This document is an excerpt from the EUR-Lex website
Document 32017R1276
Commission Implementing Regulation (EU) 2017/1276 of 14 July 2017 approving peracetic acid generated from tetraacetylethylenediamine and sodium percarbonate as an existing active substance for use in biocidal products of product-types 2, 3 and 4 (Text with EEA relevance. )
Regolament ta' Implimentazzjoni tal-Kummissjoni (UE) 2017/1276 tal-14 ta' Lulju 2017 li japprova l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju bħala sustanza attiva eżistenti għall-użu fil-prodotti bijoċidali tat-tipi ta' prodott 2, 3 u 4 (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/1276 tal-14 ta' Lulju 2017 li japprova l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju bħala sustanza attiva eżistenti għall-użu fil-prodotti bijoċidali tat-tipi ta' prodott 2, 3 u 4 (Test b'rilevanza għaż-ŻEE. )
C/2017/4925
ĠU L 184, 15.7.2017, pp. 24–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
15.7.2017 |
MT |
Il-Ġurnal Uffiċjali tal-Unjoni Ewropea |
L 184/24 |
REGOLAMENT TA' IMPLIMENTAZZJONI TAL-KUMMISSJONI (UE) 2017/1276
tal-14 ta' Lulju 2017
li japprova l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju bħala sustanza attiva eżistenti għall-użu fil-prodotti bijoċidali tat-tipi ta' prodott 2, 3 u 4
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (1), u b'mod partikolari t-tielet sottoparagrafu tal-Artikolu 89(1) tiegħu,
Billi:
|
(1) |
Ir-Regolament ta' Delega tal-Kummissjoni (UE) Nru 1062/2014 (2) jistabbilixxi lista ta' sustanzi attivi eżistenti li għandhom jiġu evalwati bil-ħsieb li possibbilment jiġu approvati għall-użu fil-prodotti bijoċidali. Dik il-lista tinkludi l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju. |
|
(2) |
L-aċidu peraċetiku ġġenerat mit-tetraaċetiletilendiammina u mill-perkarbonat tas-sodju ġie evalwat f'konformità mal-Artikolu 16(2) tad-Direttiva 98/8/KE tal-Parlament Ewropew u tal-Kunsill (3) għall-użu fil-prodotti tat-tip ta' prodott 2, diżinfettanti ta' żoni privati u ta' żoni tas-saħħa pubblika u prodotti bijoċidali oħrajn, tat-tip ta' prodott 3, prodotti bijoċidali tal-iġjene veterinarja, u tat-tip ta' prodott 4, diżinfettanti ta' żoni tal-ikel u tal-għalf, kif definiti fl-Anness V ta' dik id-Direttiva, li rispettivament jikkorrispondu mat-tipi ta' prodott 2, 3 u 4, kif definiti fl-Anness V tar-Regolament (UE) Nru 528/2012. |
|
(3) |
Il-Finlandja ntgħażlet bħala l-awtorità kompetenti tal-evalwazzjoni u fis-16 ta' Jannar 2013 bagħtet ir-rapport tal-valutazzjoni flimkien mar-rakkomandazzjonijiet tagħha. |
|
(4) |
Skont l-Artikolu 7(2) tar-Regolament ta' Delega tal-Kummissjoni (UE) Nru 1062/2014, l-opinjonijiet tal-Aġenzija Ewropea għas-Sustanzi Kimiċi ġew ifformulati fit-13 ta' Diċembru 2016 mill-Kumitat tal-Prodotti Bijoċidali, b'kont meħud tal-konklużjonijiet tal-awtorità kompetenti tal-evalwazzjoni. |
|
(5) |
Skont dawk l-opinjonijiet, il-prodotti bijoċidali għat-tipi ta' prodott 2, 3 u 4 bbażati fuq l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju jistgħu jkunu mistennija li jissodisfaw ir-rekwiżiti tal-Artikolu 5 tad-Direttiva 98/8/KE, dment li jiġu ssodisfati ċerti speċifikazzjonijiet u kundizzjonijiet li jikkonċernaw l-użu tagħhom. |
|
(6) |
Għalhekk, jixraq li l-aċidu peraċetiku ġġenerat mit-tetraaċetiletilendiammina u mill-perkarbonat tas-sodju jiġi approvat għall-użu fil-prodotti bijoċidali għat-tipi ta' prodott 2, 3 u 4, soġġett għall-konformità ma' ċerti speċifikazzjonijiet u kundizzjonijiet. |
|
(7) |
Jenħtieġ li jitħalla jgħaddi perjodu ta' żmien raġonevoli qabel sustanza attiva tiġi approvata, sabiex il-partijiet interessati jkunu jistgħu jieħdu l-miżuri preparatorji meħtieġa biex jissodisfaw ir-rekwiżiti l-ġodda. |
|
(8) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali, |
ADOTTAT DAN IR-REGOLAMENT:
Artikolu 1
L-aċidu peraċetiku ġġenerat mit-tetraaċetiletilendiammina u mill-perkarbonat tas-sodju huwa approvat bħala sustanza attiva għall-użu fil-prodotti bijoċidali għat-tipi ta' prodott 2, 3 u 4, soġġett għall-ispeċifikazzjonijiet u l-kundizzjonijiet stabbiliti fl-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Lulju 2017.
Għall-Kummissjoni
Il-President
Jean-Claude JUNCKER
(1) ĠU L 167, 27.6.2012, p. 1.
(2) Ir-Regolament ta' Delega tal-Kummissjoni (UE) Nru 1062/2014 tal-4 ta' Awwissu 2014 dwar il-programm ta' ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).
(3) Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegћid fis-suq tal-prodotti bijoċidali (ĠU L 123, 24.4.1998, p. 1).
ANNESS
|
Isem Komuni |
Isem tal-IUPAC Numri ta' Identifikazzjoni |
Grad minimu ta' purità tas-sustanza attiva (1) |
Data tal-approvazzjoni |
Data tal-iskadenza tal-approvazzjoni |
Tip ta' prodott |
Kundizzjonijiet speċifiċi |
||||||||||||
|
Aċidu peraċetiku ġġenerat mit-tetraaċetiletilendiammina u mill-perkarbonat tas-sodju |
Isem tal-IUPAC: Aċidu perossietanojku Nru tal-KE: 201-186-8 Nru tal-CAS: 79-21-0 Prekursuri:
|
L-ispeċifikazzjoni għal aċidu peraċetiku ġġenerat in situ hija bbażata fuq il-prekursuri tetraaċetiletilendiammina u perkarbonat tas-sodju. Il-purità minima tat-tetraaċetiletilendiammina hija 99,0 % u l-purità minima tal-perkarbonat tas-sodju hija 85,1 % |
fl-1 ta' Jannar 2019 |
fil-31 ta' Diċembru 2028 |
2 |
L-awtorizzazzjonijiet tal-prodotti bijoċidali huma soġġetti għall-kundizzjonijiet li ġejjin:
|
||||||||||||
|
3 |
L-awtorizzazzjonijiet tal-prodotti bijoċidali huma soġġetti għall-kundizzjonijiet li ġejjin:
|
|||||||||||||||||
|
4 |
L-awtorizzazzjonijiet tal-prodotti bijoċidali huma soġġetti għall-kundizzjonijiet li ġejjin:
|
(1) Il-purità indikata f'din il-kolonna kienet il-grad minimu ta' purità tas-sustanza attiva evalwata. Is-sustanza attiva fil-prodott imqiegħed fis-suq jista' jkollha l-istess purità jew purità differenti jekk ikun intwera li teknikament din tkun ekwivalenti għas-sustanza attiva evalwata.