-residenti lokali ta' żona amministrattiva partikolari. Dan ġeneralment iwassal sabiex il-ħaddiema li ma jkollhomx ir-reġistrazzjoni ta' residenza lokali jsibu ruħhom f'pożizzjoni ta' impjieg vulnerabbli u jirċievu introjtu aktar baxx mid-detenturi tar-reġistrazzjoni tar-residenza (69). Dawk is-sejbiet iwasslu għad-distorsjoni tal-kostijiet tal-pagi fiċ-Ċina. |
(78) |
Ma ġiet sottomessa l-ebda evidenza li turi li s-settur tal-azzar, inkluż l-OCS, mhux ser ikun soġġett għas-sistema Ċiniża tal-liġi tax-xogħol deskritta. Is-settur tal-OCS huwa b'hekk affettwat mid-distorsjonijiet tal-kostijiet tal-pagi kemm direttament (meta jsir il-prodott ikkonċernat) kif ukoll indirettament (meta jkun hemm aċċess għall-kapital jew għall-inputs minn kumpaniji soġġetti għall-istess sistema ta' xogħol fiċ-Ċina). |
3.2.2.8. Distorsjonijiet sinifikanti skont l-Artikolu 2(6a)(b), is-sitt inċiż tar-Regolament bażiku: l-aċċess għall-finanzi mogħtija minn istituzzjonijiet li jimplimentaw objettivi ta' ordni pubbliku jew li b'xi mod ieħor ma jaġixxux indipendentement mill-Istat
(79) |
L-aċċess għall-kapital għal atturi korporattivi fiċ-Ċina huwa soġġett għal diversi distorsjonijiet. |
(80) |
L-ewwel nett, is-sistema finanzjarja Ċiniża hija kkaratterizzata mill-pożizzjoni b'saħħitha tal-banek tal-Istat (70), li, meta jagħtu aċċess għall-finanzi, jikkunsidraw kriterji oħrajn għajr il-vijabbiltà ekonomika ta' proġett. B'mod simili għall-SOEs mhux finanzjarji, il-banek jibqgħu konnessi mal-Istat mhux biss permezz ta' sjieda iżda wkoll permezz ta' relazzjonijiet personali (l-ogħla karigi eżekuttivi tal-istituzzjonijiet finanzjarji kbar tal-Istat fl-aħħar mill-aħħar jinħatru mis-CCP) (71) u, għal darba oħra, bħall-SOEs mhux finanzjarji, il-banek jimplimentaw regolarment politiki pubbliċi mfassla mill-gvern. Meta jagħmlu dan, il-banek jikkonformaw ma' obbligu legali espliċitu li jmexxu n-negozju tagħhom f'konformità mal-ħtiġijiet tal-iżvilupp ekonomiku u soċjali nazzjonali u taħt il-gwida tal-politiki industrijali tal-Istat (72). Dan huwa aggravat minn regoli eżistenti addizzjonali, li jidderieġu l-finanzi f'setturi ddeżinjati mill-gvern bħala inkoraġġiti jew inkella importanti (73). |
(81) |
Filwaqt li huwa rikonoxxut li diversi dispożizzjonijiet legali jirreferu għall-ħtieġa li jiġu rrispettati l-imġiba bankarja normali u r-regoli prudenzjali bħall-ħtieġa li tiġi eżaminata l-affidabbiltà kreditizja tal-mutwatarju, l-evidenza kbira, inklużi s-sejbiet li saru fl-investigazzjonijiet tad-difiża tal-kummerċ, tissuġġerixxi li dawn id-dispożizzjonijiet għandhom biss rwol sekondarju fl-applikazzjoni tad-diversi strumenti legali. |
(82) |
Barra minn hekk, il-klassifikazzjonijiet tal-bonds u tal-kreditu ta' spiss jiġu distorti għal diversi raġunijiet, inkluż il-fatt li l-valutazzjoni tar-riskju hija influwenzata mill-importanza strateġika tad-ditta għall-gvern Ċiniż u s-saħħa ta' kwalunkwe garanzija impliċita mill-gvern. L-estimi jissuġġerixxu bil-qawwa li l-klassifikazzjonijiet tal-kreditu Ċiniżi sistematikament jikkorrispondu għal klassifikazzjonijiet internazzjonali aktar baxxi. |
(83) |
Dan huwa aggravat minn regoli eżistenti addizzjonali, li jidderieġu l-finanzi f'setturi ddeżinjati mill-gvern bħala inkoraġġiti jew inkella importanti (74). Dan jirriżulta fi preġudizzju għas-self lil SOEs, ditti privati kbar u konnessi sewwa u ditti f'setturi industrijali ewlenin, li jimplika li d-disponibbiltà u l-kost tal-kapital mhumiex ugwali għall-atturi kollha fis-suq. |
(84) |
It-tieni, il-kostijiet tas-self inżammu artifiċjalment baxxi sabiex jistimolaw it-tkabbir tal-investiment. Dan wassal għall-użu eċċessiv ta' investiment kapitali b'redditi dejjem aktar baxxi fuq l-investiment. Dan huwa muri mit-tkabbir riċenti fl-ingranaġġ korporattiv fis-settur tal-Istat, minkejja tnaqqis qawwi fil-profittabbiltà, li jissuġġerixxi li l-mekkaniżmi li jaħdmu fis-sistema bankarja ma jsegwux ir-reazzjonijiet kummerċjali normali. |
(85) |
It-tielet nett, għalkemm il-liberalizzazzjoni nominali tar-rata tal-imgħax inkisbet f'Ottubru 2015, is-sinjali tal-prezzijiet għadhom mhumiex ir-riżultat tal-forzi tas-suq ħieles, iżda huma influwenzati minn distorsjonijiet ikkawżati mill-gvern. Tabilħaqq, is-sehem ta' self bir-rata ta' referenza jew taħtha għadu jirrappreżenta 45 % tas-self kollu u r-rikors għal kreditu immirat jidher li żdied, billi dan is-sehem żdied notevolment mill-2015, minkejja l-kundizzjonijiet ekonomiċi li sejrin għall-agħar. Rati tal-imgħax artifiċjalment baxxi jirriżultaw fi prezzijiet baxxi u, konsegwentement, fl-użu eċċessiv tal-kapital. |
(86) |
It-tkabbir kumplessiv tal-kreditu fiċ-Ċina jindika deterjorament tal-effiċjenza tal-allokazzjoni tal-kapital mingħajr l-ebda sinjal ta' ssikkar tal-kreditu li jkun mistenni f'ambjent tas-suq mingħajr distorsjoni. B'riżultat ta' dan, is-self improduttiv żdied malajr fis-snin riċenti. Quddiem sitwazzjoni ta' żieda tad-dejn f'riskju, il-gvern Ċiniż għażel li jevita l-inadempjenzi. Konsegwentement, il-kwistjonijiet ta' dejn mitluf ġew ittrattati permezz ta' dejn ta' riportament, sabiex b'hekk inħolqu l-hekk imsejħa kumpaniji “zombie”, jew permezz tat-trasferiment tas-sjieda tad-dejn (pereżempju permezz ta' fużjonijiet jew swaps ta' dejn għal ekwità), mingħajr ma neċessarjament titneħħa l-problema kumplessiva tad-dejn jew jiġu indirizzati l-kawżi ewlenin tagħha. |
(87) |
Essenzjalment, minkejja l-passi meħuda riċentement sabiex jiġi lliberalizzat is-suq, is-sistema ta' kreditu korporattiva fiċ-Ċina hija affettwata minn kwistjonijiet u distorsjonijiet sistemiċi sinifikanti li jirriżultaw mir-rwol mifrux kontinwu tal-Istat fis-swieq tal-kapital. |
(88) |
Ma ġiet sottomessa l-ebda evidenza li tgħid li s-settur tal-azzar, inkluż l-OCS, ser ikun eżentat mill-intervent tal-gvern deskritt hawn fuq fis-sistema finanzjarja. Għall-kuntrarju, rapport minn ThinkDesk ipprovdut mill-applikant indika li ħafna produtturi Ċiniżi tal-OCS kienu bbenifikaw minn operazzjonijiet finanzjarji mhux konformi mas-suq. Il-Kummissjoni stabbilixxiet ukoll li l-OCS, (75) kif ukoll il-materja prima tiegħu, jiġifieri l-azzar illaminat bis-sħana, (76) ibbenifikaw minn self preferenzjali li jikkostitwixxi sussidji. Għalhekk, l-intervent sostanzjali tal-gvern fis-sistema finanzjarja jwassal sabiex il-kundizzjonijiet tas-suq jiġu affettwati serjament fil-livelli kollha. |
3.2.2.9. In-natura sistemika tad-distorsjonijiet deskritti
(89) |
Il-Kummissjoni nnotat li d-distorsjonijiet deskritti fir-Rapport mhumiex limitati għas-settur tal-azzar b'mod ġenerali jew għas-settur tal-OCS b'mod partikolari. Għall-kuntrarju, l-evidenza disponibbli turi li l-fatti u l-karatteristiċi tas-sistema Ċiniża kif deskritti hawn fuq fit-Taqsimiet 3.2.2.1-3.2.2.5 kif ukoll fil-Parti A tar-Rapport japplikaw madwar il-pajjiż kollu u fis-setturi kollha tal-ekonomija. L-istess jgħodd għad-deskrizzjoni tal-fatturi tal-produzzjoni kif stabbiliti hawn fuq fit-Taqsimiet 3.2.2.6-3.2.2.8 ta' hawn fuq u fil-Parti B tar-Rapport. |
(90) |
Sabiex jiġi prodott l-OCS, hemm bżonn firxa wiesgħa ta' inputs. Ma hemm l-ebda evidenza fil-fajl li dawn l-inputs ma jinkisbux fiċ-Ċina. Meta l-produtturi tal-OCS jixtru/jikkuntrattaw dawn l-inputs, il-prezzijiet li jħallsu (u li huma rreġistrati bħala l-kostijiet tagħhom) jiġu esposti b'mod ċar għall-istess distorsjonijiet sistemiċi msemmija qabel. Pereżempju, il-fornituri tal-inputs jimpjegaw xogħol li huwa soġġett għad-distorsjonijiet. Huma jistgħu jissellfu flus li jkunu soġġetti għad-distorsjonijiet fuq is-settur finanzjarju jew l-allokazzjoni tal-kapital. Barra minn hekk, huma soġġetti għas-sistema tal-ippjanar li tapplika fil-livelli kollha tal-gvern u s-setturi. |
(91) |
Bħala konsegwenza, mhux biss ma jistgħux jintużaw il-prezzijiet domestiċi tal-bejgħ tal-OCS, iżda l-kostijiet tal-input kollha (inklużi l-materja prima, l-enerġija, l-art, il-finanzjament, ix-xogħol, eċċ) huma wkoll ivvizzjati minħabba li l-formazzjoni tal-prezzijiet tagħhom hija affettwata minn intervent sostanzjali tal-gvern, kif deskritt fil-Partijiet A u B tar-Rapport. Tabilħaqq, l-interventi tal-gvern deskritti fir-rigward tal-allokazzjoni tal-kapital, l-art, ix-xogħol, l-enerġija u l-materja prima huma preżenti fir-RPĊ kollha. Dan ifisser, pereżempju, li input li minnu nnifsu kien prodott fiċ-Ċina permezz tal-kombinazzjoni ta' firxa ta' fatturi tal-produzzjoni huwa espost għal distorsjonijiet sinifikanti. L-istess japplika għall-input għall-input u l-bqija. Għall-kuntrarju, ma tressqu l-ebda evidenza jew argument mill-GTĊ jew mill-produtturi esportaturi fl-investigazzjoni preżenti. |
3.2.2.10. Konklużjoni
(92) |
L-analiżi stabbilita fit-Taqsimiet 3.2.2.2. sa 3.2.2.9., li tinkludi eżami tal-evidenza kollha disponibbli relatata mal-intervent taċ-Ċina fl-ekonomija tagħha b'mod ġenerali, kif ukoll fis-settur tal-azzar (inkluż il-prodott ikkonċernat), uriet li l-prezzijiet jew il-kostijiet, inklużi l-kostijiet tal-materja prima, tal-enerġija u tax-xogħol, mhumiex ir-riżultat ta' forzi tas-suq ħieles minħabba li huma affettwati minn intervent sostanzjali tal-gvern fis-sens tal-Artikolu 2(6a)(b) tar-Regolament bażiku. Fuq dik il-bażi, u fin-nuqqas ta' kwalunkwe kooperazzjoni mill-GTĊ u mill-produtturi esportaturi, il-Kummissjoni kkonkludiet li mhuwiex xieraq li jintużaw prezzijiet u kostijiet domestiċi sabiex jiġi stabbilit il-valur normali f'dan il-każ. |
(93) |
Konsegwentement, il-Kummissjoni pproċediet sabiex tibni l-valur normali esklussivament abbażi tal-kostijiet tal-produzzjoni u tal-bejgħ li jirriflettu l-prezzijiet jew il-parametri referenzjarji mingħajr distorsjoni, jiġifieri, f'dan il-każ, abbażi tal-kostijiet korrispondenti tal-produzzjoni u tal-bejgħ f'pajjiż rappreżentattiv xieraq, f'konformità mal-Artikolu 2(6a)(a) tar-Regolament bażiku, kif diskuss fit-Taqsima li ġejja. Il-Kummissjoni fakkret li l-ebda produttur esportatur ma kkoopera fl-investigazzjoni u li ma ġiet ippreżentata l-ebda pretensjoni li xi kostijiet domestiċi ser ikunu mingħajr distorsjoni skont it-tielet inċiż tal-Artikolu 2(6a)(a) tar-Regolament bażiku. |
3.2.3. Pajjiż rappreżentattiv
3.2.3.1. Rimarki ġenerali
(94) |
L-għażla tal-pajjiż rappreżentattiv kienet ibbażata fuq il-kriterji li ġejjin:
|
(95) |
Kif spjegat fil-Premessi (24) sa (25), fin-Nota tat-13 ta' April 2018, il-Kummissjoni għarrfet lill-partijiet interessati li hija identifikat sitt pajjiżi rappreżentattivi possibbli: l-Arġentina, il-Kolombja, il-Malasja, il-Messiku, l-Afrika t'Isfel u t-Tajlandja u stiednet lill-partijiet interessati jikkummentaw u jissuġġerixxu pajjiżi oħrajn. |
3.2.3.2. Livell ta' żvilupp ekonomiku simili għar-RPĊ
(96) |
L-Arġentina, il-Kolombja, il-Malasja, il-Messiku, l-Afrika t'Isfel u t-Tajlandja huma meqjusa mill-Bank Dinji bħala pajjiżi b'livell simili ta' żvilupp ekonomiku bħar-RPĊ, jiġifieri huma kklassifikati bħala pajjiżi b'“introjtu medju superjuri” fuq bażi ta' introjtu nazzjonali gross (minn hawn 'il quddiem “ING”). |
(97) |
L-applikant sostna li s-sħubija tal-Messiku fin-NAFTA tintegraha f'Żona Nord-Amerikana ta' Kummerċ Ħieles b'livell ta' żvilupp ekonomiku li huwa ferm ogħla minn dak tar-RPĊ, possibbilment b'influwenza fuq il-kostijiet fil-Messiku. Il-Kummissjoni għamlet analiżi tal-adegwatezza tal-pajjiżi rappreżentattivi possibbli abbażi tal-bażi ta' data tal-Bank Dinji dwar l-ING. Din tal-aħħar tikkwalifika lill-Messiku bħala parti mill-pajjiżi b'introjtu medju superjuri, b'hekk b'livell ta' żvilupp komparabbli għal dak tar-RPĊ. Dik il-kategorija ta' pajjiżi tinkludi pajjiżi b'ING għal kull ras ta' bejn USD 3 896 u USD 12 055 fl-2017, is-sena bl-aħħar data kummerċjali disponibbli. Il-klassifikazzjonijiet japplikaw għal kull pajjiż uniku u mhux għal gruppi ta' pajjiżi li jappartjenu għal żoni ta' kummerċ ħieles, unjonijiet doganali, eċċ. Il-Kummissjoni kienet tal-fehma li s-sitt pajjiżi rappreżentattivi possibbli kollha identifikati kienu ugwalment komparabbli f'termini tal-iżvilupp ekonomiku mar-RPĊ. Konsegwentement, din l-affermazzjoni ġiet miċħuda. |
3.2.3.3. Il-produzzjoni tal-prodott taħt rieżami fil-pajjiż rappreżentattiv u d-disponibbiltà tad-data pubblika rilevanti fil-pajjiż rappreżentattiv
(98) |
Fin-Nota tat-13 ta' April 2018, il-Kummissjoni indikat li l-produzzjoni tal-prodott taħt rieżami kienet magħrufa li seħħet fl-Arġentina, fil-Kolombja, fil-Malasja, fil-Messiku, fl-Afrika t'Isfel u fit-Tajlandja. |
(99) |
Il-Kummissjoni identifikat li għal tlieta mill-pajjiżi, jiġifieri l-Arġentina, il-Kolombja u t-Tajlandja, id-disponibbiltà ta' data pubblika kellha tiġi vverifikata aktar, b'mod partikolari fejn kienet ikkonċernata d-data finanzjarja pubblika minn produttur tal-prodott taħt rieżami. |
(100) |
Għall-Kolombja u t-Tajlandja ma nstabet l-ebda data finanzjarja disponibbli għall-pubbliku minn produttur tal-prodott taħt rieżami. Fir-rigward tal-Arġentina, id-data finanzjarja disponibbli għall-pubbliku identifikata kienet tikkonċerna l-grupp Ternium, li kien qed jipproduċi l-prodott taħt rieżami f'dak il-pajjiż. Madankollu, ma kienx ċar mid-data finanzjarja disponibbli għall-grupp liema parti tad-data kienet relatata mal-attivitajiet tal-grupp fl-Arġentina, minħabba li l-grupp irrapporta d-data tiegħu relatata mal-Arġentina flimkien ma' pajjiżi oħrajn bħall-Bolivja, iċ-Ċili, il-Paragwaj u l-Urugwaj. Għalhekk, id-data ma kinitx preċiża biżżejjed sabiex tintuża bħala valuri referenzjarji xierqa. |
(101) |
Fil-kummenti tiegħu għan-Nota tat-13 ta' April 2018, l-applikant tenna t-talba li tindika li l-Afrika t'Isfel ser tkun l-aktar pajjiż rappreżentattiv xieraq. Kien hemm żewġ produtturi tal-prodott taħt rieżami. Għal produttur wieħed, jiġifieri Safal Steel (Pty) Ltd., id-data finanzjarja ma kinitx disponibbli għall-pubbliku. Għalkemm id-data finanzjarja kienet disponibbli għall-produttur l-ieħor, jiġifieri ArcelorMittal South Africa, il-kumpanija kienet qed tagħmel it-telf kemm matul il-perjodu ta' investigazzjoni kif ukoll matul il-perjodu kollu kkunsidrat. Dan rendiha mhux xierqa sabiex tintgħażel, minħabba li d-data finanzjarja ta' kumpanija li tagħmel it-telf ma jkollhomx l-element ta' profitt, li għandu jiġi sostitwit. Billi ma sabet l-ebda produttur ieħor tal-prodott taħt rieżami b'data finanzjarja disponibbli għall-pubbliku fl-Afrika t'Isfel, il-Kummissjoni qieset li dan il-pajjiż mhuwiex xieraq bħala pajjiż rappreżentattiv. |
(102) |
Fil-kummenti tiegħu għan-Nota tat-3 ta' Lulju 2018, l-applikant sostna li l-Kummissjoni rrifjutat b'mod skorrett lill-Afrika t'Isfel bħala pajjiż rappreżentattiv, minħabba li l-fatt li l-produttur tal-prodott taħt rieżami kien qed jagħmel it-telf matul sena partikolari ma setax ikun fattur deċiżiv fl-għażla ta' pajjiż rappreżentattiv. |
(103) |
Billi l-Kummissjoni kellha għażla wiesgħa sabiex tagħżel pajjiż rappreżentattiv, hija ddeċidiet li tagħżel pajjiż fejn ammont raġonevoli għall-kostijiet amministrattivi, tal-bejgħ u ġenerali (“SG&A”) u għall-profitti jistgħu jinkisbu mid-data disponibbli għall-pubbliku ta' kumpanija f'dak il-pajjiż f'konformità mal-aħħar paragrafu tal-Artikolu 2(6a)(a) tar-Regolament bażiku. |
(104) |
Għalhekk, il-fatt li ArcelorMittal South Africa kienet qed tagħmel it-telf kien fattur deċiżiv fil-valutazzjoni tal-Kummissjoni dwar l-għażla tal-pajjiż rappreżentattiv u t-talba tal-applikant ġiet irrifjutata. |
(105) |
Fir-rigward tal-Malasja, id-data finanzjarja kienet disponibbli għall-pubbliku għal CSC Steel Holdings Berhad, sussidjarja tal-kumpanija Tajwaniża China Steel Corporation. CSC Steel Holdings Berhad ipproduċiet il-prodott taħt rieżami u kienet qed tagħmel profitt matul il-perjodu ta' investigazzjoni tar-rieżami. |
(106) |
L-applikant sostna li d-dipendenza fuq data disponibbli għall-pubbliku minn kumpaniji bi sjieda barranija tista' twassal għal data mhux affidabbli. Il-Kummissjoni qieset li l-analiżi tal-affidabbiltà tad-data disponibbli għall-pubbliku għandha ssir fuq bażi ta' każ b'każ. Fil-każ inkwistjoni, ma kien hemm l-ebda evidenza għad-dispożizzjoni tal-Kummissjoni jew li ġiet sottomessa mill-applikant li tiġġustifika li tiġi injorata d-data finanzjarja ta' CSC Steel Holdings Berhard. Konsegwentement, dik l-affermazzjoni ġiet miċħuda. |
(107) |
Għall-Messiku, il-Kummissjoni sabet data disponibbli għall-pubbliku għall-grupp Ternium, b'mod partikolari r-Rapport Annwali tiegħu għall-2017. Dak il-grupp huwa produttur tal-prodott taħt rieżami fil-Messiku, u l-Messiku jirrappreżenta aktar minn 55 % f'termini tal-bejgħ ikkonsolidat tiegħu, li huwa rrapportat separatament minn reġjuni ġeografiċi oħrajn. Barra minn hekk, il-grupp Ternium kien qed jagħmel profitt matul il-perjodu ta' investigazzjoni tar-rieżami. |
(108) |
Konsegwentement, il-Kummissjoni qieset li l-għażla finali tal-pajjiż rappreżentattiv kienet bejn il-Malasja u l-Messiku. |
(109) |
Fil-kummenti tiegħu, l-applikant irrefera għall-prattika tal-Istati Uniti li jużaw basket ta' kumpaniji “attivi fis-settur tal-metall”, bħall-produtturi tal-aluminju. Madankollu, il-Kummissjoni tat il-preferenza tagħha kull meta possibbli għal data disponibbli għall-pubbliku ta' kumpaniji li fil-fatt jipproduċu l-prodott taħt rieżami. Huwa biss jekk ma jkunx hemm tali produzzjoni jew fatturi oħrajn li jrendu mhux xieraq l-użu ta' kumpaniji li jipproduċu l-prodott taħt rieżami fi kwalunkwe pajjiż b'livell ta' żvilupp ekonomiku simili li l-Kummissjoni tikkunsidra alternattivi xierqa oħrajn. Fil-każ inkwistjoni, dan ma kienx neċessarju minħabba li hemm produtturi attwali tal-OCS b'data disponibbli għall-pubbliku. Konsegwentement, din l-affermazzjoni ġiet miċħuda. |
3.2.3.4. Il-livell ta' protezzjoni soċjali u ambjentali
(110) |
Wara li stabbilixxiet li kien hemm żewġ pajjiżi possibbli addattati sabiex jintgħażlu bħala rappreżentattivi, jiġifieri l-Messiku u l-Malasja, il-Kummissjoni vvalutat il-livell ta' protezzjoni soċjali u ambjentali tagħhom sabiex tagħżel dak ippreferut skont l-ewwel inċiż tal-aħħar sentenza tal-Artikolu 2(6a)(a) tar-Regolament bażiku. |
(111) |
Il-Kummissjoni stabbilixxiet li l-Malasja waqgħet lura f'dak li għandu x'jaqsam mal-konformità mal-istandards tax-xogħol internazzjonali rilevanti u r-ratifika tal-konvenzjonijiet tal-ILO msemmija fl-Anness Ia tar-Regolament bażiku. B'mod partikolari, il-Malasja ma rratifikatx tlieta mit-tmien konvenzjonijiet ewlenin tal-ILO (dwar il-libertà ta' assoċjazzjoni, dwar l-abolizzjoni tax-xogħol furzat u dwar in-nondiskriminazzjoni). Barra minn hekk, il-Malasja ffirmat iżda ma rratifikatx wieħed mill-ftehimiet ambjentali ewlenin (79). |
(112) |
B'kuntrast ma' dan, il-Messiku għandu livell ogħla ta' konformità mal-istandards tax-xogħol tal-ILO, minħabba li huwa rratifika l-konvenzjonijiet ewlenin kollha, għajr għall-Konvenzjoni dwar id-Dritt ta' Organizzazzjoni u ta' Negozjar Kollettiv. Barra minn hekk, huwa ffirma u rratifika l-konvenzjonijiet ambjentali ewlenin kollha. |
3.2.3.5. Konklużjoni
(113) |
Fid-dawl tal-analiżi ta' hawn fuq, il-Messiku ssodisfa l-kriterji kollha stipulati fl-ewwel inċiż tal-Artikolu 2(6a)(a) tar-Regolament bażiku sabiex ikun jista' jitqies bħala pajjiż rappreżentattiv xieraq. B'mod partikolari, il-Messiku għandu produzzjoni sostanzjali tal-prodott taħt rieżami u sett komplut ta' data disponibbli għall-fatturi kollha tal-produzzjoni, l-ispejjeż ġenerali tal-manifattura, l-SG&A u l-profitt. Barra minn hekk, il-Messiku għandu livell ogħla ta' protezzjoni soċjali u ambjentali. |
3.2.4. Spejjeż ġenerali tal-manifattura, SG&A u profitti
(114) |
Fin-Nota tat-3 ta' Lulju 2018, il-Kummissjoni għarrfet lill-partijiet interessati li, għall-kostruzzjoni tal-valur normali, ser tinkludi l-kostijiet u l-profitti ta' SG&A mill-kumpanija Ternium SA Mexico, skont ir-raba' paragrafu tal-Artikolu 2(6a)(a) tar-Regolament bażiku. Barra minn hekk, il-Kummissjoni ser tinkludi mill-istess kumpanija valur għall-ispejjeż ġenerali tal-manifattura sabiex tkopri l-kostijiet mhux inklużi fil-fatturi tal-produzzjoni msemmija hawn fuq. |
(115) |
Fil-kummenti tiegħu għan-Nota tat-3 ta' Lulju 2018, l-applikant sostna li huwa preferibbli li tintuża d-data mhux ikkonsolidata ta' ArcelorMittal South Africa (kumpanija lokali) minflok id-data kkonsolidata tal-grupp Ternium (grupp globali) li l-produzzjoni tiegħu fil-Messiku tirrappreżenta aktar minn 55 % tal-bejgħ ikkonsolidat. L-argument kien ibbażat fuq l-osservazzjoni li d-data mhux ikkonsolidata tirrappreżenta r-riżultati tal-kumpanija lokali u mhux tal-grupp globali u, bħala tali, allegatament tirrifletti aħjar l-ispiża ġenerali fissa tal-manifattura, l-SG&A u l-profitt tal-pajjiż rappreżentattiv. Madankollu, billi d-data minn ArcelorMittal South Africa ma setgħetx tintuża, minħabba li din il-kumpanija qed tagħmel it-telf, dik l-affermazzjoni saret mingħajr argument u, għalhekk, ġiet irrifjutata. |
(116) |
Fil-kummenti tiegħu għan-Nota tat-3 ta' Lulju 2018, l-applikant sostna wkoll li, għalkemm il-Messiku huwa pajjiż rappreżentattiv xieraq, Ternium S.A. Mexico hija parti minn kumpanija internazzjonali, il-grupp Ternium, li d-data finanzjarja tagħha tirrifletti l-operazzjonijiet f'pajjiżi b'livell differenti ta' żvilupp ekonomiku. |
(117) |
Irrispettivament mill-fatt li l-grupp Ternium huwa kumpanija internazzjonali, il-Kummissjoni kkonkludiet li d-data disponibbli għall-pubbliku ta' Ternium S.A. Mexico kienet speċifika biżżejjed għall-produzzjoni tal-prodott taħt rieżami fil-Messiku u, għalhekk, irrifjutat dik l-affermazzjoni. Fid-dawl tal-analiżi fit-Taqsima 3.2.3, il-Kummissjoni ddeċidiet li tuża d-data finanzjarja minn Ternium S.A. Mexico, li hija disponibbli għall-2017, u b'hekk tkopri l-perjodu ta' investigazzjoni tar-rieżami. |
3.2.5. Sorsi użati sabiex jiġu stabbiliti l-kostijiet mingħajr distorsjoni
(118) |
Fin-Nota tat-3 ta' Lulju 2018, il-Kummissjoni ddikjarat li, sabiex tibni l-valur normali skont l-Artikolu 2(6a)(a) tar-Regolament bażiku, hija tuża l-Atlas tal-Kummerċ Globali (“GTA”) sabiex tistabbilixxi l-kost mingħajr distorsjoni tal-biċċa l-kbira tal-fatturi tal-produzzjoni. Il-Kummissjoni użat Doing Business 2018 għall-kostijiet tal-elettriku, statistika nazzjonali dwar il-gass naturali, il-Kodiċi Fiskali tad-Distrett Federali għall-kostijiet tal-ilma u d-data finanzjarja minn Ternium S.A. Mexico sabiex tistabbilixxi l-kostijiet ta' SG&A, profitti u spejjeż ġenerali. |
3.2.6. Fatturi tal-produzzjoni
(119) |
Kif diġà ddikjarat fil-Premessa (23), fin-Nota tat-13 ta' April 2018, il-Kummissjoni fittxet li tistabbilixxi lista inizjali ta' fatturi ta' produzzjoni u sorsi maħsuba sabiex jintużaw għall-fatturi kollha tal-produzzjoni, bħal materjali, l-enerġija u x-xogħol użati fil-produzzjoni tal-prodott taħt rieżami mill-produttur esportatur li jikkoopera. |
(120) |
Fin-nuqqas ta' kooperazzjoni mill-produtturi esportaturi Ċiniżi, il-Kummissjoni bbażat ruħha fuq l-applikant sabiex tispeċifika l-fatturi tal-produzzjoni użati fil-produzzjoni tal-OCS. Tabilħaqq, abbażi tal-informazzjoni disponibbli għall-pubbliku fuq is-sit web tal-produtturi tal-OCS Ċiniżi, il-proċess tal-produzzjoni tagħhom u l-materjali użati minnhom jidhru li huma identiċi għal dawk ipprovduti mill-applikant. |
(121) |
Il-punt tat-tluq fil-proċess tal-produzzjoni intgħażel bħala s-sottostrat jew il-koljatur tal-bażi, minħabba li l-proċess tal-produzzjoni tal-applikant beda minn dik il-bażi. Barra minn hekk, abbażi tal-informazzjoni miksuba fl-investigazzjoni inizjali bħala l-aqwa evidenza disponibbli, il-Kummissjoni stabbilixxiet li l-produtturi esportaturi bdew ukoll il-produzzjoni tal-OCS abbażi tas-sottostrat. Tabilħaqq, fil-każ oriġinali, l-ebda produttur integrat ma kkoopera. |
(122) |
Fin-nuqqas ta' kooperazzjoni, il-Kummissjoni ma kellhiex kodiċijiet tariffarji aktar dettaljati mill-kodiċijiet HS b'6 ċifri pprovduti mill-applikant. Il-kodiċijiet HS qablu għal kollox mal-kodiċijiet tat-tariffi Messikani. |
(123) |
Meta titqies l-informazzjoni kollha sottomessa mill-applikant, ġew identifikati l-fatturi ta' produzzjoni u l-kodiċijiet HS li ġejjin, fejn applikabbli: Tabella 1
|
3.2.6.1. Materjali
(124) |
L-applikant ikkonferma li l-koljatur tal-azzar galvanizzat f'banju sħun jintuża b'mod predominanti bħala s-sottostrat għall-aktar tip rappreżentattiv tal-prodott taħt rieżami. Għalhekk, fin-nuqqas ta' kooperazzjoni mill-produtturi esportaturi u ta' kummenti mill-partijiet interessati, il-Kummissjoni ma ġabritx data dwar sottostrati possibbli oħrajn, bħal koljatur tal-azzar illaminat bis-sħana jew koljatur tal-azzar illaminat bil-kesħa. |
(125) |
Fir-rigward ta' kisja metallika, l-applikant ikkonferma li l-użu ta' kisja taż-żingu jipprevali. Għalhekk, fin-nuqqas ta' kooperazzjoni mill-produtturi esportaturi u ta' kummenti mill-partijiet interessati, il-Kummissjoni ma sabitx li huwa meħtieġ li tinġabar data dwar kisja metallika permezz tal-aluminju. |
(126) |
Għandu jiġi nnotat li s-sottostrat koljatur tal-azzar galvanizzat f'banju sħun jinkludi l-kisja metallika permezz ta' żingu jew ligi taż-żingu. Id-data dwar l-użu ta' kisja metallika nġabret biss sabiex tippermetti aġġustamenti fil-kalkolu tal-valur normali bbażat fuq volumi differenti ta' żingu jew ligi taż-żingu użati għal kisja metallika tad-diversi tipi ta' prodotti. |
(127) |
Ir-rekords tal-applikant ma kinux jippermettu li jiġi ddeterminat il-konsum tal-awżiljarji għal kull unità tal-prodott taħt rieżami. L-applikant ittratta l-awżiljarji bħala spejjeż ġenerali tal-manifattura. Għalhekk, fin-nuqqas ta' din l-informazzjoni, il-Kummissjoni ma setgħetx tistabbilixxi proporzjonijiet ta' użu u valuri mingħajr distorsjoni għall-awżiljarji użati. Madankollu, il-Kummissjoni stabbilixxiet li l-awżiljarji kollha meħuda flimkien kienu jammontaw għal proporzjon insinifikanti ta' kostijiet tal-manifattura għal kull tunnellata ta' prodott lest. Sabiex tikkunsidra kif suppost dawn il-kostijiet fil-kalkolu tal-valur normali mibni, il-Kummissjoni żiedet il-kostijiet mingħajr distorsjoni tal-manifattura (li jkopru l-materjali, ix-xogħol, l-enerġija u l-ilma) mill-Messiku b'perċentwal ugwali għas-sehem tal-awżiljarji fuq il-kostijiet tal-manifattura pprovduti mill-applikant. Il-Kummissjoni kienet tal-fehma li dan il-metodu kien jirrifletti b'mod adegwat is-sehem tal-awżiljarji fil-kostijiet totali tal-manifattura fil-valur normali mibni. |
(128) |
L-applikant ma rrapporta l-ebda użu ta' LPG, idroġenu jew nitroġenu. Għalhekk, dawn il-fatturi ta' produzzjoni identifikati oriġinarjament ma ntużawx għall-bini tal-valur normali. |
(129) |
L-applikant irrapporta wkoll li għandu jiġi kkunsidrat ir-ruttam prodott fil-proċess tal-produzzjoni ta' OCS. Sabiex isir dan, kien meħtieġ li jiġu identifikati n-natura tar-ruttam u l-kodiċi HS korrispondenti. F'dan il-każ, ġie identifikat ruttam ta' azzar galvanizzat (ara t-Tabella fil-Premessa (123)). |
(130) |
Għall-materjali u r-ruttam kollha, fin-nuqqas ta' kwalunkwe informazzjoni dwar is-suq Messikan, il-Kummissjoni bbażat ruħha fuq il-prezzijiet tal-importazzjoni. Prezz tal-importazzjoni fil-pajjiż rappreżentattiv ġie ddeterminat bħala medja ponderata tal-prezzijiet unitarji tal-importazzjonijiet mill-pajjiżi terzi kollha minbarra r-RPĊ. Il-Kummissjoni ddeċidiet li teskludi l-importazzjonijiet mir-RPĊ fil-pajjiż rappreżentattiv, hekk kif hija kkonkludiet fil-Premessa (92) li fil-każ preżenti mhuwiex xieraq li jintużaw prezzijiet u kostijiet domestiċi fir-RPĊ minħabba l-eżistenza ta' distorsjonijiet sinifikanti f'konformità mal-Artikolu 2(6a)(b). Abbażi tal-evidenza disponibbli, u fin-nuqqas ta' kwalunkwe konfutazzjoni mill-partijiet interessati, il-Kummissjoni kienet tal-fehma li l-istess distorsjonijiet affettwaw il-prezzijiet tal-esportazzjoni. Wara li ġiet eskluża r-RPĊ, l-importazzjonijiet minn pajjiżi terzi oħrajn baqgħu rappreżentattivi, li jvarjaw minn 94 % sa 100 % tal-volumi totali importati lejn il-Messiku. |
(131) |
Sabiex tistabbilixxi l-prezz mingħajr distorsjoni tal-materjali mwasslin sal-bieb tal-fabbrika tal-produttur esportatur, kif stabbilit mill-ewwel inċiż tal-Artikolu 2(6a)(a), il-Kummissjoni applikat dazju tal-importazzjoni tal-pajjiż rappreżentattiv, jiġifieri l-Messiku, għall-prezz tal-importazzjoni, u żiedet il-kostijiet tat-trasport domestiku. Fin-nuqqas ta' kooperazzjoni mill-produtturi esportaturi, il-Kummissjoni bbażat ruħha fuq l-informazzjoni dwar il-kostijiet tat-trasport domestiku pprovduti mill-applikant. |
3.2.6.2. Ix-xogħol
(132) |
L-istatistika tal-ILO pprovdiet informazzjoni dwar il-pagi ta' kull xahar fis-settur tal-manifattura u s-sigħat ta' kull ġimgħa maħduma fil-Messiku għall-perjodu ta' investigazzjoni tar-rieżami. L-applikant sostna li d-data disponibbli għall-Afrika t'Isfel tista' tiġi aġġustata għall-inflazzjoni billi jintuża l-Indiċi tal-Prezz tal-Konsumaturi jew l-indiċijiet għall-kostijiet tax-xogħol fis-settur tal-manifattura ppubblikati mill-Bank ta' Riserva tal-Afrika t'Isfel. Madankollu, billi l-Kummissjoni ddeċidiet li tuża l-Messiku bħala l-pajjiż rappreżentattiv xieraq li għalih hija disponibbli din id-data, din l-affermazzjoni saret dibattibbli. |
3.2.6.3. Elettriku
(133) |
Il-prezz tal-elettriku kien faċilment disponibbli fir-rapport Doing business 2018. Dan ir-rapport uża metodoloġija standardizzata sabiex jidentifika l-prezz ta' kWh fil-Messiku. |
(134) |
B'mod alternattiv, il-Kummissjoni kkunsidrat li tuża t-tariffi tal-elettriku ppubblikati mill-produtturi u d-distributuri tal-elettriku fil-Messiku. Fil-Messiku, CFE (Comisión Federal de Electricidad), kumpanija tal-Istat, hija l-fornitur dominanti tal-elettriku. |
(135) |
L-applikant sostna li l-kostijiet tal-elettriku kkwotati f'Doing Business 2018 jidhru artifiċjalment baxxi meta mqabbla mal-biċċa l-kbira tal-pajjiżi u, għalhekk, ippropona li jintużaw ir-rati fiż-żona fejn ġie manifatturat il-prodott taħt rieżami, filwaqt li kkunsidra l-aġġustamenti possibbli għall-kanal tal-provvista, imposti speċifiċi u l-VAT. |
(136) |
L-applikant naqas milli jipprovdi biżżejjed evidenza li turi li tali aġġustamenti għall-VAT, imposti speċifiċi u l-kanali tal-provvista huma tabilħaqq meħtieġa u applikabbli għall-produtturi esportaturi Ċiniżi. Konsegwentement, il-Kummissjoni rrifjutat din l-affermazzjoni u ddeċidiet li tuża l-aktar data komprensiva u mhux ambigwa mir-rapport Doing business 2018. |
3.2.6.4. Gass naturali
(137) |
Il-prezz tal-gass naturali fil-Messiku huwa disponibbli fil-bażi ta' data statistika miżmuma mill-Kummissjoni għar-Regolament dwar l-Enerġija (Comisión Reguladora de Energía). Id-data pprovduta tkopri x-xhur minn Lulju sa Diċembru 2017. |
(138) |
L-applikant sostna li, għall-Afrika t'Isfel, jista' jintuża l-prezz tal-importazzjoni għal kull tunnellata ta' gass naturali likwifikat (kodiċi HS 2711 11) meħud mill-bażi tad-data tal-GTA u, sussegwentement, jiġi kkonvertit għal prezz għal kull gigajoule. Billi l-Kummissjoni ddeċidiet li tuża l-Messiku bħala l-pajjiż rappreżentattiv li għalih hija disponibbli din id-data, hija rrifjutat dik l-affermazzjoni. |
3.2.6.5. Arja kkompressata
(139) |
Minbarra l-fatturi tal-produzzjoni identifikati fin-Nota tat-13 ta' April 2018, l-applikant għarraf lill-Kummissjoni li l-arja kkompressata qed tintuża fil-produzzjoni tal-prodott taħt rieżami. L-arja kkompressata qed tinxtara fil-forma ta' arja likwida. |
(140) |
Il-Kummissjoni ddeterminat li l-kodiċi HS xieraq għall-arja likwida huwa 2853 90. Madankollu, il-kodiċi HS ikopri għadd ta' sustanzi kimiċi oħrajn. L-iskeda ta' tariffi nazzjonali tal-Messiku tissuġġerixxi li ma hemmx aktar klassifikazzjoni dettaljata. Għalhekk, id-data miksuba mill-bażi ta' data tal-GTA jkun fiha importazzjonijiet ta' komposti inorganiċi oħrajn (inklużi ilma distillat jew ta' konduttività u ilma ta' purità simili) u amalgami, minbarra amalgami ta' metalli prezzjużi. |
(141) |
Għar-raġunijiet deskritti fil-Premessa preċedenti, il-Kummissjoni qieset li l-użu tal-bażi ta' data tal-GTA mhuwiex xieraq. Għandu jiġi nnotat li l-arja kkompressata kienet tammonta għal proporzjon insinifikanti ta' kostijiet tal-manifattura għal kull tunnellata ta' prodott lest. Sabiex tikkunsidra dawk il-kostijiet fil-kalkolu tal-valur normali mingħajr distorsjoni, il-Kummissjoni żiedet il-kostijiet mingħajr distorsjoni tal-manifattura (li jkopru l-materjali, ix-xogħol, l-enerġija u l-ilma) b'perċentwal ugwali għas-sehem tal-arja kkompressata fuq il-kostijiet tal-manifattura pprovduti mill-applikant. Il-Kummissjoni kkunsidrat li dan il-metodu kien jirrifletti b'mod adegwat is-sehem tal-arja kkompressata fil-kostijiet totali tal-manifattura fil-valur normali mibni. |
3.2.6.6. Ilma
(142) |
Fil-Messiku, it-tariffi fuq l-ilma jiġu deċiżi fil-livell muniċipali. Barra minn hekk, CONAGUA (Comisión Nacional del Agua), l-awtorità governattiva għar-regolamentazzjoni tal-ilma fil-Messiku, tippubblika statistika dwar l-ilma fil-Messiku, li tipprovdi wkoll ħarsa ġenerali lejn il-prezz tal-ilma għall-użu industrijali fil-muniċipalitajiet magħżula. Madankollu, l-aktar edizzjoni riċenti hija mill-2016 u tkopri s-sena 2015. |
(143) |
Konsegwentement, sabiex tuża l-prezzijiet applikabbli matul il-perjodu ta' investigazzjoni tar-rieżami, il-Kummissjoni użat it-tariffi fuq l-ilma ta' Mexico City. Huma kienu faċilment disponibbli fil-Kodiċi Fiskali tad-Distrett Federali kif emendat f'Diċembru 2016 u kienu applikabbli mill-1 ta' Jannar 2017. |
3.2.6.7. Kalkoli
(144) |
Sabiex tistabbilixxi l-valur normali mibni, il-Kummissjoni segwiet iż-żewġ passi li ġejjin. |
(145) |
L-ewwel nett, il-Kummissjoni stabbilixxiet il-kostijiet tal-manifattura mingħajr distorsjoni. Fin-nuqqas ta' kooperazzjoni mill-produtturi esportaturi, il-Kummissjoni mbagħad immultiplikat il-fatturi tal-użu kif osservati fil-livell tal-proċess ta' produzzjoni tal-applikant għall-materjali, ix-xogħol, l-enerġija u l-ilma bil-kostijiet mingħajr distorsjoni għal kull unità osservata fil-pajjiż rappreżentattiv, jiġifieri l-Messiku. Barra minn hekk, għal dawk il-fatturi tal-produzzjoni li għalihom ma ġewx ipprovduti fatturi tal-użu preċiżi mill-applikant (b'mod partikolari, makkinarju awżiljarju u arja kkompressata), il-Kummissjoni applikat perċentwal ugwali għas-sehem ta' dawk il-fatturi tal-produzzjoni fuq il-kostijiet tal-manifattura rrapportati mill-applikant għall-kostijiet diretti tal-manifattura mingħajr distorsjoni. |
(146) |
It-tieni, għall-kostijiet tal-manifattura identifikati hawn fuq, il-Kummissjoni applikat l-ispejjeż ġenerali, l-SG&A u l-profitti tal-manifattura ta' Ternium S.A. Mexico. Dawn ġew identifikati abbażi tar-rapport annwali ta' Ternium S.A. Mexico tal-2017 u ġew espressi bħala l-perċentwali li ġejjin: |
(147) |
L-ispejjeż ġenerali tal-manifattura (80) ta' 14,12 % applikati għall-kostijiet tal-manifattura (li jkopru l-konsum tal-materjali, ix-xogħol, l-enerġija u l-ilma); |
(148) |
SG&A (81) ta' 12,56 % applikati għas-somma tal-kostijiet tal-manifattura u l-ispejjeż ġenerali tal-manifattura; |
(149) |
Profitt (82) ta' 15,09 % applikat għas-somma tal-kostijiet tal-manifattura, l-ispejjeż ġenerali tal-manifattura u l-SG&A. |
(150) |
Abbażi ta' dan, il-Kummissjoni bniet il-valur normali għal kull tip ta' prodott fuq bażi ex-works f'konformità mal-Artikolu 2(6a)(a) tar-Regolament bażiku. Minħabba l-fatt li l-ebda produttur esportatur ma kkoopera, il-valur normali ġie stabbilit fuq bażi tal-pajjiż kollu u mhux għal kull esportatur u produttur separatament. |
3.2.7. Prezz tal-esportazzjoni
(151) |
Fin-nuqqas ta' kooperazzjoni tal-produtturi esportaturi Ċiniżi, il-prezz tal-esportazzjoni ġie ddeterminat abbażi tad-data CIF tal-Eurostat ikkoreġuta għal-livell ex-works. |
3.2.8. Tqabbil u marġini tad-dumping
(152) |
Il-Kummissjoni qabblet il-valur normali mibni f'konformità mal-Artikolu 2(6a)(a) tar-Regolament bażiku mal-prezz tal-esportazzjoni fuq bażi ex-works. |
3.2.9. Konklużjoni
(153) |
Abbażi ta' dan, il-marġini ta' dumping medju ponderat, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, kien ta' 134 %. |
(154) |
Għalhekk, il-Kummissjoni kkonkludiet li d-dumping kompla matul il-perjodu ta' investigazzjoni tar-rieżami. |
3.3. Il-probabbiltà tar-rikorrenza ta' dumping mir-RPĊ
(155) |
Kif ġie stabbilit hawn fuq, instab li l-importazzjonijiet ta' OCS mir-RPĊ kienu soġġetti għal dumping matul il-perjodu ta' investigazzjoni tar-rieżami, iżda l-livell ta' importazzjonijiet kien relattivament limitat. Għall-fini tal-kompletezza, il-Kummissjoni investigat ukoll il-probabbiltà ta' rikorrenza ta' dumping jekk jitħassru l-miżuri. Ġew analizzati l-elementi addizzjonali li ġejjin: il-kapaċità tal-produzzjoni u l-kapaċità żejda fir-RPĊ, l-imġiba tal-ipprezzar tal-produtturi esportaturi fir-RPĊ fi swieq oħrajn, id-disponibbiltà ta' swieq oħrajn u l-attraenza tas-suq tal-Unjoni. |
3.3.1. Esportazzjonijiet lejn pajjiżi terzi
(156) |
Matul il-perjodu ta' investigazzjoni tar-rieżami, il-volum tal-importazzjonijiet ta' OCS mir-RPĊ lejn l-Unjoni, għalkemm meqjus bħala rappreżentattiv kif konkluż fil-Premessa (36), kien pjuttost żgħir (madwar 0,1 % tal-konsum totali tal-Unjoni). Għalhekk, il-Kummissjoni ddeċidiet li tanalizza wkoll id-data li tikkonċerna l-bejgħ ta' OCS mir-RPĊ lejn pajjiżi terzi sabiex tikkonferma s-sejba tagħha ta' kontinwazzjoni ta' dumping. Il-kalkoli tad-dumping saru bl-użu tal-prezzijiet għall-bejgħ lil pajjiżi terzi, abbażi tal-istatistika Ċiniża dwar l-esportazzjoni. |
3.3.1.1. Valur normali
(157) |
Il-valur normali sabiex jiġi vvalutat id-dumping mir-RPĊ lejn pajjiżi terzi segwa l-Premessi (37) sa (150). |
3.3.1.2. Prezz tal-esportazzjoni
(158) |
Billi ma kienx hemm kooperazzjoni mill-produtturi Ċiniżi, il-prezz tal-esportazzjoni lejn pajjiżi terzi kien ibbażat fuq id-data mill-bażi ta' data dwar l-esportazzjoni miċ-Ċina kif ipprovduta mill-applikant. Minn din id-data ppreżentata fil-livell tal-FOB fil-bażi ta' data, il-Kummissjoni naqqset il-kostijiet tal-immaniġġjar fil-portijiet u l-kostijiet tat-trasport domestiku fiċ-Ċina kif stmati mill-applikant sabiex jikkalkula l-prezz tal-esportazzjoni fil-livell ex-works. |
3.3.1.3. Tqabbil
(159) |
Il-Kummissjoni qabblet il-valur normali mibni u l-prezz tal-esportazzjoni lejn pajjiżi barra l-Unjoni fuq bażi ex-works. |
3.3.1.4. Marġini tad-dumping
(160) |
It-tqabbil ta' hawn fuq wera marġini ta' dumping mal-pajjiż kollu għall-esportazzjonijiet lejn il-pajjiżi terzi kollha (minbarra l-Unjoni) ta' 118 %, bil-marġini ta' dumping mal-pajjiż kollu għall-esportazzjoni lejn l-aktar ħames swieq esportaturi importanti (l-Indja, il-Filippini, il-Federazzjoni Russa, il-Korea t'Isfel u l-Vjetnam) kien ivarja minn 112 % sa 160 %. Dan ikkonferma wkoll li l-marġini ta' dumping iddeterminat għall-esportazzjonijiet lejn l-Unjoni kien raġonevoli minkejja l-volumi baxxi ħafna tal-bejgħ. |
3.3.2. Il-kapaċità tal-produzzjoni u l-kapaċità żejda fir-RPĊ
(161) |
Minħabba n-nuqqas ta' kooperazzjoni, il-kapaċità tal-produzzjoni u l-kapaċità żejda fir-RPĊ ġew stabbiliti fuq il-bażi tal-fatti disponibbli u, b'mod partikolari, fuq l-informazzjoni pprovduta mill-applikant, f'konformità mal-Artikolu 18 tar-Regolament bażiku. |
(162) |
Il-kapaċità tal-produzzjoni fir-RPĊ qabżet sostanzjalment il-volumi tal-produzzjoni attwali. Skont l-Assoċjazzjoni taċ-Ċina għall-Ħadid u l-Azzar (CISA), il-kapaċità tal-produzzjoni tal-azzar miksi bil-kulur kienet tammonta għal 40 miljun tunnellata fl-2013. Bil-volumi tal-produzzjoni fil-livell ta' 7,5 miljun tunnellata, l-użu tal-kapaċità laħaq madwar 20 % biss. Jekk il-miżuri jitħassru, il-produtturi Ċiniżi għandhom kapaċità żejda suffiċjenti stmata għal 32,5 miljun tunnellata sabiex jgħarrqu s-suq tal-Unjoni, fejn il-konsum huwa ta' 4,5 miljun tunnellata, bl-OCS soġġett għal dumping. |
(163) |
Abbażi ta' dak li ntqal hawn fuq, il-Kummissjoni kkonkludiet li l-produtturi esportaturi Ċiniżi għandhom kapaċità żejda sinifikanti li huma jistgħu jużaw sabiex jipproduċu l-OCS għall-esportazzjoni lejn is-suq tal-Unjoni jekk il-miżuri jitħassru. |
3.3.3. Id-disponibbiltà ta' swieq oħrajn
(164) |
Hemm fis-seħħ miżuri għad-difiża tal-kummerċ kontra l-esportazzjonijiet Ċiniżi ta' OCS fl-Indja, fil-Malasja, fil-Pakistan, fit-Turkija u fil-Vjetnam, li juru l-istess tip ta' mġiba tal-ipprezzar kif osservata għall-esportazzjonijiet Ċiniżi lejn l-Unjoni. |
(165) |
Għalhekk, il-Kummissjoni kkonkludiet li, jekk il-miżuri attwali jitħassru, huwa probabbli li l-produtturi esportaturi Ċiniżi jirridirezzjonaw l-esportazzjonijiet lejn l-Unjoni bi prezzijiet oġġett ta' dumping. |
3.3.4. L-attraenza tas-suq tal-Unjoni
(166) |
Matul il-perjodu ta' investigazzjoni tar-rieżami, il-prezz tal-bejgħ tal-Unjoni kien b'bejn EUR 194 u EUR 338 għal kull tunnellata ta' OCS (jew b'bejn 28 % u 59 %) ogħla mill-prezz tal-esportazzjoni miċ-Ċina fil-livell ta' CIF lejn il-ħames swieq ewlenin tal-esportazzjoni kif deskritt fil-Premessa (160). Huwa kien ukoll b'bejn EUR 211 u EUR 226 għal kull tunnellata ta' OCS (jew b'bejn 31 % u 33 %) ogħla mill-prezz medju tal-esportazzjoni miċ-Ċina fil-livell ta' CIF lejn il-pajjiżi terzi kollha (minbarra l-Unjoni). L-esportazzjonijiet Ċiniżi lejn l-aktar ħames swieq tal-esportazzjoni importanti ammontaw għal 48 % tal-konsum tal-Unjoni fil-perjodu ta' investigazzjoni tar-rieżami. |
(167) |
Konsegwentement, jekk il-miżuri jitħassru, il-produtturi esportaturi Ċiniżi jistgħu potenzjalment jirridirezzjonaw l-esportazzjonijiet ta' volumi sostanzjali ta' OCS minn pajjiżi terzi lejn is-suq tal-Unjoni. |
3.3.5. Konklużjoni dwar il-probabbiltà tar-rikorrenza ta' dumping
(168) |
Fid-dawl ta' dak li ntqal hawn fuq, il-Kummissjoni kkonkludiet ukoll li, irrispettivament minn jekk kienx hemm dumping matul il-perjodu ta' investigazzjoni tar-rieżami, hemm probabbiltà qawwija ta' rikorrenza tad-dumping jekk il-miżuri jiskadu. |
3.4. Konklużjonijiet ġenerali dwar il-probabbiltà ta' kontinwazzjoni jew ta' rikorrenza tad-dumping
(169) |
L-investigazzjoni wriet li, matul il-perjodu ta' investigazzjoni tar-rieżami, l-importazzjonijiet Ċiniżi komplew jidħlu fis-suq tal-Unjoni bi prezzijiet li huma l-oġġett ta' dumping. Minkejja l-volumi baxxi ta' importazzjoni, il-marġnijiet ta' dumping misjuba jikkorrespondu għal dawk osservati meta jiġu eżaminati l-esportazzjonijiet taċ-Ċina lejn pajjiżi terzi. Fid-dawl tal-elementi eżaminati fit-Taqsimiet 3.3.2 sa 3.3.4, il-Kummissjoni kkonkludiet li huwa probabbli ħafna li l-produtturi Ċiniżi jesportaw kwantitajiet sinifikanti ta' OCS lejn l-Unjoni bi prezzijiet li huma l-oġġett ta' dumping, jekk il-miżuri jiskadu. B'hekk, hemm evidenza ta' probabbiltà ta' kontinwazzjoni ta' dumping. |
(170) |
Fi kwalunkwe każ, sussidjarjament, il-Kummissjoni sabet ukoll li kien hemm evidenza ta' probabbiltà ta' rikorrenza ta' dumping jekk il-miżuri jiskadu. Il-kapaċità żejda fir-RPĊ kienet sinifikanti ħafna meta mqabbla mal-konsum tal-Unjoni matul il-perjodu ta' investigazzjoni tar-rieżami. Barra minn hekk, swieq oħrajn kellhom fis-seħħ miżuri anti-dumping applikabbli għal importazzjonijiet tal-prodott taħt rieżami mir-RPĊ. Din l-imġiba tal-ipprezzar tal-produtturi esportaturi Ċiniżi fi swieq terzi tappoġġja l-probabbiltà ta' kontinwazzjoni ta' dumping lejn l-Unjoni, jekk il-miżuri jitħallew jiskadu. Fl-aħħar nett, l-attraenza tas-suq tal-Unjoni f'termini tad-daqs u l-prezzijiet, u l-fatt li swieq oħrajn għadhom magħluqin minħabba miżuri anti-dumping, indikaw li huwa probabbli li l-esportazzjonijiet Ċiniżi u l-kapaċità żejda jkunu diretti lejn is-suq tal-Unjoni, jekk il-miżuri jitħallew jiskadu. Konsegwentement, il-Kummissjoni kkonkludiet li kien hemm probabbiltà qawwija li t-tħassir tal-miżuri anti-dumping jirriżulta f'żieda fl-esportazzjonijiet ta' OCS mir-RPĊ lejn l-Unjoni bi prezzijiet li huma l-oġġett ta' dumping. |
(171) |
Fid-dawl ta' dak li ntqal hawn fuq, il-Kummissjoni kkonkludiet li l-iskadenza tal-miżuri anti-dumping x'aktarx li twassal għal kontinwazzjoni u, fi kwalunkwe każ, rikorrenza ta' dumping. |
4. DANNU
4.1. Il-produzzjoni tal-Unjoni u l-industrija tal-Unjoni
(172) |
Matul il-perjodu ta' investigazzjoni tar-rieżami, l-OCS kien manifatturat minn aktar minn 20 produttur magħrufa fl-Unjoni, b'uħud minnhom relatati ma' xulxin. Bosta minn dawk il-produtturi jappartjenu għal gruppi li jagħmlu l-azzar. |
(173) |
Il-produzzjoni totali tal-Unjoni kienet stmata għal 4 752 003 tunnellata matul il-perjodu ta' investigazzjoni tar-rieżami abbażi tat-tweġibiet għall-kwestjonarju sottomessi mill-produtturi tal-Unjoni inklużi fil-kampjun u d-data sottomessa lill-applikant. Il-produtturi tal-Unjoni responsabbli għall-produzzjoni totali tal-Unjoni jikkostitwixxu l-industrija tal-Unjoni fis-sens tal-Artikolu 4(1) tar-Regolament bażiku. |
4.2. Il-konsum fl-Unjoni
(174) |
L-investigazzjoni sabet li parti mill-industrija tal-Unjoni tuża l-produzzjoni tagħha għal użu ristrett, jiġifieri li ta' spiss sempliċement tiġi ttrasferita (mingħajr fattura) u/jew ikkonsenjata bil-prezzijiet tat-trasferiment fi ħdan l-istess kumpanija jew grupp ta' kumpaniji għal ipproċessar downstream ulterjuri. Sabiex tiġi pprovduta stampa kemm jista' jkun sħiħa tas-sitwazzjoni tal-industrija tal-Unjoni, id-data nkisbet u ġiet analizzata għall-attività kollha tal-OCS. |
(175) |
Bħal fl-investigazzjoni oriġinali (il-Premessi (68)-(69) tagħha), kien ikkunsidrat li indikaturi ekonomiċi bħall-produzzjoni, il-kapaċità, l-użu tal-kapaċità, l-investimenti, l-istokks, l-impjiegi, il-produttività, il-pagi u l-abbiltà li jinġabar il-kapital jiddependu fuq l-attività kollha, irrispettivament minn jekk il-produzzjoni hijiex għal użu ristrett jew mibjugħa fis-suq ħieles. Madankollu, il-volum tal-bejgħ u l-prezzijiet tal-bejgħ fis-suq tal-Unjoni, is-sehem tas-suq, it-tkabbir, il-volum tal-esportazzjoni u l-prezzijiet jiffokaw fuq is-sitwazzjoni prevalenti fis-suq ħieles (u b'hekk, esklużi attivitajiet ristretti). B'hekk, l-indikaturi tad-dannu ġew ikkoreġuti għall-użu ristrett magħruf u l-bejgħ fl-industrija tal-Unjoni, u l-użu ristrett u l-bejgħ ġew analizzati separatament. |
(176) |
Il-konsum tal-Unjoni ġie stabbilit abbażi ta' (i) statistika tal-importazzjoni fil-livell TARIC bl-użu ta' informazzjoni miġbura abbażi tal-Artikolu 14(6) tar-Regolament bażiku u (ii) volumi ta' bejgħ tal-industrija tal-Unjoni (inklużi tranżazzjonijiet ristretti) fl-Unjoni kif sottomessi mill-applikant. Dawk il-volumi ta' bejgħ ġew kontroverifikati u aġġornati fejn meħtieġ fir-rigward tal-produtturi tal-Unjoni inklużi fil-kampjun bħala riżultat taż-żjarat ta' verifika fil-bini tagħhom. |
(177) |
Matul il-perjodu kkunsidrat, il-konsum tal-Unjoni żviluppa kif ġej: Tabella 2
|
(178) |
Matul il-perjodu kkunsidrat, il-konsum tal-Unjoni żdied bi 18 %. |
4.3. Importazzjonijiet lejn l-Unjoni miċ-Ċina
(179) |
Il-Kummissjoni stabbilixxiet il-volum tal-importazzjonijiet u l-prezzijiet abbażi tal-istatistika tal-importazzjoni fil-livell TARIC bl-użu ta' informazzjoni miġbura abbażi tal-Artikolu 14(6) tar-Regolament bażiku. |
4.3.1. Volum u sehem mis-suq
(180) |
Matul il-perjodu kkunsidrat, l-importazzjonijiet miċ-Ċina lejn l-Unjoni żviluppaw kif ġej: Tabella 3
|
(181) |
Matul il-perjodu kkunsidrat, il-volum tal-importazzjonijiet mir-RPĊ kien baxx. Is-sehem mis-suq Ċiniż varja ftit matul il-perjodu kkunsidrat u kien 0,1 % fil-perjodu ta' investigazzjoni tar-rieżami. |
(182) |
L-importazzjonijiet baqgħu f'livell baxx minn mindu ġew imposti l-miżuri anti-dumping provviżorji f'Settembru 2012. Huwa preżunt li l-livell baxx tagħhom huwa r-riżultat tal-miżuri anti-dumping fis-seħħ. |
4.3.2. Il-prezz u t-twaqqigħ tal-prezz
(183) |
Matul il-perjodu kkunsidrat, il-prezz tal-importazzjonijiet miċ-Ċina lejn l-Unjoni żviluppa kif ġej: Tabella 4
|
(184) |
Matul il-perjodu kkunsidrat, il-prezzijiet tal-importazzjonijiet Ċiniżi żdiedu b'87 %. Wieħed jista' raġonevolment jassumi li din ix-xejra hija mill-inqas parzjalment dovuta għaż-żieda fil-prezzijiet tal-materja prima. |
(185) |
Il-prezzijiet tal-bejgħ medji tal-produtturi tal-Unjoni li kkooperaw lil klijenti mhux relatati fis-suq tal-Unjoni tqabblu mal-prezzijiet medji tal-importazzjonijiet miċ-Ċina. Fin-nuqqas ta' kooperazzjoni mill-produtturi esportaturi Ċiniżi, ma seta' jsir ebda tqabbil affidabbli bejn tip ta' prodott u ieħor u ntużat statistika dwar l-importazzjonijiet għall-prodott taħt rieżami b'mod ġenerali sabiex jiġi stabbilit il-prezz medju tal-importazzjonijiet miċ-Ċina. Minħabba n-nuqqas ta' kooperazzjoni minn importaturi mhux relatati f'dan ir-rieżami tal-iskadenza, intużaw l-estimi li jinsabu fit-talba dwar il-livell tal-aġġustament għall-kostijiet wara l-importazzjoni. |
(186) |
Abbażi ta' dik il-metodoloġija, it-tqabbil wera li matul il-perjodu ta' investigazzjoni tar-rieżami, l-importazzjonijiet tal-prodott taħt rieżami waqqgħu l-prezzijiet tal-industrija tal-Unjoni b'27,8 % (jiġifieri, simili ħafna għat-twaqqigħ tal-prezzijiet misjub matul l-investigazzjoni oriġinali). |
(187) |
Barra minn hekk, l-analiżi tal-prezzijiet tal-esportazzjoni miċ-Ċina lejn swieq terzi oħrajn uriet li ċ-Ċina kienet qed tbigħ fi wħud mis-swieq ewlenin tal-esportazzjoni tagħha bi prezzijiet simili jew xi drabi saħansitra aktar baxxi minn dawk lejn l-Unjoni, sabiex b'hekk issaħħet il-konklużjoni li l-livell attwali tal-prezzijiet Ċiniżi ser iwaqqa' l-prezzijiet tal-bejgħ tal-industrija tal-Unjoni fis-suq tal-Unjoni. |
4.4. L-importazzjonijiet lejn l-Unjoni minn pajjiżi terzi
(188) |
It-Tabella 5 turi l-iżvilupp tal-importazzjonijiet lejn l-Unjoni minn pajjiżi terzi matul il-perjodu kkunsidrat f'termini ta' volum u sehem mis-suq, kif ukoll il-prezz medju ta' dawn l-importazzjonijiet. Tabella 5
|
(189) |
Matul il-perjodu kkunsidrat, il-volum tal-importazzjonijiet minn pajjiżi terzi żdied sabiex laħaq sehem mis-suq ta' 14,8 %. Ħafna minn dawn l-importazzjonijiet kienu mill-Indja u l-Korea, segwiti mit-Turkija u t-Tajwan. |
(190) |
B'mod ġenerali, il-prezz medju tal-importazzjonijiet minn pajjiżi terzi kien ogħla mill-prezzijiet medji li bihom l-importazzjonijiet Ċiniżi daħlu fl-Unjoni. Skont is-snin, il-prezz medju tal-importazzjonijiet minn pajjiżi terzi kien jew ogħla jew inkella aktar baxx mill-prezzijiet tal-bejgħ medji tal-produtturi tal-Unjoni fl-Unjoni. |
4.5. Is-sitwazzjoni ekonomika tal-industrija tal-Unjoni
(191) |
Skont l-Artikolu 3(5) tar-Regolament bażiku, l-eżami tal-impatt tal-importazzjonijiet li huma l-oġġett ta' dumping fuq l-industrija tal-Unjoni kien jinkludi evalwazzjoni tal-fatturi u l-indiċijiet ekonomiċi kollha li affettwaw l-istat tal-industrija tal-Unjoni matul il-perjodu kkunsidrat. |
(192) |
L-indikaturi makroekonomiċi (il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, l-impjiegi, il-produttività, it-tkabbir, il-kobor tal-marġini tad-dumping u l-irkupru mill-effetti tad-dumping tal-passat) ġew ivvalutati fil-livell tal-industrija kollha tal-Unjoni. Il-valutazzjoni kienet ibbażata fuq l-informazzjoni pprovduta mill-applikant, kontrovverifikata mat-tweġibiet ivverifikati għall-kwestjonarju tal-produtturi tal-Unjoni inklużi fil-kampjun. |
(193) |
L-analiżi tal-indikaturi mikroekonomiċi (l-istokks, il-prezzijiet tal-bejgħ, il-profittabbiltà, il-fluss tal-flus, l-investimenti, ir-redditu fuq l-investimenti, l-abbiltà li jiżdied il-kapital, u l-pagi) twettqet fil-livell tal-produtturi tal-Unjoni inklużi fil-kampjun. Il-valutazzjoni kienet ibbażata fuq l-informazzjoni tagħhom, li ġiet debitament ivverifikata matul żjara ta' verifika fuq il-post. |
(194) |
Minħabba li waħda mit-tliet kumpaniji inklużi fil-kampjun mhijiex irrappreżentata mill-applikant, skont l-Artikolu 19 tar-Regolament bażiku, id-data fit-Tabelli 9 sa 14 tiġi pprovduta f'firxiet sabiex tinżamm il-kunfidenzjalità ta' informazzjoni sensittiva għan-negozju. |
4.5.1. Indikaturi makroekonomiċi
4.5.1.1. Il-produzzjoni, il-kapaċità tal-produzzjoni u l-użu tal-kapaċità
(195) |
Matul il-perjodu kkunsidrat, il-produzzjoni, il-kapaċità tal-produzzjoni u l-użu tal-kapaċità tal-industrija tal-Unjoni żviluppaw kif ġej: Tabella 6
|
(196) |
Matul il-perjodu kkunsidrat, kien hemm żieda modesta fil-volum tal-produzzjoni (+ 8 %) u fil-kapaċità (+ 5 %), filwaqt li l-użu tal-kapaċità żdied bi 2 %, sabiex laħaq 89 %. |
4.5.1.2. Il-volum tal-bejgħ u s-sehem mis-suq fl-Unjoni
(197) |
Matul il-perjodu kkunsidrat, il-bejgħ fl-Unjoni mill-industrija tal-Unjoni (inklużi t-tranżazzjonijiet ristretti) żviluppa kif ġej: Tabella 7
|
(198) |
Il-bejgħ mill-industrija tal-Unjoni fis-suq tal-Unjoni żdied b'14 % matul il-perjodu kkunsidrat. |
(199) |
Matul il-perjodu kkunsidrat, is-sehem mis-suq tal-industrija tal-Unjoni naqas għal 84,9 %. |
4.5.1.3. Impjiegi u produttività
(200) |
Matul il-perjodu kkunsidrat, il-livell tal-impjiegi u l-produttività fi ħdan l-industrija tal-Unjoni żviluppaw kif ġej: Tabella 8
|
(201) |
Kemm l-impjiegi kif ukoll il-produttività tal-forza tax-xogħol tal-produtturi tal-Unjoni, imkejla bħala produzzjoni (tunnellati) għal kull persuna impjegata kull sena, żdiedu matul il-perjodu kkunsidrat. Dawk iż-żidiet jirriflettu ż-żieda globali fil-volum tal-produzzjoni u tal-bejgħ. |
4.5.1.4. Tkabbir
(202) |
L-industrija tal-Unjoni rnexxielha tibbenifika minn tkabbir fis-suq tal-Unjoni, anki jekk il-faċilitajiet li kienu affettwati aktar mill-użu aktar baxx tal-kapaċità osservat matul l-investigazzjoni oriġinali għadhom f'fażi ta' rkupru. L-industrija tal-Unjoni żammet ishma mis-suq sinifikanti matul il-perjodu kollu kkunsidrat. |
4.5.1.5. Il-kobor tad-dumping u l-irkupru minn dumping tal-passat
(203) |
Matul il-perjodu ta' investigazzjoni tar-rieżami, id-dumping issokta f'livell sinifikanti, kif spjegat taħt it-Taqsima 3 ta' hawn fuq. Huwa nnotat li l-produtturi Ċiniżi waqqgħu l-prezzijiet tal-bejgħ tal-industrija tal-Unjoni b'mod sinifikanti u li l-industrija tal-Unjoni għadha f'sitwazzjoni fraġli. |
(204) |
Billi l-volumi tal-importazzjonijiet li huma l-oġġett ta' dumping miċ-Ċina kienu ferm aktar baxxi milli kienu matul il-perjodu ta' investigazzjoni oriġinali, il-Kummissjoni kkonkludiet li l-impatt tal-kobor tal-marġini ta' dumping fuq l-industrija tal-Unjoni kien ferm inqas qawwi milli kien fl-investigazzjoni oriġinali. |
4.5.2. Indikaturi mikroekonomiċi
4.5.2.1. L-istokks
(205) |
Matul il-perjodu kkunsidrat, il-livelli tal-istokks tal-produtturi tal-Unjoni inklużi fil-kampjun żviluppaw kif ġej: Tabella 9
|
(206) |
Il-produtturi tal-Unjoni żiedu l-istokk tagħhom fil-perjodu kkunsidrat. Madankollu, dan l-indikatur mhuwiex meqjus bħala rilevanti ħafna sabiex jivvaluta s-sitwazzjoni ekonomika tal-produtturi tal-Unjoni. L-OCS jiġi prodott l-aktar abbażi tal-ordnijiet. Fi kwalunkwe każ, l-istokks kienu jirrappreżentaw biss madwar 2 % tal-bejgħ totali matul il-PIR. |
4.5.2.2. Il-prezzijiet medji tal-bejgħ tal-unità fl-Unjoni u l-kost tal-produzzjoni
(207) |
Matul il-perjodu kkunsidrat, il-prezzijiet medji tal-bejgħ tal-unitajiet lil klijenti mhux relatati fl-Unjoni u l-kost unitarju medju tal-produzzjoni tal-produtturi tal-Unjoni inklużi fil-kampjun żviluppaw kif ġej: Tabella 10
|
(208) |
Matul il-perjodu kkunsidrat, l-industrija tal-Unjoni rnexxielha żżid il-prezzijiet tal-bejgħ tagħha bi 11 %. Wara t-tnaqqis tal-prezzijiet bejn l-2014 u l-2015 u mbagħad bejn l-2015 u l-2016, il-prezzijiet reġgħu għolew bejn l-2016 u l-2017. Kemm it-tnaqqis kif ukoll iż-żieda huma marbuta mill-qrib mal-bidliet fil-prezzijiet tal-materja prima. |
4.5.2.3. Il-profittabbiltà u l-fluss tal-flus
Tabella 11
|
2014 |
2015 |
2016 |
PIR |
Profittabbiltà (%) |
– 1,5 — 0 |
– 0,5 — 1 |
2,5 — 4 |
3,5 — 5 |
Indiċi (2014 = 100) |
– 100 |
101 |
413 |
506 |
Sors: Tweġibiet ivverifikati għall-kwestjonarji tal-produtturi tal-Unjoni inklużi fil-kampjun |
(209) |
Il-Kummissjoni stabbilixxiet il-profittabbiltà tal-produtturi tal-Unjoni inklużi fil-kampjun billi esprimiet il-profitt nett qabel it-taxxa tal-bejgħ tal-prodott simili lil klijenti mhux relatati fl-Unjoni bħala perċentwal tal-fatturat ta' dak il-bejgħ. Il-fluss tal-flus nett huwa l-abbiltà tal-produtturi tal-Unjoni li jiffinanzjaw l-attivitajiet tagħhom huma stess. |
(210) |
Matul il-perjodu kkunsidrat, l-industrija tal-Unjoni waqfet tagħmel it-telf. It-titjib tal-profittabbiltà kien relatat b'mod ċar mal-fatt li l-industrija tal-Unjoni rnexxielha żżid il-volum tal-bejgħ u tal-produzzjoni tagħha, kif ukoll il-prezzijiet tal-bejgħ fis-snin wara l-impożizzjoni tal-miżuri oriġinali. Madankollu, il-profittabbiltà baqgħet taħt il-profitt fil-mira li tqies b'saħħtu u sostenibbli fl-investigazzjoni oriġinali (jiġifieri 6,7 %). Tabella 12
|
(211) |
Matul il-perjodu kkunsidrat, l-evoluzzjoni tal-fluss tal-flus tirrifletti primarjament l-iżvilupp tal-profittabbiltà ġenerali tal-industrija tal-Unjoni. |
4.5.2.4. Investiment, redditu fuq l-investimenti u l-abbiltà li jinġabar il-kapital
Tabella 13
|
2014 |
2015 |
2016 |
PIR |
Investimenti (EUR) |
12 000 000 – 17 000 000 |
20 000 000 – 25 000 000 |
27 000 000 – 32 000 000 |
25 000 000 – 30 000 000 |
Indiċi (2014 = 100) |
100 |
159 |
200 |
180 |
Redditu fuq l-investimenti (assi netti) (%) |
– 2,2 % |
0,0 % |
7,0 % |
11,0 % |
Sors: Tweġibiet ivverifikati għall-kwestjonarji tal-produtturi tal-Unjoni inklużi fil-kampjun |
(212) |
Matul il-perjodu kkunsidrat, l-industrija tal-Unjoni, li għandha ħafna kapital, għamlet investimenti regolari għall-ottimizzazzjoni u l-ammeljorament tal-makkinarju tal-produzzjoni eżistenti. Barra minn hekk, saru investimenti sinifikanti sabiex ikun hemm konformità mar-rekwiżiti legali għall-ħarsien tal-ambjent u għal aktar sikurezza. Skont il-kumpanija, kien hemm investimenti mmirati lejn it-tnaqqis tal-kostijiet, l-ottimizzazzjoni tal-enerġija u/jew anki għall-istrutturizzazzjoni mill-ġdid tal-faċilitajiet li kienu affettwati b'mod negattiv mill-użu aktar baxx tal-kapaċità osservat matul il-perjodu tal-investigazzjoni oriġinali. |
(213) |
Ir-redditu fuq l-investimenti huwa l-profitt f'perċentwal tal-valur kontabilistiku nett tal-investimenti. Ir-redditu fuq l-investimenti matul il-perjodu kkunsidrat segwa mill-qrib ix-xejra tal-profittabbiltà. |
(214) |
Minn mindu ġew imposti l-miżuri, tjiebet il-kapaċità li jinġabar il-kapital. |
4.5.2.5. Il-pagi
Tabella 14
|
2014 |
2015 |
2016 |
PIR |
Spejjeż tax-xogħol għal kull impjegat (EUR) |
63 000 – 72 000 |
63 000 – 72 000 |
64 000 – 73 000 |
64 000 – 73 000 |
Indiċi (2014 = 100) |
100 |
101 |
102 |
102 |
Sors: Tweġibiet ivverifikati għall-kwestjonarji tal-produtturi tal-Unjoni inklużi fil-kampjun |
(215) |
Il-livelli tal-paga medja żdiedu bi ftit matul il-perjodu kkunsidrat, iżda inqas mill-kost unitarju tal-produzzjoni. |
4.6. Konklużjoni
(216) |
L-analiżi tad-dannu turi li s-sitwazzjoni tal-industrija tal-Unjoni tjiebet b'mod sinifikanti fil-perjodu kkunsidrat. L-impożizzjoni tal-miżuri anti-dumping definittivi f'Marzu 2013 ippermettiet lill-industrija tal-Unjoni tirkupra bil-mod iżda b'mod stabbli mill-effetti dannużi tad-dumping. Il-fatt li l-industrija tal-Unjoni bbenifikat b'mod sinifikanti mill-miżuri huwa muri, inter alia, miż-żieda fil-produzzjoni u l-volumi tal-bejgħ tal-Unjoni, mill-fluss tal-flus pożittiv u r-redditu fuq l-investimenti, mill-prezzijiet tal-bejgħ ġeneralment ogħla mill-kost unitarju tal-produzzjoni, miż-żieda minima fil-kostijiet tax-xogħol u mill-profittabbiltà mtejba b'mod sinifikanti. |
(217) |
Madankollu, anki jekk l-industrija tal-Unjoni rkuprat ħafna mid-dannu tal-passat u jidher li tinsab lura fit-triq it-tajba sabiex tkompli ttejjeb il-kundizzjoni tagħha fit-tul, hija għadha f'sitwazzjoni fraġli minħabba l-profittabbiltà limitata tagħha, li għadha taħt il-profitt fil-mira. |
5. IL-PROBABBILTÀ TA' RIKORRENZA TAD-DANNU
(218) |
Kif muri fit-Taqsima 4.6 ta' hawn fuq, l-industrija tal-Unjoni rkuprat bil-kbir mid-dannu kkawżat fil-passat mill-importazzjonijiet Ċiniżi soġġetti għal dumping. Madankollu, din it-Taqsima ser teżamina jekk is-sitwazzjoni prekarja tal-industrija tal-Unjoni hijiex ser tiddeterjora aktar, tant li twassal għal rikorrenza ta' dannu materjali jekk il-miżura titħalla tiskadi. |
5.1. Impatt tal-volum ipproġettat tal-importazzjonijiet u l-effetti fuq il-prezzijiet f'każ ta' tħassir tal-miżuri
(219) |
Jekk il-miżuri jitħassru, il-volum tal-importazzjonijiet miċ-Ċina huwa mistenni li jiżdied b'mod drammatiku. Huwa mfakkar li l-importazzjonijiet matul il-perjodu ta' investigazzjoni oriġinali ammontaw għal aktar minn 702 000 tunnellata, filwaqt li ammontaw għal 6 338 tunnellata matul il-perjodu ta' investigazzjoni tar-rieżami. |
(220) |
Il-kapaċità żejda taċ-Ċina fil-produzzjoni tal-azzar hija stabbilita sewwa (83). L-applikant ippreżenta data minn Plantfacts li tindika li l-kapaċità tal-OCS taċ-Ċina tammonta għal 7 miljun tunnellata (jiġifieri aktar minn erba' (4) darbiet aktar mill-konsum apparenti tal-OCS taċ-Ċina). Din tidher li hija stima konservattiva. L-applikant ipprovda wkoll informazzjoni dettaljata mill-2013, li tgħid li China Iron and Steel Association ippubblikat li l-kapaċità tal-produzzjoni tal-azzar miksi bil-kulur taċ-Ċina kienet kważi 40 miljun tunnellata f'dik is-sena. |
(221) |
Għalkemm il-volumi tal-esportazzjoni miċ-Ċina lejn l-Unjoni naqsu wara l-impożizzjoni tal-miżuri oriġinali, il-produtturi Ċiniżi jimmanifatturaw volumi sinifikanti tal-prodott taħt rieżami u jesportaw aktar minn 80 % tiegħu. Skont id-data ppubblikata mill-Assoċjazzjoni Dinjija tal-Azzar, iċ-Ċina pproduċiet aktar minn 8 miljun tunnellata ta' OCS kull sena fis-snin 2013-2014. Waħda mill-kumpaniji li appoġġjaw l-ilment ipprovdiet ċifri mill-Bullettin Metallurġiku taċ-Ċina tal-Istitut tar-Riċerka dwar l-Informazzjoni u l-Istandardizzazzjoni tal-Metallurġija fiċ-Ċina u l-Kunsill Metallurġiku tal-Kunsill taċ-Ċina għall-Promozzjoni tal-Kummerċ Internazzjonali li jissuġġerixxu li ċ-Ċina pproduċiet madwar 8 miljun tunnellata ta' OCS kull sena fis-snin 2015-2017. Skont l-istess sottomissjoni ta' dak l-applikant, huwa stmat li, fil-perjodu 2015-2017, il-konsum apparenti tal-OCS Ċiniż kien ivarja bejn 1 miljun u 1,8 miljun tunnellata fis-sena. |
(222) |
Madankollu, daqs kemm huma importanti s-swieq tal-esportazzjoni għall-industrija Ċiniża, iċ-Ċina qed tiffaċċja aktar u aktar diffikultajiet sabiex taċċessahom. Bejn l-2016 u l-2018, pajjiżi bħall-Indja, il-Malasja, il-Vjetnam, il-Pakistan jew it-Turkija imponew miżuri ta' difiża tal-kummerċ li jaffettwaw l-OCS li joriġinaw miċ-Ċina. Fir-rigward tal-Istati Uniti tal-Amerika, minn Jannar 2018, l-azzar (inkluż l-OCS) minn ħafna pajjiżi ta' oriġini, inkluża ċ-Ċina, huwa soġġett għal tariffa ta' 25 % (84). |
(223) |
L-Unjoni hija l-akbar suq tal-OCS wara dawk tal-Asja u tal-Amerika Ċentrali/ta' Fuq. |
(224) |
Il-bażi tad-data Ċiniża turi li fil-passat riċenti ċ-Ċina esportat volumi sinifikanti lejn pajjiżi barra l-Unjoni bi prezzijiet baxxi. Fl-2017, il-prezzijiet tal-FOB Ċiniżi lejn l-Unjoni kienu 10,5 % ogħla minn, pereżempju, lejn il-Korea, is-suq tal-esportazzjoni prinċipali taċ-Ċina għal dan il-prodott. Matul il-perjodu ta' investigazzjoni tar-rieżami, il-volumi esportati lejn pajjiżi barra l-Unjoni kienu akbar mill-produzzjoni totali tal-industrija tal-Unjoni u mill-konsum apparenti fl-Unjoni. Minħabba l-attraenza tas-suq tal-Unjoni f'termini ta' pprezzar, ftuħ (ma hemmx dazji doganali għal dan il-prodott) u żieda fil-konsum apparenti, huwa kkunsidrat li jekk il-miżuri jiġu tterminati, l-esportaturi Ċiniżi x'aktarx li jerġgħu jidderieġu volumi sinifikanti ta' OCS lejn is-suq tal-Unjoni, li jħalli aktar qligħ. Il-fatt li l-Unjoni riċentement adottat salvagwardji fuq ċerti prodotti tal-azzar, inkluż l-OCS, ma jbiddilx din il-konklużjoni. Il-volumi tal-importazzjoni taħt il-kwoti tar-rata tariffarja huma stabbiliti f'livelli li jistgħu jippermettu liċ-Ċina tesporta ammonti sinifikanti ta' OCS. |
(225) |
Barra minn hekk, kif deskritt fit-Taqsima 4.3.2, matul il-PIR, l-importazzjonijiet Ċiniżi fis-suq tal-Unjoni waqqgħu b'mod sinifikanti l-prezzijiet tal-produtturi tal-Unjoni, b'mod partikolari meta naqqsu l-effett tad-dazji anti-dumping. |
(226) |
Is-suq għal prodotti ta' OCS huwa kompetittiv ħafna f'termini tal-prezzijiet, hekk kif il-kompetizzjoni prinċipalment isseħħ abbażi tal-prezzijiet. Il-pressjoni potenzjali fuq il-prezzijiet tal-industrija tal-Unjoni hija aggravata aktar mill-fatt li, skont it-talba, il-bejgħ Ċiniż ġeneralment iseħħ għal kwantitajiet relattivament kbar. Jekk jinbiegħu importazzjonijiet irħas u li huma l-oġġett ta' dumping fi kwantitajiet sinifikanti fis-suq tal-Unjoni, il-produtturi tal-Unjoni jitilfu volumi kbar ta' bejgħ. Il-kapaċità li jinġabar il-kapital u li jsir investiment tista' tiġi mfixkla jekk il-profittabbiltà tal-produtturi tal-Unjoni tonqos aktar jew issir negattiva. |
5.2. Konklużjoni
(227) |
Għalhekk, il-Kummissjoni kkonkludiet li t-tħassir tal-miżuri fuq l-importazzjonijiet miċ-Ċina x'aktarx li jirriżulta f'rikorrenza ta' dannu għall-industrija tal-Unjoni. |
6. INTERESS TAL-UNJONI
6.1. Introduzzjoni
(228) |
F'konformità mal-Artikolu 21 tar-Regolament bażiku, ġie eżaminat jekk iż-żamma tal-miżuri anti-dumping eżistenti tmurx kontra l-interess tal-Unjoni b'mod ġenerali. Id-determinazzjoni tal-interess tal-Unjoni kienet ibbażata fuq apprezzament tad-diversi interessi involuti, jiġifieri dawk tal-industrija tal-Unjoni fuq naħa waħda, u dawk tal-importaturi u utenti oħrajn fuq in-naħa l-oħra. |
(229) |
Għandu jiġi mfakkar ukoll li, fl-investigazzjoni oriġinali, l-adozzjoni tal-miżuri tqieset li ma tmurx kontra l-interessi tal-Unjoni. Barra minn hekk, il-fatt li l-investigazzjoni preżenti hija rieżami, li b'hekk tanalizza sitwazzjoni li fiha l-miżuri anti-dumping diġà kienu fis-seħħ, jippermetti l-valutazzjoni ta' kwalunkwe impatt negattiv mhux dovut fuq il-partijiet ikkonċernati mill-miżuri anti-dumping attwali. |
(230) |
Fuq din il-bażi ġie eżaminat jekk, minkejja l-konklużjonijiet dwar il-probabbiltà ta' kontinwazzjoni ta' dumping u rikorrenza ta' dannu, jistax jiġi konkluż li ma jkunx fl-interess tal-Unjoni li jinżammu l-miżuri f'dan il-każ partikolari. |
6.2. L-interess tal-industrija tal-Unjoni
(231) |
L-investigazzjoni wriet li jekk il-miżuri jiskadu, dan x'aktarx ikollu effett negattiv sinifikanti fuq l-industrija tal-Unjoni. Is-sitwazzjoni tal-industrija tal-Unjoni ser tiddeterjora malajr f'termini tal-volumi aktar baxxi tal-bejgħ u l-prezzijiet tal-bejgħ li jirriżultaw fi tnaqqis qawwi fil-profittabbiltà. Il-kontinwazzjoni tal-miżuri tippermetti lill-industrija tal-Unjoni tisfrutta aktar il-potenzjal tagħha f'suq tal-Unjoni b'kundizzjonijiet ekwivalenti ta' kompetizzjoni. |
(232) |
Għalhekk, iż-żamma tal-miżuri anti-dumping fis-seħħ hija fl-interess tal-industrija tal-Unjoni. |
6.3. L-interess tal-importaturi
(233) |
Kif imsemmi fil-Premessa (12) ta' hawn fuq, ġew ikkuntattjati disa' importaturi magħrufa f'din l-investigazzjoni u dawn ġew mistiedna jikkooperaw. Ħadd ma ppreżenta ruħu jew ikkoopera b'xi mod fl-investigazzjoni. |
(234) |
Huwa mfakkar li fl-investigazzjoni oriġinali nstab li, minħabba l-profitti u s-sorsi ta' provvista tal-importaturi, kwalunkwe impatt negattiv tal-impożizzjoni tal-miżuri fuq l-importaturi, jekk ikun hemm, ma jkunx sproporzjonat. |
(235) |
Fl-investigazzjoni attwali ma hemm l-ebda evidenza fil-fajl li tissuġġerixxi l-oppost u, b'hekk, għaldaqstant jista' jiġi kkonfermat li l-miżuri fis-seħħ bħalissa ma kellhom l-ebda effett negattiv sostanzjali fuq is-sitwazzjoni finanzjarja tal-importaturi u li l-kontinwazzjoni tal-miżuri ma taffettwahomx indebitament. |
6.4. L-interess tal-utenti
(236) |
Madwar sittin utent magħrufa ġew ikkuntattjati f'din l-investigazzjoni u ġew mistiedna jikkooperaw. L-ebda utent ma ppreżenta ruħu jew ikkoopera b'xi mod fl-investigazzjoni. |
(237) |
Huwa mfakkar li, fl-investigazzjoni oriġinali, għaxar utenti ssottomettew tweġibiet għall-kwestjonarju. F'dak iż-żmien instab li, minħabba l-profitti u s-sorsi ta' provvista tal-utenti, l-impatt tal-impożizzjoni tal-miżuri fuq l-utenti, jekk ikun hemm, ma jkunx sproporzjonat. |
(238) |
Fl-investigazzjoni attwali ma hemm l-ebda evidenza fil-fajl li tissuġġerixxi li l-miżuri fis-seħħ affettwawhom b'xi mod negattiv. Fil-fatt, l-applikant issottometta evidenza li l-utenti ewlenin esperjenzaw titjib fil-profittabbiltà matul il-perjodu taħt rieżami. Skont it-talba, il-miżuri fis-seħħ ma għandhomx impatt notevoli fuq l-utenti u l-konsumaturi, minħabba li l-OCS jirrappreżenta parti negliġibbli mill-kost tal-prodotti downstream (pereżempju EUR 0,42 tal-kost tal-produzzjoni ta' magna tal-ħasil jew 0,4 % tal-investiment ta' binja ta' fabbrika vojta). |
(239) |
Fuq dik il-bażi, huwa kkonfermat li l-miżuri fis-seħħ bħalissa ma kellhom l-ebda effett negattiv sostanzjali fuq is-sitwazzjoni finanzjarja tal-utenti u li l-kontinwazzjoni tal-miżuri ma taffettwahomx indebitament. |
6.5. Konklużjoni
(240) |
Għalhekk, il-Kummissjoni kkonkludiet li ma hemmx raġunijiet konvinċenti għall-interess tal-Unjoni kontra ż-żamma tal-miżuri anti-dumping definittivi fuq l-importazzjonijiet ta' OCS li joriġinaw mir-RPĊ. |
7. MIŻURI ANTI-DUMPING
(241) |
Konsegwentement, kif previst mill-Artikolu 11(2) tar-Regolament bażiku, il-miżuri anti-dumping applikabbli għall-importazzjonijiet ta' ċerti prodotti tal-azzar miksija b'materjal organiku li joriġinaw miċ-Ċina għandhom jinżammu. |
(242) |
Kumpanija tista' titlob l-applikazzjoni ta' rati ta' dazju anti-dumping individwali jekk sussegwentement hija tbiddel l-isem tal-entità tagħha. It-talba trid tiġi indirizzata lill-Kummissjoni (85). It-talba jrid ikun fiha l-informazzjoni rilevanti kollha li tippermetti li jintwera li l-bidla ma taffettwax id-dritt tal-kumpanija li tibbenifika mir-rata tad-dazju li tapplika għaliha. Jekk il-bidla fl-isem tal-kumpanija ma taffettwax id-dritt tagħha li tibbenifika mir-rata ta' dazju li tapplika għaliha, jenħtieġ li jiġi ppubblikat avviż dwar il-bidla tal-isem f'Il-Ġurnal Uffiċjali tal-Unjoni Ewropea. |
(243) |
Fid-dawl tal-Artikolu 109 tar-Regolament (UE, Euratom) 2018/1046 tal-Parlament Ewropew u tal-Kunsill (86), meta ammont għandu jiġi rimborżat wara sentenza tal-Qorti tal-Ġustizzja tal-Unjoni Ewropea, l-imgħax li għandu jitħallas jenħtieġ li jkun ir-rata applikata mill-Bank Ċentrali Ewropew għall-operazzjonijiet prinċipali ta' rifinanzjament tiegħu, kif ippubblikata fis-serje C ta' Il-Ġurnal Uffiċjali tal-Unjoni Ewropea fl-ewwel jum kalendarju ta' kull xahar. |
(244) |
Il-miżuri previsti f'dan ir-Regolament huma f'konformità mal-opinjoni tal-Kumitat stabbilita mill-Artikolu 15(1) tar-Regolament (UE) 2016/1036, |
ADOTTAT DAN IR-REGOLAMENT:
Artikolu 1
1. B'dan, qed jiġi impost dazju anti-dumping definittiv fuq l-importazzjonijiet ta' ċerti prodotti tal-azzar miksija b'materjal organiku, jiġifieri prodotti ċatti rromblati tal-azzar liga jew mhux liga (mhux inkluż l-azzar inossidabbli), li huma miżbugħa, mogħtija l-verniċ jew miksija bil-plastik fuq mill-inqas naħa waħda, esklużi l-hekk imsejħa “pannelli sandwich” ta' tip użat għall-applikazzjonijiet fil-bini u li jikkonsistu f'żewġ folji tal-metall fuq barra u b'qalba ta' stabbilizzazzjoni ta' materjal għall-insulazzjoni marsus bejniethom, esklużi dawk il-prodotti b'kisja finali ta' trab taż-żingu (żebgħa rikka fiż-żingu, li fiha piż ta' 70 % jew aktar ta' żingu), u esklużi dawk il-prodotti b'sottostrat b'kisja metallika ta' kromju jew landa, li attwalment jaqgħu taħt il-kodiċi NM ex 7210 70 80, ex 7212 40 80, ex 7225 99 00, ex 7226 99 70 (kodiċi TARIC 7210708011, 7210708091, 7212408001, 7212408021, 7212408091, 7225990011, 7225990091, 7226997011 u 7226997091) u li joriġinaw mir-Repubblika Popolari taċ-Ċina.
2. Ir-rata tad-dazju anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, tal-prodott deskritt fil-paragrafu 1 u manifatturat mill-kumpaniji elenkati hawn taħt għandha tkun kif ġejja:
Kumpanija |
Dazju (%) |
Kodiċi Addizzjonali TARIC |
Union Steel China |
0 |
B311 |
Zhangjiagang Panhua Steel Strip Co., Ltd, Chongqing Wanda Steel Strip Co., Ltd, u Zhangjiagang Free Trade Zone Jiaxinda International Trade Co., Ltd. |
26,1 |
B312 |
Zhejiang Huadong Light Steel Building Material Co. Ltd u Hangzhou P.R.P.T. Metal Material Company, Ltd. |
5,9 |
B313 |
Angang Steel Company Limited |
16,2 |
B314 |
Anyang Iron Steel Co., Ltd. |
0 |
B315 |
Baoshan Iron & Steel Co., Ltd. |
0 |
B316 |
Baoutou City Jialong Metal Works Co., Ltd. |
16,2 |
B317 |
Changshu Everbright Material Technology Co., Ltd. |
16,2 |
B318 |
Changzhou Changsong Metal Composite Material Co., Ltd. |
16,2 |
B319 |
Cibao Modern Steel Sheet Jiangsu Co., Ltd. |
0 |
B320 |
Inner Mongolia Baotou Steel Union Co., Ltd. |
16,2 |
B321 |
Jiangyin Ninesky Technology Co., Ltd. |
0 |
B322 |
Jiangyin Zhongjiang Prepainted Steel Mfg Co., Ltd. |
0 |
B323 |
Jigang Group Co., Ltd. |
16,2 |
B324 |
Maanshan Iron&Steel Company Limited |
16,2 |
B325 |
Qingdao Hangang Color Coated Sheet Co., Ltd. |
16,2 |
B326 |
Shandong Guanzhou Co., Ltd. |
16,2 |
B327 |
Shenzen Sino Master Steel Sheet Co., Ltd. |
16,2 |
B328 |
Tangshan Iron And Steel Group Co., Ltd. |
16,2 |
B329 |
Tianjin Xinyu Color Plate Co., Ltd. |
16,2 |
B330 |
Wuhan Iron And Steel Company Limited |
16,2 |
B331 |
Wuxi Zhongcai New Materials Co., Ltd. |
0 |
B332 |
Xinyu Iron And Steel Co., Ltd. |
0 |
B333 |
Zhejiang Tiannu Color Steel Co., Ltd. |
16,2 |
B334 |
Il-kumpaniji l-oħrajn kollha |
13,6 |
B999 |
3. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.
4. Il-Kummissjoni tista' temenda l-paragrafu 2 sabiex tinkludi produttur esportatur ġdid u tattribwixxi lil dak il-produttur ir-rata medja ponderata xierqa tad-dazju anti-dumping applikabbli għall-kumpaniji li kkooperaw mhux inklużi fil-kampjun tal-investigazzjoni oriġinali, fejn produttur esportatur ġdid fir-Repubblika Popolari taċ-Ċina jipprovdi biżżejjed evidenza lill-Kummissjoni li:
(a) |
huwa ma esportax lejn l-Unjoni l-prodott deskritt fil-paragrafu 1 fil-perjodu bejn l-1 ta' Ottubru 2010 u t-30 ta' Settembru 2011 (il-perjodu tal-investigazzjoni oriġinali), |
(b) |
mhuwiex relatat ma' xi esportatur jew produttur ieħor fir-Repubblika Popolari taċ-Ċina li huwa soġġett għall-miżuri anti-dumping imposti minn dan ir-Regolament, u |
(c) |
effettivament esporta lejn l-Unjoni l-prodott taħt rieżami jew daħal f'obbligu kuntrattwali irrevokabbli li jesporta kwantità sinifikanti lejn l-Unjoni wara t-tmiem tal-perjodu ta' investigazzjoni tar-rieżami. |
5. L-applikazzjoni tar-rati individwali tad-dazju anti-dumping speċifikati għall-kumpaniji elenkati fil-paragrafu 2 għandha tkun kundizzjonali fuq il-preżentazzjoni ta' fattura kummerċjali valida lill-awtoritajiet doganali tal-Istati Membri. Fuq il-fattura kummerċjali, għandha tidher dikjarazzjoni datata u ffirmata minn uffiċjal tal-entità li toħroġ din il-fattura, identifikat b'ismu/isimha u l-funzjoni, abbozzata kif ġej: “Jien, is-sottoskritt(a), niċċertifika li l-(volum) ta' ċerti prodotti tal-azzar miksija b'materjal organiku mibjugħa sabiex jiġu esportati lejn l-Unjoni Ewropea koperti minn din il-fattura ġew manifatturati minn (isem il-kumpanija u l-indirizz) (kodiċi addizzjonali TARIC) fi (il-pajjiż ikkonċernat). Jiena niddikjara li l-informazzjoni pprovduta f'din il-fattura hija sħiħa u korretta.” Jekk ma tiġix ippreżentata fattura bħal din, għandha tapplika r-rata tad-dazju applikabbli gћall-“kumpaniji l-oћrajn kollha”.
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta' Mejju 2019.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Ir-Regolament ta' Implimentazzjoni tal-Kunsill (UE) Nru 214/2013 tal-11 ta' Marzu 2013 li jimponi dazju anti-dumping definittiv u li jiġbor b'mod definittiv id-dazju provviżorju impost fuq l-importazzjonijiet ta' prodotti tal-azzar miksija b'materjal organiku li joriġinaw mir-Repubblika Popolari taċ-Ċina (ĠU L 73, 15.3.2013, p. 1).
(3) Ir-Regolament ta' Implimentazzjoni tal-Kunsill (UE) Nru 215/2013 tal-11 ta' Marzu 2013 li jimponi dazju kumpensatorju fuq l-importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina (ĠU L 73, 15.3.2013, p. 16).
(4) Notifika ta' skadenza imminenti ta' ċerti miżuri anti-dumping (ĠU C 187, 13.6.2017, p. 60).
(5) Notifika ta' bidu ta' rieżami ta' skadenza tal-miżuri anti-dumping applikabbli għall-importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina (ĠU C 96, 14.3.2018, p. 8).
(6) In-Notifika ta' bidu ta' rieżami ta' skadenza tal-miżuri kumpensatorji applikabbli għall-importazzjonijiet ta' ċerti prodotti tal-azzar miksija b'materjal organiku li joriġinaw mir-Repubblika Popolari taċ-Ċina (ĠU C 96, 14.3.2018, p. 21).
(7) Ir-Regolament (UE) 2016/1037 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (ĠU L 176, 30.6.2016, p. 55).
(8) Nru. t18.003071.
(9) Nru. t18.007614.
(10) SWD(2017) 483 finali/2.
(11) Id-Dipartiment tal-Kummerċ tal-Istati Uniti, “China's Status as a non-market economy” (L-Istatus taċ-Ċina bħala ekonomija mhux tas-suq), A-570053, is-26 ta' Ottubru 2017, p. 57.
(12) L-Aġenzija tal-Aħbarijiet ta' Xinhua, “SASAC: State-owned Economy Should Maintain Absolute Controlling Power over Seven Industries” (SASAC: L-Ekonomija tal-Istat Għandha Żżomm Poter ta' Kontroll Assolut fuq Seba' Industriji), it-18 ta' Diċembru 2006.
(13) Ara r-Regolament ta' Implimentazzjoni (UE) Nru 215/2013 u r-Regolament ta' Implimentazzjoni tal-Kummissjoni (UE) 2017/969 tat-8 ta' Ġunju 2017 li jimponi dazji kumpensatorji definittivi fuq importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mir-Repubblika tal-Poplu taċ-Ċina u li jemenda r-Regolament ta' Implimentazzjoni tal-Kummissjoni (UE) 2017/649 li jimponi dazju anti-dumping definittiv fuq importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mir-Repubblika tal-Poplu taċ-Ċina (ĠU L 146, 9.6.2017, p. 17).
(14) Rapport ta' ThinkDesk, “Analysis of state-business interaction and subsidization in the hot-rolled flat (HRF) segment of the Chinese steel industry” (Analiżi tal-interazzjoni bejn l-Istat u n-negozji u s-sussidjar fis-segment ta' prodotti ċatti llaminati bis-sħana (HRF) tal-industrija tal-azzar Ċiniża), it-28 ta' Frar 2016, ipprovdut fl-Anness 18 tat-talba.
(15) Data pprovduta fl-Anness 20 tat-talba.
(16) L-Assoċjazzjoni tal-Ġestjoni tal-Intrapriżi Kimiċi taċ-Ċina (CCEMA). (2016). Lista tal-aqwa 500 Kumpanija Kimika Ċiniża fl-2016. Il-Federazzjoni tal-Industrija Kimika u tal-Petroleum taċ-Ċina (CPCIF). (2016). Id-29 ta' Ġunju 2016.
http://www.cpcia.org.cn/html/13/20166/155709.html; imsemmija fir-Rapport, p. 403.
(17) Ir-Regolament ta' Implimentazzjoni (UE) Nru 215/2013 u r-Regolament ta' Implimentazzjoni (UE) 2017/969 imsemmija hawn fuq.
(18) Ir-Regolament ta' Implimentazzjoni (UE) Nru 215/2013, il-Premessi 140.-145.
(19) “Ħarsa ġenerali lejn is-sussidji li jitgawdew mill-produtturi tal-azzar Ċiniżi”, p. 6, ipprovduta fl-Anness 18 tat-talba.
(20) CHEN Y., “BRC's New Supervisory Storm is here-implications for foreign banks in China, China Law Insight”, it-13 ta' April 2017, ipprovduta fl-Anness 18 tat-talba.
(21) Id-Dipartiment tal-Kummerċ tal-Istati Uniti, “China's Status as a Non-Market Economy” (L-Istatus taċ-Ċina bħala Ekonomija Mhux tas-Suq), is-26 ta' Ottubru 2017, ipprovdut fl-Anness 18 tat-talba.
(22) Għad-dettalji, ara l-paragrafi 106-107 tat-talba.
(23) Ara “Ħarsa ġenerali lejn is-sussidji li jitgawdew mill-produtturi tal-azzar Ċiniżi”, p. 6-7, ipprovduta fl-Anness 18 tat-talba.
(24) Rapport ta' ThinkDesk, “Deleveraging and Debt Equity Swaps in the Chinese Steel Industry” (Diżingranaġġ u Swaps ta' Dejn għal Ekwità fl-Industrija tal-Azzar Ċiniża), il-31 ta' Ottubru 2017, ipprovdut fl-Anness 18 tat-talba.
(25) Ir-Regolament ta' Implimentazzjoni (UE) Nru 215/2013, il-Premessi 314-396; u r-Regolament ta' Implimentazzjoni (UE) 2017/969, il-Premessi 312-394.
(26) “Environmental Enforcement and Compliance in China, an Assessment of Current Practices and Ways Forward” (L-Infurzar u l-Konformità Ambjentali fiċ-Ċina, Valutazzjoni tal-Prattiki Attwali u t-Toroq 'il Quddiem) (OECD) 2006.
(27) Rapport – il-Kapitolu 2, p. 6-7.
(28) Rapport – il-Kapitolu 2, p. 10.
(29) http://en.pkulaw.cn/display.aspx?cgid=311950&lib=law.
(30) Rapport – il-Kapitolu 2, p. 20-21.
(31) Rapport – il-Kapitolu 3, p. 41, 73-74.
(32) Rapport – il-Kapitolu 6, p. 120-121.
(33) Rapport – il-Kapitolu 6, p. 122-135.
(34) Rapport – il-Kapitolu 7, p. 167-168.
(35) Rapport – il-Kapitolu 8, p. 169-170, 200-201.
(36) Rapport – il-Kapitolu 2, p. 15-16, Rapport – il-Kapitolu 4, p. 50, p. 84, Rapport – il-Kapitolu 5, p. 108-9.
(37) Rapport – il-Kapitolu 3, p. 22-24 u l-Kapitolu 5, p. 97-108.
(38) Rapport – il-Kapitolu 5, p. 104-9.
(39) Rapport – Kapitolu 14, p. 358: 51 % kumpaniji privati u 49 % SOEs f'termini ta' produzzjoni u 44 % SOEs u 56 % kumpaniji privati f'termini ta' kapaċità.
(40) https://policycn.com/policy_ticker/higher-expectations-for-large-scale-steel-enterprise/?iframe=1&secret=c8uthafuthefra4e.
(41) Kif kien il-każ tal-fużjoni bejn il-kumpanija privata Rizhao u l-SOE Shandong Iron and Steel fl-2009. Ara r-rapport ta' Beijing steel, p. 58.
(42) Rapport – Kapitolu 14, pp. 359-360.
(43) Rapport – Kapitolu 5, p. 100-1.
(44) Rapport – Kapitolu 2, p. 31-2.
(45) Ara https://www.reuters.com/article/us-china-congress-companies-idUSKCN1B40JU.
(46) It-test sħiħ tal-pjan huwa disponibbli fuq is-sit web ta' MIIT:
http://www.miit.gov.cn/n1146295/n1652858/n1652930/n3757016/c5353943/content.html.
(47) Baoshan Iron & Steel Co., Ltd., Rapport Semi-Annwali tal-2016, http://tv.baosteel.com/ir/pdf/report/600019_2016_2e.pdf.
(48) Ara l-Premessa (64) tar-Regolament ta' Implimentazzjoni (UE) 2017/969.
(49) Rapport – Kapitoli 14.1 sa 14.3.
(50) Rapport – Kapitolu 4, p. 41-42, 83.
(51) Rapport, Parti III, Kapitolu 14, p. 346 ff.
(52) Introduzzjoni għall-Pjan għall-Aġġustament u l-Ammeljorament tal-Industrija tal-Azzar.
(53) Rapport, Kapitolu 14, p. 347.
(54) It-13-il Pjan ta' Ħames Snin għall-Iżvilupp Ekonomiku u Soċjali tar-Repubblika Popolari taċ-Ċina (2016-2020), http://en.ndrc.gov.cn/newsrelease/201612/P020161207645765233498.pdf.
(55) Rapport – Kapitolu 14, p. 349.
(56) Rapport – Kapitolu 14, p. 352.
(57) Katalogu għall-Gwida tar-Ristrutturar tal-Industrija (Verżjoni tal-2011) (Emenda tal-2013) maħruġ mill-Ordni Nru 9 tal-Kummissjoni Nazzjonali għar-Riforma u l-Iżvilupp fis-27 ta' Marzu 2011, u emendat f'konformità mad-Deċiżjoni tal-Kummissjoni Nazzjonali għar-Riforma u l-Iżvilupp dwar l-Emendar tal-Klawżoli Rilevanti tal-Katalogu għall-Gwida tar-Ristrutturar tal-Industrija (Verżjoni tal-2011) maħruġ mill-Ordni Nru 21tal-Kummissjoni Nazzjonali għar-Riforma u l-Iżvilupp fis-16 ta' Frar 2013.
(58) Ara l-Premessa (56) tar-Regolament ta' Implimentazzjoni (UE) 2017/969.
(59) It-talba fiha biżżejjed evidenza addizzjonali (l-anness 18 tagħha) ta' distorsjonijiet fis-swieq ta' għadd ta' materja prima użati għall-produzzjoni tal-OCS, bħal: dominanza tal-SOEs fl-industrija tat-tħaffir fil-minjieri taż-żingu, tal-faħam u tal-mineral tal-ħadid u taxxa tal-esportazzjoni ta' 30 % fuq iż-żingu; dominanza tal-SOEs fl-industrija Kimika li tipproduċi ż-żebgħa u prodotti oħrajn ta' kisi kimiku; rati preferenzjali għall-użu tal-elettriku minn għadd ta' produtturi tal-OCS. Ara wkoll ir-Rapport – Kapitolu 16.
(60) Rapport – Kapitolu 14, pp. 375 – 376.
(61) Rapport – Kapitolu 6, p. 138-149.
(62) Rapport – Kapitolu 9, p. 216.
(63) Rapport – Kapitolu 9, p. 213-215.
(64) Rapport – Kapitolu 9, p. 209-211.
(65) Ara l-Premessi 107-126 tar-Regolament ta' Implimentazzjoni (UE) 2015/2013.
(66) Ara l-Premessi 281-311 tar-Regolament ta' Implimentazzjoni (UE) 2017/969.
(67) Rapport – Kapitolu 13, p. 332-337.
(68) Rapport – Kapitolu 13, p. 336.
(69) Rapport – Kapitolu 13, p. 337-341.
(70) Rapport – Kapitolu 6, p. 114-117.
(71) Rapport – Kapitolu 6, p. 119.
(72) Rapport – Kapitolu 6, p. 120.
(73) Rapport – Kapitolu 6, p. 121-122, 126-128, 133-135.
(74) Rapport – Kapitolu 6, p. 121-122, 126-128, 133-135.
(75) Ara l-Premessi 157-215 tar-Regolament ta' Implimentazzjoni (UE) 2015/2013.
(76) Ara l-Premessi 83-244 tar-Regolament ta' Implimentazzjoni (UE) 2017/969.
(77) Data Miftuħa tal-Bank Dinji – Introjtu Medju Superjuri, https://data.worldbank.org/income-level/upper-middle-income.
(78) Jekk ma jkun hemm l-ebda produzzjoni tal-prodott taħt rieżami fi kwalunkwe pajjiż b'livell simili ta' żvilupp, tista' tiġi kkunsidrata l-produzzjoni ta' prodott fl-istess kategorija u/jew settur ġenerali tal-prodott taħt rieżami.
(79) Hija ffirmat iżda ma rratifikatx il-konvenzjoni ta' Stokkolma dwar il-Pollutanti Organiċi Persistenti, li ġiet iffirmata fit-22 ta' Mejju 2001.
(80) Inklużi Tiswijiet u manutenzjoni, Servizzi tas-sigurtà, Assigurazzjoni u Spejjeż tal-uffiċċju kif imsemmija fin-Nota 6 – Il-kost tal-bejgħ, p. 79 tar-Rapport annwali 2017.
(81) Imsemmija fin-Nota 7 – Spejjeż tal-bejgħ, spejjeż ġenerali u amministrattivi, p. 80, u inkluż Introjtu operatorju ieħor (spejjeż) kif imsemmi fin-Nota 9, p. 81 u Introjtu finanzjarju ieħor (spejjeż) kif imsemmi fin-Nota 10, p. 81 tar-Rapport annwali 2017.
(82) Imsemmi fir-Rapporti tal-introjtu kkonsolidati, p. 45 tar-Rapport annwali tal-2017.
(83) Ara, pereżempju, “Global forum on steel excess capacity” (Forum globali dwar il-kapaċità eċċessiva tal-azzar), Rapport ministerjali tal-20 ta' Settembru 2018, https://www.g20.org/sites/default/files/gfsec_ministerial_report_2018.pdf, li fih hija kkonfermata l-kapaċità żejda Ċiniża fis-settur b'mod ġenerali, mill-partijiet kollha, inkluża ċ-Ċina. B'kapaċità tal-azzar ta' 1018,3 miljun MT fl-2017, iċ-Ċina tirrappreżenta l-akbar sehem ta' kapaċità globali (45 %, skont il-paġna 42). It-Tabella 1 tar-rapport turi li ċ-Ċina naqqset il-kapaċità b'10 % fil-perjodu 2014-2017. Il-paġna 51 taqra li ċ-Ċina “stabbilixxiet miri ċari għat-tnaqqis tal-kapaċità żejda, jiġifieri sabiex tnaqqas 100-150 miljun MT tal-kapaċità tal-azzar mhux raffinat mill-2016 sal-2020”.
(84) It-Taqsima 232 Tariffi dwar l-Aluminju u l-Azzar, https://www.cbp.gov/trade/programs-administration/entry-summary/232-tariffs-aluminum-and-steel.
(85) Il-Kummissjoni Ewropea, Direttorat Ġenerali għall-Kummerċ, Direttorat H, Rue de la Loi 170, 1040 Brussell, il-Belġju.
(86) Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU L 193, 30.7.2018, p. 1).